نزوووول السوق لمدة 3 اسابيع من دخوووول الاجانب

[المستثمر الكويتى]

السلام عليكم

اعرف انه الاسبوع هذا كان السوق فى نزول حاد وما اعجب الكل الا كبار المستثمرين الذين هم اول وتالى مستانسين من هذا النزوووول

وهذه طبعا توقعاتى من قبل وهو ان السوق لان يتم مرتفع وكل ارتفاع له نزول ولكن البعض كان غارق فى لذه الارتفاع ولايسمع ولايعى ماذا يحدث حوله وفى النهايه حصل ما حصل وهو النزوووول وهل هذا النزوووووول مستمر وهل هو استراحه محارب ام نزول لجمع اكبر عدد اسهم ام انه وقت الحصاد ونشوفكم السنه الجايه



اخوانى الاعضاء لابد ان تكون عندكم خطط استراتيجيه >>>>> الاخ داش حرب :) :) :)


وهى تخطيط وتنسيق ومب مع الخيل يا شقرا

بالنسبه للتخطيط راح انشاء الله اكتب عنه موضوع مفصل فى القريب العاجل





اللى ابى اقوووله مب الاجانب اللى راح يرفعووون السوق انتم وحسب مصلحه الهوامير

هوامير قطر هم اللى بيرفعووونه

واخيرا اتمنى ان السوق من باكر انه اخضر



واتمنى لكم التوفيق والربح الوفير

[فزعـــــ قطر ـــــة]

حياك الله يالمستثمر الكويتي وانت في بلدك الثاني بين أهلك وربعك
لكن انتمنى أن كلامك غير صحيح ...ياخي لاتحبطنا
وانشاللة أخضر على طووووول:)

[m_taha123]

كلام غير صحيح تماما ؟؟

[ibrahem]

سبحان الله ولا مره شفتك تتفائل


مع ان السوق ارتفع كثير وانت تقول نزول طيب ارتفاع اغلاق اليوم تقريبا 35 نقطه وبعد ماكان نازل بداية اليوم اكثر من 200 نقطه يعني تحرك 235 نقطه وش تسميه ؟؟ بعد بتقول نزول 30 اسبوع؟؟؟

[سهم طايش]

شكلك خايف على مصلحتنا واااااايد !! و قلبك علينا !!

اتمنى من الله ان الله يخيب ضنك

[شرقاوي]

http://www.swissrescue.ch/images/no_comment/no_comment.jpg

[متداول]

اخوي المستثمر الكويتي
انا ملاحظ عليك كل فترة تنط وتقول لنا كلمتين وتختفي اما موضوع اليوم ما شوف منه اي فايده شنهي النظرية الجديدة التي طلعت فيها وبعدين شنهي سالفة 3 سابيع يأخي اذا تعرف قولنا و فيدنا ؟اذا تعرف شنهو اللي بصير بعد 3 اسابيع تراك تصير نابغة ابي اصدق الكلام اللي تقوله بس صعبة صعبة.
وفي شي ثاني انا واحد ما يهمني طلع السهم ولا نزل بالنسبة لي ( انا واحد طويل بال بدال 3 اسابيع اعطيك 3 شهور ) وعلى فكرة هذا تعلمتها من السوق .

وسلامتكم ,,,,,,,

[مستثمر طموح]

قالها الكويتي قبل اسبوعين انة السوق بينزل نزلة خشنة ومحد صدقة الكل قام يضحــك علية

ومهما طال النزول يجية يوم ويرتفع بس تابعوا بعقلوكم ولا تابعوا بعو اطفكم ادرس الوضع فكر احسبة


واللة الموفق

[ابوعلي اليافعي]

الاخ الكويتي الرجاء نريد ان تكون التوقعات اكثر واقعيه ..وعدم استخدام اسلوبك المعتاد المتشائم وغير الواقعي ..والله اعلم عن الاسباب ...ولكن قمت بتعديل المشاركه فان اردتها كما هي او ان اردت قمنا بحذفها بالكامل...

