المساعد الشخصي الرقمي

مشاهدة النسخة كاملة : بخصوص حملة خلوها تصدي


naaar
06-01-2009, 10:21 AM
السلام عليكم ياشباب

امس مريت انا وواحد من الربع وكالة التيوتا اللي فالستي متمللين قلت خلنا ندش الوكاله

ونشوف هالحمله اشسوت فالاسعار هالتأثر عبد الغني ولا مايهزك ريح

المهم سويت نفسي بحجز vxr والمعروف ان سعر الvxr فل ابشن 247 الف

قالي تونا رافعين السعر والسعر الحالي 257 الف وانطر4اشهور حتى لو افلوسك كاش..

قلتله ان الشركه الام خسرانه ملايين ومكتوب فالجريده قاللي بس شركة عبد الغني ماتخسر
والناس بتشتري حتى لو رفعنا الاسعار.. صج واثق الحبيب
واسمحولي على الاطاله
ali
06-01-2009, 10:30 AM
للابس الناس ضعاف ماعندهم ايراده
فقط قطر
06-01-2009, 01:41 PM
قلنا لهم...اي دعوها اتصدي ودعوها تحلى....

حرم نفسه الموتر وغيره خذ دوره....لا...وتلاقيه ماينام يفكر في الموتر...
sos 12
06-01-2009, 02:13 PM
اي حملة اي تصدي وكل اسبوع مركب محمل كلها مواتر تويوتا في الميناء الجيات 2009 صاروا اكثر من الموديلات الي قبل واحنا تونا في شهر واحد عيل شهر ستة اشلون تغبنا واحنا انقول
بن درويش
06-01-2009, 02:59 PM
العالم مو بس تشترى من الوكاله بعد تشترى من المعارض اصفار
فهد111
06-01-2009, 05:08 PM
في قطر بس العالم تشتري ولا برى مسويلهم ازمه
قلب شاعر
06-01-2009, 09:48 PM
مالك امل الأسعار ماراح تنزل... من المعروف كل اللي في المنتدى ماعندهم جديه اشلون اللي خارجه...
اعيد واكرر نفس الكلام اللي قلته من قبل وكاله التويوتا في تركيا اشترى سياره واحصل على الأخرى مجانا....واحنا عندنا انطر 4 شهور وغاليه بعد ....يعني في النهايه العيب مش في الوكيل العيب فينا في العميل اللي ماعنده روح المسؤليه والأصرار والعزيمه على انه يرغم الوكيل انه ينزل من السعر ...الربع مهاوش مع الوكاله لو سيارته تأخرت يوم عن موعد التسليم وتبغونها تصدي ...والله اشوف احلوج الللي يقولون مالا يفعلون هي اللي راح تصدي من كثر الكلام الفاضي اللي نسمعه من دون فايده ....
يا جماعه كانت سيارتي تيويوتا في بريطانيا ....وماعندهم الخرابيط اللي عندنا في وكالاتنا كل 5000 شيك ولا الضمان يروح والكلام الفاضي ادفع وانت ساكت .....قانون الشركه اتشيكها مره وحده في السنه فقط عشان تحافظ على الضمان.....وبعدين هناك الضمان مدى الحياه ليش اهنيه 5 سنوات فقط ...يعني تبي الخساره هناك وهنيه يبون الربح ...السالفه نهبه مستهلك الفقير المسكين...اللي لا حول له ولا قوه ....

لكن ماينفع الكلام مع يهال وصعبه عليه ما يركب في اكس ار 2009
بلاهويـــــة
07-01-2009, 12:16 AM
كنت حاجز لكزس فرويل العام الماضي 2008 اتصلوا فيني الشركه قالوا لي السيارة اوصلت اليوم قلت له كم قيمتها قالي 352 الف بدون تأمين ,, قلتله الدنيا طاحت والبنوك اعلنت افلاسها وانت تقولي زدنا الاسعار مع السنة الجديده
ومن كم يوم واحد من الربع اشترى لكزس 2009 ب345 الف


ما قول غير حسبي الله ونعم الوكيل
&بوشهد&
07-01-2009, 03:03 AM
والله اني كرهت تويوتا والسبب عبدالغني صج حرامية ياخذون ومايعطون وماعندهم خدمة عدله
الصراحة انا اشوف الاميركي قام سوقه اخر الايام حتى في الامارات الجماعة يخبرونا الامريكي زاد الطلب عليه عشان سعره وخدمة راقية
fhd4
07-01-2009, 08:30 AM
هالكلام صحيح .... عبدالغني رفع الاسعار ... والحجة ارتفاع الين الياباني ...

لكن ما أخبر ان كل سيارات التويوتا يابانية ....في منها الاسترالي والامريكي؟؟؟
التاجرالصغير
07-01-2009, 09:31 AM
كله كلام في الهواء..الاسعار قاعده تنزل بدرجة كبيرة..واسألوا السوق السعودي..
wesam_82
14-01-2009, 10:01 PM
جاء الناس إلى عمر بن الخطاب -رضي الله عنه - وقالوا : (غلاء اللحم فسعره لنا ، فقال: أرخصوه أنتم ؟ )
فقالوا : نحن نشتكي غلاء السعر واللحم عند الجزارين ونحن أصحاب الحاجة فتقول :أرخصوه أنتم ؟ وهل نملكه حتى نرخصه ؟وكيف نرخصه وهو ليس في أيدينا ؟ قال :اتركوه لهم..