ما هي الأحتياجات المطلوبة في السوق

[مـراحـب]

بسم الله الرحمن الرحيم


حبيت أطرح هالموضوع وان شاء الله تكون الفائدة للجميع


أبغي اعرف شنو الأشياء المطلوبة اكثر من البضايع

1 - أكسسورات

بنوتية - حريمية - اطفال

2 - ملابس نسائية

للحوامل - البدينات - كشخة - للبيت - بجايم - للطلعات

3 - ملابس اطفال

للطلعات - للكشخه - للبيت - بجايم

4 - الجوارب

الهيلاهوبات - الجوارب العادية - الجوارب الكشووخية

5 - الدخون والعود

اي مطلوب اكثر ، ، وشنو اللي مش موجود وعليه اقبال

6 - العطورات وبخاخات المفارش

شنهي العطورات المطلوبة اكثر والبخاخات واي المطلوب اكثر الفرنسية ولا العربية

7 - الملاحف والكفرات

اي الملاحف ، ، الكشخة ولا العادية ولا التلبيسات

واي حد عنده اضافات بالأشياء المطلوبة يذكرها

وجزا الله خير كل من يشارك بالموضوع
وكل حد يستفيد من الموضوع

يدعي لي بكل خير والله ييسر لي أموري

[سوق واقف]

ما خليتي شيء ما شاء الله عليج

ربي يوفقك ويسعدك

[مـراحـب]

ما خليتي شيء ما شاء الله عليج

ربي يوفقك ويسعدك

هلا أخوي

انا حابه اعرف شنهي الأشياء المطلوبة وعليها أقبال
وأذا عندك أضافة أفيدنا أفادك الله

وحيااك ، ،

أختك في الله
مـراحـب

[لوردغاليري]

بالتوفيق مراحب


اشوف السوق خالي من العطورات الفرنسيه الحصريه في اوربا
وشنط السفر الي سعرها مناسب
وحبيت اضيف بعد كفرات الملاحف العمليه واسعارها معقوله
واتروهات مفارش طاولات المشغوله يدوي وفخمه
واقمشه النسائيه الحرير الطبيعي والوانه الجذابه
احس الطلب عليها كبير
واقمشه قطنيه بانواعها
وبس


احس زودها



تقبلي مروري اختي العزيزة

[مشتاقة لقطر]

مراحب يامراحب

انا رايي

الملاحف شي مستهلك على طول .. بس من ناحية فخم والا كلاسيك مسألة ذوق وعلى حسب المناسبة المأخوذ لها الملحف ..


والعطور بعد اسهلاكها مستمر اما بخصوص العربي والا الفرنسي هذا شي نسبي ويرجع للذوق .. الشخصي .. على حسب وعلى الفئة المتوجهة لها .. للبيع ..

اما الملابس والاكسسوارات لها مواسم معينة

والله يوفقج الغالية

[مشتاقة لقطر]

مراحب يامراحب

انا رايي

الملاحف شي مستهلك على طول .. بس من ناحية فخم والا كلاسيك مسألة ذوق وعلى حسب المناسبة المأخوذ لها الملحف ..


والعطور بعد استهلاكها مستمر اما بخصوص العربي والا الفرنسي هذا شي نسبي ويرجع للذوق .. الشخصي .. على حسب وعلى الفئة المتوجهة لها .. للبيع ..

اما الملابس والاكسسوارات لها مواسم معينة

والله يوفقج الغالية

[اهل قطر]

السلام عليكم ورحمة الله
الله يوفقكم لكل خير
معرفة ما يحتاجه السوق هو
اولا مازال السوق يحتاج الى الملابس الداخليه النسائية المعقولة السعروليس الرخيصه وذلك لاهمية الجوده مثل ملابس استقبلات الولاده وغيرها
يحتاج السوق الى المواد المتخصصه , مثل الهدايا التي تناسب الفئه العمريه الشبابيه
وان تكون من نوعيات مختلفة , نحتاج الاكسسوارات الراقيه لفئة البنات
ففي سفرتي للكويت لقيت الكثير منها بسعر مناسب

اي تاجر كي يحقق نجاحه لابد من زياره متكرره للسوق ومعرفة الامكانات المتاحة فيه

نصيحة ان لا تكثر من البضائع لان السوق متقلب
اختيار نماذج من الابداعات وعرضها وان لاقت رواجا كررالطلب منها
اكسسوارات الشعر اعتقد ان السوق يفتقر الجيد منها
هذا ما يحضرني الان وفقكم الله

[nor85]

اهم شيء الاسعار لان الملاحظ الاسعار اهني في المنتدى مبالغ فيها بالنسبه للمنتديات الثانيه لو تبيعين بالمعقول بضاعتك بتمشي صدقني

[ام الحلوين]

راي ملابس الاطفال لوتلاحظون وقت المناسبات ندوخ حنا ياالامهات وحنا ندور لعيالنا الي يروح الحسا الي الخبر الي دبي
طبعا كلن وحسب ميزانيته مش الكل يقدر يشتري ماركه وان شرت ماركه ماهو لكل عيالها
نبي ملابس اطفال جودة بالخام واسعارها معقوله

[اهل قطر]

احنا لابد نكون واقيين
ما نطلب منها خامه ممتازة مع نوعيات جيده واسعار معقوله
على الاقل اسعار وسط
لان المتوفر الحين اما غالي جدا او رخيص جدا نوعيه رديئه

[باقيـﮧ على ذ ڪرآڪ]

اولا موفقه اختى مراحب لو حابه تبدين اشوف اكثر شئ ماشى هى ملابس الاطفال لانها تستهلك فى الطلعات والزيارات والاسعار هنا حراق ولما نجى نتشرى نطق مشوار للسعوديه والعطورات موجوده وبكثره واعتقد ان الواحد يغامر لما يشترى شئ ومو عارف ريحته شنهى