المساعد الشخصي الرقمي

مشاهدة النسخة كاملة : بالذمه هذي صورة تفوز بجائزة ال ثاني للتصوير 2008 !!


أم حمد
23-01-2009, 01:41 AM
اترك الحكم لكم !!

http://www.al-thaniaward.com/awards/3.jpg

والله العظيم من شفت الصورة فالجريدة وانا الى هاللحظه منصدمه !!

كيف هالصوره ادخلت المسابقة !

اي تحكيم مرر هالصورة وفوزها بالجائزة الكبرى !

:anger1:

كيف سعادة الشيخ عبدالله بن علي بن سعود ال ثاني رضى على فوزها !

:anger1:

اعذروني على ضيقتي بس جد اعتبرها اهانه قويه وفضيحه ابطالها لجنة التحكيم !!

هذا رابط الموقع

http://al-thaniaward.com/index.php?option=com_wrapper&Itemid=51

اتمنى اي حد عنده معلومات عن لجنة المهزله يزودنا بها !

وسلامتكم

:anger1:
ابوالجازي
23-01-2009, 01:44 AM
شنو هذي صوره

صج ماعنده سالفه اللى صورها تعب نفسه وضيع وقته
البرونزي
23-01-2009, 01:47 AM
على أيش فايزه ؟؟؟؟؟؟؟؟؟؟؟؟؟؟
يمكن على الكرشه الحلوه ؟؟
دانـة قطـر
23-01-2009, 01:48 AM
وع تلوع الجبد :(
خــطــافــ
23-01-2009, 01:48 AM
بصراحه انا مافهم في التصوير وماعندي خبره كافيه للحكم على اي عمل

بس

اول ماشفتها في الجريده لاعت جبدي ولا حتى قريت الخبر

بصراحه صوره مقرفه

والسموحه
أم حمد
23-01-2009, 01:52 AM
ماادري مش مستوعبه وربي !!

!!!!!!!!!!
الطيبة كلها
23-01-2009, 01:52 AM
لازم نفوز الاجانب ونراضيهم اشلون عيل يرضون عنا - خاصة غرشه الخمر بالصورة ياسلام
عبير وردة
23-01-2009, 01:53 AM
فعلا صوره غريبه عجيبه ........... الصراحه ما بفهم في هالموضوع

هما أدرى ليش اختاروا هالصوره بالذات مع إن الموقع مليان صور بتجنن

يمكن لهم نظره أخرى في الصوره .......... بس بدك الجد وفي رأي صوره بايخه جدا جدا جدا

شكرا يا أم أحمد على الموضوع (أول مره أدخل الموقع اللي بالرابط الصراحه عجبني)
سداوي&مدريدي
23-01-2009, 01:55 AM
يمكن لان الي في الصوره حول وله كرشتين

:telephone:
بوخالد911
23-01-2009, 01:55 AM
قالوووها : والناس فيما تعشق مذاهب
الوجبه
23-01-2009, 01:57 AM
اختي الصوره الرابحه للصور العالميه .. يعني مش محليه .. انتي عارفه ان الجائزه بمستوى دولي ..وهي تعكس الحياه العامه في المجتمع الغربي من سكر وقتل وتشريد

وامراض وقل وازع ديني .. يعني فييها امور كثيره :) ..

اي صوره اختي لازم يكون فيها اكثر من قصه وتفسير .. الصور اللي تحت ما فازت لانها صور تاخذ نفسير واحد وقصه وحده .. اما هذي فيها اكثر من قصه وتفسير :)
اكسجين
23-01-2009, 01:58 AM
هههههههههههههههههههههههههههههه

ياليت ينقل الموضوع للاستراحة .

فعلاً مهزله .
بوخالد911
23-01-2009, 01:59 AM
يمكن لان الي في الصوره حول وله كرشتين

:telephone:

ووووضح

اشلوون كرشتين ؟؟!؟؟

:secret::secret::rolleyes2::rolleyes2::secret::sec ret:
سداوي&مدريدي
23-01-2009, 02:00 AM
ووووضح

اشلوون كرشتين ؟؟!؟؟

:secret::secret::rolleyes2::rolleyes2::secret::sec ret:

بوخلودي

http://www.3deeel.com/vb/images/threadbag/co06.gif

وحده فوق والثانيه تحت

:rolleyes2:
سيزن
23-01-2009, 02:01 AM
هذا فن

وش عرفكم للفن .

:tease:
حقيقه
23-01-2009, 02:14 AM
اختي الصوره الرابحه للصور العالميه .. يعني مش محليه .. انتي عارفه ان الجائزه بمستوى دولي ..وهي تعكس الحياه العامه في المجتمع الغربي من سكر وقتل وتشريد

وامراض وقل وازع ديني .. يعني فييها امور كثيره :) ..

