رجاء ... الكل يشاركنا ... شرايكم في المسلسلات التركيه؟؟؟؟ [الأرشيف]

مشاهدة النسخة كاملة : رجاء ... الكل يشاركنا ... شرايكم في المسلسلات التركيه؟؟؟؟

الوان

16-01-2009, 10:28 AM

المسلسلات التركيه اللي غزت القنوات العربيه

تبث باللغه العربيه و أسماء الشخصيات اسماء عربيه و اسماء مسلمين

و القصص دايما تبين ان الشخصيات مسلمه

لكن الاحداث لا تمت الى الاسلام بصله

و قد تعالج قضايا موجوده عندهم في تركيا

وشو تأثيرها علينا في الخليج و الوطن العربي

قصص حب و زنا و انتحار و هروب البنات من المنزل و غيرها اشياء ما تنقال

و من هي الشريحه اللي تتابعها؟؟

بنات مراهقات و اطفال!!!

Bu Rashid

16-01-2009, 10:32 AM

ما أشوفها ولا راح أشوفها ...

بس من زمان شفت شكل جودا لوبي على السريع :secret:

mariamm

16-01-2009, 11:49 AM

مصخوووها ولوعوا اجبودنا

قطررررريه

17-01-2009, 07:05 PM

ماشوفها
ولا احط على القناة اصلاً
وبصراحة احنا التلفزيون دايم على طيور الجنة والجزيرة والجزيرة الرياضية والكاس وبس

غدير البورصه

17-01-2009, 07:35 PM

مسلسلات غراميه هادفه
واللبيب بالاشاره يفهم
الهدف واضح وضوح الشمس

Mo0o0oM

17-01-2009, 07:55 PM

ماحبيتهاا

فيها استخفاف بالعقول

بصراحة . .

تافهه جداً :)

كيان

17-01-2009, 07:58 PM

مالها معنى بس تأثر فـ ضعاف النفوس وتخرب بيوت نفس مسلسل ( نور )..!

شسالفة...؟

17-01-2009, 08:45 PM

رأيي بأنها تعبر عن سطحية المشاهد

ضوى

17-01-2009, 08:47 PM

هالمسلسلات تثبت لي اشون الذوق العربي صار هابط بكل ماتحمله هذه الكلمة من معنى

اعالي الجنان

17-01-2009, 08:49 PM

مسلسلات غراميه هادفه
واللبيب بالاشاره يفهم
الهدف واضح وضوح الشمس

جبتيها صح ...الله يهدي بناتنا وعيالنا وجميع المسلمين

pure

17-01-2009, 09:10 PM

حمى المسلسلات التركيه

انا توقعت بيتوقفون بس شكلها كل القنوات قامت تقلد

من تفر التلفزيون وتغير المحطات الا تحصل لك مسلسل تركي

تفر اقييين

مسلسل تركي

بصراحه زهقوناا

المتألم

17-01-2009, 09:18 PM

مرحلة جديدة من الإنحطاط العربي ..

ليس فقط لإن المسلسلات لا تستحق ..

ولكن بسبب كل هذا الإهتمام المبالغ به ..

لو أهتموا بقراءة كتاب لكان أفضل لهم بكثير ..

Scorpion

17-01-2009, 10:41 PM

المسلسلات التركيــة تدعو الى الرذيلة بحسب ماسمعنا في الغالب منها ..

والقصص التي انتشرت تبين مدى تأثر المجتمع بها ..

بوعلي2

17-01-2009, 10:49 PM

كلها اغراءات في اغراءات وقاحه وسواد ويه

يبون يخربون عيالنا

حسبي الله عليهم

Bo3oof_80

17-01-2009, 10:53 PM

اسخف من السخافه تافه

بيسان

18-01-2009, 12:47 PM

مأساة ،،، ارجو عدم متابعتها لما فيها اثار على الاطفال وجيل الشباب
انتحار
حجرة المنزل بهدف لقاء الحبيب
استخدام السلاح
السرقة
الزعرنة

كلها حركات
الله بالعون

Hamad7788

18-01-2009, 02:53 PM

mrloverman

18-01-2009, 02:56 PM

انه ممثلاتهم احلى من ممثلاتنا ... :)

...

