البنات تفضلوا بس [الأرشيف] - منتديات شبكة الأسهم القطرية

سمو الاميرة

10-01-2009, 01:31 AM

مرحبا

بنات انا بعرس قريب ابي نصائحكم من أفضل محل كوش ومسكت عروس وميكاب وتسريحت

شعر وتصوير وديجي ودخلت عروس ومصمم فساتين لعروس وحناية واي شئ يفيدني بخصوص

العرس .

وشكر لكم تعاونكم ,,

مافيا قطر

10-01-2009, 01:36 AM

مبروك مقدما اختى وديرى بالج من بعض المحلات يقولج بنسوى لج واخرته تكتشفين يوم العرس حاطين شى ثانى ولا تنسينا بالسويت

سمو الاميرة

10-01-2009, 01:40 AM

صح مثل اي محلات ؟ عشان ما تعامل معاها

دانـة قطـر

10-01-2009, 01:43 AM

مبرووووووووووووووك مقدماً وربي يتمم لج على خير :app2:

فيه عندج منتدى عروس قطر وااايد حلو وبيفيدونج البنات هناك أكثر :victory:

سمو الاميرة

10-01-2009, 01:45 AM

يسلمو مافيا قطر ودانة قطر

الوعد2016

10-01-2009, 01:50 AM

ياليت اعرف اكتب الزغرطه كان كتبتلج
مبروووووووووووووووووووووووووووك والله يوفقج

ra3shat hadab

10-01-2009, 01:51 AM

سمو الاميره .. كل شيء حسب الميزانيه اللي انتي حاطتها //
كتصوير .. احلام وذكريات اشوفه التوب حاليا فقطر :)
والكوش .. ماسيس تودين لهم صوره الكوشه اللي تبينها ويسوونها لج ...

والف مبرووك والله يوفقج ويتمم لج على خير ..

حرف العين

10-01-2009, 02:05 AM

الله يوفقك حبيبتي

ويبارك لك

ويرزقك الذريه الصالحه

انا من زمان متزوجه ونسيت المحلات

ان شاء الله البنات يفيدونك

ماحبيت ادخل من غير مابارك لك

سمو الاميرة

10-01-2009, 02:08 AM

يسلمو والله يوفقكم دنيا واخره

بنت المنتدى

10-01-2009, 02:12 AM

مبروك مقدما اختى وديرى بالج من بعض المحلات يقولج بنسوى لج واخرته تكتشفين يوم العرس حاطين شى ثانى ولا تنسينا بالسويت

وايد صارت معانا ..

حاسبي يالغاليه

والف الف الف الف مبروك والله يوفقج ويهنيج

وعندج ماسيس يمدحونه

وميك اب .. دينا الخوري / شريفه المهندي < اروع ميك اب للعرايس :)

والفرقه ابتسام زري < مالت ردح :nice:

الغروب

10-01-2009, 03:11 AM

هلا حبيبتي

عندج حق الشعر : نعمات / وحق المكياج شريفه المهندي ودينا خوري
مصمم فساتين / مودا ليدي او استانزا شغله حلو / تصوير : احلى شي شفته استديو فوتولايف
دي جي عندج المنى / محل كوش وطاولات عندج قصر الشانزليزيه وماسيس بس صاير حرامي ومحل بستاش
دخلت عروس عندج وحده اتسوي زفات وباسعار حلوة اسمها احلى عروس / حناية عندج زبيده او رحاب

وانشالله اكون ماقصرت معاج لان انا قاعده امر بهالشي والي كتبتهم لج عن تجربه

الكايـــده

10-01-2009, 03:24 AM

بخصوص الكوش وترتيب الكرس من الى عندج رفلكشين يجنننننن وراااقي

عندج المناسبااات بعد ولاماري وماسيس

الميك اب \ فاديا \ شريفه المهندي \ هذوول التووب

الحناا \ زبيده \ ريماا

الدق\ خيريه \ ابتسااام الزري

الفستان ااخذيه جاهز صراحه هارووودز عجيب دخلي الويب سايت مالهم وشووفي ..

