# ليه مايكون عندنا شرطة دينية للقبض على المغازلجية والمغازلجيات في المجمعات !! #

[رهج السنابك]

من الملاحظ في الفترة الاخيرة ومع الطفرة الاقتصادية انفتاح الدولة في كل المجالات ومن ضمنها المجال التجاري مما دعى الى زيادة عدد الاماكن التجارية مثل المجمعات والاماكن السياحية ..

لكن الحاصل وبكل أسف هو تراجعنا من ناحية اجتماعية وابتعادنا عن القيم الفاضله لاسباب كثيرة منها تطور المجتمع لمواكبة التقدم الحضاري وقلة التوعية الدينية والمدارس المستقلة احد الاسباب:secret:

وبكل اسف اصبح الوضع الحالي لا يطاق بسبب كثرة الفتن والمنكرات في كل مكان واصبح الواحد مايقدر يتمتع بشيء بدون منكرات ومعاصي ..

.. انتهت المقدمه وخلني ادخل بالموضوع على طوول

اظن الان اصبحنا بحاجة لوضع حد لتلك المهازل اللي تصير في بلدنا الغالي من امثال التبرج الزائد عن الحد من طرف الفتاة .. وقلة الحياء من طرف الرجل

لذلك خطر ببالي سؤال ووهو لماذا لا تكون لدينا شرطة دينية في المجمعات التجارية تقوم بضبط كل من تسول له نفسه بالتحرش في الفتيات وتحرش الفتيات بالشباب ( الله المستعان ) ..

ويكون من واجب الشرطة الدينية المكونه من رجال ونساء هو القبض على كل فتاة تلبس ثياب قصيرة غير محتشمه وكل فتاة ( مطلعة قذلتها وحاطه كيلو صبغ على وجهها ) كأنها رايحه عرس ويتم تنبيههم بضرورة احترام التقاليد الاسلامية وان لم يكن هناك استجابة يتم التشهير بهم في الجرائد اليومية (مثل الامارات اللي يفحطون ينشرون اساميهم في الجرايد ).. ساعتها صج كل وحده بتخاف تطلع من بيتها وهي مو محتشمه وكل شاب بيخاف يتحرش في اي بنت ..

لان بصراحه طفح الكيل واصبح وضع الشباب الحالي خارج السيطرة وان ماكان فيه رادع لهم الحال بيصير من أردى الى اردى ..

فانا فكرت ليه مايكون في المجمعات مكتب صغير بحيث يتم الابلاغ عن اي منظر غير لائق سواء لفتاة او لشاب عربي او اجنبي الكل لازم يحترم بلادنا ويحترم ديننا قبل كل شيء .. انا سمعت عن العضيد لكن اعتقد ان دورهم لا يذكر والسبب هو عدم تواجد مكاتب لهم في المجمعات بحيث يتم سرعة الاستجابه فضلاً عن ان اكثر الناس مايعرفون ولا سمعوا عن العضيد ولا عن الصلاحيات الممنوحه لهم ..

يمكن البعض يقول الرقابة لابد تكون ذاتية ونابعه من الشخص نفسه لكن انا اقول ان الوضع الان مختلف وماعادت الرقابة الذاتية تنفع وخاصة مع جيل هالوقت شباب الديجتال والبوكيمون فلازم شيء يكون رادع ومخوف لو كل شخص داخل مجمع وفي نيته انه يغازل وكل بنت رايحه وهي نيتها الفتنه بتحسب الف حساب للشرطية اللي بتوقف لها بالمرصاد:vampire:

اشرايكم تؤيدون ام تعارضون ؟؟

[الوعد2016]

المغازلجي صح بس المغازلجيه الكل يصدقها والمشكله تروح للشباب على طوووووووووووووووووول
نعم فيه ناس 24 ساعه مرتزه في المجمعات وبنفس الاستايل من اجل المغازل وهم من يجب ايقافهم ومعاقبتهم قبل المغازلجيه والمغازلجيات
والاهم الشباب الي كل حياتحم في المقاهي علبة ماء وكبتشينو او اي مشروب اخر او مشروبين ويجلس 4 او 6 ساعات يتصيد للبنات ويلحق به رفيقه ويقول انت مطلع على اي وحده وهاد على اي وحده وتسمعهم بصوت علي وهم يتفاخرون بهذا الشي وهي اكبر حماقه تقال لهم

[ra3shat hadab]

اختي .. السجون ما بتكفي.... وين بيحطونهم !!
من جد وصلنا لمرحلة فقدان السيطرة ... وصلنا مليون ونص نسمة .. كل هالسوالف والتفصخ من تحت راس الأجانب وما تقدرين تسوين لهم شي لأن سفاراتهم تحميهم ...

فيه قطريين وقطريات بعد ما راح انقول اننا ملائكة بس لو كنا لحالنا كان عرفنا شلون نتصرف..

اما بالنسبة للمغازل ترا التحريات قايمة بدور وحتى العضيد الله يجزاهم خير ..

بس الوضع اللي احنا فيه الحين خارج عن السيطرة ..

يذكر علي يوم كنت رايحة مسجد السلطان احمد "المسجد الازرق" باسطنبول .. احتراماً للمكان .. كانوا يلبسون السياح المفاصيخ قميص وصروال وسيع (لونه ازرق نفس الهاوس كيبنج) حريم ورجاجيل .. استغفر الله رجاجيلهم اخس من حريمهم ... والله شكلهم كان يضحك وهم مطقمين بالأزرق ....

ظنج لو تطبقت الطريقة هذي عند كل مدخل مجمع بينفع معاهم ؟؟ فيلاجيو مثلا هههه :)


يعطيج العافية اختي

[عاشق الشهادة]

المغازلجي صح بس المغازلجيه الكل يصدقها والمشكله تروح للشباب على طوووووووووووووووووول
نعم فيه ناس 24 ساعه مرتزه في المجمعات وبنفس الاستايل من اجل المغازل وهم من يجب ايقافهم ومعاقبتهم قبل المغازلجيه والمغازلجيات









الوعد ايش رأيك بهذه الصوره ترى هذولا الابطال الله يحفظهم دفعه 1428هجري

http://www.qatarshares.com.qa/data/124/126/storm_1445330666_1753264582.jpg

[الوعد2016]

الوعد ايش رأيك بهذه الصوره ترى هذولا الابطال الله يحفظهم دفعه 1428هجري

http://www.qatarshares.com.qa/data/124/126/storm_1445330666_1753264582.jpg

ما تجيب الا كل طيب يا طيب واهم شي الشعار

[ra3shat hadab]

الوعد ايش رأيك بهذه الصوره ترى هذولا الابطال الله يحفظهم دفعه 1428هجري

http://www.qatarshares.com.qa/data/124/126/storm_1445330666_1753264582.jpg

ما شاء الله عليهم

الله يطرح فيهم الخير والبركة :)

[hemoud123]

شرطه دينيه ؟
يعني هيئه الامر بالمعروف ؟
وبعدين من يسيطر عليهم اذا تجاوزت الشرطه الدينيه حدودها ؟
في يوم من الايام كان في الشارع ما يسمى الرادار البشري وهم شرطه يخالفون حسب المزاج , تأذى الناس منهم
انا غير مؤيد
حدد ايام للعوايل وايام للعام وبس

[رهج السنابك]

