قولوا الصج يا شباب

[الطيبة كلها]

طبعا مع التطور اللي صار بالبلد توافدوا علينا العرب والاجانب من كل مكان بثقافاتهم واخلاقهم وللاسف رغم انهم يعرفون ان بلادنا دوله اسلامية وعندنا عادات معينة الا نشوف مشاهد غير اخلاقية

والان قولوا الصج لو شفتوا المشهد امامكم هل تسكتون او تتصرفون معاهم وتوقفوهم عند حدهم

بالنسبة لي والله اوقفهم عند حدهم وما اسكت عنهم وادبت كم حاله حتى المفاصيخ الانجليز الله يعزكم على البحر ما اسكت عنهم واخليهم يلبسون ملابسهم وللاسف خاصة الشباب والريايل ساكتين محد يتكلم حتى عند الاذان اسكت الاغاني بالمحلات وووو فهل انتم مثلي غيورين على الدين

[هدهد سليمان]

طبعا مع التطور اللي صار بالبلد توافدوا علينا العرب والاجانب من كل مكان بثقافاتهم واخلاقهم وللاسف رغم انهم يعرفون ان بلادنا دوله اسلامية وعندنا عادات معينة الا نشوف مشاهد غير اخلاقية

والان قولوا الصج لو شفتوا المشهد امامكم هل تسكتون او تتصرفون معاهم وتوقفوهم عند حدهم

بالنسبة لي والله اوقفهم عند حدهم وما اسكت عنهم وادبت كم حاله حتى المفاصيخ الانجليز الله يعزكم على البحر ما اسكت عنهم واخليهم يلبسون ملابسهم وللاسف خاصة الشباب والريايل ساكتين محد يتكلم حتى عند الاذان اسكت الاغاني بالمحلات وووو فهل انتم مثلي غيورين على الدين


بارك الله بك وكثر من امثالك .. لكن طالما في كنايس ورأس السنه والكريسماس بالمجمعات اعتقد انها ما راح تكون اسلاميه بشكل بحت ولا اشرايك؟

[الطيبة كلها]

حتى بالكريسمس كنت اشتكي عند المحلات وعلى اغاني الكريسمس اللي يحطونها خلهم يعرفون ان احنا مب راضين ومانسكت عنهم بس هل ترضى باي مشهد امامك وخاصة اذا عيالك معك واحنا دائما نعلمهم على الدين لا والف لا وحتى لوكنت وحدي ضد الريح او اغرد خارج السرب وايد ناس قالوا نفس كلامك - ويقولون لي انتي ايش عليج كيفهم او انتي متفرغة بس كنت اجاوب والله ما اسكت عنهم هذا ديني وبدافع عنه

[بوحارب]

على حسب وهالشي يبيله جرأة شوي

والله يجزاج الخير على غيرتج على دينج :)

[هدهد سليمان]

بس هل ترضى باي مشهد امامك وخاصة اذا عيالك معك واحنا دائما نعلمهم على الدين لا والف لا وحتى لوكنت وحدي ضد الريح او اغرد خارج السرب وايد ناس قالوا نفس كلامك - ويقولون لي انتي ايش عليج كيفهم او انتي متفرغة بس كنت اجاوب والله ما اسكت عنهم هذا ديني وبدافع عنه


واللي يقولك ان شاف هالشي على الكرنيش من شخص خليجي والحبيب مسوي قصة حب صوب بلهمبار وبناتي شافوه قالوا يبه شوف عيب اطالع الحبيب مغرم قلت بعالي الصوت استح على وجهك طالعني وسوى نفسه ما يشوف وعدل جلسته وعقب حرك .. ما نلوم الاجانب بس .. واكيد اني ما ارضى لكن لو اشتكوا علي بيوقفون مع من في رايك؟

[حرقطر]

عن أبي سعيد الخدري رضي الله عنه قال : سمعت رسول الله صلى الله عليه وسلم يقول : ( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان ) رواه مسلم .

