سؤال موجه من ولدي الى المجلس الأعلى للتعليم ! [الأرشيف]

sulai6i

13-01-2009, 01:31 PM

السلام عليكم ..

http://oneyearbibleimages.com/mouth_tape.jpg

توني راجع البيت وجايب العيال من المدارس

في السيارة سألت الولد شعطوك اليوم وشسويت في المدرسة ؟

ودار الحوار التالي بيني وبين ولدي

ولدي : يبه اليوم سوو لنا طابور في آخر حصة غير طابور الصبح !

انا : طابور آخر الدوام .. انزين ليش شالمناسبة ؟

ولدي : عشان ندعي حق المسلمين في غزة

انا : بارك الله فيك يا ولدي , ودعيت لهم ؟

ولدي : ما عرفت لأنهم لخبطوني !:rolleyes2:

انا : من اللي لخبطك ؟

ولدي : في المدرسة

انا : شسالفة ؟ قول لي شاللي صار ؟

ولدي : يبه اهما قالوا لنا ندعي ونسكت ونقرا الفاتحة , وانا ما عرفت اسكت ولا اتكلم

انا : تسكتون ! ليش ؟

ولدي : مادري يبه بس اهما قالوا (( دقيقة صمت )) الساعه 12:18

انا : على طول تذكرت موضوع امس اللي تكلم عن دقيقة الصمت في الجامعة .. وتميت ساكت وسرحان ولا رديت على ولدي يعني بالعربي اصبحت صامت !!!

ولدي : يبه ... شنو يعني دقيقة صمت ؟ وليش نصمت ؟

انا : بصراحة توهقت ما عرفت شاقول له .. هل اقول له في المدرسة يعلمونك الغلط ؟؟؟؟؟
ولا اكذب عليه واعطيه معنى آخر ؟؟؟

قلت له يا ولدي .. بشرح لك اياها بعدين !

والحين اوجه صوت ولدي وسؤاله للمجلس الأعلى للتعليم

الولد في صف ثاني ابتدائي .. يعني المدرسة ابتدائية !!
خاطري اعرف .. ايش الهدف من صمت هالأولاد الصغار ؟؟
مب المفروض الواحد اذا بيسوي الشي لازم يعرف شاللي يسويه ؟ طيب وهالأطفال ليش تجبرونهم على شي ما يعرفونه ؟؟ ما فكرتوا اذا واحد سأل ايش بيكون جوابكم له ؟؟

ياريت بس الكلام يوصل (( للعبقري )) صاحب فكرة :
12:18

مناحي السادس عشر

13-01-2009, 01:36 PM

اعتقد انه اجتهاد من مدير او مديرة المدرسه ((اجتهاد شخصي)) لو انا مكانك بروح لهم بكرا واسئلهم واقنعهم بوجهة نظرك واثبت لهم خطأهم

بلاهويـــــة

13-01-2009, 01:37 PM

لا حول ولا قوة الا بالله العلي العظيم

شالمفهوم من هالدقيقة اللي نصمت فيها تقليد للغرب او ماذا ؟ يا مدرسة اللي تعلمين أجيال

من بدال يقولون لهم كل واحد يدعي للمسلمين في غزة وللاطفال اللي في غزة وان الله بيستجاب لكم ان شاء الله أحسن من دقيقة صمت اللي مدري وش راح يستفيدون منها

وطن

13-01-2009, 01:39 PM

طيب هالدقيقة اللي سووها فادت أهل غزه !!!

مشكلة الصراحة

انزين سؤال
اشمعنى 12:18 دقيقة بالضبط !!!

لين مو و 20 دقيقة او و 30 دقيقة !!!

sulai6i

13-01-2009, 01:45 PM

اعتقد انه اجتهاد من مدير او مديرة المدرسه ((اجتهاد شخصي)) لو انا مكانك بروح لهم بكرا واسئلهم واقنعهم بوجهة نظرك واثبت لهم خطأهم

لو اني عندي أمل ان كلامي بيلقى اذن تسمعه كان سمعت شورك ورحت
وجهة النظر ان شاء الله نتشارك فيها ويا الأعضاء .. وصوتنا ان شاء الله بيوصل لهم
شكرا لك اخوي

sulai6i

13-01-2009, 01:46 PM

لا حول ولا قوة الا بالله العلي العظيم

شالمفهوم من هالدقيقة اللي نصمت فيها تقليد للغرب او ماذا ؟ يا مدرسة اللي تعلمين أجيال

