المساعد الشخصي الرقمي

مشاهدة النسخة كاملة : استعباط...........أم سرقة علنية؟؟؟


فيزيائية
10-01-2009, 02:59 PM
السلام عليكم ورحمة الله وبركاته
@
@
@
@
@

كيف الحال؟؟:ok:
مزاجكم اوكي؟؟
اشرايكم انرفزكم شوي؟؟:yes:

@
@
@
@
@

طبعا معروف القطري عنده بئر بترول في بيته <<<<مفهوم عند (الآخرين)
وهو بطبيعة الحال طيب ...ممكن يوصل لحد الغلب (غلبان)...
وقد يظن أحدهم أنه (غبي) ممكن استغلاله أو استغفاله!!
@
وهذا ما لاحظت اثناء تعاملي مع أكثر من جهة....
فصاحب البقالة يرجع لك الباقي مقطوع نصفه!!
وصاحب المطعم (يخنصر) كم ريال في جيبه!!
واللي يصب بترول (يستعبط) و(يلطش) عشر او ثنتين!!
حتى في (كرفور) تضحك الفلبينية في وجهك وهي تسرق دراهمك؟؟
@
حدث لي ذلك مرتين......:cry2:
ولأني (وحدة قطرية) أعد النقود الباقية
واعرف كم المفروض يرجع لي...
ولكن الغريب تصرف الشخص عندما تناديه.....
أحدهم قال لي :
باقي 4 ريال صح؟؟؟ <<<<<<<يعني بقت اربع منك؟؟؟:eek5:
وراعي الصفيحة اول ماهرنت له جاء بالعشر وهو يضحك!!:anger1:
ياللهول !!!!crazy
يضحك لانه يسرقني ام لانني كشفته...
وطلعت (غير) عن (القطريين الطيبين)....:dance
اللي يعتقدون ان الدنيا بخير وان (مش ممكن) يصير هالشي...
@
@
فهل انت قطري دفييييييع ولا تدري كم تدفع وكم يرجع لكم <<<<بمفهومهم؟؟:deal:
اعترف...
:weeping:
:weeping:
:weeping:
وبالعربي......
هل تحصي نقودك التي يعطيك إياها الغير ؟؟؟:waiting:
الوعد2016
10-01-2009, 03:14 PM
اعدها ورقه اورقه لكن المصيبه انهم يستغلون الكم درهم لصالحهم خاصه في محطات الوقود والمجمعات التجاريه كار فور ومجمع التسويق العائلي والكل يبي ينهب بضحك او باي طريقه
وفيه مثل يقول قسار الضحكه ان شيف او ما درابه يعني اذا صده بيضحك لك ويقول امزح
ra3shat hadab
10-01-2009, 03:32 PM
بالمختصر المفيد ..

المال السايب .. يعلم السرقة


يعطيج العافية اختي ،
قطري33
10-01-2009, 03:32 PM
الف شكر لج اختي ام نونيه ومب غريبه عليج طرح مثل هالمواضيع الهامه والرائعه للنقاش

انا من بعد ما انقرصت مره من محل سوبرماركت وكان المفروض يرجع لي 86 رجع لي 68 ولما رجعت وقلت لهم وراويتهم لفلوس قالولي عد فلوسك قبل لاتتحرك من الكاشير بمعنى من تطلع من باب السوبرماركت مالك حق عندي .... و من يومها وانا ماتحرك الا لما اعد فلوسي .


تقبلي مروري ....

وفي انتظار افكار(ابداعات) اخرى
هتـان قطر
10-01-2009, 04:00 PM
انا الصراحه ما اعد الفلوس الباقيه..ادري غلط لكن انحرج قدام الناس

اقعد اعد..!!!:shy:

مره وانا عند الكاشير وكان الناس وراي طابور كان المبلغ شي ونص ريال

يعني لازم بيرد مبلغ ومعه نص لكن مارد ..وكنت باتكلم وباقول باقي نص..:secret:

لكن يوم شفت الناس ينتظرون تبلعمت وسكت ..قلت اكيد بيقولن بل بل على نص ريال

مسويه قضية...طلعت وانا محترة :(

ام نونيه اعجبتني طريقة سرد الموضوع...الف شكر يالغاليه :nice:
حبر سري
10-01-2009, 04:11 PM
يالربع الكم درهم اللي ياخذونهم في المحطات على قولتكم , ماياخذونهم من الاجانب؟
يعني اذا بقى للاجنبي 23 درهم يعطونه اياها؟؟


هالكلام مهب صحيح بالمرة , واللي يقوله مايصب بترول اصلا

لان المحطات كلها الحين , يخلون دايما العداد يوقف على عدد صحيح , يعني اذا طلع الحساب 51 ريال و 80 درهم , يقوم يصب زيادة ب20 درهم علشان تصير 52 ريال
movado
10-01-2009, 04:12 PM
السلام عليكم

مشكورة اختي على الطرح اللي يبط الكبد :anger1:

بس جزء كبير من هالبوقة بسببنا احنا

يعني احنا اللي نبوق نفسنا بسكوتنا عنهم ، ونقول احراج ، ألا ريال او خمس

لا والله حتى لو ربع ريال ،،، ما أخليها لهم ،،، مب بخل ، بس حقي ولازم ما انتازل عنه

ومسوي طريقة وخطة عشان محد يلعب علي منهم

جربوا وسوها وشوفوا شلون تنجح

دايما عندي في السيارة خردة نص ريال وأربع أنااات (( تعرفونها ؟؟ )) ههههههههه
25 درهم،،،،،

واذا كاشير الجمعية طلع حلاوة ولا علوك (( يا زعم خردة )) طلعت له مما في جعبتي ، وكملت له ريال عشان يعطيني ريال كامل

** مثال **
الحساب: 24 ريال وخمسة وسبعين درهم
الإجراء: بعطيه 25 ريال
ردة الفعل: بيحط يده تحت الطاولة عشان يطلع علوك او كافي من الرخيص والمحزر
الأكشن: على طول احط يدي في مخباي واطلع له 75 درهم ، درهم ينطح درهم ، واقطهم عليه عشان يعطيني ريال قطري لاغير

وما استحي ، لا في الجمعية ولا غير الجمعية

هذا حقي
الرايــق
10-01-2009, 04:15 PM
تصير مع كل الناس
حتى مع المقيمين

سرقة عيني عينك
الله المستعان
halah
10-01-2009, 04:23 PM
مدري ليش احنا نستحي نتكلم ونقولهم رجعوا الباقي؟؟؟؟؟؟؟؟؟؟؟؟؟؟؟ :anger1:

واهم ما يستحون انهم يبوقونا؟؟؟؟؟؟؟؟؟؟؟؟؟؟

لا وعيني عينك خصوصا فالجمعيات والسوبرماركت
يعطونك علوج ماله قيمة بدال الربع أو النص
واذا طالبتهم بربعك ولا نصك طالعوك بنظرة استحقار(يعني عيب تطالبني بهالمبلغ التافه)
لا وردو عليك بخياسة نفس مافي ربؤؤ ريال
بعضهم كذابين عندهم خردة ويخشونها عن القطريين

