المساعد الشخصي الرقمي

مشاهدة النسخة كاملة : موقف صار في الستي وأكيد صار لكم


بـن عدوان
23-01-2009, 02:48 AM
السلام عليكم ورحمة الله وبركاتــه

شخباركم ... ان شاءالله طيبين

.


.


.


.


ندخل في الموضوع الي يقهر :anger1:


انا وواحد من الربع رحنا الستي نحجز حق فلم " yes man " >> انصحكم تشوفونه:tease:


المهم :anger1::anger1::anger1:

رفيجي كان اللي يحجز وانا كنت جنبه اطالع الافلام المعروضة

شوي الا اجوف بنت صغيرة جايه صوبه قاعدة تأشر ع الكتيّب مال الافلام

ورااها وحدة كبيرة شكلها أمها :omg:

البنت جايه تقول حق رفيجي

ابي ادخل هالفلم والام تقول حق رفيجي البنت ماعندها الا خمس ريال وعطته الخمس :omg:


رفيجي انحرج رجع اخمس وقال حق الموظفة احجزي تذكرة حق الفلم الفلاني

فيه واحد ورانا مع الــ girl friend مالته كلم الام يقولها مايصير انتي داشه عرض ولازم توقفين في الصف ( طبعا بالانجليزي )

تدرون شنو قالت له ؟


قالت له

this is in your country :omg::omg:

وشوي تقوله we are together :omg::omg:

رفيجي عطاها التذكرة ومشى وماعرف شيسوي

قلت له ليش حجزت لها

قالي خلها تولي

قمت ابي الحقها وكنت ابي اتصل في العضيد ابلغ عنها

من الزحمه اللي في السينما ماقدرت الحقها وكله عبايات :tease:


يااانااس

فسروا لي الي قاعد يصير !!!!
هدهد سليمان
23-01-2009, 02:52 AM
اللي يصير ان المسخره زادت عن حدها والله يستر على الناس ديمقراطيه وحرية بمفهوم خاطيء للاسف
حرقطر
23-01-2009, 02:56 AM
انصحك تعسكر في خيمه في الشمال

بلا سووووق وعوااااار راس
بـن عدوان
23-01-2009, 03:04 AM
انصحك تعسكر في خيمه في الشمال

بلا سووووق وعوااااار راس


يــبــيــلــهــ :victory:
{أمـ تروكـ}
23-01-2009, 03:08 AM
وقاحة من الام... والمفروض رفيجك يطنش لها ؟؟؟؟
خلاص مافي حيا
الطيبة كلها
23-01-2009, 03:15 AM
عارف ايش المشكلة وملاحظتة من زمان ان شباب قطر وايد يستحون خاصة بالمسائل المالية ياريته زف المرة اللي مافيها حيا جدام الناس
بـن عدوان
23-01-2009, 03:24 AM
عارف ايش المشكلة وملاحظتة من زمان ان شباب قطر وايد يستحون خاصة بالمسائل المالية ياريته زف المرة اللي مافيها حيا جدام الناس

جــبــتــيــهــا :nice:
بوحارب
23-01-2009, 03:39 AM
انطر لين الصبح وشوف الردود من الأعضاء

شكلهم بيحكمون عليك بالأعدام :secret:


وبالنسبة لموضوعك ماعندي تعليق الصراحة حتى هذي السينما اللي تتكلمون عنها عمري ما دخلتها :(
محمد_ قطر
23-01-2009, 04:19 AM
انطر لين الصبح وشوف الردود من الأعضاء

شكلهم بيحكمون عليك بالأعدام :secret:


وبالنسبة لموضوعك ماعندي تعليق الصراحة حتى هذي السينما اللي تتكلمون عنها عمري ما دخلتها :(

ابشر عازمك على احله فلم ...:nice:
المشط
23-01-2009, 04:25 AM
السلام عليكم ورحمة الله وبركاتــه

شخباركم ... ان شاءالله طيبين

.


.


.


.


ندخل في الموضوع الي يقهر :anger1:


انا وواحد من الربع رحنا الستي نحجز حق فلم " yes man " >> انصحكم تشوفونه:tease:


المهم :anger1::anger1::anger1:

رفيجي كان اللي يحجز وانا كنت جنبه اطالع الافلام المعروضة

شوي الا اجوف بنت صغيرة جايه صوبه قاعدة تأشر ع الكتيّب مال الافلام

ورااها وحدة كبيرة شكلها أمها :omg:

البنت جايه تقول حق رفيجي

ابي ادخل هالفلم والام تقول حق رفيجي البنت ماعندها الا خمس ريال وعطته الخمس :omg:


رفيجي انحرج رجع اخمس وقال حق الموظفة احجزي تذكرة حق الفلم الفلاني

فيه واحد ورانا مع الــ girl friend مالته كلم الام يقولها مايصير انتي داشه عرض ولازم توقفين في الصف ( طبعا بالانجليزي )

تدرون شنو قالت له ؟


قالت له

this is in your country :omg::omg:

وشوي تقوله we are together :omg::omg:

رفيجي عطاها التذكرة ومشى وماعرف شيسوي

قلت له ليش حجزت لها

قالي خلها تولي

قمت ابي الحقها وكنت ابي اتصل في العضيد ابلغ عنها

من الزحمه اللي في السينما ماقدرت الحقها وكله عبايات :tease:


يااانااس

فسروا لي الي قاعد يصير !!!!