المغازلجي صح بس المغازلجيه الكل يصدقها والمشكله تروح للشباب على طوووووووووووووووووول
نعم فيه ناس 24 ساعه مرتزه في المجمعات وبنفس الاستايل من اجل المغازل وهم من يجب ايقافهم ومعاقبتهم قبل المغازلجيه والمغازلجيات
والاهم الشباب الي كل حياتحم في المقاهي علبة ماء وكبتشينو او اي مشروب اخر او مشروبين ويجلس 4 او 6 ساعات يتصيد للبنات ويلحق به رفيقه ويقول انت مطلع على اي وحده وهاد على اي وحده وتسمعهم بصوت علي وهم يتفاخرون بهذا الشي وهي اكبر حماقه تقال لهم

والله يا اخوي هالنوعية من الشباب اللي مرتزين في الكوفيهات وعيونهم رادارات على خلق الله يكسرون الخاطر لانهم طاقة مهدورة .. والعذر اغلب الشباب يقولون طيب وين تبونا نقضي وقت فراغنا !!! لا نوادي رياضية عدله ولا نوادي علمية يقدر الواحد يكتشف مواهبه وتكون على مستوى عالي .. ونهايته مقعد على كرسي في ستاربوكس يشفط في الكابتشينو يقز خلق الله للأسف اصبحت هذي ثقافة في شباب المجتمع ...
كوفي شوب + غترة كوبرا + نظارة شمسة بعز الليل = مغازلجي محترف

وبما ان الموضوع صار ثقافة مجتمع صار لازم نتكاتف عشان نحد من هالشيء والمجتمع ماراح يتغير لين كل فرد بدأ بتغيير نفسه وتغيير طريقة تفكيره .. الوقت والشباب كنز الواحد المفروض مايضيعهم بل يستغلهم في شيء مفيد

احنا مانمنع الشباب يروح كوفيهات ويتمتع شوي بس الممنوع هو استغلال الوقت في المنكرات من القاء نظرات على كل رايحه وجايه ومغازل وترقيم والخ .. يعني الى متى وشبابنا كل همه هالامور السطحية التافهه الى متى الشباب يضيع عمره بدون فايدة لا على نفسه ولا على مجتمعه ؟؟!!

واخيراً شاكرة مداخلتك اخوي الوعد

[بن علان]

لذلك خطر ببالي سؤال ووهو لماذا لا تكون لدينا شرطة دينية في المجمعات التجارية تقوم بضبط كل من تسول له نفسه بالتحرش في الفتيات وتحرش الفتيات بالشباب ( الله المستعان ) ..


المضايقات لها العضيد :victory:

اخوكم ود

[HORK]

انا من وجهة نظري مافي داعي للشرطة الدينيه ابدا

ومن الاكيد سوف نوجد في مجتمعنا مشاكل جديده

نحن بغنى عنها ولا متعودين عليها ولا نبي نتطرق اليها

الافضل تطوير قسم خاص للشرطة النظامية كما الحال مع العضيد

مع سن او استحداث بعض القوانين والصلاحيات

وتفعيل هذه الاقسام بشكل فعلي ملموس لدى الجمهور

ولا بد من توعية الشباب لمخاطر التعرض لمثل هذه التصرفات

وان يعرف الكل في المجتمع ان هذا التصرف مرفوض بتاتا

[mrloverman]

تحية حلوه

البحث عن حل للمشكلة يكمن في أن الحلول ليست جذرية وإنما تأجيليه

وجود شرطة مراقبه أو غيريه لا يمنع أن الفساد كامن وأن الرغبة ما زالت في حريقها

الحل دائما يكمن في التوعية ..

ما فائدتنا من نقل الفساد من الظاهر للباطن
وكأننا نقل فلتفسدوا ولكن من تحت لتحت


المشكلة ليست في وجود الاجانب من غيرهم

لأن الملتزم ملتزم بوجود الاجانب أو بعدمهم
والمحترم محترم هنا أو بأي بلد بالدنيا

وجود هذه الظاهره يدلنا وبوضوح على أن المشكله عميقه وقديمة
وأن الأوليين لم يحلونها من جذرها وإنما كما نحن نطالب الآن بتأجيلها وإخفاءها

قديما كانوا يستعملون الضغط الإجتماعي من أجل جعل هذا الموضوع مستترا
ولهذا ما أن وجدت الحرية وبدأ الإحراج الإجتماعي يتضائل حتى ظهر من خلف
الستار عجيب النساء والشباب

نحن نأجل المشكله ونزيد تفاقمها

المشكلة مرتبطة بأمور كثيرة
أخلاقية مثل التربية والتعليم ودور الآباء والأسرة و الكرم وأحترام الأخلاق الحميدة
والتي لم يعد لها تأثير كبير في المجتمع نتيجة تنامي دور الواسطة
والقيمة الإجتماعية الناتجة عن المال والراحة الإجتماعية نتيجة المنصب
ترك التربية للخدامات اللواتي دجن البنات والبنين بطبائعهن

عمل الشباب والشابات الذي أنتج إستقلالية في شراء ما يريدون من ملابس
وسيارات وقدرة على الخروج بلا سبب ..

هذه الأمور وغيرها تنتج لنا ظواهر مثل هذه الظواهر
والقضاء عليها لا يتم بوضع غرامات ومراقبات وغيرها
وإنما بحل كل جدور المسألة

بخلاف هذا يبقى الأمر فقط عبارة عن حلول لا قيمة لها تزيد من الفوران
وتأجلها فإن ظهرت بعد فترة فلن نرى إلا والشعب قد أستقصرت ثيابهم كبعض دول الخليج الأخرى

[الألماسي]

صعبه يالارستقراطيه " الشرطه الدينيه " . . تبينهم يلحقون على من و يخلون من . .!!

هـالشاميات وبلاد المغرب العـربي و الأسيويات و الانجليزيات هل راح يستثنون من السالفه . .!! <<<< سـؤال برئ جداً :discuss:

انا انصح إن وزير يسنـّــع وزارته و يحفظ أهله لأنه بالنهايه مسؤول امام الله عز وجل عنهم . .

[بـن عدوان]

او نسميها الهيئة مثل السعودية

انا أأيد وجود اي شي بس المهم انه يمنع المغازل والسوالف

شاكر لك طرحك المميز

[الملكة الام]

اختي الارستقراطية






اظن الان اصبحنا بحاجة لوضع حد لتلك المهازل اللي تصير في بلدنا الغالي من امثال التبرج الزائد عن الحد من طرف الفتاة .. وقلة الحياء من طرف الرجل
لذلك خطر ببالي سؤال ووهو لماذا لا تكون لدينا شرطة دينية في المجمعات التجارية تقوم بضبط كل من تسول له نفسه بالتحرش في الفتيات وتحرش الفتيات بالشباب ( الله المستعان ) ..
ويكون من واجب الشرطة الدينية المكونه من رجال ونساء هو القبض على كل فتاة تلبس ثياب قصيرة غير محتشمه وكل فتاة ( مطلعة قذلتها وحاطه كيلو صبغ على وجهها ) كأنها رايحه عرس ويتم تنبيههم بضرورة احترام التقاليد الاسلامية وان لم يكن هناك استجابة يتم التشهير بهم في الجرائد اليومية (مثل الامارات اللي يفحطون ينشرون اساميهم في الجرايد ).. ساعتها صج كل وحده بتخاف تطلع من بيتها وهي مو محتشمه وكل شاب بيخاف يتحرش في اي بنت ..
لان بصراحه طفح الكيل واصبح وضع الشباب الحالي خارج السيطرة وان ماكان فيه رادع لهم الحال بيصير من أردى الى اردى ..
فانا فكرت ليه مايكون في المجمعات مكتب صغير بحيث يتم الابلاغ عن اي منظر غير لائق سواء لفتاة او لشاب عربي او اجنبي الكل لازم يحترم بلادنا ويحترم ديننا قبل كل شيء .. انا سمعت عن العضيد لكن اعتقد ان دورهم لا يذكر والسبب هو عدم تواجد مكاتب لهم في المجمعات بحيث يتم سرعة الاستجابه فضلاً عن ان اكثر الناس مايعرفون ولا سمعوا عن العضيد ولا عن الصلاحيات الممنوحه لهم ..
يمكن البعض يقول الرقابة لابد تكون ذاتية ونابعه من الشخص نفسه لكن انا اقول ان الوضع الان مختلف وماعادت الرقابة الذاتية تنفع وخاصة مع جيل هالوقت شباب الديجتال والبوكيمون فلازم شيء يكون رادع ومخوف لو كل شخص داخل مجمع وفي نيته انه يغازل وكل بنت رايحه وهي نيتها الفتنه بتحسب الف حساب للشرطية اللي بتوقف لها بالمرصاد:vampire:

اشرايكم تؤيدون ام تعارضون ؟؟




اقتراح رائع


مفيد وعملي...