انا ديما اخلي فبوكي اربعانات علشان الجمعية
اذا قالو مافي خردة اعطيهم من عندي

المسألة مب مسألة ربع ولا نص... المسألة مسألة استغفال واهم قاعدين يستغفلونا واحنا ندري مب انا ما ندري لكن بعضنا للأسف يستحي يتكلم..:secret:
جوال 11
10-01-2009, 04:23 PM
أعدهم ولا فيه فرصة للأستغلال
أحدى المرات أوروبي يحاسب في الميرة والمحاسب أعطاه حلاوة قال أوروبي انا متأكد لم أشتري هذه رجع الباقي وما كان من المحاسب الا أعطاه ريال بدلا من الحلاوة .
استغفرالله
10-01-2009, 04:31 PM
انا اعد فلوسي دايما

واليوم صادني موقف مشابه

ولا اسامح في الحق

واللي يبي يبوقنا عيني عينج
bohilal191
10-01-2009, 04:40 PM
انا ماخذها قاعده لما اروح الجمعية او مجمع مادفع كاش ادفع عن طريق بطاقة البنك عشان بس الخرده اللي مايقدرون يرجعونها
فيزيائية
10-01-2009, 06:34 PM
اعدها ورقه اورقه لكن المصيبه انهم يستغلون الكم درهم لصالحهم خاصه في محطات الوقود والمجمعات التجاريه كار فور ومجمع التسويق العائلي والكل يبي ينهب بضحك او باي طريقه
وفيه مثل يقول قسار الضحكه ان شيف او ما درابه يعني اذا صده بيضحك لك ويقول امزح
وايد دمهم خفيف ما تلاحظوووون؟؟:anger1:

بالمختصر المفيد ..
المال السايب .. يعلم السرقة
يعطيج العافية اختي ،
فاتحين عيونا عالآخر ويبوقونا :omen2:

الف شكر لج اختي ام نونيه ومب غريبه عليج طرح مثل هالمواضيع الهامه والرائعه للنقاش
تقبلي مروري ....
وفي انتظار افكار(ابداعات) اخرى
:nice::nice::nice:


انا الصراحه ما اعد الفلوس الباقيه..ادري غلط لكن انحرج قدام الناس
ام نونيه اعجبتني طريقة سرد الموضوع...الف شكر يالغاليه :nice:
خل عنج الانحراج وطالبي بحقج :nice:
فيزيائية
10-01-2009, 06:36 PM
يالربع الكم درهم اللي ياخذونهم في المحطات على قولتكم , ماياخذونهم من الاجانب؟
الاجانب يعدون الباقي عدل والسالفة مب بترول وبس
حتى راعي الصفيحة طلع بواق !!:rolleyes2:


السلام عليكم

مشكورة اختي على الطرح اللي يبط الكبد :anger1:
هذا حقي
:nice:

تصير مع كل الناس
حتى مع المقيمين
سرقة عيني عينك
الله المستعان
بس احنا تصير لنا اكثر لانا بكل بساطة نحسن الظن بالآخرين :omen2:
فيزيائية
10-01-2009, 06:38 PM
مدري ليش احنا نستحي نتكلم ونقولهم رجعوا الباقي؟؟؟؟؟؟؟؟؟؟؟؟؟؟؟ :anger1:
واهم ما يستحون انهم يبوقونا؟؟؟؟؟؟؟؟؟؟؟؟؟؟

المسألة مب مسألة ربع ولا نص... المسألة مسألة استغفال واهم قاعدين يستغفلونا واحنا ندري مب انا ما ندري لكن بعضنا للأسف يستحي يتكلم..:secret:
في حرامي يستحي ؟؟؟؟؟:shy:


أعدهم ولا فيه فرصة للأستغلال
أحدى المرات أوروبي يحاسب في الميرة والمحاسب أعطاه حلاوة قال أوروبي انا متأكد لم أشتري هذه رجع الباقي وما كان من المحاسب الا أعطاه ريال بدلا من الحلاوة .
:nice:

انا اعد فلوسي دايما

شاطر :victory:


انا ماخذها قاعده لما اروح الجمعية او مجمع مادفع كاش ادفع عن طريق بطاقة البنك عشان بس الخرده اللي مايقدرون يرجعونها

وراعي الصفيحة والكرك شلون تدفع لهم ؟؟:waiting:
joOoreee
10-01-2009, 06:54 PM
أختي أم نونيه ----------
موضوعج مهم جداَ :victory: لكن المشكلة فينا فعلاً نستحي نقول وين الباقي :omen2:
بس أمس كان لي موقف في ستي سنتر في أحد المحلات للملابس الصراحة ما شفت
الفاتورة بكم ؟
بس استغربت عند الكاشير رجع علي مبلغ وعطاني علوج :secret:
استغربت لانه مب سوبر ماركت :telephone:وين حماية المستهلك
قلت له ليش هذا؟ قال باقي 57 درهم قتله لا مابغي قام ورجع علي نص ريال :eek5:
يعني في الحالتيني باقني وطبعاَ اخذت النص ريال ومشيت :tease: واستغفلني
الله عليهم حسبي الله ونعم الوكيل:anger1:
الخلاقي
10-01-2009, 07:05 PM
بصراحه اسلوب طرحج للموضوع يبط الجبد يعني انا مافهمت منج الا انج تبين توصلين لنا انه الفلبينيه اللي في كارفور ماترجع لنا نص ريال تعطيج علووووج صح ؟؟؟؟؟؟؟؟
Bo3oof_80
10-01-2009, 07:13 PM
السلام عليكم

مشكورة اختي على الطرح اللي يبط الكبد :anger1:

بس جزء كبير من هالبوقة بسببنا احنا

يعني احنا اللي نبوق نفسنا بسكوتنا عنهم ، ونقول احراج ، ألا ريال او خمس

لا والله حتى لو ربع ريال ،،، ما أخليها لهم ،،، مب بخل ، بس حقي ولازم ما انتازل عنه

ومسوي طريقة وخطة عشان محد يلعب علي منهم

جربوا وسوها وشوفوا شلون تنجح

دايما عندي في السيارة خردة نص ريال وأربع أنااات (( تعرفونها ؟؟ )) ههههههههه
25 درهم،،،،،

واذا كاشير الجمعية طلع حلاوة ولا علوك (( يا زعم خردة )) طلعت له مما في جعبتي ، وكملت له ريال عشان يعطيني ريال كامل

** مثال **
الحساب: 24 ريال وخمسة وسبعين درهم
الإجراء: بعطيه 25 ريال
ردة الفعل: بيحط يده تحت الطاولة عشان يطلع علوك او كافي من الرخيص والمحزر
الأكشن: على طول احط يدي في مخباي واطلع له 75 درهم ، درهم ينطح درهم ، واقطهم عليه عشان يعطيني ريال قطري لاغير