وبالتوفييييق مقدما واي خدمه حاضريييييييين

بنت مريخ

10-01-2009, 06:10 AM

مبروك مقدما
انا سمعت عن محل فلورنسا حق تجهيز الطاولات يمدحونه
القهوه والشاي والفطاير عندج محل المراسيم

مناي

10-01-2009, 06:37 AM

صباح الخير

الف مبرووووووووووووك ويارب تتهني

سمو الاميرة .. عندي اسألة بعدين راح اجاوبج بالتفصيل الممل ..
مكان العرس وين بيكون .. بعدين ميزانيتج في حدود كم ؟؟
يعني تبين شي غالي وهاي ولا شي عادي بس يكون حلووو و مرتب ؟
اذا كان تبين شي من الدوحة او الخارج حددي .

لان انا صار لي كم شهر شغاله في هالمواضيع
انتظر ردج عان اعطيج التفاصيل .

Bu Rashid

10-01-2009, 08:30 AM

أسعاف راح يفيدج أكثر ...

ذيبه مزاجيه

10-01-2009, 08:40 AM

الف مبروك ان شاء الله فديتج و الله يتمم لج على خير

وان شاء الله العضوات يفيدونج ..

سمو الاميرة

10-01-2009, 04:06 PM

هاي اختي مناي ..

بالنسبة للعرس في قاعدة الجيوان والكوشة من اختياري ومو مشكله السعر وتكون ماالدوحة

سمو الاميرة

10-01-2009, 04:11 PM

قطري33

10-01-2009, 04:37 PM

الله يبارك لج اختي سمو الاميرة ويجمع بينكم انتي وزوجج على خير ويرزقكم الذرية الصالحة والجنه بعد عمرّ طويل

ضوى

10-01-2009, 04:51 PM

الف مبروك اختي وربي يتمم لج على خير

مثل ماقالت اختي دانة عندج عرووووووووس قطر كل ما يخطر ببالج صج بتستفيدين

umhend

10-01-2009, 05:07 PM

الف مبررروك اختي بس تحملي تتعاملين مع امسيتي الي بالغرافه مسويين نفسهم كلشش وهم اكبر
غششاششين في عرس اختي الكوشه طلب فيها 26000 كله من البيبي فلوور الطبيعي حتى الكراسي والمخدات اكتشفنا يوم العرس برغم روعه الكوشه الا انه كله بلاستك في بلاستك ومب جذيه وبس
الطاولات الوحدة 1000 وشوي تحتها جيبون اول مانزل الجيبون وكانو عارضينها في المحل يوم العرس
مافي جيبونات تحت الطاولات ليش قال لا هذولاك للعرض بس اف اف قسم بالله لو مب المصورات مسكوني
كنت ذاك اليوم ذبحتها...

وعندج شاعر سعوي نسيت اسمه باجيبه لج يسوي دخله وزفه وطلعه باسمج بصوته مع الموسقى والاكشن وكل شي بس فظيييييييييييع رهيب لا يفوتج

المكياج شريفه لشريم الشعر فاديه ... التصوير لايفوتج استوديو ناجي تصويرهم خيال

aljuri

10-01-2009, 07:39 PM

مبروك اختي سمو الاميره والله يهنيج ان شاء الله للميك اب عندج سارا امان ، وللشعر افراح صالون رذاذ ومنى السودانية ، للحنا الهلتون ، وفي وحده اسمها نبيله حناها رهييييب كلاً سالني عنه ، وللزفه عندج الاشقر سوي لي زفه لحد الان كلا يشهد لها وخليته يدخل اسمي الحقيق مع لقبي الجوري فكان شي بالنسبة لي اسطوري وللدجي للحنا او العرس عندج المنى او الصقر اللي بالغرافه واذا تبين حمام مغربي عندج صالون العالميه وطلبي سميرة المغربيه لانها التوب هناك وزحمه دايم عندها ، لفستان العرس عندج لوميراج اللي بالسد والمصمم اسمه علي لبناني تصميماته حلوه واسعاره احلى لانه انقذني وصمم لي فستاني بوقت قياسي وخلصه لي في 10 ايام بس مع انه دانتيل عادي وهو الشكه لي كلة ، واخيراً موفقه اختي والله يعينج ان شاء الله .

