هل بورصه شركه الاصمخ العقاريه تغرد خارج السراب؟ [الأرشيف]

بوحمد2

10-01-2009, 12:03 AM

من كمن يوم وانا اتابع اسعار الاراضي عن طريق بورصه الاصمخ الي في الملحق الاقتصادي لجريده الوطن وتفاجئت بان الاسعار المعروضه منهم لا تعكس الواقع نهائي مثال ؟ام عبيريه كلنا ندري ان ام عبيريه ان باع فيها على 42للفوت ولاكن اهما يضخمون الاسعار ويعرضونها ضعف السعر الحالي للسوق مثال اخر انا لاقي في مدينه الشمال على اقل من 50وهم معتمدين السعر 130 مادري هم عايشيين معانا او ينطرون لين يصرفون الكميات الي عندهم وعقبها اظاهر بيحطون الاسعار الحقيقيه لكل منطقه...واتمنى التعليق من الجميع

مجرد وهم

10-01-2009, 06:12 AM

ايه ياخوي شفت هالملحق وتكلمت عنه في احدى التعليقات من فترة 10 ايام في المنتدى اهنيه من دون ما اذكر اسم الشركه ,, وشفت اشياء خياليه في الملحق ومثل هالملحق ترا ما يساعد بل بالعكس يخرب عملية البيع لانه الي يشوف الملحق واهو عنده ارض يفتكر انه هالسعر حقيقي والناس تلعب عليه وطبعن بيرجع يزيد في سعر الارض وعملية البيع والشراء بتوقف وحتى الوسطاء متضررين .. على العموم انا ما اقول الا الله يعين الي ماخذ قروض بنكيه لشراء اراضي والله ما ودنا يوم نشوف ناس مفلسه ولا ناس مديونه وفي نفس الوقت ما ودنا نشوف ناس تنطرد من البيوت لجشع التجار.. وفيه ناس تفكر انه سوق العقار بيرجع مثل ماكان وانا عن نفسي ما اعتقد هالشي وعندي اسبابي الي من خلالها حللت انه الصحوه العقاريه يبيلها ففتره طويله جدا عشان تصحى من جديد والي من اهمها

((((( الاشخاص الي على سبيل المثال شرو اراضي في ام عبيريه على 250 ريال للفوت والان الاراضي تعرض امامه على 50 ريال و 60 و70 وبعضهم الى الان يملك السيوله للشراء وبعد ما يشتري وحتى الاشخاص الي ما شرو في الغلا بعد متخوف من الشراء لانه فاهم انه فيه مزيد من الهبوط .. المستثمرين العقارين سواء كانو قطريين او غير قطريين بعد الهبوط الحاد الي صار عندنا افقدتهم الثقه في السوق العقاري والي راح يزيد فقدانهم للثقه اهو نزول الاجار الي ماراح يشجع المستثمر على الشراء الا اذا كانت قيمة العقار تتناسب معى مدخول العقار )))))))

.. والحمدلله على نعمة الفقر يمكن لو كنت من اصحاب الملايين كان انا الحين انا اتحسر على الي راح وافكر في القروض البنكيه اذا ما سددتها ايش بسوي .. راضي بالقليل احسن من قروض ونهايتها معروفه وين ....تقبلو مروري