المساعد الشخصي الرقمي

مشاهدة النسخة كاملة : مرض الكحة المتواصله!!!!!


سهم مديون
21-01-2009, 11:16 PM
ابني يبلغ من العمر 5 سنوات من حوالي خمسة ايام صابته كحة متواصله وخاصة اثناء الليل وديته امس لعيادة الدكتور مهند قال : ولدك معه حساسية صدر وعطاني علاج ولكن دون فايدة الى هذه اللحظة !!!!
من يعطيني نصيحة او ارشاد في علاج هذه الكحة ادعي له في الثلث الاخير من الليل .
ريان
21-01-2009, 11:28 PM
العيال كلهم نفس الشي وهذا من الجو البارد

الله يشافيه ويعافيه ان شاء الله
المشط
21-01-2009, 11:32 PM
ابني يبلغ من العمر 5 سنوات من حوالي خمسة ايام صابته كحة متواصله وخاصة اثناء الليل وديته امس لعيادة الدكتور مهند قال : ولدك معه حساسية صدر وعطاني علاج ولكن دون فايدة الى هذه اللحظة !!!!
من يعطيني نصيحة او ارشاد في علاج هذه الكحة ادعي له في الثلث الاخير من الليل .

ولدي نفس الشي كحه متواصله طول اليوم

وديته عند د/ مهند : قال لي نفس الكلام حساسيه في الصدر وعطاني علاج مع بخاخ للصدر


الله يشفي ولدك ويشفي ولدي وكل المسلمين
اهل قطر
21-01-2009, 11:41 PM
اخواني انتبهوا من العيادات الخاصه ما وراها الا الادويه الي تضر كرتيزون وغيره

هالكحه تاخذ وقت لين تروح لانها تكون في البلعوم مرات ومرات في الصدر
من تجربتي السوايل الدافيه زينه والينسون والحبة الحلوة
والعسل زين بعد
ومرات يكون الولد في فراشه ماده تزيد الحساسيه
اذكر واحد من عيالي اكتشفنا ان جاكيته من مواد صناعيه من يلبسه يكح
والثاني مستحيل ينام على فراش بوليستر لابد قطن
وانا شرب حليب طويل الامد وخاصه الي بشكولاته تبداء عنده ازمة ربو
الله يشفيه ويعافيه
غيروا كل الضروف حوله
وودوه المركز الصحي والا السد ابرك من الخاص على الاقل مالهم مصلحه
الارض
21-01-2009, 11:43 PM
اخوي باقولك وصفه انا مجربتها على عيالي وان شاءالله تفيد ولدك
تاخذ بصله وتقشرها وقصها نصين ونقعها في غرشة عسل طبيعي وقبل النوم تعطيه ملعقه منها
انا من زمان اعطيها عيالي اذا فيهم كحه والحمدلله تهدي الكحه وينامون
والله يشفي ولدك ان شاءالله
الوعب
21-01-2009, 11:45 PM
ابني يبلغ من العمر 5 سنوات من حوالي خمسة ايام صابته كحة متواصله وخاصة اثناء الليل وديته امس لعيادة الدكتور مهند قال : ولدك معه حساسية صدر وعطاني علاج ولكن دون فايدة الى هذه اللحظة !!!!
من يعطيني نصيحة او ارشاد في علاج هذه الكحة ادعي له في الثلث الاخير من الليل .

في نوعين من البخاخ

واحد للحساسيه والثاني واقي وانا استخدمه لبنتي والحمدالله

روح طوارئ السد احسن لك
theeb_qatar
21-01-2009, 11:49 PM
اخوي باقولك وصفه انا مجربتها على عيالي وان شاءالله تفيد ولدك
تاخذ بصله وتقشرها وقصها نصين ونقعها في غرشة عسل طبيعي وقبل النوم تعطيه ملعقه منها
انا من زمان اعطيها عيالي اذا فيهم كحه والحمدلله تهدي الكحه وينامون
والله يشفي ولدك ان شاءالله


السلام عليكم
انا صار لي الحين اسبوعين تقريبا
ما انام عدل ..
لازم بعد كل نفسـين او ثلاث ... اكح
يعني مستحيل 5 دقايق بدون كحه .. خصوصا وانا بنام ...
احس ان في شي في بلعوومي ... يمسك الهوى يخليني اكح غصب
عشان يمر الهوى ... !!

