المساعد الشخصي الرقمي

مشاهدة النسخة كاملة : اذا كتبت موضوع , هل تطرش رسايل للاعضاء وتقول لهم تعالوا شاركوا؟بصراحة


حبر سري
23-01-2009, 03:02 PM
السلام عليكم ورحمة الله

بصراحة اذا كتبت موضوع , هل تطرش رسايل للاعضاء تطلب منهم المشاركة في موضوعك؟؟

واذا كتبت موضوع وشفت الردود عليه قليلة , شيكون شعورك؟

والسلام عليكم ورحمة الله وبركاته
بوعلي2
23-01-2009, 03:07 PM
بصراحه انا ماسوي جذي ولا خطر على بالي هالشي شلون فكرت جذي انت هههههههه


وانا مافكر بالردود الكثيره عادي اهم شي حد قرى الموضوع واستفاد او ابتسم على الاقل


واشكرك على طرحك للموضوع هذا والله لايحرمنا من مواضيعك
Bu Rashid
23-01-2009, 03:17 PM
حبر سري .. انت عجييب ومواضيعك أعجب

بالنسبة لي أنا أكتب الموضوووع .. الي يبي أشارك حياه الله والي مايبي يحفظه الله
وكل واحد وميوووله للمواضيع ..

الان عندي كم موضوع ... لو طرحتهم سترى غبره و مداخلات كثيره
وفي الاخير سيتم حذفه مع انه كلها حقائق ...
hemoud123
23-01-2009, 03:32 PM
ذكرتني باحد الاعضاءدخل على حوالي خمسين موضوع ويحط الرابط لموضوعه والله ضحكني
انا عن نفسي ولا افكر افعل هذا الشئ واكيد انبسط اذا كانت المشاركات كثيره تثري الموضوع , لكن اذا كانت المشاركات ليست بالقدر المامول خلاص باد لاك
بنت المنتدى
23-01-2009, 03:58 PM
هههههههههههههههههههه


بصراحه اذا كنت مستلمه قطريه ماركه احط لها الرابط و وجه مبتسم بس عشان ربي مايحسبها علي انها عقار ههههههههههههههه :shy: ..

واذا نزلت موضوع وماشفت اردود عادي بقعد ارد على روحي لين تصير 100 مشاركه :tease: ..


تسلم يا الشيخ ع موضوع العجيب :eek5:
swedan_qatar
23-01-2009, 04:32 PM
والله انك صادق توني منتبه على السالفه يعني اللي طرش لك ولي واحد زين انك نبهتني :eek5:
ورقــة أمــل
23-01-2009, 04:34 PM
ماطرش رسايل حق احد
من كثر مواضيعي
حبر سري
23-01-2009, 04:41 PM
بصراحه انا ماسوي جذي ولا خطر على بالي هالشي شلون فكرت جذي انت هههههههه


وانا مافكر بالردود الكثيره عادي اهم شي حد قرى الموضوع واستفاد او ابتسم على الاقل


واشكرك على طرحك للموضوع هذا والله لايحرمنا من مواضيعك

والله مافكرت جذيه ياطائر الاشجان , عرفت ان في اعضاء يسوون جذيه:secret:

والشكر موصول لك اخوي وماعليك زود
وشكرا على مرورك
حبر سري
23-01-2009, 04:43 PM
[



حبر سري .. انت عجييب ومواضيعك أعجب

بالنسبة لي أنا أكتب الموضوووع .. الي يبي أشارك حياه الله والي مايبي يحفظه الله
وكل واحد وميوووله للمواضيع ..

الان عندي كم موضوع ... لو طرحتهم سترى غبره و مداخلات كثيره
وفي الاخير سيتم حذفه مع انه كلها حقائق ...



ومرورك اعجب يابوراشد:nice:

بس بعضو انحذفت وتسكرت له مواضيع بالهبل
اسمه حبر سري بس لاتقول حق احد:nice:

والله شرفت الموضوع يابوراشد
حبر سري
23-01-2009, 05:44 PM
ذكرتني باحد الاعضاءدخل على حوالي خمسين موضوع ويحط الرابط لموضوعه والله ضحكني
انا عن نفسي ولا افكر افعل هذا الشئ واكيد انبسط اذا كانت المشاركات كثيره تثري الموضوع , لكن اذا كانت المشاركات ليست بالقدر المامول خلاص باد لاك

:eek5:
شدعوة خمسين موضوع؟؟
هذا فاضي بصراحة

طيب ياحمود شنهي نظرتك للي يكتب موضوع ويقعد يطرش حق العالم بس علشان المشاركات تزيد في موضوعه؟
!قطريـة بنت القمـر!
23-01-2009, 06:02 PM
والله الحمـــــــــــــدلله ما حطيت موضوع مره الا وحسيت الردود فيه بعدد مناسب وفوق تصـور يعني لو توصل 20 مشاركة يكفيني خلاص لان في ناس تقرا وما ترد واكتفي بكم شخص من الناس الطيبة وما عندي اي اشكال في العدد .... بس ماخبر اني من دخلت المنتدى طرشت حق حد عشان يدش موضوع لي :eek5: .... بس اذا صار اكيد ما كنت بوعيي :rolleyes2:.... ميغسي secret ink :nice: ....
بن علان
23-01-2009, 06:11 PM
بعث رسائل على الخاص للمشاركة في الموضوع فيه إزعاج للآخرين وهو كمن يطرق الباب على الناس في أوقات غير مناسبة

ودعني أشرح قليلا عما حدث في أحد مواضيعي لأحد الأخوات حيث فُهم ردها بشكل خاطيء من أحد الأعضاء فهاجمها فتدخلت لإفهامه قصدها وقلت له تريث لنرى ردها وقلت أيضا في ردي أني سوف أرسل لها على الخاص كي تشرح مقصدها ولكن ولله الحمد رأت كل الردود ودافعت عن نفسها وأفهمت الآخرين قصدها فأفحمت فلم يكن داع لتوجيه رسالة خاصة لها.

