المساعد الشخصي الرقمي

مشاهدة النسخة كاملة : ممكن استفسارات للي زار تركيا


القطرية1
10-01-2009, 01:08 AM
السلام عليكم ورحمة الله وبركاته
ما ادري هل يسمح لي طرح استفساراتي في هذا المنتدى او لا
بس حبيت اعرف راي القطريين
في افضل وانظف فندق في اسطنبول وبورصة في الشتاء
يعني فندق وسط الثلوج في بورصة
وهل تختلف بورصة عن يلوا من حيث الطبيعة ام يكفي ان ازور بورصة فقط .
والاماكن السياحية التي تستحق الزيارة ..
ووين افضل محل لبيع حلوى البلعوم والفضيات ومارون كلاسيه
شكرا لكم
الوعد2016
10-01-2009, 01:09 AM
تروحين وترجعين بالسلامه
ra3shat hadab
10-01-2009, 01:17 AM
السلام عليكم ورحمة الله وبركاته
ما ادري هل يسمح لي طرح استفساراتي في هذا المنتدى او لا
بس حبيت اعرف راي القطريين
في افضل وانظف فندق في اسطنبول وبورصة في الشتاء
يعني فندق وسط الثلوج في بورصة
وهل تختلف بورصة عن يلوا من حيث الطبيعة ام يكفي ان ازور بورصة فقط .
والاماكن السياحية التي تستحق الزيارة ..
ووين افضل محل لبيع حلوى البلعوم والفضيات ومارون كلاسيه
شكرا لكم

في اسطنبول .. فندق حياة ريجنسي << مشكلته في شارع تقسيم .. << شارع تجاري بس كله مشاكل وبوقات الخ
في بورصة فندق الميرا <<< كله خليجيين .. وبعد فندق بلاك كلاودز .. الاثنين حذا بعض
( نصيحه لا تقعدون في شقق مفروووشه ) لأنها غير امنه ابداً ..

الاماكن السياحية كثيره في اسطنبول ...
منها رحله في البسفور ( بالعبارة) بس لازم تروحين من بدري عشان الزحمة
جزيرة الأميرات << جزيرة صغيره مافيها سيارات .. يعني روحيها واجري حنطور يدور فيكم داخل الجزيره .. المطاعم اللي فالجزيره غاليه غاليه وااااااايد ... يذكر علي فاتورتنا طلعت الفين ريال بالقطري واحنا ماطلبنا غير عصاير وحمص ومشاوي !
المسجد الازرق ..
وفيه حديقة مينيا تورك
السوق القديم ( قراند بازار ) في اسطنبول- بيازيت << كاسريهم لانهم بيقصون عليج بالسعر - نصابين درجه أولى
واذا تحبين المجمعات عندج مجمع جواهر في اسطنبول << بتضيعين فيه من كبره يسكر الساعه 9 يعني اذا بتروحين له روحي من بدري عشان يمديج تدورين فيه
و عندج شارع نشنتاش << كله ماركات .. قوتشي وارماني ودولتشي اند قبانا .. الخ يسكر الساعه 8

في بورصه عندج القريه القديمه والتلفريك


فيه اماكن كثيره والله بس لازم ترتبين كل شي من الدوحه عشان ما تضيعين وقتج هناك وانتي تدورين على دليله


عن نفسي اشوفها غاليه والشعب نصهم ما يدانون العرب وما يحبونهم .. يعني انتي وحظج يا تصادفين ناس يحترمونج ولا ناس اخلاقهم زباله وانتي بكرامه... يذكر علي دشيت محل حلويات فالشارع جان تطردني اللي تبيع .. تقول لي اوت نو ارب . تاتبالاتبثلتبهثعلا << تحندى بالتركي مادري شقالت ههههه ///
التكاسي اذا شافوج خليجيه ما ياخذون منج بالعداد .. هم يحطون السعر على كيفهم .. يستغلونج بشكل بشع ...

