المساعد الشخصي الرقمي

مشاهدة النسخة كاملة : تبي تشتري البنك البريطاني الاسلامي خلال يوم ولا يومين ؟ تفضل معانا


عزيز
29-03-2005, 01:50 AM
االسلام عليكم ياخوان

يوم فتحت حساب وقدمت طلب في بنك الدوحه من تاريخ 14/2 لين قبل يومين توني مسكر الحساب وسحبت طلبي لانه ماتنفذ من الضغط الشديد

اليوم كنت بالبنك الاهلي فرع اشارات رمادا وخذت اوراق فتح الحساب بس بافتح حساب مره ثانيه وبقدم الطلب وعلي طول بيشترون لي ووعدوني خلال يوم ولا يومين والي اكد علي كلامهم انه بنك الدوحه ماعنده الا بروكر واحد في بريطانيا بس البنك الاهلي عنده 7 بروكر وتقدرون تروحون وتتأكدون وتسألون بانفسكم والله يشهد اني ماسوي دعايه للبنك ولا شي بس حبيت الخير لكم والله مثل مافدوتني وايد في المنتدي وزدتو معلوماتي في الاسهم والله يجزيكم خير ياخوان والسموحه طولت عليكم بس لين رحتو اسالو عن واحد اسمه سامر وهو راح يفيدكم والله ماقصر معاي اليوم في هالموضوع

اخوكم العزيز :)
عزيز
29-03-2005, 01:56 AM
واحب ازيدكم من الشعر بيت

البنك الاهلي حاليا قاعد يجهز قاعه تداول قسم للرجال وأخر للحريم في نفس المكان الي بتروحون تشترون منه الاسهم العالميه وهو يتاجر بالاسهم المحليه بعد ويبيع ويشتري لكم بالتلفون نفس المجموعه بالضبط وانا وايد عجبني الموضوع لانه ماعندهم ضغط نفس المجموعه والاوامر تتنفذ بسرعه وسألته انه عندي اسهم بالمجموعه لو بحولهم عليكم كم تاخذون ؟قال ماناخذ شي بس تروح للمجموعه وتقولهم يحولون اسهمك فوق (الظاهر قصده لأداره السوق) وبس انت كلمني وانا بسوي لك كل شي.. بصراحه كلامه وايد عجبني وقال تحويل الاسهم بدون فلوس

بس احب انبه علي معلومه ياخوان بالنسبه حق فتح حساب للأسهم العالميه لازم يكون اقل شي 10 الاف دولار بس تقريبا 36500 ألف ريال بس تاكدت منه انه تقدر مثلا تشتري اسهم ببالمبلغ الي تبيه مثلا 10 ولا 20 الف والفلوس الباقيه الي بحسابك تقدر تسحبها لك او تتركها بالحساب هاالشي راجع لك

وارجو اني افدتكم والسموحه طولت عليكم
شخبوط
29-03-2005, 02:54 AM
السلام عليكم اخوي
بالنسبة لقاعة التداول اللي بيجهزونها للأهلي بيحطون فيها سيستم على النت على طول يعني تداول عن بعد وللا شلون لانه ملينا من الطريقة البدائية
عزيز
29-03-2005, 03:06 AM
وعليكم السلام اخوي شخبوط

انا شفت عده كمبيوترات حاطينهم في غرفه كبيره وانا مادري بصراحه اذا قصدك تداول عبر الانترنت ولا لا بس ماعتقد التداول بالنت اظن انه لما تشوف سعر يعجبك تروح تقول للبروكر وهو مكانه بالغرفه الي جنب غرفه التداول

هذي ظني انا اخوي ومب متأكد بالضبط شقصدك من سؤالك والسموحه علي القصور والله

اخوك العزيز:)
قطر
30-03-2005, 12:33 PM
يعطيك العافيه اخوي

وجزاك الله الف خير


بشرنا اذا شروا لك :)
بوناصر-قطر
30-03-2005, 01:15 PM
الله يجزيكم خير ان شاء الله

على الاقل تخف الزحمه من بنك الدوحه

وبصراحه البنك مصخوها تطلب وتنتظر لين يشترون لك بالاسابيع... الا يحصلون اقل الاسعار

اذا المشتري يقولهم سعر السوق ... المفروض يشترون على طول
عزيز
30-03-2005, 02:49 PM
السلام عليكم

