اشلون أوصل للديار؟؟؟ [الأرشيف] - منتديات شبكة الأسهم القطرية

&شهد&

11-01-2009, 09:31 AM

السلام عليكم ورحمة الله وبركاته

ياجماعة الخير أبي أقدم على وظيفة في شركة الديار بس مش عارفة اشلون أوصل السي في لهم!!
بلييييييييييييييييز الي يعرف يدلني وله مني صادق دعواتي بالجنه ونعيمها يااااااااااارب...

movado

11-01-2009, 09:33 AM

السلام عليكم ورحمة الله وبركاته

ياجماعة الخير أبي أقدم على وظيفة في شركة الديار بس مش عارفة اشلون أوصل السي في لهم!!
بلييييييييييييييييز الي يعرف يدلني وله مني صادق دعواتي بالجنه ونعيمها يااااااااااارب...

السلام

انا شغال في الديار ،،، موضوعك شنو بالضبط

توظيف ؟

Bo3oof_80

11-01-2009, 09:43 AM

السلام عليكم ورحمة الله وبركاته

ياجماعة الخير أبي أقدم على وظيفة في شركة الديار بس مش عارفة اشلون أوصل السي في لهم!!
بلييييييييييييييييز الي يعرف يدلني وله مني صادق دعواتي بالجنه ونعيمها يااااااااااارب...

مكانهم بعد مشروع اللؤلؤ لهم شارع خاص
لو عندك واسطه موضوع بيمشي
ولو توظفت توسطلي

movado

11-01-2009, 09:45 AM

مكانهم بعد مشروع اللؤلؤ لهم شارع خاص
لو عندك واسطه موضوع بيمشي
ولو توظفت توسطلي

هههههههههههههههه

حلوة هذي :nice:

ام الحلوين

11-01-2009, 09:45 AM

السلام

انا شغال في الديار ،،، موضوعك شنو بالضبط

توظيف ؟

تقدر تتوسط للتوظيف.؟

&شهد&

11-01-2009, 09:46 AM

موفادو...
بلييييييييييييييييييز
جيت والله جابك
اي والله توظيف
عموماً انا شغاله حالياً في مجال الغاز والبترول وصراحة لاعت جبدي من الخط
بلييييييييييييز جزاك الله خير اذا بيدك شي دلني بليييييييييييييييز عليكم

&شهد&

11-01-2009, 09:48 AM

يعني ال Hr في المكان اللي قال عنه الاخ التنديل؟؟؟؟؟؟؟؟؟

WaSel

11-01-2009, 09:48 AM

توسط له الله يجزاك خير

&شهد&

11-01-2009, 09:49 AM

صج..
تنديل تسلم ع المرور...
الله يبشرك بالخير
الواحد يسوي الي عليه والارزاق على رب العالمين
قدم وماتدري يمكن يضحك لك الحظ

movado

11-01-2009, 09:52 AM

تقدر تتوسط للتوظيف.؟

شبلاكم يا جماعة ، حاطين على موضوع الواسطة

شدعوة ، يعني كل اللي اشتغلوا في الديار بواسطة

اكيد فيه ، ما اقول لا ، بس هذي مب القاعدة

اللي كفؤ للتوظيفة وفي مجال يتوظف بيتوظف ، ولا واسطة ولا شي :anger1:

ايه اقدر اوظف اي حد ،،، بس بشروط لازم تكون موجودة فيه ، يمكن تشوفنها صعبة وما لها داعي ، بس هذي شروط الشركة والتوظيف

بس اهم شي عندي يكون قطري او قطرية

Mo0o0oM

11-01-2009, 09:56 AM

السلام عليكم ورحمة الله وبركاته

ياجماعة الخير أبي أقدم على وظيفة في شركة الديار بس مش عارفة اشلون أوصل السي في لهم!!
بلييييييييييييييييز الي يعرف يدلني وله مني صادق دعواتي بالجنه ونعيمها يااااااااااارب...

عندي نفس التساؤل . . ؟؟

:shy:

Bo3oof_80

11-01-2009, 09:56 AM

شبلاكم يا جماعة ، حاطين على موضوع الواسطة

شدعوة ، يعني كل اللي اشتغلوا في الديار بواسطة

اكيد فيه ، ما اقول لا ، بس هذي مب القاعدة

اللي كفؤ للتوظيفة وفي مجال يتوظف بيتوظف ، ولا واسطة ولا شي :anger1:

ايه اقدر اوظف اي حد ،،، بس بشروط لازم تكون موجودة فيه ، يمكن تشوفنها صعبة وما لها داعي ، بس هذي شروط الشركة والتوظيف

بس اهم شي عندي يكون قطري او قطرية

نتوكل على الله وتتوسطلنا :victory:
قولي:telephone: شنهي الشروط

&شهد&

11-01-2009, 10:00 AM

موفادو
ترى انا عندي سي في محترم
والحمدلله.....قطريه
وصدقني مابي شي غير طريقة اوصل فيها السي في لمكان ينقرى وينإخذ بعين الاعتبار مش ينرمي في المهملات
تسلم على اهتمامك

Bo3oof_80

11-01-2009, 10:03 AM

صج..
تنديل تسلم ع المرور...
الله يبشرك بالخير
الواحد يسوي الي عليه والارزاق على رب العالمين
قدم وماتدري يمكن يضحك لك الحظ

بس لا تنسون اخوكم بعدين بجيكم عن طريق المنتدى عشان تتوسطون لي مب تعطوني طناش:discuss:
ولو اخونا موفادو بيتوسطلنا مع بعض جزاه الله الف خير :)