تركيا حلوة كطبيعة و تاريخ وحضاره .. بس كشعب لج عليهم شوي ..


وتروحين وتردين بالسلامه ولا تنسين صوغتي !
:)

ورحله سعيده :nice:
الوعد2016
10-01-2009, 01:25 AM
في اسطنبول .. ريجنسي << مشكلته في شارع تقسيم .. << شارع تجاري بس كله مشاكل وبوقات الخ
في بورصة فندق الميرا <<< كله خليجيين .. وبعد فندق بلاك كلاودز .. الاثنين حذا بعض


الاماكن السياحية كثيره في اسطنبول ...
منها رحله في البسفور ( بالعبارة) بس لازم تروحين من بدري عشان الزحمة
المسجد الازرق ..
وفيه حديقة مينيا تورك
السوق القديم ( قراند بازار ) في اسطنبول << كاسريهم لانهم بيقصون عليج بالسعر
واذا تحبين المجمعات عندج مجمع جواهر في اسطنبول << بتضيعين فيه من كبره
و عندج شارع نشنتاش << كله ماركات .. قوتشي وارماني ودولتشي اند قبانا .. الخ

في بورصه عندج القريه القديمه والتلفريك


فيه اماكن كثيره والله بس لازم ترتبين كل شي من هنا عشان ما تضيعين وقتج هناك وانتي تدورين على دليله


عن نفسي اشوفها غاليه والشعب نصهم ما يدانون العرب وما يحبونهم .. يعني انتي وحظج يا تصادفين ناس يحترمونج ولا ناس اخلاقهم زباله وانتي بكرامه...
التكاسي اذا شافوج خليجيه ما ياخذون منج بالعداد .. هم يحطون السعر على كيفهم .. يستغلونج بشكل بشع ...

تركيا حلوة كطبيعة و تاريخ وحضاره .. بس كشعب لج عليهم شوي ..


وتروحين وتردين بالسلامه ولا تنسين صوغتي !
:)

ورحله سعيده :nice:

كفيتي ووفيتي
القطرية1
10-01-2009, 01:33 AM
ولا يهمج
امري وتدللي .
بس ما قلتي لي هل يوجد محل مشهور بحلوى البلعوم وافضل محل للفضيات لانه حسب علمي تركيا مشهورين بيها .
وهل هذه الفنادق نظيفة ومكانها زين لاني ماعرف هذا الشارع .
وهل زرتيها بالشتا .
سوري هلى الاطالة
بوخالد911
10-01-2009, 01:43 AM
هلا

تركيا العام زرتها بشهر 7

الجوو حلووو

سكنت في اسطنبول بالقسم الأوروبي بفندق كونراد ***** نجوم بمنطقة بشكتاش

جدا ممتاز ونظيف
:victory:
مووقعه فظيييع
:nice:
من فندق كونراد الى منطقة تقسيم بالتكسي حوالي 12 دقيقة
تقسيم زحمة من قلب وما انصحج تسكنين فيها
بورصة : سكنت بفندق الميرا مستواه **** نجوم

أفضل شي الطبيعة صووب التلفريك + المجمعات التجارية

تركيا بشكل عام : صاررت ناار وغالية !!!

لما يشوفونج خليجية ربي يعيينج !!
يفتكرونج بنك متنقل !!

:eek5::weeping::eek5:
الكل يحاول يمصج !!!
:eek5::secret::eek5:
المطاعم : كثير منها ما تقدم المنيوو لج !!
عشان يصكووونج بالسعر الغالي !!!

مررة رحت رحلة جبلية كنا 2 كبار و3 صغار طلعت الفاتورة 730 ريال !!!:rolleyes2::rolleyes2::rolleyes2:

ومرررة شرينا ايس كريم دفعوونا 45 ريال !!
وبعد ما سئلت سايقنا قال المفرووض بالكثيير 15 ريال !!!