اخوي العزيز ممكن استفسار

بتتصل بالعضيذ وشو بتقول لهم

بتقول لهم بنت اصغيره اطلبت من صديقي يدفع لها قيمه تذكره السينما وصديقي عاقل راشد وفي كامل قواه العقليه دفع قيمه التذكره ..... اوكي وبعدين وشو التهمه ؟

والاهم من هذا وشو الفائده من الموضوع

اسمح لي على صراحتي
بـن عدوان
23-01-2009, 04:28 AM
انطر لين الصبح وشوف الردود من الأعضاء

شكلهم بيحكمون عليك بالأعدام :secret:


وبالنسبة لموضوعك ماعندي تعليق الصراحة حتى هذي السينما اللي تتكلمون عنها عمري ما دخلتها :(



يلا بكرة باخذك معاي هههههههههه
بـن عدوان
23-01-2009, 04:29 AM
اخوي العزيز ممكن استفسار

بتتصل بالعضيذ وشو بتقول لهم

بتقول لهم بنت اصغيره اطلبت من صديقي يدفع لها قيمه تذكره السينما وصديقي عاقل راشد وفي كامل قواه العقليه دفع قيمه التذكره ..... اوكي وبعدين وشو التهمه ؟

والاهم من هذا وشو الفائده من الموضوع

اسمح لي على صراحتي

بتصل فيهم وبقولهم في طرارة وهي الام وليست البنت:nice:
حبر سري
23-01-2009, 05:39 AM
قالها خلف المشعان:
هذا الزمن يبغا له لسان دلّال
من يستحي هالوقت واعزّتي له

بس اخوي انت شلون حكمت على الاجنبي انه مع القيرلفريند؟؟؟
المخفي
23-01-2009, 05:52 AM
صار لي نفس الموقف في كارفور و انا احاسب جاتني وحدة عراقية و تبيني احاسب عنها جايبة ايسكريم و تبيني ادفع عنها و قعدت حول خمس دقايق و هي تدعيلي و من هاذي الحركات مال الطراروة سفهتها و لا عطيتها وجه اخرتها راحت عند واحد ثاني

ترى حاسبوا منهم
!قطريـة بنت القمـر!
23-01-2009, 06:11 AM
دامه دفع بكامل ارادته انتهــى الموضوع !!
The Blade
23-01-2009, 08:04 AM
والله شي عجيب وغريب
بس ما ألوم رفيجك...الصراحه موقف صعب تفكر فيه!
وهذه مشكلة هل قطر مايقصرون في حد الي يسوى وإللي مايسوى....
بوعلي2
23-01-2009, 08:20 AM
لاحول ولاقوة الا بالله
hemoud123
23-01-2009, 11:12 AM
انطر لين الصبح وشوف الردود من الأعضاء

شكلهم بيحكمون عليك بالأعدام :secret:


وبالنسبة لموضوعك ماعندي تعليق الصراحة حتى هذي السينما اللي تتكلمون عنها عمري ما دخلتها :(
اعدام
قطريه ماركه
23-01-2009, 12:34 PM
اخوي العزيز ممكن استفسار

بتتصل بالعضيذ وشو بتقول لهم

بتقول لهم بنت اصغيره اطلبت من صديقي يدفع لها قيمه تذكره السينما وصديقي عاقل راشد وفي كامل قواه العقليه دفع قيمه التذكره ..... اوكي وبعدين وشو التهمه ؟

والاهم من هذا وشو الفائده من الموضوع

اسمح لي على صراحتي

:victory:
بـن عدوان
23-01-2009, 12:41 PM
بس اخوي انت شلون حكمت على الاجنبي انه مع القيرلفريند؟؟؟

اممممممم

والله احساس وكانوا صغار :tease:


يمكن مخطوبين
بـن عدوان
23-01-2009, 12:43 PM
:victory:

اقري الموضوع عدل :)
saaam
23-01-2009, 12:49 PM
الله يهديكم هلاشكل المفروض تفشلونهم وما تعطونهم وجه
مب تدفعوم لهم التذكره رفيجك كان صدها
المشكله لما حد يعطيهم وجه يتمادون ويمصخونها
وطن
23-01-2009, 12:56 PM
رفيجك غلطان
من الاساس ليش يعطيها مجال ولايدفع لها بعد!!
المفروض يقول لها صفي بالدوور

وما يدفع لها

مو مسؤول عنها

باجر يجوونه شلة من 10 بنات ويدفع لهم بعد

!!!
لولوتي
23-01-2009, 01:03 PM
:omg::eek5::omg::eek5:

يعني يمكن مااستوعبت السالفه

هل هي اللي يطلق عليها أم في هالموقف

تبي طراره عشان اتدش السينما:swoon:


ناس اتموت جوع ولا تمد ايدها لحد وتموت بكرامه
وناس انعدمت عندهم كل الاخلاق ومابقت لهم كرامه


في مثل يقول

اللي اختشوا ماتوا

والله يستر من الجاي:weeping:
عليان قطر
23-01-2009, 01:13 PM
لا بارك الله في ابليس
:anger1:
طريق سلوى
23-01-2009, 01:14 PM
:telephone::rolleyes2::rolleyes2:مسكين العضيد بيتصلون عليه في كل شئ
الزعفراني82
23-01-2009, 01:35 PM
سيتي سنتر وين و اي لون و اي شكل !!!!!!!
بـن عدوان
23-01-2009, 01:35 PM
المشكلة رفيجي توهق وماعرف شيسوي !!
دلة الرسلان
23-01-2009, 01:38 PM
اسمح لي لي اخوي بس انا اقول مستحيل ثم مستحيل قطرية تطر بها الطريقة وقلة الحيا

ومش كل من لبس عباءة صارت قطرية حتى لو تكلمت بلهجة قطر .
بـن عدوان
23-01-2009, 01:42 PM
اسمح لي لي اخوي بس انا اقول مستحيل ثم مستحيل قطرية تطر بها الطريقة وقلة الحيا

ومش كل من لبس عباءة صارت قطرية حتى لو تكلمت بلهجة قطر .