Bo3oof_80

11-01-2009, 10:04 AM

موفادو
ترى انا عندي سي في محترم
والحمدلله.....قطريه
وصدقني مابي شي غير طريقة اوصل فيها السي في لمكان ينقرى وينإخذ بعين الاعتبار مش ينرمي في المهملات
تسلم على اهتمامك

:nice::omg::nice::omg::omg::omg:

ام الذيب

11-01-2009, 10:04 AM

شبلاكم يا جماعة ، حاطين على موضوع الواسطة

شدعوة ، يعني كل اللي اشتغلوا في الديار بواسطة

اكيد فيه ، ما اقول لا ، بس هذي مب القاعدة

اللي كفؤ للتوظيفة وفي مجال يتوظف بيتوظف ، ولا واسطة ولا شي :anger1:

ايه اقدر اوظف اي حد ،،، بس بشروط لازم تكون موجودة فيه ، يمكن تشوفنها صعبة وما لها داعي ، بس هذي شروط الشركة والتوظيف

بس اهم شي عندي يكون قطري او قطرية

السلام عليكم

صباح الخيرات

:nice: مرحبا

:D

كيف الحال موفادو >>> اخلصي علينا وش تبين :anger1:

اخوي زين قولنا وش هي المؤهلات اللي تبونها ؟؟

يعني الأولوية للثانوي ولاالجامعي ؟؟

وان شاءالله يكون فرجنا بعد الله على يدك

:)

&شهد&

11-01-2009, 10:09 AM

شكلكم كلكم تبون الديار!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!

movado

11-01-2009, 10:12 AM

السلام عليكم

صباح الخيرات

:nice: مرحبا

:D

كيف الحال موفادو >>> اخلصي علينا وش تبين :anger1:

اخوي زين قولنا وش هي المؤهلات اللي تبونها ؟؟

يعني الأولوية للثانوي ولاالجامعي ؟؟

وان شاءالله يكون فرجنا بعد الله على يدك

:)

بالنسبة لي الأولوية حصرياً للقطريين ،
وحق اللي ما يشتغل وما عنده وظيفة قبل اللي يشتغل :nice:

والمؤهل ثانوي أو جامعي

اللي يبي يطرش على الإيميل

movado_qa@hotmail.com

وفيه شروط ثانية قاسية نوعا ما ، بس شنسوي هذا المطلوب
لسته طويلة من الشروط ، كلها بالانجلش

Bo3oof_80

11-01-2009, 10:15 AM

بالنسبة لي الأولوية حصرياً للقطريين ،
وحق اللي ما يشتغل وما عنده وظيفة قبل اللي يشتغل :nice:

والمؤهل ثانوي أو جامعي

اللي يبي يطرش على الإيميل

movado_qa@hotmail.com

وفيه شروط ثانية قاسية نوعا ما ، بس شنسوي هذا المطلوب
لسته طويلة من الشروط ، كلها بالانجلش

والله انك مب سهل movado بتعرفن واحد واحد :secret:

&شهد&

11-01-2009, 10:17 AM

يعني الحين انا الي فتحت الموضوع وانا الي طلعت منه!!!!
عموما تسلم ياموفادو
بس انت من صجك ولاتتغشمر؟؟

سهم المراقيب

11-01-2009, 10:22 AM

انتي من صدقج تبين ترسلين السيفي عن طريق المنتدى ,,

الشباب ما قصروا حطوا لكم العنوان عاد انتوا الله يستر عليكم كملوا الباقي ,,
او خذوا رقم الفاكس وانا ما احبذ الطريقه هذي ,, الأفضل تسليمهل باليد ,,

ذكرتوني بناس الله يستر على المسلمين ,,

&شهد&

11-01-2009, 10:24 AM

هههههههههههه
لا طبعاً ماراح اطرش السي في
انا ابي ايميل معتمد من الديار
او اروح بنفسي بس ابس طريج الhr
وصلى الله وبارك....

movado

11-01-2009, 10:25 AM

يعني الحين انا الي فتحت الموضوع وانا الي طلعت منه!!!!
عموما تسلم ياموفادو
بس انت من صجك ولاتتغشمر؟؟

ليش اتغشمر ،،،، ولا اضحك على الناس

هذا رزق من رب العالمين ، واللي الله كاتب له ما راح يحتاج لي ولا حق غيري

يغنيه رب العالمين بفضله

اني طرشي الـ CV حقتك على قولتهم

وانا بنفسي بوديه حق الـ HR عشان
they proceed the Recruitment application

موبايل

11-01-2009, 10:26 AM

الاخ موفادو,

لو تحط الايميل الخاص بال Hr او رقم الفاكس طالما انك شغال هناك اعتقد يكون افضل

Bo3oof_80

11-01-2009, 10:30 AM

ليش اتغشمر ،،،، ولا اضحك على الناس

هذا رزق من رب العالمين ، واللي الله كاتب له ما راح يحتاج لي ولا حق غيري

يغنيه رب العالمين بفضله

اني طرشي الـ CV حقتك على قولتهم

وانا بنفسي بوديه حق الـ HR عشان
they proceed the Recruitment application

بس لوتذكرلنا مثل ايش الشروط :eek5:

movado

11-01-2009, 10:31 AM

انتي من صدقج تبين ترسلين السيفي عن طريق المنتدى ,,

الشباب ما قصروا حطوا لكم العنوان عاد انتوا الله يستر عليكم كملوا الباقي ,,
او خذوا رقم الفاكس وانا ما احبذ الطريقه هذي ,, الأفضل تسليمهل باليد ,,

