المساعد الشخصي الرقمي

مشاهدة النسخة كاملة : يا حريم كيف تأمنون رجالكم!!


المخفي
22-01-2009, 06:14 AM
السلام عليكم
أكثر الحريم يعمل صباحاً و كثير من الرجال يشتغل شفتات (ورادي) يا اما في المصانع او في العسكرية و أوقات الشفت (الوردية) تتغير يا تكون أيام صباح و ممكن أيام تكون عصر أو ليل و يمكن أيام الراحة تصادف وسط الأسبوع فكيف يا الحريم الي تشتغلون في الصباح تأمنون رجالكم انهم ما يسون شئ غلط مع الشغالة حتى لو كان الرجل أخلاقه طيبة ممكن الشغالة تتحرش فيه خصوصاً اذا البيت ما فيه حد غيره و غيرها و أنتوا أدرى بالشغالات و حركاتهم و أن كثير منهم لا حيا و لا دين و أكثرهم حاط عينه على الرجل الخليجي مثل حالات كثيرة ما صارت

فأيش رايكم يا حريم :D

نهاية أسبوع سعيدة
بومحمد911
22-01-2009, 06:19 AM
انا معاك يا المخفي في هذا الموضوع

ما ينفع عقب اذا طاح الفاس بالراس

وشكرا على الموضوع
بوعلي2
22-01-2009, 06:22 AM
موضوع خطير الله يعين

نستمع لكلام الحريم


ويعطيك العافيه
جرير
22-01-2009, 06:45 AM
خلاص ما فيه الا ان الحريم يبطلون شغل . . . . او ان الخدمات يبطلون شغل ويردون بلاادهم

خاصه اذا كانو الزوجين توهم شباب ما عندهم عيال . . . ماله داعي للشغاله . . . .

وجذي بتنحل المشكله . . . اما اذا ما يبون هالشي خلاص خل الزوجه تتحمل عواقب هالشي

خاصه لو كان الزوج من النوع المشكوك في امره . . . . وان شالله مافيه شي في النهايه

الرجال اكثرهم يحبون حريمهم ولايفرطون فيهم عشان خدامه او غيرها .....
Gold Boy
22-01-2009, 07:10 AM
الرجال اكثرهم يحبون حريمهم ولايفرطون فيهم عشان خدامه او غيرها .....

:nice:
السيف872
22-01-2009, 07:24 AM
انا اقول الحريم مكانهم البيت
PRINCESS
22-01-2009, 07:30 AM
صباح الخير
هو الرجال اذا فكر يغلط او يخون ضروري يخون مع الخادمه او في البيت تحديدا؟؟
يااخي عندنا مثل يقول اللي عنده رجلين ماينحلف عليه فهمتو المثل ولا اترجم؟؟
يعني دامه يطب ويطلع وعنده سياره ويشوف ناس مو ضروري ينتظر الخدامه حتى يخون...اللي عنده قابليه للخيانه يخون ..مع الخدامه او مع غيرها وان قعدت حرمته بالبيت او اشتغلت كله واحد عنده...صح ولا انا غلطانه؟؟
تقبل مروري:)
شويهينــه
22-01-2009, 07:56 AM
صباح الخير
هو الرجال اذا فكر يغلط او يخون ضروري يخون مع الخادمه او في البيت تحديدا؟؟
يااخي عندنا مثل يقول اللي عنده رجلين ماينحلف عليه فهمتو المثل ولا اترجم؟؟
يعني دامه يطب ويطلع وعنده سياره ويشوف ناس مو ضروري ينتظر الخدامه حتى يخون...اللي عنده قابليه للخيانه يخون ..مع الخدامه او مع غيرها وان قعدت حرمته بالبيت او اشتغلت كله واحد عنده...صح ولا انا غلطانه؟؟
تقبل مروري:)

:nice::nice::nice:
كلامج صح

اللي يبي يسوي شي بيسويه سواء في البيت او برا البيت

اهم شي الخوف من رب العالمين والثقه بين الزوجين
a.a.a.qatar
22-01-2009, 08:06 AM
موضوعك حساس بالذات خدامات هالايام يجونك مبلتعات عدل .. وما يخافون من احد واكثريتهم يحاولون يفرون عقل المعزب بس عشان المعزبه ما تصرخ عليهم ويشتغلون على راحتهم والله يعين الحريم الي يعيشون هالواقع
بس الحمدلله زوجي دوامه كله الصباح وانا نفس الشي وان غاب يوم عارضه والا بعيد الشر مريض :) قعدت معاااااااااااااااااااه يعني بالعربي مافي فكه وراه وراه
عنيــــد
22-01-2009, 08:11 AM
مع خدامه عاد ؟؟

اتوقع هالزوج رخيص
شاي كرك
22-01-2009, 08:16 AM
قد يكون التركيز على الخدم بشكل أكبر لسبب الصفة " الذلّية " التي يتصف بها الخدم ويتميزون بها عن غيرهم .. إضافة إلى مسألة تواجد الزوج في بيته يمكنه من عمل ما يحلوا له ..

ولكن المصيبة الأعظم هي تلك التي تقع بين ربة المنزل والخدم.. :secret:
!قطريـة بنت القمـر!
22-01-2009, 08:28 AM
:) .... ولــد الاصــل راعي المبـاديء المتربـي ما ظنتـي يطالع خدامتــه مب اهانة للخدامه لانها انسانة ولها كرامتها وحقوقها ولكن لانه تربــى على اصــول معينه وكل انسان في النهايــة نتيجـة بيئته فإذا شاف قدره هالخدامه عليه بالعافيه :) .... واللي يشـوف ان زوجتــه هي الوحيــده اللي تستاهله فهذا بعــد قــدره .... شتـان ما بين يختــار الواحد صعـود الجبــل ولا طيحــة الحفــرة .... ولوعلي بامن على ريـلي بروحه لاني بخلي الخدامه عند امي لما اداوم :tease: .... وثانـي شــي بكـون واثقــه من زوجـي تماما وان سوى الغلط في ذمتـه لانه مب يـاهل ومسؤول عن نفسـه قدام اللـه سبحـانه :rolleyes: ....
قطريه ماركه
22-01-2009, 08:34 AM
هالموضوع يدعو للشك والظن .. إن بعض الظن إثم ..والاسلام منع هالأشياء..