من بدال يقولون لهم كل واحد يدعي للمسلمين في غزة وللاطفال اللي في غزة وان الله بيستجاب لكم ان شاء الله أحسن من دقيقة صمت اللي مدري وش راح يستفيدون منها

للأمانة .. اهما طلبوا من الطلاب الدعاء .. لكن لخبطوهم
قالوا لهم اصمتو واقرو الفاتحة وادعوا

joOoreee

13-01-2009, 01:47 PM

الجواب كما هو المعتاد
?
?
?
نو كمنت
!
!
!
الله يهديك أخوي صحح المعلومة حق ولدك
وقوله عذر عن المدرسه مثل ( غلطة مطبعية )
ليش في شيىء عدل في المدارس المستقلة المخفي اعظم

sulai6i

13-01-2009, 01:47 PM

طيب هالدقيقة اللي سووها فادت أهل غزه !!!

مشكلة الصراحة

انزين سؤال
اشمعنى 12:18 دقيقة بالضبط !!!

لين مو و 20 دقيقة او و 30 دقيقة !!!

هلا اختي وطن

والله نفس سؤال ولدي

والجواب اظن انه لأن صاحب الفكرة (( عبقري ))

sulai6i

13-01-2009, 01:49 PM

الجواب كما هو المعتاد
?
?
?
نو كمنت
!
!
!
الله يهديك أخوي صحح المعلومة حق ولدك
وقوله عذر عن المدرسه مثل ( غلطة مطبعية )
ليش في شيىء عدل في المدارس المستقلة المخفي اعظم

وليش اكذب عليه واقول له غلطة ؟؟

يعني المجلس الأعلى للتعليم يغلط ( هذا اذا اعتبروه غلط ) .. عشان احنا نكذب على عيالنا !!

انا قلت له هذي بدعة .. وما عرف شنهي البدعة وان شاء الله بشرح له

الجزيرة

13-01-2009, 01:56 PM

............... جزاة الله خير المدير .... يبي ايعلم الطلاب الصمت .. في وقت اصبح الصمت عندن بعض العرب ثقافة ونبطاح

... قولة الحقيقة انهم غلط وعرفن الصح بأن في دقيقة الصمت تقرا الفاتحة.... وعلمة ان ينتقد الشي ويسأل اذا مب فاهم ومب مقتنع من الشي

.. الله يحفظة ويخلية لك

الجا

13-01-2009, 01:56 PM

تقليد للغرب
let us have a moment of silence
دايمن إيقولون كذا إذا واحد يلعب الكورة وماتالله لايقول يلبسون أسود العيبة وكون هناك لحظة صمت. مابقى إلاعيالنا يلبسون أسود في أسود عشان لحظة الصمت العبقرية

على العهد

13-01-2009, 02:13 PM

لاحول

والله مايندرا شسالفة هالدقيقه

الله يعيينك اخوي

بن علان

13-01-2009, 02:53 PM

اللي اعرفه التبرعات توصل والدعاء يوصل بس وشو انت يا الصمت :confused:

sulai6i

13-01-2009, 04:05 PM

............... جزاة الله خير المدير .... يبي ايعلم الطلاب الصمت .. في وقت اصبح الصمت عندن بعض العرب ثقافة ونبطاح

... قولة الحقيقة انهم غلط وعرفن الصح بأن في دقيقة الصمت تقرا الفاتحة.... وعلمة ان ينتقد الشي ويسأل اذا مب فاهم ومب مقتنع من الشي

.. الله يحفظة ويخلية لك

شاكر لك اخوي

انا ولدي علمته الصح
لكن باقي الطلاب في المدرسة !!!

sulai6i

13-01-2009, 04:06 PM

تقليد للغرب
let us have a moment of silence
دايمن إيقولون كذا إذا واحد يلعب الكورة وماتالله لايقول يلبسون أسود العيبة وكون هناك لحظة صمت. مابقى إلاعيالنا يلبسون أسود في أسود عشان لحظة الصمت العبقرية

والله مب بعيده عليهم انهم يلبسون عيالنا اسود في اسود
حسبي الله ونعم الوكيل

sulai6i

13-01-2009, 05:48 PM

لاحول

والله مايندرا شسالفة هالدقيقه

الله يعيينك اخوي

اي والله ما يندرى

على الأقل كان وزعوا اوراق على الطلبة فيها تعريف لدقيقة الصمت !

um abdulla

13-01-2009, 05:56 PM

اي والله ما يندرى

على الأقل كان وزعوا اوراق على الطلبة فيها تعريف لدقيقة الصمت !