اي صوره اختي لازم يكون فيها اكثر من قصه وتفسير .. الصور اللي تحت ما فازت لانها صور تاخذ نفسير واحد وقصه وحده .. اما هذي فيها اكثر من قصه وتفسير :)


صح لسانك :victory:
هذا اللي بغيت اقوله بس ماعرفت اعبر
بوحارب
23-01-2009, 02:16 AM
بوخلودي

http://www.3deeel.com/vb/images/threadbag/co06.gif

وحده فوق والثانيه تحت

:rolleyes2:

وحده فوق ووحده تحت ورأصني يا قدع:weeping:
hemoud123
23-01-2009, 02:24 AM
يا اخوان والله ظلمنوا المصور الموهب
حرام عليكم , يعني لازم تكون الصوره حق واحد لابس غتره او وحده لابسه عبايه
بدون تحيز , ابغيكم تدققون في الصوره شوي
كانها لوحه او رسمه صح ؟ يعني اللي يشوفها للوهله الاولى يعتقد انها رسمه
وها هنا الفن , هذا اولا
ثانيا بعد دققوا في الصوره ؟ تشعر ان الفرق تلاشى بين الانسان والجماد والانسان اصبح شيء من محيطه
شوفوا ايش شايل في ايده اليمين واليسار وايش وراه على الطاوله . مسدس وسيجاره وزجاجه وبسكي , كلها طرق قصيره للموت
صدقوني الواحد يقدر يتكلم لين الصبح عن هذي الصوره بس يكون منصف
sulai6i
23-01-2009, 02:26 AM
-11 أعضاء لجنة التحكيم الدولية:
جيري اولسمان امريكا ، مصور فوتوغرافي ü
PSA ويد كلوتون امريكا ، الجمعيه الامريكيه للتصوير ü
ماجي تايلو ر امريكا , مصوره فوتوغرافية ü
Practical Photography Magazine اندرو جيمس انجلترا , رئيس تحرير مجلة ü
ليز ماكيولان النمسا , مصوره فوتوغرافية ü
منفريد جلجيرستان المانيا , مصور فوتوغرافي ü
رئيس لجنة الت حكيم : د. كرس هنت روبرماير النمسا
حكام إحتياط : د.ل. ماركوس لوباك النمسا
الفرد زوجريجل النمسا
المراقبون : عبد الرحمن عبيدان فخرو قطر
جاسم أحمد المهندي قطر


المسابقة عالمية

وتقييم الصور ما نعرف له عشان نحكم على الصورة اذا تستاهل ولا لا
بس في صور في المسابقة احسن من هذي بالف مليون مرة
سيزن
23-01-2009, 03:01 AM
يا اخوان والله ظلمنوا المصور الموهب
حرام عليكم , يعني لازم تكون الصوره حق واحد لابس غتره او وحده لابسه عبايه
بدون تحيز , ابغيكم تدققون في الصوره شوي
كانها لوحه او رسمه صح ؟ يعني اللي يشوفها للوهله الاولى يعتقد انها رسمه
وها هنا الفن , هذا اولا
ثانيا بعد دققوا في الصوره ؟ تشعر ان الفرق تلاشى بين الانسان والجماد والانسان اصبح شيء من محيطه
شوفوا ايش شايل في ايده اليمين واليسار وايش وراه على الطاوله . مسدس وسيجاره وزجاجه وبسكي , كلها طرق قصيره للموت
صدقوني الواحد يقدر يتكلم لين الصبح عن هذي الصوره بس يكون منصف

اسمحلي يا hemoud123 ..سؤال .؟
(وخذني على قد عقلي)


الشيخ ....انت تمزح في هذا الكلام ولا صادق .؟؟؟


و سؤالى هذا برئ....... بس حتى أكون منصف .
{أمـ تروكـ}
23-01-2009, 03:16 AM
اكيد عاجبتة الكرشة
الجوري
23-01-2009, 03:21 AM
مهب حووووووووووووووووووووولها الزين
][ الوحيد ][
23-01-2009, 04:35 AM
والله حرااااام عليهم
في صور وايد احلى بس خلووها على الله