( ولا تجسسوا )

والرجل لو عنده ذرة دين و إيمان .. ما بيلتفت أصلا لهالأشياء ..

لكن اذا كان عنده قابليه .. وينتظر اي حركه من ساقطه ... هذا الله يعينه على نفسه ..

بعدين عنده النظافه ويروح حق الوساخه .. خدااااامه اشلون الواحد ينزل نفسه حق خداامه لا راحت ولا جات

مذهبها وسييييع ..

واللي بيسوي الشي بيسويه نفس ما قالوا الأخوان في البيت والا برع ..

بس العنوان مش ولا بد .. دعوه صريحه للشك بين الزوج والزوجه !!!!!!!!!
مناحي السادس عشر
22-01-2009, 08:37 AM
مع خدامه عاد ؟؟

اتوقع هالزوج رخيص


هههههههههههههههههههههههه حلوه هذي رخيص
بومحمد22
22-01-2009, 08:52 AM
الله يعطيك العافيه يالمخفي
االبتاار
22-01-2009, 09:36 AM
كما تـدين تـدان
قطر 95
22-01-2009, 09:57 AM
خواتي
مره بصدفه اسال ناطور العماره عن شقه لايجار, قالي كل اللي في العمارة مسيار, استغربت اكثر الرجاجيل اللي ساكنيين القطريين .
ورقــة أمــل
22-01-2009, 10:18 AM
الخدامة غير عن الحريم اللي برى البيت فيه فرررق كبير
الخدامة تسويله الاكل وتغسل ثيابه وتشوف عياله وتنفذ طلباته من غير ما تقول لا بغض النظر انها تاخذ راتب على هالاشياء :omen2:

والزوج 24 ساعه شايفها رايحه جاية ومهتمة بالبيت فشلوون تبونه ما يتنزل لها او يعطيها ويه خصوصا لو هي فيها قدر من الجمال والدلع :victory: ؟؟؟ استغرب من بعض الردود اللي يقولون لو فيه خير ما نزل نفسه حق خدامه

شلون واحد يلاقي وحده قايمة ببيته ووحده في الشغل ولا بيت اهلها ولا ماتدري عن عيالها وما يقعد يقارن بينهم طبعا مستحيل!! :rolleyes2:

اذا المره مهتمة لبيتها وزوجها مستحيل الرجل ينظر لمرأة غيرها حتى لو خدامتهم بس لو المرأة مهملة ولو بشي بسيط الريال ما يصدق يصيد عليها شي ويدور غيرها


والله فلة التلوين باللون الاحمر :p
ضوى
22-01-2009, 10:22 AM
الخدامة غير عن الحريم اللي برى البيت فيه فرررق كبير
الخدامة تسويله الاكل وتغسل ثيابه وتشوف عياله وتنفذ طلباته من غير ما تقول لا بغض النظر انها تاخذ راتب على هالاشياء :omen2:

والزوج 24 ساعه شايفها رايحه جاية ومهتمة بالبيت فشلوون تبونه ما يتنزل لها او يعطيها ويه خصوصا لو هي فيها قدر من الجمال والدلع :victory: ؟؟؟ استغرب من بعض الردود اللي يقولون لو فيه خير ما نزل نفسه حق خدامه

شلون واحد يلاقي وحده قايمة ببيته ووحده في الشغل ولا بيت اهلها ولا ماتدري عن عيالها وما يقعد يقارن بينهم طبعا مستحيل!! :rolleyes2:

اذا المره مهتمة لبيتها وزوجها مستحيل الرجل ينظر لمرأة غيرها حتى لو خدامتهم بس لو المرأة مهملة ولو بشي بسيط الريال ما يصدق يصيد عليها شي ويدور غيرها


والله فلة التلوين باللون الاحمر :p


معاج بكل كلمة ، بس اختي مهما كانت الزوجة مهملة وخلافه هلى هذا مبرر للخيانة ؟؟؟ يعني ممكن يتزوج وهذا شئ بيده ، ممكن يسنع زوجته يخليها هي اللي تخدمه ، يعني لهالدرجة صاروا الرجال مايقدرون على حريمهم ؟؟ ياخي اكسر راسها ، تصرف معاها اشدعوة ؟؟ صاروا الحريم يمشون الرجال ؟؟ زمن والله
hemoud123
22-01-2009, 10:29 AM
نقول يالله بسترك بس
الصح انك تنصح الرجال ينتبهون على الحريم من الخدم سواقين وطباخين وغيره
روح المحاكم وشوف القضايا وشوف النسبه الازواج مع الشغالات والزوجات مع السواقين والله تمسك راسك , والسبب كله الاهمال
شوف اخوي القصه اللي ارسلتها لك على الخاص علشان تعرف احنا نصارخ في المكان الخطأ
تاجرة قطرية
22-01-2009, 10:44 AM
:omg::eek5::omg::eek5::omg::eek5::omg:

ليش أجيب خدامه أشتغل في بيتي أحسن لي

و اذا احتديت بستقيل من وظيفتي و بجابل بيتي <<< بغثي عليه :nice:

و مثل ماذكرتوا اللي يبي يسوي شي بيسويه
على العهد
22-01-2009, 10:49 AM
انت بهالموضوع بتخلي الحريم يكنسلون الخدم ويشتغلون بروحهم ههههه


الله يستر على الجمييع من هالخدم وبلاويهم


وربي يحفظكم يارب
تاجرة قطرية
22-01-2009, 10:56 AM
انت بهالموضوع بتخلي الحريم يكنسلون الخدم ويشتغلون بروحهم ههههه


الله يستر على الجمييع من هالخدم وبلاويهم


وربي يحفظكم يارب

:eek5: شنو يعني !!