أما بخصوص عدم وجود مشاركات في الموضوع هو بالفعل مُحبط لأنه في العادة نتوقع التفاعل مع ما نكتب من مواضيع ولكن توجد طرق لجعل الموضوع ياخذ حقه من الردود لربما يذهب إلى الأسفل دون أن يراه من هو مهتم بهذه الأنواع من المواضيع لذا يجب على صاحب الموضوع رفعه من وقت لآخر كي يتأكد من مشاهدته من معظم الأعضاء والرفع له طرق فنيه وليس وضع رد يُكتب فيه "للرفع" :nono:

كثرة الردود أحيانا لا يكون سببها الموضوع نفسه ولكن ردود صاحب الموضوع وردود المشاركين وتفاعلهم يعطي للموضوع زخم :victory:

بس تعبت .. شكرا لك اخوي حبر سري
pinky
23-01-2009, 06:51 PM
اول مره اسمع عن هالحركه ...... عسى ماشر اروح ادز رسايل خاصه الي بيشارك اهلا وسهلا وماهو بشرط الكل يدش ويشارك كفايه انه قراء الموضوع ........... كل موضوع وقوته وتفاعل القراء له هو الي يجذب القراء في الرد على المشاره وهل الموضوع محتاج لردود يعتمد على الهدف من الموضوع
شكر لطرح الموضوع
khaldoon
23-01-2009, 06:52 PM
السلام عليكم ورحمة الله

بصراحة اذا كتبت موضوع , هل تطرش رسايل للاعضاء تطلب منهم المشاركة في موضوعك؟؟

واذا كتبت موضوع وشفت الردود عليه قليلة , شيكون شعورك؟

والسلام عليكم ورحمة الله وبركاته


و عليكم السلام و رحمة الله و بركاته

نعم اطرش رسايل للاعضاء لو الموضوع يهمني انتشاره وتفاعل الاعضاء معاه بالمنتدى مب اي موضوع يعني...شفت الردود فوق وكأنه هالتصرف جريمه و شي عيب..كثير الاقي دعوات من الاعضاء مثل ما اسوي ...بس هو مب الزام لهم بالرد ...هو بس للفت انتباههم لوجود الموضوع و الرد متروك لهم لانه يهمني ردهم بموضوع اكتبه بدون مجامله و الرد لمجرد الرد

لو شفت الردود قليلة اشعر بالاحباط لو انه الموضوع اتوقع انه يكون له صدى

اجرب مره ثانيه و ثالثه...لو ما في فايده فأكيد انه مواضيعي ما عادت تستهوي الاعضاء المتواجدين بتلك الفتره و الاعضاء الجدد ما يهمهم المشاركه بمواضيعي ايضا فليش افرض نفسي عليهم
ساعتها سلامو عليكو...وابتعد عن المشاركه بالمنتدى لين اشتاق له مره ثانيه

موضوعك يا الغالي يذكرني ببيت الشعر:

اذكرتني ما لست ناسيه ....... و لرب ذكرى جددت حزنا
>>> غــمـــوض <<<
23-01-2009, 07:15 PM
خوش موضوع اخوي حبــر سري
انــه عن نفسي لو حطيت موضوع ما احب اطرش رساله خاصـه للاشخاص عشان يجون يردون عليــه
الشخص لو يبي يرد بيرد من نفســه
وعلى سالفة الردود القليله __ اكيد كل واحد لما يحط موضوع يتمنى يشوف اقبال عليه وردود حلــوه
ولو صار وماكانت المشاركات وااايد ،، المفروض الواحد يعرف اذواق الاعضاء ويحط الشي اللي يميلون لــه (( وهالشي يجي بالخبـره وكثرة متابعــه المنتدى ))

تحياتي لك :victory:
حبر سري
23-01-2009, 08:45 PM
هههههههههههههههههههه


بصراحه اذا كنت مستلمه قطريه ماركه احط لها الرابط و وجه مبتسم بس عشان ربي مايحسبها علي انها عقار ههههههههههههههه :shy: ..

واذا نزلت موضوع وماشفت اردود عادي بقعد ارد على روحي لين تصير 100 مشاركه :tease: ..


تسلم يا الشيخ ع موضوع العجيب :eek5:
يسلم من قال يابنت المنتدى
بس تردين على روحج؟؟ انا اشوف مواضيعج الردود عليها وايد
من كثر ماتردين على نفسج:nice:

الف شكر عالمرور يابنت المنتدى


والله انك صادق توني منتبه على السالفه يعني اللي طرش لك ولي واحد زين انك نبهتني :eek5:
والله اذا تبي الصراحة ترى مادري من طرش لك :rolleyes2:
لكن حياك الله ياسويدان

ماطرش رسايل حق احد
من كثر مواضيعي

ههههههههههههه
ضحكني ردج ياكيو 44
بس شنو شعورج لما عضو يطرش لج تعالي شاركي في موضوعي؟
بصراحة
محمد عبدالرحمن
23-01-2009, 08:53 PM
أخي الكريم،

لا بأس إن قام أحدهم بفعل ذلك، فهذا قد يعني أن المعني مهم رأيه.

بصفة شخصية، لست ممن يقومون بذلك، لكنني فعلا أحب أن أرى اسماءً معينة تشارك في مواضيعي التي اطرحها حيث أنني أعلم أننا سنصل إلى ما قد يكون أقرب للصواب.

تحياتي،
محمد (الديان سابقاً)
عبدالرحمن
23-01-2009, 09:08 PM
ذكرتني باحد الاعضاءدخل على حوالي خمسين موضوع ويحط الرابط لموضوعه والله ضحكني
انا عن نفسي ولا افكر افعل هذا الشئ واكيد انبسط اذا كانت المشاركات كثيره تثري الموضوع , لكن اذا كانت المشاركات ليست بالقدر المامول خلاص باد لاك

