المساعد الشخصي الرقمي

مشاهدة النسخة كاملة : هل تحب الصراحه ام المجامله ؟؟؟؟؟؟


صمــت البــوح
10-01-2009, 12:50 AM
السلام عليكم ورحمة الله وبركاته

في موضوع طرى علي وقلت اقوله لكم ونشوف آراااء بعض

كلنا نتعرض لمواقف تقريبا شبه يوميه مع اختلاف المواقف من شخص لآخر ومن موقف لموقف وفي كثير من هالمواقف نتوهق مرات بمواجهة الموقف وطريقة الرد وفي منا الي
يواجه الموقف بالصراحه التامه وفي الي يواجهه بالمجامله

طبعا الصراحه والمجامله شيئين ضروريين بحياتتنا

وطبعا كثير من الناس مايعرف يفرق بين الصراحه والمجامله

والصراحه مطلوبه في مواقف معينه وماننسى ان المجامله مطلوبه في بعض الاحيان

في ناس تاخذ مفهوم الصراحه بشكل غلط ويقولك : انا انسان صريح ودايما اقول رايي والي بقلبي بكل صراحه

انا اشوف من وجهة نظري هذا الشي غير صحيح لان في بعض الاحيان صراحتك هذي تخلي الناس تنفر منك وممكن تكرهك او تكره وجودك بينهم وتتضايق لما تشوفك موجود بنفس المكان الي هم فيه وتبادل الكلام معاك

وفي ناس دايما تجامل في اي موقف وهذا بعد اشوفه غلط لان اذا انسان دايما يجامل عمرنا ماراح نعرف رأيه الحقيقي وموقفه تجاه بعض الامور او المواقف

والحين كل واحد يقرا موضوعي اقوله

هل انت انسان صريح دايما او مجامل دايما او بين الاثنين ؟

متى في رايك تحس ان الانسان يكون صريح ومتى يكون مجامل ؟

واهم شي ((عشان تطلع سوالف حق اخونا ناصر :nice: )) هل صراحتك او مجاملتك حطتك في موقف محرج مع أحد ؟؟ اذا نعم ماهو الموقف و ماصلتك بهذا الشخص ؟؟

في انتظار ردودكم
نحول
10-01-2009, 12:53 AM
سؤال عاام

بس حزات الصراحة تكون جارحة ,

في شغلات الصراحة مطلوبه فيها وشغلات لا المجاملة تكون لباقة لابد منها


وشكرا !
صمــت البــوح
10-01-2009, 12:55 AM
سؤال عاام

بس حزات الصراحة تكون جارحة ,

في شغلات الصراحة مطلوبه فيها وشغلات لا المجاملة تكون لباقة لابد منها


وشكرا !

لاهنت على مرورك وردك الكريم ياخوي
boalia
10-01-2009, 12:55 AM
حزات المجاملة مطلوبة
بوخالد911
10-01-2009, 12:56 AM
الصراحة ما في أحسن منها

ولو انها تزعل ربما

لكن لابد منها

تسلم / تسلمين (( والله ماعرفت 1 ولا وحدة !!! ))
الوعد2016
10-01-2009, 12:57 AM
يخوك الصراحه بين الاخوان تزعل كيف مع المسؤولين والقاده والكبار وغيرهم المجامله هي وسيله لصعود الى القمه في جميع المجالات وللاسف
صمــت البــوح
10-01-2009, 12:59 AM
حزات المجاملة مطلوبة


شكرا على مرورك وتعليقك
صمــت البــوح
10-01-2009, 01:00 AM
الصراحة ما في أحسن منها

ولو انها تزعل ربما

لكن لابد منها

تسلم / تسلمين (( والله ماعرفت 1 ولا وحدة !!! ))


شكرا على مرورك وتعليقك

انا رجال مو بنت ياخووي :nice:
بنت ذياب
10-01-2009, 01:00 AM
اااااممممممم انا عندي الانسان الصريح بككككككل الامور.. انسان وقح

يعني خل اعطيكم مثال

واحد ياي عندك يقولك شرايك ف ملابسي

بترد عليه بتقوله : بااااااايخه !!!

هاي وقاحه


وموقف صاار حق وحده من الاهل اليوم ..