من الاحسن انها تشتغل في بيتها أحسن << عشان من الملل تسوي له تحقيق كل ما دخل البيت هههههههههههههههههههههه

اي والله محد سلم منهم

حراميات

خربوطات

ساحرات و مشعوذات

و حتى بقلبها مافي رحمه على اليهال

حسبي الله عليهم

طبعا مو الكل

بعض الخدمات يجونك عكس هالكلام تماما
qqaattaarr
22-01-2009, 10:59 AM
ليش تسوي شي من لا شي
ورقــة أمــل
22-01-2009, 11:14 AM
معاج بكل كلمة ، بس اختي مهما كانت الزوجة مهملة وخلافه هلى هذا مبرر للخيانة ؟؟؟ يعني ممكن يتزوج وهذا شئ بيده ، ممكن يسنع زوجته يخليها هي اللي تخدمه ، يعني لهالدرجة صاروا الرجال مايقدرون على حريمهم ؟؟ ياخي اكسر راسها ، تصرف معاها اشدعوة ؟؟ صاروا الحريم يمشون الرجال ؟؟ زمن والله


بيني وبينج في رجال مايقدرون على حريمهم ولا تنسين القانون ما يلزم المرأة انها تطبخ ويلزم الرجل بتوفير خادمة وبالتالي في ضعاف نفوس يستغلون هالشي
وياكثررر القضايا والبلاوي في المحاكم واللي مايدري لا يقول حاله ولا حالتين الوف تجي بسبب هالامور التافهه
تقدرين تقولين في بعض البيوت فعلا المرأة تحكم الرجل :rolleyes2:
العقل الحر
22-01-2009, 11:19 AM
حرام عليك الحين الخدامات راحت عليهم
بيرونهم نار جهنم في الارض:omg::eek5::weeping:
Bo3oof_80
22-01-2009, 11:20 AM
ايش بلاكم على المخفي طايحين فيه طيحه الرجال حب

يحط الدوا قبل الفلع
خخخخخخخخخخخخخخخخخخخخخخخ:nice::nice:
شيزكيك
22-01-2009, 12:05 PM
وع قدر ويهم خدامات


والريال الامين يحفظ هله في وجودهم او غيبتهم
ام خليفة
22-01-2009, 12:39 PM
استغفر الله

اصلا مافي احد يسوي هالشي الا اللي نااقص دين ومايصلي وبايع الاخره ومن باع اخرته واشترى دنيااااه يتهنى في الناااار وعليه بالعافيه واللي مايصلي توقع منه اكثر بعد

انا من النوع اللي مافكر في هالاشيااا ولا اراااقب زوجي ووااثقه فيه لانه مايترك صلاااته وهالشي يطمن

والله يهدي الجميع
بلاهويـــــة
22-01-2009, 12:49 PM
مسكينة الزوجة اللي يخونها مع الخدامه واقول حق الزوج هذا قدرك

اكثر المتزوجات اللي يشتغلون هم اللي يصرفون على البيت
المخفي
22-01-2009, 04:05 PM
خلاص ما فيه الا ان الحريم يبطلون شغل . . . . او ان الخدمات يبطلون شغل ويردون بلاادهم

خاصه اذا كانو الزوجين توهم شباب ما عندهم عيال . . . ماله داعي للشغاله . . . .

وجذي بتنحل المشكله . . . اما اذا ما يبون هالشي خلاص خل الزوجه تتحمل عواقب هالشي

خاصه لو كان الزوج من النوع المشكوك في امره . . . . وان شالله مافيه شي في النهايه

الرجال اكثرهم يحبون حريمهم ولايفرطون فيهم عشان خدامه او غيرها .....

مشكور أخوي جرير على الرد الغرض من الموضوع تنبيه الحريم على خطر الخادمات


:nice:


انا اقول الحريم مكانهم البيت

أخوي السيف اذا قعدنا الحريم في البيت مين بيعالج حريمنا في المستشفيات و مين بيعلم بناتنا في المدارس


صباح الخير
هو الرجال اذا فكر يغلط او يخون ضروري يخون مع الخادمه او في البيت تحديدا؟؟
يااخي عندنا مثل يقول اللي عنده رجلين ماينحلف عليه فهمتو المثل ولا اترجم؟؟
يعني دامه يطب ويطلع وعنده سياره ويشوف ناس مو ضروري ينتظر الخدامه حتى يخون...اللي عنده قابليه للخيانه يخون ..مع الخدامه او مع غيرها وان قعدت حرمته بالبيت او اشتغلت كله واحد عنده...صح ولا انا غلطانه؟؟
تقبل مروري:)

اتفق معاك و لكن ممكن ان تدخل الخادمة على الرجل و تغويه و لو كان صالحاً


:nice::nice::nice:
كلامج صح

اللي يبي يسوي شي بيسويه سواء في البيت او برا البيت

اهم شي الخوف من رب العالمين والثقه بين الزوجين

حتى لو رجل يصلي و يصوم ممكن ان يعمل الحرام البعض و ليس الكل


موضوعك حساس بالذات خدامات هالايام يجونك مبلتعات عدل .. وما يخافون من احد واكثريتهم يحاولون يفرون عقل المعزب بس عشان المعزبه ما تصرخ عليهم ويشتغلون على راحتهم والله يعين الحريم الي يعيشون هالواقع
بس الحمدلله زوجي دوامه كله الصباح وانا نفس الشي وان غاب يوم عارضه والا بعيد الشر مريض :) قعدت معاااااااااااااااااااه يعني بالعربي مافي فكه وراه وراه

البعض منهم يأتي و عينه على المعزب للزواج حيث سيفتح باب الخير لها و لأهلها


مع خدامه عاد ؟؟

اتوقع هالزوج رخيص

و لماذا اليست الخادمة أنثى ؟
المخفي
22-01-2009, 04:30 PM
قد يكون التركيز على الخدم بشكل أكبر لسبب الصفة " الذلّية " التي يتصف بها الخدم ويتميزون بها عن غيرهم .. إضافة إلى مسألة تواجد الزوج في بيته يمكنه من عمل ما يحلوا له ..