بجرب هالطريقه ...
دام ان عندي شوية عسل


ولو تعرفوون دكتوور ممتاز ... خبرووني ...
لان انا كل سنه .. فالشتى .. اتعذب ... وماحس بطعم النوم
الا بعد نص ساعه ولا ساعه ع الفراش وانا اكح كل شوي ...

وجزاكم الله خير
والله يبعد عنكم هالامراض الخايسه
ام الذيب
21-01-2009, 11:54 PM
اذا الكحه اللي في الصدر جرب تعطيه علوج البان عالريج وقبل الرقاد أو تعطيه قفشة عسل

اخذ لك علوج البان من أي حواج وفوحه بماي وحط عليه قفشة كركم صغيره وعقب مايبرد حطه بغرشه وقبل الرقاد والصبح عطه شوي في بياله .. ان مافاده ماراح يضره ..

وربي يشفيه ان شاءالله


السلام عليكم
انا صار لي الحين اسبوعين تقريبا
ما انام عدل ..
لازم بعد كل نفسـين او ثلاث ... اكح
يعني مستحيل 5 دقايق بدون كحه .. خصوصا وانا بنام ...
احس ان في شي في بلعوومي ... يمسك الهوى يخليني اكح غصب
عشان يمر الهوى ... !!

بجرب هالطريقه ...
دام ان عندي شوية عسل


ولو تعرفوون دكتوور ممتاز ... خبرووني ...
لان انا كل سنه .. فالشتى .. اتعذب ... وماحس بطعم النوم
الا بعد نص ساعه ولا ساعه ع الفراش وانا اكح كل شوي ...

وجزاكم الله خير
والله يبعد عنكم هالامراض الخايسه


انا نفسك ومريت بهالحاله وتوني هالايام صرت بخير

تعرف يوم عذبتني الكحه لمدة اسبوعين اش سويت ؟؟

حطيت في قاع ريلي ( الله يعزك ) فكس ولبست دلاغات لأني من فتره قريت ان هالطريقة تنفع مع الكحه والله العظيم من سويت هالطريقة بدت الكحه تخف يومين وراحت وصرت ارقد عدل ولله الحمد ..

وربي يشفي كل مرضى المسلمين
الوعد2016
21-01-2009, 11:58 PM
العيادات الخاصه نصيحه لاحد يروح لها لانهم على طول يعطون مضاد حيوي ومن النوع القوي عشان الكل يقول انه دكتور ممتازومع الوقت يضر الاطفال
وهذا انا كنت بخسر الولد بسببهم
وللعلم كل العيادات الخاصه الكبيره والمستشفيات الخاصه الكبيره كنت اودي الولد لهم وفي الاخير كلهم تهربوا من الموضوع وتحويل لمستشفي حمد
ومستشفي الاطفال في السد يعطي ادويه بس مش مركزه حتى ماتضر الاطفال واذا اشتد المرض يصرف الدواء المناسب لقوة المرض
واذا بتراجع السد بيعطونه اكسجين وبيكون من خلاله دواء
والاهم اذا الولد يكح عليك بضرب الظهر والصدر اثناء الكحه وبعدها ضرب خفيف
او امه تضربه ضرب خفيف وتكون الكف على شكل مقوس او كانك بتشرب من غدير او نهر

ومايشووف اولدك شر ولا اخوانه ولا اطفال المسلمينوالمسلمات
واسئل الله العظيم ان يشفيه
واسئل الله العظيم ان يشفيه
واسئل الله العظيم ان يشفيه
واسئل الله العظيم ان يشفيه
واسئل الله العظيم ان يشفيه
واسئل الله العظيم ان يشفيه
kare
21-01-2009, 11:59 PM
اذا الكحه مصحوبه بلغم عليك بعلج البان حطه في غرشة ماي صحه صغيره وكل شوي شربه منها
علج البان بيذوب البلغم الي في صدره وحتمال يزوعه وبتخف الكحه بسرعه^^
الطريقه نستخدمها وفعاله مع الكبار والصغار^^
الكاسر007
22-01-2009, 12:02 AM
لاتعطون عيالكم مشروبات باردة ولا تطلعونهم الحوش وان شاء الله ما يسير لهم الا كل خير