قالت لجارتها ممكن ازورج عشر دقايق .. علشان تبارك لها على شي

بكل صراحه (وقاحه): قالت لها اااسفه !!! عيالي عندهم امتحااان

يعني الصراحه مطلوووبه .. لكن بحدوود

مو كاااشات !!

وايضا المجامله تكون بحدود .. مو انك تجامل كل الناس !! جذي بتكون منافق وجذاب !


يعني تقدر تقول: اناا بين الاثنين .. :)
صمــت البــوح
10-01-2009, 01:01 AM
يخوك الصراحه بين الاخوان تزعل كيف مع المسؤولين والقاده والكبار وغيرهم المجامله هي وسيله لصعود الى القمه في جميع المجالات وللاسف

صحيح كلامك وانا هذا الي قصدته ان الصراحه مطلوبه في امور والمجامله مطلوبه في بعض الامور بعد

شكرا لمرورك
صمــت البــوح
10-01-2009, 01:02 AM
اااااممممممم انا عندي الانسان الصريح بككككككل الامور.. انسان وقح

يعني خل اعطيكم مثال

واحد ياي عندك يقولك شرايك ف ملابسي

بترد عليه بتقوله : بااااااايخه !!!

هاي وقاحه


وموقف صاار حق وحده من الاهل اليوم ..

قالت لجارتها ممكن ازورج عشر دقايق .. علشان تبارك لها على شي

بكل صراحه (وقاحه): قالت لها اااسفه !!! عيالي عندهم امتحااان

يعني الصراحه مطلوووبه .. لكن بحدوود

مو كاااشات !!

وايضا المجامله تكون بحدود .. مو انك تجامل كل الناس !! جذي بتكون منافق وجذاب !


يعني تقدر تقول: اناا بين الاثنين .. :)


كلام جميل وزين انج ذكرتي موقف عشان في ناس بتستانس :nice:

وشكرا على المرور الكريم والتعليق
بوعلي2
10-01-2009, 01:17 AM
والله انا صريح بس عاد ماحرج حد اذا البراد ضاربني وهو ضاربه البراد اعطيه كاش بويهه لكن اذا انا ضاربني البراد وهو مب ضاربه البراد اسكت عنه والصراحه تكون حلوه بس بحدود يعني => شكله مايدري هو صريح او لا => قام يخورها :sneaky:
!قطريـة بنت القمـر!
10-01-2009, 01:17 AM
المجاملة مطلوبة ولكن بحدود واحب اجامل في الامور اللي تحتاج تشجيع .... مثال: اختي او صديقتي رسبوا بالامتحان !! وانا ادري ماكانوا يدرسون وماخذينها لعب .... اكلمهم اقول من جد وجد !! واحاول التشجيع لان الاحباط في مثل هالامور عواقبها وخيمة اكيد وخصوصا مع الناس الغير واثقين بقدراتهم بشكل عام واكره المجاملة اللي تصبح في كثير من الاحيان الى نفاق !! (الصراحه) .... بصراحة طبيعتي في اغلب امور حياتي صريحة ويمكن انها تجرح في بعض الاحيان ولكن ساعات لا بد للجرح ان كان الشخص غارق في عالم من الاوهام او الاحلام !! واخص صراحتي في الامور الاخلاقية .... وتعتمد على نوعية الشخص اللي قدامي .... مثلا : شخص وقح اكيد اصارحه بدون ما افكر انجرح او لا !! شخص طيب شوي اصارحه بطريقة لبقة .... شخص طيب جدا وحساس طبعا مصارحته تكون بالتدريج وبهدوء .... اخيرا: بعض الاحيان افضل الصمت كنوع من انواع الدبلوماسية لا صراحة ولا مجاملة!! وهيك الئصه :nice: ....
الوعد2016
10-01-2009, 01:19 AM
صحيح كلامك وانا هذا الي قصدته ان الصراحه مطلوبه في امور والمجامله مطلوبه في بعض الامور بعد

شكرا لمرورك

مشكوره على الرد ومشكوره على الموضوع
صمــت البــوح
10-01-2009, 01:28 AM
والله انا صريح بس عاد ماحرج حد اذا البراد ضاربني وهو ضاربه البراد اعطيه كاش بويهه لكن اذا انا ضاربني البراد وهو مب ضاربه البراد اسكت عنه والصراحه تكون حلوه بس بحدود يعني => شكله مايدري هو صريح او لا => قام يخورها :sneaky:


