المساعد الشخصي الرقمي

مشاهدة النسخة كاملة : استفسارات؟؟



راعي السهم الأول
17-12-2005, 07:51 PM
:deal:
عندي استفسار وياليت تفيدوني
:eek3:
صار لي فتره احاول اكلم اي حد من المسؤولين في وزارة الأقتصاد والتجاره للأستفسار ولكن للأسف
:confused:
اما محد يرد عالتلفونات او الخط مافيه حراره
:anger1:
طرشت لهم اميل بعد نفس الشي شدعوه وسائل اتصال عالفاضي
:con2:
قلت مالي غير المنتدى
:eek3:
وان شاء الله تفيدوني
:deal:
انا واحد ابفتح سجل تجاري جديد لمحل اثاث ومفروشات
ابي اعرف ايش الأوراق الثبوتيه اللي بحتاجها لهالمعامله
و
انا في خاطري اعمله موؤسسه بس ماني عارف في فرق في الأجراءات ولا نفس الشي
؟؟؟؟؟؟؟؟؟
:looking:
وابي اعرف الوزارة انتقلت للمبنى الجديد اللي قريب السيتي سنتر ولا عادهم فالقديم



:eek3:
انطر الفزعه

قطر
20-12-2005, 08:23 PM
السلام عليكم

ويامرحبا بك معانا

بالنسبة للوزارة فهي في البرج قريب الستي


بالنسبة للاجرائات والله ماعندي اي خلفيه لكن ان شاء الله احد الاخوان ايفيدونك:)

ونصيحة التلفون مايفيد لازم اتروح هناك وتسأل.

ويامرحبا:)

الـــخـــلـــيـــج
21-12-2005, 01:17 AM
.





اخوي راعي السهم الاول ...... تحياتي لك



اما بخصوص الاوراق اللازمه لاستخراج السجل فمن الافضل الذهاب الى الوزارة

ونصيحتي لك ان تفكر بالاستسراد من الصين للمنافسه




اتمنى لك التوفيق وتقبل تحياتي.

diamondman
21-12-2005, 04:02 AM
السلام عليكم ورحمة الله وبركاته ،،

أخوي راعي السهم الاول ، تفضل هذي المعلومات اللي عندي بخصوص السجل (يمكن فيه تغييرات والافضل اخوي انك تسأل احد المختصين بالوزارة ) :



معاملة السجل التجاري كامل= شهادة بنكية بقيمة رأس المال للشركة ( 200.000 ) وأكثر +عقد التأسيس موثق + عقد الإيجار + صور البطاقات والجواز.

إضافة فرع على السجل= صوره من السجل + عقد الإيجار للفرع + صورة من السجل الرئيسي والبلدية.

قانون وزارة الاقتصاد لا يسمح للموظفين الحكوميين بمزاولة أي نشاط تجاري ، لذا يطلب الموظف المختص في الوزارة عند تقديم المعاملة القيد في السجل التجاري ( صورة من جواز السفر ) .

وبخصوص العاملين في الهيئات الحكومية والشركات العامة ، فلا يشملهم القانون المشار إلية ، وللحصول على ( السجل التجاري ) يجب إرفاق صور من بطاقة العمل بالإضافة للمستندات المطلوبة .

( شرط أساسي ) للحصول على السجل التجاري يجب تأجير عقار ليكون مقر الشركة أو المؤسسة ( محل ، مجمع ، فيلا ..) وأن يكون مرخص من البلدية ( تجاري ).

وهذي موقع وزارة التجارة والاقتصاد ،
http://www.mec.gov.qa/catalog/catalog.php?BID=21&ID=56

وموقع غرفة التجارة : http://www.qcci.org/



وبخصوص استفسارك عن المؤسسة تقدر تسأل باحد المكاتب المحاماة المختصة بشؤون تأسيس الشركات والمؤسسات !!، وفي قانون بشأن الشركات اللي هو قانون رقم 5 لسنة 2002 بإصدار الشركات التجارية ، وأشكال الشركات اتي تؤسس بالدولة هي :
1- شركة التضامن.
2- شركة التوصية البسيطة.
3- شركة المحاصة.
4- شركة المساهمة.
5-شركة التوصية بالاسهم .
6- الشركة ذات المسؤولية المحدودة.


وبالنسبة للاخ الخليج فعلا نصيحة قيمة جزاه الله خيرا، الاستيراد من الصين فيه مربح جيد ، هذي موقع فيه كل البضائع والسلع بآسيا وخصوصا الصين اتمنى انك تستفيد ، اعتقد انه الموقع معروف : www.alibaba.com

وارجوا من الله سبحانه التوفيق لك ولجميع الاعضاء ويرزقهم من الحلال الطيب !!

ان شاء الله تستفيد من المعلومات واذا فيه خطأ في المعلومات الرجاء التنبيه والتصحيح ..

راعي السهم الأول
21-12-2005, 06:18 PM
شكراااااا على الرد الأول والنصيحه مسموعه شكراااااا
:eek3:
تحياتي

راعي السهم الأول
21-12-2005, 06:20 PM
شكرااا عالمرور الطيب والرد والنصيحه مسموعه شكرااا
:eek3:
تحياتي

راعي السهم الأول
21-12-2005, 06:21 PM
شكرااا عالمرور والرد المقنع دمت شعلة نشاط شكرااا
:eek3:
تحياتي