:eek5::eek5::eek5:
زقوووم بجبدهم !!!
:anger1::anger1::anger1:
بالرغم من انهم مسلمين الا ان الغش والنصب بدمهم !!

ولو كنت اعرف ان تركيا غاالية جيه ؛ كان والله فضلت اوروربا
ع الأقل ما يغشووون أبد

كل شي مسعر ومحدد
السوق المصري : أفضل مكان لحلوى البلعوم + الفضيات ( لكن الله يعينج على الغش والنصب )
لو فيه استفسار تفضلي
:victory:
مع التحية

؛؛؛

مسيووو/ بوخالد911

:nice::victory::nice:
ra3shat hadab
10-01-2009, 01:43 AM
الحلويات انا خذتها من السوق القديم فيه محلات كثيره هناك
حتى الفضيات بعد فالسوق القديم
بس اذا ما امداج تقدرين تشترين من السوق الحره فالمطار وانتي طالعة ارخص ..
الا اذا كنتي بتاخذين كميات .. اشتريها من السوق القديم ...

انا زرتها فالصيف وكانت حااااره .. وزحمة..

الفنادق اللي قلت لج عنها هي احسن الفنادق الموجوده فديتج وانا جربتهم

حياه ريجنسي في شارع تقسيم يعني بس تنزلين من الفندق وتدورين فالشارع بس مش لحالج طبعاً .. الشارع تجاري وطويل وفاتح لي الفجر.. بس تحملي بعمرج وانتي تدورين فيه لانه زحمه وتكثر فيه البوقات... الشي الحلو فالشارع ان الاغراض نفسها اللي فالشارع تلقينها فالمجمعات الكبيره باسعار غاليه.. عشان جذيه اذا صارت لج فرصه تدورين فالشارع وتسوقين احسن لج من المجمعات.. لان بضاعتهم حلوه ورخيصه..

ونصيحه لا تتعاملين هناك لا باليورو ولا بالدولار لانهم بيقصون عليج وبيحسبونه لج اغلى .. لا تعاملين الا بالليره التركيه ..


وابي سلامتج فديتج .. وتقرير حلو تنزلينه لنا فالمنتدى :)


الوعد .. تسلم اخوي عالمداخله :)
حقيقه
10-01-2009, 01:46 AM
اسطنبول في الشتا حلوه بس مشكلتها غاليه غاليه غاليه :rolleyes2:
ومشكلتهم مايعرفون لا عربي ولا انجليزي :omen2:
واهم شيء ماتقعدون برى السكن لين وقت متأخر لانه الليل حق راعين المشاكل من السكيرين والحراميه والشواذ و و و .... الخ :rolleyes2:
وشارع تكسيما صحيح حلو بس فيه ناس مايمدحونه بسبب المشاكل اللي تصير فيه من الحراميه و ... الخ
لكن انا عني الحمدلله ماصادنا اي شيء فيه ماغير كنت اشوف السكيرين ولا يقربون صوبنا الحمدلله الله الحافظ :victory::rolleyes2:
:rolleyes2::nice:
والصراحه الاسواق اللي رحت لها كثيره وحلوه بس ماذكر الاسماء:victory:

وتروحين وتردين بالسلامه ورحله سعيده بأذن الله :victory:
بنت المنتدى
10-01-2009, 01:51 AM
ماقصروا معاج انا رحت لها وبعدها رحت لايران .. حاولي تروحين شمال ايران لانها خيال جنه في الارض ..!!
القطرية1
10-01-2009, 11:20 AM
شكرا للجميع
اعتقد شارع تقسيم ما راح يكون زحمة الحين ..مو مثل الصيف .
بس يا جماعة مافي واحد منكم زارها في الشتاء
يعطينا انطباعة
شكرا لكم
القطرية1
10-01-2009, 11:26 AM
[QUOTE=بوخالد911;3582640][SIZE="5"][COLOR="Purple"]هلا

