من هي المتسوله التي تدور هذه الايام نسمع قصتها

[اهل قطر]

تقول محدثتي

اليوم طرقت بابي احدى الاخوات ، وقالت انا جارتك جئت لازورك , سئلتها انت من اي بلد قالت انا من مكه
وزوجي يعمل فيشركة المناعي
ولي في قطر 17 سنه
تقول كان كلامها يدل على الصدق
ضيفتها وجاذبتها اطراف الحديث واعتذرت منها انها اتت بلا موعد
ثم قالت لها بعد الزياره
انا عندي ضروف وساغادر الى مكه لان زوجي توفي وعمره 37 سنه
من السرطان

وعندي ايتام وصاحب البيت لم يسامحنا عن باقي الايجار وهو فقط 1600 ريال

وان عدد من الداعيات قد جمعوا لي في محنتي واخجل ان اذهب لهم مرة اخرى
واني اليوم العصر ساغاد
وماعندي وقت ولا شيء ابيعه
وما جيتك الا انتي
تقول سئلتها اي بيت ساكنه بالضبط ووصفت البيت
بعد خرجها تقول اتصلت بالاخت الداعيه وانكرت اي معلومات عنها
وقالت لها ان اسمها ام محمد الانصاري ومن المدينه المنوره وزوجها من القصيم
لهجتها خليط بين اللهجه الخليجيه مع العراقيه

كان هذا في وقت الصباح

وعند المساء سمعنا انها في منطقة ابوو هامور وبنفس القصه وفي كل بيت

يا جماعه انشروا القصه وحذروا اهلكم المهاتكم
وومكن تجي بقصص ثانيه

[مجنون قطر]

جزاك الله خير على التنبيه وهذي القصه موب اول مره تصير صارت في كذا منطقه ومن جنسيات ثانيه

[الخفي]

مافيه داعي تشهريين فيها حتى لو عطتيها وهي كاذبه اجرك وصل فالصدقه تقع في يد الله قبل ان

تقع في يد المحتاج لذلك اعطيها ومافيه داعي تفتحين موضوع عشان تقولين هذي كذابه ان كانت كذابه

بتجي يوم القيامه وليس في وجهها نزعه لحم وان كانت صادقه فهي تستحق الصدقه وانتي اسأتي الضن بها

والكثيير من الناس للاسف يعطي المسكين لكن بعد ان ينهره ويشكك فيه ويذله فالرسول صلى الله عليه

وسلم يقول اعطي السائل وان كان على فرس فاجعلي الصدقه بينك وبين الله

[غناتي1]

الله يجزاج خيييير على التحذير

[اهل قطر]

يا اخي الكريم المتحدثه لي عن الموضوع ما ذكرت انها عطتها
والقصه انا سامعتها
ولكن ما يصير تدخل بيوت الناس كلها بهذي الطريقه

[مزيون الدوحه]

بصراحه مب عارف شاقول
ومايحتاج ننشر اسمها لانها
بتغيره من بيت لين بيت
ياماتكلمنا عن هالفئه من الناس
وحذرنا منها لاكن العيب الي فينا
الطيبه الزايده .
والله يعوض عليكم واعتبروها
صدقه ولكم أجرها ان شاء الله

[اهل قطر]

مافيه داعي تشهريين فيها حتى لو عطتيها وهي كاذبه اجرك وصل فالصدقه تقع في يد الله قبل ان

تقع في يد المحتاج لذلك اعطيها ومافيه داعي تفتحين موضوع عشان تقولين هذي كذابه ان كانت كذابه

بتجي يوم القيامه وليس في وجهها نزعه لحم وان كانت صادقه فهي تستحق الصدقه وانتي اسأتي الضن بها

والكثيير من الناس للاسف يعطي المسكين لكن بعد ان ينهره ويشكك فيه ويذله فالرسول صلى الله عليه

وسلم يقول اعطي السائل وان كان على فرس فاجعلي الصدقه بينك وبين الله
اخي الكريم لو تركنا الامر هكذا لضاعت البلاد
والصدقه لها طرقتها والمستحق له الحق في المساعده
ولكن ان يستغل الطيبين من بلدنا بهذه الطريقه ما يجوز