وعليكم بالمشروبات الدافية والسحلب افضلهم للكبار والصغار
أم ريليه
22-01-2009, 12:33 AM
أخوي الكريم الكحه لها اسباب كثيرة والحساسيه لها مثيرات منها نزله فيروسيه وممكن بداية الجريب واحيانا بعض الاطعمة .واحيانا ما يبين مع الطبيب السبب بالضبط خاصة اذا خذته بسرعه للطبيب والاعراض ما ظهرت فارجع لنفس الطبيب وعلى الاغلب الي عطاك من شراب فيه انتي هستامين واذا بخاخ اكيد ما فيه كرتيزون لانه كان بيحرص عليك انك تستعمله لمدة سبع ايام بس .
اذا الكحه جافه مع حراره خفيفة نزله فيروسيه
الكحه مع صوت وزيز غالبا ربو وفي انواع من الربو وايد لا حصر لها وفي نوع بس في الاطفال وبعدين يزول لما يكبر .
كحه مع بغم وحراره عاليه التهاب بكتيري .
كحه جافه لفتره بدون اي اعراض حراة او مفرزات شفافه من الانف حساسيه من شي جديد في الغرفه بخور سجاد وفي فحوص تكشف لك السبب بالتحويل لطبيب متخصص بامراض الحساسيه .
وافضل شي راجع طبيبك وانشالله خير وكل الحالات السابقة بالمتابعه والاهتمام بسيطه وما تخوف الله يحفظه لك
فلفل حار
22-01-2009, 01:25 AM
ماعندي خبر ولا كان افدتك

بس حبيت اقولك الله يشافيه ويعافيه ان شاء الله

ومايشوف شر اخوووي :)
eXpert*
22-01-2009, 01:50 AM
الله يشفي ولدك وجميع اولاد المسلمين

عزيزي خذ لك ملعقة عسل وذوبها في كوب من الماء الدافئ . وخل الصغيّر يشرب منه وشوي شوي بتخف الكحة ان شاء الله .
ريميه
22-01-2009, 01:53 AM
الله يشفى ولدك

فى فيلاجيو محل مقابل كارفور اسمه الاصالة يبيع عسل للربو

عبارة عن عسل سدر اصلى مع حبة البركة انا جربتة والحمدلله استفدت منه

مايشوف شر ان شاءالله
sidokotbi
22-01-2009, 01:59 AM
في دكتور حق الاطفال في مركز مدينة خليفة الطبي
دكتور ممتاز جدا وعنده خبرة كبيرة وهو عراقي واسمه الدكتور نياز الصراحة انا ما ارتاح الا اذا تعالجت عنده
وصار مرة جاتني نفس الكحة والحمد لله ارتحت منها
والله يشفي ولدك وجميع المسلمين يارب واخواننا في غزة
آمين
ام علي1981
22-01-2009, 02:07 AM
علاج الكحة والبغلم عند الطفل

1-ملعقة صغيرة يانسون وتوضع في ملء كوب ماء مغلي وتترك مغطاة لمدة عشر دقائق ثم يصفى ويشرب مرة في الصباح واخرى في المساء لعلاج الكحة والسعال والبلغم.
2-تناول الملفوف والبصل لطرد البلغم.
3-تناول الأدوية الموصوفة من قبل الطبيب
4-اللعب والجري لتوسيع القصبات الهوائية ولطرد البغلم
والف لا باس عليه
والله انا اولادي مايخفون لا من الكحة ولا الاحتقان ولامن الموضة الجديدة التهاب الاذن الوسطى
ام الحلوين
22-01-2009, 10:11 AM
ابني يبلغ من العمر 5 سنوات من حوالي خمسة ايام صابته كحة متواصله وخاصة اثناء الليل وديته امس لعيادة الدكتور مهند قال : ولدك معه حساسية صدر وعطاني علاج ولكن دون فايدة الى هذه اللحظة !!!!
من يعطيني نصيحة او ارشاد في علاج هذه الكحة ادعي له في الثلث الاخير من الليل .