مشكورين اخواني علي مروركم الكريم وجزاكم الله خير

اليوم للأسف ماقدرت اروح البنك الدوام احكروني يوم طرشت ولد عمي ماقصرو جهزو الاوراق وطلب الشراء وكل شي بس ناقص توقيعي في الاوراق وينفتح الحساب واحط الشيك فيه واوقع طلب امر الشراء ويشترون لي علي طول

بكره الخميس شكلي بشرد من الدوام خخخخخخخخخخخخخخخخ

والله انقهرت اليوم لما سمعت انه وصل سعر السهم خمس ريال و بالاصح 90 بنس تقريبا شبقي علي الباوند ؟؟ايه علي السهم يوم كان علي 25بنس واانا كل يوم أأجل وأأجل ودخلت فلوسي في بورصه الدوحه وبالاخير فوت علي فررصه ذهبيه والله

بس الله كريم ان شاء الله وان شاءالله اعوض خير يارب واتمني لكم الاستفاده ياخوان

اخوكم العزيز :)
THE END
30-03-2005, 03:42 PM
محد ياخذ غير رزقه
مغروور قطر
30-03-2005, 04:09 PM
صحيح كلامك 100%
قطر
30-03-2005, 05:29 PM
الحمدلله ماشروا لك اليوم

ابيك اتشوف التذبذب اللي صار له

شي عجيب اغرب من بورصتنا حتى

http://www.w6w.com/w6w.php?pic=453476

:eek:
الآفاق
30-03-2005, 06:00 PM
يا شباب ارجوووووووووووووووووو الاجابه ضروري البنك البريطاني الاسلامي شنو اسمه بالانجليزي ورمزه بالتداول ,,,,,,,,,,,,,,,,,,,,,,,,,,, ولكم فائق الحترام والتقدير
عمران
30-03-2005, 06:18 PM
اخوي :::::::: قطر::::::::: اشلون فتحت هذي الصفحه ؟؟؟؟؟؟؟؟؟؟؟؟؟؟

وشكرا للكل على النصيحه::::::::::::::: بس الحين نشتري ولا انحط فلوسنا في بورصتنا؟؟؟؟؟؟؟؟؟؟
adel abutaleb
30-03-2005, 06:21 PM
Islami british bank
adel abutaleb
30-03-2005, 06:25 PM
عفوا ( Islamic British Bank ) اليوم السعر 84 بنى
عليان
30-03-2005, 07:07 PM
Go to yahoo search

http://www.yahoo.com

press finance And put ibb.L and start search او اكتب

http://finance.yahoo.com


( put in the search bar ( ibb.L
عزيز
30-03-2005, 07:29 PM
ااخوي قطر صدقت والله شلون نزل بهالقوه ؟؟

والله احترت ياجماعه هالسهم صاير اغرب من سهم المواشي؟؟

الله يكتب الي فيه الخير ان شاء الله
أحسينوه
30-03-2005, 08:20 PM
شكرا ً لك أخوي / عزيز .. على هالخبريه الحلوه .. بكره بدري تلاقيني راز وجهي عندهم :d

عسى بس نخلص ... بدل زحمة بنك الدوحه .. ذلـّونا ع السهم .

أقول البنك الأهلي ما يفتح فالليل ؟

================
عزيز
30-03-2005, 08:27 PM
العفو اخوي احسينوه

والله مادري بالضبط اخوي بس تقدر تتصلهم الصبح وتسألهم اخوي وتقدر تاخذ رقمهم من 180


واي شي حاضرين اخوي :)
cappuccino
30-03-2005, 09:52 PM
انا اليوم رحت بنك الاهلي .. وسالتهم عن المبلغ الي ابيه قالولي الي يريحك يعني ما في شروط حلو .
والاحلى من جذيي ان شريت الاسهم بعد ساعتين من فتح الحساب بس عيبهم انهم ما يعطون ويه خلاني ربع ساعه جذي لين ما ارتفع السهم جدامي :( بس احسن من بنك الدوحه
THE END
30-03-2005, 09:53 PM
الحمدلله ماشروا لك اليوم

ابيك اتشوف التذبذب اللي صار له

شي عجيب اغرب من بورصتنا حتى

http://www.w6w.com/w6w.php?pic=453476

:eek:


السلام عليكم قطر

هذا السهم تشتريه وتشوفه في الاسبوع مره ولا في الشهر مره لانه ما يصلح للمضاربه مع البنوك الموجوده عندنا الا اذا عن طريق الانترنت