[اهل قطر]

بصراحه مب عارف شاقول
ومايحتاج ننشر اسمها لانها
بتغيره من بيت لين بيت
ياماتكلمنا عن هالفئه من الناس
وحذرنا منها لاكن العيب الي فينا
الطيبه الزايده .
والله يعوض عليكم واعتبروها
صدقه ولكم أجرها ان شاء الله

مثل ما قلتوا ما يعتبر تشهير لانه اسم مستعار

[مـراحـب]

أهل قطر

يعطيك العافية على الطرح ، ، لأنه السالفة مصخت ووايد

المخفي

اانا بقول شي صار لنا ، ،
الموهم في أحد الأيام جتنا وحدة لبنانيه ، ، ونفس الكلام ايجار وما ايجار
والمؤجر رفع السعر ونبغي نسافر وتذاكر
وامي الله يعطيها العافية عطتها المقسوم ( مبلغ مش قليل )
اوكي ما اختلفنا وجات اليوم الثاني تبغي زيادة ( شدعوه قاعدين على بنك )
وصارت كل يوم تجينا اي وقت وصارت تدرعم علينا لا أحم ولا دستور
واذا مالقتنا في البيت تقول حق الخدامة ابغي ادخل اشرب ماي
وذاك اليوم جاتنا على الـ 12 بالليل شنو هااي ووين قااعدين

وبعدين تدخل خالي وهاوشهاا وافتكينا منهاا

ونفس السالفة صارت لي في المستشفى الأهلي ، ،
وحدة من الامارات تلقتني عند المواقف وامسكت يدي وبصراحه انا خفت منها
وانتوا اهل قطر وفيكم الخير والكرم ومن هالكلام ، ،
وابوي مسوي عمليه ومن هالكلام

فالواحد لازم يأخذ الحذر منهم
اذا الواحد على سبيل المثال يعطيهم 5 قالوا 10
واذا 10 قالوا 100 وهكذاا

[اهل قطر]

تصوروا اليوم بس لو كل بيت بين خمسميه وميتين والف والي عنده نخوه المبلغ كامل
كم تطلع في اليوم 30 او 40 الف
وكل حد يحسبها بس عنده , هذا استغلال صراحه

[بوخالد911]

هلا

انا لي أسلووبي الخاص في التعامل مع هالموااقف

هو :


اسئلها انتي من ووين؟

أي بلد ؟

وبعد ما ترد علي

اقوول : رووحي سفارة بلادج ولا بتصل بالشرررطة يبهدلووونج ويقطوونج بالسجن

:omg::eek5::omg:
فعلى طووول تشررررد


سوووا مثلي بلييييز
:nice:
ولا تستحوووون كلللش

شاللي مضيعنا غير الطيبة ال+ (( الزايدة ))

:nice::victory::victory::nice:

[اهل قطر]

هلا

انا لي أسلووبي الخاص في التعامل مع هالموااقف

هو :


اسئلها انتي من ووين؟

أي بلد ؟

وبعد ما ترد علي

اقوول : رووحي سفارة بلادج ولا بتصل بالشرررطة يبهدلووونج ويقطوونج بالسجن

:omg::eek5::omg:
فعلى طووول تشررررد


سوووا مثلي بلييييز
:nice:
ولا تستحوووون كلللش

شاللي مضيعنا غير الطيبة ال+ (( الزايدة ))

:nice::victory::victory::nice:

صدقت يا ابو خالد

[Riku3]

الطرد من عند الباب هو جوابي النهائي لاي واحد عنده قصه " حزينة " ..... هناك مؤسسات وجهات خيرية كثيرة في بلد العطاء قطر واهلها مب مقصرين في التبرع لهذه الجهات .

اذكر مره كانت الوالده تكلم وحده دخلتها الخدامه من الباب وكانت تشكيلها الحال بنفس الطريقة .... وقفت وقتلها توكلي على الله على المؤسسات الخيرية الا تعصب علي ومب عاجبها ... طردتها طبعاً بس استنجدت بأمي علشان تكسر خاطرها بس بالنهاية طردتها ..