لالا هي مب قطرية

شكلها عراقية
دلة الرسلان
23-01-2009, 01:51 PM
لالا هي مب قطرية

شكلها عراقية


اي زين مع الاعتذار للعراقيين يعني المرأة طرارة وحصلت من تستغله وخويك عطاها فرصة

تسيء لشعبنا لأن الأجنبي اللي وراك على باله أنها قطرية .
نور الريان
23-01-2009, 01:55 PM
السلام عليكم ورحمة الله


اخوي المشكلة مب في موقفك انت او صديقك !

المصيبة في هالام اللي تعلم بنتها على هالحركات من صغرها !

عيل لين كبرت هالبنت ووصلت 20 سنه ايش ممكن تسوي !!

ولو فرضنا انها مسكينه وفقيره ومحتاجه ,, تطر تذكرة سينما !!!! ما خبرنا !!

لا حول ولا قوة الا بالله !!

ربنا لا تؤاخذنا بما فعل السفهاء منا ,,
بـن عدوان
23-01-2009, 01:59 PM
السلام عليكم ورحمة الله


اخوي المشكلة مب في موقفك انت او صديقك !

المصيبة في هالام اللي تعلم بنتها على هالحركات من صغرها !

عيل لين كبرت هالبنت ووصلت 20 سنه ايش ممكن تسوي !!

ولو فرضنا انها مسكينه وفقيره ومحتاجه ,, تطر تذكرة سينما !!!! ما خبرنا !!

لا حول ولا قوة الا بالله !!

ربنا لا تؤاخذنا بما فعل السفهاء منا ,,

ازيدك من الشعر بيت

البنت الصغيرة عطتني ظهرها وتلزق فيني !!!!!!!!!!!!!
قمت مسكتها ووخرتها عني

مادري من غير قصد ولا علمتها الام بعد ؟؟؟؟
نور الريان
23-01-2009, 02:09 PM
ازيدك من الشعر بيت

البنت الصغيرة عطتني ظهرها وتلزق فيني !!!!!!!!!!!!!
قمت مسكتها ووخرتها عني

مادري من غير قصد ولا علمتها الام بعد ؟؟؟؟


:eek5::eek5::eek5:

امحق امحق امحق يمحق امها يارب
المشط
23-01-2009, 02:47 PM
بتصل فيهم وبقولهم في طرارة وهي الام وليست البنت:nice:

اخوي شلون حكمت عليها انها طرارة

لو طرارة بتقول لك عطني فلوس تكسي

بتقول لك عطني افلوس اشتري عشاء حق بنتي

لكن سينما ؟

ليش حكمت عليها انها طرارة

ليش ماتكون محتاجه وعندها ظروف صعبه ولا تقدر تدخل بنتها السينما ... والبنت اطلبت من رفيجك يكمل باقي المبلغ



ازيدك من الشعر بيت

البنت الصغيرة عطتني ظهرها وتلزق فيني !!!!!!!!!!!!!
قمت مسكتها ووخرتها عني

مادري من غير قصد ولا علمتها الام بعد ؟؟؟؟

اخوي حرام عليك حتي الطفله .....

حكمت عليها وقلت تلزق فيني بقصد او بدون قصد

اسمح لي اخوي لكن اتوقع ان تفكيرك اخطاء وظلمت الطفله


والى بعض الاعضاء منهم من ينتقذ الام ومنهم من يتمحق وهو جاهل بمعني كلمه امحق

والبعض منهم يقول على الام انها طراره وغيره من الكلام ....

وهم نفس الاشخاص لهم ردود طرارة في مواضيع سابقه في المنتدي من غلاء الاسعار والديون

اذا كنتم تشفون ان الام طراره لا تنسون نفسك ( والمقصود فيها البعض مب الكل وهم عارفين نفسهم )

والفرق ان الام طراره في المجمعات والبعض في المنتديات بأسماء مستعاره .... ( هذا التصنيف حسب حكمكم على الام )

وربي يهديكم ويهديني
بـن عدوان
23-01-2009, 02:52 PM
اخوي حرام عليك حتي الطفله .....

حكمت عليها وقلت تلزق فيني بقصد او بدون قصد

اسمح لي اخوي لكن اتوقع ان تفكيرك اخطاء وظلمت الطفله



انا ماحكمت ع الطفله

هي طفله واكيد ماتعرف هالسوالف

اللي كنت اقصده يمكن امها معلمتها على هالشي !!

والبنت المسكينه ماتدري عن شي تمشي على كلام امها




اخوي شلون حكمت عليها انها طرارة

لو طرارة بتقول لك عطني فلوس تكسي



اخوي بغض النظر سينما عشا تكسي .. الخ

انت تشوف الطريقة حلوة ؟

تدخل لك عرض وتقول البنت تبي تدخل

وتكلم الاجنبي تقوله this is in your country ??