وما استحي ، لا في الجمعية ولا غير الجمعية

هذا حقي

والله انك مب سهل
دوختهم:rolleyes2:
رهج السنابك
10-01-2009, 08:00 PM
بكل صراحه






وجرأه





و موضوعيه





و شفافية





أنا ولا مــرة عديت الفلوس اللي ترجع لي .. والسبب : كســـل

أحب اخذ وامشي على طول استحي اوقف فتره طويله قدام الكاشير وخاصة لو وراي ناس وحتى لما ارجع البيت ما اعد مدري ليه


بس مفكره مستقبلاً في اني استخدم البطاقة بدل الكاش
قطراوي
10-01-2009, 08:21 PM
الصراحه الموضوع ما يستاهل كل هذه الانفعالات

ياجماعة الخير صلوا على النبي الي يسمعكم يقول 25 الف مو درهم

كم مره نروح الجمعيات عشر مرات في الشهر كم ياخذو لوا افترضنا نص ريال في اليوم الواحد يعني بالشهر 5 ريالات

وعشان ال 5 ريالات طلعتوا عامل الكاشير حرامي ونصاب وابن ؟؟؟

وش دخله اصلا عامل الكاشير عنده قوانيين ويمشي عليها

المسؤليه تقع على المسؤلين على مثل هذه المجمعات

واستغرب شخص يشتري بالفين وثلاثه وخمسه الاف ويعمل ضجه على ربع ريال


الحمدلله اهل قطر في نعمة ولله الحمد

لا تكبروا الموضوع والشاطر يشيل في جيبه خرده ومحد بيجبره وسلامتكم

ولا تخلوا العالم يشوفوا على وش نتشكا :omg:
بوحارب
10-01-2009, 08:28 PM
انا اعد الفلوس وحتى لو باقي لي نص ريال اتم واقف لين ما يرده لي هالهندي

المثل يقول نص على نص = قلاص كرك ^ ــ ^
عبدالرحمن
10-01-2009, 08:38 PM
الصراحه الموضوع ما يستاهل كل هذه الانفعالات

ياجماعة الخير صلوا على النبي الي يسمعكم يقول 25 الف مو درهم

كم مره نروح الجمعيات عشر مرات في الشهر كم ياخذو لوا افترضنا نص ريال في اليوم الواحد يعني بالشهر 5 ريالات

وعشان ال 5 ريالات طلعتوا عامل الكاشير حرامي ونصاب وابن ؟؟؟

وش دخله اصلا عامل الكاشير عنده قوانيين ويمشي عليها

المسؤليه تقع على المسؤلين على مثل هذه المجمعات

واستغرب شخص يشتري بالفين وثلاثه وخمسه الاف ويعمل ضجه على ربع ريال


الحمدلله اهل قطر في نعمة ولله الحمد

لا تكبروا الموضوع والشاطر يشيل في جيبه خرده ومحد بيجبره وسلامتكم

ولا تخلوا العالم يشوفوا على وش نتشكا :omg:
كلامك صحيح الموضوع مايستاهل على ربع ريال ونص ريال بس الواحد مايرضى حد يستغفله
ياخي في حركه يطبعون اوراق ملونه ولنفرض زرق وحمر الزرق تمثل ربع ريال
والحمر تمثل نص ريال اذا بقت الخرده وموجوده عنده خير وبركه مابقت هالخرده موجوده يعطيك الاوراق هذي ويحطون صندوق جمعيه خيريه وحط هالورقه فيه
كلها الاربع ولا نص شبتخس عليك بس انت ساهمت في عمل خير
بس اتمنى من كل قلبي اذا طبقو هالفكره الصندوق بس حق هل قطر يعني الناس المحتاجه من قطر مايطلعونه برا
انا بعطيك موقف بسيط صارلي مب على ربع ريال ولا نص ريال خلني هالموقف عقب احسب المبلغ عقب ماخذ الخرده الله يسلمك ويسلم من يقرا الرد هذا كنت طالع مشوار
واشوف عداد البترول تحت الربع قلت بشيك بترول قبل لدش المحطه الا البوك فاضي مافيه ولا ريال مريت الصراف الاالي وسحبت 1000 ريال دشيت المحطه وشيكت بترول كان الحساب قريب 50
عطيته 500 تدري كم رجع الباقي 350
يعني ضرب على 100 لانه جنب المحطه باسكن روبنز طلبت ايس كريم وعديت الفلوس يوم حطيتها في البوك الا هي 850 ريال تدري رجعت اله
قام يستعبط ويسوي نفسه انه على حق واشكره يبين عليه خايف
يعني لو اشد معاه شوي رجع 100 بس قلت انا الغلطان اني ماحسبتها وراه
فصارلي هذا درس ومن عقبها صرت اعد الفلوس من عقب ماخذ الخرده صحيح مب دايمن اكون واقات مستعيل بس شسوي
وخصوصا في اوربا لاني دايمن اكون هناك وتخبر فئه الفلوس عندهم غربال
500 و200 و100 و50 و20 و10 وغير النصوص الي شكثر فماحسب والله ماعور راسي يعني اذا نصب خله ينصب شسوي ودايمن الي في مخباي تكون اكبر فئه لاني ماحب اشل وياي خرده تكون 500 بس ارد الفندق والنصوص شكثر ماسيوت شي
بس اذا انت في الدوحه ولا برا الدوحه تحسب احسن
وسوري على الاطاله
فيزيائية
10-01-2009, 08:51 PM
أختي أم نونيه ----------
موضوعج مهم جداَ :victory: لكن المشكلة فينا فعلاً نستحي نقول وين الباقي :omen2anger1:
مرورك اسعدني
فيزيائية
10-01-2009, 08:52 PM
بصراحه اسلوب طرحج للموضوع يبط الجبد يعني انا مافهمت منج الا انج تبين توصلين لنا انه الفلبينيه اللي في كارفور ماترجع لنا نص ريال تعطيج علووووج صح ؟؟؟؟؟؟؟؟

غلط...............
ومدام بط جبدك ليش ترد ؟؟؟:nice:

انا ماتكلم عن نص وريال اتكلم عن عشرات تنخذ منا باسم انهم نسوا او تناسوا
فيزيائية
10-01-2009, 08:53 PM
أنا ولا مــرة عديت الفلوس اللي ترجع لي .. والسبب : كســـل


:anger1:
فيزيائية
10-01-2009, 08:56 PM
الصراحه الموضوع ما يستاهل كل هذه الانفعالات
واستغرب شخص يشتري بالفين وثلاثه وخمسه الاف ويعمل ضجه على ربع ريال
الحمدلله اهل قطر في نعمة ولله الحمد
لا تكبروا الموضوع والشاطر يشيل في جيبه خرده ومحد بيجبره وسلامتكم
ولا تخلوا العالم يشوفوا على وش نتشكا :omg:

بس هذا احنا نخاف من كلام الناس؟؟؟
وبما ان احنا في نعم لازم نخليها سبيل.......؟؟؟

ومثل مارديت قبل انا اتكلم عن النقود اللي يرجعها البائع وهو بالع نصها
وهو عارف هالشي وقاعد يضحك علينا في داخله........
فيزيائية
10-01-2009, 08:58 PM
انا اعد الفلوس وحتى لو باقي لي نص ريال اتم واقف لين ما يرده لي هالهندي

المثل يقول نص على نص = قلاص كرك ^ ــ ^

صح لسانك :nice:
غير البشر
10-01-2009, 09:00 PM
<<<<<<< سهل يبوقونه بدون تعب ههههههههههههه

شاسوي حزات عندي اغراض وايد وخاصه بالجمعيه

وين مالي خلق احسب ولا حتى احطها في المحفظه

على طووول في الجيب وفليل ارتبها ههههههههههههه


تدرون مره حاطين كاميرا في كارفور اعتقد جذي

واحسبو الناس الي يخلون ربع ريال ونص ريال

والله يقولون عقب فتره تجمع مبلغ وقدره
:rolleyes2:


يسلمووو ام نونيه على الموضوع
فيزيائية
10-01-2009, 09:00 PM
كلامك صحيح الموضوع مايستاهل على ربع ريال ونص ريال بس الواحد مايرضى حد يستغفله
يعني ضرب على 100 لانه جنب المحطه باسكن روبنز طلبت ايس كريم وعديت الفلوس يوم حطيتها في البوك الا هي 850 ريال تدري رجعت اله
قام يستعبط ويسوي نفسه انه على حق واشكره يبين عليه خايف
يعني لو اشد معاه شوي رجع 100 بس قلت انا الغلطان اني ماحسبتها وراه


هذا اللي اقصده :nice:

وشكرا لمروركم وتفاعلكم
فيزيائية
10-01-2009, 09:02 PM
<<<<<<< سهل يبوقونه بدون تعب ههههههههههههه
يسلمووو ام نونيه على الموضوع

الاعتراف بالحق فضيلة:nice:



تسلم عالمرووووور :shy:
سعــــــــود
10-01-2009, 09:06 PM
قبل كم يوم خذت غترتي من الدوبي المغسله وقلت كم قال 3 ريال ! قلت الكوي على 2 ريال ؟ قال لا ! 3 ريال !

عطيته 5 ريال ومشيت ! ليش مشيت مع ان الباقي2 ريال ؟
هل هو كرم مني ؟
هل هو عجز عن الانتظار ؟
هل هو لهدف في بالي ؟

االاجابه هي لاجل هدف في بالي وهو اني سوف اكسبه ليخدمني خدمه ممتازه .


نرجع لمحور الموضوع الاساسي ..

البعض يخجل ان يقول كم تنزلي من السلعه الفلانيه عطر غتره نظاره !!
خاصه لما يكون جنبك احد !!
خجل غجيب وغريب !!
اريد ان يخصم لي من السعر بس الخجل من ان احد يسمعني هو اللي يمنعني !!

تصرفات عجيبه !!

كم مره اشتري شيئاً ما والا اعد الفلوس لان السعر ليس فيها كسور وسهل عد الفلوس
عطر ب 200 ريال دفعت 500 ريال الباقي 3 ورقات من المية .. خلك سريع في الحسبه مو تقعد تلحس اصابعك عشان تعد كم رجع لك !!!

السياره والبترول الكثير يسرق بسبب العجله !!

التسوق للمواد الغذائية نعم السرقه عيني عينك وهذي ترجع لفطنتك والبائع يعرف صيداته خاصه العجايز والشياب لعدم معرفته عد الفلوس !!

النصب في كل مكان ..

ومافيه اجمل من البائع الذي يلمحلك بعيناه انه يريد بخشيش بس انه يستغفلني لا هو المغفل لانه سيخسرني كعميل !

شكرا اختي ام نونه
Gold Boy
10-01-2009, 09:10 PM
انا لا اعد الباقي ولا اطلب الباقي الى اذا هو رجع لي الباقي وبسرعه قبل مغادرتي

واذا اعطاني الفلوس اخذ حزمه من الفلوس بدون لااشوف كم الباقي واعطيها اياه

وكل العائله نفس العاده
سعــــــــود
10-01-2009, 09:25 PM
انا لا اعد الباقي ولا اطلب الباقي الى اذا هو رجع لي الباقي وبسرعه قبل مغادرتي

واذا اعطاني الفلوس اخذ حزمه من الفلوس بدون لااشوف كم الباقي واعطيها اياه

وكل العائله نفس العاده



ماشاء الله هل هذه عاده والا كرم فيكم ؟

يا خي انا كنت اسوي كذا خاصه اذا الجيب مليان اما اذا صار الجيب مافيه الا هوا ودي ارجع كل الي بخششت فيه طول سنه :)
ذبحنا المهايط على لاشي !! ياخي هالناس اللي نرمي فلوسنا عليها يملكون في بلدانهم فلل احسن من فللنا وسيارات احسن من سياراتنا !!

كان فيه عامل هندي في شركة ابوي سافر لديرته وقلت له بزورك في الهند
جيته في الهند ياخي حديقتهم كبر حديقتنا 10 مرات وعندهم كرفانات لرحلات وعندهم شاليه افحط انا وبوي مانجيب مثل شاليهم !!!

تدري يوم كان عندنا كان لبسه من ملبوساتي القديمه اللي ماعاد ابيها ويركب سياره صدامها الخلفي يسحب هو عاجز يصلح صدام موتره والا يجمع فلوس والا وش الحكايه من وين له الاملاك !! انا مب حسده بس كنت اعتقد وطلع اعتقادي خطأ !!

يوم كنت عنده في الهند قلت له من وين لك كل هذا ؟ قلت لايكون قاعد تبيع من اراضي الوالد وهو مايدري !! قال لا لا ايش دعوه ابو سلطان ان مايسرق انا يجمع فلوس وبعدين يرسل انديا والحين شوف كيير كتير من فضل الله .

لا وبعد يوم جيته في الهند ذابح لي خروف من زود البطره !!
انا مب حاسده انا بس كنت اعتقد انه على قد حاله واثاريه يلعب بالورق لعب !!

الله يذكره بالخير والله يزيده خير .
a.a.a.qatar
10-01-2009, 09:56 PM
انا لو درهم واحد احاسبهم عليه ولا ارضى اخذ لا علج ولا حلاوه اقولهم ابغي فلوسي وكم مره صارت قطوا على نغزات اشدعوه الا ربع ريال لكني ولا افتكر المهم محد يقص عليّ لا في محطة بترول ولا مجمعات ولا مكان الربع ريال اكملهم ريال حق فقير وايد احسن
سعــــــــود
10-01-2009, 10:08 PM
انا لو درهم واحد احاسبهم عليه ولا ارضى اخذ لا علج ولا حلاوه اقولهم ابغي فلوسي وكم مره صارت قطوا على نغزات اشدعوه الا ربع ريال لكني ولا افتكر المهم محد يقص عليّ لا في محطة بترول ولا مجمعات ولا مكان الربع ريال اكملهم ريال حق فقير وايد احسن



بعضهم يقول ماكو نص ريال خذي شي بنص وش بتسوين !؟ اكيد بتاخذين علكه عشان ماتأخرين !

