قصـــة حــــب

[صمــت البــوح]

فـ كل قصة حب أحلام ومدينة ..
ليل ونخيل وهبوب ..
لكل قصة حب لو كانت حزينه ..
أجمل ألوان الغروب ..
ناظري ضيّ الحوانيت القديمه ..
ونقش أبواب البيوت ..
كلها شعر ومواعيدٍ قديمه ..
وصوت قلبـي اللي يموت .. وما يموت ..
لكل قصة حب .. عذال وحسود ..
ليه تخدعنا الأماني .. والليالي السود .. سود
إشعلي جمر العناد .. قربـي معاد أشوفك ..
لا يفرقنا السواد ..
ارسمي وجهي بكفوفك ..
ولا تجرّحنا عيون الليل .. وحروف النميمه
ولا يعذبنا السكوت ..
إن عطشنا أو شربنا الدمع ديمه ..
للهوى بنحيا ونموت ..
لكل قصة حب أشواك وورود ..
وليه نصرخ من ألمها .. وكلها تنبت في عود ..
ناظري هذا قمرنا لو تغطيه الغيوم ..
وناظري هذا شجرنا مهما تحرقه السموم ..
ولو تجرّحنا عيون الليل وحروف النميمه ..
ولو يعذّبنا السكوت ..
إن عطشنا أو شربنا الدمع ديمه ..
للهوى بنحيا ونموت ..


كلمات الشاعر : بدر بن عبدالمحسن



.

[بنت المنتدى]

لكل قصة حب .. عذال وحسود ..


وهذي هي اكبر مشكله .. اللي يسمع لهم ..!!


شاكره لك احساسك المرهف وشعورك العذب ..


لاهنت يا الشيخ :)

[صمــت البــوح]

لكل قصة حب .. عذال وحسود ..


وهذي هي اكبر مشكله .. اللي يسمع لهم ..!!


شاكره لك احساسك المرهف وشعورك العذب ..


لاهنت يا الشيخ :)





دائما ردودك مميزه وعطره وتترك لها اثر واضح بالموضوع

شكرا على المرور والتعليق ولاهنتي

[دمي قطري]

تسلم اخوي

[صمــت البــوح]

الله يسلمك