المساعد الشخصي الرقمي

مشاهدة النسخة كاملة : الدولي الاسلامي وفجيعة الخبر



سوبر سهم
07-02-2005, 09:33 AM
السلام عليكم

اخواني واخواتي

هل ترون ان توزيع الارباح عادل؟

هل كان ارتفاع سهم الدولي وثبوته فترة من الزمن عند اسعار عاليه عادل؟


الان اللي ايخليني استغرب ان امس اللي هو الاحد انباع اول شي 291.5

وعقب نزل الى الثمانينات لكن .... الاغلاق كان 286.3

واليوم انباع السهم 257.7 ريال اي بانخفاض 10% :eek:

انا اخبر الانخفاض ايكون 5% لكن ايش اللي صاير ماادري الوضع غريب صح؟؟

او ان معلوماتي على قدي بما اني من الجدد على السوق ماصر لي سنتين .


ارجو التوضيح والمناقشه.

في الانتظار

قطري
07-02-2005, 10:05 AM
ههههههههههههه
اي والله شلون صارت هذه الربع شخريييييييي
شوفهم بكره بيقولولك تم الغاء الصفقات الى اقل من 5 %
تعال ليكون الشركات الي فوق 200 لها شان ثاني :o
بس ملاحظة حلوة منك

سوبر سهم
07-02-2005, 10:25 AM
قطري

هههههههههه مساكين اكثر الصفقات اصلا تمت بهالسعر وطالع الحجم فوق 15الف سهم معروض بهالسعر


والله احتمالات كثيره الناس نايمين .... بس مش اتوماتك السوق لازم ايوقف السعر؟

ويمكن احتمالات الاسهم اللي فوق 200 لهم شأن ثاني ... ياليت حد ايفيدنا...


:) اقول ملاحظتي ماجاءت من فرااااغ اشوف صدمة الخبر والسعر اصلا لو صحيح بيكون عجيب

يعني نشتري بكره لو 240 او 230 والله وناسه

:)

قطري
07-02-2005, 11:26 AM
الحين الي شرى 1000 سهم على 290 بقيمة 290000
بيعطونة 1000 ريال و 200 سهم خوش استثمار والله :mad:
لو شاري له 19000 سهم في السلام افضل له
بس الربع كل شركة ولها ناسها وقاعدين يتسابقون الي يطوف الثاني
وكيوتل تقول لهم القومة لكم والخط لي :rolleyes:

إنتعاش
07-02-2005, 12:09 PM
اخوي الكريم قطري

اللي شرا الدولي بـ290 ريال

بيطلع عليه المتوسط السعري بعد العائد النقدي والمنحه = 222 ريال للسهم

اعتقد شي طيب

ولكن الاطيب من اللي بيشتري 240 مثلا


يطلع عليه المتوسط تقريبا = 183.6 ريال للسهم الواحد

صحيح هناك فرق

لكن ان شاءالله دامك في البنوك

لا تحاتي

مسيرك بتآكل شهد وعسل بإذن الله

ولا تستغرب لما يوصل 380 ريال سعر الدولي هالوقت في 2006 :)

سهم أب
07-02-2005, 12:27 PM
السلام عليكم ورحمة الله وبركاته.....

لا أخواني، أمس صدر قرار في السوق برفع نسبة الزيادة والانخفاض إلى 10%....... وشي ثاني لازم ننتبه له، ان النظام آلي ما يسمح بالزيادة أو الانخفاض عن النسبة حتى لو تمت محاولة تجاوزها......

ويعطيكم العافية....

سوبر سهم
07-02-2005, 12:32 PM
سهم اب عليكم السلام والرحمة

الزيادة كانت من قبل 10% بس ليش مااعلنوا على ان لمت داون 10%؟؟

يعني المفروض ايحطون اعلان .

10% لمتد داون بتلعب في الناس لعب مع دخول الاجانب الله يستر



انتعاش واللي شروا ب 295 والله بعد مساكين خل ايحطونها بنك الدوحة احسن لهم او المصرف لو يبون اسلامي

:)

بس جمعياتهم متى يااخوان ؟؟


سلالام عليكم

إنتعاش
07-02-2005, 12:55 PM
اخوي تصدق لو نفكر بهدوء و برويه اكثر

بنشوف ان توزيع الدولي ترا شي مب سهل بعد

يعني 40 % .. 30 % مجاني و 10 % كاش

وطول عمر الدولي معودنا على المنح المجانيه بعكس المصرف الاسلامي

احنا نشوف الآن التوزيع غير متوقع لأن ( قنبلة المصرف المدوية )

اثارت حالة من النشوى والطموحات الأعلى من الواقع لدينا كحملة لأسهم البنوك الاسلاميه

إلا ان الموضوع تنافس وتسابق مابين منشأتين واحنا نجلس نتابعهم

بالعكس اخوي توزيع الدولي جيد جدا ومرضي خصوصا والسنه القادمه راح يكون كلام ثاني :)


وتذكر كلامي اذا شفت الدولي صك الـ 400 ريال بإذن الله تعالى . .


عموما القيمه السوقيه بلا شك غير مرضيه وكانت عاليه في حدود الـ 290 ريال

لكن ايضا شوفه الحين بدا ( يعقل السهم اكثر ) . . :)


وكل عام وانت سوبر :)

إنتعاش
07-02-2005, 12:56 PM
سهم أب

تسلم اخوي على هالتنبيه

وكنت اعتقد انه معروف للكل الـ 10 % طلوع ونزول . .

واكنت اتذكر حالة استثنائيه للنقل البحري وشركه اخرى ايضا

qatar_moon
07-02-2005, 01:48 PM
زين لو شريت الحين في المصرف بلحق على الارباح

سوبر سهم
07-02-2005, 09:57 PM
انتعاش صحيح كلامك والله

بس مادري ليش توقعنا ربح اكثر والحمدلله مافي خساره خصوصا اني شريت من يوم كان في المئات:)


بدون تحديد كم هههههههه :)

وبعد عندي نية شراء لي نزل لمتد داون بعد بكره باذن الله

واللي شرا ب 295 بعد ربحان لو انتظر توزيع الارباح

ومشكور على التوضيح والله ترى حسبتك لسعر السهم هدتنا شوي وخلتنا نرجع للعقل وننسى الصدمة

تشكر عليها :)


قطر مون نعم تقدرين اختي لان بدري على التوزيع الحين وقت الاعلانات وبس