تحياتي
قطر
30-03-2005, 11:11 PM
الافاق

اسمه باختصار IBB.L

هلا عمران
من خلال الياهو تقدر اتشوفه
http://finance.yahoo.com/q?s=IBB.L

وتقدر اتشوف الصفقات وحجمها بس لازم اتسوي رفريش عن طريق
http://www.londonstockexchange.com/en-gb/pricesnews/prices/system/detailedprices.htm?ti=IBB

بالنسبه للشراء او اتحط فلوسك في بورصتنا
انا اقول اشتره وانساه بس اصبر شوي يمكن ينزل اتوقع ينزل
لان الناس الحين رافعه سعره من كثر الطلبات

بعد شهر اتوقع ينزل

او انك تشتري وتبيعه او ماتشوفه ينزل كانه مضاربه

وترجع تشتريه اول ماينزل
====================
عزيز

السهم فيه مضاربات قوية

ووالله لو احصل موقع في النت ممتاز للمضاربه كان طلعت لي باذن الله في اليوم اقل شي 30 الف ربح


==================

المبتدئ والله يصلح

بس لوعندك حد مثل ((فلالالالان)) في بنك الدوحة ماابي اذكر اسامي

بس هذا واحد فنان في المضاربات وكل له وحق ربعه

طبعا قطري والله ايزيده دام عنده الفرصة وزين منه ايفيد ربعه معاه ومعارفه :)


هلا بكم
الجزيرة
31-03-2005, 12:35 AM
............ ذبحونا الى فى بنك الدوحه ... يتهم امس قلتلهم صارلى سبوعين محد اتصلى قالى بعد يبيلك اسبوعين

.......... بصراحه شى يقهر

باكر بروح لهلى وبشوف لى حل معاهم
qatar_moon
31-03-2005, 01:03 AM
انا من متى وابي اشتري فيه بس مادري ليش الكسل

انزين ماقدر اشتري عن طريق بنك قطر الوطني؟؟
عزيز
31-03-2005, 12:58 PM
والله مايندري اخوي قطر بس بصراحه كلامك صحيح اشوفه كله ينزل مايرتفع واليوم اشوف سعره مابين ال70_75 بني والله يستر يرتفع ولا ينزل؟؟


ااخواني مشكورين علي مروركم الكريم

اختي قطر مون اتصلي فيهم وقوليلهم ابي قسم الاسهم العالميه واعتقد يشترون لج بس تأكدي اقل شي تفتحين حساب كم ؟

حياكم
الآفاق
01-04-2005, 08:47 PM
مشكورين يالربع على المعلومات ,,,,,,,,,,,,,,,,,,, الله لا يهينكم
عزيز
02-04-2005, 04:27 PM
اختي قطر مون اعتقد في بنك قطر تقدرين تشترين بس لازم تفتحين حساب ب 20 ألف دولار ومب متأكد من هالمعلومه بس خذتها من واحد من اعضاء المنتدي في احد مواضيعه والافضل انج تتأكدين بنفسج اختي وان عرفت شي بخبرج ان شاء الله :)

يسلمو اخوي الآفاق ومشكور علي مرورك الكريم وحياك اخوي :)
الشقيان
11-04-2005, 08:03 AM
الله يجزيكم خير ان شاء الله
عزيز
11-04-2005, 11:33 AM
الله يسلمك اخوي الشقيان والله الاخوان ماقصروو فادوكم اكثر مني ويعل الخير والتعاون ماينقطع عنكم ياخوان :)
أبو محمد
12-04-2005, 09:35 PM
أتوقع السعر المناسب هو P45 ,,,,,, محد ياخذ غير نصيبه ;)
الطرف الخجول
13-04-2005, 12:23 AM
[/u]والله صحيح كلامك (عزيز) انا اليما الحين متبهدله مع بنك الدوحه وسالفة فتح الحساب وسارلي اكثر من ثلاثة اسابيع وانا موقعه استمارت طلب فتح الحساب وطلبت منهم يشترون الي الاسهم بمبلغ معين بس لين الحين محد رد علي ولما سئلتهم عن تاخير قالو في ضغط على طلب هذي الاسهم وحنا نشتري بدور لنه في ناس كثيره قبلي طالبه والكميه محدوده من الاسهم عندهم والله يستر لين يوصل دوري يرتفع سعر السهم وماقول الا يالله يارب يسر ولا تعسر