صرنا احنا العنصريين مب اهم



)

وربي يهديكم ويهديني


امين ياارب
thefoox
23-01-2009, 04:11 PM
لا حول ولا قوه الا بالله
حبر سري
23-01-2009, 04:15 PM
الصوره مب شي

و جوفو صور حمد النعيمي ترا حلوه

:confused::confused:
وحيد-الشوق
23-01-2009, 04:20 PM
جان عطيتها كاش وقلت لها نصرف عليكم احنا <<< مافي احلى من الكاش

والله ناس غريبة اللي ماعندوش مايلزموش :)

وارجوكم طالبكم طلبه لحد يجيب سيرة العضيد :anger1:

مع اشد احترامي احس من اغبى الخدمات الي شفتها في حياتي :weeping:
thefoox
23-01-2009, 04:27 PM
:confused::confused:


بالغلط ياخوي لخبطت بين المواضيع <<
http://qatarshares.com/vb/showthread.php?t=234459
بنت ذياب
23-01-2009, 04:41 PM
اخووي مااافهمت !!

الحين شالمشكلة !

لانه دفع لها .. وكمل المبلغ

لو طرارة ماظن بتستفيد

شتبي

بالسينما وهالسوواالف !!

هي تبي فلوس ماتبي تشوف افلام !

امممممممم

ويوم قالت we are together

اظن قالت جي علشان تسكت الاجنبي ,,

والله ماادري..

باختصار..

ويهها عريض.. خخخ
بن علان
23-01-2009, 04:59 PM
والاهم من هذا وشو الفائده من الموضوع

اسمح لي على صراحتي

إذا كانت المره متعودة تدخل السينما بهذي الطريقة بيكون تنبيه لأعضاء المنتدى منها

أنا مؤيد لكل المواضيع التي فيها تنبيه وتحذير لطرق النصب والإحتيال

شكرا يا بن عدوان
المشط
23-01-2009, 05:12 PM
إذا كانت المره متعودة تدخل السينما بهذي الطريقة بيكون تنبيه لأعضاء المنتدى منها

أنا مؤيد لكل المواضيع التي فيها تنبيه وتحذير لطرق النصب والإحتيال

شكرا يا بن عدوان

شدراك ان الحرمه متعوده تدخل السينما بهذي الطريقه ؟

صاحب الموضوع قال ان راح السينما وشافها مره وحده ... مـــــــــــــــــــــــ قال ان كل مرة يروح السينما يشوفها

وبعدين انت تؤيد مثل هذي المواضيع اللى فيها تنبيه وتحذير

ممكن اعرف من وشو تحذير

اي شخص بيصير له هذا الموقف ... الكريم بيدفع بغض النظر كان للسينما او اسكريم او بيبسي
والبخيل !!!! رده معروف


الشخص اللى بيتصدق لوجه الله سبحانه وتعالي وهو لا يعلم هل المحتاج محتاج او لا

والله سبحانه وتعالي يجزي صاحب الصدقه على صدقته ولا يجزي المتصدق على نيت المحتاج كانت سيئه او خيرة
حبر سري
23-01-2009, 05:17 PM
اي شخص بيصير له هذا الموقف ... الكريم بيدفع بغض النظر كان للسينما او اسكريم او بيبسي
والبخيل !!!! رده معروف




اسمح لي اخوي المشط اختلف وياك في هالنقطة

ترى السالفة مالها علاقة بكرم او بخل
السالفة اشوي اكبر من جذيه

انت ماتدري هاذي شنهو نشاطها بالضبط , وانت ابهالطريقة قاعد تساعدها في هالشي , ياخي انا اذا ابي اساعد بدفع عشر الاف حق جمعية قطر الخيرية
ولا ادفع ريال واحد على هاذي

بصراحة
هل انا بخيل؟؟ بخيل لاني حذر؟؟ اكيد بتقول لي الفلوس اللي بتعطيها ماراح تنقص منك شي , اكيد صح هالكلام , لكن ليش اعطيها وهاذي سلومها اصلا؟؟

طبعا انا اتكلم بغض النظر عن الموضوع وصاحب الموضوع , والغرض من الموضوع , لان صارت لي مواقف مشابهة في الدوحة وبرع
بس الحمد لله اعتبر تصرفي كان سليم
المشط
23-01-2009, 05:45 PM
اسمح لي اخوي المشط اختلف وياك في هالنقطة

ترى السالفة مالها علاقة بكرم او بخل
السالفة اشوي اكبر من جذيه

انت ماتدري هاذي شنهو نشاطها بالضبط , وانت ابهالطريقة قاعد تساعدها في هالشي , ياخي انا اذا ابي اساعد بدفع عشر الاف حق جمعية قطر الخيرية
ولا ادفع ريال واحد على هاذي

بصراحة
هل انا بخيل؟؟ بخيل لاني حذر؟؟ اكيد بتقول لي الفلوس اللي بتعطيها ماراح تنقص منك شي , اكيد صح هالكلام , لكن ليش اعطيها وهاذي سلومها اصلا؟؟

طبعا انا اتكلم بغض النظر عن الموضوع وصاحب الموضوع , والغرض من الموضوع , لان صارت لي مواقف مشابهة في الدوحة وبرع
بس الحمد لله اعتبر تصرفي كان سليم