هههههههههههه يعطيك العافيه على الرد الحلووو وتسلم على مرورك
صمــت البــوح
10-01-2009, 01:29 AM
مشكوره على الرد ومشكوره على الموضوع

انا مووو بنت يا ناااااس:weeping:
صمــت البــوح
10-01-2009, 01:32 AM
المجاملة مطلوبة ولكن بحدود واحب اجامل في الامور اللي تحتاج تشجيع .... مثال: اختي او صديقتي رسبوا بالامتحان !! وانا ادري ماكانوا يدرسون وماخذينها لعب .... اكلمهم اقول من جد وجد !! واحاول التشجيع لان الاحباط في مثل هالامور عواقبها وخيمة اكيد وخصوصا مع الناس الغير واثقين بقدراتهم بشكل عام واكره المجاملة اللي تصبح في كثير من الاحيان الى نفاق !! (الصراحه) .... بصراحة طبيعتي في اغلب امور حياتي صريحة ويمكن انها تجرح في بعض الاحيان ولكن ساعات لا بد للجرح ان كان الشخص غارق في عالم من الاوهام او الاحلام !! واخص صراحتي في الامور الاخلاقية .... وتعتمد على نوعية الشخص اللي قدامي .... مثلا : شخص وقح اكيد اصارحه بدون ما افكر انجرح او لا !! شخص طيب شوي اصارحه بطريقة لبقة .... شخص طيب جدا وحساس طبعا مصارحته تكون بالتدريج وبهدوء .... اخيرا: بعض الاحيان افضل الصمت كنوع من انواع الدبلوماسية لا صراحة ولا مجاملة!! وهيك الئصه :nice: ....



شكرا شكرا شكرا على المرور الطيب والرد الجميل الي بصراحه غطى على موضوعي كله

<<< بدا يجااامل هههههههههههههههه

لا بصراحه شي مو غريب عليج اختي دايما متألقه بردودج الجميله
الوعد2016
10-01-2009, 01:35 AM
انا مووو بنت يا ناااااس:weeping:

مشكور يالذيب على الموضوع ولعلمك الاسماء تخون والاقاب كذالك العتب على عدم التمييز
ههههههههههههههههههه
اتاسف لك مره ثانيه يالذيب
Bu Rashid
10-01-2009, 01:36 AM
الاثنيين معا ... حق المواقف الصعبه ...
المهلهل
10-01-2009, 01:38 AM
انا اقول شوف الشخص الي قدامك يتقبل الصراحه اصارحه وذا كان لا يقبلها ممكن اجامله بس ما اكذب ولا انفخ فيه واذا شفته يتكلم في امر غلط ويستشهد فيني ويبني اسانده اسكت وما ارد وهو يفهم وفي نفس الوقت ما احرجه وقوله كلامك غلط قدام الناس
صمــت البــوح
10-01-2009, 01:38 AM
مشكور يالذيب على الموضوع ولعلمك الاسماء تخون والاقاب كذالك العتب على عدم التمييز
ههههههههههههههههههه
اتاسف لك مره ثانيه يالذيب

العفو ياخوي

وماله دااعي الاسف يالغالي ماحصل الا الخير :nice:
صمــت البــوح
10-01-2009, 01:39 AM
الاثنيين معا ... حق المواقف الصعبه ...





شكرا على المرور والتعليق ياخووي
صمــت البــوح
10-01-2009, 01:41 AM
انا اقول شوف الشخص الي قدامك يتقبل الصراحه اصارحه وذا كان لا يقبلها ممكن اجامله بس ما اكذب ولا انفخ فيه واذا شفته يتكلم في امر غلط ويستشهد فيني ويبني اسانده اسكت وما ارد وهو يفهم وفي نفس الوقت ما احرجه وقوله كلامك غلط قدام الناس


بس لو سكت ومارديت الناس بتعرف ان كلامه غلط

شكرا على مرورك وتعليقك اخووي
بوحارب
10-01-2009, 01:42 AM
انهـ احب الصراحة والمجالمة
صمــت البــوح
10-01-2009, 01:44 AM
انهـ احب الصراحة والمجالمة




احسن شي ان تكون بين الاثنين :nice:

شكرا على مرورك الجميل اخوي بوحارب
بنت المنتدى
10-01-2009, 01:59 AM
هلا اخوي

تسلم لنا ع هالموضوع الحلووو ..