ولكن المصيبة الأعظم هي تلك التي تقع بين ربة المنزل والخدم.. :secret:

لا توجد مصيبة أعظم من أخرى جميعهم مصائب كبرى حيث ما يحدث يعتبر زنا و هو من الكبائر و لكن المرأة الطرف الضعيف في العلاقة الزوجية و خوفاً من تشتت الأولاد ترضى و تقنع


:) .... ولــد الاصــل راعي المبـاديء المتربـي ما ظنتـي يطالع خدامتــه مب اهانة للخدامه لانها انسانة ولها كرامتها وحقوقها ولكن لانه تربــى على اصــول معينه وكل انسان في النهايــة نتيجـة بيئته فإذا شاف قدره هالخدامه عليه بالعافيه :) .... واللي يشـوف ان زوجتــه هي الوحيــده اللي تستاهله فهذا بعــد قــدره .... شتـان ما بين يختــار الواحد صعـود الجبــل ولا طيحــة الحفــرة .... ولوعلي بامن على ريـلي بروحه لاني بخلي الخدامه عند امي لما اداوم :tease: .... وثانـي شــي بكـون واثقــه من زوجـي تماما وان سوى الغلط في ذمتـه لانه مب يـاهل ومسؤول عن نفسـه قدام اللـه سبحـانه :rolleyes: ....

ممكن أن يزني الرجل مع أمراة ذات مقام كبير او ذات جاه وليس الخادمة فكلا الحالتين يعتبر زنا


هالموضوع يدعو للشك والظن .. إن بعض الظن إثم ..والاسلام منع هالأشياء..

( ولا تجسسوا )

والرجل لو عنده ذرة دين و إيمان .. ما بيلتفت أصلا لهالأشياء ..

لكن اذا كان عنده قابليه .. وينتظر اي حركه من ساقطه ... هذا الله يعينه على نفسه ..

بعدين عنده النظافه ويروح حق الوساخه .. خدااااامه اشلون الواحد ينزل نفسه حق خداامه لا راحت ولا جات

مذهبها وسييييع ..

واللي بيسوي الشي بيسويه نفس ما قالوا الأخوان في البيت والا برع ..

بس العنوان مش ولا بد .. دعوه صريحه للشك بين الزوج والزوجه !!!!!!!!!

على أي أساس يجتمع الرجل مع أمراة أجنبية و ان كانت تعمل خادمة في منزله هل تعتبر من المحارم


هههههههههههههههههههههههه حلوه هذي رخيص

حياك الله أخوي على المشاركة


الله يعطيك العافيه يالمخفي

الله يعافيك


كما تـدين تـدان

بارك الله فيك يا أخوي البتار


خواتي
مره بصدفه اسال ناطور العماره عن شقه لايجار, قالي كل اللي في العمارة مسيار, استغربت اكثر الرجاجيل اللي ساكنيين القطريين .

مشكور على المشاركة يا قطر


الخدامة غير عن الحريم اللي برى البيت فيه فرررق كبير
الخدامة تسويله الاكل وتغسل ثيابه وتشوف عياله وتنفذ طلباته من غير ما تقول لا بغض النظر انها تاخذ راتب على هالاشياء :omen2:

والزوج 24 ساعه شايفها رايحه جاية ومهتمة بالبيت فشلوون تبونه ما يتنزل لها او يعطيها ويه خصوصا لو هي فيها قدر من الجمال والدلع :victory: ؟؟؟ استغرب من بعض الردود اللي يقولون لو فيه خير ما نزل نفسه حق خدامه

شلون واحد يلاقي وحده قايمة ببيته ووحده في الشغل ولا بيت اهلها ولا ماتدري عن عيالها وما يقعد يقارن بينهم طبعا مستحيل!! :rolleyes2:

اذا المره مهتمة لبيتها وزوجها مستحيل الرجل ينظر لمرأة غيرها حتى لو خدامتهم بس لو المرأة مهملة ولو بشي بسيط الريال ما يصدق يصيد عليها شي ويدور غيرها


والله فلة التلوين باللون الاحمر :p

بارك الله فيج يا أختي و ردج هذا يدل على عقلج و رزانتج


معاج بكل كلمة ، بس اختي مهما كانت الزوجة مهملة وخلافه هلى هذا مبرر للخيانة ؟؟؟ يعني ممكن يتزوج وهذا شئ بيده ، ممكن يسنع زوجته يخليها هي اللي تخدمه ، يعني لهالدرجة صاروا الرجال مايقدرون على حريمهم ؟؟ ياخي اكسر راسها ، تصرف معاها اشدعوة ؟؟ صاروا الحريم يمشون الرجال ؟؟ زمن والله

مشكورة على الرد و أسباب الخيانة كثيرة و لكن تخيلي تطيح الميانة بين الرجل و الخدامة أيش رأيج


نقول يالله بسترك بس
الصح انك تنصح الرجال ينتبهون على الحريم من الخدم سواقين وطباخين وغيره
روح المحاكم وشوف القضايا وشوف النسبه الازواج مع الشغالات والزوجات مع السواقين والله تمسك راسك , والسبب كله الاهمال
شوف اخوي القصه اللي ارسلتها لك على الخاص علشان تعرف احنا نصارخ في المكان الخطأ

أخوي اولاً ما جاني شي على الخاص

ثانياً سبب الفرق بين الرجال و الحريم ان النساء هو الطرف الضعيف و أن صادت المرأة زوجها مع الخدامة و فتضطر ان تسكت خوفاً على أبنائها و تشتتهم و تأمل ان يهدي الله زوجها و لو ان كل زوجة أشتكت على زوجها فسترى الفارق الكبير بين نسب الشكاوى و دعاوى الطلاق

ثالثاً السبب الرئيسي لزنا النساء هو أهمال الرجل لحقوق المرأة الشرعية و عدم رجولته حيث يرضى ان يقوم رجل غريب بواجباته المنزلية
Mo0o0oM
22-01-2009, 04:36 PM
والله تبي الصراحة . . قدرة الشغالة اذا عينه بتزوغ عليها

على العموم اذا تزوجت بستقيل وبرط برجل زوجي سلسلة عشان مايروح لغيري

يمكن يكون هذا هو الحل الوحيد في حال انعدام الثقة بينهاا :rolleyes2:
شكري وتقديري
22-01-2009, 04:58 PM
هداك الله وأصلح بالك