هذي بسيطه علكه فشفاش عصير بريال والا نص المشكله اذا خذتي اشياء ب 500 والا الف في بقاله وزحلق له كم ريال وانتي ياغافلين لكم الله .

بتصدقين ماعمري في بقاله قعدت احاسب كم هذا وكم هذا .. اخذ كيس وخم واذا قال ادفع الشي الفلاني ادفعه !! نصب مانصب مادري !!
Gold Boy
10-01-2009, 10:11 PM
ماشاء الله هل هذه عاده والا كرم فيكم ؟

يا خي انا كنت اسوي كذا خاصه اذا الجيب مليان اما اذا صار الجيب مافيه الا هوا ودي ارجع كل الي بخششت فيه طول سنه :)
ذبحنا المهايط على لاشي !! ياخي هالناس اللي نرمي فلوسنا عليها يملكون في بلدانهم فلل احسن من فللنا وسيارات احسن من سياراتنا !!

كان فيه عامل هندي في شركة ابوي سافر لديرته وقلت له بزورك في الهند
جيته في الهند ياخي حديقتهم كبر حديقتنا 10 مرات وعندهم كرفانات لرحلات وعندهم شاليه افحط انا وبوي مانجيب مثل شاليهم !!!

تدري يوم كان عندنا كان لبسه من ملبوساتي القديمه اللي ماعاد ابيها ويركب سياره صدامها الخلفي يسحب هو عاجز يصلح صدام موتره والا يجمع فلوس والا وش الحكايه من وين له الاملاك !! انا مب حسده بس كنت اعتقد وطلع اعتقادي خطأ !!

يوم كنت عنده في الهند قلت له من وين لك كل هذا ؟ قلت لايكون قاعد تبيع من اراضي الوالد وهو مايدري !! قال لا لا ايش دعوه ابو سلطان ان مايسرق انا يجمع فلوس وبعدين يرسل انديا والحين شوف كيير كتير من فضل الله .

لا وبعد يوم جيته في الهند ذابح لي خروف من زود البطره !!
انا مب حاسده انا بس كنت اعتقد انه على قد حاله واثاريه يلعب بالورق لعب !!

الله يذكره بالخير والله يزيده خير .[/SIZE][/COLOR]


[/CENTER]


اخوي سعود

والله مهوب مهايط بس عاده وتقدر تقول كرم في نفس الوقت

بالنسبه حق الهندي ماقصر ذبح لك خروف وتعلم المواجيب والسبب عاداتكم الطيبه

الى ماقلتلي الخروف النعيمي :nice:
ورقــة أمــل
10-01-2009, 10:15 PM
انا ماعد فلوسي بصراحه لا في جمعية ولا اي مكان
دايما اكون مستعيلة ومخي كله مجيم
والرياضيات عندي تعبانه حدها
مافي امل اعد
زين اشيل اكياسي بعد
غناتي1
10-01-2009, 10:18 PM
انا اراجع واعد بعد كل دفعه

لاني مجرب السرقة مني عيني عينك

واطلعها من عيونهم
سعــــــــود
10-01-2009, 10:19 PM
اخوي سعود

والله مهوب مهايط بس عاده وتقدر تقول كرم في نفس الوقت

بالنسبه حق الهندي ماقصر ذبح لك خروف وتعلم المواجيب والسبب عاداتكم الطيبه

الى ماقلتلي الخروف النعيمي :nice:


خروف ماله ثربه بس مثل ماقلت قام بواجب معزبه خخخخخ

وان شاء الله اللي فيكم كرم ابا عن جد :)
أمير الود
10-01-2009, 11:29 PM
والله بكل صراحه انا يحصل
لي كذا موقف لكن كله على نص ريال
او ربع ريال

انا ما اطالب بربع ريال او نص ريال
لانه بعض الاحيان نفس المكان اللي
اخذ منهم بعض الاغراض يرجعون لي الباقي
يعني يسوي لي خصم

مثال

اذا خذت اغراض مثلآ 140 ونص (خمسين درهم)
اعطيه 150 يرجع لي 10 ريال يعني ماياخذ النص
وهالموقف والله يصير لي دايمآ وحتى بعض الاحيان
اقولهم لازم تاخذ النص

هذا اللي يصير معاي بكل صراحه

فاذا مره من المرات قال لي 20 ونص اعطيه 21
واطلع ما انتظر

وتحياتي للجميع
ام علي1981
11-01-2009, 12:18 AM
فعلا في بعض الاوقات استحي لكني اصبحت ايقن ان اللي مايستحي منك لاتستحي منه
ومرة في الكنتاكي كان باقيلي 3 ريالات والمبلغ بسيط فالفلبينية تقول لي sorry madam , idont have change فقلت لها خلاص شوي وبرجع اخدهم..........
لم يعجبني انها تريد استغفالي والكثير الكثير من المواقف
فلازم انكون صاحيين لان ريال على ريال يسوي مئة ومئة على مئة يسوي الف ووووو
حمد
11-01-2009, 12:26 AM
في طريقة ايسويها اصحاب المطاعم خاصة السريعه ... عش البلبل وغيرهم

يكون الباقي سبع ريال مثلا .... يعطيك 6 ويقولك باقيلك ريال باجيبه لك .

اقوله لا خلهم كلهم وعطني اياهم مع بعض .... لاني جربته مره .... نقعني وكأنه يبيني اروح .... قعدت له قعده لين جاب الريال وهو يتبسم

وطبعا كل مايقولي الحين .... باقي ريال باجيبه ارجع له الفلوس وقوله عيب جذي تعطيني بالقطاره جيبهم كلهم مره وحده

بالنسبة حق المحطه الي ذكرها احد الاخوان والي جنبها باسكن روبنز... يقصد المسيلة ... هذا الهندي سوالي حركه مع الباقي من الفلوس... نقصني 10 ريالات .. قلت له صب 50 صب لي 40... سويت نفسي مادري ... وحرك ورجع له ...مسكته من رقبته .... زين مادخلته في التانكي ... وعقب عطيته الـ 10 كسر خاطري قلت له برضاي اوكي ... تستغفلني مب احسن لك.

ترى الي في هالمحطه دايم يسويها مع الشباب
سعــــــــود
11-01-2009, 12:39 AM
في طريقة ايسويها اصحاب المطاعم خاصة السريعه ... عش البلبل وغيرهم

يكون الباقي سبع ريال مثلا .... يعطيك 6 ويقولك باقيلك ريال باجيبه لك .

