أقـــدر ألـقــى بيـــت بـمـليـــون ؟!!

[SUKHOI]

أسعد الله صباحكم بكل خير

في ظل هذه الأزمة , وبين القيل والقال بنزول الأسعار , وكساد ربح التجار , بقى هذا السؤال الذي بات يجول في خلدي .. هل بإمكاننا إيجاد بيت بمليون ريال بعد أن كانت بـ 250000 و 500000؟

والله المستعان

[بوحارب]

الله يوفقك

[شورت تايم]

هلا و مرحبا

أكيد أخوي بتلاقي
لكن حاليآ بتلاقي في
المناطق الخارجية

يعني تصبر شوي إن شاءالله
بتلاقي في المناطق الداخلية

والله يوفقك

[الكاسر007]

نعم واقل لو تبي



في فيلا انباعت بمطقه ام عبيرية بمليون وهذا الكلام كان من اسبوع بالضبط


وبالتوفيق

اما بالدوحة انسى حتى لو ايام الثمانيات او التسعينات

[technical]

بتنزل أسعار العقارات كثير , لسبب بسيط وهو طلب البنوك 35% الى 40% كدفعه أولى مقابل التمويل العقاري.

المشكله أن كثير من الملاك لحد اليوم مش قادرين يستوعبون الحاصل في سوق العقارات ورافضين يبيعون بسعر السوق الجديد .

طيب كيف بيأثر طلب البنوك 35% كدفعه اولى من التمويل ؟

أضرب 35% في سعر العقار الذي تريده وزيد عليه من 10% الى 15% حسب حاله السوق .

مثلاً أذا كان البيت أبو مليون ونص وعنده أرض خمسمائه متر والبيت مساحته ثلاثمائه متر بتلقاه بثمانمائه الف وخمس وعشرين ألف ريال 825000 .

إن شاء الله بيوصل السعر هذا وبيتذبذب حوله , إن شاء الله أكون أفدتك .

[سهم ماينزل]

بتنزل أسعار العقارات كثير , لسبب بسيط وهو طلب البنوك 35% الى 40% كدفعه أولى مقابل التمويل العقاري.

المشكله أن كثير من الملاك لحد اليوم مش قادرين يستوعبون الحاصل في سوق العقارات ورافضين يبيعون بسعر السوق الجديد .

طيب كيف بيأثر طلب البنوك 35% كدفعه اولى من التمويل ؟

أضرب 35% في سعر العقار الذي تريده وزيد عليه من 10% الى 15% حسب حاله السوق .

مثلاً أذا كان البيت أبو مليون ونص وعنده أرض خمسمائه متر والبيت مساحته ثلاثمائه متر بتلقاه بثمانمائه الف وخمس وعشرين ألف ريال 825000 .

إن شاء الله بيوصل السعر هذا وبيتذبذب حوله , إن شاء الله أكون أفدتك .

شكراً وصحيح البنوك عسرت الأمور وصعبتها شلون الناس بتشتري

[فتى الجود]

المشكلة مب الأسعار أنها نزلت المشكلة ان مافي مشتريين
لان مافي بنوك تمول

فلذلك تحص لأول ايجي المالك شراى يبيع

في فلتيين متلاصقات با أم صلال محمد عظم أنباوعوا قبل شهر بــ 1450.000

وتخبر الركود اللى صاير مبهدل الدنيا

[some333]

الله يسمع منكم وتنزل العقارات على الاقل الواحد يشتري له بيت

[الوعد2016]

هلا و مرحبا

أكيد أخوي بتلاقي
لكن حاليآ بتلاقي في
المناطق الخارجية

يعني تصبر شوي إن شاءالله
بتلاقي في المناطق الداخلية

والله يوفقك

في احد المناطق الخارجيه فيه واحد سام بيت ب3 مليون وصاحب البيت لم يوافق على البيع
البيت مجاور لبيت الرجل والمساحه 1400 تقريبآ ولم يبيع ورافض البيع

[سوق واقف]

اصبر بتلاقي بعد كم شهر ترى الأـزمة للحين ما بدت

[عبدالرحمن]

انا عن نفسي لو احصل بيت بمليون ماراح اشتريه احس بينزل بعد اكثر بيرجع نص مليون وتحت بعد

[العـوا]

اصبر بتلاقي بعد كم شهر ترى الأـزمة للحين ما بدت

كلام واقعي

[Q-tr]

المشكلة هم مش مستوعبيـــن الاسعااار الجديدة حاليا وكثرة المعروض والكسااد اللي حاصل

هالاياااااااااااااااااااااام... وبعضهم عليه التزامات بالبنوك ك فهو عاجلا ام آجلا بيـستــعــبــون وبيـقتـــنعـــون

................. بالتوفيق للجميع.....................!
انا بنطرررررر ألين مااتوصل سعر الفله 600 الف وعقب بشتري.......