ذكرتوني بناس الله يستر على المسلمين ,,

صادق اخوي وعداك العيب
انا ليش اتوهق مع الناس لو ما صار نصيب، وعقب يقولون بو ..... ، بل بغيت اقول
قصدي يقولون movado ما سوا لنا شي

المهم:

هذي ارقامهم وإيميل الـ HR

careers@qataridiar.com

FAX: 0974 4974235

وسلامتكم

سهم المراقيب

11-01-2009, 10:35 AM

صادق اخوي وعداك العيب
انا ليش اتوهق مع الناس لو ما صار نصيب، وعقب يقولون بو ..... ، بل بغيت اقول
قصدي يقولون movado ما سوا لنا شي

المهم:

هذي ارقامهم وإيميل الـ HR

careers@qataridiar.com

FAX: 0974 4974235

وسلامتكم

ولله ياخي لا تزعل من كلامي لأنها خصوصيات ناس في الأول والأخير ,,

خلنا نستغل وجودك و نخش جامد هع هع ,,
المعاشات شلون ؟؟

يعني المهندس المدني اللي توه متخرج وعزابي كم يوصل معاشه ؟

Bo3oof_80

11-01-2009, 10:37 AM

صادق اخوي وعداك العيب
انا ليش اتوهق مع الناس لو ما صار نصيب، وعقب يقولون بو ..... ، بل بغيت اقول
قصدي يقولون movado ما سوا لنا شي

المهم:

هذي ارقامهم وإيميل الـ HR

careers@qataridiar.com

FAX: 0974 4974235

وسلامتكم

اعرف ايميلاتهم وارقامهم بس الموضوع كله في الواسطه مب عندكم بس في بروه بعد نفس الشي لو تقدر بيض الله وجهك شوف الاخت شهد اما بعدين الاخت شهد تتوسطلي

movado

11-01-2009, 10:40 AM

ولله ياخي لا تزعل من كلامي لأنها خصوصيات ناس في الأول والأخير ,,

خلنا نستغل وجودك و نخش جامد هع هع ,,
المعاشات شلون ؟؟

يعني المهندس المدني اللي توه متخرج وعزابي كم يوصل معاشه ؟

يعتمد على الوظيفة اللي بيمسكها
PM or CM
وهل هي داخل قطر او في مشروع خارج قطر
يعني اللي بتوظف يتوقع في اي لحظة انه يطرشونه برع حق مشروع

مثلا ممكن يودونه السودان او اريتريا

وبخصوص المميزات المادية زينة ومجزية ، بس ما اقدر اصرح كم بالضبط

تدري موقعين على
Confidentiality agreement

عكاس

11-01-2009, 10:42 AM

الواسطة اولا وقبل كل شي
انا قدمت السيفي من فترة لا وبواسطة بعد وجاني رد يضحك شوي ، قالوا لي
sorry but you are over qualified:omg:

سهم المراقيب

11-01-2009, 10:44 AM

تدري موقعين على
Confidentiality agreement

تدري انك تعجبني ,, بالتوفيق للجميع ... تراني مدير في الديار ,,
وهذا العشم في موظفينا الأكفاء ,,

ادري قلبك في بطنك الحين خخخخخخخخ ,,
تحياتي لك وللجميع ,,

&شهد&

11-01-2009, 10:44 AM

تسلم ياموفادو
وآنا آسفة اذا موضوعي سبب لك اي احراج
وتتوقع هالايميل في حد بيشوفه...؟؟؟؟ ياليت
بنحاول
والله المستعان

&شهد&

11-01-2009, 10:46 AM

بببببببببب
مدره قاموا يدخلون الموضوع!!!
بليييييييييييز خذونا عندكم
والله قطريين ونستاهل!!
هههه

Bo3oof_80

11-01-2009, 10:47 AM

تدري انك تعجبني ,, بالتوفيق للجميع ... تراني مدير في الديار ,,
وهذا العشم في موظفينا الأكفاء ,,

ادري قلبك في بطنك الحين خخخخخخخخ ,,
تحياتي لك وللجميع ,,

زين والله مدير في الديار
ياخي عطنى الوصفه عشان نتوظف
الحمد لله خريجين وسارلنا 5 سنوات نشتغل :anger1:

movado

11-01-2009, 10:49 AM

تدري انك تعجبني ,, بالتوفيق للجميع ... تراني مدير في الديار ,,
وهذا العشم في موظفينا الأكفاء ,,

ادري قلبك في بطنك الحين خخخخخخخخ ,,
تحياتي لك وللجميع ,,

ههههههههههههههههه

وليش قلبي في بطني ، وش مسوي؟؟؟؟؟؟؟؟

على العموم يا زميل انت في اي إدارة ، مر علي المكتب تقهوى عندي وخل نتكلم في مواضيع الشغل والإجراءات

ههههه

وبخصوصك اختي شهد
تأكدي انهم يقرون الايميل ، والتوفيق من عند رب العالمين

Bo3oof_80

11-01-2009, 10:50 AM

دام ان المدرا والموظفين عندنا في المنتدى زين
هذا اكبر دليل على ان مافي شغل والواسطه لاعبه دور كبير
وان شروطهم التعجيزيه الي حاطين حق الي مايبون يوظفونهم
حلللللللللللللللللللللللللللللللللللو

سهم المراقيب

11-01-2009, 10:50 AM

بببببببببب
مدره قاموا يدخلون الموضوع!!!
بليييييييييييز خذونا عندكم
والله قطريين ونستاهل!!
هههه