اقوله لا خلهم كلهم وعطني اياهم مع بعض .... لاني جربته مره .... نقعني وكأنه يبيني اروح .... قعدت له قعده لين جاب الريال وهو يتبسم
وطبعا كل مايقولي الحين .... باقي ريال باجيبه ارجع له الفلوس وقوله عيب جذي تعطيني بالقطاره جيبهم كلهم مره وحده

وانا اقول ليه ماعندهم خرده مساكيين اثاري حنا المضحوك علينا !!
بس بيني وبينك قعده عشان ريال ماتسوى !! بقوله يا هيه انا ترى داري انك تبي تلطش ريال وانا ترى داري وانا الحين ما ابي الريال بخليه زكاة مال :)



بالنسبة حق المحطه الي ذكرها احد الاخوان والي جنبها باسكن روبنز... يقصد المسيلة ... هذا الهندي سوالي حركه مع الباقي من الفلوس... نقصني 10 ريالات .. قلت له صب 50 صب لي 40... سويت نفسي مادري ... وحرك ورجع له ...مسكته من رقبته .... زين مادخلته في التانكي ... وعقب عطيته الـ 10 كسر خاطري قلت له برضاي اوكي ... تستغفلني مب احسن لك.
ترى الي في هالمحطه دايم يسويها مع الشباب


النصب اكبر من كذا جعلك تحيا بعض العمال يغير في العداد بكبره عشان الرقم يكون مخالف للكميه اللي يعبيها لسيارات !!! اصحاب المحطات بكبرها ينصب عليهم فما بالك باللي يعبون !!


...................
..................
لوردغاليري
11-01-2009, 01:07 AM
انا الصراحه ما اعد الفلوس الباقيه

قمة التخلف
هههههههههه
رحال
11-01-2009, 01:18 AM
للأسف هنــــــاك طبقة مخملية تعيش حيــــاة لايعيشها عامة الناس

وهي التي تخرب على كافة النـــــاس !!!
ابوسعود
11-01-2009, 01:57 AM
انا في كثير من الاحيان ماعد الفلوس
بنت ابوها 19
11-01-2009, 02:38 AM
أعدهم ولا فيه فرصة للأستغلال
أحدى المرات أوروبي يحاسب في الميرة والمحاسب أعطاه حلاوة قال أوروبي انا متأكد لم أشتري هذه رجع الباقي وما كان من المحاسب الا أعطاه ريال بدلا من الحلاوة .

اجدااااااااا فيهم


تصير الحركه فيني القهر مايعطوني علوج جان زين علوج

يعطوني كافي غندور وقسم بالله اطقه براس الكافر يسلم :anger1:


القهر محد يسالني ع كيفه يطلع يعطيني
مره قتله مابي عطني النص وقفت بجبده لانه الكشير كان فاضي فطلعت حرتي
ومن بعدها من اجي للرجال نفسه ع طووووووووول يطلع لي النص :omen2:
واذا على عد الخرده اوقف عند الباب ماطلع اله وانا عادتهم عد
شنو حفي وفلوسي مب لعبه ..
لو كل شخص بقطر يعد ويحاسب ع النص لجان الدنيا بسلام
لكن اخذتنا البطرا والخجل والفشيله وودتنا ورا الشمس
حبر سري
11-01-2009, 05:07 AM
الاجانب يعدون الباقي عدل والسالفة مب بترول وبس
حتى راعي الصفيحة طلع بواق !!:rolleyes2:


:nice:

بس احنا تصير لنا اكثر لانا بكل بساطة نحسن الظن بالآخرين :omen2:

؟؟؟

ام نونية
الظاهر مابقا حد ماباقج الله يهداج ( حتى راعي الصفيحة طلع بواق:rolleyes2: , انتي لما تحاسبينهم شتسوين بالضبط؟ تعطينهم البوك وتقولين لهم خذوا اللي تبونه وردوا الباقي؟:secret:)

حاسبي عاد شوي

ولاتنسين تخزنين رقم العضيد:nice:
حبر سري
11-01-2009, 05:08 AM
للأسف هنــــــاك طبقة مخملية تعيش حيــــاة لايعيشها عامة الناس

وهي التي تخرب على كافة النـــــاس !!!

والله ياريت يارحال طبقة مخملية

الا طبقة تلقاها منتفة بس الله يقطع المظاهر
جرير
11-01-2009, 05:40 AM
.

.
اصلا صارت موضه في قطر اغلب الجمعيات او بالاصح كلها اذا لك باقي وفيه نص ريال يعطونك بداله علوج او كافي رخيص شبه منتهي واحيانا ما يعطونك اياه كلش تولعو في هالحركه مستغفلين العالم ومستغلينهم تلاقي اللي اللي يشتغل في الكاشير عنده قواطي نيدو متروسه في البيت كلها نصوص وعليك بالحسبه ههههههههه والبقشيش شي ثاني لهم ترتيب عجيب فيه شلون ؟؟؟ يرجع لك الباقي كله خمسات او ريالات ما باقي الايربطهم با استيك من كثرهم
(متمردين الجماعه) :tease:

.
stocker
11-01-2009, 07:38 AM
السلام عليكم ورحمة الله وبركاته

مشكورين على الموضوع الطيب والردود الطيبه

غالبية الناس الساكنين في قطر يتعرضون الى نفس المشكله الصراحه حصلت لي اكثر من مره فاذا مد يده يعطيني علوج او كافي مااخذه ابدا ياانه يعطيني الربع او النص الباقيه او اجبره غصب انه يعطيني الخرده او يكملها لي لين الريال

ونفس الطريقه في الامطاعم الكبيره واللي ياخذون رسوم خدمه تختلف من مطعم الى مطعم فمنهم من يحددها ب10% او 13% فمثلا تجي الفاتوره 450 ريال و36 درهم فاذا دفعت بالبطاقه فما في مشكله لكن اذا دفعت كاش انباهم للموضوع واقوله ترى خذت كذا من ي فمره ثانيه ماارضى انك تاخذها فبس سبحان الله لين جيته مره ثانيه يرد لي الباقي صح

بارك الله فيكم واللهم انصر اخواننا في غزه وفي كل مكان
مــــلاك
11-01-2009, 09:02 AM
بصراحه اسلوب طرحج للموضوع يبط الجبد يعني انا مافهمت منج الا انج تبين توصلين لنا انه الفلبينيه اللي في كارفور ماترجع لنا نص ريال تعطيج علووووج صح ؟؟؟؟؟؟؟؟


ماشاء الله عليك ... يعني انا لو مافهمت موضوع صاحبه الموضوع .. اقل شي بفهم الموضوع من الردود ... وانت داش عشان تستفسر وعشان توصل لها ان موضوعها يبط الجبد



في طريقة ايسويها اصحاب المطاعم خاصة السريعه ... عش البلبل وغيرهم

يكون الباقي سبع ريال مثلا .... يعطيك 6 ويقولك باقيلك ريال باجيبه لك .