وممثلينهم أحلى:eek5:

بوحارب

18-01-2009, 02:56 PM

الحمدلله عمري ما شفت هالمسلسلات الساقطة وكل مسلسل ساقط له مشاهد ساقط:D

Hamad7788

18-01-2009, 02:59 PM

أنا الحمدلله ماشوف الا افلام

مالي شغل بالمسلسلات

بس تبي الصج

احلى مافيهم عيونهم .. عليهم عيون الوانها غريبه :)

بيسان

18-01-2009, 03:00 PM

الحمدلله عمري ما شفت هالمسلسلات الساقطة وكل مسلسل ساقط له مشاهد ساقط:D

:rolleyes:

Hamad7788

18-01-2009, 03:04 PM

escape escape escape

غدير البورصه

18-01-2009, 03:21 PM

مسلسلات دامره وبدمر الي يحبها لانها قمة الوقاحه والانحلال الخلقي

أم حمد

18-01-2009, 03:28 PM

ما أشوفها ولا راح أشوفها ...

بس من زمان شفت شكل جودا لوبي على السريع :secret:

هههههههههههههههههههههههههه

لا لا

اليخاندرو وبس

http://animeblues.jeeran.com/mahmakan.jpg

:nice:

أم حمد

18-01-2009, 03:29 PM

مسلسلات دامره وبدمر الي يحبها لانها قمة الوقاحه والانحلال الخلقي

كل شي فيه الزين والشين

:nice:

على العهد

18-01-2009, 03:35 PM

مسلسلات ساقطه

تبث الدياثه فالمشاهدين

الله لايبلانا ويبعدنا عنه يارب

جير قطر

18-01-2009, 03:38 PM

مسلسلات غرامية
تافها
مالها هدف غير الحب والرمنسية

أم حمد

18-01-2009, 03:41 PM

مسلسلات غرامية
تافها
مالها هدف غير الحب والرمنسية

محد سال نفسه ليش الحريم دايم يتابعن هالمسلسلات ؟

راجعوا نفسكم وشوفوا ايش مقصرين فيه وبتعرفون السبب

:)

حقيقه

18-01-2009, 03:47 PM

انا مب من متابعين هالمسلسلات وغيرها تركي كان او عربي
اتابع بس اللي قصته تكون هادفه مثل بعض المسلسلات السوريه والمصريه ... الخ
بس الصراحه مافيه فرق بينها وبين بعض المسلسلات والافلام العربيه الهابطه
اللي ماتختلف عن المسلسلات التركيه
كلها حب ورومنسيه وقتل وشرب ومراقص .... الخ

اسعاف

18-01-2009, 06:29 PM

كلها اغراءات في اغراءات وقاحه وسواد ويه

يبون يخربون عيالنا

حسبي الله عليهم

الله ينتقم

على من

يريد ان يهدم بيوت المسلمين

عبير وردة

18-01-2009, 07:37 PM

هههههههههههههههههههههههههه

لا لا

اليخاندرو وبس

http://animeblues.jeeran.com/mahmakan.jpg

:nice:

يااااااااااااااااااه يا أم أحمد مااااااااااااااااااال أااااااااااااااول ( على قولتكم ) هههههههههه

_بوشهاب_

18-01-2009, 07:51 PM

انا مااشوفها ولا بشوفها وعلى قوله واحد من الربع من الامارات لو اشوف نور ومهند لا اقتلهم هههههه
تحياتي _ بوشهاب _

الفـــارسه

18-01-2009, 08:10 PM

تعجبني واتابعها من مسلسل لين مسلسل وراهم في كل فضائيه

النجلا

18-01-2009, 09:11 PM

انا عن نفسي الصراحة اشوفها

اللي قالوا مانشوفها يقولون تدعو للرذيلة شلون عرفتوا وانتوا ماشفتوا..؟
من كلام النقاد ...؟

انزين شوفوا المسلسلات الخليجية وقارنوا بينها وبين المسلسلات التركية انا ماادافع عن المسلسلات التركية بس والله احلى وفيها قصة مش كلها قصص حب ورذيلة بالعكس في قصص حلوة..