اخوي العزيز حبر سري


انت ماتدري هاذي شنهو نشاطها بالضبط , وانت ابهالطريقة قاعد تساعدها في هالشي , ياخي انا اذا ابي اساعد بدفع عشر الاف حق جمعية قطر الخيرية
ولا ادفع ريال واحد على هاذي

اخوي انا مساعد الحرمه انا انتقذ اسلوب الاخوان من النقذ والتجريح
وانا معاك الجمعيات الخيريه اضمن لكن اخوي اذا صادف وشفت محتاج بساعده ولا بفكر اذا هذا الشخص صادق او كذاب وخصوصا اذا المساعده بسيطه مثل اسكريم او بيبسي

وبالنسبه لنشاطها اخوي حتي المحتاجين اللى يستفدون من صدقات الجمعيات الخيريه ... نفسها الجمعيه الخيريه ماتعرف نشاط هذا الشخص وشو


صراحة
هل انا بخيل؟؟ بخيل لاني حذر؟؟ اكيد بتقول لي الفلوس اللي بتعطيها ماراح تنقص منك شي , اكيد صح هالكلام , لكن ليش اعطيها وهاذي سلومها اصلا؟؟
اخوي شلون تبغي يكون سلومها ... تطرش لي كتاب رسمي تطلب فيه صدقه
شخص طلب مساعده وانا اقدر اساعده بساعده ولا راح اتكلم عند العالم انا سويت وشكيت ...و...و..


طبعا انا اتكلم بغض النظر عن الموضوع وصاحب الموضوع , والغرض من الموضوع , لان صارت لي مواقف مشابهة في الدوحة وبرع
بس الحمد لله اعتبر تصرفي كان سليم

اخوي انا نفس الشي اقصد الموضوع كـــ عام
وانا ضد الاخ اللى دفع سعر تذاكر السينما ولو انا كنت مكانه مادفعت لهم لان مراح ادفع حق شي يغضب الله ورسوله
بن علان
23-01-2009, 05:46 PM
شدراك ان الحرمه متعوده تدخل السينما بهذي الطريقه ؟

صاحب الموضوع قال ان راح السينما وشافها مره وحده ... مـــــــــــــــــــــــ قال ان كل مرة يروح السينما يشوفها

وبعدين انت تؤيد مثل هذي المواضيع اللى فيها تنبيه وتحذير

ممكن اعرف من وشو تحذير

اي شخص بيصير له هذا الموقف ... الكريم بيدفع بغض النظر كان للسينما او اسكريم او بيبسي
والبخيل !!!! رده معروف

الشخص اللى بيتصدق لوجه الله سبحانه وتعالي وهو لا يعلم هل المحتاج محتاج او لا

والله سبحانه وتعالي يجزي صاحب الصدقه على صدقته ولا يجزي المتصدق على نيت المحتاج كانت سيئه او خيرة

يا الحبيب لا تكن ذو افق ضيق

السالفة صارت لبن عدوان وحذرنا جزاه الله خير

وأنا قلت إذا كانت هذي المره متعودة تدخل السينما بهذه الطريقة راح تصادفني وتصادف غيري

وش دخل الصدقة والبخل في وحده مثل هذي

بس اختلفنا معاك افتر عندك الديلكو :taunt:

الله يهداك بس
المشط
23-01-2009, 05:52 PM
يا الحبيب لا تكن ذو افق ضيق

السالفة صارت لبن عدوان وحذرنا جزاه الله خير

وأنا قلت إذا كانت هذي المره متعودة تدخل السينما بهذه الطريقة راح تصادفني وتصادف غيري

وش دخل الصدقة والبخل في وحده مثل هذي

بس اختلفنا معاك افتر عندك الديلكو :taunt:

الله يهداك بس

بيض الله وجهك اخوي وجزاك الله خير
بن علان
23-01-2009, 06:20 PM
بيض الله وجهك اخوي وجزاك الله خير

الله يجزينا واياك كل خير اخوي المشط واختلاف الرأي لا يُفسد للود قضية

ركز على الود :nice:
بـن عدوان
23-01-2009, 08:32 PM
صاحب الموضوع قال ان راح السينما وشافها مره وحده ... مـــــــــــــــــــــــ قال ان كل مرة يروح السينما يشوفها




في عضو في المنتدى معانا اليوم راسلني

وقالي انه شافها كذا مرة ونفس الاسلوب

بعد شبغيت اكثر ؟؟

والهدف من الموضوع

التنبيه

لانه بجد موقف محرج ومب حلوة ترى :)


اهم شي

اهم شي

انت لاتعصب
غزلان
23-01-2009, 09:36 PM
دامه دفع بكامل ارادته انتهــى الموضوع !!


وانا مع هالرأي المفروض مايدفع علشان مايشجعهم على هالسلوك:)
اسعاف
23-01-2009, 11:14 PM
السلام عليكم ورحمة الله وبركاتــه

شخباركم ... ان شاءالله طيبين

ندخل في الموضوع الي يقهر :anger1:

انا وواحد من الربع رحنا الستي نحجز حق فلم " yes man " >> انصحكم تشوفونه:tease:

المهم :anger1::anger1::anger1:

رفيجي كان اللي يحجز وانا كنت جنبه اطالع الافلام المعروضة

شوي الا اجوف بنت صغيرة جايه صوبه قاعدة تأشر ع الكتيّب مال الافلام

ورااها وحدة كبيرة شكلها أمها :omg:

البنت جايه تقول حق رفيجي

ابي ادخل هالفلم والام تقول حق رفيجي البنت ماعندها الا خمس ريال وعطته الخمس :omg:


رفيجي انحرج رجع اخمس وقال حق الموظفة احجزي تذكرة حق الفلم الفلاني

فيه واحد ورانا مع الــ girl friend مالته كلم الام يقولها مايصير انتي داشه عرض ولازم توقفين في الصف ( طبعا بالانجليزي )

تدرون شنو قالت له ؟


قالت له

this is in your country :omg::omg:

وشوي تقوله we are together :omg::omg:

رفيجي عطاها التذكرة ومشى وماعرف شيسوي

قلت له ليش حجزت لها

قالي خلها تولي

قمت ابي الحقها وكنت ابي اتصل في العضيد ابلغ عنها

من الزحمه اللي في السينما ماقدرت الحقها وكله عبايات :tease:


يااانااس

فسروا لي الي قاعد يصير !!!!

بن عدوان

تأمر الناس بالمنكر

اليس كفاية ما واجهك هناك من بلوى

وتقوم تنصح الناس بالذهاب الى اماكن الفساد ،وارتياد السينمات

الحمد لله نحن ناس لا نذهب للسينمات ولا اولادنا لا يعرفون مكانها

فاتق الله يا بن عدوان0واعلم ان اي شخص ذهب للسينماء من جراء كلام، فاعلم ان عليك وزر كل

الأثام التي يقع فيها وليس اقلها من النظر الى النساء المتبرجات سواء في داخل الفلم وخارجه
بن علان
23-01-2009, 11:39 PM
بن عدوان

تأمر الناس بالمنكر

اليس كفاية ما واجهك هناك من بلوى

وتقوم تنصح الناس بالذهاب الى اماكن الفساد ،وارتياد السينمات

الحمد لله نحن ناس لا نذهب للسينمات ولا اولادنا لا يعرفون مكانها

فاتق الله يا بن عدوان0واعلم ان اي شخص ذهب للسينماء من جراء كلام، فاعلم ان عليك وزر كل

الأثام التي يقع فيها وليس اقلها من النظر الى النساء المتبرجات سواء في داخل الفلم وخارجه

راحت عليك يا بن عدوان دام وزر كل اللي بيروحون السينما من ورا موضوعك من النظر إلى النساء داخل الفيلم وخارجه :D

أنا مساعه وقفت معاك الحين مالي شغل فيك :taunt:
بنت^البحرين1
24-01-2009, 12:54 AM
انا بهد الموضوع كله اول وبايي حق اخوي اسعاف، ترى الدين والطوع مب بهالطريقة ، ياخوي اللي انت تسلكه من طريج ذي تشدد وتطرف بعد ، لاتحرمون وتطلعون كلام من عندكم عشانه راح للسينما صار يدعو للمنكر !! ليكون رايح ديسكو هو؟؟

الله يهديك بس دام جذي تفكر في الناس

بعدين برجع للموضوع ، اخوي انا مثلك تماما تعرضت لموقف في باركات احد المجمعات وتوني بسكر الباب مادري من وين طلعت لي وقامت تصيح وتدعي لي انها محتاجة تبي تشتري من محل معين في المجمع وماتقدر وفقيرة محتاجة ( ومتنقبه وقفازات وعبايه وعفسه) ، والله ان شنطتي مليانه الحمدلله، بس على طول قلت لها انتي شوفي شنو لابسه وقيمي نفسج هل هذا مكان يصلح تطلبين فيه ؟؟ في وسط مجمع ؟؟ وانتي عارفه ان المجمع وخاصة اليوم اجازة يعني فيه الشين والزين ، ولين وقفتي عند كل سيارة هل بتلقين من الكل نفس الكلام ؟ والا بتلقين الذيابه اللي تنتظر تشوف ظل حرمه عشان يغتنم الفرصه؟ قالت انا لو مب محتاجه ماجيت، قلت لها اختي اسمحي لي لو محتاجة فعلا مابتجين في مجمع تطلبين خاصه انج عارفه شنو يصير في المجمعات عندنا وبالذات في الاجازات ( والكل فاهم قصدي من ناحية الزوار اللي يجون البحرين من جيرانا ) قامت قالت العازه وماتسوي ، قلت لها العازة تسوي وايد وكل عازه في البحرين كلها في صناديق خيرية تسجلين فيها ويجيج اللي الله يقدرهم عليه كل شهر لي بابج من غير محد يدري، قالت اي بس مايكفي ، قلت لها في اصحاب خير مايغفلون، كل ماتطلع من باب سكرت عليها

اخرتها قلت لها تبين الصج عاد ؟ انا عندي ومابعطيج مب عشان شي لا ، لان صراحه مشيتج مب عدلة وباين من تصرفاتج انج وحده مب صادقه، تبلعمت ومشت راحت
حتى اللي معاي في السيارة قالوا جان عطيناها وخلاص، قلت لهم مب على العطيه هي بس والله مصخوها من هالحركات عيب عليهم
ام خليفة
24-01-2009, 01:43 AM
انا الصراحه حتى لو حسيت ان الشخص اللي جدامي كذاب ومحتتااال بعد اعطيه اذا طلبني :)


انتوا ماشفتوا السعوديين اللي في الحسا من نوقف عند القيصريه نشتري قهوه يجووون ركييض لانهم شافو سياره قطريه فيهم الشايب فيهم الطفل فيهم الرجااال اللي باين عليه موطرار ملابسه نظيفه وحياته كريمه بس من يشوف سياره قطريه طمع قال بيعطوني ملايين وبعد نعطيهم ماعمرنا قلنا له انت رجال ولا اشتغل وكد على نفسك ولاشي الواحد يحتسب الاجر ومستحيل تقدر تربي الغير ، الله يهدي الجميع
التيما
24-01-2009, 01:54 AM
رفيجك غلطان طبعا لو مكانه بقولها مب لازم تدخلين سينما روحي بالخمس ريالات قسم الالعاب ابرك لج ..

