فيني حـــــــــــره [الأرشيف] - منتديات شبكة الأسهم القطرية

مشاهدة النسخة كاملة : فيني حـــــــــــره

QTR-SOUL

07-01-2009, 08:25 AM

السلام عليكم ورحمه الله وبركاته
اخواني واخواتي اعضاء المنتدى الرائع شلونكم ان شاء الله بخير

المشكله انا في حره وقهر:anger2::anger2::anger2: المشكله يمكن تكون احنا السبب فيها يمكن احنا او مجتمعنا وهي مشكله عامه يمكن مو انا بروحي يعانون منها ناس واجد

المشكله هي مشكله السواقين((الدريوليه))
متى بنفتك من هالهم من بنرتاح
اغلبيه المجتمع رافض ان المرأه تسوق لو الوحده قالت حق اهلها ابي اسوق يرد عليها والشرار متطاير من عينه:anger3::anger3: ليش عليج قاصر من هالشي تبين يقولون اخت فلان تسوق بنت فلان تسوق والله لو اشوفج تسوقين والله لا ادعمج :eek5:
ترد تقوله فلانه هذاي تسوق يرجع ويقول والله هاذي اهلها مب رياييل والله لو اشوفج تكلمينها :nono:والله لأذبحج:fight:

اوكي خلاص ترد عليه لا تذبحني ولا شي جيب لي دريول

مني مناك لين جاب الدريول اوكي ننطر يدش المدرسه يسقط ننطر الامتحان الثاني يارب ينجح يارب
الحمدلله ينجحونه

نعلمه الدوحه ودواعيسها وشوارعها المكسره اللي تفشل
وطبعا طبعا مايقصر بالسياره تتكسر لين الله يشوفها
وبعد مايغلط الف غلط ونقول معليه بيعتدل ونستـــــــــــــــــــحمل لأبعد الحدود
بعدين يجي بابا انا مريض تعبان لا تشغلونه خلوه يرتاح مسكين ارحموا من في الارض يرحمكم من في السماء
بابا انا يبي تي في (تلفزيون)انا يبي هندي فلم ان شــــــــــــاء الله بس تلفزيون(شنسوي نمشيه عشان يتم مايطفش)
و غيره وغيره وبلاويهم انتوا ادري بهم
وتدور الايام ست شهور ثمان شهور ياالله ياالله كمل سنه وتو مابغى يتعلم ويدل الا قال بابا انا بجا موت (ولده مات)
ماما بابا ترين اكسدنت(قطار دعمهم)
انا يبي يروح
وانا يصير فيني جي:tease:والداءره تدور

انا من هاي كله ابي منكم شي انا عندي دريول حاااااااااااارق قلبي والله معامله مايلقى مثل معاملتنا والحين يقول يقول انا باسافر انتوا مشكله واجد مشكله وهو نبالي بوذي مادري شاالله حادنا نصيحه ياااخواني لاحد يجيب من النيبال وبالأخص بوووذي المهم علموني شاسوي فيه شلون احرق قلبه

عابرة سبيل

07-01-2009, 08:30 AM

الله المستعان
جيبي هندي وفكي عمرك

a.m.k.e.k.e

07-01-2009, 08:36 AM

هههههههههههه

نفس كلامي بالضبط

:anger1: ونفس حرتي :anger1:

بس في النهايه تعلمت السواقه

مني مناك وافقوا :victory:

بس صج فكه

ومن ناحية تحرونه

انه التذكره سوها بحسابه مش بحسابكم

حتى لو كسر خاطركم بكلامه لا تصدقونه

والله بيكنسل الروحه وبينطر لين ما تخلص مدة الفيزا

لانه جذي والا جذي من حقه يسافر كل سنتين اعتقد:omen2:

ام الذيب

07-01-2009, 08:43 AM

السلام عليكم

وانا حرتي أكبر من حرتج

لا أهلنا راضيين نسوووق ولا انييب دريول ثاني :anger1:

ماادري ليش هالدريوليه والخدم شايفين نفسهم ومغرورين يشتغلون وهم مخيسين النفس جنهم مغصوبين عالشغل وجنه احنا اللي ناخذ معاش منهم

المشكله ان احنا مدلعينهم وونعاملهم معامله مافي احسن منها ونحترمهم ونقدرهم عشان نكسب بهم أجر ولأن النبي عليه الصلاة والسلام حثنا على حسن معاملتهم وغير جذيه يكسرون خاطرنا انهم تغربوا عشان لقمة عيشهم بس النتيجــــــــــــــــــــــة شنو ؟؟!!!