لقد جعلت من الأزواج ريشة خفيفة تطير مع أي نسمة هواء

أو ضرسا منخورا يخلع باليد

الزوج السوي والوفي جبلا وطودا عاليا لا تهزه الرياح العاتية

وكل إنسان و( قدر وجهه ) ومستواه

فمن يرضى لنفسه بغواية خادمة فهو أعرف بقدر نفسه وقيمتها
المخفي
22-01-2009, 04:58 PM
وع قدر ويهم خدامات


والريال الامين يحفظ هله في وجودهم او غيبتهم

حتى و لو كان الرجل امين ممكن ان تكون الخادمة غير أمينة


استغفر الله

اصلا مافي احد يسوي هالشي الا اللي نااقص دين ومايصلي وبايع الاخره ومن باع اخرته واشترى دنيااااه يتهنى في الناااار وعليه بالعافيه واللي مايصلي توقع منه اكثر بعد

انا من النوع اللي مافكر في هالاشيااا ولا اراااقب زوجي ووااثقه فيه لانه مايترك صلاااته وهالشي يطمن

والله يهدي الجميع

آمين يا رب العالمين


مسكينة الزوجة اللي يخونها مع الخدامه واقول حق الزوج هذا قدرك

اكثر المتزوجات اللي يشتغلون هم اللي يصرفون على البيت

نحن لا نريد ان تصل الأمور الى حد الزنا و لذلك يجب وضع حلول قبل ان تدهور الأمور

اما صرف الحريم على المنزل فالرجل السوي و ركزي على كلمة رجل لا يرضى ان تصرف زوجته عليه و على بيته فالشرع النفقة على الرجل
المخفي
22-01-2009, 05:07 PM
والله تبي الصراحة . . قدرة الشغالة اذا عينه بتزوغ عليها

على العموم اذا تزوجت بستقيل وبرط برجل زوجي سلسلة عشان مايروح لغيري
يمكن يكون هذا هو الحل الوحيد في حال انعدام الثقة بينهاا :rolleyes2:

و لكن ستحتاجين الى شغالة في يوم من الايام الآن ستصيبكم الغيرة من موضوعي و لكن ان فكرتوا بركادة و روية ستوافقونني الرأي




هداك الله وأصلح بالك

لقد جعلت من الأزواج ريشة خفيفة تطير مع أي نسمة هواء

أو ضرسا منخورا يخلع باليد

الزوج السوي والوفي جبلا وطودا عاليا لا تهزه الرياح العاتية

وكل إنسان و( قدر وجهه ) ومستواه

فمن يرضى لنفسه بغواية خادمة فهو أعرف بقدر نفسه وقيمتها



آمين يا رب العالمين فمن أعلم من الله و رسوله الم يقل رسول الله صلى الله عليه و سلم (مااجتمع رجل وامرأه الا وكان الشيطن ثالثهم)
falcon10
22-01-2009, 07:34 PM
كله سلف ودين . . . . . وكما تدين تدان ! !
عضو قديم
22-01-2009, 10:01 PM
السلام عليكم
أكثر الحريم يعمل صباحاً و كثير من الرجال يشتغل شفتات (ورادي) يا اما في المصانع او في العسكرية و أوقات الشفت (الوردية) تتغير يا تكون أيام صباح و ممكن أيام تكون عصر أو ليل و يمكن أيام الراحة تصادف وسط الأسبوع فكيف يا الحريم الي تشتغلون في الصباح تأمنون رجالكم انهم ما يسون شئ غلط مع الشغالة حتى لو كان الرجل أخلاقه طيبة ممكن الشغالة تتحرش فيه خصوصاً اذا البيت ما فيه حد غيره و غيرها و أنتوا أدرى بالشغالات و حركاتهم و أن كثير منهم لا حيا و لا دين و أكثرهم حاط عينه على الرجل الخليجي مثل حالات كثيرة ما صارت

فأيش رايكم يا حريم :D

نهاية أسبوع سعيدة


انت شفت الجانب السيئ من وجهة نظرك التي كانت من زاوية ضيقة جدا جداً
لكن سؤالي لك انت هل انت واحد منهم؟
باقيـﮧ على ذ ڪرآڪ
22-01-2009, 10:35 PM
لاتستغربون اذا نظر الرجل الى خادمه فقد تكون هى من تحتوى الزوج اكثر من زوجته والله العظيم انه من مده قصيره لسه متزوج واحد قطرى وولد ناس من خــــــــــــــــــــادمته الاندونيسيه الله يستر علينا ويعمى عيون ازواجنا عن بنات الحرام
محمد_ قطر
22-01-2009, 10:45 PM
السالفه مب سالفه خدامة السالفه فيها حاله نفسية او عدم توافق بين الزوجين ... يعني الي بياخذه من الخدامه مايقدر ياخذه من زوجتة .. وكلن يودي الي غرض واحد

ويمكن الزوجة ماتبي ريلها كل يوم يجي صوبها والريال لازم يشوفله البديل ... ومايحصل غير الخدامة ...

اذا بتزوج وحده ثانيه طبعا مايقدر يمكن يسبب خلافات وثاني شي الظروف الماليه ما تساعده والغلا الي صاير .. يعني مافي جدامه غير الخدامه حق الحلالات الناشفة ...

والعكس اذا الزوجه ماحصلت الي تبيه من ريلها ... تشوف السايق جدامها ..

وطبعا الزوجه ماتقدر تتزوج وعلى ذمتها ريال .. مافي غير السايق يودي المطلوب ...

السالفه سالفه زوجين اذا كانوا غير متفاهمين مع بعظهم او زوجين لم يشبعوا رغباتهم مع بعض الجنسية او العاطفية ... الى اخره ..

يسبب الخيانة الزوجية ... بين الطريفين ويشوفون اقرب البدائل لهم ..


واتنمى من الله يرزقني بنت الحلال الصالحه لا تخوني ولا اخونها ...
اسعاف
22-01-2009, 10:56 PM
بالله عليكم اذا كان الرجل

مكتمل الرجولة

وعمله في اختلاط

والتلفزيون شغال على القنوات الي على كيفك

( والشغالة موجودة 24 ساعة ومتعدلة ورشيقة ،وتلبي طلباته بالأشارة )

واذا كان لباس الخدامة مغري (الجينس الضيق ، والقميص الشفاف )

والزوجة مش موجودة ،واذا موجودة فهي جثة هامدة من التعب،او مشغولة عن الزوج وحقوقه

الشرعية

بالله عليكم اذا الرجل ما عنده دين مثل الصخر وإلا فسوف يقع على الخدامة في الحرام وعلى

فراش الزوجية ، ان لم يرحمه الله برحمته0
المخفي
23-01-2009, 12:30 AM
كله سلف ودين . . . . . وكما تدين تدان ! !