هل انت انسان صريح دايما او مجامل دايما او بين الاثنين ؟




وتبي الصج ..

آنا وايد صريحه :rolleyes2: لكن مو لدرجة اني اجرح اللي قدامي ..

وفيه فرق كبير بين .. الصراحه والوقاحه :) ..



متى في رايك تحس ان الانسان يكون صريح ومتى يكون مجامل ؟


المفروض اذا انا احب هالشخص اصارحه مش اجامله ..!!










لاهنــــــــــــــت
:)
صمــت البــوح
10-01-2009, 02:07 AM
هلا اخوي

تسلم لنا ع هالموضوع الحلووو ..



هل انت انسان صريح دايما او مجامل دايما او بين الاثنين ؟




وتبي الصج ..

آنا وايد صريحه :rolleyes2: لكن مو لدرجة اني اجرح اللي قدامي ..

وفيه فرق كبير بين .. الصراحه والوقاحه :) ..



متى في رايك تحس ان الانسان يكون صريح ومتى يكون مجامل ؟


المفروض اذا انا احب هالشخص اصارحه مش اجامله ..!!










لاهنــــــــــــــت
:)



الله يسلمج من الشر

اذا تحبين شخص صح المفروض تصارحينه بس مو دايما لان اعتقد اذا دايما تصارحينه وفي جميع المواقف يمكن تخسرين هالشخص

وشكرا لج على المرور والتعليق على موضوعي المتواضع
صمــت البــوح
10-01-2009, 02:53 AM
ويــــن الردود :anger1:

المشاهدات 112 والردود 26 بس :weeping:

ابي تفاعلكم معاي :rolleyes2:
الوعد2016
10-01-2009, 03:00 AM
ويــــن الردود :anger1:

المشاهدات 112 والردود 26 بس :weeping:

ابي تفاعلكم معاي :rolleyes2:

بصراحه متابعين ومتحمسين للموضوع ونصفق ونشجع
صمــت البــوح
10-01-2009, 03:04 AM
بصراحه متابعين ومتحمسين للموضوع ونصفق ونشجع



هههههههههههههههههههههههههههههههه
اهم شي التصفيق والتشجيع
صمت القلوب
10-01-2009, 04:09 AM
انا انسانه صريحه ... في حدود عدم التجريح والاهانه ....
اذا شفت شي غلط ... بقوول انه غلط ...
وهم بعد يعتمد على نوعيه الاصدقاء .... يعني انا صديقاتي بنصحهم باللين
والقول الحسن .... اما اذا اللي قدامي مايفتهم ... اهنيه اتعدى حدود المجامله
والصراحه واريح بالي ....
تحيــــــــــــــــــــاتي لك ... صمت البوح ...


اختكـ

صمت القلوب
أمير المحبه
10-01-2009, 04:16 AM
السلام عليكم ورحمة الله وبركاته

في موضوع طرى علي وقلت اقوله لكم ونشوف آراااء بعض

كلنا نتعرض لمواقف تقريبا شبه يوميه مع اختلاف المواقف من شخص لآخر ومن موقف لموقف وفي كثير من هالمواقف نتوهق مرات بمواجهة الموقف وطريقة الرد وفي منا الي
يواجه الموقف بالصراحه التامه وفي الي يواجهه بالمجامله

طبعا الصراحه والمجامله شيئين ضروريين بحياتتنا

وطبعا كثير من الناس مايعرف يفرق بين الصراحه والمجامله

والصراحه مطلوبه في مواقف معينه وماننسى ان المجامله مطلوبه في بعض الاحيان

في ناس تاخذ مفهوم الصراحه بشكل غلط ويقولك : انا انسان صريح ودايما اقول رايي والي بقلبي بكل صراحه

انا اشوف من وجهة نظري هذا الشي غير صحيح لان في بعض الاحيان صراحتك هذي تخلي الناس تنفر منك وممكن تكرهك او تكره وجودك بينهم وتتضايق لما تشوفك موجود بنفس المكان الي هم فيه وتبادل الكلام معاك

وفي ناس دايما تجامل في اي موقف وهذا بعد اشوفه غلط لان اذا انسان دايما يجامل عمرنا ماراح نعرف رأيه الحقيقي وموقفه تجاه بعض الامور او المواقف