اذا مادخل خاص على الكل وازعجهم عداه العيب على ماقالو......
بس انه حط رابط موضوعه على كذا موضوع يمكن موضوعه هام جدا وحب يلفت انتباه السادة اعضاء منتدي شبكه الاسهم القطريه لهذا الموضوع
بالعكس هذا انا اسميه ذكاء
شارك في المضوع الي موجود وعقب طرح رابط موضوعه... وزين انه ضحكك يعني
كسب اجر بس انا ضحكت وايد صراحه جزاك الله خير لانك تقول حط رابط موضوعه 50 مرة حسيت انك دور على المواضيع الي هو حاط الرابط فيها وفي يدك ورقه وقلم وقاعد تحسب له هههههههههههههههههههههههههههه
ممكن تقولي هو من عشان ارفع العقال مب عشان الشطه لا والله بس عشان احييه على ذكاءه
روح الاطلس
23-01-2009, 09:18 PM
مع اني ولا مرة سويتها بس اشوف عادي لو كتبت موضوع مهم واخاف ينزل مع المواضيع وانا انتظر اشوف رد بعض الاعضاء اللي تهمني ردودهم واخذ بوجهات نظرهم واحب يشاركون في الموضوع عادي نرسل لهم رابط حتى نشوف وجهة نظرهم في الموضوع لان يمكن ماينتبهون له او مادخلوا المنتدى لاي ظرف كان وعادي تذكرهم
حبر سري
24-01-2009, 02:01 AM
والله الحمـــــــــــــدلله ما حطيت موضوع مره الا وحسيت الردود فيه بعدد مناسب وفوق تصـور يعني لو توصل 20 مشاركة يكفيني خلاص لان في ناس تقرا وما ترد واكتفي بكم شخص من الناس الطيبة وما عندي اي اشكال في العدد .... بس ماخبر اني من دخلت المنتدى طرشت حق حد عشان يدش موضوع لي :eek5: .... بس اذا صار اكيد ما كنت بوعيي :rolleyes2:.... ميغسي secret ink :nice: ....
وجهة نظر
الف شكر ياQatariya dauthger of moon :nice:
شرفني مرورج

بعث رسائل على الخاص للمشاركة في الموضوع فيه إزعاج للآخرين وهو كمن يطرق الباب على الناس في أوقات غير مناسبة

ودعني أشرح قليلا عما حدث في أحد مواضيعي لأحد الأخوات حيث فُهم ردها بشكل خاطيء من أحد الأعضاء فهاجمها فتدخلت لإفهامه قصدها وقلت له تريث لنرى ردها وقلت أيضا في ردي أني سوف أرسل لها على الخاص كي تشرح مقصدها ولكن ولله الحمد رأت كل الردود ودافعت عن نفسها وأفهمت الآخرين قصدها فأفحمت فلم يكن داع لتوجيه رسالة خاصة لها.

أما بخصوص عدم وجود مشاركات في الموضوع هو بالفعل مُحبط لأنه في العادة نتوقع التفاعل مع ما نكتب من مواضيع ولكن توجد طرق لجعل الموضوع ياخذ حقه من الردود لربما يذهب إلى الأسفل دون أن يراه من هو مهتم بهذه الأنواع من المواضيع لذا يجب على صاحب الموضوع رفعه من وقت لآخر كي يتأكد من مشاهدته من معظم الأعضاء والرفع له طرق فنيه وليس وضع رد يُكتب فيه "للرفع" :nono:

كثرة الردود أحيانا لا يكون سببها الموضوع نفسه ولكن ردود صاحب الموضوع وردود المشاركين وتفاعلهم يعطي للموضوع زخم :victory:

بس تعبت .. شكرا لك اخوي حبر سري
هممممممممممممممم
بس هل فعلا ان الواحد يطرش للي يعزهم مثلا او يحترما اراءهم؟
لان اللي عرفته ان في ناس يطرشون لناس ميمونون عليهم اصلا , فالواحد يشارك علشان الاحراج
الف شكر عالمرور ياود

اول مره اسمع عن هالحركه ...... عسى ماشر اروح ادز رسايل خاصه الي بيشارك اهلا وسهلا وماهو بشرط الكل يدش ويشارك كفايه انه قراء الموضوع ........... كل موضوع وقوته وتفاعل القراء له هو الي يجذب القراء في الرد على المشاره وهل الموضوع محتاج لردود يعتمد على الهدف من الموضوع
شكر لطرح الموضوع

العفو يابينكي
والف شكر على ابداء وجهة النظر
لوجين098
24-01-2009, 02:05 AM
وانا مافكر بالردود الكثيره عادي اهم شي حد قرى الموضوع واستفاد او ابتسم على الاقل

كلامك في محلة
حبر سري
24-01-2009, 07:58 AM
و عليكم السلام و رحمة الله و بركاته

نعم اطرش رسايل للاعضاء لو الموضوع يهمني انتشاره وتفاعل الاعضاء معاه بالمنتدى مب اي موضوع يعني...شفت الردود فوق وكأنه هالتصرف جريمه و شي عيب..كثير الاقي دعوات من الاعضاء مثل ما اسوي ...بس هو مب الزام لهم بالرد ...هو بس للفت انتباههم لوجود الموضوع و الرد متروك لهم لانه يهمني ردهم بموضوع اكتبه بدون مجامله و الرد لمجرد الرد

لو شفت الردود قليلة اشعر بالاحباط لو انه الموضوع اتوقع انه يكون له صدى

اجرب مره ثانيه و ثالثه...لو ما في فايده فأكيد انه مواضيعي ما عادت تستهوي الاعضاء المتواجدين بتلك الفتره و الاعضاء الجدد ما يهمهم المشاركه بمواضيعي ايضا فليش افرض نفسي عليهم
ساعتها سلامو عليكو...وابتعد عن المشاركه بالمنتدى لين اشتاق له مره ثانيه

موضوعك يا الغالي يذكرني ببيت الشعر:

اذكرتني ما لست ناسيه ....... و لرب ذكرى جددت حزنا
مرحبا باخلدون
نور الموضوع
احب اشكرك على تشريف موضوع اخوك حبر سري اول شي
وثاني شي رايك عالعين والراس ياخلدون
بس ماتلاحظ انك لو سويت هالحركة يمكن تكون المشاركة فقط لعدم الاحراج؟؟
يعني شخص انت طرشت له , لو مايبي , يمكن يشارك بس علشان ماينحرج وياك , يعني تلاقي مشاركته اي كلام , بس علشان ماينحرج
وشرايك؟

خوش موضوع اخوي حبــر سري
انــه عن نفسي لو حطيت موضوع ما احب اطرش رساله خاصـه للاشخاص عشان يجون يردون عليــه
الشخص لو يبي يرد بيرد من نفســه
وعلى سالفة الردود القليله __ اكيد كل واحد لما يحط موضوع يتمنى يشوف اقبال عليه وردود حلــوه
ولو صار وماكانت المشاركات وااايد ،، المفروض الواحد يعرف اذواق الاعضاء ويحط الشي اللي يميلون لــه (( وهالشي يجي بالخبـره وكثرة متابعــه المنتدى ))

تحياتي لك :victory:

ياهلا غموض
ماعليج زود اول شي
وثاني شي وجهة نظرج احترمها بصراحة , وقريبة من وجهة نظري
يعطيج العافية
حبر سري
24-01-2009, 09:54 AM
أخي الكريم،

لا بأس إن قام أحدهم بفعل ذلك، فهذا قد يعني أن المعني مهم رأيه.