[الطيبة كلها]

قوله بكلم العضيد وهم مسؤلين عن ها الحالات او باتصل بالشرطة الحين - مع اني ادري ان العضيد الله بالخير ما يسون شئ عن تجربه بل تجارب بس خوفتهم ونجحت معاهم لاتسكتون اخواني تراهم يدرون انهم على خطأ ويخافون من التهديد

[الطيبة كلها]

ما شاء 51 مشاهدة والتعليق 6 اشخاص لا صج غيورين على دينكم ليش ما في رد منكم هل انتم جبناء لقول الحق ام سلبين ام ما عندكم غيرة على دينكم شئ يحير

[حبر سري]

ما شاء 51 مشاهدة والتعليق 6 اشخاص لا صج غيورين على دينكم ليش ما في رد منكم هل انتم جبناء لقول الحق ام سلبين ام ما عندكم غيرة على دينكم شئ يحير


اختي مهب شرط نرد على موضوعج علشان نثبت غيرتنا يعني

يعني الحين المنتدى فيه تقريبا اكثر من 23 الف عضو , بس اللي ردوا عندهم غيرة والباقي لا؟؟؟هل تعتقدين كلهم بيردون على موضوعج؟؟طيب واللي مايرد؟؟؟ماعنده غيرة طبعا!!!وانتي حاطة الموضوع علشان كثرة الردود ولا تبادل وجهات النظر؟؟

عموما تعليقي عالموضوع:
اختي اللي انا اعتقده ان الموضوع هذا مسؤوليته مشتركة , ويجب ان تكون مش على عاتق كل قطري وبس , الا على عاتق كل مسلم , حتى لو كان اجنبي , لان هاذي تعليمات الرسول عليه السلام , ان من رأى منكم منكرا فليغيره بيده ...... الحديث

ومشكلة بعض الاعضاء انه يفكر ان السالفة لازم تصير هوشة وضرب ويبي يثبت نفسه حتى لو بالعقال !! وهذا غلط
اخوي في اكثر من طريقة , اولها العضيد , ولحد يقول مايسوون شي , في اكثر من موقف تحركوا له جزاهم الله خير , ها اول شي , واللي يقول مايسوون شي , طيب هل لو كتبت في المنتدى بيصير شي؟؟؟ هذا السؤال
يعني على سبيل المثال اختي انتي جيتي وكتبتي الموضوع , لا وتقولين اللي ماردوا وين غيرتهم , وشدراج يمكن اللي ماردوا هم اول ناس يتحركون

والمسائل يااخوان مهب شرط تنحل بالضرب , ياخي شفت محل امطول على صوت الاغاني وقت الاذان , ياخي الله لايهينك ادخل وكلم راعي المحل ولا المسؤول هناك وفهمه بكل احترام , ان هالشي مايجوز , حتى لو كان مهب مسلم , كلمه , طيب كلمته وماعطاك ويه
كلم العضيد على طول , وقتها بنقول لك بيض الله وجهك عاللي سويته

لكن قريت اكثر من رد في مواضيع مشابهة يقول لك روح له بالعقال !!! او ادعمه بالموتر!!!

وشدعوة وين قاعدين ياجماعة ؟؟؟؟
اا دعوة الكفار الى الدين الاسلامي تكون بالحكمة والموعظة الحسنة , هذا وهم كفار
نقطة اخيرة : اختي اسلوب المزايدات هذا والله مضحك , ارجو الابتعاد عنه , يعني اللي ماردوا ماعندهم غيرة ومن هالكلام اللي يخلي الناس يضحكون عالموضوع.
والله من وراء القصد

حبر سري

[!قطريـة بنت القمـر!]

اعتــرف اني استخــدم اضعــف الايمــان في هالمواقــف !! .... بس سالفة الاغاني لا اذا اني بالمحل واسمع الاذان ولقيتهم حاطين اغاني اقولهم سكروه طبعا وهالشي نادر لاني ماطلع وايد وماشوف هالمناظر فديـتج والله كريـم ....