[alhurmsi]

اصبر السنة الجاية بتحصل بالمليون وارخص
كل المؤشرات تقول ان العقار في هبوط
وبالتوفيق

[الجاهلي]

سهم الصناعات كان 50 ريال ثم 240 في 2005
ونفس السهم من 90 الى 190 في 2007
الفيلا من 600 الف داخل الدوحه الى 5 مليون ثم >>>> ????
ان متأكد ان هذه الارقام لم يكن يتوقعها احد
وصدقوني سوف تجدون العقار باسعار لن ولن تتخيلوه :tease:ا.

[غــلآ عمــري]

الله يسمع آنشآللــــــــــه من الجميــــــــــــع

[انا احساس]

اذا حصلت بليزززززز خبرني

[هبة ريح]

اذا لقيت بيت بمليون قولي انا بعد وموفق ان شاءالله
بس ابي مساحته كبيره والغرف فيه وايد >> dreams

[JoOoOoOoJ]

ان شاء الله في اقل من 3 سنين ...راح يرجع العقار زي ما كان ايام زمان و الاراضي ترخص و الاجارات تنزل ....بس الاهم انه ما حد يشتري ...و نفس ما السعوديه عملوا حملة خليها تصدي ....خلينا بقطر نعمل حملة خليها فاضيه ...
( اختراعات) هاااا:eek5:

[SUKHOI]

الله يسمع منكم ان شاءالله

ومالنا غير الصبر

[جوال 11]

أنت لم تذكر المنطقة لكن هنالك بيت بمليون في الجنة وعليك الأجتهاد لذلك
الله يوفقك

[alhurmsi]

احلا تعليق التعليق الأخير

[عذاب]

ناادراا مااتحصل ,,,,,, والله يوفقك

[بن درويش]

قصوا علينا قبل وقالوا بتنزل وعشنا على الوهم وارتفعت وحتى الحين في نزولها ما نقدر نشتري

[naklan]

أسعد الله صباحكم بكل خير

في ظل هذه الأزمة , وبين القيل والقال بنزول الأسعار , وكساد ربح التجار , بقى هذا السؤال الذي بات يجول في خلدي .. هل بإمكاننا إيجاد بيت بمليون ريال بعد أن كانت بـ 250000 و 500000؟

والله المستعان

يمكن بعد سنتين الى 3 سنين

اذا استمرت الازمه لان اسعار مواد البناء ما تغير شي عليها

اليوم شاري اسمنت الكيس 32 ريال

وين تنزل الاسعار

تنزل بالكلام في المنتدى فقط

والي يقول انزلت خله يطلع لك بيت

جرب

[Aisha]

naklan houses went down from 4/4.2 million to 2/2.5 million and you still dreaming about prices are the same. by the way those prices I put were for 450 meter square houses in Doha

[+abc]

الدولة تعطيك قرض مليون وميتين وحط عليها سعر الارض بتكون قربت من السعر الي بتكون عليه البيوت في الفترة الجاية

بس لاتنسى انه عندنا تصير ازالة كل شي يرجع يرتفع فما تقدر تحكم مية في المية

انا عندي فيلا جديدة واصلة عندي مليونين وايجار جايبتلي 17 الف فانا اتوقع انه الفلل سوقها بيكون بين المليون ونص والمليونين والله يوفقك وتحصل الي تبغيه

[m_taha123]

يمكن بعد سنتين الى 3 سنين

اذا استمرت الازمه لان اسعار مواد البناء ما تغير شي عليها

اليوم شاري اسمنت الكيس 32 ريال

وين تنزل الاسعار

تنزل بالكلام في المنتدى فقط

والي يقول انزلت خله يطلع لك بيت

جرب


كيف ماانزلت وانت عارف ان كيس الاسمنت كان واصل 60 ريال والحين انت شاري 32 ريال نزل نص قيمته ، كيف تقول مانزل ؟؟؟؟

[naklan]

كيف ماانزلت وانت عارف ان كيس الاسمنت كان واصل 60 ريال والحين انت شاري 32 ريال نزل نص قيمته ، كيف تقول مانزل ؟؟؟؟