انا شاركت بس مافي أمل دام الاجانب معانا
المفروض تكون على مستوى الدوحه فقط

وهاذي صورتين من الصور اللي شاركت فيها

بذمتكم مب احلى :p


http://farm4.static.flickr.com/3213/2395109005_4863cf3bef_o.jpg


http://farm2.static.flickr.com/1099/1034307764_9c9768de7f_o.jpg
أثر الفراشة
23-01-2009, 04:45 AM
ليش هالمسابقة ما سمعنا عنها ؟
وين الإعلام المرئي عنها ؟
في كل الأحوال .. الصورة تقنياً وفنياً أشوفها جميلة
أنا ما شفت الصور الباقية .. بس الصورة مع اضاءتها .. والبعد الثلاثي اللي فيها
والدقة والوضوح .. والقصة اللي تتكلم عنها .. يعني ما أشوفها سيئة ..
يعني لازم منظر طبيعي ؟ ولا تكون صورة تقليدية لطفلة لابسة بخنق ومادري ايش
السموحة منكم .. أنا أشوفها حلوة الصورة وغير تقليدية ..
بوحمد2
23-01-2009, 05:06 AM
اترك الحكم لكم !!

http://www.al-thaniaward.com/awards/3.jpg

والله العظيم من شفت الصورة فالجريدة وانا الى هاللحظه منصدمه !!

كيف هالصوره ادخلت المسابقة !

اي تحكيم مرر هالصورة وفوزها بالجائزة الكبرى !

:anger1:

كيف سعادة الشيخ عبدالله بن علي بن سعود ال ثاني رضى على فوزها !

:anger1:

اعذروني على ضيقتي بس جد اعتبرها اهانه قويه وفضيحه ابطالها لجنة التحكيم !!

هذا رابط الموقع

http://al-thaniaward.com/index.php?option=com_wrapper&Itemid=51

اتمنى اي حد عنده معلومات عن لجنة المهزله يزودنا بها !

وسلامتكم

:anger1:
اظاهر الي اختار الصوره حول
حبر سري
23-01-2009, 05:32 AM
مع اني ماافهم في فن التصوير

لكن ماتحسون انها كلام يهال؟؟؟

قبل اخبر الشباب في المدرسة يحطون مثل هالستيكرات على كتبهم ودفاترهم وطاولاتهم!!

شنهو الفن اللي فيها؟اذا كان فيها فن مهب عبط!!
نجم سهيل
23-01-2009, 08:21 AM
السلام عليكم

خلونا نكون واقعيين شوي ..

الصورة بصراحة .. ( فـنيــا ً ) حلوة وأبدع فيها مصورها

لكن ( أخــلاقـيــا ً ) وهذا سبب الانتقاد نعطيها صفر من ناحيتنا كمسلمين ومجتمع محافظ ..

ولا نعجب فوزها في المسابقة كون لجنة الحكام من جنسيات أجنبية .. وهم لهم نظرتهم طبعا ً

نجم سهيل
عضو المنتدى
23-01-2009, 08:44 AM
شنسوي نبغي نوصل للعالميه .:victory::)

صاحبها مارينو فاز ب 30,0000 الف $ دولار .

والمسابقه كانت في قطر .جائزة آل ثاني للتصوير الضوئي 2008 .
الصاعق الحارق
23-01-2009, 09:00 AM
يمكن الصورة فازت بلواسطه
um abdulla
23-01-2009, 09:36 AM
يا اخوان والله ظلمنوا المصور الموهب
حرام عليكم , يعني لازم تكون الصوره حق واحد لابس غتره او وحده لابسه عبايه
بدون تحيز , ابغيكم تدققون في الصوره شوي
كانها لوحه او رسمه صح ؟ يعني اللي يشوفها للوهله الاولى يعتقد انها رسمه
وها هنا الفن , هذا اولا
ثانيا بعد دققوا في الصوره ؟ تشعر ان الفرق تلاشى بين الانسان والجماد والانسان اصبح شيء من محيطه
شوفوا ايش شايل في ايده اليمين واليسار وايش وراه على الطاوله . مسدس وسيجاره وزجاجه وبسكي , كلها طرق قصيره للموت صدقوني الواحد يقدر يتكلم لين الصبح عن هذي الصوره بس يكون منصف


-11 أعضاء لجنة التحكيم الدولية:
جيري اولسمان امريكا ، مصور فوتوغرافي ü
PSA ويد كلوتون امريكا ، الجمعيه الامريكيه للتصوير ü
ماجي تايلو ر امريكا , مصوره فوتوغرافية ü
Practical Photography Magazine اندرو جيمس انجلترا , رئيس تحرير مجلة ü
ليز ماكيولان النمسا , مصوره فوتوغرافية ü
منفريد جلجيرستان المانيا , مصور فوتوغرافي ü
رئيس لجنة الت حكيم : د. كرس هنت روبرماير النمسا
حكام إحتياط : د.ل. ماركوس لوباك النمسا
الفرد زوجريجل النمسا
المراقبون : عبد الرحمن عبيدان فخرو قطر
جاسم أحمد المهندي قطر


المسابقة عالمية

وتقييم الصور ما نعرف له عشان نحكم على الصورة اذا تستاهل ولا لا
بس في صور في المسابقة احسن من هذي بالف مليون مرة