لووووووووووووووووووووووول ,,

زين والله مدير في الديار
ياخي عطنى الوصفه عشان نتوظف
الحمد لله خريجين وسارلنا 5 سنوات نشتغل :anger1:

هاهاهاهاهاهااااا ,, ولله ان قلوبكم طيبه وتصدقون ,,
أنا امزح مع اخونا موفادو ,, وين اصير مدير ,, ولله راح ابطي ما صرت نص مدير ,,

&شهد&

11-01-2009, 10:55 AM

خخخخخخخخخخخخ
أكيد مو مدير
جان مادخلت المنتدى هالحزة!!!
لوووووووووول

سهم المراقيب

11-01-2009, 10:56 AM

ههههههههههههههههه

وليش قلبي في بطني ، وش مسوي؟؟؟؟؟؟؟؟

على العموم يا زميل انت في اي إدارة ، مر علي المكتب تقهوى عندي وخل نتكلم في مواضيع الشغل والإجراءات

ههههه

وبخصوصك اختي شهد
تأكدي انهم يقرون الايميل ، والتوفيق من عند رب العالمين

أفا ولله افا ,, مدير يجي ويتقهوى عند موظف ,, ما يصير اصلا المفروض العكس ,,
قهوه دايمه طال عمرك ,, بس لا تصدق اني مدير ,, انا مدير نفسي خخخخخخخخخخخخ ,,

----------------------------------------

هذا آخر رد لي عشان ما يسكرون الموضوع وعقب تدعي علينا شهد ,,
تقبلوا تحياتي ,,
فمان الله ,,

&شهد&

11-01-2009, 11:02 AM

لا ان شاءالله ماأدعي على حد
بس انا فعلاً لااااااااعت جبدي من شغلي واتمنى أغيره
الله يكتب لي ولكم الخير يااارب

ام الذيب

11-01-2009, 11:06 AM

بالنسبة لي الأولوية حصرياً للقطريين ،
وحق اللي ما يشتغل وما عنده وظيفة قبل اللي يشتغل :nice:

والمؤهل ثانوي أو جامعي

اللي يبي يطرش على الإيميل

movado_qa@hotmail.com

وفيه شروط ثانية قاسية نوعا ما ، بس شنسوي هذا المطلوب
لسته طويلة من الشروط ، كلها بالانجلش

ربي يجزيك الجنة على نواياك الطيبة

والله يوفقنا ويكتب لنا الخير وين ماكان

Time trading

11-01-2009, 11:08 AM

السلام عليكم
اخ موفادوو Movado

اسمحلي اخوي داش عرض ع الموضوع بس ممكن اطرش السي في انا بعد :)

&شهد&

11-01-2009, 11:11 AM

موفادو
زادت الطلبات عليك....ابتلشت
افتح لك موضوع استقبال طلبات التوظيف بعيد عن موضوعي!!!!
ولا تنسى اني الاولى........اوكي

ام الذيب

11-01-2009, 11:16 AM

موفادو
زادت الطلبات عليك....ابتلشت
افتح لك موضوع استقبال طلبات التوظيف بعيد عن موضوعي!!!!
ولا تنسى اني الاولى........اوكي

ترى ان حد توظف عقب هالموضوع راح تكسبين أجره :) والسبب موضوعج يا شهد

ربي يوفقج وتتيسر أمورج ويرزقج بـ الشغل اللي تتمنينه

والله يوفق الجميع للي يحبه ويرضاه

&شهد&

11-01-2009, 11:20 AM

تسلمين....تسلمين...تسلمين...ياأم الذيب
الله يجزاج الجنة على دعواتج الحلوة
والله ييسر امور كل مسلم يااارب
الشركة امتيازاتها حلوة ورواتبها احلى ومكانها بالنسبة لي أحلى وأحلى وياااااااااااليت يضرب الحظ !!

ALRAYYAN

11-01-2009, 11:21 AM

الله يجزيك خير اخوي موفادو على مساعدتك لأخوانك وخواتك في المنتدى

والله يوفقج اختي شهد وتتوظفين وتسوين لنا حفلتين على حسابج :nice:

حفله للأعضاء وثاني يوم للعضوات .. بعد اول راتب طبعاً:whistling:

Bo3oof_80

11-01-2009, 11:23 AM

:tease:اخونا موفادو ماقام يرد علينا شكله حط بخاطره
ياخوي نتغشمر معاك خلاص

Time trading

11-01-2009, 11:23 AM

الله ييسر اموركم ويوفقكم لما يحبه ويرضاه

والي له نصيب بياخذه إن شاء الله :)

movado

11-01-2009, 11:24 AM

أفا ولله افا ,, مدير يجي ويتقهوى عند موظف ,, ما يصير اصلا المفروض العكس ,,
قهوه دايمه طال عمرك ,, بس لا تصدق اني مدير ,, انا مدير نفسي خخخخخخخخخخخخ ,,
----------------------------------------
هذا آخر رد لي عشان ما يسكرون الموضوع وعقب تدعي علينا شهد ,,
تقبلوا تحياتي ,,
فمان الله ,,

ما فيها شي ، انا مدير واروح اتقهوى عند الموظفين وعند غيرهم ، وش المشكلة ، ياخوي شغلنا على قولتهم Professional
المهم الله يحيك

وانتي يا اختي شهد
قدمي اوراقك واللي فيه الخير بيقدمه لك رب العالمين ، واذا ما صار نصيب تأكدي انه فيه الخير لك
ما تعلمين الغيب

