سؤال بخصوص البورش كيان اس

[مضاربه]

السلام عليكم شباب الي عنده تجارب مع البورش كيان يخبرني لاني انا سيارتي توها ماشيه 5000 واشف صوت للسفايف لين اضرب بريك خفيف وغير هذا لم اسخن السياره اشم ريحه اويل وديتها لهم يقولون عادي مادري احس السيرفز عندهم تعبان

[بوجاسم525]

اختي الموتر توه جديد دامه ماشي 5000

والسفايف ماعتقد حاليا انه فيها شي اذا كان استخدامج طبيعي واذا كانت ريلج قويه على السفايف لازم تنتبهين على هذه النقطه لانج كل فتره بتنجبرين انج اتغيرين السفايف كل فتره..


والتشيك الثاني بيكون عقب 10000 كيلوا والسيرفس عندهم ماله حل والموتر مايقعد عندهم يوم او يومين بالكثير مب نفس التويتا والنيسان بالايام..

[مضاربه]

اختي الموتر توه جديد دامه ماشي 5000

والسفايف ماعتقد حاليا انه فيها شي اذا كان استخدامج طبيعي واذا كانت ريلج قويه على السفايف لازم تنتبهين على هذه النقطه لانج كل فتره بتنجبرين انج اتغيرين السفايف كل فتره..


والتشيك الثاني بيكون عقب 10000 كيلوا والسيرفس عندهم ماله حل والموتر مايقعد عندهم يوم او يومين بالكثير مب نفس التويتا والنيسان بالايام..

بالعكس والله اخوي ترى انا استخدامي بسيط للسياره وبريكي بعد خفيف بس السياره مادري شفيها كل يوم يطلع فيها عيب حتى الاويل نقص عندي والسياره توها جديده طرشتها لهم وزادوه

[ANONYMOUS]

طالما تحت الظمان وتسوين السيرفس عندهم لاتحاتين..

انا اتوقع شعورج كإمرأه.. يخليج تحاتين وايد..

خلي اخوج يسوي تيست.. ويعطيج فييد بااك..

[بوجاسم525]

غريبه..انا موتري بورش وجديد والحمدالله ماواجهت نفس هالمشاكل

يمكن لانج ماوديتيه التشيك الاول عقب الف كيلو؟؟

عشان جذي الايل نقص عندج؟؟

واذا الغلط منهم ترى من حقج اتصلحين الي تبينه وابلاش بعد والبورش مايقصرون واذا شافوا الغلط منهم يوقفون وياج

[hamoor4ever]

بورش تعامل صراحه اخس من وكاله التويوتا

[بوحمد111]

انا عندي البورش كيان S مشتراي في شهر يناير 2008 ولين الحين ما طلع عندي اي صوت من السفايف اللهم اذا وقفت السيارة مدة طويله يطلع الصوت مع الممشى ولمدة قصيرة ويختفي وعن السيرفس بصراحه Top Top مافيه مقارنه مع التيوتا اللي عشت معاهم المآسي والويلات وشغلهم بدون ذمه ولا ضمير وعادي يغيرون قطع الغيار الأصليه بالتجاريه وحصلت معاي شخصياً

[مخاوي اليل]

هلا اختي ...
المشكله الي تعنين منها ...
على ما أظــن ان رمــل او اي شــي يكون عالق بين السفايف و الدرام ويــل وهذا شي بسيــط ..لما تودين السياره التشيك قولي لهم وهم بينظفون السفايف والدرام ويل

[HEART_LION]

في الغسيل بيروح رمل لان ماعتقد 5 الاف سفايف

انا عندي بورش والحمد لله ماشي سوء استخدام بس

[مضاربه]