حتى لو تقول نزل يا طه 32

مش نزول سعره الاصلي 12 ريال هاذا سعره العادي

الايدي العامله ما نزلت المواصلات ما نزلت والرمله مانزلت والكنكري ما نزل

والخرسانه المتر 500 ريال من 150 ريال سابقا

كل حاجه غاليه وما نزلت

لو نزل كل شي بتبدي الاسعار تنزل

ونتمنى النزول لانه في صالح الجميع

[واحد 11]

اتوقع انها تنزل بس مسألة وقت لان بعض الملاك متمسك بالأسعار القديمة

[Bin Hood]

اخوي naklan

متى كان سعر الاسمنت 12 ريال !!

قبل 3 سنوات تقريبا والا اكثر >> شخصيا ما عندي فكرة عن اسعار الاسمنت قبل والحين

وفي السعودية كم السعر حاليا

[naklan]

اخوي naklan

متى كان سعر الاسمنت 12 ريال !!

قبل 3 سنوات تقريبا والا اكثر >> شخصيا ما عندي فكرة عن اسعار الاسمنت قبل والحين

وفي السعودية كم السعر حاليا



المحلات الي بره تستغل الوضع وتبيعه 32 ريال

الان سعره 12 او 13 ريال من قطر للاسمنت

وما اعتقد تغير السعر عندهم

بس تروح تجيبه من ام باب من المصنع

اخر مره انا شريت منهم قبل سنه بهالسعر

لاني صار لي مده خارج الوطن وتوني راجع

السنه بعد شهر 4 بيفتح انتاج اسمنت من الخليج القابضه

وبيفتح الفرع الرابع للوطنيه للاسمنت

وبيرجع 9 ريالات الكيس مش 12

وبتبني برخيص اخوي بن هود

وبالتوفيق :tease:

[naklan]

naklan houses went down from 4/4.2 million to 2/2.5 million and you still dreaming about prices are the same. by the way those prices I put were for 450 meter square houses in Doha

عايشه يعيشك ممكن يكون فيه نزول

بس مش الاسعار القديمه الفله 500,000 الناس تحلم بلاسعار القديمه

بس كل شي في الدنيا يصير 2,250,000 مازال السعر غالي

وانشاء الله تنزل الاسعارلان المستفيد نحن جميعا

:eek5::eek5::eek5:

[Nasser2006]

يا جماعة الريال يبي بيت بمليون وانتوا تقولون أشياء مالها دخل في البيت ؟

وانا بعد أبي بيت بمليون الي عنده يقول لي ؟؟؟؟؟؟؟؟؟؟؟؟

[hemoud123]

ان شا الله تلقى طلبك

[حسين بن عاقول]

ممكن وان شاء الله موجود بس عاد قول لنا شلي تبيه بالضبط يعي فيلا ولا بيت شعبي وكم المساحة الي في بالك عشان اقولك تلقى او لاء..

اما اذا كنت تبي بيت مساحته 450 او 500 متر فممكن اشوف لك

[نبـــــراس]

في بيت 2مليون وقابل (للبيع)في الخريطيات
بيت شعبي صغنون بانيه يدي حق الاجار
غرفتين وحمامين ومطبخ ومجلس وغرفة طعام ما ا اعرف كم مساحته بس حلو حق عايله صغنونه
شرايكم

[شموخ دائم]

,

,


ان شاء الله تلاقي يارب

بس الان وحنا بعز الازمه ومافي بهذ السعر

ما اتوقع ينزل ويمكن يرتفع بعد سنه والله اعلم

لكن من كل كل قلبي اتمنى تلاقي

راح تسمع كلام كثير وماراح تشوف حقايق

والكل بيقولك انتظر

:)

وحنا ننتظر معاك

الله يعين الجميع وربي يوفقك ويحقق لك امنيتك

,

,



شموخ دائم

[سوق واقف]

أمس في الخور فيلا (( مليون ريال ))

[الزيبق]

أمس في الخور فيلا (( مليون ريال ))

كلام:omen2:

[Nasser2006]

هل فيه احد يعرف فيلا جاهزه للبيع بمليون وميتين في الوكرة أو المناطق القريبة من الوكرة؟؟؟؟؟؟؟ومساحة الفيلا 900 متر وفوق؟؟؟؟؟؟؟؟؟

أرجو الرد؟؟؟؟؟؟