المساعد الشخصي الرقمي

مشاهدة النسخة كاملة : برنامج الدار والمذيع


الوعد2016
20-01-2009, 07:13 PM
احد منك يتابع برنامج الدار وخاصه المقابله مع الشخصيات
وكيف كان رد المذيع القطري على الضيف
والاسلوب الغير مناسب من المذيع في هذي الحلقه وغيرها من حلاقات فالمذيع يجب ان يكون مرح وذو وجه مبتسم ويعرف يكشخ بالغتره والعقال والرد المناسب والدبلوماسي للضيوف وللجمهور
والاهم كله يقاطع الضيوف وزميلة العمل المذيعه التى معه
اترك لكم طرح ارائكم وتعليقكم على البرنامج والردود الدبلوماسيه للمذيع فهو يمثل قطر والتلفزيون يشاهده الكثير من الناس وفي كل مكان
قطري هامور
20-01-2009, 09:18 PM
المسألة اخوي بس برنامج الدار؟ برامج القناة كلها والمذيعين + المذيعات يبيلهم اعادة تأهيل .
أحلى وسيطه
20-01-2009, 09:55 PM
صدق قطري هامور
غناتي1
20-01-2009, 10:21 PM
هالمذيع بالذات كل برامجة فاشلة

وما ينزل من الزور
آمل اللقاء
20-01-2009, 10:40 PM
اولا شوف اشكال المذيعين ناس ما يعرفون الاحترام ولا يعرفون طريقه وين.. شوفو المذيعه الحمد لله والشكر وش لابسه ولا المذيع الغتره على الجنب خلي بالأول ايحطون ناس سنعين عقب ايستغبلون اضيوف كبار مثل الدكتور سلطان القحطاني..
وشكرا لك على الموضوع الرائع
بوحارب
20-01-2009, 10:42 PM
من عرفت النت وانهـ مطلق التلفزيون بالثلاث

احلى شي في التلفزيون برنامج ريموت كنترول اللي في قناة فنون

بس ^^
فـــــواز
20-01-2009, 10:42 PM
سبحان الله اليوم مدري اتكلم عن الموضوع مدري وش عندي عطيته علي القناه ابي اشوف بس اذن او ما اذن

وشفت العله هذا الي صراحه الاسلوب في صوب والغتره في صوب والزينه اظنه المذيعه الي معاه معه الظاهر يبي يثبت اكثر منها المسكينه والمشكله علي انه ماكل الجو لو تبرقون في اسئله والله بتضحكون ما يعرف يقدم حتى برنامج حق اطفال المشكله انه موقطري ويلبس غتره وعقال ويتكلم على انه قطري

الله يعينا بس على هالاشكال
آمل اللقاء
20-01-2009, 10:45 PM
لا المذيع والمذيعه اقطرين اخوي فواز
بنت^البحرين1
20-01-2009, 11:28 PM
في اي قناة والساعه جم ؟؟ ابي اجوفهم
Bu Rashid
20-01-2009, 11:33 PM
الساعة كم يحطوووونه ...
الوعد2016
21-01-2009, 11:33 PM
الساعه البرنامج تقريبآ الساعه 6 او 7
واليوم في جريدة الشرق قسم تحقيقات الموضع موجود عن المذيع وشكاوي عليه بالهبل مع الدليل من المقابلات السابقه
وحش قطر
22-01-2009, 12:47 AM
اعتقد تقصدون ناصر الكواري مذيع تلفزيون قطر
الوعد2016
22-01-2009, 12:53 AM
اعتقد تقصدون ناصر الكواري مذيع تلفزيون قطر

ما اعرف اسمه ولكن جريده الشرق ذكرت اليوم نفس الموضوع
شويهينــه
22-01-2009, 08:01 AM
اعتقد تقصدون ناصر الكواري مذيع تلفزيون قطر

:eek5::eek5::eek5:

انا قريت التحقيق في جريده الشرق اليوم وماذكروا اسم المذيع او اسم البرنامج بس كل الشكاوي كانت على اسلوب المذيع الهمجي والسوقي في طرحه للمواضيع وتحويره للموضوع الرئيسي ودخوله مواضيع جانبيه ومقاطعته للمذيعه وللضيوف
رهج السنابك
22-01-2009, 11:36 AM
لا اللي كتبوا عنه في الجريدة اتوقع عبدالعزيز الانصاري لانهم قالوا قناة اجتماعية *_*
restricted_1
22-01-2009, 11:55 AM
عبد العزيز الانصاري

قناة المجتمع
شركة صناعات
24-01-2009, 02:17 PM
لا المذيع قطري (ناصر الكواري ) والمذيعه عمانيه بس الي قاهرني طريقه الحجاب الي لابسه هل من عادانتا وتقاليدنا .... للاسف بتقولون لي موضه .....
nasser003
26-01-2009, 11:47 PM
اول مرة اسمع ان عندنا قنااااااااااااة قطرية !!!!!!! من متى؟؟؟
المزن الرياني
26-01-2009, 11:54 PM
لا المذيع قطري (ناصر الكواري ) والمذيعه عمانيه بس الي قاهرني طريقه الحجاب الي لابسه هل من عادانتا وتقاليدنا .... للاسف بتقولون لي موضه .....