الله ينور عليج ( على قولة اخواننا)


ويعطيج الف عافيه


انا اطالب اولي الامر بالنظر جدياً في هالاقتراح...





اختج العوده


الملكة الام

[الطيبة كلها]

اي عضيد ما مللتونا قلنا لكم ما لهم حس ولا خبر جربتهم مرتين وثلاث ابد ما منهم فايدة

نعم نبي شرطة دينية لنا وللاجانب وانا اول متطوعه انا حاليا بالسعودية احسدهم تحس فعلا بلد اسلاميه مب دول الخليج ايش نفرق عن الغرب باللبس ولا مظاهر الكريسمس والا والا اللي منتشرة عندنا

[نشميّه]

انا مع وجود مراقبه ..
لكن شرطه دينيه ؟ مادري تجربة الهيئه في السعوديه ناجحه( أتوقع ) ولكن في لها سلبيات
ساعات رجال الهيئه يتطاولون على نساء وهم ماسووا شي ..وسمعنا قصص وايد
وبعد ياما شفنا وسمعنا بنات من قطر راحوا السعوديه
متحجبات لكن كاشفات وجيهن وبدون ميك آب .. ويتعرضون لمضايقات
من رجال الهيئه .. ( غطي وجهك يامره ) ! ويصرون على تغطيتها لوجهها !
فإذا المره معاها محرم أكيد بيتضايق من تصرفات رجال الهيئه وبيدخل وياهم في هواش !
نفس اللي في مكه يتهاوشون مع البنات على عبايات الكتف ! مع ان العبايه مب ضيقه ولا شي
بس لانها كتف ! تحصل في هالموضوع وايد لخبطه فـ أنا ما أؤيد الشرطه الدينيه ..
اللي مثل الهيئه .. أؤيد مراقبه بس بطريقة أخرى :)

[حقيقه]

الحل انه كل ولي امر يهتم في بناته وابنائه لانه اذا مافيه رقابه اكيد بيفلتون هالشباب

وكثر الضغط يولد الانفجار
تقولون بالسعوديه الهيئه مضبطه كل الامور وماعندهم نفس اللي اهنا
بس للاسف عندهم بلاوي تصير بالخش بسبب الضغط

مب كل شخص ملتزم باللبس المحترم شرط يكون محترم

[!قطريـة بنت القمـر!]

والله يا اخوي هالنوعية من الشباب اللي مرتزين في الكوفيهات وعيونهم رادارات على خلق الله يكسرون الخاطر لانهم طاقة مهدورة .. والعذر اغلب الشباب يقولون طيب وين تبونا نقضي وقت فراغنا !!! لا نوادي رياضية عدله ولا نوادي علمية يقدر الواحد يكتشف مواهبه وتكون على مستوى عالي .. ونهايته مقعد على كرسي في ستاربوكس يشفط في الكابتشينو يقز خلق الله للأسف اصبحت هذي ثقافة في شباب المجتمع ...
كوفي شوب + غترة كوبرا + نظارة شمسة بعز الليل = مغازلجي محترف

وبما ان الموضوع صار ثقافة مجتمع صار لازم نتكاتف عشان نحد من هالشيء والمجتمع ماراح يتغير لين كل فرد بدأ بتغيير نفسه وتغيير طريقة تفكيره .. الوقت والشباب كنز الواحد المفروض مايضيعهم بل يستغلهم في شيء مفيد

احنا مانمنع الشباب يروح كوفيهات ويتمتع شوي بس الممنوع هو استغلال الوقت في المنكرات من القاء نظرات على كل رايحه وجايه ومغازل وترقيم والخ .. يعني الى متى وشبابنا كل همه هالامور السطحية التافهه الى متى الشباب يضيع عمره بدون فايدة لا على نفسه ولا على مجتمعه ؟؟!!

واخيراً شاكرة مداخلتك اخوي الوعد



الحل انه كل ولي امر يهتم في بناته وابنائه لانه اذا مافيه رقابه اكيد بيفلتون هالشباب

وكثر الضغط يولد الانفجار
تقولون بالسعوديه الهيئه مضبطه كل الامور وماعندهم نفس اللي اهنا
بس للاسف عندهم بلاوي تصير بالخش بسبب الضغط

مب كل شخص ملتزم باللبس المحترم شرط يكون محترم

صحيح الضغط يولد الانفجار ..... ولكن الالتزام باللبس المحترم سببه والمراد به درء الفتنه .... يعني البنت بالذات لو تحشم نفسها بلبسها ما بتطلع عندنا هالظواهر الغريبه العجيبه اللي تخلي الواحد يقول احنا بامريكا مو بقطر من كثر ما بعض الناس ماخذه راحتها ....

الله يعيننا على ما بلانا ويعطيج الف عافيه اختي ارستقراطية على هالفكره الطيبة اللي اشك انها بيوم من الايام يتم تطبيقها والايام كفيلة باظهار الاعظم ....

[نشميّه]

صحيح الضغط يولد الانفجار ..... ولكن الالتزام باللبس المحترم سببه والمراد به درء الفتنه .... يعني البنت بالذات لو تحشم نفسها بلبسها ما بتطلع عندنا هالظواهر الغريبه العجيبه اللي تخلي الواحد يقول احنا بامريكا مو بقطر من كثر ما بعض الناس ماخذه راحتها ....

أختي كاهم في السعوديه الكل عبي راس .. ومتغطيات !
وبلاويهم أكثر من بلاوينا !!!!!!!!!!!!!!
في بنات كاشفات وفي بنات مب محجبات أخلاق أكثر من المتنقبه !
واحنا بنات ونعرف حق بعض :) ! مب شرط المتنقبه دينه أو الكاشفه مب خلوقه أو دينه !
االمسأله تختلف من انسان لأخر , لو كل انسان يحترم نفسه .. ويخلي شره في نفسه
الدنيا بتصير بخير

[!قطريـة بنت القمـر!]