ليش ما يطيحون هالاشكال في يدي بس !!
لولوتي
24-01-2009, 02:25 AM
انا الصراحه حتى لو حسيت ان الشخص اللي جدامي كذاب ومحتتااال بعد اعطيه اذا طلبني :)


انتوا ماشفتوا السعوديين اللي في الحسا من نوقف عند القيصريه نشتري قهوه يجووون ركييض لانهم شافو سياره قطريه فيهم الشايب فيهم الطفل فيهم الرجااال اللي باين عليه موطرار ملابسه نظيفه وحياته كريمه بس من يشوف سياره قطريه طمع قال بيعطوني ملايين وبعد نعطيهم ماعمرنا قلنا له انت رجال ولا اشتغل وكد على نفسك ولاشي الواحد يحتسب الاجر ومستحيل تقدر تربي الغير ، الله يهدي الجميع

هذي القاعده تنطبق على حد يطلب فلوس حق اكل حق شرب حق توصيله
مب حق دخول سينما


والله اني في مكه قصت عليّ وحده وانا ادري انها تقص عليّ... يوم اني قلت لها ماعندي غير هالافلوس اللي بشتري بها غدانا قالت لي زين اشتري لي هالوجبه معاكم وهي اتأشر على اغلى وجبه...وقالت لي روحي وانا بستلم وجبتي بس دفعي لي ...اختيارها لأغلى وجبه كان سببه واضح...ورحت عنها ...واكتشفت عقب خطوتين انه عطاني الطلب ناقص رجعت المطعم لقيتها هي والكاشير يقتسمون مبلغ الوجبه...

كل خواتي هاوشوني وقالوا لي ماتفهمين حذرناج لا تعطينهم...هم مب فاهمين اني ذيج الحزه كنت باكل اول لقمه لي في مكه..وابغي اتهنى فيها ...ولاهم بداريين بخوفي من انها تدعي عليّ لو ماعطيتها...


اما ان الواحد ماعنده بيزات كفايه ومحتاج اشلون يفكر يدخل سينما ولا مول :(
الموضوع انعدام اخلاقيات فقط لا غير:(
بنت المنتدى
24-01-2009, 02:38 AM
والله لو كنت مكانه ما استحي ولا بدفع بعد .....

انا لو بغيت اعطي .. بعطي بالكيف ........

ذكرتني بسالفتي بخصوص طابور السينما ..


الاسبوع اللي طاف جات وحده ودرعمت قدامي قلت لها لو سمحتي وانا اطقها على كتفها شافتني قلت لها ليكون انا قزمه والا مابين عشان تجين قدامي صفي حالج حال الناس قالت لي .. شو عم بتولي .. قلت لها سمعتي كلامي عدل وكلام الملوك لايعاد وقومي من قدامي لارويج سنع الله وانا مفتنه عيني < احسها بلعت العافيه والبوي فرند سحبها .. قالوا هذي بتذبحنا:shy: وانا صج كنت محتره على ماادري مين في بيتنا وجات هذي وقلت بحط حرتي فيها:tease: هههههههههههههههه


اللي ابي اوصله لك ترا الحين المفروض ماتسكت و لاتستحي
التيما
24-01-2009, 02:46 AM
والله لو كنت مكانه ما استحي ولا بدفع بعد .....

انا لو بغيت اعطي .. بعطي بالكيف ........

ذكرتني بسالفتي بخصوص طابور السينما ..


الاسبوع اللي طاف جات وحده ودرعمت قدامي قلت لها لو سمحتي وانا اطقها على كتفها شافتني قلت لها ليكون انا قزمه والا مابين عشان تجين قدامي صفي حالج حال الناس قالت لي .. شو عم بتولي .. قلت لها سمعتي كلامي عدل وكلام الملوك لايعاد وقومي من قدامي لارويج سنع الله وانا مفتنه عيني < احسها بلعت العافيه والبوي فرند سحبها .. قالوا هذي بتذبحنا:shy: وانا صج كنت محتره على ماادري مين في بيتنا وجات هذي وقلت بحط حرتي فيها:tease: هههههههههههههههه


اللي ابي اوصله لك ترا الحين المفروض ماتسكت و لاتستحي

ههههههههههههههههههههههههههههههههههههههه :funny:
بنت المنتدى
24-01-2009, 02:49 AM
ههههههههههههههههههههههههههههههههههههههه :funny:



:shy:

شاسوي اقهرتني انا انكسر ظهري من الوقفه وهي جايه تبي تقطع التذاكر على طول
بوخالد2
24-01-2009, 02:54 AM
دامه دفع بكامل ارادته انتهــى الموضوع !!


كلام صحيح :nice:
واحد 11
24-01-2009, 08:40 AM
تتصل على العضيد ليش :telephone: انت دافع برضاك...