يعني الحين المسلسلات الخليجية فاضية من هالسوالف والله ان كل شي فيها ناقصهم بس شي واحد واذا جات عاللبس يعني خيرات المسلسلات الخليجية بلاااوي .. واللي قال انشوف ان المسلسلات التركية مسلمين بس مايمثلون الدين .. انزين والمسلسلات الخليجية شنو ..؟ يعني لو اجنبي يشوف مسلسلاتنا شبيقول.. هذول مسيح.. وكل سنة عن سنة تزيد الوقاحة في المسلسلات الخليجية والله ان في مسلسل انا ماكنت اتابعه لكن مره شفت كم حلقة منه وشفت مقطع ولاااادة >> مسلسل خليجي ..؟ يعني هالشي مايأثر لأنه خليجي ..؟

بصراحة شوفوا وقارنوا قبل لاتتكلمون بتشوفون المسلسلات التركية احسن .. وهذا رايي ولاحد يزعل

Hamad7788

19-01-2009, 10:03 AM

النجلا

صح كلامج

وانا عن نفسي اشوف ان المسلسلات التركيه مافيها عدم احتشام في اللبس مثل المسلسلات الخليجيه :eek5:

والله اني افضل اني اكون قاعده مع اخواني وابوي وانا اشوف مسلسل تركي ولا إني اقعد معاهم ونشوف مسلسل خليجي :nono::nono:

وياريت اجسامهم عدله :omen2: ... متــان ويفشلون ...

عالاقل الممثله التركيه طول وجسم ورشاقه وخفه :thumbup::ok:

مب خيشه تمشي لا وتدلع بعد ... :wizard::wizard:

ضوى

19-01-2009, 10:06 AM

والله لا المسلسلات التركية ولا المسلسلات الخليجية فيها خير

جهام

19-01-2009, 02:56 PM

اعوذبالله شر ووباء
مثل المراهقة التونسية اللي جتها صدمة وغيبوبة عشان ايش ...عشان مهند انطعن مدري مات ...اعوذبالله .اصلا انا مااحب هالمسلسلات الغبية الفاضية :rolleyes2:

الزعفراني82

19-01-2009, 03:10 PM

لين الحين ما شفت اي مسلسل و لعلمكم اني قاعد اتعلم لغه تركيه و قمت اجيد التخاطب بهذي اللغه

retaj

19-01-2009, 04:37 PM

لاتعليق
بس اشوف انه لا الخليجية ولا التركية مسلسلات هادفة بل دمار للببيوت الا من رحم ربي

hemoud123

19-01-2009, 04:40 PM

انا الصراحه ما اشاهد لا المسلسلات التركيه ولا العربيه , لكن كرهت شي اسمه تركي لما شفت جنون الناس بالمسلسلات التركيه وخاصة البنات والنساء
يمكن غيره :)

vip-qtr

19-01-2009, 08:15 PM

هي مالها معني يعني مالها معني بس فكروا فيها

زمان كانوا الناس طايحييين على الافلام الهنديه بكثره وعقب طلعت المكسيكيه والحين التركيه

يعني هالشي مب جديد

عادي في المستقبل اتشوفون مسلسلات يابانيه وبكثره

تحياتي

الفـــارسه

19-01-2009, 08:16 PM

انا اشوف التركيه واتابعها والكوري على قناة دبي بعد اتابعه احب المسلسلات فيها أكشن

وحيد-الشوق

20-01-2009, 12:37 AM

انا اكره المسلسلات التركية والمسلسلات الخليجية والمصرية صرت اكرها بعد << معقد :eek5:

حتى التلفزيون مقاطعه صرت مااحبه مادري ليش :rolleyes2:

اذا بطالع شيء اطالع افلام اجنبيه رعب واكشن فقط ورسوم متحركة :shy: وباقي الوقت النت والشغل والطلعات :( << شدخل هذا في الموضوع الحين

بنت المنتدى

20-01-2009, 12:39 AM

دمار ..

بوخالد911

20-01-2009, 12:43 AM

ما أشووفها
لذلك ما أقدر أحكم عليها

ورقــة أمــل

20-01-2009, 12:44 AM

الحمدلله كل اللي شاركوا مب متابعين لها
عمري ما تابعت مسلسل تزيد حلقاته عن 40 حلقة
بس في صغري كنت احب اشوف ملسل اوشين

shagrh

20-01-2009, 12:58 AM

التلفزيون مااشغله بالاساابيع ولا عمرى شفت هالمسلسلات ولا هالبراامج ولين اقعد مع صديقاتى ويتكلمون عن هالمسلسلات احس روحى بعالم ثاانى
انا بالنسبه لى ام خماس وبس

حقيقه

20-01-2009, 03:04 AM

سبحان الله
على فكره الفساد والعري والعشق والتصرفات الغير اخلاقيه
في اغلب المسلسلات والافلام عربيه تركيه انجليزيه ... الخ

