المساعد الشخصي الرقمي

مشاهدة النسخة كاملة : معرض صنع في قطر


اهل قطر
12-01-2009, 10:24 PM
من راحه
ووشو فيه

ومتى مواعيده

وجزاكم الله خير
سارة وبس
12-01-2009, 10:27 PM
اي والله ودنا نعرف يستاهل نطق له طريق ولا لا؟
h.alkubaisi
12-01-2009, 10:49 PM
اي والله انا بعد أبي اعرف :)
فويرط
12-01-2009, 10:54 PM
بخصوص مواعيد المعرض ماعندي خلفيه عنها
لكن رحت المعرض اليوم العصر
وشفت المعروض من جميع الاشياء اللي تم تصنيعها في قطر
مثل
( الحديد ، والخشب ، والابواب ، والربيان والشبس ،
ومنتجات شموس مال الاجبان ) وغيرها
وفيه بعض الاسر المنتجة

من وجهة نظري أن المعرض بيفيد الاشخاص اللي عندهم بنيان وقاعد يشطب الحين
لان وايد اشياء للتشطيب عندهم مثل الحجر والسيراميك والابوابك واشياء واااااايد


والله الموفق
قطريه ماركه
12-01-2009, 10:57 PM
رحت له اليوم ..

حلو ..

نفس ملاحظات الأخ فويرط ..
alda3e
12-01-2009, 11:01 PM
اليوم توني ابي ادش صكرو
الساعة 9
لوردغاليري
12-01-2009, 11:33 PM
مثل ماقال اخوي فويرط


احس مايستاهل العنوة


رحتله بس فادني في شي الي هو تشطيب الفيلا اشياء حلوة
بنت المنتدى
12-01-2009, 11:52 PM
منها للاحسن ان شاءالله ................
ورقــة أمــل
13-01-2009, 12:01 AM
نايس

عند بيتنا

يبيله اشقح عليهم بكرة ولا اللي بعده
اهل قطر
13-01-2009, 05:18 AM
عاد تصدقون انا احب اروح معارض مثل هذي على الاقل نشوف وشوف صج صنعناه لو قليل
الله يجزاكم خير شكلي بامر الضحى
كرستال
13-01-2009, 09:12 AM
السلام عليكم


انا رحت المعرض عصر اول يوم فتح فيه يوم 11/1
ولي وجه نظر غيــــر


في جانب كبير من الاشياء الي قالوا الاخوان والاخوات عنها
انها لاصحاب المقاولات والبنيان نظرا لضخامة مشاريعهم اصلا

ولكن الملفت في المعرض
وجود العديد من الشركات القطرية الغير ظاهره لنا وذات صناعه محلية لا يستهان بها


وعندكم بعد مشاركة وزارة الشؤون الاجتماعيه .. مشاركه غير طبيعية
مفعلين المعرض من جميع الجوانب
فيه شغلات من الي تبناع بالمنتدى لقيتها في المعرض
بالذات مالت الملابس والعطور والبخور وحتى الاخت الي عارضه مره جبن خاص للفطور حق المدرسات

وفيه بعد مركز الفنه الي تابع لدار الانماء الاجتماعي
بعد مسوين شغل طيب ونشاط ما شاء الله

هذا المقصود من المعرض وظهوره
مو بس الشركات الكبيره الي تهتم في المقاولات وما شابهها


انا اتحدى انه تدش المعرض وتقول انه تعرف كل الشركات
وانك تعرف وش تصنع وايش ينصنع داخل قطر

ياخي فخرللدولة انها ترعى هالمعرض وتقول هذا شغل بلادي



وفي ما يخص شغلي ... اول مره اعرف ان فنانه قطرية هي الي تصمم الهدايا والجوائز الي نقدمها للفائزين عندنا بالبطولات الدولية
وانها هي صاحبه الامتياز فيه
وانها تقدر تصمم لنا وتبلوز لنا جوائز من وحي قطر وتراثها ومن وحي مكان عملي
هذا بروحه يزيد من اهمية المعرض لي ولكل المهتمين


ارجو انكم تروحون المعرض .. فيه كم واحد من اعضاء المنتدى يعرض هناك
على الاقل تشجيع لهم والي شاف مو مثل الي سمع

تحياتي