مايخلصون كم شهر الا تمردوا علينا وكل شوي قالوا لنا نبي نسافر امي مسويه عملية وبتموت ولا فلان مات ولازم اسافر لهم ويالله نبتدي المشوار مع واحد يديد ومن أول

أيـــّــــــــــــــــه على دريولية وخدم الأول ماادري وين نحصل مثلهم

الله يعينج ويعينا على هالدريوليه

جوال 11

07-01-2009, 08:52 AM

لا حول ولا قوة الا بالله
االسواقين مشاكلهم كثيرة وسواقة البنت أو المرأة هي الأفضل للمحافظة على السيارة وصرف البترول ولكن تكون للحاجة وتحت ضوابط من ناحية الوقت ، والله يهدي كل معارض .

مطـر

07-01-2009, 10:05 AM

الله يهدي الاهل ويهدي هالدريوليه
انا اشوف ان سواقة البنت افضل مليون مره من انها تطلع مع الدريول بروحها
وادعو الله يهدي هالاباء والاخوان الي يعتقدون انهم يحمون بناتهم لما يخلون الدريولي يوديهم وييبهم
الله يهديهم بس
اختي حاولي تقنعي ابوج واخوانج ان وحده منكم تسوق مش بالضروره كلكم تسوقون وحده على الاقل علشان تخلص اشغالكم وتجيبكم وتوديكم
الله يوفقكم يارب

الوان

07-01-2009, 11:14 AM

الحمد لله انا اسوق :)

و بنات وايد من كل العوائل و الشرايح يسوقون بس المسأله مسألة وقت:weeping:

تذكرون يوم البنات كانوا عيب يدرسون و يتعلمون يكتبون و يقرون!:eek5:

تذكرون يوم البنات عيب يتكلمون في التلفون!:eek5:

تذكرون يوم البنات عيب يمسكون الجوال!:eek5:

وينهم؟:secret:

السواقه بعد 10 سنين بتصير عادي:nice:

و بعد 20 سنه اللي ما تسوق بيضحكون عليها:shy:

و بعد 30 سنه الله العالم وشو بيصير:victory:

هاذي قصتي مع الليسن:
زوجي ما كان راضي اسوق
بس مره شردوا الخدامات و اضطريت اني اركب مع السايق بروحي
و خذتها فرصه و قلت له لو عندي ليسن احسن من ان اركب بروحي مع السايق
و عقب ما حنيت عليه لين عورت راسه رضى اني بس اتعلم اسوق
قلت له معليه باطلع الليسن و خله عندك ما راح اسوق وكنت صادقه
و تعلمت اسوق و جربت اسوق شوي في الشوارع اللي عند البيت كم يوم بعدين انا من نفسي هونت من السواقه... جبانه خفت من الشارع
بس في يوم من الايام ... من شهر الدريول سافر ... نحيس قلنا له بنزيدك اقعد بس ما رضى
و في نفس الوقت دريول امي سافر ... و زوجي ما يقدر يوصل اليهال المدارس دوامه صعب
اضطر انه يرضى اني اسوق و الحين انا اللي ادور دريول مب هو

برشلوني قطر

07-01-2009, 11:26 AM

والله ف دريوليه صايدينها صح...ويمكن عيشتهم احسن من الموظف فالوزارة..<< حد يبي دريول قطري خخخخخ

الي يقهر اكثر شي...انت تعلمه وترزه وتسوي كل شي له...يحصل واحد ع الجاهز بيعطيه راتب

اكثر او يحصل شغل ف كروه ويطقع لكم وحقك ضاااايع.....الله المستعان

نصيحتي المتواضعه..

دام انه تم يحن ويحن ويبي يسافر كنسلي فزيته..وخليه يولي....ولا انه يسوي لكم مشكله الله لا يقول

او يشرد...