بصفة شخصية، لست ممن يقومون بذلك، لكنني فعلا أحب أن أرى اسماءً معينة تشارك في مواضيعي التي اطرحها حيث أنني أعلم أننا سنصل إلى ما قد يكون أقرب للصواب.

تحياتي،
محمد (الديان سابقاً)
مرحبا بو عبدالرحمن
المشكلة يابو عبد الرحمن ان في ناس لما تسوي لهم جذيه ينحرجون حتى لو مايبون يشاركون تلاقيهم كتبوا لك كمن كلمة وطلعوا
بس علشان عدم الاحراج


اذا مادخل خاص على الكل وازعجهم عداه العيب على ماقالو......
بس انه حط رابط موضوعه على كذا موضوع يمكن موضوعه هام جدا وحب يلفت انتباه السادة اعضاء منتدي شبكه الاسهم القطريه لهذا الموضوع
بالعكس هذا انا اسميه ذكاء
شارك في المضوع الي موجود وعقب طرح رابط موضوعه... وزين انه ضحكك يعني
كسب اجر بس انا ضحكت وايد صراحه جزاك الله خير لانك تقول حط رابط موضوعه 50 مرة حسيت انك دور على المواضيع الي هو حاط الرابط فيها وفي يدك ورقه وقلم وقاعد تحسب له هههههههههههههههههههههههههههه
ممكن تقولي هو من عشان ارفع العقال مب عشان الشطه لا والله بس عشان احييه على ذكاءه
:)

مع اني ولا مرة سويتها بس اشوف عادي لو كتبت موضوع مهم واخاف ينزل مع المواضيع وانا انتظر اشوف رد بعض الاعضاء اللي تهمني ردودهم واخذ بوجهات نظرهم واحب يشاركون في الموضوع عادي نرسل لهم رابط حتى نشوف وجهة نظرهم في الموضوع لان يمكن ماينتبهون له او مادخلوا المنتدى لاي ظرف كان وعادي تذكرهم

مرحبا ياروح الاطلس
وشكرا عالمرور
ورقــة أمــل
24-01-2009, 10:14 AM
ههههههههههههه
ضحكني ردج ياكيو 44
بس شنو شعورج لما عضو يطرش لج تعالي شاركي في موضوعي؟
بصراحة


استانس ان حد خصني بمواضيعه شعور طيب وجميل ورائع :shy:
حبر سري
24-01-2009, 10:17 AM
استانس ان حد خصني بمواضيعه شعور طيب وجميل ورائع :shy:

عاد يويلج من الاعضاء الحين
كل مانكتب موضوع , انتي شيكي الخاص على طول:nice:
خــطــافــ
24-01-2009, 10:36 AM
لهدرجه في ناس تسوي هالشي

شي عجيب اخوي حبر

اتمنى انت ماسويتها
حبر سري
24-01-2009, 10:52 AM
لهدرجه في ناس تسوي هالشي

شي عجيب اخوي حبر

اتمنى انت ماسويتها

تتمنى اني ماسويتها؟
ياخي تعجبني وانت تحب لي الخير لهالدرجة:nice:

انا اعترف اني سويت هالحركة مرة وحدة بس ومع شخص واحد , ومرة ثانية كنت راح اسوي هالحركة مع اخوي بوراشد , لكن تفاجأت انه راد عالموضوع قبل لا اطرش , لانه هو دايما راعي الاولة:nice:

وفي ناس وايد ترى يسوون هالحركة ,
Bu Rashid
24-01-2009, 10:52 AM
استانس ان حد خصني بمواضيعه شعور طيب وجميل ورائع :shy:



هذى كلام جميل أيضا ..
بعض الاحيان الواحد لا يرى الموضوووع لانه مهتم بشئ أخر
فيتم تذكيره وهذى لا بأس به ...
شكرا مرة أخرى أخي حبر سري
لوليتا قطر
24-01-2009, 10:53 AM
ليش اطررش رسااايل اللي يحب بيشااارك

ومشكوور على الطرررح
قطريه ماركه
24-01-2009, 10:55 AM
هههههههههههههههههههه


بصراحه اذا كنت مستلمه قطريه ماركه احط لها الرابط و وجه مبتسم بس عشان ربي مايحسبها علي انها عقار ههههههههههههههه :shy: ..

تسلم يا الشيخ ع موضوع العجيب :eek5:

:anger1:

لا لا لا مستحيييييييل ارسل مسج حق حد .. اشدعوه متخرعه ..

اللي يبي يرد حياه الله واللي ما يبي راسه سالم :victory:

واذا ما ردوا وااااايد ع الموضوع .. عاادي أقول الناس أذوااااااق :(
Bu Rashid
24-01-2009, 10:57 AM
تتمنى اني ماسويتها؟
ياخي تعجبني وانت تحب لي الخير لهالدرجة:nice:

انا اعترف اني سويت هالحركة مرة وحدة بس ومع شخص واحد , ومرة ثانية كنت راح اسوي هالحركة مع اخوي بوراشد , لكن تفاجأت انه راد عالموضوع قبل لا اطرش , لانه هو دايما راعي الاولة:nice:

وفي ناس وايد ترى يسوون هالحركة ,


خذ راحتك أخي حبر سري في أي وقت ..
أصحاب القلوب النظيفة من عنوانها ...