والحين كل واحد يقرا موضوعي اقوله

هل انت انسان صريح دايما او مجامل دايما او بين الاثنين ؟

متى في رايك تحس ان الانسان يكون صريح ومتى يكون مجامل ؟

واهم شي ((عشان تطلع سوالف حق اخونا ناصر :nice: )) هل صراحتك او مجاملتك حطتك في موقف محرج مع أحد ؟؟ اذا نعم ماهو الموقف و ماصلتك بهذا الشخص ؟؟

في انتظار ردودكم

المجامله مطلوووووووووبه بين الاهل عشان اتزيد المحبه بينهم :)
لاكن برع مع اصدقائك لا وخاصه زملائك في العمل لو جاملت
تطلع جنك مصري بيعرفون انك دوم اتجامل وكل مابتقولهم شي:eek5:
مابيصدقون لانك معورف في المجامله وهاي غلللللللللللللط:victory:
جامل في الحلاه في الضحك لاكن احذر المجامله في الحق:(
صمــت البــوح
10-01-2009, 03:52 PM
انا انسانه صريحه ... في حدود عدم التجريح والاهانه ....
اذا شفت شي غلط ... بقوول انه غلط ...
وهم بعد يعتمد على نوعيه الاصدقاء .... يعني انا صديقاتي بنصحهم باللين
والقول الحسن .... اما اذا اللي قدامي مايفتهم ... اهنيه اتعدى حدود المجامله
والصراحه واريح بالي ....
تحيــــــــــــــــــــاتي لك ... صمت البوح ...


اختكـ

صمت القلوب


شي جميل ان الواحد يكون صريح مثل ماقلتي عن نفسج بس في اطار عدم التجريح والاهانه

بس اهم شي لاتتعديين الحدود كثيير اذا الي قدامج مايفتهم وطولي بالج ههههههههههه

وشكرا على مرورج العطر وتعليقج الجميل
صمــت البــوح
10-01-2009, 03:55 PM
المجامله مطلوووووووووبه بين الاهل عشان اتزيد المحبه بينهم :)
لاكن برع مع اصدقائك لا وخاصه زملائك في العمل لو جاملت
تطلع جنك مصري بيعرفون انك دوم اتجامل وكل مابتقولهم شي:eek5:
مابيصدقون لانك معورف في المجامله وهاي غلللللللللللللط:victory:
جامل في الحلاه في الضحك لاكن احذر المجامله في الحق:(



كلامك عدل ياخوي وتسلم على المرور الجميل والتعليق على موضوعي المتواضع
ناصر العمادي
10-01-2009, 05:00 PM
وعليكم السلام ورحمة الله وبركاته ...

هلا أخوي العزيز ... موضوع حلو وشيق بصراحه .. للأسف مانتبهت له الا الحين :weeping::weeping:
الصراحه والمجامله مطلوبه في كل الأوقات ... ولكن يجب أن تختار الوقت المناسب لكل منهما ..
هل انت انسان صريح دايما او مجامل دايما او بين الاثنين ؟
أنا معروف عني بين الأهل وأصدقائي أني صريح لأبعد الحدود وصراحتي مع الناس اللي يعزون علي نابعه من حبي وخوفي عليهم لأن أذا أنا مانصحتهم وعلمتهم خطأهم فمن اللي راح يعلمهم .. وصراحتي تكون في الأمور الجاده والمهمه واللي تأثر على الشخص اللي جدامي ..كمشكله حاصله له ..او خلاف مع شخص اووووو..
اما أذا الشخص اللي جدامي كان يسألني عن ملابسه أو شي هو أشتراه وأختاره حتى لو مب حلو صعب أني أكسر بخاطره وأقوله مب حلو بالعكس أقوله عليك بالعافيه أختيار حلو ملبوس الهنا أن شاء الله ..

متى في رايك تحس ان الانسان يكون صريح ومتى يكون مجامل ؟
الأنسان المفروض يكون صريح في المواقف الجاده واللي تحتاج للصراحه ..
يعني لو جاني أخوي وقالي بشتري السياره الفلانيه او البيت الفلاني ..بقوله رايي بكل صراحه لأن صراحتي راح تفيده ..
اما لو أشترى البيت وخلص فراح أجامله لأن حرام أضايقه بعد ماشترى البيت او السياره ...
كذلك لما حد يعرض علي مشكلته ويكون خلاف مثلا بينه وبين أحد من أصدقائه ..أذا شفت أن هو اللي غلطان فماراح أتردد أني أقوله أنت غلطان ...
أما أذا شفت أنسان ضعيف اوفقير تصرف تصرف خاطئ غصب عنه ومضطر لهذا التصرف فراح أجامله عشان ماكسر بخاطره أكثر مما هو مكسور ..