[الخبير المالي]

الاخ الكويتي ياخي انت ليش كله تحبط المعنويات الحمدلله رب العالمين صحيح السوق كان نازل بس اليوم طلع وانشالله بكره بيطلع وتذكر نزوله كان نزول تصحيحي طبيعي حاله حال اي سوق بس حط في بالك انه ماوصل لمستوى سوق المناخ وانت عارف ذاك المستوى. ورجاء خاص اذا عندك كلام موضوعي خلنا نسمع لاننا مانبي محاكاه لسوق المناخ الكويتي

[ضايق الصدر]

شباب المسئلة كلها مسئلة تصحيح اسعار لا غير

اخوي المستثمر الكويتي

لو اخذنا مثلا سهم الصناعات الي لم يسمح للخليجين التداول به للان بيطيح مثلا
ولو ارتفع السوق كامل يرتفع لانة محرك السوق


نفس شركة المخازن عندكم بالكويت

ولا تنسى هناك شركات كبرى تريد تشتري وتمتلك حصص بالصناعات



وميرسي اخوي المستثمر الكويتي

[Banana]

:) مرررررحبا (ارفع راسك ياقطري فوق)

اخوتي هذا النزول مش هين ومضغوط على فترة بسيطه ياليت تدخلون على البيانات والتقارير وتقارنون بين الامس واليوم في عدد الاسهم وكم امتص السوق من سيوله مقبببببببببببببببلين على مهرجان انتعاشششششششششششي والسهم الذهبي هو القائد بإذن الله تفاؤل تفاؤل تفاؤل على وزن كواسر كواسر كواسر حواجز الاسعار. والله يوفق الجميع.
:) ويسلم لنا بومشعل راعي المكرماتي :)

http://www.diwan.gov.qa/images/the_amir/gallery/People/19.jpg

[دنيا الاسهم]

الاخت دنيا الاسهم للعلم هذه ثالث مشاركه تحذف لك بسبب اسلوبج غير اللائق فالرد..تنبيه احترام الاخرين ..شكرا

[ضايق الصدر]

والله صاجة يا اخت
موزة السويدي

[المراقب]

اليوم تحرك سهم صناعات وحرك معه بعض الشركات مثل وقود والتحويلية، وأظن بداية السعود تكون غدا، ويعود للسوق إنتعاشه وحركته.

وبالتوفيق للجميع

[roma27]

والله انا ابي اعرف ليش ساكتين عن المستثمر الكويتي ماكل من خيرنا مايشكر الله لا وعنده اسهم صناعات من ايام
التخصيص

[مغروور قطر]

السوووق ان شاء الله في انتعاش ومسكو اسهمك ماعليكم من سوالف ويسلمووو مستثمر كويتي

[ibrahem]

وينك ياأخ كويتي اشوفك اليوم ماطلعت؟؟ غريبه

وين ال 3 اسابيع تبعك؟؟

نحن في انتظار تحليلك للأيام القادمه على احر من جمر



تحياتي

[موادع قطر]

الله يكفينى شر نكبة سوق المناخ.......الحمد لله شركاتنى حقيقيه سوق المناخ كانت شركات وهميه..عندكم خبر؟

[almazam]

انا اعتقد ان السوق عرض وطلب
اذا ارتفع لازم ينزل
واذا نزل لازم يرتفع
عيل اشلون الناس تبيع وبتشتري

وانشالله سوقنا دايم خضر
باهل قطر

[alsahm 12]

يالربع سوق الاسهم مثل البالونه تنتفخ لين يوصل حدها وتنفش وترد تنتفخ مره ثانيه وعلى هذا المنوال :cool:

[qatary1]

الحمدلله مادام شيخنا بو مشعل مايهمنا
وثانيا اقتصاد البلد في ارتفاع
وطنش تعشششششش تنتعش

[ابوسعود]

مستثمر كويتي
سبق وان طلبنا منك التحليل بمنطقيه وذكر الاسباب
وعدم رمي العبارات التشاوميه ولكن
.........................بدون فايده

سوال بسيط
ما لمقصود من العبارات التي تطلقها كل اهليت علينا ؟؟؟

[alsahm 12]

اكيد المستثمر يبي الاسهم في القاع على شان ياخذها بارده مبرده لا والف لا سنجعل الاسهم ترتفع قبل دخول الاجانب فوف فوق في العالي :cool:

[مغروور قطر]

امين الله يسمع منك اخوي ويكون ااخضر على طووول

[x5x5]

!!!!!!!!!!!!!!!!!!!!!!!!!!!!!! واتمنى لكم التوفيق والربح الوفير !!!!!!!!!!!!!!!!!!!!!!!!!