وممكن نختلف في الاراء في المستقبل ولكن هذى لا يفسد من الود والاحترام لك..
ستبقى عزيز وغالي .. وبقية الاخوان أيضا الذين يتقبلووون الراي الاخر بصدر رحب
شسالفة...؟
24-01-2009, 11:00 AM
أنا مع وضد

إن كانت أموووون على الشخص وتهمني كثير آرائه في أثراء موضوعي فلا أرى مانع من هالشي مع وضع ملاحظة أن حرية الرد مكفوله لك .


وضد هالشي إن كان الشخص يرسل لكل من هب ودب بس عشان يوري الناس أن مواضيه دائماً ما تحضى بردور وأهميه كبيره


حبر سري مره ثانيه لا ترسلي عشان مواضيعك :tease:
خــطــافــ
24-01-2009, 11:04 AM
اخوي حبر سري

انا قلت اني اتمنى انك ماسويتها لسبب واحد

حلو الواحد انه يذكر رفيجه بموضوع بس الاحلى انه رفيجك يذكرك ويقرا موضوعك

اتمنى كذلك انه المنتدى مايوصل لمرحلة (قراءة اسم صاحب الموضوع اولا قبل المشاركه)

الاصل المحتوى

عن نفسي شخصيا اقرأ الموضوع وبعض الردود ثم انتبه للاسم

والله لايحرمنا من بعض اخواتي واخواني الالكترونيين :nice:
حبر سري
24-01-2009, 11:09 AM
اخوي حبر سري

انا قلت اني اتمنى انك ماسويتها لسبب واحد

حلو الواحد انه يذكر رفيجه بموضوع بس الاحلى انه رفيجك يذكرك ويقرا موضوعك

اتمنى كذلك انه المنتدى مايوصل لمرحلة (قراءة اسم صاحب الموضوع اولا قبل المشاركه)

الاصل المحتوى

عن نفسي شخصيا اقرأ الموضوع وبعض الردود ثم انتبه للاسم

والله لايحرمنا من بعض اخواتي واخواني الالكترونيين :nice:

:nice::nice:

هذا الكلام ياخطاف
تسلم يمينك

وللاسف ان بعض الخلافات الشخصية تطغى بعض المرات على المنطق , فتلاقي بعض الاعضاء الله يهداهم , مايشاركون في الموضوع لانهم اختلفوا مرة مع كاتبه , حتى وان كانوا يشاركون في مواضيع مشابهة لموضوع اللي مختلفين معاه


الف شكر عالمشاركة والتعليق اخوي خطاف
المتألم
24-01-2009, 11:10 AM
لا يمكن إستجداء الآخرين للقدوم لموضوعي كي أرى الردود الكثيره ..

عدد الردود أيضا لا يعني نجاح الموضوع فكثيرة هي المواضيع التي ردودها كثيره

ومحصلتها قليل جدا وربما تكون عادية جدا ..

الأهم بالموضوع أن يكون مفيدا وأن يحمل فكرة رائعه ..


ربما أفعل هذا مع وآحد أو أثنين فقط لأنني أريد رأيهم وليس كي ارى عددا كبيرا من الردود ..


وبس ..
ابن قطر
24-01-2009, 11:34 AM
احيانا شخص يعز عليك ودك يقرأ ردك او حتى موضوعك

وتسلم اخونا حبر سري
غزلان
24-01-2009, 12:12 PM
لا ولا مره لكن توصل لي رسايل من اعضاء وعضوات للمشاركه بمواضيعهم ومن وجهة نظري مافيها شي :)
الفـــارسه
24-01-2009, 12:32 PM
بل :eek5: يكتبون بالخاص يقولون ردوا على موضوعي هههههههه انا ما اشارك بس ارد
مضارب دوسري
24-01-2009, 12:37 PM
انا اذكر اني سويتها في قسم الاسهم القطريه

كان الموضوع يخص احد المحللين وقد هوجم من الاعضااااء في فتره ساااابقه لانه تنبأ بان السوووووق بيطيح وكان السوق ساعتها فوق ال 9000نقطه وبعد ماصار فالسووووق وضعت موضوع اعاتب فيه اللي كانوا يهاجمونه وارسلت له رساله خاصه بان يقرا الموضوع:nice::nice:

وايضا في قسم الاسهم القطريه افعل هذا ولكن لا ارسل الا للمحللين الفنيين حتى يثروا مواضيعي بارائهم

لان راي المحلل مهم في اوضاع السوق


اما فالاقسام الاخرى لا اذكر قط اني فتحت موضوع وعزمت عليه احد:shy:

وشكرا لك:shy:
هدهد سليمان
24-01-2009, 01:53 PM
وليش لا يمكن صاحب الموضع يهمه رايك يمكن يبي وجهة نظرك اعتقد ما فيها شي وممكن انك اذا ما تبي تحرجه طرشله رساله قوله شفت موضوعك لكن لا يوجد رد لي او تعليق للموضوع .. على العكس اتوقع الموضوع عادي.. كل التقدير لصاحب الموضوع
شبيهة البحر
24-01-2009, 02:42 PM
أحياناً توصلني رسايل تطلب رأيي في الموضوع
بس هذا ما يقلل من الموضوع ولا صاحبه
لأني فعلاً ما أكون متابعة للمواضيع
بنت ذياب
24-01-2009, 03:16 PM
من كثر مواضيعي علشان اطرش خخخخخ واعزمهم

بس عادي مثلا ابي راي عضو معين ,, اطرش

او رفيجتي اخليها غصب ترد عالموضووع ههههههههه

مشكور اخوي على الموضوع
شاهيناز
24-01-2009, 03:23 PM
مافيها شئ وحلو الاعضاء يذكرونا في مواضيعهم لان كثير ماندخل المنتدى كل يوم
جذيه تفوتنا مواضيعهم وخاصه اذا كنا من المتابعين لمواضيعهم
افرح برسائل الي اتابع مواضيع لتذكيري بها,,,,,,,,,,
حبر سري
24-01-2009, 09:16 PM
وانا مافكر بالردود الكثيره عادي اهم شي حد قرى الموضوع واستفاد او ابتسم على الاقل

كلامك في محلة

مرحبا يالوجين
وشكرا عالمرور وابداء الرأي



هذى كلام جميل أيضا ..
بعض الاحيان الواحد لا يرى الموضوووع لانه مهتم بشئ أخر
فيتم تذكيره وهذى لا بأس به ...
شكرا مرة أخرى أخي حبر سري

الشكر موصول لك على تواصلك في مواضيع اخوك يابوراشد

ليش اطررش رسااايل اللي يحب بيشااارك

ومشكوور على الطرررح
العفو يالوليتا
وشكرا على ابداء الرأي

:anger1:

لا لا لا مستحيييييييل ارسل مسج حق حد .. اشدعوه متخرعه ..

