لكزس فورويل ٢٠٠٩ - تنازل عن حجز

[محمد عبدالرحمن]

اتصلوا الوكالة اليوم يبلغوني إن سيارتي اللكزس الفورويل ٢٠٠٩ وصلت - اللون لؤلؤي من داخل بيج - كاملة المواصفات، و بلغوني إن السعر ٣٥٣،٠٠٠ ر.ق من غير التأمين الشامل. و أي أحد من عيال بلدي الغالي قطر خاطره في السيارة انا جاهز إني أتنازل عن الحجز له بدون مقابل.

تحياتي،
محمد (الديان سابقاً)

[شاقح]

بيض الله وجهك ورحم الله والديك

[بومشاري؟]

مشكور اخوي محمد وكثر الله من امثالك انا كنت قبل شوي في شركة عبد الغني اللي في الصناعية وشفت بعيني (محد قال لي) شلون المخزن متروووووس سيارات واكثرها لكزس570 وواللوان مختلفة ولما سالتهم قالوا بعد المخزن اللي في الوكرة متروووس بس ادارة الشركة معطتهم تعليمات ان السيارات محجوزة وهالكلام غير صحيح.
والحقيقة ان ادارة الشركة تتبع اسلوب غريب ماله الا تفسير من اثنين اما انهم يتبعون سياسه عدم اغراق السوق وانا اعتبرها سياسه فاشلة والسبب ان العميل راح يشوف الانسب له فاذا ماحصل عند عبدالغني راح لعبداللطيف جميل اوغيره وهذا اللي صار والتفسير الثاني ان عبد الغني يصرف لاسواق ثانيه .

[alda3e]

رحم الله والديك



..... جزاك الله خير ....

[الفهد1]

الله يكثر من امثالك ويبعد عنك مال الحرام

[عبدالرحمن]

جزاك الله خير وانا بعد كللموني من فتره وكلمت واحد من الربع له خاطر فيها وقلت له خذها وعطوه ايه ب352 الف يعني زادو سعرها تقريبا 12 الف عن موديلات 2008 الزياده الي مالها تبرير ولا سنع مايحتاي اخذها

[محمد عبدالرحمن]

بيض الله وجهك ورحم الله والديك

و بيض الله وجهك، تسلم.

تحياتي،
محمد (الديان سابقاً)

[محمد عبدالرحمن]

مشكور اخوي محمد وكثر الله من امثالك انا كنت قبل شوي في شركة عبد الغني اللي في الصناعية وشفت بعيني (محد قال لي) شلون المخزن متروووووس سيارات واكثرها لكزس570 وواللوان مختلفة ولما سالتهم قالوا بعد المخزن اللي في الوكرة متروووس بس ادارة الشركة معطتهم تعليمات ان السيارات محجوزة وهالكلام غير صحيح.
والحقيقة ان ادارة الشركة تتبع اسلوب غريب ماله الا تفسير من اثنين اما انهم يتبعون سياسه عدم اغراق السوق وانا اعتبرها سياسه فاشلة والسبب ان العميل راح يشوف الانسب له فاذا ماحصل عند عبدالغني راح لعبداللطيف جميل اوغيره وهذا اللي صار والتفسير الثاني ان عبد الغني يصرف لاسواق ثانيه .

تسلم يا بومشاري،

في اعتقادي ان شركات السيارات في الخليج لين الحين متمسكين باسعارهم لأنهم شرو السيارات على تكلفة سابقة للبترول اللي كان فوق ال٧٠ دولار و غيره من المواد الخام. لكن، لازم يعرفون ان ردة فعل المستهلك العربي مب مجرد عند مع الوكلاء، بل هي وعي.

فمن الطبيعي لما يكون النفط و غيره من المواد الخام رخصوا لأكثر من ٥٠٪، إن تكاليف انتاج السيارات (يسمونه خط سير) بيكون أرخص في ٢٠٠٩، ناهيكم عن قيام الشركات بقليص العمالة لتقليل التكاليف و بعد غياب اللاعب الأساسي اللي هو المصارف و البنوك من تمويل الأفراد لشراء السيارات، النتيجة، اتشار حالة الترقب بين كافة المستهلكين حول العالم و احنا جزء من العالم.

تحياتي،
محمد (الديان سابقاً)

[محمد عبدالرحمن]

الله يكثر من امثالك ويبعد عنك مال الحرام

تسلم، و آمين لك و للقراء و لي.

تحياتي،
محمد (الديان سابقاً)

[محمد عبدالرحمن]

جزاك الله خير وانا بعد كللموني من فتره وكلمت واحد من الربع له خاطر فيها وقلت له خذها وعطوه ايه ب352 الف يعني زادو سعرها تقريبا 12 الف عن موديلات 2008 الزياده الي مالها تبرير ولا سنع مايحتاي اخذها

و يجزيك الفردوس الأعلى و القراء و يجمعنا فيها بإذنه تعالى.

انا حجزت السيارة في فبراير ٢٠٠٨، لكني شريت سيارتين اضافة لسيارة عندي من ٣ سنوات، و الحين التزمت بسيارة رابعة بتوصل باذن الله في سبتمبر ٢٠٠٩، و كلامك صح تويوتا أو لكزس ما تندفع فيهم هالأسعار.

تحياتي،
محمد (الديان سابقاً)

[بسعود]

انا نفس الشئ امس متصلين فيني
سيارتك وصلت
مالت عليهم الحين مانبيها خلهم يبيعونها على المعارض