&شهد&

11-01-2009, 11:24 AM

هههههههههههه
ولايهمكم
آنا بس أروح اهناك...ماأعرفكم....قصدي أسنعكم
خخخخخخخخخخ

Time trading

11-01-2009, 11:26 AM

اخوي موفادو ماعطيتني ويه شسالفة :eek5:

movado

11-01-2009, 11:27 AM

السلام عليكم
اخ موفادوو Movado

اسمحلي اخوي داش عرض ع الموضوع بس ممكن اطرش السي في انا بعد :)

طرررررررررررررررررررررش

هذي ارقامهم وإيميل الـ HR

careers@qataridiar.com

FAX: 0974 4974235

عكاس

11-01-2009, 11:28 AM

ما فيها شي ، انا مدير واروح اتقهوى عند الموظفين وعند غيرهم ، وش المشكلة ، ياخوي شغلنا على قولتهم Professional
المهم الله يحيك

وانتي يا اختي شهد
قدمي اوراقك واللي فيه الخير بيقدمه لك رب العالمين ، واذا ما صار نصيب تأكدي انه فيه الخير لك
ما تعلمين الغيب

أنا قدمت قبل على ايام المدير القبلي وقالوا لي over-qualified
لو اقدم الحين مرة ثانية تهقى تمشي معاهم؟

Time trading

11-01-2009, 11:29 AM

احم احم انا طرشت من زمان بس الظاهر عطوني طاف :)
اذا تبي reference #
للحين عندي

movado

11-01-2009, 11:32 AM

See U later , we have the monthly Ds & Ms Meeting

escape

&شهد&

11-01-2009, 11:34 AM

يتهيألي ياموفادو لو تمر على جهاز الفاكس اللي عندكم بتلقى أوراقه اطفحت من طلبات أعضاء المنتدى
وايميل ال Hr شااااااااااار من كثر الطلبات!!!!!!!!!!!!
الله يجزيني خير!!

Time trading

11-01-2009, 11:42 AM

I think it's not my day.

hoping that u will look after my C.V bro.
:)

مالك أمل

11-01-2009, 11:42 AM

السلام

انا شغال في الديار ،،، موضوعك شنو بالضبط

توظيف ؟

أخوي الكريم ياليت تشيك على إيميلك الهوتميل

Time trading

11-01-2009, 11:43 AM

بالتوفيق بس لا تنساني هي هي هي
ولا تنسى اخوانك بالمنتدى

movado

11-01-2009, 11:57 AM

أخوي الكريم ياليت تشيك على إيميلك الهوتميل

لو سمحت أخوي طرشه مرة ثانية

غناتي1

11-01-2009, 01:53 PM

أستغفر الله 00

ANONYMOUS

11-01-2009, 02:00 PM

أنا قدمت قبل على ايام المدير القبلي وقالوا لي over-qualified
لو اقدم الحين مرة ثانية تهقى تمشي معاهم؟

خش بعض الشهادات..

ولين توظفت..

انثر شهاداتك على طاولة ال HR مانيجر

وطالب ب بوزشن اكبر :deal:

عكاس

11-01-2009, 03:56 PM

خش بعض الشهادات..

ولين توظفت..

انثر شهاداتك على طاولة ال HR مانيجر

وطالب ب بوزشن اكبر :deal:
سويتها في وظيفتي الحالية ياخوك وقالوا لي خلاص راحت عليك المفروض اول ماتتعين تقدم الاوراق

hich

11-01-2009, 06:33 PM

نصيحة أخويه للجميع الوضع في ديار غير مطمئن في النواحي التاليه

الهيكل الوظيفي دائم التغير وغير مستقر

اصحاب العيون الزرقا ماخذين أكثر من حقهم

بعد خروج (فصلها) مديره الموارد البشريه الأستراليه هناك مشاكل في الوصف الوظيفي

ارى ان راس غاز وقطر غاز وشركات التابعه للقطر للبترول مستقره أداريا وهناك وضوح في الرؤويه

والله من وراء القصد

هدوء 2

11-01-2009, 07:11 PM

نصيحة أخويه للجميع الوضع في ديار غير مطمئن في النواحي التاليه

الهيكل الوظيفي دائم التغير وغير مستقر

اصحاب العيون الزرقا ماخذين أكثر من حقهم

بعد خروج (فصلها) مديره الموارد البشريه الأستراليه هناك مشاكل في الوصف الوظيفي

ارى ان راس غاز وقطر غاز وشركات التابعه للقطر للبترول مستقره أداريا وهناك وضوح في الرؤويه

والله من وراء القصد

:n
ice::nice::nice::nice::nice: لك مني ملايييييييييييييييين التحية وصدقت في كلمة

عكاس

11-01-2009, 11:59 PM

نصيحة أخويه للجميع الوضع في ديار غير مطمئن في النواحي التاليه

الهيكل الوظيفي دائم التغير وغير مستقر

اصحاب العيون الزرقا ماخذين أكثر من حقهم

بعد خروج (فصلها) مديره الموارد البشريه الأستراليه هناك مشاكل في الوصف الوظيفي

ارى ان راس غاز وقطر غاز وشركات التابعه للقطر للبترول مستقره أداريا وهناك وضوح في الرؤويه

والله من وراء القصد
راس غاز الوضع عندهم اردى يعني لو انت من فصيلة حجاب بونفخه بكره تتوظف ولو انت تلبس غتره وعقال ابقى قابلني لو توظفت

hich

12-01-2009, 01:27 AM

:n
ice::nice::nice::nice::nice: لك مني ملايييييييييييييييين التحية وصدقت في كلمة

لا شكر على نصيحه:nice:

hich

12-01-2009, 01:29 AM

راس غاز الوضع عندهم اردى يعني لو انت من فصيلة حجاب بونفخه بكره تتوظف ولو انت تلبس غتره وعقال ابقى قابلني لو توظفت

بونفخه مايظر الا راعيته باعوا ماباعوا بصيب من الدنيا ولم يرجوا جزاء الاخره

لكن لا أزال افضل شركات التابعه للقطر للبترول

بنت المنتدى

12-01-2009, 01:47 AM

موفقه يا شهد ..