يبا حدكم 7000 نقطه وبعد طلعت روح

وخلونا احنا نسرح ونمرح بل 11000 - 12000 نقطه

ههههههههههههههههههههههههههههههههههههههههههههه

[Banana]

:)


مررررررررحبا(ارفع راسك ياقطري فوق)

اخوتي مبرووووووووك عليكم الارتفاعات ومبررررروك لنا جميعا في الصناعات ارجوا من الجميع الاستماع للنصيحه التي مامنها غرض ولا دعايه ولا تقليل لاي شركة في البورصة كل الشركات ل2005 اوكي لان لها نصيب من مشروعات البلد واقتصادنا فوق الممتاز طبعا الصناعات لحد يفرط فيها وبعدين خلكم عاديييين لاتخوف ولا هلع ولا بابيع وباطلع لا السوق بينهار لابنصير مثل سوق المناخ ولا ولا ولا ؟؟؟؟؟؟؟؟؟ وكلام وتحليل واشاعات لا لها اول ولا تالي ركز على العرض والطلب وتداول وخل الامور عادية و25% و5% حماية لصغار المستثمريين .الله يحفظك ويطول في عمرك يابومشعل قولوا آمين يارب العالمين . طبعا نهاية 2005 اي اي ايه على قولت بوعليوي وبسنا فلوس خمسه الف سته الف على قولت سعد اسعار غير نمونه على قولت قحطه ههههه انتوا لاتنظرون للاجانب افراد لا انظروا لهم انشاء الله شركاتا شركاتا اسعار المليارديريه إلك .الله يعطينا ويعطيكم الف خير .هل العقارية الصبر زين والله انه مفتاح الفرج ليش انا ابيع بخساره اخذ توزيعاتها واجني ارباحها من الارتفاع واقول الحمدلله على كل حال انت الحين بنيت قاعده اختار الاسهم القياديه استراتيجية جديدة على قولت استاذنا القدير بشير الكحلوت مضاربة وشوي استثمار لابد منه على قولتى انا وعلى قولتهم شوي كذا وشوي كذاك. هل بنك الدوحه هنيالكم لازم اني اشتري فيه انشاء الله وبإذنه .والله يوفقنا جميعا.
:) ويسلم لنا بومشعل راعي المكرماتي :)

http://www.diwan.gov.qa/images/the_amir/gallery/People/19.jpg

[المستثمر الكويتى]

السلام عليكم

اتمنى ان الاخوه ما ياخذون مشاركاتى بهذه الحساسيه وانما هذه توقعاتى والناس فيها الرابخ والخسران واذا كلنا ربحنا من اللى يخسر هذا السوق وانا غير متشائم وانما هذه توقعاتى وحساباتى


بالنسبه لاخى مشرف منتدى النقاش تعديلك على العين والراس وانا لم اخطئ بحق احد الاخوه وانما هذه توقعاتى ربما لم تكن تصب فى مصلحه البعض او بالاحرى لم تكن توافق احلام اليقظه للبعض وانا لم اكن متشائم وكنت ابرر النزول بالاسباب

هل المطلوب منى ان غير تفكيرى واقوووول الكلام الذى يعاكس تفكيرى وتوقعاتى وذلك لمصلحة اشخاص اخرين

وهل اذا قلت ان السوووق راح ينزل انا الذى راح انزله او ارفعه طبعا لالالا


اما بالنسبه لسوق المناخ بالكويت فهو لان يحدث فى قطر لانه المسئولين فى قطر اخذووو الحيطه والدرس من الازمه المناخ التى حصلت فى الكويت وكان وقتها السبب بيع الآجل واذا حصل راح يكوووون على الخفيف ومش بالقوه التى حصلت فى الكويت


اللى ابى اوصله لكم عيشوووو بواقعيه مع السوق ترى ما فيه اقوى من طيحه الغافل واقنعوااا بالمقسووووم


اتمنى لكم التوفيق والربح الوفير وعسى سوقكم عامر واخضر



ويسلم لنا ابومشعل راعى المكرماتى اللى عطانا فرصه فى العمر وغيرنا شى فى حياتنا الماليه ونقلنا نقله نوعيه وخير قطر ما انساه


ومره اخرى اقول لاخوانى يماشى درب الزلق لاتامن الطيحه سهم يرفعك سما وسهم يقطك قاع





وعسا السوووووووووق باكر اخضررررررررررررررررررررررررررررر

[ابوعلي اليافعي]

اخوي مستثمر كويتي حياك الله..ونت لاحظت اني ماحذفت غير الكلام الي احس انه غير واقعي او فيه تشائم زايد عن الحد..وحياك الله مره ثانيه يالغالي..