بارك الله فيك و صدقت


انت شفت الجانب السيئ من وجهة نظرك التي كانت من زاوية ضيقة جدا جداً
لكن سؤالي لك انت هل انت واحد منهم؟

لا و لكني لست بأعلم من الله و رسوله حيث قال رسولنا الكريم صلى الله عليه و سلم ( ما اجتمع رجل و امرأة إلا و ثالثهما الشيطان )


لاتستغربون اذا نظر الرجل الى خادمه فقد تكون هى من تحتوى الزوج اكثر من زوجته والله العظيم انه من مده قصيره لسه متزوج واحد قطرى وولد ناس من خــــــــــــــــــــادمته الاندونيسيه الله يستر علينا ويعمى عيون ازواجنا عن بنات الحرام

اوافقي الرأي و لكن حالة الرجل اما انه مسحور و هذا وارد جداً جداً خصوصاً ان زوجته من اندونيسيا او ان زوجته مقصرة في حقه كثيراً و لكن هذا في نظري لا يجعله يتزوج الخادمة


السالفه مب سالفه خدامة السالفه فيها حاله نفسية او عدم توافق بين الزوجين ... يعني الي بياخذه من الخدامه مايقدر ياخذه من زوجتة .. وكلن يودي الي غرض واحد

ويمكن الزوجة ماتبي ريلها كل يوم يجي صوبها والريال لازم يشوفله البديل ... ومايحصل غير الخدامة ...

اذا بتزوج وحده ثانيه طبعا مايقدر يمكن يسبب خلافات وثاني شي الظروف الماليه ما تساعده والغلا الي صاير .. يعني مافي جدامه غير الخدامه حق الحلالات الناشفة ...

والعكس اذا الزوجه ماحصلت الي تبيه من ريلها ... تشوف السايق جدامها ..

وطبعا الزوجه ماتقدر تتزوج وعلى ذمتها ريال .. مافي غير السايق يودي المطلوب ...

السالفه سالفه زوجين اذا كانوا غير متفاهمين مع بعظهم او زوجين لم يشبعوا رغباتهم مع بعض الجنسية او العاطفية ... الى اخره ..

يسبب الخيانة الزوجية ... بين الطريفين ويشوفون اقرب البدائل لهم ..


واتنمى من الله يرزقني بنت الحلال الصالحه لا تخوني ولا اخونها ...

اولاً لله يرزقك بنت الحلال الصالحة الي اذا نظرت اليها اسّرتك و اذا امرتها اطاعتك

ثانياً نسبة خيانة الرجال أكبر بمراحل من خيانة النساء و عدم الاشباع العاطفي و الجسماني يؤدي الى التفكير في الخيانة


بالله عليكم اذا كان الرجل

مكتمل الرجولة

وعمله في اختلاط

والتلفزيون شغال على القنوات الي على كيفك

( والشغالة موجودة 24 ساعة ومتعدلة ورشيقة ،وتلبي طلباته بالأشارة )

واذا كان لباس الخدامة مغري (الجينس الضيق ، والقميص الشفاف )

والزوجة مش موجودة ،واذا موجودة فهي جثة هامدة من التعب،او مشغولة عن الزوج وحقوقه

الشرعية

بالله عليكم اذا الرجل ما عنده دين مثل الصخر وإلا فسوف يقع على الخدامة في الحرام وعلى

فراش الزوجية ، ان لم يرحمه الله برحمته0

بارك الله فيك و الغرض من الموضوع تنبيه النساء الغافلات الى خطر ترك ذكر مع انثى غير محارم تحت سقف واحد و ممكن ان يكون الأخ او الأبن
ورده
23-01-2009, 12:47 AM
بالله عليكم اذا كان الرجل

مكتمل الرجولة

وعمله في اختلاط

والتلفزيون شغال على القنوات الي على كيفك

( والشغالة موجودة 24 ساعة ومتعدلة ورشيقة ،وتلبي طلباته بالأشارة )

واذا كان لباس الخدامة مغري (الجينس الضيق ، والقميص الشفاف )

موالزوجة مش موجودة ،واذا موجودة فهي جثة هامدة من التعب،او مشغولة عن الزوج وحقوقه

الشرعية

بالله عليكم اذا الرجل ما عنده دين مثل الصخر وإلا فسوف يقع على الخدامة في الحرام وعلى

فراش الزوجية ، ان لم يرحمه الله برحمته0


على كلامك تفضى الوزارات والمؤسسات والمستشفيات من الموظفات لان الرجال بسلامته ( مكتمل الرجوله) و فيها خطر على حياته

اسمح لي انت افقك جدآ ضيق ونظرتك تنحصر في الامور الجنسيه فقط وانا بديت اتقزز من اسلوبك الي المفروض لايسمح به في المنتدى ناهيك عن بث المعتقدات الهدامه في مسألة التعدد وكأن كل حياتنا لذه جنسيه لااكثر ..... حتى الخدامه ماسلمت منك

ارأف لحال زوجتك كيف مستحمله رجال افكاره مثلك
ابوالجازي
23-01-2009, 12:53 AM
بالله عليكم اذا كان الرجل

مكتمل الرجولة

وعمله في اختلاط

والتلفزيون شغال على القنوات الي على كيفك

( والشغالة موجودة 24 ساعة ومتعدلة ورشيقة ،وتلبي طلباته بالأشارة )

واذا كان لباس الخدامة مغري (الجينس الضيق ، والقميص الشفاف )

والزوجة مش موجودة ،واذا موجودة فهي جثة هامدة من التعب،او مشغولة عن الزوج وحقوقه

الشرعية

بالله عليكم اذا الرجل ما عنده دين مثل الصخر وإلا فسوف يقع على الخدامة في الحرام وعلى

فراش الزوجية ، ان لم يرحمه الله برحمته0

ماشاء الله خدامه وجينز ضيق وقميص شفاف !!!!