شكرا لك يا ام حمد قمت بلفت النظر للموضوع ووضعت رابطا للاطلاع
والحقيقة انني اشكر ايضا الاخوين حمود 123 لانه اوضح لنا جوانب تميزت بها الصورة فنيا
والاخ السليطي بين ان لجنة التحكيم دولية ومعتبرة من خبراء .
ربما تصدمنا الصورة لاول وهلة كما سوف تصدمني لوحات بيكاسو او حتى دافنشي
بما ان المعايير الجمالية مختلفة ما بين الشرق والغرب فاعتقد ان العولمة ستستغرق طويلا لكي تصبغنا جميعا بنفس صبغة الثقافة العالمية الواحدة
انا ايضا لا ارى الصورة جميلة في حسي الشرقي لكن اعترف بانها رائعة فنيا وتقنيا
روميت
23-01-2009, 10:41 AM
ما شاء الله .

هذي صورة فازت بجائزة ال ثاني للتصوير .





لاحول ولا قوة الابالله العلي العظيم.
Bu Rashid
23-01-2009, 10:46 AM
صراحة الصوره ما تستاهل اي جائزة ...
وخصوصا جائزة تحمل أسم العائلة الحاكمة ...

ام حمد ... اول مرة تقوليين شئ صح :)
ورقــة أمــل
23-01-2009, 11:12 AM
اي معاني اللي تتكلمون عنها؟؟
غرشة خمر وسيجارة ومسدس وفي باررر
هذي دليل يشمل الفواحش والمناكر اللي عايشين فيها الغرب
قمة القرررف
ومانكر جودة الصوورة وطريقة اخراجها النهائي بس كمحتوى صراحه تافه
بنت مريخ
23-01-2009, 11:40 AM
اخيه يالوعه الجبد
استغفرالله
23-01-2009, 11:48 AM
لوعة تشبد

كله من المحكمين الاجانب

بعد اشتبونهم يختارون

مب مختارين الا شي يعبر عن بيئتهم

ويذكرهم باباؤهم المخمورين
QTR-SOUL
23-01-2009, 12:11 PM
يفوزونهم على ابعاد الصوره والفن يكون يهتمون فيه اكثر من معنى الصوره
خــطــافــ
23-01-2009, 01:04 PM
يفوزونهم على ابعاد الصوره والفن يكون يهتمون فيه اكثر من معنى الصوره

واحنا بس ندفع


:nice:
مستثمر غير قطري
23-01-2009, 01:40 PM
شي مقرف .. خمر وسجاير وبار وكرش !! وين الابداع
eXpert*
23-01-2009, 01:43 PM
الله يذكرك بالخير يا مصورنا / محمد المناعي (http://www.mmannai.com/)
قطري33
23-01-2009, 01:49 PM
لاحول ولا قوة الا بالله العلي العظيم
Darco
23-01-2009, 02:29 PM
يا أخوان أنا أختلف مع اللي يقول أن الصورة جيدّة من ناحية جودة الصورة, بالنسبة لمسابقة (عالميّة) هذا المستوى عادي جداً ولا يوجد ما يميّزه؛ بالإضافة إلى أن الصورة متكلّفة جداً من ناحية إسقاط الفكرة.

الفكرة متكلّفة وفكرتها (The Grandfather Gansta) يمكن طرحها بطرق ووسائل أفضل بعشرات المرّات.. فيه صور في الموقع -حسب رأيي- أفضل بكثير.

أخيراً .. أدعوكم لمشاهدة هذا الموقع dpchallenge.com .. بتشوفون (الفن) على أصوله :) .. بلا قراند فاذر بلاخرابيط :).
ضوى
23-01-2009, 02:31 PM
يا أخوان أنا أختلف مع اللي يقول أن الصورة جيدّة من ناحية جودة الصورة. الصورة -حسب رأيي- عاديّة جداً من ناحية الجودة والتقنيّة, ومتكلّفة جداً من ناحي الفكرة؛ وما تستاهل أبداً.

الفكرة متكلّفة وفكرتها (The Grandfather Gansta) يمكن طرحها بطرق ووسائل أفضل بعشرات المرّات.. فيه صور في الموقع -حسب رأيي- أفضل بكثير.

أخيراً .. أدعوكم لمشاهدة هذا الموقع dpchallenge.com .. بتشوفون (الفن) على أصوله :) .. بلا قراند فاذر بلاخرابيط :).