المشكلة ان التعريف محتاج تعريفا !!
المصيبة ان الاطفال يتعلمون - رغما عنا - لانهم يدركون بفطنتهم وقوة ملاحظتهم ان المدرسة تسوي شي غلط !!
ترى كيف سيثقون في عالم المدرسة بعدئذ ؟
لا اقول ان هذا المشهد الصغير يخرب الثقة بل عشرات المواقف اليومية تزعزع ثقة الصغار في عالم الكبار

ضوى

13-01-2009, 05:59 PM

تدري يا خوي السليطي

انا اعطيهم كاش واقولهم خرابيط ولا لها سنع خرابيط وخلكم منهم

شاي كرك

13-01-2009, 06:14 PM

اخوي السليطي .. تدري وين الطامة الكبرى في كلامك ..

.....

ولدي : يبه اليوم سوو لنا طابور في آخر حصة غير طابور الصبح !

الواو دلت على عمل جماعي ومهيأ له مسبقاً .. يعني لو كان العمل المذكور كان تصرف "فرد" من هيئة التدريس بالمدرسة كان الأمر هين ويمكن محاسبته ولكن الأمر كا يظهر لنا انه تم الترتيب له مسبقاً ..!!!!

السؤال .. هل هناك مدارس قامت بنفس التصرف ؟؟؟

عطونا حل ومكان آمن .. وين نودي عيالنا ؟؟؟؟؟؟
........

ورقــة أمــل

13-01-2009, 06:17 PM

الله يرحم ايام المدارس الحكومية
كانت وزارة التربية والتعليم
اما الان صارالتعليم بدون تربية وتعليم فاشل بعد
اما دقيقة الصمت هذي فماعرفنا لها
منكر يديد ذي بعد

sulai6i

13-01-2009, 06:19 PM

اللي اعرفه التبرعات توصل والدعاء يوصل بس وشو انت يا الصمت :confused:

اما عن التبرعات .. ما يندرى توصل ولا لا .. يمكن توصل للسلطة الفلسطينية بس لكن ما اعتقد انها تروح غزة

واما الدعاء .. ندعوا الله انه يستجيب لنا

والصمت .. خلني صامت احسن :secret:

sulai6i

13-01-2009, 06:21 PM

المشكلة ان التعريف محتاج تعريفا !!
المصيبة ان الاطفال يتعلمون - رغما عنا - لانهم يدركون بفطنتهم وقوة ملاحظتهم ان المدرسة تسوي شي غلط !!
ترى كيف سيثقون في عالم المدرسة بعدئذ ؟
لا اقول ان هذا المشهد الصغير يخرب الثقة بل عشرات المواقف اليومية تزعزع ثقة الصغار في عالم الكبار

الموضوع بكبره بدعة .. وهالشي معروف من زمان
ما يبيله تفكير ..
الله يعين الصغار وشكرا لج اختي ام عبدالله

ضوى

13-01-2009, 06:22 PM

اخوي السليطي .. تدري وين الطامة الكبرى في كلامك ..

الواو دلت على عمل جماعي ومهيأ له مسبقاً .. يعني لو كان العمل المذكور كان تصرف "فرد" من هيئة التدريس بالمدرسة كان الأمر هين ويمكن محاسبته ولكن الأمر كا يظهر لنا انه تم الترتيب له مسبقاً ..!!!!

السؤال .. هل هناك مدارس قامت بنفس التصرف ؟؟؟

عطونا حل ومكان آمن .. وين نودي عيالنا ؟؟؟؟؟؟
........