سمو الاميرة

10-01-2009, 08:05 PM

يسلمو كل الاخوات المشاركات واتمنى لكم التوفيق جميعكم

يسلمووووووووون لي اهل قطر

hxamad

10-01-2009, 08:46 PM

بالنسبة للكوشه اكسوتيكا اللي في النصر
من كم يوم مسوين لقاء مع المصمم في التلفزون في برنامج نسيت اسمه
صج حلو انا سويت كوشة مرتي من هناك مااشاء الله شغله ماعليه كلام

اسم المصمم عمر

موفقه اختي والسموحه اللقافه دخلتني :p

محـqatarـــمد

11-01-2009, 12:36 AM

كوشه = ماسيس
تصوير = محل جديد ورى محلات دوار المرخيه
تسريحه = حلا لبنانيه
مكياج= سعاد البلوشي ...
الحنا = زبيددددددددده ...
فستان العرس = نصيحه فصلي واجري عند محل ... على ذوقج

ووووومبـــــــــــــرووووووووووووووووووووووووووووو وووووووووووووووووووووووووووك
عقبال فرحة الزواج والذريه الصالحه ..

سمو الاميرة

11-01-2009, 12:45 AM

مشكورين اخواتي على مشاركات

اختي او اخوي محمد كيو تقصد بحل التصوير لي بالمرخية لجديد وحلا سمعتي عنها تسريحاتها حلو

وسعاد تقصيد سعاد شاكر .

no0or

11-01-2009, 12:46 AM

مبرووووووووووووووووك فديتك
اذا تبين شعرك ايكون حلو وجنان يوم العرس فاخذي حلا شغلها رووووعه تسوي الشعر خياااااااااااااااااااال اذا تبين الرقم بطرشلك اياه نصيحه مني تاخذينها لان شغله يجنن خصوصا اذا شعرك خفيف تخليه كان لابسه باروكه بدون وصلات ولاحشوات

واذا عالميك اب انا براي تاخذين دينا الخوري

نور الدنيـا

11-01-2009, 10:12 AM

هلا أختي ...
العرس .... الكوشة من ماسيس أو مارياج

الزفة ... حطي بالج من المصايب الي اتصير ...

الحنه ... إذا بتسوين حفلة حلو إنج تاخذين من أفراح الجلوة كوشهم حلوه واسعارهم معقوله ...

راسيه

11-01-2009, 02:16 PM

امممممممممممممم
اولا مبروووك ياقلبي
ثانيا .. انا عندي خبره ممكن افيدج

الحنااايه انصحج بوحده اسمها ريما
المكياج دينا الخوري
الشعر مرسيدس
الكوش عندج محل في الغرافه اسمه لمسات روووعه
والفستان افضل تفصل لبسه اولى ووايد في السد

واي شي تبينه انا حاااااضره راسليني ع الخاص ومن عيوووني

سارة وبس

11-01-2009, 02:21 PM

الله يوفقج ويبارك لج

Engy

11-01-2009, 02:23 PM

لو ناقصك حاجة في الانجيري قوليلي
ممكن ابعتلك صور المجموعات تشوفيها

مبروك يا عروسة

Mo0o0oM

11-01-2009, 02:24 PM

allegra

11-01-2009, 03:44 PM

مبروك اختي والله يوفقج واختي عندنا فساتين زفاف راقيه من امريكا واسبانيا باسعار مناسبه وفساتين سهره كذلك والمحل في فندق الانتركونتنتل وتفضلي الرابط لمزيد من المعلومات
http://qatarshares.com/vb/showthread.php?t=227245

سمو الاميرة

11-01-2009, 11:36 PM

يسلمو حبايب والله يوفقكم ماتقصرون وهذي عوديدكم

نبـــــراس

12-01-2009, 12:12 AM

الله يبارك لج اختي .. ويوفقج ..
ومثل ما قالوا البنات روحي شوفي منتدى عروس قطر بيفيدج اكثر

