المساعد الشخصي الرقمي

مشاهدة النسخة كاملة : اقرأ قصتي الجزء الاول يمكن تساعدك



al_rahy2003
13-12-2005, 12:10 AM
السلام عليكم

هذا قصتي من اول ما فكرة ادش الاستثمار في قطر


القصة: طبعا انا اول مرة اسافر بروحي ولا عمري سافرت وانا خلصت الاجراءات بروحي المهم البداية وانا في البحرين دشيت على موقع سوق الدوحة للأوراق المالية ولا افهم فيه ولا شىء بس بعدين مع الوقت عرفت فيه 80% من من الشغلات لاني جديد في عالم الاسهم
المهم حصلت لي صديقي شجعني وعلمني 70% من الاعمال من عرض وطلب وكمية والرومات وباقي الشغلات الي خبركم
ظليت مع السوق بس افتحه واكتب الاسعار والكمية بعد ما سويت لي محفظة وهميه كاني خلصت صرت خبير كل يوم بس اقعد واشوف التداولات لمدة تقريبا 6 شهور
وبعدها زهقت من الوهمية ونويت مع توكلي على الله اني ادش بالحقيقة
اول شغله سويتها صرت ادور على وسيط فتحت على الموقع على صفحة اسئلة واجوبه ودشيت على اسماء شركات الوساطة واتصلت فيهم كلهم
وبصراحة افضل وسيط حصلت منه الترحيب مكتب بنك الدوحة للوساطةمكتب بنك الدوحة للوساطة وكانت الاستاذه غادة في المكتب اهي الي كلمتني وشجعتني اكثر بتعاملها الحسن مع الناس والنفس الطيبه والنفس الطويل الي تملكه هاذي الموظفة الخلوق.
المهم اتصلت لها كذا مرة وجهزت روحي للسفر وانا حدي متوتر واسوي روحي المليونير الصغير
جمعت لي مبلغ وسويت لي اجازة مرضية في الشغل قلت لهم وهذا الساعة عشر تقريبا وكنت قاعد اعدل في فايلات القسم اسوي روحي موظف مثالي نزلت فايلات القسم كلها على الارض وسويت عفسه في القسم المهم عند الساعة عشر قلت يا جماعة انا تعبان احس انه راسي يدور شارب عصير فراولة امس الظاهر انه فيه سوء تخزين طلعت من القسم وخليت الفايلات على الارض وسلمت عليهم على اني برحة المستشفى
بس طبعا رحت مكتب السفريات علشان احجز دشيت المكتب قعد مع الموظفة الهندية وهقتني بالانجليزي المهم حاولت تساعدني اني ادور لي فندق من 5 نجوم الى اربع الى ثلاث ولا حصلت
انا زاد توتري لأنه كفاية اني في المطار ما ادري ليش باسوي بعد ما احصل فندق لالالا اكملت السالفة بس خليت في بالي شغلة لازم يا جماعة الكل في المنتدى يمشي عليها وهي
من توكل على الله فهو حسبه + نيته من جني الارباح + نيته في زكاتك للفقراء لآنه خلوا في بالكم انه من عطى فقير بكسب في الدنيا او اكيد في الاخرة يعني انت جذي جذي مستفيد وكل ما تعطي فقير الله يوسع عليك يسهل لك امورك كلها بدون ما تتوقع
المهم عزمت وتوكلت على الله واخذا التذكرة وقلت لها اذا ما حصلت فندق بارجع في نفس اليوم قالت لي لازم تتصل في مكتب الطيران او تتصل لي المهم جهزت اغراضي
ورحت المطار ورحت مع الحقيبة الدبلوماسية تقول صج يعني رايح بميلون دينار خلصت من الجوازات وقالولي انتظر دشيت ادور على البوابة المكتوبة في التذكرة مش محصلها ما وين ودوها الظاهر يوم دروا اني بسافر غيروها المهم اخيرا لقيتها وقعد وقعد اشوف الى الحين ما افتحوا الباب ما قدرت بطني عورني من التوتر سألت الموظف قال الطائرة تأخرة قلت اف اف وانا ناقص تأخير المهم رجعت وانتظرت يوم فتحوا البوابة انا اول واحد واقف تقول بتشرد الطائرة خلصت ودشيت الطائرة قعد الكرسي سلمت عليا الطيار وقال اسمه انا اسمه فلان ولد فلان الفلاني زاد الم بطني لآنه الطيار بحريني والمشكلة في طيران خليج لأنه انا خبري انهم يدربون على نقل عام وبعدين يجيبونهم طيارين المهم قرايت آيات الي حافظها طارت الطيارة وكل ما تهتز الطيارة سبيت روحي واقول شلي بالاستثمار بس بعد قويت روحي بالقراءات وتوكلي على الله وخليت في بالي نيتي