&شهد&

12-01-2009, 08:08 AM

يسلم كل من مر ع الموضوع...
يعني تشوفون مجال البترول احسن؟؟؟؟؟؟
ترى انا الحمدلله شغاله في هالمجال وكل شي اوكي بس مادري !!!
اقول يمكن الديار احسن!!!
ولا أتم أحسن!!!
الخط...الخط...هو مشكلتي!!!!!!!!!
وانا الحمدلله لاحجاب بونفخة ولاخرابيط !!!!
ترى انا قاعده أفكر بصوت عالي ..........اعذروني

سهم المراقيب

12-01-2009, 09:05 AM

يسلم كل من مر ع الموضوع...
يعني تشوفون مجال البترول احسن؟؟؟؟؟؟
ترى انا الحمدلله شغاله في هالمجال وكل شي اوكي بس مادري !!!
اقول يمكن الديار احسن!!!
ولا أتم أحسن!!!
الخط...الخط...هو مشكلتي!!!!!!!!!
وانا الحمدلله لاحجاب بونفخة ولاخرابيط !!!!
ترى انا قاعده أفكر بصوت عالي ..........اعذروني

انا اقول احسسن ومع رأي أخوي hich ,,
تبينها من الآخر ,, ما راح يعطونكم اكثر من اللي تاخذينه الحين,,
وبعدين تبدون الصفر وفي جو جديد ,,

استحملوا الخط ,,
صدق انه كسر ظهورنا لكن شنسوي ,,
الحمد والشكر لله ,,

مع تحيات المدير ,,

&شهد&

12-01-2009, 01:22 PM

شكلي ياسهم المراقيب بنثبر مكاني.....
على قولة زوجي ( لترفسين النعمة!!)
ودمتم...

ANONYMOUS

12-01-2009, 01:34 PM

سويتها في وظيفتي الحالية ياخوك وقالوا لي خلاص راحت عليك المفروض اول ماتتعين تقدم الاوراق

افاااا

:(

ع العموم.. بتكون لك الاولويه في الترقيه او في تولي المناصب

:)

ANONYMOUS

12-01-2009, 01:41 PM

شكلي ياسهم المراقيب بنثبر مكاني.....
على قولة زوجي ( لترفسين النعمة!!)
ودمتم...

انا اقول مافيها شي لو لقيتي فرصه احسن.. مكان قريب جمب البيت..

في كلا الحالتين.. انتي شغاله.. وتخدمين الدوله

كم يسوى تطلعين من البيت 6 ونص مثلا.. وتوصلين 6 و 44 دقيقه

والله قمة الوناسه

حتى لو الراتب اقل ب 10 الاف..

المشكله في ناس حاطه في بالها كل ماكان الراتب اكبر كان احسن..

مادروا ان راحة البال.. لاتقدر بثمن....

على طاري راحة البال.. يمكن ماترتاحين في الديار.. وتقولين نار الخط ولا جنة الديار..

وبالتوفيق

&شهد&

12-01-2009, 01:54 PM

Anonymous
تسلم ع المرور
هو تبي الصج الراتب شي مهم ولا احنا ليش طالعين من بيوتنا!!
وراحة البال بعد شي مهم بس للأسف انت وحظك!
مافي شي كامل ... بس امانة الشغل مع الاجانب راقي جداً...بس مثل ماقلت قبل.....الخط ...وتفكير في الديار كان لاختصار الطريق براتب مساوي...

سعــــــــود

12-01-2009, 01:57 PM

لي تعليق على الموضوع بس بعد ماتنتهون راح أقوله !!

&شهد&

12-01-2009, 02:14 PM

وين تعليقك ياسعود؟؟؟

movado

12-01-2009, 02:26 PM

لي تعليق على الموضوع بس بعد ماتنتهون راح أقوله !!

السلام عليك

قول تعليقك ، أحس انه بيكون ذو جدوى

وأنا أكثر واحد يهمني رايك

ذكي جدااا

12-01-2009, 02:33 PM

يا شباب هذا موقعهم على النت اللي يبي يتواصل معهم http://www.qataridiar.com/

سعــــــــود

12-01-2009, 02:35 PM

السلام عليك

قول تعليقك ، أحس انه بيكون ذو جدوى

وأنا أكثر واحد يهمني رايك

من متى يهمك رأيي !! توني بقراطيسي :) مالي الا يومين مسجل !!

ابشر بقول رايي بس صبرك لا تستعجل !!

movado

12-01-2009, 02:40 PM

من متى يهمك رأيي !! توني بقراطيسي :) مالي الا يومين مسجل !!

ابشر بقول رايي بس صبرك لا تستعجل !!