واهم شي ((عشان تطلع سوالف حق اخونا ناصر )) هل صراحتك او مجاملتك حطتك في موقف محرج مع أحد ؟؟ اذا نعم ماهو الموقف و ماصلتك بهذا الشخص ؟؟
ماتذكر موقف حاليا ..بس لو تذكرت بكتبه على طول ومن عيوني ..:tease::tease:

يعطيك الف عافيه على الموضوع الحلو

الله يوفقك ويسعد قلبك وينور دربك وييسر أمرك يارب

كل الشكر والتحيه والتقدير والأحترام لك أختي الفاضله ...escape
صمــت البــوح
10-01-2009, 06:48 PM
وعليكم السلام ورحمة الله وبركاته ...

هلا أخوي العزيز ... موضوع حلو وشيق بصراحه .. للأسف مانتبهت له الا الحين :weeping::weeping:
الصراحه والمجامله مطلوبه في كل الأوقات ... ولكن يجب أن تختار الوقت المناسب لكل منهما ..
هل انت انسان صريح دايما او مجامل دايما او بين الاثنين ؟
أنا معروف عني بين الأهل وأصدقائي أني صريح لأبعد الحدود وصراحتي مع الناس اللي يعزون علي نابعه من حبي وخوفي عليهم لأن أذا أنا مانصحتهم وعلمتهم خطأهم فمن اللي راح يعلمهم .. وصراحتي تكون في الأمور الجاده والمهمه واللي تأثر على الشخص اللي جدامي ..كمشكله حاصله له ..او خلاف مع شخص اووووو..
اما أذا الشخص اللي جدامي كان يسألني عن ملابسه أو شي هو أشتراه وأختاره حتى لو مب حلو صعب أني أكسر بخاطره وأقوله مب حلو بالعكس أقوله عليك بالعافيه أختيار حلو ملبوس الهنا أن شاء الله ..

متى في رايك تحس ان الانسان يكون صريح ومتى يكون مجامل ؟
الأنسان المفروض يكون صريح في المواقف الجاده واللي تحتاج للصراحه ..
يعني لو جاني أخوي وقالي بشتري السياره الفلانيه او البيت الفلاني ..بقوله رايي بكل صراحه لأن صراحتي راح تفيده ..
اما لو أشترى البيت وخلص فراح أجامله لأن حرام أضايقه بعد ماشترى البيت او السياره ...
كذلك لما حد يعرض علي مشكلته ويكون خلاف مثلا بينه وبين أحد من أصدقائه ..أذا شفت أن هو اللي غلطان فماراح أتردد أني أقوله أنت غلطان ...
أما أذا شفت أنسان ضعيف اوفقير تصرف تصرف خاطئ غصب عنه ومضطر لهذا التصرف فراح أجامله عشان ماكسر بخاطره أكثر مما هو مكسور ..

واهم شي ((عشان تطلع سوالف حق اخونا ناصر )) هل صراحتك او مجاملتك حطتك في موقف محرج مع أحد ؟؟ اذا نعم ماهو الموقف و ماصلتك بهذا الشخص ؟؟
ماتذكر موقف حاليا ..بس لو تذكرت بكتبه على طول ومن عيوني ..:tease::tease:

يعطيك الف عافيه على الموضوع الحلو

الله يوفقك ويسعد قلبك وينور دربك وييسر أمرك يارب

كل الشكر والتحيه والتقدير والأحترام لك أختي الفاضله:anger1: ...escape


الله يعافيك ياخوي ياناصر وشكرا على مرورك وردك الاكثر من رائع على موضوعي المتواضع


انا مو بنت انا رجال يانااااااااااس :weeping:
ناصر العمادي
10-01-2009, 07:24 PM
الله يعافيك ياخوي ياناصر وشكرا على مرورك وردك الاكثر من رائع على موضوعي المتواضع


انا مو بنت انا رجال يانااااااااااس :weeping:

:tease::tease::tease::tease::tease:escapeescape
مناحي السادس عشر
12-01-2009, 08:13 AM
امووووووووت في المجاملات :)