:victory::victory:

دورت في التعليقات مالقيت اوقع من تعليقك

والصورة اللي في توقيعك تستحق االجائزة لو كانت على وقتها :)
ليث العرين
23-01-2009, 02:40 PM
الحمدلله والشكر ..الظاهر مب بس النظر نعمه ..الذوووووووووق نعمه بعد:(
واحد ثقة
23-01-2009, 02:56 PM
صورة مقرفة بحق !
دنيا الاسهم
23-01-2009, 03:31 PM
امحق ذووق لوع الله جبدة
بوعلي2
23-01-2009, 03:40 PM
سبحان الله الناس اذواق
Breakaway
23-01-2009, 03:45 PM
والله أنا إعتراضي على أسم الجائزة (آل ثاني)، احس أنه ماله داعي. بعدين أنتم ليش معترضين على الصورة؟ الرجال الي في الصورة مب داخل في مسابقة ملك الجمال!، وأهل الفن لهم نظرتهم ومقاييسهم في إختيار الصورة الفائزة.
وحيد-الشوق
23-01-2009, 04:02 PM
صورة بايخه ومن ابيخ الصور الي شفتها بس العمل متقن :(

شيء يحير ليش مافازت الصورة الثانية في الموقع اشوفها احلى بكثير

لكن تدرون الشرهة مو على الي مصور الصورة بل على الي مختارها لانها تدل على ذوقه المنحط :rolleyes2:
OREO
23-01-2009, 04:07 PM
شكرا ام حمد على الموضوع ..

و بالنسبة لي اعتبر الجائزة قليلة في حق المصور العالمي الارجنتيني ماريانو ..

الصورة اللي فاز فيها اعتبرها معبره و غير عن ذالك استخدم فيها اضاءات مختلفة و معقدة بعض الشئ

و من الصعوبة ان اي هاوي يطلع بالنتيجة هذه .. كفاية توزيع الاضاءات و اخفاء السطوح المؤثرة بالاضائة و نوعية المعالجة الغير تقليدية و بغض النظر عن عناصر الصوره .. اذا فعلا عناصر الصوره كانت غير مهمة او ما تشير الا دلالات فهذا الشئ يختلف في نظر المصوريين ..فلذا ما كان شفنا المصور السعودي فاز بمحور العام و الصوره كانت عباره عن طواف الكعبة .. رغم ان لجنة التحكيم تمت في النمسا من شهرين .. و من مصوريين عالميين غير مسلمين ..

اختي ام حمد .. جائزة ال ثاني مهب محصورة على العرب و المسلمين بل هى جائزة عالمية معترف فيها من قبل الاتحاد الدولي للتصوير الضوئي (فياب) الخاصة بالتصوير الفوتوغرافي .. و من المعروف تقام سنويا و لا تنسين ام حمد

بأن عدد من القطريين فازوا في المسابقة .. ( شيخة بنت عيد ال ثاني و يوسف عتيق الدوسري و حمد النعيمي و الخ ) .. في محورين البورتريه و العام ..



معلومة بسيطه اختي ام حمد .. الجائزة الوحيده عالمياً اللي تنقسم جوائزها الى ثلاث اقسام رئيسية .. ما بين جوائز عالمية و جوائز لأخواننا العرب و جوائز للقطريين فقط .. للعلم الجائزة هذه اخلقت نوع من التفرقة بين اوساط المصورين العالميين .. و السبب بأن جميع الجوائز العالمية مهب محصوره او منحازه لجهه معينة .. لكن الاتحاد الدولي للتصوير الضوئي (فياب) قبلوا الشرط و السبب هو تشجيع العرب على انشاء الجمعيات الخاصة بالتصوير . و الخ ..


و اختي ام حمد .. كونج طرحتي الموضوع من باب النقدالغير بناء و الطعن في لجنة التحكيم و تصورج الخاطئ في نزاهة لجنة التحكيم فهذا يدل على جهلج في امور التصوير الفوتغرافي ..

فلذا اتمنى اختي ام حمد اذا عندج اي شك في لجنة التحكيم .. تقدرين ترسلين رسالة الى الاتحاد الدولي للتصوير الضوئي (فياب) او الجمعية القطرية للتصوير الضوئي و احنا في انتظار الرسالة هذه منج .. و نبي نشوف رد الجمعية القطرية للتصوير الضوئي او الاتحاد الدولي للتصوير الضوئي (فياب).. و نبي الرد ع العام اذا امكن لتعم الفائدة للجميع ..



موقع الاتحاد الدولي للتصوير الضوئي (http://www.fiap.net/index-en.html)


موقع الجمعية القطرية للتصوير الضوئي (http://www.qpsphoto.com/arabic/index.php)
نشميّه
23-01-2009, 05:29 PM
حتى لو التكوين حلو ( وانا ماشوف شي ) والاضاءه والتفاصيل !
لكن الفكره تلوع الجبد !!!!!!!!!!!!!!!!!!!!!!!!!!!!
شهالمجاملات ! حتى في التصوير في واسطه ومجاملات !!!!!!!!!!
فزعـــــ قطر ـــــة
23-01-2009, 05:50 PM
http://www.uaekeys.com/fwasel/www.uaekeys.com27.gif
هزلت والله
مافيها شي من الحلاه
لاحول ولاقوة إلا باالله العلي العظيم
http://www.uaekeys.com/fwasel/www.uaekeys.com27.gif
أم حمد
23-01-2009, 07:54 PM
السموحه من الجميع

على التاخير فالرد

انا نزلت الموضوع بصعوبه البارحه

/

نرد لموضوعنا

الاخوه والاخوات اللي يقول هذا فن وانتي جاهله !