هذي ولا نادله في بار بصراحه

اتمنى اخوي يكون ردك او فكرك شكل ماقالت الاخت ورده افضل

على فكره ترى حتى اللى متستره لو كان في شخص مايخاف ربه عادي عنده

الله يرحمنا برحمته
ضوى
23-01-2009, 12:55 AM
بالله عليكم اذا كان الرجل

مكتمل الرجولة

وعمله في اختلاط

والتلفزيون شغال على القنوات الي على كيفك

( والشغالة موجودة 24 ساعة ومتعدلة ورشيقة ،وتلبي طلباته بالأشارة )

واذا كان لباس الخدامة مغري (الجينس الضيق ، والقميص الشفاف )

والزوجة مش موجودة ،واذا موجودة فهي جثة هامدة من التعب،او مشغولة عن الزوج وحقوقه

الشرعية

بالله عليكم اذا الرجل ما عنده دين مثل الصخر وإلا فسوف يقع على الخدامة في الحرام وعلى

فراش الزوجية ، ان لم يرحمه الله برحمته0


كلام مقزز الصراحة
الوجبه
23-01-2009, 12:57 AM
الموضوع ابكبره مغزز ..
بوحارب
23-01-2009, 01:07 AM
السلام عليكم
أكثر الحريم يعمل صباحاً و كثير من الرجال يشتغل شفتات (ورادي) يا اما في المصانع او في العسكرية و أوقات الشفت (الوردية) تتغير يا تكون أيام صباح و ممكن أيام تكون عصر أو ليل و يمكن أيام الراحة تصادف وسط الأسبوع فكيف يا الحريم الي تشتغلون في الصباح تأمنون رجالكم انهم ما يسون شئ غلط مع الشغالة حتى لو كان الرجل أخلاقه طيبة ممكن الشغالة تتحرش فيه خصوصاً اذا البيت ما فيه حد غيره و غيرها و أنتوا أدرى بالشغالات و حركاتهم و أن كثير منهم لا حيا و لا دين و أكثرهم حاط عينه على الرجل الخليجي مثل حالات كثيرة ما صارت

فأيش رايكم يا حريم :D

نهاية أسبوع سعيدة

وخاصه اذا الشغالة احلى من الزوجة :eek5:

يعني لازم يصير اكشن خلال غياب السحلية :tease:
بوحارب
23-01-2009, 01:20 AM
بالله عليكم اذا كان الرجل

مكتمل الرجولة

وعمله في اختلاط

والتلفزيون شغال على القنوات الي على كيفك

( والشغالة موجودة 24 ساعة ومتعدلة ورشيقة ،وتلبي طلباته بالأشارة )

واذا كان لباس الخدامة مغري (الجينس الضيق ، والقميص الشفاف )

والزوجة مش موجودة ،واذا موجودة فهي جثة هامدة من التعب،او مشغولة عن الزوج وحقوقه

الشرعية

بالله عليكم اذا الرجل ما عنده دين مثل الصخر وإلا فسوف يقع على الخدامة في الحرام وعلى

فراش الزوجية ، ان لم يرحمه الله برحمته0




اوافقك الرأي اسعاف :victory:
بوسياف
23-01-2009, 03:00 AM
المخفي ...
الله يهداك ,,, طيحت سوقنا ... عاد قل يتعرفون ..
يقاابلون حريم ...

بس ويا الشغالة .... ماله حل ... هاااي أهي تطلقه أبرك ..
ماعنده ذوق ......خخخخخخخخخخخخخخخخخخخ
بـن عدوان
23-01-2009, 03:03 AM
يا اخوان ويا اخوات

اخونا قصده بس انه الحريم لازم يحاسبون على ازواجهم

لا اكثر ولا اقل :)
الطيبة كلها
23-01-2009, 03:19 AM
والله الزوج اللي يصلي وخايف ربه نقدر نأمن عليه بس المرأة بالبيت لازم تلبس خدامتها اللبس المحترم وحجاب اذا قدرت مب بعض الاسر خدامتهم بنطلون جينز ومسخرة
!الشايمه!
23-01-2009, 03:24 AM
السالفه مب سالفه خدامة السالفه فيها حاله نفسية او عدم توافق بين الزوجين ... يعني الي بياخذه من الخدامه مايقدر ياخذه من زوجتة .. وكلن يودي الي غرض واحد

ويمكن الزوجة ماتبي ريلها كل يوم يجي صوبها والريال لازم يشوفله البديل ... ومايحصل غير الخدامة ...

اذا بتزوج وحده ثانيه طبعا مايقدر يمكن يسبب خلافات وثاني شي الظروف الماليه ما تساعده والغلا الي صاير .. يعني مافي جدامه غير الخدامه حق الحلالات الناشفة ...

والعكس اذا الزوجه ماحصلت الي تبيه من ريلها ... تشوف السايق جدامها ..

وطبعا الزوجه ماتقدر تتزوج وعلى ذمتها ريال ..
مافي غير السايق يودي المطلوب ...

السالفه سالفه زوجين اذا كانوا غير متفاهمين مع بعظهم او زوجين لم يشبعوا رغباتهم مع بعض الجنسية او العاطفية ... الى اخره ..

يسبب الخيانة الزوجية ... بين الطريفين ويشوفون اقرب البدائل لهم ..


واتنمى من الله يرزقني بنت الحلال الصالحه لا تخوني ولا اخونها ...


