المساعد الشخصي الرقمي

مشاهدة النسخة كاملة : طلب مساعدة توظيف في احد الشركات البترولية او الغازية


STAR
23-01-2009, 01:26 AM
السلام عليكم ورحمة الله وبركاته

انا ماحطيت الموضوع اهني الا ولاني عارفة انه اكثر الاقسام نشاطا....

انا توني متخرجة من جامعة قطر.. قطرية... تخصص علم معلومات\ مكتبات

مادري اذا حد عنده واسطه ويقدر يوظفني في احد الشركات البترولية او الغازية

اكون شاكرة له من كل قلبي

وانا متأملة فيكم الخير....

اختكم

جامعة قطر
خــطــافــ
23-01-2009, 02:04 AM
تستاهلين كل خير

بسأل لج يوم الاحد ولي عوده
حقيقه
23-01-2009, 02:06 AM
الله يوفقس وان شاءالله تحصلين الوظيفه اللي في بالس :victory:

أأأبي وظيفه من يتووسط لي :telephone::anger1:
سلامي للكل
23-01-2009, 02:11 AM
وعليكــمـ الســلام ورحمــة الله وبركاته

في البدابة مبروك الف الف مبروك التخرج :nice:

المشكلة اختي التخصص هذا " علم معلومات\ مكتبات" تخصص ليس له مجالات عمل في شركة البترول والشركات التابعه لها الا نادراً

واذا تم قبـول هذا التخصص ان شاء الله (نتمنى من قلوبنا), حطي في بالج شي واحد الا وهــو اللغة, فاللغة الانجليزية مهمة جدا جدا جدا لدى التوظيف في هذه الشركات

لانملك لكٍ الا الدعاء

الله يوفقــج وتحصلين الشغــل اللي يكــون فيه الخير لج :)

وفااااااااااالج طيب:victory:
بوسياف
23-01-2009, 03:15 AM
أختي جااامعه قطر

تخصصج جيد ...

لكن مطلوب أكثر بالوزارات ...
وأي فرصة تحصلين عليها ,, لاتفوتينها ...
وظائف الجامعيين قليلة ...

اتمنى لج التوفيق ..
وحياة عملية ناجحة
STAR
23-01-2009, 06:44 AM
خطاف

حقيقة
شكرا على المرور

سلامي للكل

الله يبارك فيك واخيرا تخرجت وافتكيت من الجامعة.. واذا على تخصصي.ز امم يمكن كلامك صح بس صدقني
انا وحدة ما اؤمن بالشهادة انها مقياس الذكاء والمهارات... وانا وحدة قابل للتطوير ^_^
وشكرا جدا على مرورك

بوسياف

شكرا على رفع المعنويات.. وان شاء الله ان جاتني اي فرصة ماراح افوتها بس خل تجي..!!
شاكرة لك مرورك

وبانتظااار البقية
الوان
23-01-2009, 11:39 AM
مبرووووك التخرج
شيزكيك
23-01-2009, 11:59 AM
مبروك التخرج والله انه شعور وايد حلو والواحد يحس ان انجز شي في حياته


الله يوفقك ان شاء الله بالوظيفه الي تمنين
مليت
23-01-2009, 02:46 PM
الله يوفق الجميع يارب

بس اختي سؤال شنو يعني غازية مشروبات
ولا قصدج شركات الغاز؟
Revamp
23-01-2009, 02:57 PM
طلبج غريب شوي.....انا اقترح عليج تقدمين بنفسج اوراقج في قطر للبترول.....وخلي عنج الواسطه من اول المشوار....وتاكدي محد يقدر يساعدك الا نفسك
::.Silent.::
23-01-2009, 04:07 PM
ان شاء الله الاعضاء ما بيقصرون

:‏(
طيوب
23-01-2009, 04:09 PM
[QUOTE=Revamp;3638379]طلبج غريب شوي.....انا اقترح عليج تقدمين بنفسج اوراقج في قطر للبترول.....وخلي عنج الواسطه من اول المشوار....وتاكدي محد يقدر يساعدك الا نفسك[/QUOTE

كلام حلو ونصيحه أحلى . . . :)
جهام
23-01-2009, 04:11 PM
مبروووك التخرج وان شاء الله تتوظفين بسرعة ..
STAR
23-01-2009, 05:04 PM
شاكرة للجميع مروركم....

والله يبارك فيكم ان شاء الله

انا قدمت لاكثر من مكان عبر البريد الالكتروني .. بس انا عارفة ماراح اتوظف الا بالواسطة...

(سايلنت) لا تزعل..