والله يعينج

nor85

07-01-2009, 11:34 AM

انا خواتي يسوقون بس انا خوافه صراحه سواقه الدوحه وفي هل الزحمه الله يعين بس بالنسبه للسواقين انا معاك الله ياخذهم انا بعد ماكمل سنه يقولي مافي زياده الدولار راح فوق انت لازم تزيدين معاش مال انا يامال الويعه واحنا مضطرين نزيده والحين بنجلع وبنفتك من ويهه واكيد بنجيب واحد ثاني بيعل قلبنا معاه والمدرسه والرسوب ويبي له فتره لين ياخذ على الطريق وبعدين بيقولك ابي زياده والعجله تدور المشكله محد حاس فينا بس شنسوي لاحول ولاقوه الا بالله

مطـر

07-01-2009, 11:52 AM

:eek5: شسالفه الموضوع كان في السوق والا لا
اذكر قريته في السوق ورديت عليه هناك :eek5:
هم نقلوه للعام والا انا اليوم مومركز :eek5:

nor85

07-01-2009, 11:55 AM

:eek5: شسالفه الموضوع كان في السوق والا لا
اذكر قريته في السوق ورديت عليه هناك :eek5:
هم نقلوه للعام والا انا اليوم مومركز :eek5:

لا اهم انقلوااااااااااا الظاهر

Bo3oof_80

07-01-2009, 11:57 AM

:tease:خذي اليسن من عنده

!قطريـة بنت القمـر!

07-01-2009, 11:58 AM

بس قمة القهر صح يوم تعلمه وتدفع عليه دم قلبك واخرتها يشرد بكل برود :eek5: .... ولا الناس اللي يقولون لبناتهم هذي اللي تسوق لا تكلمينها شهالعقليه !! اذا خليت خربت .... لا حول ولا قوة الا بالله .... دريولنا كان بعد نيبالي وبوذي سفرناه ترى الدريولية هالايام والخدم صار فيهم تمرد مب طبيعي مافي شي عاجبهم ابد !! سواقة المره الف مره احسن من دريول ما ينضمن يشرد بأي لحظه ويوهق كفلائه بأحرج اللحظات!!

نحول

07-01-2009, 12:00 PM

:tease::tease::tease:حلى شي عشان تحرقين قلبه لين جيتي تسفرينه احجزيله على ارخص طياره (على ماعتقد السرلانكية) وكثري من الترانزيت يعني جوفي اطول رحلة فيها ترانزيت وابشري بالسعد

سهم بن سهم

07-01-2009, 12:22 PM

اللهم لك الحمد والشكر ماعندي اي دريول وافتكيت منهم لا بارك الله فيهم

كل هل البيت يسوقون سياره ومفتك لا دريول ولا وجع راس

نعم لسواقة المرأة ولا لدخول مجرم ذو سوابق لبيتك بحجة إنه سائق

وتبقى الدنيا حلوه

07-01-2009, 12:43 PM

:(

مستحيل اهلي يوافقون الا بعد 8178787187878978497817817427243 مليون سنه

Riku3

07-01-2009, 12:52 PM

سيارتي في خدمة الشعب .. اقصد بيتنا xD .. ماعندنا دريول ولاعمرنا جبنا ولابنجيب :] .

اما بالنسبة لسواقة النساء ... اممم .. ما ارضى زوجتي تسوق وانا موجود وان شاء الله مابقصر >_> ..

الله يعينج على الدريول هذا ^^ .. انصحج تفتكين منه بسرعه ترى مايسوى عليج عوار الراس والقلب .

بدور

07-01-2009, 12:57 PM

اشوف البنات اللي يسوقون اكثر من الهنود وكل هذا الاهالي رافضين بناتهم يسوقون:eek5:

على فكره انا أسوق بس الظاهر بكنسل السواقه من زحمة الشوارع وما عرف الشوارع

اضيع ان طلعت لحالي معالم الشوارع تغيرت وايد :( اسافر فتره وارجع الشوارع تتغير مصيبه والله

سواقي يحن يبي يسافر ما عندكم سواق تعطوني اياه سلف لان السايق الثاني مو فاضي مشغول مع غيري

..الاميرة..

07-01-2009, 01:53 PM

والله ياحبيبتي ان الدريوليه والخدمات عوار قلب يعني عندنا وعندج خير ..

مخاسير بالالوف وياريت تتوفقين بإلي في خاطرج إلا ما يطلع لج واحد يا اعور يا اعوج !! :rolleyes2:
هذا طبعاً من ناحيه ..

ومن ناحيه ثانيه .. عندج بعد إذا البنت تسوق او تجيب لها دريول كل واحد يرفع الضغط أكثر من الثاني ..