اقوله لا خلهم كلهم وعطني اياهم مع بعض .... لاني جربته مره .... نقعني وكأنه يبيني اروح .... قعدت له قعده لين جاب الريال وهو يتبسم

وطبعا كل مايقولي الحين .... باقي ريال باجيبه ارجع له الفلوس وقوله عيب جذي تعطيني بالقطاره جيبهم كلهم مره وحده

بالنسبة حق المحطه الي ذكرها احد الاخوان والي جنبها باسكن روبنز... يقصد المسيلة ... هذا الهندي سوالي حركه مع الباقي من الفلوس... نقصني 10 ريالات .. قلت له صب 50 صب لي 40... سويت نفسي مادري ... وحرك ورجع له ...مسكته من رقبته .... زين مادخلته في التانكي ... وعقب عطيته الـ 10 كسر خاطري قلت له برضاي اوكي ... تستغفلني مب احسن لك.

ترى الي في هالمحطه دايم يسويها مع الشباب


انا صار هالموقف اكثر من مره واستعباط ..بس افشله واقوله انا عطيتك مثلا 40 ليش تصب ب 30 طبعا ردوده مثل ويهه على باله ماشفته ومرات يتعمدون انهم يقولون لكم جدموا عشان ماتشوووفون العداد ويصب على كيفه ...
محطه البترول الي صرت اكره اصب منها هي الوعب وفيها باسكن روبنز ...
a.a.a.qatar
11-01-2009, 11:03 AM
بعضهم يقول ماكو نص ريال خذي شي بنص وش بتسوين !؟ اكيد بتاخذين علكه عشان ماتأخرين !

هذي بسيطه علكه فشفاش عصير بريال والا نص المشكله اذا خذتي اشياء ب 500 والا الف في بقاله وزحلق له كم ريال وانتي ياغافلين لكم الله .

بتصدقين ماعمري في بقاله قعدت احاسب كم هذا وكم هذا .. اخذ كيس وخم واذا قال ادفع الشي الفلاني ادفعه !! نصب مانصب مادري !!

بالنسبة لي ارد عليهم انتوا الي حطيتوا شغلات بخمسين والا ستين درهم حطوا لنا الخرده بعد ... ولو شيصير ما أخذ لا علج ولا عصير ولا كاكاو مرات يكون باقي لي ربع ريال تقولي ما عندي اقولها مب شغلي تنقعني دقايق بعدها تروح تجيب من عند رفيجتها ... كان من الاول ... يعني هم عادي يدخلون فلوس زياده احنا مصيبه لو حاسبناهم ... عني ما احب حد يستغفلني من نفسي اعطيهم اوكي ومثل ما قلت قبل اعطي واحد محتاج مب الحراميه الي على الكاشير الزياده كلها بجيبهم ومثل ما قلت من قبل احصل تعليقات بخيله وخرابيط بس والله ولا افتكر اقعد لهم قعده والي يبي يتحجى عادي عندي
فيزيائية
11-01-2009, 02:46 PM
ردودكم ومواقفكم أثرت الموضوع جزاكم الله خير


؟؟؟
ام نونية
الظاهر مابقا حد ماباقج الله يهداج حاسبي عاد شوي
ولاتنسين تخزنين رقم العضيد:nice:

اي عضيد وبو نونية شنو شغلته خخخخخخخخخخخخ
لا انا ما انبقت انا اقولكم انهم (يحاولون) بس (هيهات)
مب على (ام نونية )عاد ؟؟:tease:
>>> غــمـــوض <<<
11-01-2009, 04:27 PM
عــاد تبون الصج انه وحده مريحه مخي من هاي كله :)

بطبعي ماحب احط فلوس في بوكي الا 100 او 200 ان كثرت واستخدمها اذا ابي اصب بترول بسيارتي او اشتري لي عصير :nice: من جامايكا
ودايما استخدم البطاقــه في الجمعية او المحلات او اي مكان ثاني

فبجذي اكون مأمنه على فلوسي انها ماتــنقص ،، ووفرت وخليت العلوج لهم :secret: لانه درج سيارتي مايخلى من علــوج اكسترا
:victory:
halah
11-01-2009, 06:11 PM
الصراحه الموضوع ما يستاهل كل هذه الانفعالات

ياجماعة الخير صلوا على النبي الي يسمعكم يقول 25 الف مو درهم

كم مره نروح الجمعيات عشر مرات في الشهر كم ياخذو لوا افترضنا نص ريال في اليوم الواحد يعني بالشهر 5 ريالات

وعشان ال 5 ريالات طلعتوا عامل الكاشير حرامي ونصاب وابن ؟؟؟

وش دخله اصلا عامل الكاشير عنده قوانيين ويمشي عليها

المسؤليه تقع على المسؤلين على مثل هذه المجمعات

واستغرب شخص يشتري بالفين وثلاثه وخمسه الاف ويعمل ضجه على ربع ريال


الحمدلله اهل قطر في نعمة ولله الحمد

لا تكبروا الموضوع والشاطر يشيل في جيبه خرده ومحد بيجبره وسلامتكم

ولا تخلوا العالم يشوفوا على وش نتشكا :omg:




البوق بوق حتى لو نص أو ربع

واحنا لو سكتنا تراهم بيتمادون زيادة وبيهبشون مبالغ أكبر

وبعدين انت ما حسبتها عدل
تعال واحسبها معاي

لو كل يوم يدخل الجمعية 100 شخص (اتوقع الي يروحون أكثر)
وكل واحد بيكون له باقي ربع أو نص أو ثلاث أرباع

كم بيحصلون فنهاية اليوم؟؟؟
بالميت 50 ريال فاليوم

وكم فالشهر؟؟
في اسوء الأحوال 1500 ريال اذا مب أكثر

وهل تعتقد ان مبلغ 1500 ريال فالشهر مبلغ بسيط

لاااااا المبلغ مب بسيط كلششش


علعموم حتى لو كان نص أو ربع فهو حقي وأبي آخذه

اهم لو كان باقيلهم ربع ولا نص بيسكتون؟؟؟؟
حبر سري
11-01-2009, 06:56 PM
ردودكم ومواقفكم أثرت الموضوع جزاكم الله خير



اي عضيد وبو نونية شنو شغلته خخخخخخخخخخخخ
لا انا ما انبقت انا اقولكم انهم (يحاولون) بس (هيهات)
مب على (ام نونية )عاد ؟؟:tease:

كفو
:nice:
اناقه
11-01-2009, 07:42 PM
تبون الصراحه الغلط منا

احنا نستحي نطلب حقنا نستحي نطلب النص و الربع وللعلم ترى مب عيب ولا حرام انك تطلب حقك

