المساعد الشخصي الرقمي

مشاهدة النسخة كاملة : بغية شي يمتن


BeYoNd
05-01-2009, 06:27 AM
بغية شي يمتن ولا اي تأثير جانبي ......... ويكون مضمون ........ حق شخص يعاني من مشاكل بسيطة ب القلب .......... ولكن ضعيف وايد

:)
ام يوسف
05-01-2009, 07:08 AM
خرز البقر
HEART_LION
05-01-2009, 07:34 AM
عنده القلب ويبي يمتن؟ سبحان الله والله انكم غريبين

المتن شين وله اضرار كثيره

الله يشفيه يارب
بو(أحمد)
05-01-2009, 07:48 AM
الكيد البطاطس يمتن والشوكليت
اهل قطر
05-01-2009, 08:03 AM
الي ينفخ التمر مع الهرده
الـخـور
05-01-2009, 08:09 AM
تمارين حديد لمدة شهر وبعدين وقف التمارين
صج طريقة تمتن
BeYoNd
05-01-2009, 08:24 AM
هو مافي القلب بي معنى القلب شي بسيط مو ان وايد ويبي يمتن لانه وايد ضعيف
BeYoNd
05-01-2009, 08:25 AM
الخور جرب الحديد بس ماقدر علية
BeYoNd
05-01-2009, 08:25 AM
شنو خرز البقر ام يوسف
BeYoNd
05-01-2009, 08:26 AM
جرب الشوكلايت مانفع
وتبقى الدنيا حلوه
05-01-2009, 09:39 AM
والله الحال من بعضه أنا ابي امتن ضعييييييييييييييييييييييفة وايد

:eek3: :weeping:

محد فيكم عينه حاره يصكني بعين

:wizard:

اختي انا جربت الابر الصينية و الكهربا مافي فايده

يقولون الحلبه تمتن بس تخيلي رايحه الدوام و ريحتي حلبه << عشان افطس الموظفين :D

و الحديد :strong3: ما اعتقد حل مناسب لي اخاف تطلع لي عظلات و مب شي على البنت العظلات :sorry:

و الله الحين اخر قرار توصلت له اني بروح بسوي لي تحليل الغده

يقولون يمكن هي السبب << مع اني ما اعرف شنو غده و شدخلها بالسالفه :shy:

و انشالله بعدين بشوف شنو بيصير
مجنونة قطر
05-01-2009, 04:41 PM
دشيت محل في الامرات يبيعون حق اللي يلعبون حديد ههههه ما عرف اسم المحل<<< ما لقيت حل امتن قلت اجرب يمكن عندهم حل لي

قلت لها ابي شي ايمتن .. ضحكت علي طبعا الفلبينيه ما ادري ليش هههههههههههه
وبس عطتني شي قالت ما في في المحل بيفيدني غير ... Weight Gainer
مكملات زياده الوزن الغنيه بالفيتامينات الطبيعيه..

هي فيتامينات ومعادن ومغذياتطبيعيه تعمل على زياده الوزن عن طريق امداد الجسم بالمغذيات الطبيعيه والاساسيات لكافه العمليات الحيويه في جسم الانسان كذالك تعمل على فتح الشهيه للطعام وامداد الجسم بالطاقه والحيويه ..

وهاي طبعا اللي مكتووب على النشره حقته .. وطريقته ملعقه وحده مع كوب حليب او وماي او عصير وطعمه حلووو .. بالفانيليه والشوكلاه ... بس بالفانيلياا عندي احلى ههههههه

والصراحه متنت عليه شوي .. بس بدون اسباب وقفته والحين برجع له ..

وان شاء الله اكون قلت شي ايفيدكم .. لحد ينساني بالدعاء
^_^
سهم الأمس
05-01-2009, 05:35 PM
الأفضل يستشير أخصائي تغذية لأن الأكل الدسم قد يؤثر على صحته
ام يوسف
05-01-2009, 05:51 PM
خرز البقر اعشاب يبيعونها عند العطارين
تمتن بطريقه حلووووه
اسال عنها او دور عنها في جوجل
بس المشكله انها غير متوفره في الخليج
تحصلونها في مصر
موظف بالبورصه
05-01-2009, 06:03 PM
بغية شي يمتن ولا اي تأثير جانبي ......... ويكون مضمون ........ حق شخص يعاني من مشاكل بسيطة ب القلب .......... ولكن ضعيف وايد

:)

القطوه الي في التوقيع للبيع :shy:
المهلهل
05-01-2009, 06:15 PM
النوم بعد الغداء مباشرة وكذلك بعد العشاء اسرع شي للمتن وشرب السوائل مع الاكل
غـيـد
05-01-2009, 06:40 PM
انا الحمدالله جربتـ شيـ ومتنتــ وانـ شا الله استمر فالمتنـ .. يبيليـ خمسهـ زيادهـ

والشيـ إلليـ متنتـ عليهـ هيـ حبوبــ فتحـ الشهيهـ صجـ تخليــ الواحد جنهـ ما كلـ منـ

اسبوعــ .. ولازمـ تاخذ الحبهـ مرتينـ فيـ اليومـ ولمدة اربعـ ايامـ او خمسـ فيـ الاسبوعـ

وخذتـ حبوبــ فيتاميناتـ عشانـ تنفتحـ شهيتيـ اكثــر .. وعشايــ كانــ دايما فاستـ فـــود وفيــ

شهرينـ متنتـ خمسهــ كيلــو .. وحبوبـ فتحـ الشهيهـ ما قدرتـ اخذهـا اكثــر منـ اسبوعــ لانـها

ترقــد .. وتاكلهـا قبلـ الوجبهـ بساعهـ ..

وانـ شا الله تمتنـ 10 كيلـــو
eXpert*
17-01-2009, 05:57 PM
مافي شي أحلى من الزواج والراحة النفسية :)
ام المهدي
17-01-2009, 06:58 PM
السلام عليك اختي
شوفي عندي لك الحل وارخس ومضمون ومافيه خوف هو دواء عباره على فتامينات حبوب كتير مفيده لكن المشكله ان الي ياخدها لازم تسكرو عليه المطبخ لانه يفتح الشهيه واهم شي يضبط وقت النوم عشان بيخلي الواحد ينام اول ايام العلاج يعني بعد صلاة العشاء مباشره ياخد حبه وحده اسم الدواء سيبرو فيتا cipro-vita
وعندي لك طلب لو الدواء جاب نتيجه ادعي لي

والسلام عليك اختي ورحمة الله وبركاته وبالشفاء ان شاء الله
solaiman
18-01-2009, 11:30 AM
بالتوفيق يارب
HEART_LION
25-01-2009, 10:48 AM
ياجماعه الحبوب يمكن تأثر عليه مش يمكن الا اكيد

لازم استشارة طبيب احتمال ماتناسب جسمه او هرموناته وتسبب اضرار مضاعفه

انا بصراحه عندي الحل بس بما انه مريض ماقدر اقول سبحان الله لااقدر الله صارله شي

من بيكون السبب؟

الأفضل استشارة طبيب وعمل فحوصات عشان يعرف اذا طبيعي او عنده نقص فيتامينات

تحياتي
مبتدئة
25-01-2009, 02:08 PM
سيبروفيتا،،

لكن اذا قررتي تاخذينها .. اخذي قبلها إجاااازة

لأنها بتجيب لج نودة تخلين تصيرين "حولة"!!

بالأضافة انها بتطلع لج "كرشة" ككك // لا تخافين اذا هديتيها بتروح =))