لأنه إذا سقنا بيرتفع الضغط والعصبية من الزحمــــة رغم ان طلعتي بسس للدوام والويك اند كل اسبوع مع الاهل للتشري ..
ولا المعتوهين إلي ما يعرفون يسوقون خصوصاً (الدريوليه)
هذول ودي أسوي لهم أباده جماعية ما يفتكر في احد سواء كان مركب حريم ويهال في السيارة ولا لا ..
والله إن اغلبهم تحسين انه بيسوي عمليه انتحارية في الشارع من سواقته
ومستحيل يفتح الطريق ويناحس وغير سياره معزبه إلي مب مفتكر فيها ومستعد انه يدخلها الطوفه ويكنسها !!! :eek5:

لكن ما ننكر ان سواقتنا لها فايده وقت الضرورة القصوى في حالة إذا احد مريض ومحد في البيت لأنها صارت معاي أكثر من مره ..
والود ودي اكسر الليسن وافتك منه لكن المصيبه إن محد بيعطيني وجه في البيت ..:shy:

وان جبنا دريول مستحيل اركب معاه بروحي رغم إني عيوز:( لكن بعد مب متعوده واخاف منهم ..
ولا أسواقتهم إلي ترفع الضغط خصوصاً إذا أنتي تعرفين تسوقين وتطلعين مع حد يسوق تحسين انه ما يعرف حق السواقه
فـ تلاقيه يتنح عند أي زحمه ولا يعرف يصرف عمره او يلاقي له مخرج فتضطرين تهاوشينه
وتقولين له روح يمين وروح يسار اطلع فوق انزل تحت !! :anger1::rolleyes2:

أقوول ترى مدري شسالفه وشلي خبصته في الكلام !!:shy:
ما اقول غير الله يعينا ويعينكم ..

&بوشهد&

07-01-2009, 02:14 PM

اذا هو يبغي روح ومدته ماخلصت
لازم تكون التذكرة عليه لايكسر خاطرك بعد بوذي والله اريال مادفعت

ورقــة أمــل

07-01-2009, 03:30 PM

سفروه على ارخص طياره خله يلف لف العالم ترانزيت
مافي حل الا انه يتسفر
انتو دريولكم اهون من دريولنا
دريولنا قاطع اشارة ب 6000 ريال ولا دفع ولا شي للحين موهقنا
وانتهت استمارة السيارة من شهرين وبيكمل الثالث وكل يوم يقول بدبر فلوس وبدفع
وداعم بسيارتي والحمدلله شمخ بسيط بس حتى لو طلعت ورقة من المرور هو ماراح يدفع شي بدفع من جيبي
هذا غير ان كل مرة لما نطلع معاه لازم انا انتبه للشارع لانه بين فترة وفترة يفهي كم مرة بغا يدعم بنا كنا بنروح فيها
واذا قلنا له كلمتين قام يتنافض احسه شوي وبيموت علينا مب ناقصين يموت عندنا بعد
انا اسوق بس امي ماترضى اروح اماكن بعيده شوي وفي الزحمة يعني مضطرين نحط دريول

فيزيائية

07-01-2009, 03:54 PM

خليها لى الله
السايق شيخ وغرفته جناح ملكي ويتشرط وكل يوم يبي زيادة
والخادمة ماتسوي غير التنظيف والكوي واي كلام ومايعجبها ان علقنا

QTR-SOUL

07-01-2009, 04:03 PM

جزاكم الله خير ماقصرتوا بس هو ماكمل سنتين واحس ناوي يسوي لنا مصيبه وانا ابي اسفره بس ابي اعرف اكثر طيران يعذب في الترانزيت ورخيص

أم ريليه

07-01-2009, 04:06 PM

والله يا اختي اصري على السواقة احسن واضمن على عيالتش احنا بنات العايلة كلهم يسوقون
وموظفات والوالد ماله خاطر يوصل حد كبير في السن ,والوالده مو متعلمه المهم كان في دريول في البيت يوصل اخوي الصغير ا للمدرسة وسبحان الله الحامي صادته امي يستدرج
لغرفته ويبي يشيل ملابسه يعتدي عليه الا امي شالت هالعصا وطراج على راسه ومن يومها الاهل يوصلونه هو واختي ة الصغيرة احسن وامان بصراحةهم واتمنى كل رجل يخاف على عياله ينتبه للشي وممكن اذا البيت فاضي يهجم على حريم البيت خاصة اذا الريال يشتغل والمره بروحها في البيت وبعدين الندم ما يفيد

