يا ترا أنت أو أنتي ............ ؟!

[وتبقى الدنيا حلوه]

بعد نجاح موضوعي الأول << ليش ألبوم :D

و بعد أن قامت الإدارة بأغلاقة بسبب تهاوش (<< ما اعرف أكتبها بالفصحى) بعض الاعضاء و العضوات :eek3:

أقدم لكم موضوعي الثاني :thumbup:

و أتمنى أنكم تتفاعلون معاي


*(العنصرية )*

و مش مقصود بها بس باللون أنا اتكلم عنها بشكل عام يعني صج شي يقهر أن الأنسان يحاسب أخوه الأنسان على لونه و شكله و جنسيته و اصلة و فصله و المشكله أن الله ما يحاسبنا على هالأشياء فكيف أنت يا الانسان تتجرأ و تحاسبه على هالاشياء
يعني في بعض الناس مثلا :

تعيب على جنسيه معينة و شعبها و مايخلي كلمه الا و يقولها و بس من يجي الصيف تلقاه مطيح هناك بالبلد اللي يعيب على ناسها !!! صج شي غريب

و غير هاي في ناس وااايد تشوف نفسها يعني شوفوا أنا أبيض أحسن منك يالأسمر يا أخوي أستح على وجهك (لافرق بين عربي و أعجمي الا بالتقوى) يعني فالح كل ماقالوا له شي قال دين و دين و بالنهاية أخونا حبيبنا شايف نفسه أحسن من الأسمر أو من بعض الجنسيات

و الله في ناس مافي أحسن منهم يجيك عاقل و عارف بالدنيا و دارس يعني انسان فاهم بكل شي و على قولته ماعنده أي عنصرية و يخالط كل الاجناس و كل الالوان

بس تعال وقت الصج لو واحد من لون مختلف تقدم حق أخته بيقول لك لالالالالالالالالالالالا انزين ليش الرجال يشتغل شغله محترمه و راتبه أحسن من راتبك و مصلي و خايف الله ليش لا ؟؟

والله عاداتنا و تقاليدنا ماتسمح ناخذ أسمر أنزين والله محد اختار لونه يا بابا

و الله خوش عادات و تقاليد اللي تخلينا نفضل لون على لون أو جنسيه على جنسيه
دام هذي عاداتنا و تقاليدنا فأنا ما أبيها

قال الرسول صلى الله عليه و سلم : (زوجوا بناتكم من ترضون دينه و خلقه ) ماقال لونه و شكله

و الله ما كرهت شي بعمري قد ماكرهت الناس العنصرييين

و على فكره أنا قطريه و بيضا عشان محد يقول هذي أكيد معصبه عشان صار لها موقف لانها سمرا

ما كتبت هالموضوع الا لأني صج متضايقه من اللي اشوفه و أسمعه و ماتوقعت ناس فيها كل هالعنصرية

و تقولون ليش الله مايبارك لما في رواتبنا و حلالنا و ليش مايطق علينا المطر

و أنا أتكلم عن بعض الناس

شاركوني رايكم و مواقفكم

(لايغير الله قوم حتى يغيروا مافي أنفسهم)

الدنيا لحظات و الحياه أقصر من هالاشياء التافهه اللي تحط بينا حواجز

وتبقى الدنيا حلوه

موضوع للنقاش ومانبي هواش

[وتبقى الدنيا حلوه]

منتظره مشاركاتكم

[قلب صادق]

حبيت اسجل حضور

وان شاء الله لي عودة للموضوع مرة اخرى

[Only Me]

يبين من اسلوبكم وآيد معصبين وزعلانين ليش؟
والي اعرفه ان مافي عنصريه عندنا وخصوصا بقطر وبعض دول الخليج
ولي رجعه ثانيه للموضوع لاني مشغول حاليا

[بنت المنتدى]

احس عنصرية اللون بأمريكا مب عندنا ..

