المساعد الشخصي الرقمي

مشاهدة النسخة كاملة : ابي أفتح محل بسوق واقف (أرجو المساعده)


تاجرة قطرية
20-01-2009, 09:00 AM
الموضوع باين من عنوانه ..

شنو الاجراءات اللي لازم أتخذها وين أروح و شنو أسوي و وين أقدم الطلب ؟!

كم الاجارات ؟

للعلم أنا عمري 19 سنه يعني أنا أقدم الطلب و الا أخلي وحده كبيره بالسن تقدم << عشان مايكون في مجال للرفض

كل شي نسقته من وين بجيب البضاعه و الخ ..

بس باقي لي السجل التجاري


مشورتكم
تاجرة قطرية
20-01-2009, 09:37 AM
شدعوووووووووووووه

مافي ولاكحه حتى !!
سوق واقف
20-01-2009, 09:40 AM
أختي العزيزة الموضوع تروحين المكتب الهندسي التابع للديوان الأميري

وتقدمين الطلب
على حسب الإيجارات في محلات الإيجارات في السنة 5000 ريال فقط

وربي يوفقك
تاجرة قطرية
20-01-2009, 10:07 AM
مشكور اخوي سوق واقف عالافادة

طيب أنا اقدمه و الا وحده كبيره بالسن !!

و بخصوص الطلب عندهم نموذج اعبيه و الا أنا اكتبه بنفسي ؟

اذا انا اكتبه ارجوك فيدني

شنو يكون مضمونه
تاجرة قطرية
20-01-2009, 10:19 AM
28 مشاهده ومارد علي الا سوق واقف صج مافيكم خير

سوق واقف تسلم و ماتقصر بانتظار الرد علي بخصوص باقي استفساراتي
سوق واقف
20-01-2009, 10:47 AM
مشكور اخوي سوق واقف عالافادة

طيب أنا اقدمه و الا وحده كبيره بالسن !!

و بخصوص الطلب عندهم نموذج اعبيه و الا أنا اكتبه بنفسي ؟

اذا انا اكتبه ارجوك فيدني

شنو يكون مضمونه

اختي العزيزة كل الأعضاء فيهم الخير ولكن يمكن ما عندهم خلفية اشلون ينصحونك يعني
بالنسبة لإستفساراتك ...
1- الطلب انتي تطبيعنه عند الطباعين الي في السوق
2- لا مافي نموذج خاص
3- أذا راح تطلبين في سوق الحريم لازم تكون بائعه مش بايع الي يقعد في المحل ..
تاجرة قطرية
20-01-2009, 11:15 AM
تسلم اخوي علافادة
هبة ريح
20-01-2009, 01:13 PM
موفقه ان شالله ولو نقدر نفيدك مانقول لا
تاجرة قطرية
20-01-2009, 10:17 PM
تسلمين قطريه و كافي طلتك
خذاني الشوق
20-01-2009, 10:45 PM
هالله هالله بالبضاعه والخصوووومات اذا تووووفقتي ان شالله
ورقــة أمــل
20-01-2009, 10:49 PM
بالتوفيق
اذا صار شي خبرينا لاتنسين
nedoo
21-01-2009, 12:43 AM
اختي على ما اعتقد على حسب نوع النشاط يعطون المحلات
بــو فهــد
21-01-2009, 01:35 AM
ماعندك خلفيه عن الموضوع لكن اتمنى لج التوفيق :)
شاب مستثمر
21-01-2009, 04:10 AM
السلام عليكم
اختي لله يوفقج انشالله
انا عندي بعض المعلومات عن السوق .
1-يفضل يكون صاحب الطلب مطلقه او ارمله يلنسبه لحريم
2-في توجه في ادراة السوق انهم يخصصون المحلات على متطلات السوق
3-الاولويه لمن عندهم محلات سابقه في السوق (يعني الناس الي كانو يملكون في سوق الجيده والمحلات الي عند دوار البنك العربي
انا من الناس الي قدمة 4 طلبات من خلص السوق لين اليوم محد رد علي ماعدا طلب واحد وقالو يبغون النشاط يخص تراث قطر .
اتمنا اني عطيتج معلومات كافيه
قطري vip
21-01-2009, 05:33 AM
اخاف اقولج ياكلوني ماراح يردون عليج الا بواسطه زبدة الكلام واللي يقول طالبين نشاط تراثي ليش ماطلبوه