أختي كاهم في السعوديه الكل عبي راس .. ومتغطيات !
وبلاويهم أكثر من بلاوينا !!!!!!!!!!!!!!
في بنات كاشفات وفي بنات مب محجبات أخلاق أكثر من المتنقبه !
واحنا بنات ونعرف حق بعض :) ! مب شرط المتنقبه دينه أو الكاشفه مب خلوقه أو دينه !
االمسأله تختلف من انسان لأخر , لو كل انسان يحترم نفسه .. ويخلي شره في نفسه
الدنيا بتصير بخير


اختلف معاج اختي لان المضمون هو ان الشباب حجتهم لما تقولين لهم ليش تغازلون شوفي شبيقولون لج ؟؟؟ في ناس يقولون ان الشباب يركضون ورى كل شي اسود لكن هذا كلام غير واقعي ولا اساس له من الصحه في اغلب الحالات ولو شفتي بعينج بتحصلين الشباب يركضون ورى نوعية معينه واحنا البنات بنفسنا ننتبه ونلتفت لهم فكيف بالشباب وان جا فرض عليهم بالالتزام بلبس محترم وماله دخل النقاب لو قريتي الكلام الي كتبته اختي الارستقراطية جان عرفتي القصد ممنوع عبايه مخصره واللبس اللي ينافي الاحتشام والالتزام بالعبايه الساتره والتغطيه من الشعر الى كامل الجسم بدون اظهار مفاتن بالعكس مافيها اي شي و منظر جميل لبناتنا وهذا هو المنظر المطلوب والشباب الكثير منهم سوف يرتدع لان حجتهم اختفت وان بقي منهم عدد قليل فسوف يتم ردعهم بما اسمته صاحبة الموضوع بالشرطة الدينية لم نقصد ان نكون مثل الدول المجاوره وانما نضع حدود لبعض المهازل التي تحصل .... هنا المقصد اختي نشمية وبارك الله فيج بس اختي حاولي تقرين الموضوع كامل من البداية لمعرفة المقصد :) ....

[اسعاف]

اذا قبضوا على كل مغيزلجي وامغيزلجية

ستكون مناحة

في كل حي

هذول يبغيلهم

عسوا مبلول في ماي

وتلشط في كل واحد يتعرض للطاهرين والطاهرات

وبعد يكون معاهد مكينة حلاقة

علشان يمسكون الأخوانية من شعورهم وعلى طول زيروووووووووووووووووووووووووو

ايش رايكم في اقتراحي

[theeb_qatar]

ضـــد وبدون اي سبب ...
وكلن عقله براسه ويعرف خلاصه ...
والعيب من الاهل ... وهذا مب حل ...
الخلل من الاهل ولازم يتصلح عن طريقهم ..
مش عن طريق الشرطه الدينيـه ... !!
طيب شالفايده .. نسجن وبعدين ..؟
دام ان الغلط من الاهل ... ماراح تحصلون نتجيه من هالشرطه الدينيه ...
الا سجن وطلع بكفاله .. ولا خاس فالسجن شهر وطلع ورجع حق هالشي وتم يغازل
ويصير عنده هالشي عادي .... @@ ... مامنها فايده الشرطه الدينيـه

انا ضـــد هالشي .. وبقــوه ....

[جوال 11]

فعلا مشكلة تحتاج الى علاج
الشرطة تمنع الأجانب من أرتياد الكورنيش يوم الجمعه ،نقترح باقي الأيام تكون حول المجمعات لأن بعض الشباب يعرقل حركة السير، والأغاني المزعجة تصدر بأعلى صوت من السيارات ، بدون رقيب لكن هذه تربية الخادمات والأهل أخر من يعلم والبعد عن الدين، كنت أنصح أحدهم عن أبنه وكيف يسير بالسيارة وكان يدافع عن الأبن وبعد فترة فقد ابنه بأنقلاب السيارة ووفاة الأبن .

[الـمـحـنـك]

اول شي الموضوع هذا حساس جدا وله سلبيات واجد ونحن كمواطنيين نقف امام هذه الظاهره مكتوفي الايدي وانا اقول من وجهة نظري ان السبب هو نقص الدين في هذا الشباب وفي البنات ايضا والسبب الثاني في هذا الشئ غلا المهور وغلاء السكن وغلاء التكلفه عند الزواج واعتقد ان هذا هو السبب ورى هذه الظاهره المنتشره والشي الثالث هو الانفتاح والتطور امحق تطور وانفتاح :omen2: والمشكله تقع في اولياء الامور اول شئ مقوله تقول العلم في الصغر كالنقش على الحجر لكن شكلهم لا علموهم وهم صغار ولا شي ميري وحليب نيدو :nice: وروضة وبارتي :nice: لكن الله خلق وفرق فيه الزين وفيه الشين فيه الطيب وفيه الخيب وانا احط كل عتبي على الدوله لو ان الدوله مهتمه لهذه الظاهره لكن غابت من زمان عنده ظهورها لكن مافيه اهتمام من الدوله ولافيه تكاتف من اولياء الامور واذا كلمت حد وقلت له ولدك فيه والا بنتك فيها قال لا مربيهم احسن تربيه وانا وانا اخرتها جينز وعبايه ضيقه واخرتها ولده متسكع في المجمعات يركض ورى فلانه وعلانه
الكلام طويل مادري شقول لانه شي يقهر وشي يخوف مستقبلا اخاف الله يعذبنا والسبه هذه الظاهره :rolleyes2:

في الختام اشكرك اختي على الموضوع وارجو من الله عز وجل ان يغفر لنا ويهدينا ويهدي كل مسلم ومسلمه مانملك الا الدعاء

[OTOsan]

تحية حلوه

البحث عن حل للمشكلة يكمن في أن الحلول ليست جذرية وإنما تأجيليه

وجود شرطة مراقبه أو غيريه لا يمنع أن الفساد كامن وأن الرغبة ما زالت في حريقها

الحل دائما يكمن في التوعية ..

ما فائدتنا من نقل الفساد من الظاهر للباطن
وكأننا نقل فلتفسدوا ولكن من تحت لتحت


المشكلة ليست في وجود الاجانب من غيرهم

لأن الملتزم ملتزم بوجود الاجانب أو بعدمهم
والمحترم محترم هنا أو بأي بلد بالدنيا

وجود هذه الظاهره يدلنا وبوضوح على أن المشكله عميقه وقديمة
وأن الأوليين لم يحلونها من جذرها وإنما كما نحن نطالب الآن بتأجيلها وإخفاءها

قديما كانوا يستعملون الضغط الإجتماعي من أجل جعل هذا الموضوع مستترا
ولهذا ما أن وجدت الحرية وبدأ الإحراج الإجتماعي يتضائل حتى ظهر من خلف
الستار عجيب النساء والشباب

نحن نأجل المشكله ونزيد تفاقمها

المشكلة مرتبطة بأمور كثيرة
أخلاقية مثل التربية والتعليم ودور الآباء والأسرة و الكرم وأحترام الأخلاق الحميدة
والتي لم يعد لها تأثير كبير في المجتمع نتيجة تنامي دور الواسطة
والقيمة الإجتماعية الناتجة عن المال والراحة الإجتماعية نتيجة المنصب
ترك التربية للخدامات اللواتي دجن البنات والبنين بطبائعهن

عمل الشباب والشابات الذي أنتج إستقلالية في شراء ما يريدون من ملابس
وسيارات وقدرة على الخروج بلا سبب ..

هذه الأمور وغيرها تنتج لنا ظواهر مثل هذه الظواهر
والقضاء عليها لا يتم بوضع غرامات ومراقبات وغيرها
وإنما بحل كل جدور المسألة

بخلاف هذا يبقى الأمر فقط عبارة عن حلول لا قيمة لها تزيد من الفوران
وتأجلها فإن ظهرت بعد فترة فلن نرى إلا والشعب قد أستقصرت ثيابهم كبعض دول الخليج الأخرى

اعجبني محتوى ردك كثيرا اخي مستر ،،
ولكن يبقى السؤال الذي يطرح نفسه هو حول نقطتك الهامة بقولك ( بحل كل جذور المسألة) ،

الا ترى معي ان هذا الحل مستعص وصعب ؟ وان لم يكن مستحيلا الا ان ظاهره يدل على اننا نتحدث عن جيل قد يأتي بعد هذا الجيل بمراحل كثيره ،
لذا فقد ارتأى الاخوة اعتماد الحلول المؤقتة .. الى حين ميسرة !!

