ابوالجازي
01-01-2009, 08:03 PM
ايه بالله اخطوا والخطا اللي جابهم عين الصواب
مبطي وانا اشوف الطمع يكشف رداهم واستره
مايملي عيون الحسود بهالزمن غير التراب
ومن لايتوب من الخطا تحرم عليه المعذره
اللي من اولها خراب اكيد تاليها خراب
والبندق اللي ماتثور في هدفها تذعره
ودك اليامن جاتك الغلطه من الناس القراب
الصاحب اللي ماكسبت محبته ماتخسره
مشكلتي اني ماعرفت احسب لصدتهم حساب
قلطتهم صدري على ذكري قصيد وحنجره
صوت يصول فمنبره وخطاب مامثله خطاب
والطيبه اللي زعزعت صوت الخطيب ومنبره
مافيه دمعٍ صوبوه احبابي بوجهي وخاب
ولا زرق حزني على غالي ولا فج نحره
كل الزهاب اللي معي ذكرى من اصحاب الزهاب
واللي بقالي من عذاب اشرس طريقي واخطره
لاني تجنبت الغرق عديت من فوق السحاب
لان اكثر اصحابي ورق ماشفت للطيب ثمره
والله ماحطيت بين الحقد والخوه حجاب
حتى غدوا ربعي يحدوني على الضيق اشكره
البارحه ثارت علي رقاب وراوتني رقاب
البارحه ياثقل دم البارح ويامحقره
اهب ياوجه الحسد وشلون جمعهم وغاب
كيف السنين اللي عطتني بعثرتهم بعثره
اثر المصايب ماتجيك الا من الناس القراب
وبهالزمن حتى الخوي اللي تثق فيه احذره
لابارك الله في رفيق تزعله كلمة عتاب
ولاجمع الله الرجال اللي تفرقهم مره
عودت نفسي كل ماشددت لليمه ركاب
ماصد وجهي عن طريق الا لياجبت اخبره
الصاحب اللي مايجي من صحبته غير العذاب
نذر علي ان ماهجرني ولاانا اللي بهجره
من يفتح لفرقاي باب افتك له عشرين باب
واذا خويي مايقدر خوتي مااقدره
ان روحوا فانا بري منهم ليوم الحساب
وان جرحوا قولولهم ماحركوا فيي شعره
شفهم لهم حول السنه ولاخذوا مني جواب
احسن دوا للي يحاول يستفزك تحقره
انا جمعت اوراقهم بكتاب واغلقت الكتاب
ياوقت لم اللي تلمه وانثر اللي تنثره
ماكنت احاتيهم صغير عاد احاتيهم شباب
ان ما ذخرني صاحبي لليوم الاسود ماذخره
عقب اكتئاب البارحه ماعاد انا حمل اكتئاب
الطيب جرجرني وانا ماني بناقص جرجره
اللي يخاف من الظما يترك لنا طرد السراب
واللي مهب قد الظلام ووحشته لايسهره
انا تجرعت العطش لين احترق وجهي وذاب
انا كسرت بخاطري قبل الصداقه تكسره
انا خسرت اللي غيابه غير عن كل الغياب
انا غفرت لعالم ماتستحق المغفره
انا اكثر انسان تعلم من كثر مااخطى واصاب
انا اخر انسان يتكلم في زمان الثرثره
انا القصيد اللي نزع من دفتره مليون ناب
وانا الوحيد اللي جمع مليون ناب بدفتره
جفني وجرحه السهرحيلي وهدته الصعاب
دمعي هدر ضحكي ندر عمري وضيعت اكثره
شيبت بعقول العرب هيبت روس ماتهاب
جمهرت ناس عمرهم مايعرفون الجمهره
ماصرت ذيب الا لان اللي حواليني ذياب
ماكنت اغيب الا لان العفو عند المقدره
ترى حلاتك لاحملت لصاحبك كلمت عتاب
اما نطقت ابها بوجهه ماتذمه بظهره
في هالزمن مايملي عيون الحسود الا التراب
ولا الحضيض الطلقه اللي ماتصيبه تذعره
ودك اليا من جاتك الغلطة من الناس القراب