اي فن هذا !

انا مااتكلم من الناحيه الفنيه !

لي في مجال التصوير ولا ابي اخوض في النقاش فيه !

اعتراضي الشديييييييييييييييييييييييييد

الصوره تنافي اخلاقنا الاسلاميه والدينيه

الدييييييييييييييييييينيه ياهل الفن !

خمور وبار ومسدس وعوره وذهب وقلايد !

كان تعرى كامل وكمل الصوره بشكل اروع !

ولا اقول لكم المره الجايه

بنصور مومسااات في بيت دعاره بشكل احترافي وبنقول هذا فن !

وهو يدعو ضده !

/

والله العظيم هذي صفعه من لجنة التحكيم للجائزه واسم الجائزه

وفضيحه واهاااانه لنا كشعب قطري مسلم !

بعدين اللي يقول لا تشككين فيها وان هذا فلان !

وخير ياطير مجموعة كفار وفوزوا كافر مثلهم !!

وعفوا ً اللجنه ذي ماتعرف ان الجائزه تحمل اسم اسره حاكمه لدولة قطر وديانتها الاسلام !

/

انا اعرف اللجنه واعرف وين يتم التصويت

طبعا ً خارج قطر <==== ليه احنا ماعندنا مصورين كفو ولا لجنه تقدر تحكم على الجائزه !

لكن بغيت توضح الامور للي يجهل هالشي !

/

السموحه من الجميع مره ثانيه

واذا لقيت فرصه دخلت الشبكه
لاداعي
23-01-2009, 07:56 PM
:omg:
OREO
23-01-2009, 08:49 PM
اختي ام حمد .. من كلامج باين ان اهتمامج من الناحية الاخلاقية و مهب الفنية كما اتدعيتي في بداية الموضوع ..

في الحالة هذه اقدر اقول .. ان انتقادج للجنة التحكيم كان ظلم و الصورة كانت تستاهل الفوز .. لكن السالفه و ما فيها

هو اعتراضج على نوعية الكادر !!

في الحالة هذه اختي ام حمد .. تقدرين توجهين اقتراح للشيخ سعود ال ثاني .. مقدم الجائزة .. و اتمنى يلبي طلبج ..

و جزاج الله خير ..

موقع الخاص بجائزة ال ثاني للتصوير (http://al-thaniaward.com)
العـوا
23-01-2009, 09:03 PM
ام احمد

خبر غريب
عبدالرحمن
23-01-2009, 09:16 PM
يالربع من كل النواحي الصوره بايخه وسخيفه لا فنيا ولا اخلاقيا ولا اجتماعيا ولا صحيا حتى
شهالمسخره
بس ليتهم ماسمو الجائزه جائزة ال ثاني الاسم والله كبير
جان حطوها اي اسم ثاني ويحطون ان شالله واحد يتسبح في بار مب يشرب وبس
اللوم مب على الشيخ عبدالله ولا على الشيخ عبدالرحمن اللوم على اللجنه الشيوخ بس سلمو الجوائز ومالهم خص في لجنه تحكيم الي عندها هبوط في ذوق العام اتمنى ماحد يوجهه اي لوم او انتقاد للشيوخ اذا سمحتو يعني
انا احس في صور وايد حلوه انعرضت ولا فازت
الصارم
23-01-2009, 09:18 PM
ما أعرف شنهي المعايير اللي على أساسها يقيمون الصوره بس أشوف الصوره هذي أحسن


http://www.al-thaniaward.com/awards/5.jpg
غزلان
23-01-2009, 09:28 PM
لاحول ولاقوة الا بالله

الله يهدينا جميعا
السهم الحلال
23-01-2009, 09:32 PM
لو بايخه بس بنمشيها

بس الصورة غير أخلاقية بعد
وحيد-الشوق
23-01-2009, 09:45 PM
السموحه من الجميع

على التاخير فالرد

انا نزلت الموضوع بصعوبه البارحه

/

نرد لموضوعنا

الاخوه والاخوات اللي يقول هذا فن وانتي جاهله !

اي فن هذا !

انا مااتكلم من الناحيه الفنيه !

لي في مجال التصوير ولا ابي اخوض في النقاش فيه !