اللي يبي يرد حياه الله واللي ما يبي راسه سالم :victory:

واذا ما ردوا وااااايد ع الموضوع .. عاادي أقول الناس أذوااااااق :(

القناعة كنز لايفنى:nice:

حياج الله ياقطرية ماركة
PRINCESS
24-01-2009, 09:21 PM
تخيل اني ابعث لك مسج برايفت اقول لك تكفاااااااااااا ياحبر رد علىموضوعي
هههههههههههههههه
ان تضايقت بيوم وشفت محد عبرني برد راح افاجئك بمسج عالبرايفت انت اول واحد عشان انت صاحب الفكره:nice:
يسلمووو ياحبر دايما مواضيعك تغير لنا جو الملل اللي احنه بي:victory:
khaldoon
25-01-2009, 05:47 AM
مرحبا باخلدون
نور الموضوع
احب اشكرك على تشريف موضوع اخوك حبر سري اول شي
وثاني شي رايك عالعين والراس ياخلدون
بس ماتلاحظ انك لو سويت هالحركة يمكن تكون المشاركة فقط لعدم الاحراج؟؟
يعني شخص انت طرشت له , لو مايبي , يمكن يشارك بس علشان ماينحرج وياك , يعني تلاقي مشاركته اي كلام , بس علشان ماينحرج
وشرايك؟


حياك الله يا الغالي

الشرف لي اخوي حبر سري

ارسلت رسائل كثيرة و كتبت دعوه للمشاهدة و ليس للمشاركه وكانت للاعضاء اللي يهمني رأيهم و كنت اكتب انه الرد غير الزامي و كثير من الاصحاب ارسل لهم وما ردوا اصلا وما زعلت

ازعل بس من الرد اللي ما له اي داعي و يظهر انه رد لمجرد الرد مثل يعطيك العافيه او بس اثبات حضور

انا لما ارسل على موضوع يهمني ارسل علشان اشوف وجهة نظرهم بالموضوع مب علشان اشوف كلمة شكرا و يعطيك العافيه

من خلال الرد اشوف انه العضو قرأ الموضوع والا بس دخل و كتب كلمة شكر و السلام

ساعتها ما ارسل له مره ثانيه :shy:
بوخليفة3
25-01-2009, 05:50 AM
لييييش في حد يسوي جيه؟؟؟؟؟؟؟؟؟؟؟؟
عسى ماشر
ذيبه مزاجيه
25-01-2009, 08:23 AM
الحمدلله انا اصلا ما عندي مواضيع و لا افكر اكتب كفايه مواضيع الاخوان و الخوات كفت ووفت

انا اكتفي بالرد على المواضيع اللي تناسب ميولي و اهتمامي ويكون لي راي اقوله .. او افضل عدم الرد على موضوع انا ما اقدر افتي فيه او احسه متشربك و متشعب ومالي فيه من الاساس << يعني مريحه مخي

وعلشان ما اتعب نفسي واحط مواضيع واخاف انصدم بعدم الرد ما احط مواضيع من الاساس لان بعض الردود اللي اشوفها في بعض المواضيع الصراحه و بدون زعل تجيب المرض مع احترامي للجميع لا احترام ولا اسلوب و لا شي !!!

شكرا على الموضوع اخوي حبر سري

لا هنت ..
OTOsan
25-01-2009, 02:21 PM
لم افعلها يوماً .. ولكنني لست من معارضيها ابدا ،،

فربما كان العضو (المدعو) غافلا عن موضوع للعضو الاخر فلا بأس في التذكير ،،

اما بالنسبة للردود ، فاعتقد ان كثرة المشاركات تجعلك لاتبحث عن (كمية ) الردود بقدر ماتبحث عن (كيفية) الردود ،،

يعطيك العافيه اخوي حبر :)
Bo3oof_80
25-01-2009, 02:37 PM
حبر سري .. انت عجييب ومواضيعك أعجب

بالنسبة لي أنا أكتب الموضوووع .. الي يبي أشارك حياه الله والي مايبي يحفظه الله
وكل واحد وميوووله للمواضيع ..

الان عندي كم موضوع ... لو طرحتهم سترى غبره و مداخلات كثيره
وفي الاخير سيتم حذفه مع انه كلها حقائق ...



بوراشد اطرح المواضيع خلنا نشوفها
لا تنسى احنا من متابعين قاة الجزيره الراي والراي الاخر

واخوي حبر سري مشكور ع الموضوع وانا عن نفسي لا اطرش ولا شي
الي يبي يقرا اهلا وسهلا
بوخالد911
25-01-2009, 02:46 PM
عاادي

ما فيها شي

It's ok
حبر سري
25-01-2009, 04:44 PM
أشكر كل من شرفني بمروره وتعليقه وابداء رأيه

وفي النهاية يااخوان ويااخوات , اللي يبي يطرش فهذا شي راجع له , واللي مايبي يطرش فأيضا راجع له

الاكثرية حسب ماقريت يمكن ماتؤيد هالشي , لان ومثل ماذكرت قبل يمكن هالشي يسبب احراج للشخص المرسل اليه , فيروح يشارك بس علشان يقول له راعي الموضوع انك شاركت
يعني بعض المرات فيها احراج ترى

لكن لو شخص يمون علي , واعرف انه يحب يتابع مواضيعي , او هو بنفسه قال لي هالشي , فأكيد راح اطرش له

لكن بشكل عام الارسال للكل بغض النظر عن مستوى الميانة , اعتقد والله (وهذا راي يقبل الخطأ والصواب) , تعتبر مثل مااحنا نقول :
رزة ويه!!!