يعني استغرب الصراحه من ردود البعض اللي ماخلى كلمه سيئه الا وقالها في حق المسلسلات التركيه
وهو اربع وعشرين ساعه مرتز في السينما ومايخلي فلم او مسلسل الا وتابعه
يعني الحين هاذي إللي يتابعها ماتحتوي على الفساد والعري والعشق و و ... الخ مثل المسلسلات التركيه ؟

لحد يناقض نفسه
او يدعي المثاليه

انا مادافع عن هالنوعيه من المسلسلات بس اقول الحق
الغلط غلط ان كان عندنا او في دول ثانيه

أم حمد

20-01-2009, 03:09 AM

حقيقه

20-01-2009, 03:12 AM

ميه ميه مع اني احب الجيد سواء تركي او مكسيكي او عربي او امريكي !

:nice:

وانا مثلس :victory:
الصراحه انا تابعت مسلسين تركيين فقط
واحد كان يتكلم عن جرائم الشرف وكانت قصته حلوه في البدايه طبعاً
والثاني كان يتكلم عن الحرب بين تركيا واليونان وبعد حلو
والصراحه ماشفت فيه العري اللي اشوفه في المسلسلات العربيه

!قطريـة بنت القمـر!

20-01-2009, 03:21 AM

اذا تبون الصج وبدون تفلسف

ماتفرق الصراحه عن المسلسلات الخليجيه او العربية

تقريبا كلهم نفس القصه .. حب غزل خيانه سرقه بمعنى آخر ((جميع أنواع السخافه))

بس الفرق الوحيد بين المسلسلات التركيه ومسلسلاتنا

انه ممثلاتهم احلى من ممثلاتنا ... :)

مادري هاي رأيي أنا ...

النجلا

صح كلامج

وانا عن نفسي اشوف ان المسلسلات التركيه مافيها عدم احتشام في اللبس مثل المسلسلات الخليجيه :eek5:

والله اني افضل اني اكون قاعده مع اخواني وابوي وانا اشوف مسلسل تركي ولا إني اقعد معاهم ونشوف مسلسل خليجي :nono::nono:

وياريت اجسامهم عدله :omen2: ... متــان ويفشلون ...

عالاقل الممثله التركيه طول وجسم ورشاقه وخفه :thumbup::ok:

مب خيشه تمشي لا وتدلع بعد ... :wizard::wizard:

سبحان الله
على فكره الفساد والعري والعشق والتصرفات الغير اخلاقيه
في اغلب المسلسلات والافلام عربيه تركيه انجليزيه ... الخ

يعني استغرب الصراحه من ردود البعض اللي ماخلى كلمه سيئه الا وقالها في حق المسلسلات التركيه
وهو اربع وعشرين ساعه مرتز في السينما ومايخلي فلم او مسلسل الا وتابعه
يعني الحين هاذي إللي يتابعها ماتحتوي على الفساد والعري والعشق و و ... الخ مثل المسلسلات التركيه ؟

لحد يناقض نفسه
او يدعي المثاليه

انا مادافع عن هالنوعيه من المسلسلات بس اقول الحق
الغلط غلط ان كان عندنا او في دول ثانيه

هذا اللي كنت ابي اقوله .... يعنـي بصـراحة اسمع عنها وقلت اشوف كم حلقة واشوف هل هي نفسها نفس المكسيكي السخيف .... والله تابعت فقط مسلسل واحد و صج فيه نوع من انواع الغراميات ولكن المسلسل ككل كان جميل واشوفه هادف و يحكي عن الوطنية وحب الوطن وكيفية حماية الوطن والمساعدة في تطوير الوطن !! يعني ماشاء الله فيه نوع من انواع المباديء اللي خلت منها غالبية المسلسلات الخليجيـــــــــــــــــــــــه وحطوا تحتها خطين !! والنقطة الاهم بصراحة والله لبساهم محتشم جدا جدا حتى في اغلب اللقطات كانوا يغطون غالبية شعورهم !! واحنا بمسلسلاتنا يلبسون لنا تنانير لفوق الركبه !! ولبس ضيق ومغري للغاية لا يناسب اي شخص منا .... ولا حكايا عدد من المسلسلات عن خليجيه ماشاء الله حملت من صديق لها و جابت ولد وربته مع ابناء زوجها يا عيني يا ليلي !! وعدة مسلسلات فيها خرابيط مالها اول من تالي .... وبالنسبة للي شافوا هالمسلسل جان عرفوا على الاقل بعض المسلسلات التركية تحمل بعض المعاني !! بس مشكلة لما ننتقد الشي ونحكم عليه دون ما يكون عنده وجهة نظر شاملة وكاملة .... الظلم شين .... واللي يقولون يبثون سموم في عيالنا اسمحوا لي !! ما دخلوا عليكم بيوتكم غصب الا انتوا فريتوا عليها ولا عيالكم وقاموا يشوفونها بارادتهم الكامله !! تذكرت واحد يتصل حق مذيعه ويقول لها هالاغاني اللي تحطونها حرام فردت عليه عندك الريموت الله لا يهينك غير القناة ؟؟ ....