اعتراضي الشديييييييييييييييييييييييييد

الصوره تنافي اخلاقنا الاسلاميه والدينيه

الدييييييييييييييييييينيه ياهل الفن !

خمور وبار ومسدس وعوره وذهب وقلايد !

كان تعرى كامل وكمل الصوره بشكل اروع !

ولا اقول لكم المره الجايه

بنصور مومسااات في بيت دعاره بشكل احترافي وبنقول هذا فن !

وهو يدعو ضده !

/

والله العظيم هذي صفعه من لجنة التحكيم للجائزه واسم الجائزه

وفضيحه واهاااانه لنا كشعب قطري مسلم !

بعدين اللي يقول لا تشككين فيها وان هذا فلان !

وخير ياطير مجموعة كفار وفوزوا كافر مثلهم !!

وعفوا ً اللجنه ذي ماتعرف ان الجائزه تحمل اسم اسره حاكمه لدولة قطر وديانتها الاسلام !

/

انا اعرف اللجنه واعرف وين يتم التصويت

طبعا ً خارج قطر <==== ليه احنا ماعندنا مصورين كفو ولا لجنه تقدر تحكم على الجائزه !

لكن بغيت توضح الامور للي يجهل هالشي !

/

السموحه من الجميع مره ثانيه

واذا لقيت فرصه دخلت الشبكه



:nice:

وانا رايي الصورة فكريا خايسه من قلب وتلوع الجبد بس كمعالجه وألوان رائعة للأسف :(

http://www.al-thaniaward.com/awards/5.jpg

هالصورة عجييبة ليش مافازت الظاهر حتى الجوائز فيها واسطات :anger1:

والله الصورة عار بصراحه بار وخمر وجائزة قطرية واسم كبير :rolleyes2:
أم حمد
23-01-2009, 09:53 PM
اختي ام حمد .. من كلامج باين ان اهتمامج من الناحية الاخلاقية و مهب الفنية كما اتدعيتي في بداية الموضوع ..

في الحالة هذه اقدر اقول .. ان انتقادج للجنة التحكيم كان ظلم و الصورة كانت تستاهل الفوز .. لكن السالفه و ما فيها

هو اعتراضج على نوعية الكادر !!

في الحالة هذه اختي ام حمد .. تقدرين توجهين اقتراح للشيخ سعود ال ثاني .. مقدم الجائزة .. و اتمنى يلبي طلبج ..

و جزاج الله خير ..

موقع الخاص بجائزة ال ثاني للتصوير (http://al-thaniaward.com)




عطني دليل واحد اني اقصد الناحيه الفنيه !

:eek5:











اترك الحكم لكم !!

http://www.al-thaniaward.com/awards/3.jpg

والله العظيم من شفت الصورة فالجريدة وانا الى هاللحظه منصدمه !!

كيف هالصوره ادخلت المسابقة !

اي تحكيم مرر هالصورة وفوزها بالجائزة الكبرى !

:anger1:

كيف سعادة الشيخ عبدالله بن علي بن سعود ال ثاني رضى على فوزها !

:anger1:

اعذروني على ضيقتي بس جد اعتبرها اهانه قويه وفضيحه ابطالها لجنة التحكيم !!



:anger1:




ركز على اللي كاتبته بالخط الاسود

وبتعرف ان واضح جدا ً اقصد الناحيه الاخلاقيه

لا جبت طاري جوده ولا تكوين ولا اضاءه الخ فالموضوع !

كان استغرابي واضح جدا ً كيف سمح لها بالدخول والمشاركه !!

بالدخوووووووووووووووووول والمشاركه !

وبعد الفووووووووز بالجائزه الكبرى

الكبرى

:rolleyes2:

!!
أم حمد
23-01-2009, 09:58 PM
انزلت الصوره فالجريده

شالين الجزء اليمين اللي فيه زجاجة خمر لانها كانت واضحه !

حتى الجريده استحوا ينزلونها كامله !

والله عيب !
بنت الحرمي
23-01-2009, 10:05 PM
The grandfather gangsta

هذا هو الجد اللي المفروض يمثل القدوة الحسنة ،، والمثل الاعلى والحكمة
سبحان الله انقلبت الموازين

الله يرحمك يا جدي ،، توفى وهو يصلي العشا في المسجد :weeping:
OREO
24-01-2009, 12:24 AM
عطني دليل واحد اني اقصد الناحيه الفنيه !

:eek5:






ركز على اللي كاتبته بالخط الاسود

وبتعرف ان واضح جدا ً اقصد الناحيه الاخلاقيه

لا جبت طاري جوده ولا تكوين ولا اضاءه الخ فالموضوع !

كان استغرابي واضح جدا ً كيف سمح لها بالدخول والمشاركه !!