الله لايخليني منكم اخواني بس الصوت الي اسمعه صوت تصفير مب صوت غبار عالق شدعوه يبين لم اضرب بريك اسمع الصوت ولم اشيل ريلي من على البريك واخلي السياره تمشي بنفسها من غير مادوس على البنزين اسمع صوت التصفير والاويل نقص في 5000 مع اني مطرشتها لهم يوم خلصت 1000 احس الوكاله تعبانه وكلامهم اكثر من فعلهم وكاله الكزس على الزحمه الي عليهم ارحم بالف مره بالقليله يطرش لك السياره نظيفه مب مثل ذيلا يقولون شيكناها وهم مالمسوها مالي الا انتظر لين 10000 واشوف اخرتهم مادري احس السياره سببت لي قلق نفسي توها من اولها جذي

[Um Sultan]

الله لايخليني منكم اخواني بس الصوت الي اسمعه صوت تصفير مب صوت غبار عالق شدعوه يبين لم اضرب بريك اسمع الصوت ولم اشيل ريلي من على البريك واخلي السياره تمشي بنفسها من غير مادوس على البنزين اسمع صوت التصفير والاويل نقص في 5000 مع اني مطرشتها لهم يوم خلصت 1000 احس الوكاله تعبانه وكلامهم اكثر من فعلهم وكاله الكزس على الزحمه الي عليهم ارحم بالف مره بالقليله يطرش لك السياره نظيفه مب مثل ذيلا يقولون شيكناها وهم مالمسوها مالي الا انتظر لين 10000 واشوف اخرتهم مادري احس السياره سببت لي قلق نفسي توها من اولها جذي


في هذي صدقتي .. وديتها لهم عشان سيرفز خذت يومين وطرشوا لي السياره مغبره من داخل وحالتها حاااله ووصخه وحاطين لي في الفاتوره 40 ريال كار كير

شكله الكار كير عندهم ان حد يحرسها بس

[مستثمر 999]

بسيطه

بيعيها واخذي لكزس

عموما اختي يعتمد على فحصج للايل

اشلون عرفتي ان الأيل ناقص لان الايل يتشيك اول الصبح وقبل تشغيل السياره

احسن شي تروحين التيسير وتخلينهم يشيكون الايل

وبالنسبه للريحه اذا سيارتج تيربو فهذا شي عادي لان تبريد المكينه يكون عن طريق الايل

اما اذا من غير تيربو فتكون الريحه من تحت السياره مثل الشكامين والسلنسرات والدبات الخ الخ

وبالنسبه للصوت ممكن شراء معصار ب 20 ريال خاص لتلميع وتمليس الدسكات

[مضاربه]

بسيطه

بيعيها واخذي لكزس

عموما اختي يعتمد على فحصج للايل

اشلون عرفتي ان الأيل ناقص لان الايل يتشيك اول الصبح وقبل تشغيل السياره

احسن شي تروحين التيسير وتخلينهم يشيكون الايل

وبالنسبه للريحه اذا سيارتج تيربو فهذا شي عادي لان تبريد المكينه يكون عن طريق الايل

اما اذا من غير تيربو فتكون الريحه من تحت السياره مثل الشكامين والسلنسرات والدبات الخ الخ

وبالنسبه للصوت ممكن شراء معصار ب 20 ريال خاص لتلميع وتمليس الدسكات

اخوي مايبيلها مفهوميه اعتقد ان الحين فيه شاشات توضح لك اذا الاول ناقص او اي عطل في السياره

[HEART_LION]

اخوي مايبيلها مفهوميه اعتقد ان الحين فيه شاشات توضح لك اذا الاول ناقص او اي عطل في السياره

يعني معقوله ايل ينقص في 5 الاف؟ اكيد فيه عطل في المكينه

انا عندي تيربو ومسابق وماينقص قبل 10

وبالنسبه للصوت الظاهر سفايف اذا مثل ماتقولين وهذا يعتمد على السواقه والبريك

وبالتوفيق

[فهد قطر]

اختي مضاربه بيعي الموتر افضل شكل احد معطي موترك عين واذا بياعه انا شراي

[نيساني]