واكرر شكري على مروركم الرائع
نحول
23-01-2009, 05:17 PM
مبروك التخرج

نصيحتي لاتخلين حق احد منة وفضل عليج

قدمي اوراقج بنفسج وعليج بالدعاء
روح الاطلس
23-01-2009, 05:29 PM
ماينفع تقدمين بالبريد الاليكتروني ترا اما احد يشوفه .. لو مهتمه صدق تكتبين لك سي في حلو ومرتب وتصورينه اكثر من نسخه وترفقين معه شهاداتك وبعدين تلفين على الشركات كلها وتحطين نسخ عندهم أفضل بكثير من الايميل ... وترا مو شرط الواسطه ناس كثير حصلت وظايف بدون واسطات .. واسطتهم رب العالمين
بويوسف
23-01-2009, 06:51 PM
اختي جامعة قطر .. ترى الرزق موجود في امكان كثيرة مب بس في شركات البترول .. لاتحصرين نفسج في اطار ضيق عشان اذا ماصارت فرصة ماتحسين بالحزن ..

ارسال السي في بالايميل اعتقد فعاليته ضعيفة جدا وافضل طريقة انج تروحين بنفسج وتقدمين الى الادارة نفسها .. يعني اذا عرفتي حد في ادارة ما روحي وقدمي مباشرة للمدير وهذا يمكن يكون افضل.

بالتوفيق ان شالله وتخصصج جيد ومطلوب.
سهم مضطرب
25-01-2009, 01:20 AM
الف مبروك حبيبتي..

بطرش لج رقم مسؤول في البترول في الاتش ار..

كلميه .. وانشالله باذن الله يصير لج نصيب معاهم ..

ترى الرجال خدوم .. ويحب يقدم كل ماعنده ..

وانشالله انشالله تتوظفين قريب..

تحياتي لج ودعواتي ...
STAR
25-01-2009, 08:56 AM
شاكرة لكم جميعا مروركم..

بانتظااااااااار حد يفيدني....
HEART_LION
25-01-2009, 10:18 AM
بالتوفيق انشاء الله
Luxury
25-01-2009, 02:31 PM
انا بعد بطرش لج رقم مدير التوظيف
في وحده من الشركات الي تابعه للبترول

وربي يوفقج
STAR
25-01-2009, 09:48 PM
اشكر كل من راسلني على الخاص....

شكرا جزيلا ....
STAR
27-02-2009, 04:14 AM
لحتى الان بالانتظار ...!!
qatar.1995
27-02-2009, 08:09 AM
وش فايده من جاب احلا شهاده
القلم الصريح
27-02-2009, 08:16 AM
مبروووووووووووووووووووك مبروووووووووووووووووووك عالتخرج وعقبال اللي ماكملوا ،
انصحج اختي جامعه قطر قدمي في الشركات الجديده لان الفرص فيها اكبر واكثر ويحتاجون موظفين في كل التخصصات مثل : شركة المنيوم قطر ، وشركة راس قرطاس هاذي جديده اتوقع بياخذونج بسسسسسسسسسسسسسسرعه ، ولاتنسين عشا التخرج والوظفيه الجديده اذا الله كتب لج :)
STAR
04-03-2009, 03:49 AM
الله يبارك فيك اخوي القلم الصريح لكن شفايدة التخرج وليحين محد من الشركات معطتني ويه؟؟!!

على طاري راس قرطاس اول مرة اسمع عنها ^_^ مالها موقع ويب سايت؟؟؟

اما بخصوص الالمونيوم اعتقد قدمت ...
feraszain
04-03-2009, 06:41 AM
بالتوفيق اختي ربنا كريم واكيد بتحصلي وظيفة
ابو العنود
04-03-2009, 08:07 AM
معرض التوظيف قرب ونشالله بتحصلين بدل الوظيفه مليون وظيفه
وربي يوفقج ويوفق كل بنات وشباب قطر وكل المسلمين
ياحظك اناهنا
04-03-2009, 09:37 AM
الله يوفق الجميييييييع يا رب
القلم الصريح
04-03-2009, 09:44 AM
هلا اختي جامعه قطر ، في واحد من الاعضاء طالب موظفه قطريه لشركة راس لفان وهالرابط http://www.qatarshares.com/vb/showthread.php?t=243291
وبخصوص موقع شركة راس قرطاس ، اعتقد انه تابع لمؤسسه كهرماء اذا ماخاب ضني وان شاءالله قدرت افيدج
::.Silent.::
04-03-2009, 09:49 AM
^^
انا اخبراسمها راس بو فنطاس وتابعة لشركة الكهرباء والماء وليس كهرماء
STAR
04-03-2009, 04:00 PM
معرض التوظيف قرب ونشالله بتحصلين بدل الوظيفه مليون وظيفه
وربي يوفقج ويوفق كل بنات وشباب قطر وكل المسلمين

اللهم آمين ... والله ذكرتني فيه يوم كنت ليحين ادرس فالجامعة ..قدمت عبط ...جان تتصل فيني فوق 3 شركات..!! ولمادروا ان باقي لي سنة على التخرج قالوا لي لين ماتتخرجين بنتصل عليج...!!

يلا خير ان شاء الله


وشكرا اخوي قلم صريح
غناتي1
04-03-2009, 10:28 PM
مبروك التخرج 00 تستاهلين

وتخصصج بتلقين وظيفة في المتحف الاسلامي

لا ورواتبهم زينه بعد يقولون