السلام عليكم
شفى الله ابنك
من خبرة اخوي اول علاج لولدك( الدفا) الشراب ماينفصخ من رجيله اكرمكم الله
ثاني شي الاخوان قالو لك علك اللبان(الذكر) ينقع مه مره والله ياخوي من تجربه
عندي بنت وفضل من الله والمنه من قوة الربو كانت تتنوم بالعنايه المركزه وسبحان الله صار الماي الي تشربه هو منقوع علك اللبان والمره والحمدلله يارب لك الحمد والشكر خفت كحتها صارت تجيها مواسم ونرجع على منقوع اللبان وتروح عنها
اكيد الدكتور عطاك دورا (زيرتك) هذا زين قبل النوم
شفاه الله وعافاه
qatari_xp
22-01-2009, 10:32 AM
ابني يبلغ من العمر 5 سنوات من حوالي خمسة ايام صابته كحة متواصله وخاصة اثناء الليل وديته امس لعيادة الدكتور مهند قال : ولدك معه حساسية صدر وعطاني علاج ولكن دون فايدة الى هذه اللحظة !!!!
من يعطيني نصيحة او ارشاد في علاج هذه الكحة ادعي له في الثلث الاخير من الليل .


اول شي مايشوف شر ان شاء الله

ثانيا وده عند الدكتور محمد علي شحاته وبفضل الله سبحانه وتعالى راح يشخصه التشخيص السليم

وبيعطيه الدواء المناسب له ان شاء الله
على العهد
22-01-2009, 10:47 AM
جربي العسل اختي

اضنه زين

بس عسل طبيعي,,ورجعيه حق دكتوره وقولي له انه الكحه ماراحت

ابعديه عن اللعب فالغبار خاصه اليوم ويكند ويجتعون اليهال


الله يعيينج ويشفييه يارب
كينيا
22-01-2009, 10:55 AM
فيه دواء اسمه بلسم في الصيدليات حق لصغار مرسوم عليه برتقاله وهو عباره عن مجموعة من الاعشاب ممتاز جربته لولدي وحتى جدتي والحمدلله وفيه منه حق لكبار وسعره 9 ريال يابلاش
وايضا العسل مع عصير بصل 10 مل 3 مرات في اليوم احلا وأحلا والله يشفيه:nice:
**قطـــــر**
22-01-2009, 11:04 AM
ابني يبلغ من العمر 5 سنوات من حوالي خمسة ايام صابته كحة متواصله وخاصة اثناء الليل وديته امس لعيادة الدكتور مهند قال : ولدك معه حساسية صدر وعطاني علاج ولكن دون فايدة الى هذه اللحظة !!!!
من يعطيني نصيحة او ارشاد في علاج هذه الكحة ادعي له في الثلث الاخير من الليل .


نفس المشكلـه عندى بس الطفل عندى عمره 3 شهوووور صارت معاه كحــه قويه لحد الإختناق مصاحبه معاها أعزكم الله بلغم وزكام

وديته للدكتور مهنـد ولا فاد

وديته للدكتور محمد شحاتــه وعطانى أدويــه ولا فادت

رحت للسد وعطانى فنتالين بخاخ وبصراحــه إرتاح عليه بس أنا كنت خايف منــه لمضار حكوا لى عنها

عقب رحت لدكتور مرسى كان تشخيصه جيد وعطانى دواء وقال لى بعد 5 أيام تعال لأن إذا مافاد على قولته عنده برنامج يسويه وفيه واحد جربه وتعافى بإذن الله ولـده
قلت بمشى على كلام هالدكتور وأشوف

بعد مارجعت للبيت



وديته حق جــدته لأنها كانت تبيه ويوم شافته قالت هالدكاتره كل اللى عندهمـ,, خرابيط.>>:)

ونقعـت له لبان فى غرشه ماى والحمـد لله بعد فتره بدى يجيب مفعــول معاه وقالت لى بعد ماتحس أن الكحــه والبلغم خفوا عنــه شوى

إخذ لكـ, ((مُـــره )) ودخنــــه عليها وبإذن الله يطيب .. عاد انا البارح قلت يالله بدخنـــه على مُـــــــــره ويوم دخنتـــه عليها قام كل شوى يكح ويطلع بلغم يمكن أكثر من 5 مرات وبعدها نام نومــه هنيـــه :)

إذا كانت حالت ولدك مشابــه أنصحك فيهـــــــأ :)

الله يشافيه ويشافى عيال المسلمين أجمعيــــن
ابوعبدالعزيز
22-01-2009, 11:32 AM
نصيحة لك الغالي ود ولدك عند الدكتور خالد الشيخ متخصص في أمراض الصدر ، مهند وايش عرفه ابحساسية الصدر .