[ضايق الصدر]

ان شاء الله اخضر بكرة
وياريت انشوف حول 400نقطة بكرة

[المستثمر الكويتى]

الله يرحبك يا الغالى وانا مش ما خذ بخاطرى ومتقبل النقد او التعديل وصدقنى والله انى ما اتمنى لكم الا كل خير


وتحياتى

[أبو محمد]

كلن يدز النار تحت قدره(جدره)

:mad: :)

[سهم طايش]

لو ينزل السوق لا سمح الله الاسبوع الجاي

بيطلع لكم المستثمر بيقول ما قلت لكم انا حذرتكم

في صعود السوق ما تشوف له عينه يختفي

[سهم عتيج]

يجب ان نحترم وجهة نظر الآخرين مهما كانت,, وقد تكون قراءة المستثمر الكويتي للسوق القطري قياسا على ما يحدث للسوق الكويتي,, لذلك فعندما يقول رأيه فانه يستند الى أدلة عايشها في سوق الكويت,, لذلك فانني احترم مايريد ان يوصله لنا,, وان حدث عكس ماقاله,, فهذا يحدث في كل مكان,, وقد تجري الأمور في بعض الأحيان مخالفة لتوقعات أفضل المحللين في العالم,, لذلك فانني اتمنى من الجميع سماع وجهة نظر جميع الآراء,, فان أعجبتنا أخذنا بها,, وان لم نقتنع بها فيجب علينا احترامها مهما كانت معاكسة لتوقعاتنا..

والله الموفق

[سهم طايش]

انا وياك سهم عتيج

بس هو الله يهداه كل مشاركاته فيها احباط و خسائر

[The Edge]

بصراحة ومن غير زعل ... أنا صرت وايد متشائم من تأثير كلامه .. عمره ما قال كلام أيجابي والواحد والعياذ بالله ممكن يشك في نواياه.. صحيح أني مؤمن بمبدأ حرية الرأي لكن أشوف أن شوي المسألة مب مريحة .. و بعدين يقول اللي يقوله وفي الاّخر يقول لك أنا والله أحبكم و أحب شعب قطر و أتمنى لكم الخير... أنا أدعوه الحين و بصراحة .. رجل لرجل أنه يصفي النية و نقول نبدأ بداية جديدة .. ترى في ناس هالكلام ممكن يأثر فيهم و بسهولة و طبعا الكل عارف بورصتنا ما تحتاج نفسيات !! و ألا شرايكم

[مستثمر طموح]

ما عليكم منة خلوة يتكلم اهم شي الثقة بالنفس والثقة بجدوي استثمارك بالشركة والثقة ببورصة قطر

والثقة باالناس اللي تدير اقتصاد البلد تعتقدون انهم بيسمحون بانخفاض السوق من 3/4 لااااااااااااااااا

البورصة تمثل سمعة قطر وسمعة اقتصادها

والافضل محد يرد علي موضوعة

[المسكين]

زين يالخبير عطيته على العوق (سوق المناخ)

[شاهيناز]

السوق القطري صعب التوقع فيه

والله يكتب الي فيه الصالح


بس الي مب فاهمته في كلام المستثمر ليش الثلاث اسايبع

ليش ماتكون اسبوعين اسبوع
مب فاهمه :confused:
وسلامي

[السهم الفضي]

مايهزك ريح
واقتصادنا قوي
وشركاتنا في الاصل مايبي لها مستثمرين من الخارج لنها بعون الله قويه قويه .
مايهزك ريح .

[الخبير المالي]

اختي شاهيناز .....لان المستثمر اصلا جايب ال3 اسابيع من عنده ولايستند الى اي معلومات او بيانات مالية عن السوق ومع احترامي الشديد لرأيه اتحدى اي محلل يقدر يحلل السوق القطري على الاقل لفترة الاسبوعين القادمين وانشاالله سوقنا بخير.

[المستثمر الكويتى]

ياجماعه السالفه مب حميه وهوشه يا جبل مايهزك ريح وحنا لها واذا نزل السوق راح يطلع الكويتى ويقول انا قلت لكم واذا صعد ذاك وجه الضيف

هذه توقعاتى ورائى واذا صعد الله يربحكم ويخيب ظنى ويوفقكم

واللى يقول عطيته على العووووق


الله يعز قطر ويحفظها من كل مكرووووه واغلب ثروتى كله من قطر


اما ليش 3 اسابيع هذا ظنى واتمنى انه ما ينزل وانا مب منجم او اعلم الغيب للمره الاخيره هذا توقع