والله وبالله لو انها رداة علي

لا ادرسهم بالبيت من منازلهم واوديهم محفظ قران من الصبح لين الظهر واتفرغ لهم طول يومي ، بس من بيدخلهم جامعة عقب؟؟:(

sulai6i

13-01-2009, 06:24 PM

تدري يا خوي السليطي

انا اعطيهم كاش واقولهم خرابيط ولا لها سنع خرابيط وخلكم منهم

طيب اختي ضوى في ظنج ان هالطريقة مناسبة ؟!
احنا ما نبي عيالنا توصل لهم رسائل سلبية عن المدرسة والمدرسات .. وان التعليم فيه اشياء غلط .. الأطفال خصوصا في هالمرحلة يحتاجون للثقة .. اذا انعدمت الثقة .. ما اقول غير على التعليم السلام

sulai6i

13-01-2009, 06:25 PM

اخوي السليطي .. تدري وين الطامة الكبرى في كلامك ..

الواو دلت على عمل جماعي ومهيأ له مسبقاً .. يعني لو كان العمل المذكور كان تصرف "فرد" من هيئة التدريس بالمدرسة كان الأمر هين ويمكن محاسبته ولكن الأمر كا يظهر لنا انه تم الترتيب له مسبقاً ..!!!!

السؤال .. هل هناك مدارس قامت بنفس التصرف ؟؟؟

عطونا حل ومكان آمن .. وين نودي عيالنا ؟؟؟؟؟؟
........

صدقت اخوي .. والموضوع اعتقد انه تم تعميمه على كل المدارس
لأني امس قريت موضوع انه تم تعميم دقيقة الصمت في الوقت 12:18 على جامعة قطر

ضوى

13-01-2009, 06:26 PM

طيب اختي ضوى في ظنج ان هالطريقة مناسبة ؟!
احنا ما نبي عيالنا توصل لهم رسائل سلبية عن المدرسة والمدرسات .. وان التعليم فيه اشياء غلط .. الأطفال خصوصا في هالمرحلة يحتاجون للثقة .. اذا انعدمت الثقة .. ما اقول غير على التعليم السلام

عيل اخوي السليطي شاقولهم ؟؟ وشاشرح لهم ؟؟ عيالي كبار نوعا ما يعني لما اقول خرابيط يدرون انه كلامي مبني على واقع مارح تقل ثقتهم بالمدرسة والمدرسين بس راح يعرفون انه المدرسة لها توجهات خطا في امور معينة وهذا ما يقلل من قيمتها واحنا بحياتنا العادية لنا توجهات خاطئة بقدر معين وكل انسان كذلك بس مش معنى هذا انا احنا مش محل ثقة من الاخرين

وايد خربطت عليك بس هذا اللي طلع معاي :rolleyes2:

sulai6i

13-01-2009, 06:27 PM

الله يرحم ايام المدارس الحكومية
كانت وزارة التربية والتعليم
اما الان صارالتعليم بدون تربية وتعليم فاشل بعد
اما دقيقة الصمت هذي فماعرفنا لها
منكر يديد ذي بعد

هلا اختي
لا احنا ما نحكم على التعليم ككل انه فاشل .. لا والله بالعكس في امور ايجابية كثيرة ويشكرون عليها .. لكن نحاول قد ما نقدر نمسك الأخطاء ونوضحها
ويا هلا فيج

غير البشر

13-01-2009, 06:27 PM

السلام عليكم ..

http://oneyearbibleimages.com/mouth_tape.jpg

توني راجع البيت وجايب العيال من المدارس

في السيارة سألت الولد شعطوك اليوم وشسويت في المدرسة ؟

ودار الحوار التالي بيني وبين ولدي

ولدي : يبه اليوم سوو لنا طابور في آخر حصة غير طابور الصبح !

انا : طابور آخر الدوام .. انزين ليش شالمناسبة ؟

ولدي : عشان ندعي حق المسلمين في غزة

انا : بارك الله فيك يا ولدي , ودعيت لهم ؟

ولدي : ما عرفت لأنهم لخبطوني !:rolleyes2:

انا : من اللي لخبطك ؟

ولدي : في المدرسة

انا : شسالفة ؟ قول لي شاللي صار ؟

ولدي : يبه اهما قالوا لنا ندعي ونسكت ونقرا الفاتحة , وانا ما عرفت اسكت ولا اتكلم

انا : تسكتون ! ليش ؟

ولدي : مادري يبه بس اهما قالوا (( دقيقة صمت )) الساعه 12:18

انا : على طول تذكرت موضوع امس اللي تكلم عن دقيقة الصمت في الجامعة .. وتميت ساكت وسرحان ولا رديت على ولدي يعني بالعربي اصبحت صامت !!!