صج امي كانت ناوية تعطيها مبلغ ولو بسيط ولكن لازم مانسمح لهم بأستغفالنا ولو بريال واحد .

تسلم على التحذير :] .

[NEMO]

هلا

انا لي أسلووبي الخاص في التعامل مع هالموااقف

هو :


اسئلها انتي من ووين؟

أي بلد ؟

وبعد ما ترد علي

اقوول : رووحي سفارة بلادج ولا بتصل بالشرررطة يبهدلووونج ويقطوونج بالسجن

:omg::eek5::omg:
فعلى طووول تشررررد


سوووا مثلي بلييييز
:nice:
ولا تستحوووون كلللش

شاللي مضيعنا غير الطيبة ال+ (( الزايدة ))

:nice::victory::victory::nice:

:nice:

[alwahesh]

جزاك الله خير على التنبيه

[nor85]

احنا من ثلاث اياه جاتنا وحده ومعاها ياهل رضيع المشكله يدخلون عليك لين داخل اخذوا الحذر منهم ممكن يسرقون اي شيء من البيوت

[بوخالد911]

احنا من ثلاث اياه جاتنا وحده ومعاها ياهل رضيع المشكله يدخلون عليك لين داخل اخذوا الحذر منهم ممكن يسرقون اي شيء من البيوت

الحل هو تسكروون الباب + اتباع اسلوبي في التعامل مع هالموااقف

:victory::victory::victory:

[NEMO]

بسبب انتشار ظاهرة التسول في البلاد قامت وزارة الداخلية متمثلة بإدارة البحث الجنائي( قسم مكافحة التسول) بفتح باب لتلقي شكاوي المواطنين والمقيمين لتقديم بلاغات ضد المتسولين على مدار الســ24ــاعة من خلال خطوط الهواتف المخصصة لتلقي البلاغات وهي (4823812-4714222-4714220) وعلى الفاكس (4714256)

(أتمنى من جميع الأعضاء أنهم يستفيدون من الأرقام)

[كلنا قطر]

جات عندنا قبل أسبوع بالظبط
ودشت عند الوالدة وقالت أنه زوجها توفى بالسرطان وقالت أنها عراقية
وتبي تسافر والوالدة صدقتها وعطتها المقسوم

[الراهب]

هم مش عراقيات ذول سوريات من المناطق اللي على حدود العراق
واعتقد اللي عطوهم جناسي من فترة بسيطه

[أم حمد]

تقول محدثتي

اليوم طرقت بابي احدى الاخوات ، وقالت انا جارتك جئت لازورك , سئلتها انت من اي بلد قالت انا من مكه
وزوجي يعمل فيشركة المناعي
ولي في قطر 17 سنه
تقول كان كلامها يدل على الصدق
ضيفتها وجاذبتها اطراف الحديث واعتذرت منها انها اتت بلا موعد
ثم قالت لها بعد الزياره
انا عندي ضروف وساغادر الى مكه لان زوجي توفي وعمره 37 سنه
من السرطان

وعندي ايتام وصاحب البيت لم يسامحنا عن باقي الايجار وهو فقط 1600 ريال

وان عدد من الداعيات قد جمعوا لي في محنتي واخجل ان اذهب لهم مرة اخرى
واني اليوم العصر ساغاد
وماعندي وقت ولا شيء ابيعه
وما جيتك الا انتي
تقول سئلتها اي بيت ساكنه بالضبط ووصفت البيت
بعد خرجها تقول اتصلت بالاخت الداعيه وانكرت اي معلومات عنها
وقالت لها ان اسمها ام محمد الانصاري ومن المدينه المنوره وزوجها من القصيم
لهجتها خليط بين اللهجه الخليجيه مع العراقيه

كان هذا في وقت الصباح

وعند المساء سمعنا انها في منطقة ابوو هامور وبنفس القصه وفي كل بيت

يا جماعه انشروا القصه وحذروا اهلكم المهاتكم
وومكن تجي بقصص ثانيه


كذالك فيه وحده شغاله بعد على منطقة بني هاجر


وكذا وحده اشتكت منها !!!