تقبل تقديري واحترامي ،،

[hemoud123]

انا مستغرب من شي
احنا اي ظاهره ما تعجبنا نجيب لها الشرطه
ترى اقول لكم شي : تدخل الشرطه في كل صغيره وكبيره يحول الحياة الى جحيم ولكم في الكثير من الدول اللي ما ابغي اذكرها من تدخل البلد وانت تحت المجهر والشعب كله تحت المجهر , المخطئ وغير المخطئ , الشرطه والمخابارت والمن والمباحث وال وال قائمه طويله
وانتوا يا اخواني واخواتي احمدوا ربكم على نعمة الامن والله الناس تحسدكم عليها ,
ومشكله واحد يغازل وحده او وحده لابسة وتتمشى في مجمع ما اشوف انها تستحق لا شرطه دينيه و لاغيره
امسكوا بناتكم ولا يروحوا المجمعات الا مع اخوانهم او ابائهم وتنحل المشكله
كلمه اخيره
انا الاحظ ما شا الله ان الكل في المنتدى مصلحين ومطاوعه وخيرين وداعين الى الله والى الفضيله
الحمد لله الواحد يحس انه عايش في المدينه الفاضله :secret:

[الفتى]

لم يسعفني الوقت لقرءة كل الردود ولكن قرءة البعض و الموضوع

أنا أؤيد الفكره و بقوهـ نحن بحاجة لمثل هذه الشرطة قبل أن يحل بنا العذاب لكثرة الفسق

قال الله تعالى:" وإذا أردنا أن نهلك قرية أمرنا مترفيها ففسقوا فيها، فحق عليهم القول فدمرناها تدميراً ".

يكفين أن نكون خير أمة

كنتم خير أمةٍ أخرجت للناس تأمرون بالمعروف وتنهون عن المنكر وتؤمنون باللهز

و شكر خاص لصاحب الموضوع

[الهاجري 2]

هذا كله من التجنيس اللي ضيع عاداتنا وتقاليدنا

ولا القطري الاصل المحتشم وعارف العادات والرجوله مايغازل بنات العرب

[طبشور]

صج مطلب رجعي ومتخلف .. أحنا في بلد حر وديمقراطي ويعترف بالرأي الآخروتقول هذا الكلام ..
لايكون تبي ترجعنا لأيام طالبان قطر 1986 أيام الدروع ..
يوم العملية كانت سايبة والخوف مالي البلد من المطاوعه:secret:

[أم حمد]

هذا كله من التجنيس اللي ضيع عاداتنا وتقاليدنا

ولا القطري الاصل المحتشم وعارف العادات والرجوله مايغازل بنات العرب


ههههههههههه


وحنا نتكلم عن من ؟


الا عن لقطري اللي عارف العادات وراعي الرجوله وقليل الدين !!


الا اغلبهم يغازول وماذين خلق الله

ماعاد به رجوله ولا دين

مابه الا اشباه رجوله !!

الواحد ماهمه فالحياه الا ملاحق بنت

والدواره فالسياره حول المجمعات ولا بعد فاتح الدريشه ومطول على المسجل !!


قالوا الاهل !

والاهل بيلاحقون رجاجيل عمارهم من 20 سنه وطالع !!

يبه حرام يبه عيب !!

:rolleyes2:

الا مع القراااااار وبقوه :nice:


نبي رقابه نبي تحريات اي واحد يذي خلق الله فالمجمعات ولا غيره


يمسكونه قدام خلق الله نفس ابوظبي ودبي وسجن على طول ويشهرون فيه فالجريده !!


ويسوووون حمله كبيره ضد المعاكسين !!


قالوا بنات كاشفات !!


مب عذر !!


بكره بقول الخمور متوفر وبروح اسكر !!


وش عذرهم والله متوفره !!


اشدخخخخخخل !!


:rolleyes2:

/



لاهنتيييييييي ومعس بالقو فالقرار


وياريت وزير الداخليه يتخذ قرار صارم ضدالمعاكسين

ولا يرأف بهم اببببببببببد :anger1:


والله صار الامر لا يطاق المراهقين والشباب والمتزوجين والشيبان كلن يطرد ورا صيده !!


:eek5:

[أم حمد]

صج مطلب رجعي ومتخلف .. أحنا في بلد حر وديمقراطي ويعترف بالرأي الآخروتقول هذا الكلام ..
لايكون تبي ترجعنا لأيام طالبان قطر 1986 أيام الدروع ..
يوم العملية كانت سايبة والخوف مالي البلد من المطاوعه:secret:


قول بعد دينا دين رجعي ومتخلف !!


:)

[رهج السنابك]

اختي .. السجون ما بتكفي.... وين بيحطونهم !!
من جد وصلنا لمرحلة فقدان السيطرة ... وصلنا مليون ونص نسمة .. كل هالسوالف والتفصخ من تحت راس الأجانب وما تقدرين تسوين لهم شي لأن سفاراتهم تحميهم ...

فيه قطريين وقطريات بعد ما راح انقول اننا ملائكة بس لو كنا لحالنا كان عرفنا شلون نتصرف..

اما بالنسبة للمغازل ترا التحريات قايمة بدور وحتى العضيد الله يجزاهم خير ..

بس الوضع اللي احنا فيه الحين خارج عن السيطرة ..

يذكر علي يوم كنت رايحة مسجد السلطان احمد "المسجد الازرق" باسطنبول .. احتراماً للمكان .. كانوا يلبسون السياح المفاصيخ قميص وصروال وسيع (لونه ازرق نفس الهاوس كيبنج) حريم ورجاجيل .. استغفر الله رجاجيلهم اخس من حريمهم ... والله شكلهم كان يضحك وهم مطقمين بالأزرق ....

ظنج لو تطبقت الطريقة هذي عند كل مدخل مجمع بينفع معاهم ؟؟ فيلاجيو مثلا هههه :)


يعطيج العافية اختي


اضحكني ردك اختي الفاضله .. لكن عجبني الموقف اللي صار بتركيا رغم انها دولة علمانية !!

ولو قريتي ردي عدل كان عرفتي اني ما اقترحت سجون ولا شيء .. مع ان اللي يغازلون ينافون الاداب العامة ويستاهلون قضية اداب:secret:

انا كان طرحي هو ان يأخذ كل شاب وشابه في حسبانه ان هناك عقاب لمن تسول له نفسه أذية الاخرين والتعرض لهم عن طريق سن عقوبات قد تكون غرامات مالية أو تشهير بهم في الجرائد .. مجرد معرفة اي شخص ان هناك عقوبات وهناك من يراقبه اتوقع لن تسجل ولا حالة واحدة لاشخاص يحملون هذه الشبهه .. المشكله كما ذكرت وذكرتي انتي ان الوضع اصبح خارج السيطرة بمعنى كل طبقات المجتمع اصبحت هذه الظاهره موجوده عنده سواء من شباب او شياب ..ذوي مناصب راقية او عادية .. لأن من تعود يشوف وما ينكر ولا يأمر بالمعروف مع الوقت يصير فيه تهاون ويصبح الامر عاادي ومايخشى على اعراض وحرمات المسلمين والرسول عليه افضل الصلاة والتسليم نهى عن ان يكون الشخص ديوث لا يغار على عرضه ودينه ..