واختلاف الاراء لا يفسد للود قضية
هتـان قطر
25-01-2009, 04:55 PM
أشكر كل من شرفني بمروره وتعليقه وابداء رأيه

وفي النهاية يااخوان ويااخوات , اللي يبي يطرش فهذا شي راجع له , واللي مايبي يطرش فأيضا راجع له

الاكثرية حسب ماقريت يمكن ماتؤيد هالشي , لان ومثل ماذكرت قبل يمكن هالشي يسبب احراج للشخص المرسل اليه , فيروح يشارك بس علشان يقول له راعي الموضوع انك شاركت
يعني بعض المرات فيها احراج ترى

لكن لو شخص يمون علي , واعرف انه يحب يتابع مواضيعي , او هو بنفسه قال لي هالشي , فأكيد راح اطرش له

لكن بشكل عام الارسال للكل بغض النظر عن مستوى الميانة , اعتقد والله (وهذا راي يقبل الخطأ والصواب) , تعتبر مثل مااحنا نقول :
رزة ويه!!!

واختلاف الاراء لا يفسد للود قضية



لحظة ..ما ابديت رأيي..:omen2:


عن نفسي ولا مرة طرشت رسالة لاي عضو ادعوه لموضوعي..

لكن مع ذلك اشوف الامر يختلف من شخص لاخر..

يعني يمكن واحد يحب يشوف وجهة نظر الشخص هذا في موضوعه

فيطرش له رساله..او دعوة لزيارة الموضوع

واحيانا يمكن عضو اخر يحب عدد الردود تزيد فيطرش لاكثر من شخص

علشان بس زيادة عدد الردود..مع اني ما اتذكر جاتني دعوة

الا كذا مرة..

وترا هذا الامر مايقلل من قيمة الشخص المرسل بالعكس

اذا كان عضو فعال وله وزنه في المنتدى ما راح يؤثر عليه


وكل ن ينام على الجنب اللي يريحه :)
مزيون الدوحه
25-01-2009, 05:00 PM
أولاً
مشكور على هالموضوع اخوي

لاكن نظرتي بالعكس مافيها شي
واكثر من مره تجبني رسايل ياخي
اعتبرها واحد عازمك على حاجه
بالعكس بتشكره لانه فكر فيك وطلب
رايك او مشاركتك في موضوعه


هذا رايي :)
حبر سري
25-01-2009, 10:26 PM
لحظة ..ما ابديت رأيي..:omen2:


عن نفسي ولا مرة طرشت رسالة لاي عضو ادعوه لموضوعي..

لكن مع ذلك اشوف الامر يختلف من شخص لاخر..

يعني يمكن واحد يحب يشوف وجهة نظر الشخص هذا في موضوعه

فيطرش له رساله..او دعوة لزيارة الموضوع

واحيانا يمكن عضو اخر يحب عدد الردود تزيد فيطرش لاكثر من شخص

علشان بس زيادة عدد الردود..مع اني ما اتذكر جاتني دعوة

الا كذا مرة..

وترا هذا الامر مايقلل من قيمة الشخص المرسل بالعكس

اذا كان عضو فعال وله وزنه في المنتدى ما راح يؤثر عليه


وكل ن ينام على الجنب اللي يريحه :)
للحين الموضوع موجود ياهتان , ابدي رايج في اي لحظة:nice:

ورايج على راسي
والف شكر عالمرور ياهتان قطر


أولاً
مشكور على هالموضوع اخوي

لاكن نظرتي بالعكس مافيها شي
واكثر من مره تجبني رسايل ياخي
اعتبرها واحد عازمك على حاجه
بالعكس بتشكره لانه فكر فيك وطلب
رايك او مشاركتك في موضوعه


هذا رايي :)

رايك عالعين والراس
ويمكن مافيها شي فعلا مثل ماقلت اخوي
واختلاف الاراء لايفسد للود قضية

حياك الله يامزيون الدوحة
بابا الضحية
10-05-2009, 09:48 AM
موضوع جميل يا حبر :)

انا صراحه مواضيعي تخاطب الكل :)فما ارسل حق احد الكل يقراها :)

بس يوم اكتب شعر..:shy:..ويكون اهداء خاص ارسله ارسل اللينك لصاحب الاهداء طبعا:shy:
ANONYMOUS
10-05-2009, 09:53 AM
انا ناسي اش كان تعليقي سابقا..

اما اليوم ردي ان مافيها شي..

لان في المنتدى ينزل 1000 موضوع يوميا..

ولا في وقت تقرا

وان قريت تقرا ايش ولا ايش..

خلها على الله يارجل
كيفـي
10-05-2009, 10:14 AM
اكيد لا..

اللى بيدخل حياه الله.. واللى مب داخل بحفظ الله..!!
Sharshooooor
10-05-2009, 10:39 AM
ههههههههه

جد لو في موضوع مهم ومتعوب علية تحسن ماتحصل وايد مشاركات

اما تذكرون موضوع البيبسي ايش كثر كانت الردود
هههههههههههههه

اما بالنسبة للرسائل الخاصة
لو احصل واحد راد علي بموضوع وباط جبدي
ارد علية واطرش له الرابطة رسالة خاصة وانتظر ردة
ههههههههههه
راعي مشاكل صح :)
الفا برافو
10-05-2009, 01:54 PM
طبعا لا... ليش هي عزيمه
بالعكس اكتب الموضوع وناقش الردود من الاشخاص اللي يمكن يهمهم الموضوع
واتاكد انه في ناس بتشارك اذا مهب لاجل النقاش بيكون لاجل زيادة عدد مرات الاشتراك :)
حـ ن ـيـ ن
10-05-2009, 05:05 PM
السلام عليكم ورحمة الله

بصراحة اذا كتبت موضوع , هل تطرش رسايل للاعضاء تطلب منهم المشاركة في موضوعك؟؟

واذا كتبت موضوع وشفت الردود عليه قليلة , شيكون شعورك؟

والسلام عليكم ورحمة الله وبركاته

اما بالنسبة للسؤال الأول لا طبعا استحي:shy: :sneaky: عشان كذا الردود واجد عندك

اما شعوري اذا الردود قليلة :waiting:
اسعاف
10-05-2009, 05:26 PM
صراحة في ناس يعملون لي رسالة