بس انا ابي اتكلم عن شغله..الا وهي الطيبة الزايدة والحنية اللي نمتاز فيها كقطريين يعني اوكي نساعد الناس بس بحدود ونعرف من نساعد...لو انسان محتاج اوكي واحد يبي ياكل ممكن نمشيها لكن وحدة تبي تروح السينما تشحذ من الناس...انا مامر علي مثل هالنوعية...

ويوم تقول للي وراك هذي بلادي هذا طابور مايفرق بين قطري واجنبي...مادري ليش مانحترم دورنا....واسمحولي على هالتخصيص:secret: خصوصا الحريم مب كلهم طابور شطوله تدخل في نص الطابور او الكيو ( سيم ) بدون احترام للي واقفين

نفس الشي بعد يصير عند اشارة المرور صف طويل من السيارات ويجيك واحد ويروح اول شي عشان يدخل عرض وبتولع حمرا وانت ماوصلت للأشارة....

بصراحة مادري الله كريم......بس بروح الفيلم اليوم انشاء الله في ذمتك انا مالي خص:tease:
بن علان
24-01-2009, 12:16 PM
الاسبوع اللي طاف جات وحده ودرعمت قدامي قلت لها لو سمحتي وانا اطقها على كتفها شافتني قلت لها ليكون انا قزمه والا مابين عشان تجين قدامي صفي حالج حال الناس قالت لي .. شو عم بتولي .. قلت لها سمعتي كلامي عدل وكلام الملوك لايعاد وقومي من قدامي لارويج سنع الله وانا مفتنه عيني < احسها بلعت العافيه والبوي فرند سحبها .. قالوا هذي بتذبحنا:shy: وانا صج كنت محتره على ماادري مين في بيتنا وجات هذي وقلت بحط حرتي فيها:tease:
اللي ابي اوصله لك ترا الحين المفروض ماتسكت و لاتستحي

وأنا اقرأ ردك قلت في نفسي بنت المنتدى بعباتها ويمكن نقابها أما الثانية دام معاها البوي فرند أكيد لابسة بنطلون وشكلها شرية وزين سحبها صديقها

على فرض صارت بينكم هوشة ما غير بتتكشفين قدام العالم وهي ما عندها مشكله لأنها متكشفة

الحين أبي أسمع ردك يا بنت المنتدى هل انتي قد هالصايعة المايعة أم الرياييل :con2:

هذا مجرد تساؤل من اخوك ود واللي ارضاه لاختي ارضاه لك
م. عبدالعزيز
24-01-2009, 04:21 PM
الحمد الله اني ما احب أروح السينما
واقع
24-01-2009, 06:15 PM
الصراحه اسمحلي اني اقول ارفيجك ماعنده سالفه
المفروض يصرفها ولا يسفها لاكن اذا في ناس تدفع افلووووس حق هالاشكال لاتقولون ليش طلع هالشي عندنا ؟؟؟
جهام
24-01-2009, 07:03 PM
لاحول ولا قوة الا بالله ....الرجال تفاجئ شيسوي مع هالوقاحة ...
بـن عدوان
24-01-2009, 11:13 PM
لاحول ولا قوة الا بالله ....الرجال تفاجئ شيسوي مع هالوقاحة ...

للاسف الطــيــب ياكلونـــه ..
وطن
24-01-2009, 11:23 PM
والله لو كنت مكانه ما استحي ولا بدفع بعد .....

انا لو بغيت اعطي .. بعطي بالكيف ........

ذكرتني بسالفتي بخصوص طابور السينما ..


الاسبوع اللي طاف جات وحده ودرعمت قدامي قلت لها لو سمحتي وانا اطقها على كتفها شافتني قلت لها ليكون انا قزمه والا مابين عشان تجين قدامي صفي حالج حال الناس قالت لي .. شو عم بتولي .. قلت لها سمعتي كلامي عدل وكلام الملوك لايعاد وقومي من قدامي لارويج سنع الله وانا مفتنه عيني < احسها بلعت العافيه والبوي فرند سحبها .. قالوا هذي بتذبحنا:shy: وانا صج كنت محتره على ماادري مين في بيتنا وجات هذي وقلت بحط حرتي فيها:tease: هههههههههههههههه


اللي ابي اوصله لك ترا الحين المفروض ماتسكت و لاتستحي


زين تسوين فيها

اكره شي اللي ما يحترمون الغير ويجون يوقفون بنص الطابور
&بوشهد&
24-01-2009, 11:53 PM
تبغي الصراحة دامه دفع 20 ريال حقها خلاص انتهت السالفة
واذا ماعجبه الموقف يعتذر
بس اقولك الحقيقة لوتجيك بنت صغيرة وتبغي تدخل السينما وفي خاطرها حرام تردها صغيرة وماتفهم اعتبره ( سرور ادخلته في قلبها )
بـن عدوان
25-01-2009, 01:31 AM
بس اقولك الحقيقة لوتجيك بنت صغيرة وتبغي تدخل السينما وفي خاطرها حرام تردها صغيرة وماتفهم اعتبره ( سرور ادخلته في قلبها )

كلامك عدل ياخوي

هاي لو البنت كانت بروحها

بس مستحيل تحصل بنت صغيرة بروحها في مجمع

وتبي تدخل السينما بروحها !!

الا ااذا وحدة معاها اكبر منها بتدخل معاها

انا كلامي كان موجــه للأم ومب البنت
بوخليفة3
25-01-2009, 05:43 AM
سبحان الله حتى الطرارة صارت على كشخة
تطر علشان تتمتع بال week endوتشوف افلام
لكن الشرهه مب عليها علي عطاها