>>> غــمـــوض <<<

07-01-2009, 08:10 PM

:( انه الدريوليــه مادانيــهم يرفــعون الضغــط ويفقــعون المراره
سواقه بطيئة على غباء مب طبيعي على تدعم في الناس ،، اف منهم بلاده
واخرتها مايعجبهم العجب
المشكله كل شي موفرينه لهم __ في بلادهم حالتهم حاله واهني عايشين شيوخ ومايبونــــ:omen2:ــــــ

الحمد الله في بيتنه مافي درويول وكــل واحد عنده سيارتــه الخاصــه :)
نروح نقضي اشغالنه ونطلع من الجامعه بأي وقــت مايحتاي تنقع في الشمس
الا (( راجو وينك وكومار تعال تأخرت )) :) الحمدالله نركب السياره ونرجع البيت بهدوء اعصابــــــــــ

بوعلي-Qtr

07-01-2009, 08:23 PM

خذي الليسن منه واحرقيه قدامه ,. وقوليله مع السلامة

اسعاف

07-01-2009, 08:40 PM

اذا احتاج الأب لسواق

يسأل نفسه

هل خلوة المرأة جائزة مع الدريول؟

طبع الجواب :حرام

ويأتي آخر وبيقول

خل الخادمة تركب معاهم

انزين
بعد ما تركب معاهم وتنزل الحرمة الشغل او المدرس

سوف تكون خلوة بين الدريول والخدامة او ام الزوجة ؟وهل يجوز هذا ؟
يعني جائز الخلوة مع بنات الناس وبنتي لا؟
اخف الضررين ان تسوق المرأة للحاجة فقط
مع الألتزام الكامل بالحجاب الأسلامي الصحيح
ويكون مها جوال للاتصال عند الضرورة

عزووز قطر

07-01-2009, 08:50 PM

أنـا عن نفسي ضد سواقة البنات ..
وطبعاً في أسباب كثيرة لو تعطلت السيارة في الشارع من بيضرب جيك ؟؟
من بيجيها ؟؟ زوجها ولا أخوها ولا أبوها ؟؟ دامهم من الأساس كلهم مشغولين ومايقدرون يوصلونها مشاويرها بيجون يصلحون التاير ؟؟؟

النقطة الثانية :
العادات والتقاليد ,, الصراحة ماأتخيل اني اتزوج وحدة تسوق , ومب بس انا عايلتنا كلها ضد هالشي..

النقطة الثالثة :
تقولون ان الوحدة ماتكون تحت رحمه الدريول , ولازم تعتمد على نفسها , أتمنى ان يتم تطبيق هالشي على الخدامة بعد .. شمعنى الخدامة عادي تتغير مليون مرة بس الدريول يتغير مرتين وعقب تعصبون !!؟؟

أبا خطاب الهلالي

07-01-2009, 09:15 PM

بسم الله

المره تسوق طبعا أفضل من دريول يكون معاها بمليارات المرات
ولكني رغم هذا معارض لقيادتها لأسباب بتكلم عنها في النهاية .

ولكن للأسف بعض البنات لطخ سمعة قيادة المرأة ألخصها في عدة نقاط :

1/ تبرجها ومكياجها الصارخ وبعضهم مسيح القذله يعني شوفي شعري ناعم .

2/ قزها للرجال أكثر من أي رجال مغازلجي .

3/ مرورها في شارع معروف انه تجمع شبابي يعني تسوي نفسها مغلطه داخله الشارع
غلط أو تبي نسكافيه مسكينه دايخه .

4/ سواقتها بدون احترام وسرعه وسباق بعض الشباب والمجاكر .

5/ اذا كانوا مجموعه بنات في سيارة بعضهم يلفت بالغصب انظار كل العالم وكأنها مسرحية
أو فيلم جديد من ضحكهم وصراخهم ومزحهم وضربهم لبعض في السيارة .

6/ متى كانت البنت تمر في سيارتها وصوت الأغاني والحب والهيام عالية وتسمع الشارع كله

اذا حد من أبهاتكم يابنات أو اخوانكم شاف هذيلا وشيسون تهقون بيسمحون لكم تسوقون ؟

حتى لو كانت فيكم الثقه ومتنقبات وعفيفات طاهرات لأنه التفاح الطيب ماينحط وسط تفاح خايس

والأسباب لعدم جواز سياقة المرأة اقرار العلماء والشيوخ من الناحية الشرعية
لما يسبب من اختلاط تخيل مره تسوق ومنقبه وعفيفه ومن يمينها رنج فل شباب
ويسارها بورش فل شباب وقدامها موستنج كشف شرايكم في المنظر ؟!!!