التيما

12-01-2009, 12:27 AM

اولا مبروووووك والله يوفقج يارب .. اتمنى افيدج عن تبيبض الأسنان لاني مجربته في الملكة للأسنان وصراحه ممتاز شغلهم بس لا تسوين ليزر عالاسنان هي ماده يعطونج ياها واذا تبين توفرين بتلقينها في الصيدليات أرخص انا عشان مابي العب في أسناني رحت لهم .. والكريستال عندج محل في فيلاجيو وله فرع في اللاند ماعرف اسمه صراحه بس احذا محل التصوير ومحل العبي في اللاند في محل صغير لونه وردي كله اكسسوارات عندهم عليه كريستالات انتي تسوينم بالبيت وما تكلفج العلبة 65 اعتقد او 69 .. وانا احط كريستاله من شهور وتتم الكريستاله ما بين شهرالا ثلاث اسابيع الا 3 شهور لو طبقتي الطريقة صح في تركيب الكريستال .. وبخصوص الاستديو انا سألت فوتو لايف في المرخيه حق عرسي لاني اروح لهم كم مره وتصويرهم رووعه لدرجه انهم ممكن يعدلون في المكياج ويضعفون الواحد ويمتنونه و و و قالي ياخذون 15 الف باكج فوتوغرافي وفيديو وصراحه سعرهم رووعه .. ومكياج ام حمد رووعه بعد .. وحنا ماريا اعتقد اسمها .. وكوشه وطاولات فوشون .. وعندج فندق لا سيجال شغلهم عجيب بعد في هالأمور ..

وبالتوفيق ..

سمو الاميرة

12-01-2009, 03:43 PM

يسلمو حبايبي ع مشاركاتهم

!قطريـة بنت القمـر!

13-01-2009, 03:59 AM

ياليت تفيدوني بالنسبة للميكاب عن سعاد شاكر ايش رايك به وسمعتوا عن وحدة اسم حلا حق شعر

وابي اسوي تبيض للاسناني شو افضل عيادة او تركيب خزف على الاسنان بدون حك وبسوي كرستال وتنظيف

بشرة عند من ؟؟

عن نفسي احسن عيادة اسنان مريت لها اللي صوب الدعوة والارشاد صوب مدينة خليفة اظن اسمها العيادة القطرية اللبنانية التخصصية للاسنان تعاملهم روعة وشغلهم ممتاز بس الدكتور المتخصص اللي سوى لي اسناني انتقل لفرع المطار واسمه جورج ....

وبالمبـــــــــــــــــــــــــــــــــــــــارك فديتج وعسى الله يوفقج ويطرح فيج وفي زوجج البركة اللهم امين ويتمم لكم على خيــر تقبلـي تحيـتي الغـلا :nice: .....

classic2004

13-01-2009, 10:10 AM

باقولج .. لازم انتي تلفين وتدورين على المحلات ..
وحاولي هل الفترة تروحين الاعراس وتشوفين الشي الحلو وتسالين عنه من وين خخخخ
بس بالنسبة لي .. انا حق عرسي ركزت على كل التفاصيل والحمد لله طلع حلو وراقي ..
الكوشة .. ماسيس طبعا بدون كلام .. بس انا سويتها عند الغردينيا اللي في شارع سحيم بن حمد .. نفس اللي بغيته في ماسيس سواه لي بسعر ارخص .. على ايامي كانت الكوشة 30 الف وهو سواها ب14 الف ,..
فستاني سويته في كارولاين عند مصممة امريكية .. غيرت فستاني يمكن 3 مرات وصبرت علي وطلع نفس ما ابي ..
المكياج .. انا سويت عند سعاد البلوشي .. بس يقولون اختربت اللحين .. بس اللي صج اشوفه حلو دينا الخوري .. اذا طلبتي منها ناعم ..
التصوير ... احلام وذكريات وفوتو لايف .. بس انا سويت البومي عادي وطلع روعة مع التنسيق عند كريستال ..
الشعر : مرسيدس .. والحلو في تسريحتها ما تحط سبراي وايد .. وعندج بعد وايد .. نعمات .. ام ياسين .. منى السودانية .. الخ .. ممكن اعطيج اللستة لو حبيتي ..
الديجي جي .. دايما في مناسباتنا نطلب منى .. من محل المنى .. عندج الديجي رخيص وحلو ويونس ..
الحناية ... سويت عند الفنون وتحسفت .. لين اللحين نفس الديزاينات ..ماتغيروا ..
عندج هيلتون احسن شي ..