لكن تدرين يالغاليه العنصريه بقطر بالتحديد عندنا بشنو .. بالقبايل ....!!


ياما بنات اقعدوا و اوصلوا سن اليأسن بس عشان أحنا عيال فلان بن فلان وانتوااا ...........


ومش قايلين الكل .. لكن اغلب ربعي والله عدوا الـ 30 ولما اقولهم ليش ...

ما اسمع الا كلمة هو من ........... وأنا من .............



أو



الشهاده ..

أنا شهادتي ماستر وهو ثانويه


ترى في ناس ماخذين الدكتوراه وفيهم تخلف عمري ماشفته باحد .. وفي ناس ماخذين الاعداديه وفيهم ثقافه وعقليتهم روعه ...!!







موضوع مميز ورائع
الف شكرلج حبيبتي ..

لاهنتي ع الطرح

[وتبقى الدنيا حلوه]

يبين من اسلوبكم وآيد معصبين وزعلانين ليش؟
والي اعرفه ان مافي عنصريه عندنا وخصوصا بقطر وبعض دول الخليج
ولي رجعه ثانيه للموضوع لاني مشغول حاليا


يمكن ما خالطت ناس من هالصنف ولاكن هذا مايمنع وجودهم

بانتظارك

[وتبقى الدنيا حلوه]

احس عنصرية اللون بأمريكا مب عندنا ..

لكن تدرين يالغاليه العنصريه بقطر بالتحديد عندنا بشنو .. بالقبايل ....!!


ياما بنات اقعدوا و اوصلوا سن اليأسن بس عشان أحنا عيال فلان بن فلان وانتوااا ...........


ومش قايلين الكل .. لكن اغلب ربعي والله عدوا الـ 30 ولما اقولهم ليش ...

ما اسمع الا كلمة هو من ........... وأنا من .............



أو



الشهاده ..

أنا شهادتي ماستر وهو ثانويه


ترى في ناس ماخذين الدكتوراه وفيهم تخلف عمري ماشفته باحد .. وفي ناس ماخذين الاعداديه وفيهم ثقافه وعقليتهم روعه ...!!







موضوع مميز ورائع
الف شكرلج حبيبتي ..

لاهنتي ع الطرح

العنصرية بكل مكان و يمكن بامريكا تزيد عند بعضهم

بقطر بالفعل و بالخليج بعد عندهم عنصرية بالقبايل و هذا شي محزن :(

يعني والله حرام ينرفض الرجال و هو مافيه عيب بس عشان أنه مو من قبليه معروفه أو عشان شي عنصري

[وتبقى الدنيا حلوه]

حبيت اسجل حضور

وان شاء الله لي عودة للموضوع مرة اخرى

اسفه ما انتبهت

بانتظارك

[Only Me]

انا خالطت ناس من مختلف الدول ولي تجارب عديده
يعني ما يصير قطرية تزوج اجنبي اكيد الاسلام ما فرق بين عربي وعجمي الا بالتقوى
بس بعد قطرية وقبيليه تاخذ اجنبي اشوي صعبه يعني الأبو يقدر يقول ان نسيه اجني قدام جماعته وقبيلته وحتى الاخ يمكن يستحي وصعب يقول ان نسيبه اجنبي
والقطرية بتتلعوز مع هالاجنبي سواء بالسفر سواء بالحاله المادية وحتى عيالهم بكونون مختلفين عن باقي القطريين سواء بالدراسة او بالشغل او الرواتب او الاراضي التي تمنح من الدولة يعني لازم تفكر بمستقبلهم
يعني حلاته الشخص ياخذ وحده منه وفيه ( حلاته الثوب من رقعته وفيه )

[وتبقى الدنيا حلوه]

احترم رايك

وكلامك صح في مكانه

[Only Me]

سمعي الحين قناه قطر وحده متصله تتشكى اهي قطرية وزوجها اجنبي ومطلقه دور شغل وما محصله كلش
وخايفه ع مستقبل عياله سمعي الحين