ههههههههههههه
والله خليتني اضحك
يا أخي رايك مهم حتى لو من يومين مسجل على قولتك، وش هي المشكلة؟

** ليس مهماً من تكون، بل المهم هو ما يكون رأيك** :victory:

سعــــــــود

12-01-2009, 02:49 PM

ههههههههههههه
والله خليتني اضحك
يا أخي رايك مهم حتى لو من يومين مسجل على قولتك، وش هي المشكلة؟

** ليس مهماً من تكون، بل المهم هو ما يكون رأيك** :victory:

دوووووود يارب تضحك :) اصبر جعلك تحيا والله بقولك :)

movado

12-01-2009, 02:51 PM

دوووووود يارب تضحك :) اصبر جعلك تحيا والله بقولك :)

شكلك قاعد تدور في النت، وتسال الربع عن الديار وموظفينهم

شكلك بتحط تقرير كامل عنهم

بس يا خوك الله الله بالستر :ok:

&شهد&

12-01-2009, 03:00 PM

أخاف انت بعد مدير في الديار ياسعود!!!!!!!!!!!

سعــــــــود

12-01-2009, 03:03 PM

أخاف انت بعد مدير في الديار ياسعود!!!!!!!!!!!

لا مومدير ! كلنا ضعوف تحت الله .. الله يخارجنا على خير ..

movado

12-01-2009, 03:04 PM

أخاف انت بعد مدير في الديار ياسعود!!!!!!!!!!!

الصراحة ، سعود شكله من ناحية
appearance

بس ما يندرا من ناحية الكفاءة

شرايك سعود ، تجي تسوي مقابلة شخصية

بس هاه ، ترا جزء كبير منها راح يكون بالانجليزي

سعــــــــود

12-01-2009, 03:10 PM

الصراحة ، سعود شكله من ناحية
appearance

بس ما يندرا من ناحية الكفاءة

شرايك سعود ، تجي تسوي مقابلة شخصية

بس هاه ، ترا جزء كبير منها راح يكون بالانجليزي

تبيني أقول شنو اللي يدور في بالك الحين ؟
تحاول تكسبني !! تبيني أكون بصفك !!
الحمدلله أخوك موظف ومشكور .

movado

12-01-2009, 03:22 PM

تبيني أقول شنو اللي يدور في بالك الحين ؟
تحاول تكسبني !! تبيني أكون بصفك !!
الحمدلله أخوك موظف ومشكور .

يا خوي ،،، مكسبك مربح لي !!!!!! انتهى.

وبعدين ليش ابغيك تكون في صفي ، لا يكون حضرتك مفتكر اني خايف من الذم في الديار ، لا ياخوك ، اللي يبغي يذم وينتقد على راحته ، بس المهم انه يكون عنده اثبات على كلامه
مثلا انا يوم قلت ان الواسطة مب هي القاعدة في التوظيف ، معاي حق وعندي دليل ، حلو؟....
في المقابل عندي ادلة ان الواسطة لعبت دور في التوظيف ، سواء عندنا أو في أي مكان ثاني في الدولة!

وصدقني يا سعود ، انا اشتغلت في الحكومة ، وما كنت مرتاح والحمدلله.
وعقب اشتغلت في هيئة الأشغال ، وعلى قد ما تعرضت له الهيئة من انتقادات من كل صوب ، ما عمري في يوم حسيت الذنب او ان اللوم علي انا، ليش ؟
عشان شغلي حق نفسي ، وأمانة علي أن أأديها ، وما علي من أخطاء زملائي او من اللوم اللي يجيهم، اهم شي عندي أسوي شغلي بالشكل المطلوب وأأدي أمانتي.

وحتى في الديار ، فيه أخطاء وعيوب ، بس الشركة توها في بدايتها ، وصدقني لو تجي الشركة بتلاحظ ان القطريين بالذات مثل الاخوان فيها ، متماسكين ويسندون بعض عشان تقوم الشركة وتتأسس صح.

مب عشان اي شي ، بس عشان اسمها شركة الديار القطرية

وسلامتك

بويوسف

12-01-2009, 03:45 PM

يا خوي ،،، مكسبك مربح لي !!!!!! انتهى.

وبعدين ليش ابغيك تكون في صفي ، لا يكون حضرتك مفتكر اني خايف من الذم في الديار ، لا ياخوك ، اللي يبغي يذم وينتقد على راحته ، بس المهم انه يكون عنده اثبات على كلامه
مثلا انا يوم قلت ان الواسطة مب هي القاعدة في التوظيف ، معاي حق وعندي دليل ، حلو؟....
في المقابل عندي ادلة ان الواسطة لعبت دور في التوظيف ، سواء عندنا أو في أي مكان ثاني في الدولة!

وصدقني يا سعود ، انا اشتغلت في الحكومة ، وما كنت مرتاح والحمدلله.
وعقب اشتغلت في هيئة الأشغال ، وعلى قد ما تعرضت له الهيئة من انتقادات من كل صوب ، ما عمري في يوم حسيت الذنب او ان اللوم علي انا، ليش ؟
عشان شغلي حق نفسي ، وأمانة علي أن أأديها ، وما علي من أخطاء زملائي او من اللوم اللي يجيهم، اهم شي عندي أسوي شغلي بالشكل المطلوب وأأدي أمانتي.

وحتى في الديار ، فيه أخطاء وعيوب ، بس الشركة توها في بدايتها ، وصدقني لو تجي الشركة بتلاحظ ان القطريين بالذات مثل الاخوان فيها ، متماسكين ويسندون بعض عشان تقوم الشركة وتتأسس صح.

مب عشان اي شي ، بس عشان اسمها شركة الديار القطرية

وسلامتك

ياخي دخلت مبناكم كل اللي استقبلوني اجانب ..