وادعت على قبيله معروفه ويوم اعرفوا انكروا !!


:rolleyes2:

[أم حمد]

هم مش عراقيات ذول سوريات من المناطق اللي على حدود العراق
واعتقد اللي عطوهم جناسي من فترة بسيطه


اتفق معك اغلبهم سوريات نور


لكن ايش الحل بالذمه امسكها واتصل على الشرطه ؟


وتصير سالفه فالمنطقه ؟


:telephone:

[hemoud123]

اختي انا مستغرب
اي وحده تدق الباب على طول نقولها تفظلي , هذا كلام مايجوز , احنا مب في قطر قبل 20 او ثلاثين سنه انتي في قطر الالفيه الثالثه وخصوصا الخمسة عشر سنه الماضيه قطر دخلها اشكال واصناف اللهم يا كافي ويستغلون طيبة وغشامة الناس, ووصلت الى درجة ان رجال يلبسون لبس حريم ويحاولون يدخلون البيوت , او حريم يدخلون علشان يستطلعون البيت من فيه ومن مافيه ويمررون المعلومات لرجال يجون يكملون المهمة , اسئلوا في مراكز الشرطه عن الحوادث اللي تصير حتى تقتنعون , وسبحان الله فيه جنسيه معينه انتشرت في البلد ونشرت معاها الفساد والجرائم
المهم خلوا عنكم الطيبه الزايده وخلكم واقعيين , وما تدخل بيتي الا انسانه اعرفها وبس

[اهل قطر]

جزاكم الله خير على مروركم
تقول الاخت تم الاتصال بالعضيد وابلغهم
وقالوا لها تتصل لو تكررمن اي متصوله بهم فورا

[غدير البورصه]

هذا عندكم في قطر
انا في دبي قبل العيد كنا انا وخواتي وبنات جيرانا وامهاتنا قاعدين في حوش لبيت والحوش ورا الفله كان الوقت عقب المغرب وكنا فارشين الزوالي وعندنا دلالنا وقهاوينا والخير كله ومستانسين.
دخلن علينا بنات ثنتين وعندهم بنت عمرها سبع سنين احنا تعجبنا لانا مانعرفهم ولان كيف عرفوا ان احنا قاعدين في الحوش المهم ان احنا ضيفناهم وقهويناهم .
قالت البنت العوده احنا جينا الامارات على حساب برنامج المساعدات الي من عند محمد بن راشد وعالجنا بنتنا الي تشوفونها الحين وقالت بنتنا كانت ما تمشي والحين مشت وووووووو.
المهم قالت نبي نسوي لبنتنا تصوير للعمليه الي في بطنهاومحتاجين 2500 علشان نطمن اكثر قبل لانرجع العراق .قالت لنا ان عندها تذاكر العوده للعراق لاكن فلوس التصوير ما تملكهم.
المهم حطينا له المقسوم وبنات الجيرانا راحوا بيوتهم ويابوا الي الله قاسمه لهذي البنت.

والله العظيم يوم خذت مظاريف الفلوس عطتني المظاريف وقالت انتي حسبي لي كم كل الفلوس الي جمعتوها لنا
قلت لها انا ما بفتح الظروف وخلاص هذا الي الله رزقج به
لاكنها رفضت وقالت يمكن ما يوفي المبلغ قلت لها :يا بنت الحلال بيوفي وبيزيد قالت لاالحين فتحي الظرف وحسبي لاني ما اعرف احسب الفلوس .
انا سكت ولا رديت عليها يوم شافت محد راضي يحسب الفلوس اهي فتحت الظروف وحسبت حصلت 9000ريال او درهم اماراتي ضحكت وصاحت وقربت علي وحبتني وحبت كل الي حاضرات ودعت لنا بالخير والله يستجيب لدعاها ان شالله .ظهرت من بيتنا فرحانه اهي والي معاها
احنا قلوبنا طيبه ولا نقدر نميز بين الصادقه والكاذبه .
بنتها كسرت خواطرنا .
وانا اشوف انها تطلب وتسوم ويها احسن من انها تسرق او تبيع نفسها بالرقص والغنا ولا شي غير.
وسلامتكم سامحوني علىطول السالفه.