وفقك الله وايانا اختي وشاكرة مداخلتك الرائعة

[رهج السنابك]

شرطه دينيه ؟
يعني هيئه الامر بالمعروف ؟
وبعدين من يسيطر عليهم اذا تجاوزت الشرطه الدينيه حدودها ؟
في يوم من الايام كان في الشارع ما يسمى الرادار البشري وهم شرطه يخالفون حسب المزاج , تأذى الناس منهم
انا غير مؤيد
حدد ايام للعوايل وايام للعام وبس

كيف يعني تتجاوز الشرطة الدينية حدودها ؟؟؟ الشرطة الدينية لن تكون مستقله بل ستكون تابعه اما لوزارة الداخلية او وزارة الاوقاف وستكون مكونه من نساء ورجال .ولها مكاتب في كل الاماكن العامه التي يكثر فيها هذه الظاهره امثال المجمعات التجارية والاسواق اللي يزورها العربي والاجنبي المسلم والمسيحي وكل الطوائف والفئات .. ومافي مجال للمزاجيه هنا :)

كما ان الاشخاص الذين ستولون مهام القيام بضبط ورقابة مرتادوا هذه الاماكن اشخاص حاصلين على دورات ويعرفون كيفيه التعامل مع الفئات المختلفه وينشرون الدور التوعوي الديني ويأمرون بالمعروف ..انا متخيلة الفكرة في بالي وأرى ان تطبيقها سيعود بفوائد كثيره وخاصة ان الاجيال الناشئة بدأ يضعف لديها الوازع الديني واللوم على المدارس أولاً والمجتمع ثانياً

نحن العرب فضاؤنا مفتوح على العالم ويدخل علينا امور ليست من اخلاقنا ولا ديننا وماعاد الابوين لهم القدرة الكافية على التربية السليمة لانهم ايضاً بحاجة الى تربية :) .. انترنت مفتوح وقنوات فضائيه مفتوحه وبالمجان اجناس مختلفة وديانات مختلفه دخلت بلادنا وبقوة .. وعوامل كثيرة افقدتنا السيطرة فلم يعد الاهل ولا الابوان هما المربيان الوحيدان

[رهج السنابك]

المضايقات لها العضيد :victory:

اخوكم ود

وأين هم العضيد ؟؟!!! أسمع طحناً ولا أرى خبزاً :)

[رهج السنابك]

انا من وجهة نظري مافي داعي للشرطة الدينيه ابدا

ومن الاكيد سوف نوجد في مجتمعنا مشاكل جديده

نحن بغنى عنها ولا متعودين عليها ولا نبي نتطرق اليها

الافضل تطوير قسم خاص للشرطة النظامية كما الحال مع العضيد

مع سن او استحداث بعض القوانين والصلاحيات

وتفعيل هذه الاقسام بشكل فعلي ملموس لدى الجمهور

ولا بد من توعية الشباب لمخاطر التعرض لمثل هذه التصرفات

وان يعرف الكل في المجتمع ان هذا التصرف مرفوض بتاتا


أستشف من مداخلتك انك تتفق معي .. مع اختلاف المسميات لكن المضمون واحد .. وهو وجود جهاز رقابي ونظام معين ومن يخالفه يعلم جيداً انه سينال عقوبة ليست بهينه لا تساوي فعلته

فكل شخص سيعلم ان مجرد مضايقته للاخرين سيعرضه لمشاكل هو في غنى عنها وسيلتزم الجميع بالحدود ... وسأضرب مثال عليها قانون المرور منذ رفع قيمه العقوبات اصبح الجميع يخشى الوقوع في المخالفة وأرتدع الكثير لا اقول الكل ولكن الكثير :)

وسأذكر لك موقف صغير في يوم من الايام استقدمنا سائق جديد يادوب يعرف كلمتين عربي وكان الشارع زحمة وفيه مسار جانبي قلت للسوااق ادخل مع المسار الجانبي عشان نشرد من الزحمة .. قال لي لا ماما انا لو ادخل فيه غرامة 500 ريال !! رغم انه جديد ومايعرف قوانين البلد بس وصله الخبر بسرعه لان العقاب صارم :)

الطريف في الموضوع اننا وفي نفس الشارع بعد فترة صرت الاحظ كثير سيارات تتجاوز الخط وتدخل وتطوف مع المسار الجانبي .. فاستغربت معقوله كل هالناس ماتدري ان فيه غرامة !! وبعدين اكتشفت ان الرادار اللي كان محطوط انشال والناس تمشي على مبدأ ن غاب القط العب يا فار :)

[HORK]

أستشف من مداخلتك انك تتفق معي .. مع اختلاف المسميات لكن المضمون واحد .. وهو وجود جهاز رقابي ونظام معين ومن يخالفه يعلم جيداً انه سينال عقوبة ليست بهينه لا تساوي فعلته

فكل شخص سيعلم ان مجرد مضايقته للاخرين سيعرضه لمشاكل هو في غنى عنها وسيلتزم الجميع بالحدود ... وسأضرب مثال عليها قانون المرور منذ رفع قيمه العقوبات اصبح الجميع يخشى الوقوع في المخالفة وأرتدع الكثير لا اقول الكل ولكن الكثير :)

وسأذكر لك موقف صغير في يوم من الايام استقدمنا سائق جديد يادوب يعرف كلمتين عربي وكان الشارع زحمة وفيه مسار جانبي قلت للسوااق ادخل مع المسار الجانبي عشان نشرد من الزحمة .. قال لي لا ماما انا لو ادخل فيه غرامة 500 ريال !! رغم انه جديد ومايعرف قوانين البلد بس وصله الخبر بسرعه لان العقاب صارم :)

الطريف في الموضوع اننا وفي نفس الشارع بعد فترة صرت الاحظ كثير سيارات تتجاوز الخط وتدخل وتطوف مع المسار الجانبي .. فاستغربت معقوله كل هالناس ماتدري ان فيه غرامة !! وبعدين اكتشفت ان الرادار اللي كان محطوط انشال والناس تمشي على مبدأ ن غاب القط العب يا فار :)



الرقابة مطلوبه مع توجية منظم

ولكن الخوف ان تتحول بلادنا الى دوله بوليسية

متشبة ببعض الانظمة في بعض الدول المجاورة

تتدخل فيها انظمة فرعيه او ميلشات غير نظاميه او قانونية

في حيات الناس وخصوصية افراد المجتمع القطري

يجب ان نحافظ على نسبة الحرية من الحكومه للمواطن والمقيم

وفي نفس الوقت يجب ان نفرض احترام العائلات والبنات وبالقانون فقط

دولة قطر دولة مؤسسات وقوانين ودستور واضح وليس هناك مكان للتخويف

وهذا هو رائي الشخصي - مع احترامي لكل ما كتب من جميع الاخوان

[العنود55]

معااج وبقوه ورايي من راي ام احمد صدقوني لو بس امسكوا المغازلجيه وحطوا صورهم بالجرايد كان مابنلاقي لها أثر .

[الهاجري 2]

ههههههههههه


وحنا نتكلم عن من ؟


الا عن لقطري اللي عارف العادات وراعي الرجوله وقليل الدين !!


الا اغلبهم يغازول وماذين خلق الله

ماعاد به رجوله ولا دين

مابه الا اشباه رجوله !!

الواحد ماهمه فالحياه الا ملاحق بنت

والدواره فالسياره حول المجمعات ولا بعد فاتح الدريشه ومطول على المسجل !!


قالوا الاهل !

والاهل بيلاحقون رجاجيل عمارهم من 20 سنه وطالع !!

يبه حرام يبه عيب !!