[Bo3oof_80]

يصبحك بالخير وتبقى الدنيا حلوه
اولا :nice:احب اشكرك على الموضوع الحلو
وانا وجهة نظري في الموضوع ان العنصريه موجوده في كل مكان مب بس عند البيض وحتى عند السمر والاجنبي هو يشوف نفسه بعد من القبايل بس نظرة الناس عندنا لهم لان عندنا خرده وهم على قد حالهم ولو هم كان عندهم مثلنا كنت بتشوفين نعرتهم القبليه :anger1: وعموما
العنصريه في الدول الاوروبيه والامريكيه واضحه مثل الشمس تختلف من الي عندنا الي يضحك في وجهك ويقطعك اول ماتطلع :omen2::telephone::discuss:
واسمحولي على الاطاله,,

[وتبقى الدنيا حلوه]

تسلمون على مروركم

[OTOsan]

احترم رايك

وكلامك صح في مكانه

اختي .. تحترمين رايه ---> بلاشك كلنا نحترم رايه

بس اذا كلامه صح في مكانه ، فمافي داعي تكتبين الموضوع بكبره :omen2:

[هتـان قطر]

و على فكره أنا قطريه و بيضا عشان محد يقول هذي أكيد معصبه عشان صار لها موقف لانها سمرا

ما كتبت هالموضوع الا لأني صج متضايقه من اللي اشوفه و أسمعه و ماتوقعت ناس فيها كل هالعنصرية
[/U]



اسمحيلي اختي اننا اغلبنا عنصريين وانا وحده منكم ..

ما اتخيل يجي واحد اسمر يخطب بنتي وبوافق..اسمحولي ولكن هذي هي الحقيقة..

وايضا بالنسبة للقبايل نعم هناك عنصرية ومهما نحاول نبتعد منها ونخفيها

لا بد يجي موقف يشعلها..

اختي والله ما احب اجرح احد ولكن دليل العنصرية واضح من خلال كلامك..

انتي قلتي " على فكره أنا قطريه و بيضا عشان محد يقول هذي أكيد معصبه عشان صار لها موقف لانها سمرا "

وهذا بحد ذاته عنصريه...


اسفه مرة ثانية ولكن انا اعترف اننا اغلبنا عنصريين :(

[فيزيائية]

اولا : اهنيك على نجاح الالبوم الجديد !!!!!:nice:

ثانيا: قد لا أسمي مايحدث عندنا عنصرية بقدر ماهو عدم توافق في بعض الامور
فاختلاف اللون او القبيلة او الجنسية في الزواج قد يحدث بعض من المشاكل المستقبلية
وهذا الشيء حدث منذ ايام الرسول عليه الصلاة والسلام وليس بجديد علينا..
اما الغمز واللمز على جنسيات معينة فهذا يعود لقلة الدين والتربية والبيئة
التي خرج منها الانسان ....

على فكرة يرجى تعديل........الحديث: " إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير " رواه الترمذي وغيره.
والآية:"إنّ الله لا يغير ما بقوم حتى يغيِّروا ما بأنفسهم"

[!قطريـة بنت القمـر!]

اولا : اهنيك على نجاح الالبوم الجديد !!!!!:nice:

ثانيا: قد لا أسمي مايحدث عندنا عنصرية بقدر ماهو عدم توافق في بعض الامور
فاختلاف اللون او القبيلة او الجنسية في الزواج قد يحدث بعض من المشاكل المستقبلية
وهذا الشيء حدث منذ ايام الرسول عليه الصلاة والسلام وليس بجديد علينا..
اما الغمز واللمز على جنسيات معينة فهذا يعود لقلة الدين والتربية والبيئة
التي خرج منها الانسان ....