المسكة عند جورج .في كازا فلورا . انا احسه مبدع صراحه :)
وعندج الريفيرا ..اللي في السد ...مسكاتهم حلوة ...
وبعد الدخلة مالتي سويتها في الكويت ..
الحلويات خذتها من كذا مكان .. هلا في طريق سلوى .. من شغل بيت .. سوان ..
عاد اللحين في اشياء وايد احلى ..

وبعد انتي شاللي في بالج عشان نساعدج ؟

classic2004

13-01-2009, 10:18 AM

تبيض الاسنان .
عندج عيادة د تميم .. واللبنانية مثل ما قالت الاخت ..
د تميم انا جربتها في تنظيف الاسنان بس وشو احسن تنظيف جربته ..
حتى تحسين ما ييبلها تبيض عقب.. وعالجت عندهم عصب كل من شافه دكتور سالني من سواه لج .. شغله نظيف
اللبنانية جربته علاج .. ود كتور جورج قال لي انهم نفس شغل عيادة د تميم بس الاسعار ارخص بنسبة 25%

انا احساس

13-01-2009, 11:02 AM

انصحج تبتعدين عن محل الافراح اللي في تاون سنتر _ جميع المحلات اللي بالداخل _
خربووووا عرس اختي ..حسبي الله ونعم الوكيل ...
.
خلج مع المحلات الكبيره الثقه مثل ماسيس وفوشون والغردينيا وامسيتي ...
.
وربي يوفقج ان شاء الله

سمو الاميرة

13-01-2009, 07:13 PM

يسلمو حبي اهل قطر

على المشاركات المميزة

بس انا حجزت سعاد شاكر

شو رايكم؟؟

وحلا حق شعر ؟

رايكم

classic2004

14-01-2009, 08:52 AM

سمو الاميرة ..
انا من رايي احجزي دينا الخوري وايد احسن ..

ha080

14-01-2009, 11:20 PM

مبررررررررررررررررررررررروك حبيت اقووولج نصيحه اذا تبين شعر (حلا) ومكـيااج( دينا الخوري) اما محل كوش (النماسباااات وماسيس)في المرخيه اما (الكينت) شاع سلوى بغيت شي مهم ع الخااااص بلتوفيق

محـqatarـــمد

15-01-2009, 03:16 AM

مشكورين اخواتي على مشاركات

اختي او اخوي محمد كيو تقصد بحل التصوير لي بالمرخية لجديد وحلا سمعتي عنها تسريحاتها حلو

وسعاد تقصيد سعاد شاكر .

هلا أختي ..

ايه هو نفسه عند وحده اسمها انجي ...
وحلا والله روووووووووووووووووووووووووووووعه ..
وسعاد اقصد البحرينيه ..

تبين ارقامهم عطيني خبر ...

محـqatarـــمد

15-01-2009, 03:21 AM

يسلمو حبي اهل قطر

على المشاركات المميزة

بس انا حجزت سعاد شاكر

شو رايكم؟؟

وحلا حق شعر ؟

رايكم

اذا قصدج سعاد البحرينيه ..

والله ما راح تندمين ..

غمضي عيونج وسوي عندهم ...
ثقه ما منها خوووووووووف ...

محـqatarـــمد

15-01-2009, 03:23 AM

دينا الخوري مكياجها روعه ...بس هي تحط كحل واسود واااايد ..
واللي دارج هالايام الستايل السمبل ...والجذاب
وهذا تتبعه سعاد ...

الله يوفقج ...

<<<<< كنه هذرتي وايد ...
خخخخخخخخخ

classic2004

15-01-2009, 08:57 AM

انا مكيجتيني سعاد البلوشي يوم عرسي والصراحة كان وايد حلو .. مب يغير الملامح بس تبرز الاشياء الحلوة ..
بس مدري يقولون اخترب مكياجها مب مثل قبل ..
بس دينا لو قليتلها ناعم تحط روعة

سمو الاميرة

15-01-2009, 10:47 PM

يسلمو بنات على المشاركات المميزة