استغفر الله .......شئ مقرف من الطرفين
والموضوع ...هلوسات مرضى نفسيين
أم قطرية
19-04-2009, 01:22 PM
شكرا لصاحب الموضوع اللي يقصد به التنبيه والتحذير لحالات موجود بالفعل وبكثرة للاسف
واستغرب الردود اللي مستغربة هالطرح وكأنها لاتسمع ولا تقراء ولا ترى الاشكال والتصرفات الرهيبة لنسبة كبيرة جدا من خادمات البيوت

للي يبي ياخذ فكرة يلقي نظرة

_ عند العاب الاطفال في المجمعات وغيرة
_ ابواب المدارس

وغيره الكثير

وقتها فقط سنسمع شهقة كبيرة مما سوف يروه

وللاسف كل هذا بموافقة اصحاب المنزل
hemoud123
19-04-2009, 02:51 PM
بالله عليكم اذا كان الرجل

مكتمل الرجولة

وعمله في اختلاط

والتلفزيون شغال على القنوات الي على كيفك

( والشغالة موجودة 24 ساعة ومتعدلة ورشيقة ،وتلبي طلباته بالأشارة )

واذا كان لباس الخدامة مغري (الجينس الضيق ، والقميص الشفاف )

والزوجة مش موجودة ،واذا موجودة فهي جثة هامدة من التعب،او مشغولة عن الزوج وحقوقه

الشرعية

بالله عليكم اذا الرجل ما عنده دين مثل الصخر وإلا فسوف يقع على الخدامة في الحرام وعلى

فراش الزوجية ، ان لم يرحمه الله برحمته0

انا اختلف معاك اخي اسعاف , جينس ضيق وقميص شفاف لايبرر الخيانه والعياذ بالله
يا اخي اذا كان الرجل يجد تقصيرا من زوجته , ايش اللي يمنعه من الزواج من اخرى تلبس له جينس وقميص شفاف وبالحلال , والمراه المؤمنه هي من تساعد زوجها على الارتباط باخرى لتحصينه من الوقوع في الخطا مع الخادمه او غيرها
بواردي
19-04-2009, 06:49 PM
يعني بس الرجال الي يغط مع الخدامات
والحريم ملائكة
يبى الله يهدينا ويحفظنا ويحفظكم

وكل وحدة تدير بالها على ريلها
وخل عنكم الشوبينغ
والمجمعات والكلام الفاضي
MiSsY
19-04-2009, 07:53 PM
انا اقول اهم شي الثقه
ولو المره واثقه بزوجها ماراح يتهاون فيها
وبعدين لو بيخون صدقني مو مع الشغاله
يا وحده من الدوام ولا من مكان ثاني
بس الشغاله استبعدها
أحلى وسيطه
19-04-2009, 07:56 PM
يعطيك العافيه أخوي عالتنبيه


والله يهدي جميع الرجال ويصلحهم ويبعد عنهم بنات ابليس
أم وضحى
19-04-2009, 08:00 PM
الحمدلله رب العالمين ..
اذا كان الزوج يتصف بالدين والخلق المستقيم ..
فلا خوف عليه حتى لو كان بين مئة امرأة متبرجة ..
قطري عنيد
19-04-2009, 08:03 PM
الي أيمانه بالله قوي لا تهمه خدامه او غيرهااااا

وبشوف زوجته احلى وحده في الكون
oceanrose
19-04-2009, 11:07 PM
يا رجاله مالكم امان خخخخخخخخ


والله لو الي يبغى يخون راح يخون ...يعني لو الزوجه راقبت زوجها او سوت الي سوته

بيحده هالشي عن الخيانه ولا علشان الخادمه عادي عادي كله موجود وفي كل مكان

الواحد لازم يفكر بعقلانيه ويتوكل على الله ويسوي الي فيه الخير اذا الدوام ضروري

للزوجه لزوم (لقمه العيش) فايش تقدر تسويه غير الصبر على البلاء هالسنين

الحياه صارت صعبه ولقمه العيش الكل صاير يحسدك عليها واذا بنخلي التفكير

محدود في مثل هالامور محد راح يعيش والزوجين لازم يتفهمون انه الكل يضحي

علشان بناء هالبيت وعلشان الحياه السعيده للابناء .

الله يسعد الجميع
بنت الاول
22-04-2009, 10:41 AM
قدر وجهه مع خادمة ولا غيرها ...الي ما يخاف من ربه مب أنا بحفظه....
anything99
22-04-2009, 11:24 AM
كلام الحق يزعل .. الخلوة حرام شرعا .. سواء مع خادمة، سائق، موظفة، ممرضة، مدرس ٍ.. والمرأة مرأة سواء فلبينية اثيوبية او هندية .. والمسألة ليست مسألة خوف من الله فقط لأن الشيطان ما مات .. ولمن اراد العبرة فليقرأ قصة العابد الذي زنا بابنة جاره ثم كفر بالله ..
عضو نشيط
22-04-2009, 11:42 AM
ألووووووووووووووووووووهااااااااااااااااااااات

والله الحريم إللي مايدارون رجاجيلهم ،، أنا أقول لا ملامه على الرجل ,,, لأن المرأة الخادمه ممكن تغويه وتلعب في شهوته ،،، وشهوة الرجل غريزية ممكن إتشعللها الخادمة في لحظات ،،، مثلاً :
التقرب منه بكامل أناقتها بحجة ترتيب الغرفة أو إحظار الإفطار أو مسح الأرضية ورفع المؤخرة في وجه الرجل وغيرها من الحركات إللي خابرينها ،، ( وان كيدهن لعظيم )

وأنا أقول المرأة إللي تحب تسعد زوجها تنتبهله وتخلي منها شئ إسمه وظيفه ولا شئ إسمه عمل ولا إسمه خادمه وتشوف بيتها أبركلها من خادمه أو غيرها ...

وما أسعد الرجل إللي أكله من يد زوجته وثيابه تنظف وتكوى على يد زوجته ويقوم الصبح ويلقى زوجته قدامه مجهزه فطوره وأموره وتودعه وهو رايح لشغله وإذا جا من الدوام يلقاها مجهزه غداه وبإمتسامه حلوه وكلمه طيبه من الترحيب والفراش الحلو ... ياحظ من عنده مثل هذا النوع من الحريم ...

وييييييييييييييييييينهم بس حريم أول ..
كيفـي
22-04-2009, 11:43 AM
وعليكم السلام ورحمة الله وبركاته

قدّر وجهه اذا بيخلي زوجته وبيشفى على الخدامة..:tease:




نهاية أسبوع سعيدة


اما سعيدة مع طرحك لهذه الظاهرة اللى تسد النفس..:nice:

والله يعطيك العافيـــة..