ليش هالجشع؟؟؟

[&شهد&]

السلام عليكم ورحمة الله وبركاته
حبيت أتناقش في موضوع وأشوف رايكم فيه
من خلال تعاملي واطلاعي على عمليات البيع والشراء في المنتديات لاحظت انه (القطريين والقطريات) ***وماأعم طبعا** والبنات على وجه الخصوص ....اذا ادخلوا في هالمجال تملكهم الجشع بشكل غير طبيعي ...
يعني تشوف أسعار خيالية لأشياء والله ماتسوى وفي استغفال مو طبيعي للمشتري ....يعني الشي اللي ينباع بعشرة يسووونه بميه!!!! وليش ماأدري؟؟؟...يعني لا أجار محل ولا رواتب بائعين ولا شي!!!!!!!!!!
ولأنها أو لأنه من هل قطر لازم ماتفاصله!! ولاتقوله ليش!! كأنك شاتمه اذا سويتها!!
والمشكله أغلبهم في خير ونعمه فليش الجشع...وحتى كان محتاج هالشي مايبرر المقصة ع الناس...
سامحوني بس لأني انخدعت وصادوني كذا مرة فتعقدت ((((شريت شي ب 400 ولقيته في السوق ب 100 )))) !!!!!!!!!!
ومرة وحدة كانت عارضة شنطة للبيع ,,,آنا عندي اختها وخذتها أول ماانزلت ب 2800 ...فهي عارضتها وتقول انها ماخذتها ب4500وتبيهاا ب 4000!!!!!!!!!!!!!!!!!!!!!!!!!!
تقصين على من؟؟؟؟؟ استغفااااااااااال لآخر درجه!!


معاي ...ولا؟؟!!!!!!!!

وأرد وأقول البعععععععععععععععععععععععععععععععض
ولا فيهم الأجاويد بكل معنى الكلمه:victory:

[بدور]

صادقه أختي

اسعار خياليه انا اشوف شنط تقليد تنباع بسعر اعلى من 1000 و2000

وربي شفتهم بلندن بسوق السبت وسوق الاحد وشبربوش ما تتعدى 15 باوند

بس الوحده وش تقول .. كل من ياخذ رزقه بالطريقه اللي تعجبه

[&شهد&]

هلا والله بدور
للأسف مافي رقابه عليهم
عشان جذي مب لاقين حد يردهم
ومعلقين شعار (((التجارة شطارة)))

[فهد111]

والله صادقه والشباب بعد بعضهم فيه خير وبعضهم يضرب ضربته يطلب دبل السعر والمشكله انه ينباع في الدوحه في محلات بنص السعر الي عارضه واكثر من واحد في المنتدى الله يستر عليهم يليت يتركون عنهم الجشع ترى الربح المعقول فيه بركه
ويعطيج الف عافيه على الموضوع الحساااس وجبتيها صراحه على الوتر

[م. عبدالعزيز]

اختي صادقه وانا استغرب من بعض الناس.. يتفاخرون بين بعض لو شروا شي غالي!! وبعدين يتشكون ماعندنا والحياه غاليه..!!

[شهد]

صدقتي يااختي

قلبي محروق من هذا الموضوع :anger1:
انا انقص علي مرتين :eek5:وانقهرت والله
مااقول غير الله يسامحهم ويهديهم

ويرجعون حساباتهم

[&شهد&]

فهد 111.......طلعت مب بروحي المحتررررررررررة ...هههههه.....تسلم ع المرور اخوي

م. عبدالعزيز........والله كلامك صح...على طاري سالفة المفاشر...مرة شريت فستان في التنزيلات بنص السعر وكانت رفيجتي شاريته قبلي باسبوع من غير تنزيلات وبعدين سمعت انها ماخلت حد ماقالت له انه ترى انا شاريته قبل التنزيلات مو مثل فلانه بنص السعر!!!!!!!! قمة التفااااااااااااااااهه...من الربحان في الاخير؟؟

[&شهد&]

المشكله ياشهد تنحرق قلوبنا ...ولاانتوب...هههههههه

[مافيا قطر]

م.عبدالعزير صدقت فى كلامك يشترى الشى غالى وهو مايسوى عليه هاى السعر واخرتها يشتكون الحياه غاليه
طيب الحياه غاليه وليش ما تمشى على قد حالك لازم المظاهر الخداعه اللى خلاس افهمتها
مشكله اللى يحبون المفوشر وهم مخابهم فاضى حتى بيتهم مايحط فيه شى خلوها على الله

[همر]

لفت نظري اعلان في سوق المنتدى مع اني ما ادخل الا سوق السيارات

كان اشوف شغله تبيعها وحده بـ200 ريال ... مصنوعه من بلاستك...

والمشكله اللي يفكر يقدر يسوي نفس الشغله هذي من "كراتين" وببلاش

بس حسيت ان اللي يعرض واللي يشتري اشخاص متفقين مع بعض

وكله ضحك على الذقون...

المشكله اني دخلت على موقع هالغرض ولقيته بـ20 دولار :eek5:

يعني 70 ريال !!!!!!