اختي مضاربه بيعي الموتر افضل شكل احد معطي موترك عين واذا بياعه انا شراي




بل ما شاء الله عليك خلصت الموضوع :) اختي في تشيكة ال10000 قوليلهم عن الموضوع بس يبيلهم العين الحاره وانج ماتبين السياره وحطيهم بين خيارين يايصلحونها او يبدلونها:anger1:

[مضاربه]

بل ما شاء الله عليك خلصت الموضوع :) اختي في تشيكة ال10000 قوليلهم عن الموضوع بس يبيلهم العين الحاره وانج ماتبين السياره وحطيهم بين خيارين يايصلحونها او يبدلونها:anger1:

والله مايبيلهم الا جذي بس تبديل ماظنتي بيبدلونها بيقولون سؤ استخدام مع اني معتنيه بسيارتي وايد ولا من كثر طلعاتي الله كريم ان شاءالله

[مضاربه]

يعني معقوله ايل ينقص في 5 الاف؟ اكيد فيه عطل في المكينه

انا عندي تيربو ومسابق وماينقص قبل 10

وبالنسبه للصوت الظاهر سفايف اذا مثل ماتقولين وهذا يعتمد على السواقه والبريك

وبالتوفيق

ياخوي لاتخرعني مايمديني اتهنى فيها عيني ماصلت على النبي بالنسبه البريك انا اصلا ماسرع ولا اروح بر بريكي جدا عادي

[HEART_LION]

ياخوي لاتخرعني مايمديني اتهنى فيها عيني ماصلت على النبي بالنسبه البريك انا اصلا ماسرع ولا اروح بر بريكي جدا عادي

روحي بعد مره وخل يشيكون عليها

واذا تكررت المشكله شوفي الخطأ من وين

ويعطيج خيرها ويكفيج شرها

[سلمان_1]

السلام عليكم

بالنسبة لصوت السفايف فاحتمال كبير يكون رمل او غبار داش السفايف وهذا شي طبيعي و لا تحاتين.

اما بالنسبة للزيت ... يمكن يوم غيروا الزيت ما ركبوا (( فلتر الزيت )) عدل
لأنه اذا ما تركب الفلتر عدل بيتسرب الزيت على الكزوز ( الشكمان) خصوصاً عند السرعات المتوسطة والعالية. وبديهياً بينقص الزيت.

وعشان تتأكدين : امشي في طريق سريع بسرعة 80 أو اعلى لمدة 10 دقايق بعدها انزلي من السيارة وشيكي ، اذا كانت ريحة الزيت قوية فمعناته في تسرب في الزيت.
ولازم اتودين السيارة حالاً للوكالة للتشيك.

[ANONYMOUS]

مابي اصدمج

لازم تغيرين المكينه والبطاريه والليت الامامي يمين ,, واعتبري امورج خالصه

[HEART_LION]

مابي اصدمج

لازم تغيرين المكينه والبطاريه والليت الامامي يمين ,, واعتبري امورج خالصه

ههههه

الله يسامحك

شدخل هالامور في الموضوع

خلاص شكلها باعت الموتر من بعد الرد

[مضاربه]

شباب لين الحين انا مشكلتي مع صوت السفايف وديتها لهم قالو بس فيها غبار عالق علما اني ماروح بر مشي في شوارع الدوحه بس نظفوه لي وراح الصوت بعد اسبوع رجع ولا ادري شسوي بس الا كل يوم موديتها ينظفونها الي عنده حل يقول لي لان سيارتي توها تحت الضمان

[بوالنوف]

بالنسبه لي وعن تجربه الفردان والمناعي أحسن اثنين في المعامله صراحه

انا وديت سيارتي سيرفس عالمناعي ومن شروطهم ان مايعطونك سياره الا اذا سيارتي بتتأخر اكثر من 3 ايام ومع ذلك عطوني همر ,,,, والفردان بعد معاملته حلوه يجيك لين البيت وياخذ سيارتك عالسيرفس ويرجعها في البارك وكل على البريك داون...