:rolleyes2:

الا مع القراااااار وبقوه :nice:


نبي رقابه نبي تحريات اي واحد يذي خلق الله فالمجمعات ولا غيره


يمسكونه قدام خلق الله نفس ابوظبي ودبي وسجن على طول ويشهرون فيه فالجريده !!


ويسوووون حمله كبيره ضد المعاكسين !!


قالوا بنات كاشفات !!


مب عذر !!


بكره بقول الخمور متوفر وبروح اسكر !!


وش عذرهم والله متوفره !!


اشدخخخخخخل !!


:rolleyes2:

/



لاهنتيييييييي ومعس بالقو فالقرار


وياريت وزير الداخليه يتخذ قرار صارم ضدالمعاكسين

ولا يرأف بهم اببببببببببد :anger1:


والله صار الامر لا يطاق المراهقين والشباب والمتزوجين والشيبان كلن يطرد ورا صيده !!


:eek5:

اخوي انا ادرس ومعي4 قطريين

والباقي من جنسيات ثانيه

والله العظيم يغازلون بنات البلد هذولا

اما مثل ماقلت ((القطري المحتشم المتربي)) مايسوي كذا

يعني شلون محتشم ومتربي ويغازل ؟؟؟

[أم حمد]

اخوي انا ادرس ومعي4 قطريين

والباقي من جنسيات ثانيه

والله العظيم يغازلون بنات البلد هذولا

اما مثل ماقلت ((القطري المحتشم المتربي)) مايسوي كذا

يعني شلون محتشم ومتربي ويغازل ؟؟؟


اولا اناام حمد <=== مش ابو حمد :nice:


ثانيا ً حنا نتكلم عن اللي عافسين الدنيا ومااذين خلق الله


/


وكلهم عيال قبايل ويعرفون العادات والسنع لكن لادين ولا خوف من رب العالمين !!


اهم شي البنت اللي معذبتتتتتتته وغصب طيب يوصل لها باي طريقه !!


قدام امها ابوها اختها اخوها بكيفهم !!


والله حتى ماقاموا يحشمون اللي حولهم لا حريم لا رجاجيل لا مراهقين لا مكان حتى المكان وربي لو بيشتكي كان اشتكى !!

اصبح الامر عادي كنه شرب الماي !!

وهذا اللي نخاف منه ونقول يالله لاتغضب علينا وبس !!


:anger1:

تقول الاجانب !!


اخوي القطري قبل الاجنبي


ولو القطري البعض هاه <=== حاشم نفسه وحاشم بنات الناس وخايف ربه كان الاجنبي اللي تشوفه متمادي ماتمادى !!


ولا بالذمه في حرم تعليمي برمضان الله يهديه


ولد ناس معروف وبكلاس لاوي على وحده ويبوسها واللي شافهم يحسبون ان انه ماانتبه !!

:secret:

ولا بعد واحد ثاني ويحب <==== ركز هاه يحب اكتشفت حبيبته بالكلاس انه متزوج وتصرخ قدام الطلاب والدكتور يالكذاب ماقلت لي انك متزوج !!!!!!!!!!!

ايش قلة الادب اللي حنا وصلنا لها ايش هالمهااااازل !!

:anger1:


تبي تعرف وين فالشمال الاطلنطي قول بعد الشباب هناك ملتزمين ولا انكر تكفى !!

الا من هداه الله لا تقول عادات وتقاليد وسنع !!

:)


الحين هم الشباب فالحياه مغازل وبس !!

بيموت اذا ماعاش الغرام وشبك مع وحده

ايظا ً الكلام موجه للبنات اللي يفكرون بان فيه عشق وغرام قبل الزواج !!!!!!

وللاسف هذا اللي حاصل

الشباب يلعبون على البنات والبنات اصبح الامر خصوصا ً بعد الانفتاح فالفتره الاخيره عادي عندها تعيش قصة غرام انجحت ماانجحت سيان الامر عندهاااا !!

:playball:

[بن علان]

وأين هم العضيد ؟؟!!! أسمع طحناً ولا أرى خبزاً :)

الخبز في التنور أما العضيد فستجدهم على العناوين التالية:

خدمة ( العضيد ) للإبلاغ عن الظواهر المخلة بالآداب والقوانين في المجتمع القطري.

فاكس : 4255888

أو هاتف : 4947888

أو خدمة الرسائل : 2994

أو بريد إلكتروني : aladeid@moi.gov.qa

ملاحظه1 : سيتم التعامل مع جميع المكالمات والمعلومات بسرية تامة.

ملاحظه2 : الخدمة 24 ساعة.

للتعرف أكثر عن الخدمة زوروا :

http://www.moi.gov.qa/aladeid/Arabic/index.html

[الألماسي]

وحنا نتكلم عن من ؟
الا عن لقطري اللي عارف العادات وراعي الرجوله وقليل الدين !!
الا اغلبهم يغازول وماذين خلق الله
ماعاد به رجوله ولا دين
مابه الا اشباه رجوله !!
الواحد ماهمه فالحياه الا ملاحق بنت
والدواره فالسياره حول المجمعات ولا بعد فاتح الدريشه ومطول على المسجل !!
قالوا الاهل !
والاهل بيلاحقون رجاجيل عمارهم من 20 سنه وطالع !!
يبه حرام يبه عيب !!


:eek5:



ثانيا ً حنا نتكلم عن اللي عافسين الدنيا ومااذين خلق الله
وكلهم عيال قبايل ويعرفون العادات والسنع لكن لادين ولا خوف من رب العالمين !!
اهم شي البنت اللي معذبتتتتتتته وغصب طيب يوصل لها باي طريقه !!
قدام امها ابوها اختها اخوها بكيفهم !!
والله حتى ماقاموا يحشمون اللي حولهم لا حريم لا رجاجيل لا مراهقين لا مكان حتى المكان وربي لو بيشتكي كان اشتكى !!
اصبح الامر عادي كنه شرب الماي !!
وهذا اللي نخاف منه ونقول يالله لاتغضب علينا وبس !!


:anger1:

تقول الاجانب !!


اخوي القطري قبل الاجنبي


ولو القطري البعض هاه <=== حاشم نفسه وحاشم بنات الناس وخايف ربه كان الاجنبي اللي تشوفه متمادي ماتمادى !!


ولا بالذمه في حرم تعليمي برمضان الله يهديه


ولد ناس معروف وبكلاس لاوي على وحده ويبوسها واللي شافهم يحسبون ان انه ماانتبه !!

:secret:

ولا بعد واحد ثاني ويحب <==== ركز هاه يحب اكتشفت حبيبته بالكلاس انه متزوج وتصرخ قدام الطلاب والدكتور يالكذاب ماقلت لي انك متزوج !!!!!!!!!!!

ايش قلة الادب اللي حنا وصلنا لها ايش هالمهااااازل !!

:anger1:


تبي تعرف وين فالشمال الاطلنطي قول بعد الشباب هناك ملتزمين ولا انكر تكفى !!

الا من هداه الله لا تقول عادات وتقاليد وسنع !!

:)


الحين هم الشباب فالحياه مغازل وبس !!

بيموت اذا ماعاش الغرام وشبك مع وحده

ايظا ً الكلام موجه للبنات اللي يفكرون بان فيه عشق وغرام قبل الزواج !!!!!!

وللاسف هذا اللي حاصل

الشباب يلعبون على البنات والبنات اصبح الامر خصوصا ً بعد الانفتاح فالفتره الاخيره عادي عندها تعيش قصة غرام انجحت ماانجحت سيان الامر عندهاااا !!

:playball:



ام حمد الظاهر انكْ تعانين من المغازل في المجمعات . .!!