وانا وحده من الناس ما اتغاضى عن النص او الربع

ولين شفتها مطنشه او شفته مطنش اطلب الباقي بدون اي احراج وترى الاحراج لهم مب لنا
$$كلنا قطر$$
11-01-2009, 08:33 PM
مشكوووره اختي على هالطرح
والصج كنت من النوع الي يطنش
بس ألحين لااااااااااااااا وألف لا
والله اني كنت برد اغراض شاريها تقريبا بحدود ال150 ريال لأن باقي نص وقال ما عندي
واخرتها اعطاني ريال
السالفه مب سالفة فلوس بس ما احب حد يستغفلني
وعلى قولتج القطري عنده بير بتروول في البيت
وعلى قوولة واحد سوري في سوريا يسئلني ويقوول صحيح في قطر البترول سعره نفس الماي
ابي اقهره قلت له لا الماي شووي اغلىوخاصه في الصيف خخخخ
التيما
11-01-2009, 11:48 PM
الصراحه الموضوع ما يستاهل كل هذه الانفعالات

ياجماعة الخير صلوا على النبي الي يسمعكم يقول 25 الف مو درهم

كم مره نروح الجمعيات عشر مرات في الشهر كم ياخذو لوا افترضنا نص ريال في اليوم الواحد يعني بالشهر 5 ريالات

وعشان ال 5 ريالات طلعتوا عامل الكاشير حرامي ونصاب وابن ؟؟؟

وش دخله اصلا عامل الكاشير عنده قوانيين ويمشي عليها

المسؤليه تقع على المسؤلين على مثل هذه المجمعات

واستغرب شخص يشتري بالفين وثلاثه وخمسه الاف ويعمل ضجه على ربع ريال


الحمدلله اهل قطر في نعمة ولله الحمد

لا تكبروا الموضوع والشاطر يشيل في جيبه خرده ومحد بيجبره وسلامتكم

ولا تخلوا العالم يشوفوا على وش نتشكا :omg:

اختلف معاك اخوي .. انا لمن اعصب على ربع ريال هاي حقـــــــــــــــــــي .. لو ربع ريال او 25 رهم على قولتك .. ولو فرضنا تطلع في اخر الشهر 5 ريالات مب الأولى أحطها في صندوق تبرعات ؟؟؟ واستغرب من كلامك الي يسمعكم يقول 25 الف .. يعني لازم يكون مبلغ عود عشان اتكلم ؟؟ احنا في نعمة صح بس مو لدرجة الاستهبال .. ولاننا في نعمة لازم نحافظ عليها ولما نرمي فلوسنا بالربع مني ومناك وين الحمد لله عالنعمة ؟؟؟؟
وعن نفسي ماني ماخذه معاي عملة معدنيه وماني ماخذه منهم علكتهم هالمقصه وباخذ فلوسي غصب طيب لو يوقف الطابور كله ماهمني ولا يحرك طرف رمش عيني .. قال يقصون علينا قال ..
Dohasun
12-01-2009, 12:10 AM
بالنسبة للربع والنص ريال متوفر بكثرة وصاحب المحل والمسؤلين مالهم علاقة بالموضوع حتى لو اشتكيت

لكن هذي تجارة العامل على الكاشير يشتري علبة علك بـ 4 ريال ويبيعها بنص لكل زبون العلبة فيها 24 حبة يصير مدخوله من العلبة 8 ريال اعتقد في اليوم يدخل اكثر من 100 ريال

يبيعك شي انت اصلا ماتبيه بس يستغلك في موقف محرج وماتقدر ترد عليه عشان ربع ونص

حاسبوهم على الربع والنص وغصب بيطلع اذا بتسوي له مشكلة او بترجع الاغراض ولا تكون في موقف الغشيم اللى يضحكون عليه ولا يقولك خلاص دخلت في الحصالة
الهانم
12-01-2009, 12:50 AM
والله انا ايد كلامج يا اختى
انا كنت اشترى من المجمعات والله ماشوف سعر الى اخذة ولا اعد وراى ابدا
بس حصل موقف لى ومع صديقتى كنا بكافى بلاند مارك هاجن داز:secret: عشان الناس تاخذ حذرها منهم كتبت اسم الكافى
بعدماخلصنا دفعت صديقتى 500 ريال ورجعت فلبينية الباقى يوم عدت صديقتى الا ناقصة 50 ريال
نادتها وقلت لها ناقصة لفلوس تغير لون وجها وراحت جابت الباقى وجها متغير وتتاسف وهى خايفة
يعنى الحين صارو يبقون 50 ريال مو 50 درهم خذو حذركم تنبية لشباب اكثر وخاصة بلكفيات الى فيها فلبينيات:tease: تضحك لكم وتسرقكم بنفس الوقت
تحياتى لج يا طارحة الموضوع
أم حمد
12-01-2009, 01:16 AM
السلام عليكم ورحمة الله وبركاته
@
@
@
@
@

كيف الحال؟؟:ok:
مزاجكم اوكي؟؟
اشرايكم انرفزكم شوي؟؟:yes:

@
@
@
@
@

طبعا معروف القطري عنده بئر بترول في بيته <<<<مفهوم عند (الآخرين)
وهو بطبيعة الحال طيب ...ممكن يوصل لحد الغلب (غلبان)...
وقد يظن أحدهم أنه (غبي) ممكن استغلاله أو استغفاله!!
@
وهذا ما لاحظت اثناء تعاملي مع أكثر من جهة....
فصاحب البقالة يرجع لك الباقي مقطوع نصفه!!
وصاحب المطعم (يخنصر) كم ريال في جيبه!!
واللي يصب بترول (يستعبط) و(يلطش) عشر او ثنتين!!
حتى في (كرفور) تضحك الفلبينية في وجهك وهي تسرق دراهمك؟؟
@
حدث لي ذلك مرتين......:cry2:
ولأني (وحدة قطرية) أعد النقود الباقية
واعرف كم المفروض يرجع لي...
ولكن الغريب تصرف الشخص عندما تناديه.....
أحدهم قال لي :
باقي 4 ريال صح؟؟؟ <<<<<<<يعني بقت اربع منك؟؟؟:eek5:
وراعي الصفيحة اول ماهرنت له جاء بالعشر وهو يضحك!!:anger1:
ياللهول !!!!crazy
يضحك لانه يسرقني ام لانني كشفته...
وطلعت (غير) عن (القطريين الطيبين)....:dance
اللي يعتقدون ان الدنيا بخير وان (مش ممكن) يصير هالشي...
@
@
فهل انت قطري دفييييييع ولا تدري كم تدفع وكم يرجع لكم <<<<بمفهومهم؟؟:deal:
اعترف...
:weeping:
:weeping:
:weeping:
وبالعربي......
هل تحصي نقودك التي يعطيك إياها الغير ؟؟؟:waiting:


نعم وياكثر ماصدت حالات واحرجتهم !

واخر احراج

في دخان من كم يوم

قال 120 بدون لا يعطيني الفاتوره

قلت اوكي عطني الوصل

قال اسف 110

قلت عطني الوصل

طلع لحساب فالفاتوره 102

طالعته بنظره :anger1: لان المكان كان حشره

وطلعت

:)