بالدخوووووووووووووووووول والمشاركه !

وبعد الفووووووووز بالجائزه الكبرى

الكبرى

:rolleyes2:

!!


انزلت الصوره فالجريده

شالين الجزء اليمين اللي فيه زجاجة خمر لانها كانت واضحه !

حتى الجريده استحوا ينزلونها كامله !

والله عيب !




الدليل الله يسلمج انج موافقة على ردود الكل و ما اشوفج وضحتي بأنج تقصدين

الناحية الاخلاقية و اكثر الاعضاء طاحوا في نزاهة التحكيم رغم قوانين فياب ما تنص على

الشئ هذا الا في حالالات معينه و تقدرين تشيكين بنفسج في الابلكيشن في موقع جائزة ال ثاني

.. و راجعي الردود و شوفي اذا انا غلطان ..

سؤال .. ليش حارقه دمج يا ام حمد و الخمور تارسه البلد و غير ان فنادق الدوحه مسموح

فيها السباحه بالمايو للحريم و بالشورت للرجال .. و ين المشكلة ؟؟؟

ايش الفرق يا ام حمد بين هذا اللي مطلع كرشته و بين دعايات اللي فيها صور ماصخه من البنات .؟؟

هل الرجال له عورة و البنت لا ؟؟؟

للأسف اننا نمسك الفرع و نخلي الاصل .. و هذا هو حالنا للأسف ..
سيزن
24-01-2009, 12:59 AM
خمور وبار ومسدس وعوره وذهب وقلايد !

كان تعرى كامل وكمل الصوره بشكل اروع !

ولا اقول لكم المره الجايه

بنصور مومسااات في بيت دعاره بشكل احترافي وبنقول هذا فن !

احسنتي ......:nice:
التيما
24-01-2009, 01:48 AM
اتفق مع الأخ Qatar Zone في كلامه .. إذا كان الموضوع عن الصورة نقد تقني فهالشي ممكن يغير كلامنا كله .. وان كان نقد اخلاقي طبيعي كلامنا بيتغير لكني اشوف الموضوع تشعب وحمل أكثر من جانب وماعرفنا شالهدف منه .. اي انسان محترف في التصوير طبيعي بيشوف أمور كثيره في هالصورة يستحق عليها المصور المحترف جائزته لان تصويره ما كان من السهوله مثل ما اي انسان عادي لو شاف الصورة .. واذا كان الانتقاد عالصور ومافيها بما يعارض اخلاقياتنا وديننا الاسلامي فأتصور ان المصور ماصور شي مو موجود في بلادنا العربية .. واتصور انتقادنا للجنة محترفة تحت مراقبه أعضاء قطريين من ذوي الخبرة فيه ظلم كبير لكل الصور الفائزة .. والي يتابع جوائز هالمسابقة راح تمر عليه صور جميلة كثيرة ومافيها اي شي مخل او مغزز كل الصور تحمل معنى او معاني ..
أروى
24-01-2009, 06:34 AM
هذي خذتها بقوة السلاح
ههههههههههههههه اول ماشفتها افكرها في واقفة في مطبخ وماسكة ساطور لعدين
انتبهت لقيتها ماسمة مسدس

اعتقد عندنا من يرسم احسن منها من شباب وبنات احسن من سمتها
عضو المنتدى
24-01-2009, 02:10 PM
اي معاني اللي تتكلمون عنها؟؟
غرشة خمر وسيجارة ومسدس وفي باررر
هذي دليل يشمل الفواحش والمناكر اللي عايشين فيها الغرب
قمة القرررف
ومانكر جودة الصوورة وطريقة اخراجها النهائي بس كمحتوى صراحه تافه

والصورة فيها شخص شاذ جنسيا (شعر حريمي وسلاسل ):omg:
شاهيناز
24-01-2009, 03:31 PM
الصوره كنها بوستر لفلم
او رسمه يد
وهذا الي يميزها عن بقيه الصور المشاركه

معيار اختيار الصور لايضع اهميه كبيره للمعاير الاخلاقيه
واغلب الردود لاتنظر لصوره من ناحيه فنيه لكن من ناحيه اخلاقيه
خــطــافــ
24-01-2009, 03:33 PM
الصوره كنها بوستر لفلم
او رسمه يد
وهذا الي يميزها عن بقيه الصور المشاركه

معيار اختيار الصور لايضع اهميه كبيره للمعاير الاخلاقيه
واغلب الردود لاتنظر لصوره من ناحيه فنيه لكن من ناحيه اخلاقيه

لانه الجائزه تحمل اسم عزيز على كل قطري !!
pinky
24-01-2009, 08:00 PM
لانه الجائزه تحمل اسم عزيز على كل قطري !!

اي والله عزيزه علينا