تحياتي .
عبدالله العذبة
22-01-2009, 11:39 AM
وديته حق جــدته لأنها كانت تبيه ويوم شافته قالت هالدكاتره كل اللى عندهمـ,, خرابيط.>>:)

ونقعـت له لبان فى غرشه ماى والحمـد لله بعد فتره بدى يجيب مفعــول معاه وقالت لى بعد ماتحس أن الكحــه والبلغم خفوا عنــه شوى

إخذ لكـ, ((مُـــره )) ودخنــــه عليها وبإذن الله يطيب .. عاد انا البارح قلت يالله بدخنـــه على مُـــــــــره ويوم دخنتـــه عليها قام كل شوى يكح ويطلع بلغم يمكن أكثر من 5 مرات وبعدها نام نومــه هنيـــه :)

إذا كانت حالت ولدك مشابــه أنصحك فيهـــــــأ :)

الله يشافيه ويشافى عيال المسلمين أجمعيــــن


هذا الكلام مُجرب وجزاك الله خير. :nice::nice::nice:
قطري كاشخ
22-01-2009, 12:04 PM
السلام عليكم ورحمة الله وبركاته
اختي انصحك بالبان ذكر تنجعينه بالماي وعجبها تعطينه ولدك وان شاء الله يطب
هذا عن تجربه اختي لبان ذكر .
قطر 95
22-01-2009, 01:44 PM
هلا اختي وديه عند دكتور توماس الهندي علاجه زين
ذيبه مزاجيه
22-01-2009, 01:58 PM
نفس معاناتي :(

من بدى هالشتا و انا عاني

والله يشفي عيالكم و اي احد مريض بهالمرض الممل :(

بجرب العسل مع اني ماحبه @_@
بترفلاي
22-01-2009, 02:31 PM
عطيه ماء الجوافه ...اغلي بعض الورق وشربيه الماء واايد مريح ويطلع البلغم اللي في الصدر ...وعندج بعد العلك البان الذكر لأنه مره انقعيه وشربيه الماء
والله يشفيه يارب
حبر سري
22-01-2009, 03:25 PM
والله اخوي يمكن من الجو
انت اهم شي استمر عالعلاج
وباذن الله يطيب الولد
واجر وعافية
غير البشر
22-01-2009, 03:44 PM
ابني يبلغ من العمر 5 سنوات من حوالي خمسة ايام صابته كحة متواصله وخاصة اثناء الليل وديته امس لعيادة الدكتور مهند قال : ولدك معه حساسية صدر وعطاني علاج ولكن دون فايدة الى هذه اللحظة !!!!
من يعطيني نصيحة او ارشاد في علاج هذه الكحة ادعي له في الثلث الاخير من الليل .

السلام عليكم اخوووي

الله يشفيه يارب ويعافيه ويحفضه ويخليه لكم

اول شي ااذا كان ولدك يروح الروضه او المدرسه عطه اجازه اجباريه

لين تتاكد انه صار بخير

لان يمكن يكون فايرس في جو المدرسه كل ماتخف الكحه ترجع له

حتى لو استعملت معاه جميع الادويه

صارت مع بنتي كحه تقريبا 3 شهوور

تروح عنها يوم وترجع لها

لين بعدين عرفنا ان جو الروضه به فايرس

ثاني شي في الصيدليه دواء كحه ناسي اسمه بحاول انزل لك الصوره اليوم ان شاء الله

الدواء هو غرشه لونها بني وفيها صوره ورقه خضاء معروفه في الصيدليه

روح جربها

اللله يشفيها يارب
فيزيائية
22-01-2009, 04:24 PM
الله يشفيه
بالاضافة للاخوان
انا سمعت مرة خبير الاعشاب يتكلم عن فائدة زيت السمسم للصدر
وبالفعل جربته لبنتي الصغيرة مسح لرقبتها وصدرها وظهرها
ماشاء الله بالاضافة لعسل الطبيعي مع الماء
سهم مديون
22-01-2009, 06:59 PM
الجميع من غير اسثناء قواكم الله وشكرعلى بادرتكم الطيبة وتفاعلكم حفظكم الله وحفظ ابنائكم يارب !
ALRAYYAN
22-01-2009, 07:25 PM
الله يشفي لك ولد ويشفي كل مريض يارب

الاخوان والاخوات ماقصروا
مرسيدس
24-01-2009, 06:52 PM
فيه ريقة مجربتها تهدئ الكحة كم ساعة وخاصة في الليل
تمسح باطن الرجل بفكس وتلبس جوارب سميكة وبعد 10 دقايق بتلاحظ الفرق وهذا مش علاج بس انه مهدئ للكحة