و المرأه اللي ما تبي كل هـ الإزعاج وحاشمه عمرها و يكون وياها احد اهلها " زوجها , أخوهـا , امهـا " و لا مرت على شباب " صيّع " تنزل عيونها ع الأرض و هي ماشيه مـحد كـفو يتحرش فيها . .

اما البنت اللي داخله المجمع بكامل زينتها و العطر يشمّه اللي باخر الشارع و المشيّه اللي تتمايل فيها و طايحه " خـز " بخلق الله بسبب و من غير سبب . . ما تبين " الصيّع " يتحرشون فيها . .!!!!!

حدثي العاقل بما يعقل و كلنا نروح مجمعات مع اهالينا و من غير اهالينا و عمري ماشفت شخص يتحرش ببنت منا و الطريق و خاصه يكون معاها " زوجها , امها , اخوهـا , عيالها " . . على حـد قولك

[أم حمد]

ام حمد الظاهر انكْ تعانين من المغازل في المجمعات . .!!

و المرأه اللي ما تبي كل هـ الإزعاج وحاشمه عمرها و يكون وياها احد اهلها " زوجها , أخوهـا , امهـا " و لا مرت على شباب " صيّع " تنزل عيونها ع الأرض و هي ماشيه مـحد كـفو يتحرش فيها . .

اما البنت اللي داخله المجمع بكامل زينتها و العطر يشمّه اللي باخر الشارع و المشيّه اللي تتمايل فيها و طايحه " خـز " بخلق الله بسبب و من غير سبب . . ما تبين " الصيّع " يتحرشون فيها . .!!!!!

حدثي العاقل بما يعقل و كلنا نروح مجمعات مع اهالينا و من غير اهالينا و عمري ماشفت شخص يتحرش ببنت منا و الطريق و خاصه يكون معاها " زوجها , امها , اخوهـا , عيالها " . . على حـد قولك


الحمدالله ماني من روادها اليومييين !


وان رحت عشان عيالي ولا عشان غرض انفقعت كبدي من اللي اشوفه !


والكلام اللي كتبته ربي بيحاسبني عليه مب انت !

شي شفته بعيني ولاكتبته من اشوي !!


:)

[أمير الود]

يعطيج العافيه اختي على هالموضع

لكن من وجهة نظري اشوف ان السبب الاول
والاخير البنت

والله العظيم لو البنت كانت محتشمه وواثقه من نفسها
ومش مهزوزه وتضحك حق اللي يسوى واللي مايسوى
ولابسه لبس محتشم وما مخربطه وحاطه الاحمر والاخضر
والاصفر والازرق والله ان مش كفو رجال يلحقها او يعطيها الرقم

لكن اللي صاير البنت تمشي ولابسه عبايه مخصر او لابسه برمودا
وفوقه عبايه وتسوي نفسها ماتدري ان العبايه انفتحت يعني
شوفو البرمودا او لابسه قصير وتدلع بمشيتها وتتمايل يمين ويسار
يعني في ذمتج اذا شافها واحد مراهق عمره 17 او 18 او حتى 20
ايش بيسوي اكيد بيأذيها لين السياره او حتى لين البيت بعد

والمشكله الأكبر ان اتلاقين امها معاها وتسوي هالحركات والام راضيه
ولا تتكلم ولا تقول لها شي

والله العظيم لو البنت تحشم نفسها وتستر نفسها ماراح انشوف ظاهرة
المغازل اللي اذونها فيها واكثر اللوم على الرجل وكأنه البنت مالها خص في شي

وعلى فكره ظاهر العنوسه في ازدياد فوق ما نتصور

[اسعاف]

اولا اناام حمد <=== مش ابو حمد :nice:


ثانيا ً حنا نتكلم عن اللي عافسين الدنيا ومااذين خلق الله


/


وكلهم عيال قبايل ويعرفون العادات والسنع لكن لادين ولا خوف من رب العالمين !!


اهم شي البنت اللي معذبتتتتتتته وغصب طيب يوصل لها باي طريقه !!


قدام امها ابوها اختها اخوها بكيفهم !!


والله حتى ماقاموا يحشمون اللي حولهم لا حريم لا رجاجيل لا مراهقين لا مكان حتى المكان وربي لو بيشتكي كان اشتكى !!

اصبح الامر عادي كنه شرب الماي !!

وهذا اللي نخاف منه ونقول يالله لاتغضب علينا وبس !!


:anger1:

تقول الاجانب !!


اخوي القطري قبل الاجنبي


ولو القطري البعض هاه <=== حاشم نفسه وحاشم بنات الناس وخايف ربه كان الاجنبي اللي تشوفه متمادي ماتمادى !!


ولا بالذمه في حرم تعليمي برمضان الله يهديه


ولد ناس معروف وبكلاس لاوي على وحده ويبوسها واللي شافهم يحسبون ان انه ماانتبه !!

:secret:

ولا بعد واحد ثاني ويحب <==== ركز هاه يحب اكتشفت حبيبته بالكلاس انه متزوج وتصرخ قدام الطلاب والدكتور يالكذاب ماقلت لي انك متزوج !!!!!!!!!!!

ايش قلة الادب اللي حنا وصلنا لها ايش هالمهااااازل !!

:anger1:


تبي تعرف وين فالشمال الاطلنطي قول بعد الشباب هناك ملتزمين ولا انكر تكفى !!

الا من هداه الله لا تقول عادات وتقاليد وسنع !!

:)


الحين هم الشباب فالحياه مغازل وبس !!

بيموت اذا ماعاش الغرام وشبك مع وحده

ايظا ً الكلام موجه للبنات اللي يفكرون بان فيه عشق وغرام قبل الزواج !!!!!!

وللاسف هذا اللي حاصل

الشباب يلعبون على البنات والبنات اصبح الامر خصوصا ً بعد الانفتاح فالفتره الاخيره عادي عندها تعيش قصة غرام انجحت ماانجحت سيان الامر عندهاااا !!

:playball:

انتي متأكده ان هذا يحصل في قطر ؟؟؟؟؟؟؟؟؟؟؟؟؟؟؟؟؟

[hxamad]

صراحه أنا أوافقك الراى وماأوافقك
العملية يبيله كنترول من نفسنا أول شى من الأب والأم وألأخت
ايش أولياء الأمور مايشوفون ويراقبون عيالهم مع من يطلع من يرافج شسوى لما يكون بروحة شيخطط ليش يطلع من البيت عندة حاجة وله بس يلف فى الشوارع وأقصد من الجنسين البنت والولد أذا مافى نتيجة ، يكون هناك رجل أمن وقاضى ونفسانى يكلمون الشخص بهدوء مب مثل ألى صاير فى بلدنا المجاور تقول مطاردة جيمس بوند حتى الواحد يشمئز منهم ودة يضربهم ويعطونة كتيبات شلوون يشغل وقت فراغة ويحدثونة عن الصلاة والقرأن وكيفية أخلاق الرسول كله بهدوء مب بعصبية وضرب وتسحب يدام العالم جنة مسوى جريمة كبيرة
وسلامتكم

[The Watcher]

والشرطة الدينية "إن صح التعبير" .. تبيها تدخل الجامعات وأماكن العمل بعد؟

كم من فضائح سمعناها وشفناها .. اللي يصير في المجمعات مايجي حتى 1% من اللي يصير في الجامعات وأماكن العمل

وأعتقد الكل يدري

الموضوع وايد أكبر من انه تحله شرطة دينية

يبيله حل جذري
مش بس شرطة تقول لللبنت تغطي!!

وجهة نظري