سكنت في اسطنبول بالقسم الأوروبي بفندق كونراد ***** نجوم بمنطقة بشكتاش

جدا ممتاز ونظيف
:victory:
مووقعه فظيييع

شكرا لك اخوي
بس ممكن استفسار
هل هو افضل من رجنسي وماذا يوجد اسفل الفندق .. يعني ايش موقع فضيع .
لاني اعتقد من الاسم تركي اوروبا انظف من القسم الاسيوي.
من حيث الطبيعة او السوق
شكرا لك
فيزيائية
10-01-2009, 11:28 AM
السلام عليكم ورحمة الله وبركاته
ما ادري هل يسمح لي طرح استفساراتي في هذا المنتدى او لا
بس حبيت اعرف راي القطريين
في افضل وانظف فندق في اسطنبول وبورصة في الشتاء
يعني فندق وسط الثلوج في بورصة
وهل تختلف بورصة عن يلوا من حيث الطبيعة ام يكفي ان ازور بورصة فقط .
والاماكن السياحية التي تستحق الزيارة ..
ووين افضل محل لبيع حلوى البلعوم والفضيات ومارون كلاسيه
شكرا لكم

انا زرتها 2007 بالصيف
باسطنبول سكنت فندقين كراون بلازا على البحر و مرمرة اسطنبول عن تقسيم
كلاهما اكثر من 5 نجوم......
في بورصة...مالقينا الا 4 نجوم بس كان ممتاز
والحلقوم في البازار المصري .....
عالعموم الاسعار جدا مبالغ فيها وحتى في السوق القديم
انصح بعدم الذهاب للمجمعات لانها نفس ماركاتنا بس اغلى
ونظرا للصور الفاضحة اللي ممكن تقابلك كانك في اوروبا!!
افضل شي في تركيا <<<<اوزنجووووووول
تحجز طيران داخلي الى مطار ترابزون وتذهب اليها
جنة الله في الارض والسكن في كوخ ومن خلفك النهر
بس انا لما رحت كان برد ومطر فما بالك الآن...
هي قرية فوق الجبل وطبيعة بدون مجمعات واسواق وايضا غالية جدا....
ولكن ان لم تزر اوزنجول فما في فايدة من السفر لتركيا.:nice:
نصيحة:خذ كل المعلومات والرحلة مرتبة من منتدى العرب المسافرون
القطرية1
10-01-2009, 11:46 AM
شكرا لج
بس اعتقد انه اوزنجول
باردة جدا جدا الحين وما ينصح بزيارتها في الشتا
اذا في الصيف باردة اشلون الحين
بوخالد911
10-01-2009, 02:07 PM
[QUOTE=بوخالد911;3582640][SIZE="5"]هلا

سكنت في اسطنبول بالقسم الأوروبي بفندق كونراد ***** نجوم بمنطقة بشكتاش

جدا ممتاز ونظيف
:victory:
مووقعه فظيييع

شكرا لك اخوي
بس ممكن استفسار
هل هو افضل من رجنسي وماذا يوجد اسفل الفندق .. يعني ايش موقع فضيع .
لاني اعتقد من الاسم تركي اوروبا انظف من القسم الاسيوي.
من حيث الطبيعة او السوق
شكرا لك


[COLOR="Purple"]

مدري اذا افضل من ريجنسي
لأنه ما سكنت ريجنسي

موقع كونراد حلووو وممتاز ليش؟

لأن :

لما تنزلين تحت تمشين يدوب 4 دقايق يكون الشارع الرئيسي جدامج
فييه كل شي
محلات تجارية
مطاعم
وجبات سريعة
حلاق
صالون حريم
خضار
بقالات
صرافة للنقود
بنووك
أجهزة ال ATM متوفرة بكثرة

وصدقيني مسافة مشي حوالي 7 - 8 دقايق وتوصلين ليين البحر وبتشوفين الجسر المعلق
اللي يربط تركيا ما بين اسيا واروربا