لكن التيوتا سالفه,,, اخوي كان عنده لكزس أكبر حجم من الصالون .. حلو؟ .. حلو.

وداها السيرفس عقب ماعدت 1000 وعلى أساس ان بيسلمونه السياره ثاني يوم.
أخوي قالهم مب مشكله متى ماتخل تخلص. أول ماتخلص أتصل انا مب مستعجل عليها.
ثاني يوم اتصلوا فيه وقالوا له تعال استلم سيارتك خالصه (هاي الصبح).
راح العصر الا سيارته معلقه !!!! دخل عالمدير قال ان شاء الله في الليل تستلمها..
عاد اخوي حمق وقاله إذا خلصت اتصل واذا ماخلصت لا تتصل.
ثاني يوم العصر قالوا له خالصه ويوم راح نفس الشي نطر ربع ساعه عشان يخلصون منها.
وأول ماستلمها على طول على الوكاله ويرجع الموتر عليهم.
وراح شراله أكس 5 آخر موديل ومستانس من المعامله والجوده وسرعة التخليص


واعذروني عالاطاله بس أنفعلة.....

[بو عبدالرحمن السهم]

احسن حل علشان ترتاحين غيري السفايف والله يعينج

[Mansour_qa]

عادي بدلت عندهم درام ويلات وسفايف والصوت عاده موجود هذا بعد 15000 ألف كيلو ..

ويوم جيكتها آخر مرة بدلت السفايف الخلفية راح الصوت ..

السيرفس عندهم لج علية ولازم تشدين شوي عليهم ..

[مضاربه]

احسن حل علشان ترتاحين غيري السفايف والله يعينج

شلون ابدل السفايف على حسابي قصدك السياره توها ماشيه 7000

[q6ri_vip]

غريبه والله المفروض يغيرون لج السفايف مع الدرامويلات جداد وعلى الضمان هذا هو المفيد ومن الأخر.

مثل ماصار معاي X5 2008 من خذته ليومج ماوديته لاتغيير ايل ولا شي طلع صوت في الدرامويل والموتر ماشي 14 الف اتصلت فيهم وجو للبيت وخذوه وردوه لي مع تغيير الدرامويلات والسفايف كلهم على الضمان ولمدة 6 ساعات من 11 الظهر ماخذينه 4 ونص الموتر في البيت .

مثل وكالة الفردان ماشفت بصراحه مافي مقارنة .

الله يعينج أختي ومثل ماقلت لج المفروض يغيرون السفايف مع الدرامويلات لانه عيب مصنعي أتصير وايد .

[مضاربه]

غريبه والله المفروض يغيرون لج السفايف مع الدرامويلات جداد وعلى الضمان هذا هو المفيد ومن الأخر.

مثل ماصار معاي X5 2008 من خذته ليومج ماوديته لاتغيير ايل ولا شي طلع صوت في الدرامويل والموتر ماشي 14 الف اتصلت فيهم وجو للبيت وخذوه وردوه لي مع تغيير الدرامويلات والسفايف كلهم على الضمان ولمدة 6 ساعات من 11 الظهر ماخذينه 4 ونص الموتر في البيت .

مثل وكالة الفردان ماشفت بصراحه مافي مقارنة .

الله يعينج أختي ومثل ماقلت لج المفروض يغيرون السفايف مع الدرامويلات لانه عيب مصنعي أتصير وايد .

اخوي انت بنفسك قلتها الفردان لكن هذيلا يتلاعبون بالالفاظ وان الموضوع عادي ويحصل في بعض السيارات قلت لهم وش الحل ماخليت حد ماكلمته من اصغرهم لين اكبرهم تدري وش قالو عادي كل ماسمعتي الصوت وديها الوكاله ينظفونها يعني بصراحه معامله ولا في اسؤ منها
شكلهم مايبون زباين بهذي المعامله