[>الخسرانة<]

الله يجزاج خير اختي
فعلا صار شي مع خالتي تقريبا مشابه بس ماادري نفس المره والا غير
اللي صار ان دخلت بيتهم وشافت ولد خالتي فالحوش وسالته شنو اسم امك انا جارتكم والمسكين قال لها ام فلان ودخلت وسلمت وقالت دلتني عليج وحده اسمها ام محمد وهي جارتكم وفجأه قعدت تصييييييييييح وتقول لخالتي ابوس ريووولج وتطيح عالارض((قمة التصنع)) راحت خالتي وطلعت المقسوم بس قبل ماتعطيها قالت تعالي انا وانتي بنروح بيتج عشان اطرش لج اغراض زيادة وقالت لها المره اووكي بس بروح شوي وارجع وطلعت ولارجعت وولد خالتي شاف سياره يات وخذتها وفعلا كانت تقول ابي اكمل المبلغ اللي عندي عشان اسافر بلادي
ويااخي الكريم صحيح ان الصدقة في يد الله بس في ناس اولى بها ويمكن هالنوعيه مااتستعملها فالخير يعني الواحد يحاول يسوي اللي عليه والباقي على الله

[مستثمره جديده]

ظاهرة التسول اكثرت هالفتره من قبل جنسيات عربيه معينه ...

من كم يوم كنت رايحه مكتبة جرير ابي اشتري لاب توب وشفت واحد من اخوانا يستفسر

من الفلبيني عن لاب توب معين ويسأل عن اعداداته والخ ..... المهم رحت فوق صوب الكتب وجاني

نفس الشخص اللي شفته صوب اللابتوبات وجاني يطلب المساعده ويقول ان ولده بيسوي عمليه في

المخ وانه منوم وحالته خطيره ومب قادرين يسوونها له لان ماعندهم المبلغ كامل وان اللي باقي لهم

من المبلغ 2000 ريال بس ! .. قلت له انت مب توك كنت عند قسم اللابتوبات وكنت تسأل الفلبيني عنها

وانكر انه هو المهم ماعطيته شي لاني عارفه انه كذاب وانا متاكده انه هو اللي شفته

ويوم شافني صديت عنه قال لي الله لايعطيكم العافيه يا اهل قطر شو انتوا بخلاء قلت له لو مب

خير قطر عليك جان ماصرت كبر العيل الحين بتصل في الشرطه يشلونك ويسفرونك ويعلمونك منهم

اهل قطر وما شفت الا غبرته ..

[اناقه]

خواتي سالفة المرة اللي تدور على البيوت والله العالم اذا كانت تدعي او صادقه صار لها تقريبا سنه

واخبر يوم جاتنا قالت انها بتسافر عقب صلاة العشا و حصلت المقسوم

المراد عقبها باسبوع تقريبا نشدتنا جارتنا عنها قلنا لها مسكينه سافرت من اسبوع راحت حق اهلها

قالت توها امس مارة بيت اهلي وقالت لهم نفس القصه ( وفاة زوجها بالسرطان و هو توه في عز شبابه .. الخ )

اخواني و اخواتي

اجر الصدقه ينحسب عند رب العالمين مب ضايع

ماله داعي الواحد عقب ما يعطي و يسمع انها مب محتاجه انه يسب و يلعن و يقول ليتني ما عطيت

انت عطيت لوجه الله و حصلت الاجر وهي اللي رب العالمين بيحاسبها على كذبها حساب عسير في الدنيا و في الاخره

بس عندي ملاحظه بسيطه : ماله داعي التشهير بالاسامي لان اللي سامت وجهها عند اكثر من بيت .. بيت يعطي و بيت يطرد مب من الصعب عليها استعارة اسم اي وحده و تشهر بها في بيوت خلق الله

ودمتم بود