وليين قعدتي صوب البحر ؛ قعدي بأي قهوة واطلبي لبن عيراان
ممتاز وفظيييع 100 %%%

وطلبي بعد قهوة تركية

مع التحية

؛؛؛

مسيووو/ بوخالد911
القطرية1
10-01-2009, 09:24 PM
شكرا اخوي
بامشي على كلامك انشالله لو ان البحر ما اعتقد مكان جيد في هذة الفترة حيث الجو نفسة بارد .
بس اكيد الفندق نظيف جدا .
على ايش اطلع الغرف .
هل الشارع الرئيسي مكان لتمشية مثل مقسيم ؟
واذا اتعرف تكتبة بالانجليزي علشان ابحث عنه .
اسفة للأزعاج .
بوخالد911
11-01-2009, 12:28 AM
شكرا اخوي
بامشي على كلامك انشالله لو ان البحر ما اعتقد مكان جيد في هذة الفترة حيث الجو نفسة بارد .
بس اكيد الفندق نظيف جدا .
على ايش اطلع الغرف .
هل الشارع الرئيسي مكان لتمشية مثل مقسيم ؟
واذا اتعرف تكتبة بالانجليزي علشان ابحث عنه .
اسفة للأزعاج .



هلا

انتي وحظج يطل ع الشارع الرئيسي ولا لا؟

بس ممكن تطلبين منهم

هااي موقعه
http://www.southtravels.com/middleeast/turkey/conradhotel/index.html


اسمه

Conrad Hotel Istanbul Turkey

http://www.southtravels.com/middleeast/turkey/conradhotel/gifs/hotelview.jpg

الشارع اللي تحت يصلح للتمشية
بوخالد911
11-01-2009, 12:39 AM
وهذا لنك اخر عشان تشوفين صور فندق كونراد



http://images.search.yahoo.com/search/images?p=Conrad+Hotel+Istanbul+Turkey&fr=yfp-t-501&toggle=1&cop=mss&ei=UTF-8
القطرية1
11-01-2009, 09:16 PM
شكرا جزيلا
القطرية1
13-01-2009, 12:16 AM
فندق حياة ريجنسي << مشكلته في شارع تقسيم .. << شارع تجاري بس كله مشاكل وبوقات الخ
هذ1 الفندق في شارع تقسيم او الاستقلال


في بورصة فندق الميرا <<< كله خليجيين .. وبعد فندق بلاك كلاودز

هل هذا تحت الجبل او اسفل
نصحوني بفندق الجوهرة او مرمرة
حد زارهم
بوخالد911
13-01-2009, 12:33 AM
فندق حياة ريجنسي << مشكلته في شارع تقسيم .. << شارع تجاري بس كله مشاكل وبوقات الخ
هذ1 الفندق في شارع تقسيم او الاستقلال