على فكرة يرجى تعديل........الحديث: " إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير " رواه الترمذي وغيره.
والآية:"إنّ الله لا يغير ما بقوم حتى يغيِّروا ما بأنفسهم"


نفس الراي .... وبالتعامل عند الله كلنا سواسية واكرمكم عند الله اتقاكم صحيح .... بالزواج مشكلة عويصه ان احنا وافقنا ترى اهالينا ما يوافقون يعني يد وحده ماتصفق وموافقة فئة قليلة في حين الغالبية غير مؤيدي هالامر .... فتحصل الاخفاقات .... ولكن في النهاية دايما اقولها بيني وبين نفسي كلنا من ادم وادم من تراب !!

[ورقــة أمــل]

العنصرية احيانا تجي بسبب القوانين اللي حطوها البشر لنفسهم
مثل واحد من عيلة معرووفة ماراح يفكر يتزوج وحده متجنسة او من قبيلة اقل مستوى
مب لانه عنصرري بس لانه مايبي الناس يتكلمون ويقولون فلان خذ بنت فلان وهاي غير المشاكل اللي بيجيبها حق نفسه بعد الزواج
يعني مجتمعنا ما يتقبل بعض الامووور حتى لو احنا رضينا فيها وتقبلناها
ولذلك نتجنب المشاكل اللي ممكن تسببها القرارات التي يرفضها المجتمع كزواج الاسمر من فتاة بيضاء
اما بالنسبة للعنصرية في الجنسيات فهاي شي موجود في كل الدول كل شخص يشوف نفسه على جنسية اخررى لاسباب مثل يمكن لان بلده موفره له اشياء مب موجوده عند صاحب الجنسية الثانيه فينظر لها نظرة دونية

[حنان الدنيا]

اسمحيلي اختي اننا اغلبنا عنصريين وانا وحده منكم ..

ما اتخيل يجي واحد اسمر يخطب بنتي وبوافق..اسمحولي ولكن هذي هي الحقيقة..

وايضا بالنسبة للقبايل نعم هناك عنصرية ومهما نحاول نبتعد منها ونخفيها

لا بد يجي موقف يشعلها..

اختي والله ما احب اجرح احد ولكن دليل العنصرية واضح من خلال كلامك..

انتي قلتي " على فكره أنا قطريه و بيضا عشان محد يقول هذي أكيد معصبه عشان صار لها موقف لانها سمرا "

وهذا بحد ذاته عنصريه...


اسفه مرة ثانية ولكن انا اعترف اننا اغلبنا عنصريين :(









العنصريه بتكون موجودة لين مليون سنه ولا بيتغير الناس وانا معاج اختي

اما بخصوص الابيض والاسمر صعبه وايد ومو سهله على بعض الناس

والرسول الف الصلاه والسلام عليه في له حديث واسمحوا لي مااذكره الحين بس في جمله (العرق دساس)

اذا ماكنت غلطانه وبتقولين انتي عنصريه هذا مو معناته عنصريه بس في ناس ماتتقبل هالشئ

وانا اسفه بس انا منهم .... وجه نظر بس

[سمو انسان]

انا اخالفج الراي اختي ما في عندنا اي شكل من اشكال العنصريه بين البيض والسمر (غير الزواج)

اما عن سالفة القبائل والاصل هذي مب عنصريه بس تفرقه

وانا من مؤيدين التفرقه، هذا شي في عروقنا ومستحيل يتغير، والعرق دساس، مثل ما احنا ماننسى التفرقه، للأسف غيرنا ما ينسون المكر والنذاله والحقد، الشاطر بيفهمها وهي طايره

وتصحيح للشخص اللي كتب مسمى القبيله على الجماعه >>> في فرق بين قبيله وجماعه !!!!

قبيله: ناس يرجعون لاصل واحد
جماعه: ناس تجمعو مع بعظ تحت اسم ، بحكم السكن، او العلاقات، اصولهم مختلفه و بعضهم غير معروفه.