الصاحب اللي ماكسبت محبته لاتخسره
حامد زيد
مبطي وانا اشوف الطمع يكشف رداهم واستره
مايملي عيون الحسود بهالزمن غير التراب
ومن لايتوب من الخطا تحرم عليه المعذره
اللي من اولها خراب اكيد تاليها خراب
والبندق اللي ماتثور في هدفها تذعره
ودك اليامن جاتك الغلطه من الناس القراب
الصاحب اللي ماكسبت محبته ماتخسره
مشكلتي اني ماعرفت احسب لصدتهم حساب
قلطتهم صدري على ذكري قصيد وحنجره
صوت يصول فمنبره وخطاب مامثله خطاب
والطيبه اللي زعزعت صوت الخطيب ومنبره
مافيه دمعٍ صوبوه احبابي بوجهي وخاب
ولا زرق حزني على غالي ولا فج نحره
كل الزهاب اللي معي ذكرى من اصحاب الزهاب
واللي بقالي من عذاب اشرس طريقي واخطره
لاني تجنبت الغرق عديت من فوق السحاب
لان اكثر اصحابي ورق ماشفت للطيب ثمره
والله ماحطيت بين الحقد والخوه حجاب
حتى غدوا ربعي يحدوني على الضيق اشكره
البارحه ثارت علي رقاب وراوتني رقاب
البارحه ياثقل دم البارح ويامحقره
اهب ياوجه الحسد وشلون جمعهم وغاب
كيف السنين اللي عطتني بعثرتهم بعثره
اثر المصايب ماتجيك الا من الناس القراب
وبهالزمن حتى الخوي اللي تثق فيه احذره
لابارك الله في رفيق تزعله كلمة عتاب
ولاجمع الله الرجال اللي تفرقهم مره
عودت نفسي كل ماشددت لليمه ركاب
ماصد وجهي عن طريق الا لياجبت اخبره
الصاحب اللي مايجي من صحبته غير العذاب
نذر علي ان ماهجرني ولاانا اللي بهجره
من يفتح لفرقاي باب افتك له عشرين باب
واذا خويي مايقدر خوتي مااقدره
ان روحوا فانا بري منهم ليوم الحساب
وان جرحوا قولولهم ماحركوا فيي شعره
شفهم لهم حول السنه ولاخذوا مني جواب
احسن دوا للي يحاول يستفزك تحقره
انا جمعت اوراقهم بكتاب واغلقت الكتاب
ياوقت لم اللي تلمه وانثر اللي تنثره
ماكنت احاتيهم صغير عاد احاتيهم شباب
ان ما ذخرني صاحبي لليوم الاسود ماذخره
عقب اكتئاب البارحه ماعاد انا حمل اكتئاب
الطيب جرجرني وانا ماني بناقص جرجره
اللي يخاف من الظما يترك لنا طرد السراب
واللي مهب قد الظلام ووحشته لايسهره
انا تجرعت العطش لين احترق وجهي وذاب
انا كسرت بخاطري قبل الصداقه تكسره
انا خسرت اللي غيابه غير عن كل الغياب
انا غفرت لعالم ماتستحق المغفره
انا اكثر انسان تعلم من كثر مااخطى واصاب
انا اخر انسان يتكلم في زمان الثرثره
انا القصيد اللي نزع من دفتره مليون ناب
وانا الوحيد اللي جمع مليون ناب بدفتره
جفني وجرحه السهرحيلي وهدته الصعاب
دمعي هدر ضحكي ندر عمري وضيعت اكثره
شيبت بعقول العرب هيبت روس ماتهاب
جمهرت ناس عمرهم مايعرفون الجمهره
ماصرت ذيب الا لان اللي حواليني ذياب
ماكنت اغيب الا لان العفو عند المقدره
ترى حلاتك لاحملت لصاحبك كلمت عتاب
اما نطقت ابها بوجهه ماتذمه بظهره
في هالزمن مايملي عيون الحسود الا التراب
ولا الحضيض الطلقه اللي ماتصيبه تذعره
ودك اليا من جاتك الغلطة من الناس القراب
الصاحب اللي ماكسبت محبته لاتخسره
حامد زيد