للي حطو قهاوي
ولد السادة
21-01-2009, 01:29 PM
والله ثم والله انها كلها واسطه من الاخر مثل ماقل اخوي الي قبلي ولكن جربي حظك اذا حظك يفلق الصخر بتاخذين ولوتبين تفتحين محل تبعين فيه ماركه فرساجي او قوجي او دوجي قافانا وتسوين احلا ديكور بيخلونك عااااادي ولكن الوووووووووووووووووووووووووووووووووو اذا عنك يصير كلشي مب لوعمرك 19 يمكن 5 سنين يخلونك عادي / ماقلت الكلام من عبث ولكن من قهر والي اشوفه قدام عيني / الله يــــــــوفقــــــــــــــــــــــــــك ياربي
تاجرة قطرية
21-01-2009, 01:49 PM
انشالله بقدم و الله كريم

ما راح ابيع شناط يقولون ممنوع يبيعون نخب اول بقطر
بو راشد 1
21-01-2009, 02:26 PM
انا مقدم طلب من عام 2007 وراجعتهم قبل اسبوع بس ابي اسال ايش صار على الطلب (بكتاب رسمي) رفضوا يستلمون الكتاب وردو شفهيا: احنا موقفين استلام الطلبات لان ما في محلات....!!!

علما: بأن محلنا كان في سوق واقف سابقا.

ملاحظه: اذا عندج واسطة في الديوان بتكون امورج طيبه:) . واذا ما عندج الله يعينك :(
تاجرة قطرية
22-01-2009, 08:45 AM
واسطتي الله
البرونزي
25-01-2009, 04:26 PM
واسطتي الله

والنعم بالله

الله يوفقج اختي
رحال
26-01-2009, 01:27 AM
موفقة ان شاء الله !!!
بدوي
26-01-2009, 08:02 AM
اعتقد يتم قبل تعبئة الطلب

عمل كتاب لطلب المحل موجة للمكتب الهندسي الخاص + Cv عن النشاط + واعتقد يرمز للتراث

هذا اللي اعرفة

والله يوفقج وتلقين اللي يسرج
تاجرة قطرية
26-01-2009, 10:42 AM
تسلمون على مروركم و ربي يوفقني و يوفق الجميع انشالله
nasser003
26-01-2009, 09:06 PM
انا ما عندي فكرة بس اللي اسمع من الناس ان اهم شي يكون عندك (وووووووووو) وانتي وحظك والله يوفقك
وحش قطر
29-01-2009, 03:51 AM
احسن حل تروحين الصبح السوق وتنطرين بوخليفة واول ماتشوفينة تكلمينة وتطلبين محل ولا باقي الربع اللي فوق مايطلع منهم شي
بو راشد 1
29-01-2009, 07:00 AM
احسن حل تروحين الصبح السوق وتنطرين بوخليفة واول ماتشوفينة تكلمينة وتطلبين محل ولا باقي الربع اللي فوق مايطلع منهم شي


Is this is the right approach to get a shop????
ام خليفة
04-02-2009, 06:25 PM
اختي مش شرط تكونين كبيره في السن ولا شرط تكون تجارتك تخص الترااث
والاجار 500 ريال شهريا

بس المشكله مثل ماقالوا الاخوان الواسطه اهم شي :)

والله يسر اموووري وامورررك ويرزقنا كل مانتمنى
تدلل قطر
04-02-2009, 10:51 PM
الله يكون في عونك
تدلل قطر
04-02-2009, 10:53 PM
:discuss:الله يكون في عونك