الحل الوحيد هو لازم تعاون الأباء والأخوان في توصيل خواتهم لأنه لهم حق عليهم
والأزواج يوصولون زوجاتهم ولو على حساب تعبه لأنه لها حق عليه وبس

..الاميرة..

07-01-2009, 09:32 PM

الوعد2016

07-01-2009, 11:16 PM

هههههههههههههههههههههههه
كل السائقين نفس النظام والخدم كذالك والكل يشتكي ولا احد يحميهم

هداف

07-01-2009, 11:25 PM

الخدم منذ القدم موجودين في البيوت من الجنسين من الالاف السنين يعني الاسطوانه المشروخه
(( سواقة المرأه افضل من الدريول )) غيروها ودوروا عذر غيرها ,,, ماضيع ها لنسوان وضاعت البيوت الا من انفلات الرقابه وترك الحبل على الغارب الان نشوف اربع بنات في الموتر ادواره في الشوارع لاحسيب ولا رقيب وكاشخات كنهم رايحين عرس وكل هذا من باب ثقه وانفتاح والبنت اتسوق احسن من دريول !!

فيه نساء جبرتهم الحاجه وظروفهم المعيشيه للسواقه ولكن بنت ام 22 سنه وعندها سياره وعزباء !!! لا تعليق

مرحوم قطر

07-01-2009, 11:34 PM

انا اقولك

اكرفه حقك

لا تعطيه سياره و قف على راسه ابلوح

خله يجرد البيت جراد الللين يقول قاق و يطلع كل الي في جبده و يشرد

و الحين اعتقد القانون تغير اذا شرد خلاص يجيه ابعاد نهائي من الدوله و هو الي يدبر تذكرته

ولا تعطيه راتب خله يخيب ثناه اللين يقول بوذا انقذني

و ما يلقا بوذا و يعلن اسلامه بعدين سامحه

سمو انسان

08-01-2009, 12:00 AM

الدريوليه هل ايام وللاسف صارو يتشرطون على معازيبهم
الفكره انه يجي غشيم ويتعرفله على كم دريول ويفرون مخمه فر ، بعدها يا انه يحول كفالته او يشرد ويشتغل فمكان افضل من مكانه الحالي،

بصراحه وبدون اي مجامله انا من المأيدين لسواقة المرأه

وبصراحه بقولكم سالفه صارت لي مع بنت كنت وقتها 16 سنه هل كلام سنة ال 2004
مثل ما تعرفون الواحد فهل سن يحب الاكشن، بأختصار كنت مستانس على سيارتي الاولى ماكسيما ،بعد ما خذتها بأسبوعين كنت مسرع ( :omg:160) وازرق بين السياير سكرت علي لومينا (حمره مخفي كامل دباب صوت) ، حاولت ازرق مافي مجال، مسكر علي ، شوي الا بو الشباب بدى يلصق فيني ( ذرى جمب :omen2: ) كنت عليمي حسبته يبي يدعمني ، والله العظيم حثلتها واخبطه خبطه متعمد عمري ما انساها دخلت سيارته الجزيره اللي فالوسط، وسيارتي لفت لف لين ما قالت بس دعمت اللي جدامه واللي وراها، المهم بعد ما وقفت كلمت الشرطه وانتظرت 10 دقايق ما ظهر راعي الموتر، بصراحه جاني خوف خفت انه اللي فيها تعور، رحت ركض فتحت الباب الا بنت عمرها في بدايت العشرين، صارخت (وانا ماعطيها الاذن الصمخه ) وجه ابوها كمل بعدها بالصراخ، بكل اختصار قلت له احمد ربك ما قلبتها ( سن مراهقه وقلت ادب :shy: )، فالنهايه عطيت الدريول ليسني وخذت سيارته عودة البيت.
ولله الحمد الحين ال 100 ما اتجاوزها :victory:

الهدف من السالفه اني ضد هل نوعيه من السواقه كانت للبنات او للشباب

وعلى طاري الزحمه شباب عندي لكم حل ولا اروع تتجنبون كل انواع الزحمه ( عليكم بالدراجات :nice: خمس دقايق وانت فالدوام )

ورقــة أمــل

08-01-2009, 12:18 AM

هههههههههههههههههههههههههههههههههههههههههههه وخير ان شاء الله خليه يموت !! :secret::eek5:

لا ياختي انا قليبي رهيف :shy:
ماشد هالمناظر :rolleyes2:

برشلوني قطر

09-01-2009, 03:35 PM