ولدي : يبه ... شنو يعني دقيقة صمت ؟ وليش نصمت ؟

انا : بصراحة توهقت ما عرفت شاقول له .. هل اقول له في المدرسة يعلمونك الغلط ؟؟؟؟؟
ولا اكذب عليه واعطيه معنى آخر ؟؟؟

قلت له يا ولدي .. بشرح لك اياها بعدين !

والحين اوجه صوت ولدي وسؤاله للمجلس الأعلى للتعليم

الولد في صف ثاني ابتدائي .. يعني المدرسة ابتدائية !!
خاطري اعرف .. ايش الهدف من صمت هالأولاد الصغار ؟؟
مب المفروض الواحد اذا بيسوي الشي لازم يعرف شاللي يسويه ؟ طيب وهالأطفال ليش تجبرونهم على شي ما يعرفونه ؟؟ ما فكرتوا اذا واحد سأل ايش بيكون جوابكم له ؟؟

ياريت بس الكلام يوصل (( للعبقري )) صاحب فكرة :
12:18

لا تستغربون من ردي

يمكن عشان العبقري صاحب الوقت

يقصد 18-12 اليوم الوطني لبلادنا

ادري بتقولون لي ماله علاقه واشدخل الموضوع في السالفه

لكن هذي الايام والله لاتستغرب شي على الاطلااق

غير البشر

13-01-2009, 06:29 PM

صدقت اخوي .. والموضوع اعتقد انه تم تعميمه على كل المدارس
لأني امس قريت موضوع انه تم تعميم دقيقة الصمت في الوقت 12:18 على جامعة قطر

والله شكل السالفه صح

اليوم الوطني عيل اها كشفنا سر العباقره :discuss:

sulai6i

13-01-2009, 06:29 PM

عيل اخوي السليطي شاقولهم ؟؟ وشاشرح لهم ؟؟ عيالي كبار نوعا ما يعني لما اقول خرابيط يدرون انه كلامي مبني على واقع مارح تقل ثقتهم بالمدرسة والمدرسين بس راح يعرفون انه المدرسة لها توجهات خطا في امور معينة وهذا ما يقلل من قيمتها واحنا بحياتنا العادية لنا توجهات خاطئة بقدر معين وكل انسان كذلك بس مش معنى هذا انا احنا مش محل ثقة من الاخرين

وايد خربطت عليك بس هذا اللي طلع معاي :rolleyes2:

طبعا اذا انتهت الخيارات نلجأ للخيار الوحيد مثل ما تفضلتي .. وهذا اللي انا سويته
لكن اللي خلاني اكتب الموضوع .. هو اني ابي اوصل رسالة للمسؤولين
يمكن ينتبهون لهذا الشي ويتجنبونه مستقبلا

وشكرا لج اختي

sulai6i

13-01-2009, 06:30 PM

لا تستغربون من ردي

يمكن عشان العبقري صاحب الوقت

يقصد 18-12 اليوم الوطني لبلادنا

ادري بتقولون لي ماله علاقه واشدخل الموضوع في السالفه

لكن هذي الايام والله لاتستغرب شي على الاطلااق

:eek5:

:eek5:

اخيرا انكشف لنا اللغز

مشكوووور

غير البشر

13-01-2009, 06:31 PM

:eek5:

:eek5:

اخيرا انكشف لنا اللغز

مشكوووور

اشراايك يمكن صح كلامي ههههههههههههههه

sulai6i

13-01-2009, 06:32 PM

اشراايك من صح كلامي ههههههههههههههه

ههههههه

لا شدعوه

يات صدفه

اهما طبعا مختارين هالوقت لأنه يصادف انتهاء وقت صلاة الظهر حسب اعتقادي

شاي كرك

13-01-2009, 06:44 PM

والله مصيبة ... الحين ترقع حق المدرسة عشان ما تهتز قيمتها ووزنها عند الطالب ؟؟ والا تصحح مفهوم عجز عنه ما يقارب 60 الى 80 مدرّس ؟؟ ياخي مرات الواحد يقع بين احتمالات تصيبه بعملية صمت " مدمّر" يعجز عن التعبير بحل للمشكلة ..