ومع الشحن ماراح يتعدى الـ100 !!!!

[&شهد&]

صادق ياهمر والله

[barod]

وانا لاحظت ها الشي من البعض الله يهديهم .. وشكرا على الموضوع

[رفيعة الشآن]

قـــــــــــــــــــــــــــــــهـــــــــــــــــ ـــــــــر

جبتيها على الجرح اختي شهد وسبقتيني في طرحج لهاالمشكله واللي صارت هم على قلوبنا

صراحه الواحد ينقهر ويحترق قلبه لما يشوف هالتصرف يبدر من اهل البلد من الجنسين ،، الصراحه انا اذا دخلت السوق وطلعت كنت انقهر من الهنود وهالاجانب اللي شغالين نصب واحتيال علينا ومافي مجال تكاسرهم كل واحد نفسه في خشمه والله نكره اليوم اللي نتعامل فيه معاهم ونقول ماينشره عليه (((( هندي ولا اجنبي )))) من وين بيكون فيهم خير ،،، لكن ننصعق لما نطلع من السوق ونشوف اعيال بلادنا اخس من هالهنود والنصابين :secret: ولا لما تحاجج وتكاسر يقولك لا والله هاي اقل من سعر السوق ويستغفلون الواحد ،، يعني لا وراكم اجارات ولا كهربا ولا ماي ولا شي غير التزاماتكم الخاصه ورافعين جذي الاسعار يعني لو تدفعون اجار محل اشلون بتكون اسعاركم ؟؟؟ وغير هاي الموضه الجديده اللي نازله على البشريه عندنا الطلب من النت والبيع بأسعار مبالغ فيها وحالتهم حاله :eek5: يعني التبرير ان الشحن غالي وخرابيط مالها داعي ،،، الواحد بيلاقيها من اجارات ولا بضاعه ولا مواد استهلاكيه ولا مواد بناء ولا اثاث ولا مصاريف المدارس ولا كماليات الحياه :weeping::weeping:

الله يهديكم ويصلح حالكم واقولكم خافوا الله وتذكروا انه في يوم راح تتحاسبون فيه ووقتها ماراح تنفعكم اسعاركم ولا راح ينفعكم الطمع والجشع اللي في قلوبكم ..

الله يرحمنا برحمته ويحسن خاتمتنا .. اللهم آمين ..

اختي شهد جزاج الله خير وماقصرتي والله يعوضج خير ان شاء الله

تقبلي تحياتي وتقديري لج

من الحره اللي فيني اليوم نسيت اذكر نقطه في حق الناس الخييرييين والأجودين ،، قصدي التجار والتاجرات اللي اسعارهم معقوله ومافي قلوبهم هالجشع ،، لاني الصراحه لقيت في هالمنتدى مثل هالناس والله يكثر من امثالهم ويجزاهم كل خير ،،، ويازين التعامل معاهم ،، وشايفين خير وخايفين الله في تجارتهم :victory: ... الله يبارك لهم ان شاء الله ويرزقهم من غير حساب .. اللهم آمين

[مطر الحب]

صح كلامج اخت شهد

واسعااار مبالغ فيها وااايد


اللحين البعض بيقووول انج تبين تقطعيين ارزاقنا

محد رااح يقطع رزق حد

الارزاق بأيد الله سبحانه وتعالى

بس فعلا اسعاااار جدا مبالغ فيها

وبعد فييه اشخااص ما شاء الله .. اسعارهم معقوله وفي متناول الجميع من دون جشع او استغلال لحد

يعطيج العافيه اختي

[ANONYMOUS]

بل لو تقرى الموضوع اللي في بالي.. بتاكلكم أكال هههههههههههه

[&شهد&]

رفيعة الشان....ألف شكر على مرورج....الله يهديهم بس المشكلة انه في ناس تدفع وهذا الي يشجعهم...

مطر الحب.....حياج الله .....والرزق الي فيه نصب الله بيقطعه مو البشر....

[!قطريـة بنت القمـر!]

ملاحظه هالشـي من بداية دخولي للمنتـدى .... بعضهم ان تكلم الواحد وقـال يقولون له حرام لا تقطع رزقه فنسكت !! لكن مو حرام يقص على العباد الغافلين ودامنا ندري ليش مانقول !! لا حول ولا قوة الا بالله العلي العظيم .... لكن اتمنـى من هؤلاء يفكرون بشغلة وحده هل بتكون الاموال اللي بتربحونها مصدرها حلال وهي من جيوب بعض الغافلين البعض منهم ان درى دعى وقال حسبي الله ونعم الوكيل في اللي قص عليه !! دام قلوبهم قوية واتحمل الدعاوي الله يهنيهم بهالفلوس !! واكيد بالجهة المقابلة في نـاس والله والنعم فيهم الله يزيد لهم ويبارك امين .....