اعتقد تلبسه من مبدأ عادات وتقاليد وليس أمر شرعي أمر به الدين الاسلامي
diab911
26-01-2009, 11:59 PM
خلو الناس بحالها
khalil966
27-01-2009, 12:29 AM
هذا المذيع اللي اسمه ناصر الكواري يطلع شهر و يختفي سنين ، الضاهر يحطونه في الثلاجه و لما ما يلاقون مذيعين يطلعونه !
Sari
27-01-2009, 02:29 AM
هذا المذيع اللي اسمه ناصر الكواري يطلع شهر و يختفي سنين ، الضاهر يحطونه في الثلاجه و لما ما يلاقون مذيعين يطلعونه !
عليك نور :nice:
ياليت يرجعونهم الثلاجه ثنينتهم على طول :)
khalil966
27-01-2009, 06:54 PM
الشي الغريب ان هذا ناصر الكواري مره صحفي و مره مذيع اذاعي و مره مذيع تلفزيوني و شوي شوي بنشوفه في الجزيره ........... الله يخلي الواسطه !
miss-qatr
27-01-2009, 07:01 PM
بس ابغي اعرف ليش التجريح ؟؟؟؟؟؟


بغض النظر عنه وللعلم انا ماشفته بس دامه قطري( اللي هو ولد ديرتكم )

ان بغيتو تفتحون باب للنقاش .... انتقدوه نقد بناء مب تجريح بشكلة واسلوبه !!!!


يعني عيب والله


يسمحلي صاحب الموضوع بس هذي الصراحة
ولد الغانم
27-01-2009, 07:58 PM
بس ابغي اعرف ليش التجريح ؟؟؟؟؟؟
بغض النظر عنه وللعلم انا ماشفته بس دامه قطري( اللي هو ولد ديرتكم )
ان بغيتو تفتحون باب للنقاش .... انتقدوه نقد بناء مب تجريح بشكلة واسلوبه !!!!
يعني عيب والله
يسمحلي صاحب الموضوع بس هذي الصراحة


صحيح كلامج

المفروض تنتقدونه بأسلوبه وليس بشكله وشكل المذيعه
صحيح هو من اول ماقدم البرنامج قام ياخذ الجو من المذيعه ويحاول
يكون هو الكل في الكل
بس المفروض انكم ماتجرحونه بشكله أو شكل المذيعه العمانية
انتقدوهم بكيفية تقديمهم أو اسلوبهم أو لبسهم أو مواضيعهم
اذا ماكانت تعجبكم

تقبلوا مروري
الكواري 1972
27-01-2009, 08:54 PM
بس ابغي اعرف ليش التجريح ؟؟؟؟؟؟


بغض النظر عنه وللعلم انا ماشفته بس دامه قطري( اللي هو ولد ديرتكم )

ان بغيتو تفتحون باب للنقاش .... انتقدوه نقد بناء مب تجريح بشكلة واسلوبه !!!!


يعني عيب والله


يسمحلي صاحب الموضوع بس هذي الصراحة


صحيح كلامج

المفروض تنتقدونه بأسلوبه وليس بشكله وشكل المذيعه
صحيح هو من اول ماقدم البرنامج قام ياخذ الجو من المذيعه ويحاول
يكون هو الكل في الكل
بس المفروض انكم ماتجرحونه بشكله أو شكل المذيعه العمانية
انتقدوهم بكيفية تقديمهم أو اسلوبهم أو لبسهم أو مواضيعهم
اذا ماكانت تعجبكم

تقبلوا مروري

احييكم على هذا

وانا معاكم نبتعد عن التجريح والتشهير
qdalwatan
27-01-2009, 09:00 PM
الكواري يا شباب طاقة اعلامية شابة .. يمكن توجيهها وتشجيعها .. وبصراحة هناك مبالغة في النقد ..
الشخص اللي يقدم برامجه في قناة المجتمع فعلا اسلوبه سوقي وهمجي .. الخ ، لكن ناصر بالعكس عزيز وغالي ويتقبل النصيحة .. الله يوفقه
خــطــافــ
27-01-2009, 09:02 PM
[/SIZE]
من عرفت النت وانهـ مطلق التلفزيون بالثلاث

احلى شي في التلفزيون برنامج ريموت كنترول اللي في قناة فنون

بس ^^

فنون وبس
الوجبه
27-01-2009, 09:07 PM
احييكم على هذا

وانا معاكم نبتعد عن التجريح والتشهير

مي تو
khalil966
27-01-2009, 09:43 PM
هاي مشكلتنا ما نتقبل النقد ، و نقول تجريح ......... دامه يطلع على قناة فضاية قطرية يعني يمثل البلد و الكل يشهد انه غير مؤهل اعلاميا ولا عنده اسلوب ..... و الاخت العمانيه دامها تمثل قناة البلد المفروض تحترم نفسها في لبسها و مكياجها المبالغ فيه ...... الحجاب مب بس تغطية الشعر ، و حجاب مع مكياج صارخ و لبس ضيق ماله معنى.
اذا ناصر طاقة اعلاميه على قولتك المفروض يطرشونه دورات و يتم تأهيله اعلاميا و ثقافيا قبل لا يطلع على الشاشة ، مو يعطونه مايك و يلا اطلع خربط على الهوا ... كفاية علينا خالد جاسم و شلته اللي مشوهين سمعة البلد بأسلوبهم الهمجي و السوقي ... و للأسف فضائية و الكل يتفرج علينا ...... !