بس الخوف من ان الطرف الآخر له مبرراته اللي تقنعك وتعمل مفعول السحر لدى طالب الاستسفسار عن سبب تلك التصرفات .. مع انك صاحب الحق .. تدري ليش ؟؟ لان ااحنا اصبحنا نتلقي اكثر من ان احنا نصبح مصدر للرأي الصواب .. يمكن هذي مشكلة طفت على السطح .. بس في مشاكل ومصائب متعلقة بالمناهج الدراسية لا يعلم بها الا ذوو الاختصاص ..

بس ياترى احد بيسمعك ..؟؟

sulai6i

13-01-2009, 06:48 PM

والله مصيبة ... الحين ترقع حق المدرسة عشان ما تهتز قيمتها ووزنها عند الطالب ؟؟ والا تصحح مفهوم عجز عنه ما يقارب 60 الى 80 مدرّس ؟؟ ياخي مرات الواحد يقع بين احتمالات تصيبه بعملية صمت " مدمّر" يعجز عن التعبير بحل للمشكلة ..

بس الخوف من ان الطرف الآخر له مبرراته اللي تقنعك وتعمل مفعول السحر لدى طالب الاستسفسار عن سبب تلك التصرفات .. مع انك صاحب الحق .. تدري ليش ؟؟ لان ااحنا اصبحنا نتلقي اكثر من ان احنا نصبح مصدر للرأي الصواب .. يمكن هذي مشكلة طفت على السطح .. بس في مشاكل ومصائب متعلقة بالمناهج الدراسية لا يعلم بها الا ذوو الاختصاص ..

بس ياترى احد بيسمعك ..؟؟

الموضوع مب موضوع ترّقع او تصحيح مفاهيم .. اللي صار صار
انا اللي ابيه ان الرسالة توصل لهم عشان في المستقبل يحطون في بالهم مثل هالأشياء

شاي كرك

13-01-2009, 06:56 PM

والله وبالله لو انها رداة علي

لا ادرسهم بالبيت من منازلهم واوديهم محفظ قران من الصبح لين الظهر واتفرغ لهم طول يومي ، بس من بيدخلهم جامعة عقب؟؟:(

المفروض ما نخلي بعض الهفوات اللي قاعده تصير من بعض المدارس في ان احنا نحكم على ان المدارس ليست المكان المناسب لتلقي ابنائنا ما يجب ان يتلقوه .. بل يجب السعي وراء وضع النقاط على الحروف بعد "تصحيح اعوجاجها " وفق عاداتنا وقيمنا ...

شيزكيك

13-01-2009, 08:04 PM

الي عرفته هالشي تعمم على كل المدارس المستقله

بن علان

14-01-2009, 12:04 AM

اما عن التبرعات .. ما يندرى توصل ولا لا .. يمكن توصل للسلطة الفلسطينية بس لكن ما اعتقد انها تروح غزة

واما الدعاء .. ندعوا الله انه يستجيب لنا

والصمت .. خلني صامت احسن :secret:

اخوي بالنسبة للتبرعات إن شاء الله توصل .. أوصيك بالتعامل مع جمعية عيد بن محمد الخيرية لأنها اصدق أنباء من الكتب وافهمها انت

أما الصمت يمكن المقصود به صلاة الغائب بس بالطريقة البدعية :confused:

N7eEeS

14-01-2009, 01:14 AM

السؤال: هل تجوز قراءة الفاتحة على الموتى وهل تصل إليهم أفيدونا وفقكم الله؟
الجواب