[بو راشد 1]

التاجر اللي يفكر بطريقة short term و الربح السريع رح يخسر زبائنه على المدى الطويل،
و للاسف معظم التجار الجداد ما يفكرون بطريقة ال Long Term :(

[بومحمد911]

البعض يبي يكسب بسرعه

علشان ما ينشكف امره

[فارس الكلمة]

هذا الموضوع .. المفروض ينشر في قسم سوق المنتدى .. و ليس في المنتدى العام..

و ذلك لتعميم الفائدة ..

[ورقــة أمــل]

اذا تكلمنا قالو خافوا الله هذي ارزاق ناس وحرام عليكم ومحد طقكم على يدكم تشتروون ومادري ايش
وان ما تكلمنا انهبوونا عيني عينك
والله شكثر اشياء الاقيها هني باضعاف اضعاف اسعارها وهي ما تسوى حتى عشر رياال
وبعض الكريمات والاعشاب اللي ياما ناس يغتروون بطريقة البائعين في عرضها وبعد ما يشتروونها يتحسفون قد شعر راسههم
ترى جسم الانسان مهب لعبة لا تخلون الجشع والطمع يضر غيركم
بكرة الدوور بيي عليكم وعلى عيالكم
شفايده المال وانتو تكسبون من وراها اثم وحوبات الناس ماترووح على الفاضي
وابي اتكلم عن الشنط والساعات التقليد
ترى اشكرره بوق ونهبه بس تحت مسمى بيع ورزق من الله
شنطة تقليد من 700 وطالع على وشو فيه شنط تقليد بنفس الجوودة باقل من هالاسعارر بوايد بررع المنتدى وانا شاريه منهم
والساعات الله يهداهم بعض البياعين ساعات تقليد بلشتيه بالف شدعووه وتقليد اي كلااام
ولا الزركون اللي ذبحونا فيه الايام السعر وين والبضاعة وين مافي مقاررنة
غير السندويجاات والكيك اشترري من اي محل راقي احسن لي وكله عشان مسويته بالبيت وتعبت عليه واكل نظيف
واخر شي الحين بيقولون محد قالج اشتري من عندنا ومحد ضربكم على ايديكم

سوري طولت عليكم تحسوون اني منبطة جبدي :shy:

[&شهد&]

تدرون ...
أحسن شي انه ادارة كل منتدى تحط مشرف ع الاسعار ...ومراقب لها...واللي يكون سعره اوفر ينطرد
( وسوري على هالكلمه) من المنتدى..وبجذي كل من بيخاف على رزقه على قولتهم..
طبعاً هذا اللي نتمنى يصير على مستوى الدوله كلها بس شنسوي انطبقها (لوكال) على الاقل

[alwahesh]

العيب مب في الي يعرض سلعه في المنتدى وبسعر خيالي

ولكن العتب واللوم على الي يشتري بصراحه

والقانون لا يحمي ال...........؟؟

يمكن الشخص الي يبيع اصلا هو ضحيه من ضحايا المافيا ....(( الفتيات ))

[!قطريـة بنت القمـر!]

اذا تكلمنا قالو خافوا الله هذي ارزاق ناس وحرام عليكم ومحد طقكم على يدكم تشتروون ومادري ايش
وان ما تكلمنا انهبوونا عيني عينك
والله شكثر اشياء الاقيها هني باضعاف اضعاف اسعارها وهي ما تسوى حتى عشر رياال
وبعض الكريمات والاعشاب اللي ياما ناس يغتروون بطريقة البائعين في عرضها وبعد ما يشتروونها يتحسفون قد شعر راسههم
ترى جسم الانسان مهب لعبة لا تخلون الجشع والطمع يضر غيركم
بكرة الدوور بيي عليكم وعلى عيالكم
شفايده المال وانتو تكسبون من وراها اثم وحوبات الناس ماترووح على الفاضي
وابي اتكلم عن الشنط والساعات التقليد
ترى اشكرره بوق ونهبه بس تحت مسمى بيع ورزق من الله
شنطة تقليد من 700 وطالع على وشو فيه شنط تقليد بنفس الجوودة باقل من هالاسعارر بوايد بررع المنتدى وانا شاريه منهم
والساعات الله يهداهم بعض البياعين ساعات تقليد بلشتيه بالف شدعووه وتقليد اي كلااام
ولا الزركون اللي ذبحونا فيه الايام السعر وين والبضاعة وين مافي مقاررنة
غير السندويجاات والكيك اشترري من اي محل راقي احسن لي وكله عشان مسويته بالبيت وتعبت عليه واكل نظيف
واخر شي الحين بيقولون محد قالج اشتري من عندنا ومحد ضربكم على ايديكم

سوري طولت عليكم تحسوون اني منبطة جبدي :shy:


من قلب منبطة جبـدج :eek5: .... بخصوص الاكل جبتي نقطة مهمة والله .... يقولون الاسعار عالية عشان الاكل نظيف انزين ومن يضمن نظافة الاكل سواء من بيوتهم ولا من المطاعم!! على الاقل المطاعم عليها رقابة بس اللي يسون بالبيت مافي الا رقابة ذاتية وكل وحده وذمتها وبعض الذمم يمكن وسيعه :secret: ....