همس العيون

20-01-2009, 03:25 AM

قلة ادب وعدم احتشام

قمنا نشوفها في القنوات الفضائية ولكن يعاب على المسلسلات التركية بسبب

انها المفروض المفروض انها دوله مسلمه

بوخليفة3

20-01-2009, 03:26 AM

!قطريـة بنت القمـر!

20-01-2009, 03:33 AM

الصراحة القنوات كلها قامت تقلد
والام بي سي بعد مصخها
لدرجة ان كل شي صار تركي افلام الرعب قاموا يحطون افلام تركية
مسلسلات تركية افلام اكشن بعد تركية دراما مسلسلات تركية
كل شي صار تركي
صج صج لوعوا بجبدي لا واللي يبط الجبد اكثر المضمون اللي فالمسلسلات يعني اشياء مالها معنى
وغير هذي الصراحة فيها دمااااار وخراب بيوت
يعني يصورون الزنا شي طبيعي
او ان البنت تحمل عقب تزوج عاادي جدا

ماقول الا الله يستر علينا من هالمسلسلات

من قال بس المسلسلات التركية هي اللي تصور ان البنت تحمل عقب تتزوج عادي :) .... كاه مسلسل خليجي معروف كانت فيه الممثلة حامل و ولدت وعقب الاخت تزوجت واحد ثاني وربت ولدها اللي بالحرام مع عيالها على انه اخوها !! والادهـى ان نفس الممثله على حسب ما قرأت تبي تمثل في مسلسل مثيرررر للجدل لان دورها انها بنت مؤذن و بتصير بسبب الظروف رقاااااااااصه !! انعم واكرم هاي مسلسلاتنا الخليجيه اللي تفوقت على كل المباديء والقيم !! والبقيــة سوف تاتي من باب الاكشـن الخليجي !!

medosss

20-01-2009, 08:39 PM

مسلسلات اغلبها تتنافه مع عاداتنا وتقاليدنا واصوالنا خصوصا مسلسل سنوات الصياع هاي الغريب واحده حبت واحد وخلفت منه قبل الزواج وبعدين راحت عاشت مع صديقه كم سنه وبعدين رجعت الو وبعدين ما بعرف شو هههههههههههههههه شي غريب عجيب لذيذ وشكرا

درب السعادة

21-01-2009, 05:58 PM

حرام عليكم لا تحدوني أغير لقبي من درب السعاده اللى هوى تركيا . أنا تابعت مسلسل الاجنحه المتكسره مسلسل رغم انه فوق الاربعين حلقه الا أنه كله شرف وشهامه الرجل رجل وصاحب موقف والمراءة عفيفة وجميلة وتقدم التضحيات ووالله على أمتداد سنيني لم أشاهد مسلسل خليجي واحد يمت الى الواقع الحقيقي بصلة والا يتكلم عن حب الوطن والا عن علاقة المراءة بالرجل بصفة يكللها الوفاء والحب والعفة . طبيعة جميله ووجوه مشرقه لامكياج صارخ ولا عمليات تجميل تقبح أكثر مما تجمل حتى اللبس لايق عليهم مب المسلسلات الخليجيه اللي كلللها مفاصيخ . شباب فرسان في مشاهد الفروسية . أخراج متقن تصوير متعوب عليه . مؤثرات الصوتيه والمشاهد متقنه . انا كرهت المسلاسلات والعربيه والخليجيه لضعف مستواها في مقابل مسلسل واحد اثبت جدارته .

لا تحكموا قبل ان تشاهدوا ولا تعمموا

شكرا

امل الحب

21-01-2009, 07:39 PM

:) كل من ورغبته بالمتابعة .. ومحد جابر حد على شي

انا عن نفسي متاابعة سواء لهم او للاجنبي.. وماشوف فيها اي شي

وحالها حال المسلسلات الخليجة والمسلسلات الاجنبية والافلام :)

تحية