الشيخ: الجواب قراءة الفاتحة على الموتى لا أعلم فيها نصاً من السنة وعلى هذا فلا تقرأ لأن الأصل في العبادات الحظر والمنع حتى يقوم دليل على ثبوتها وأنها من شرع الله عز وجل ودليل ذلك أن الله أنكر على من شرعوا في دين الله ما لم يإذن به الله فقال تعالى (أَمْ لَهُمْ شُرَكَاءُ شَرَعُوا لَهُمْ مِنَ الدِّينِ مَا لَمْ يَأْذَنْ بِهِ اللَّهُ) وثبت عن النبي صلى الله عليه وسلم إنه قال من عمل عملاً ليس عليه أمرنا فهو رد وإذا كان مردوداً كان باطلاً وعبثاً وينزه الله عز وجل أن يتقرب به إليه وأما استئجار قارئ يقرأ القرآن ليكون ثوابه للميت فإنه حرام ولا يصح أخذ الأجرة على قراءة القرآن ومن أخذ أجرة على قراءة القرآن فهو أثم ولا ثواب له لأن القرآن عبادة ولا يجوز أن تكون العبادة وسيلة إلى شيء من الدنيا قال الله تعالى (مَنْ كَانَ يُرِيدُ الْحَيَاةَ الدُّنْيَا وَزِينَتَهَا نُوَفِّ إِلَيْهِمْ أَعْمَالَهُمْ فِيهَا وَهُمْ فِيهَا لا يُبْخَسُونَ * أُولَئِكَ الَّذِينَ لَيْسَ لَهُمْ فِي الْآخِرَةِ إِلَّا النَّارُ وَحَبِطَ مَا صَنَعُوا فِيهَا وَبَاطِلٌ مَا كَانُوا يَعْمَلُونَ) وإذا كان هذا القاري أثماً فلا ثواب له وإذا لم يكن له ثواب فإنه لن يصل الميت من قراءته شيء لأن وصول الثواب إلى الميت فرع عن ثبوته لهذا القارئ ولا ثواب لهذا القارئ فلا يصل للميت شيء من الثواب وعلى هذا فيكون استئجار هؤلاء القراء أثماً ومعصية وإضاعة للمال وإضاعة للوقت ونصيحتي لإخواني الذين ابتلوا بهذا أن يقلعوا عنه وأن يتوبوا إلى الله تعالى منه وأن يستعيضوا عنه بما دلت عليه النصوص من الدعاء للميت فقد ثبت في الحديث الصحيح الذي رواه مسلم عن أبي هريرة رضي الله عنه أن النبي صلى الله عليه وسلم قال إذا مات الإنسان انقطع عمله إلا من ثلاثة إلا من صدقة جارية أو علم ينتفع به أو ولد صالح يدعو له فإذا أراد الإنسان أن ينفع ميته بشيء فليكثر من الدعاء له ولا سيما في أوقات الإجابة كآخر الليل وحال السجود وبين الأذان والإقامة ومن تمشى على شريعة الله ونبذ البدع في دين الله نال خيراً كثيراً.

غناتي1

14-01-2009, 07:38 AM

كل صاحب ترخيص يسوي شئ يخالف فيه غيره من اصحاب التراخيص

للمدارس الثانيه 00 عشان يا با الفيت يتميز عنهم

دلة الرسلان

14-01-2009, 07:47 AM

المفروض اي نشاط اضافي يتم أرسال رسالة الى الأهالي لوضعهم في الصورة وهذا معنى

للشراكة بين الأسرة والمدرسة وهنا يمكن للأسرة أن توصل رأيها للمدرسة فمن يرى حرج

لا يشارك ابناءه في حركة الصمت وهذا من حقه يا المجلس الأعلى .

بنت سعادة السفير

14-01-2009, 07:49 AM

:rolleyes2: <<<< لاتعليق

هتـان قطر

14-01-2009, 07:55 AM

لاتعليق...

والجاي ادهى وأمّر

:(

HotBlood

14-01-2009, 08:13 AM

للعلم هذا تعميم على جميع المدارس المستقله
بس بعض المدارس طنشت

hxamad

14-01-2009, 08:50 AM

المجلس الأعلى فاحت ريحتة مع مناهجهم الهابطة كل منا سمع وطنى الحبيب صباح الخير أمس عن موضوع من يرقص مع أمى وموضوع خلط أشياء مع الشروبات الكحولية وصور مخله فى الكتب والمجلس الأعلى نايم على اذنه
ماقصرت اخوى