مدير لي سكرتارية لي موارد بشرية !!

وفي الاخير تقييم القطري من اجانب .. تتوقع ايش بيكون التقييم لي؟ اترك لك حل الفزورة.

هذا غير مجموعة لابأس بها من زملائي من المهندسين القطريين واللي حتى مافكر حد يتصل فيهم. عشان ماتقول سو مقابلة معاهم ولقوهم مش كواليفايد..

بويوسف

12-01-2009, 03:46 PM

مب عشان اي شي ، بس عشان اسمها شركة الديار القطرية

وسلامتك

للاسف اسمها قطرية ومدير التوظيف اجنبي وموقع الشركة اجنبي بحت مافيه كلمة عربية.. واللي يسوي مقابلات مع اهل قطر اجنبي !!

سعــــــــود

12-01-2009, 04:03 PM

بقول نقطه مهمه قبل كل شي لانها تهم الأغلبيه ..
بروه تابعه لديار .. بروه فيها فساد اخلاقي عجيب .. تحرر اختلاط اشياء عجيبه !!
بروه لاتصلح للعمل وخاصه للمحافظات !!
اما المتحررات فراح بناسبها كثير ..

الفساد الاخلاقي في البعض وكلامي مو على الكل ..

للحديث بقية . .

ANONYMOUS

12-01-2009, 06:33 PM

Anonymous
تسلم ع المرور
هو تبي الصج الراتب شي مهم ولا احنا ليش طالعين من بيوتنا!!
وراحة البال بعد شي مهم بس للأسف انت وحظك!
مافي شي كامل ... بس امانة الشغل مع الاجانب راقي جداً...بس مثل ماقلت قبل.....الخط ...وتفكير في الديار كان لاختصار الطريق براتب مساوي...

توني كنت بقترح تشنغلين امينة مخزن في اي مدرسه بفريجكم :shy:

بس طالما الراتب مهم عندكم

خلج في لفان

ولو حصلتي في رويس وظيفه قدمي عليها

:p

Mo0o0oM

12-01-2009, 07:56 PM

بقول نقطه مهمه قبل كل شي لانها تهم الأغلبيه ..
بروه تابعه لديار .. بروه فيها فساد اخلاقي عجيب .. تحرر اختلاط اشياء عجيبه !!
بروه لاتصلح للعمل وخاصه للمحافظات !!
اما المتحررات فراح بناسبها كثير ..

الفساد الاخلاقي في البعض وكلامي مو على الكل ..

للحديث بقية . .

يعني ماااافيه امل اقدم فيها ابداً البته

:weeping:

QatarRose

12-01-2009, 08:08 PM

بقول نقطه مهمه قبل كل شي لانها تهم الأغلبيه ..
بروه تابعه لديار .. بروه فيها فساد اخلاقي عجيب .. تحرر اختلاط اشياء عجيبه !!
بروه لاتصلح للعمل وخاصه للمحافظات !!
اما المتحررات فراح بناسبها كثير ..

الفساد الاخلاقي في البعض وكلامي مو على الكل ..

للحديث بقية . .

سؤال قبل لا تكمل كلامك

انت تعم ولا تخص !

وياريت تفسر لي جمله ( تحرر اختلاط اشياء عجيبه ) عشان اقدر ارد عليك !

movado

13-01-2009, 09:02 AM

بقول نقطه مهمه قبل كل شي لانها تهم الأغلبيه ..
بروه تابعه لديار .. بروه فيها فساد اخلاقي عجيب .. تحرر اختلاط اشياء عجيبه !!
بروه لاتصلح للعمل وخاصه للمحافظات !!
اما المتحررات فراح بناسبها كثير ..

الفساد الاخلاقي في البعض وكلامي مو على الكل ..

للحديث بقية . .

أستغر الله العظيم من كل ذنب عظيم

وش هالكلام يا سعود ، ما يجوز

ترى الفساد والاختلاط اللي تقول عنه موجود في كل مكان ، بس العبرة في من يجنب نفسه عنه،
وترى الدنيا فيها الصالح والطالح.

Bo3oof_80

13-01-2009, 09:40 AM

بقول نقطه مهمه قبل كل شي لانها تهم الأغلبيه ..
بروه تابعه لديار .. بروه فيها فساد اخلاقي عجيب .. تحرر اختلاط اشياء عجيبه !!
بروه لاتصلح للعمل وخاصه للمحافظات !!
اما المتحررات فراح بناسبها كثير ..

الفساد الاخلاقي في البعض وكلامي مو على الكل ..

للحديث بقية . .

يعني ماتنصح اخوي سعود لو توضحلنا اكثر :eek5:
وبعدين اساس الموضوع عن الديار واشدخل بروه في السالفه
لو واحد من الاخوان (صايع) واسمحلي على الفظ البقيه بيمشون على نفس النهج

&شهد&

14-01-2009, 10:38 AM

أشوف الموضوع انقلب 360 درجة....ودخلنا في الاختلاط و و و و
ك مكن فيه الزين وفيه الشين...وكل واحد وأخلاقه...
صج...اللي قالي روحي اشتغلي امينة مخزن!!!!! الله يسامحك....وشهادتي وخبرتي أتبرع لك فيها؟؟؟؟؟
وطبعاً الراتب واااااااااااااااايد مهم .....وهو أساس الشغل وأتحدى أي واحد يقول آنا طالع من بيتنا في صباح الله خير لين العصر As Afun !!!!!!!!!!!!!!!!!!!!
خلنا عقلانيين في الطرح!