في بورصة فندق الميرا <<< كله خليجيين .. وبعد فندق بلاك كلاودز

هل هذا تحت الجبل او اسفل
نصحوني بفندق الجوهرة او مرمرة
حد زارهم



بالنسبة لي
ما سكنت الجوهرة ولا مرمرة


مع التحية
القطرية1
14-01-2009, 12:08 PM
شكرا لك اخوي
وناطرة باقي الاعضاء
القطرية1
17-01-2009, 10:17 PM
انطباعكم عن تركيا في الشتاء
أم قطرية
19-05-2009, 10:07 PM
اختي القطرية
شخبار تركيا في الشتااااااااااااااااااا
clouds
20-05-2009, 12:40 AM
انا رحتها بالشتا باااااااارده تركيا حلوه بس غاليه على ايش مادري!!!يعني احسها بلاد الشام بس طبيعتها احلى.اكلهم لذييذ بس شعبهم ماعجبني
الحلويات في ايجبشن بازار..والغراند بازار كله تقليد ماركات ورحت شوارع حسيت اني في مصر ولاسوريا وسط البلد...احس الواحد يدفع نفس المبلغ في اوروبا احسن له بدل تركيا
البعد الخامس
20-05-2009, 07:59 AM
السلام عليكم ورحمة الله وبركاته
ما ادري هل يسمح لي طرح استفساراتي في هذا المنتدى او لا
بس حبيت اعرف راي القطريين
في افضل وانظف فندق في اسطنبول وبورصة في الشتاء
يعني فندق وسط الثلوج في بورصة
وهل تختلف بورصة عن يلوا من حيث الطبيعة ام يكفي ان ازور بورصة فقط .
والاماكن السياحية التي تستحق الزيارة ..
ووين افضل محل لبيع حلوى البلعوم والفضيات ومارون كلاسيه
شكرا لكم

افضل الفنادق في منطقة تقسيم

منطقة يلوا تختلف عن بورصة

يلو منطقة الينابيع الطبيعية

أفضل المحلات لبيع الحلوى كل المحلات عندها نفس الحلوى معلبة (( من وجهة نظري وهذا الي شفته ))
القطرية1
20-05-2009, 01:15 PM
بالعكس
انا رحت تركيا من 15 سنة تقريبا .. ورحت لها شهر 1 هذه السنة
فرق السمه ولارض
بالفعل كنا مترددين .. بسبه ما سمعنا عن البلد ونه شعبها مثل مصر .. وصراحة انا ما حب تعامل الشعب المصري معانا .. ومصر ودول الشام مو من الافضليات عند وضع خطة لسفري .. سواء اشته او صيف

صراحة عجبتني جدا جدا .. ومدحتها لكل من يسالني عنها .. وبالفعل .. زارتها اختي وكثير من اهلي بعد مدحي لها .

كتغيير هي افضل من دول اوربا .. في الشتا اما في الصيف فما ادري عن جوها .
هي افضل لانه من وجهة نظري ارتحت وانا بين دوله مسلمة وكل اللي حولي تقريبا مسلمين .. ومساجدها كل مكان وتسمع الاذان .. واكلها اكثر من رااااااااااااااااااااااااااااااائع
كل شي فيها اجنن
.. الشوارما .. المكسرات بانواعها خصوصا البندق والجوز والفستق والحب .. التين المجفف ..رز باللبن .. الكنافة رهيبة .. الايسكريم واللي اسكريم البحصلي ولا شي عنده .. ناهيك عن المشاوي اللي يشوونها جدامك ’ وممكن تاخذ خروف من فوق الجبل واتوديه عند اي لحام ويعمله لك ثم تاخذة تشويه عند جداول الماء(هذه الحركه سويناها في يلوا)

اما الماركات فانا ما شفت او ما ذهبت لمول الماركات التقليد .. بس رحت مجمعين فيهم ماركات عالميى وفيها فساتيين سهرة وبالفعل خذت منهم .. وعندهم مولات كثيرة جدا .

اما بورصة فكانت جبال مغطاه بالثلوج ..وممكن تلبس بالطو وقبعة وقفاز وماتحس بالبرد كلشششششششششششش.(رغم اني من الناس اللي يستبردون جدا في الدوحة )

شعبها مو مثل ما سمعت عنه انه جمبازي .. تغيروا كثير لانهم يبون ايقلدون الاوربيين .

اسعارهم مو غالية جدا الا اذا قارنتوها بمصر وايران .. فندقنا تقريبا 100 دولار بالقرب من تقسيم + سيارة فان مع سواقها اللي يتكلم عربي 100 دولار يوميا .

طابعها غير عن دول بلاد الشام ومصر .. وكذلك غير عن اوربا وامريكا واستراليا الي انا زرتهم.

صراحة لو خيروني وين اقضي سفرتي الربيع القادم انشالله .. راح ارجع لها وبلا تردد