ويقولون شارك في موضوعي



ومرة وحدة عملت لي رسالة وقالت

انا باشارك في مقالاتك بس ارجو ان لا تنسى ان تشارك في مقالاتي علشان نتواصل

والمشكلة اني امطوع مالي في هالسوالف

وبعدين انا مواضيعي ابروحها جيب الضغط واتخلي القراء يردون عليّ بدون اي تردد بل ويعصبون عليّ

حتى وحدة عملت لي رسالة وقالت لي عن موضوع تعدد الزوجات قالت لي انا بديت اكرهك:secret: اكرهك

طبعا كتابتي لما اكتبها احاول ان ابتغي بها وجه الله ما استطعت والي يزل كيفه والي يرضى كيفه وبعدين انا ارد على مقالات الناس على قناعاتي

مرة وحدة ارسلت لي رسالة وقالت شارك في موضوعي

قرأت الموضوع شفته ثقيل دم ويلوع الكبد وبالموت عملت فيه هكذا :( بس مجاملة لها
ذيب النصر
10-05-2009, 05:58 PM
لا اللي بشارك حياه الله واللي ما بشارك بعد حياه الله

أنا ككاتب أكون سويت اللي علي بكتابتي للموضوع و الرد على المشاركات .

شكراً .
ALREEM
10-05-2009, 06:08 PM
شدعوه ؟؟
والله لو حد يطرش لي ماشوف موضوعه ولا اعبره حتى لو كان شيّق ..

بعد اللي بيشارك يشارك واللي مايشارك عادي يعني مهب على امي وابوي !

يعطيك العافيه على الموضوع .. بس الصراحه انا استغربت ماقد جا على بالي ان في ناس يطرشون ..
حبر سري
10-05-2009, 08:34 PM
موضوع جميل يا حبر :)

انا صراحه مواضيعي تخاطب الكل :)فما ارسل حق احد الكل يقراها :)

بس يوم اكتب شعر..:shy:..ويكون اهداء خاص ارسله ارسل اللينك لصاحب الاهداء طبعا:shy:

عاد ياحظها العيوز اللي ترسل لها يالشايب :nice:

الف شكر عالمرور يالضحية
حبر سري
10-05-2009, 08:35 PM
انا ناسي اش كان تعليقي سابقا..

اما اليوم ردي ان مافيها شي..

لان في المنتدى ينزل 1000 موضوع يوميا..

ولا في وقت تقرا

وان قريت تقرا ايش ولا ايش..

خلها على الله يارجل

وجهة نظر احترمها من شخص احترمه
حبر سري
10-05-2009, 08:40 PM
اكيد لا..

اللى بيدخل حياه الله.. واللى مب داخل بحفظ الله..!!
رايي من رايك ياكيفي :nice:

ههههههههه

جد لو في موضوع مهم ومتعوب علية تحسن ماتحصل وايد مشاركات

اما تذكرون موضوع البيبسي ايش كثر كانت الردود
هههههههههههههه

اما بالنسبة للرسائل الخاصة
لو احصل واحد راد علي بموضوع وباط جبدي
ارد علية واطرش له الرابطة رسالة خاصة وانتظر ردة
ههههههههههه
راعي مشاكل صح :)
:eek5:

طبعا لا... ليش هي عزيمه
بالعكس اكتب الموضوع وناقش الردود من الاشخاص اللي يمكن يهمهم الموضوع
واتاكد انه في ناس بتشارك اذا مهب لاجل النقاش بيكون لاجل زيادة عدد مرات الاشتراك :)

:nice::nice::nice:
Qatar4all
10-05-2009, 08:49 PM
هههههههههههههههههههه


بصراحه اذا كنت مستلمه قطريه ماركه احط لها الرابط و وجه مبتسم بس عشان ربي مايحسبها علي انها عقار ههههههههههههههه :shy: ..

واذا نزلت موضوع وماشفت اردود عادي بقعد ارد على روحي لين تصير 100 مشاركه :tease: ..


تسلم يا الشيخ ع موضوع العجيب :eek5:

الله يذكرج بالخير :..


بالنسبة لي :.. على حسب يعني اذا :.. موضوع تعبت فيه وما شفت لا ردود ولا مشاهدات أسوي هالحركة :..

وفي بعض المواضيع أحب بعض الأعضاء يكونون فيه لاني أعرف ان لهم بصمة فيه :..
يعني تقدر تقول استخدم هالاسلوب بما يقارب ال 5 في المية من مجمل مواضيعي :..

الف شكر لك ياخوي وشكله الموضوع قديم شوي وتوه طاحت عيني عليه :..
Arab!an
10-05-2009, 09:01 PM
في ناس وجودهم في بعض المواضيع لازم .. لأنها من ضمن اختصاصهم مثلا .. او من المواضيع اللي يحبونها

فاذا مامروا عليها مافي مشكله انطرش لهم مسجات ..


بس انا صراحه ماسويتها ولا في مره رفعت موضوع لي .. مع ان هالشي مب عيب بس مابي افرض نفسي على حد
جمال اليافعي
10-05-2009, 09:03 PM
السلام عليكم ورحمة الله

بصراحة اذا كتبت موضوع , هل تطرش رسايل للاعضاء تطلب منهم المشاركة في موضوعك؟؟

واذا كتبت موضوع وشفت الردود عليه قليلة , شيكون شعورك؟

والسلام عليكم ورحمة الله وبركاته

مممم المهم انا بلغت ونزلت معلومه للمصلحه العامه وما همني ردت الناس ولا لا :)
ss26
10-05-2009, 09:05 PM
انا اهم شي اشوف كم زاير زار الموضوع هذا يكفي

حتى لو ماكان في ولا رد
ريم قطر
10-05-2009, 09:17 PM
لا مااسويها بس بصراحه اعجبتني الفكره:tease:
حبر سري
11-05-2009, 05:45 AM
اما بالنسبة للسؤال الأول لا طبعا استحي:shy: :sneaky: عشان كذا الردود واجد عندك

اما شعوري اذا الردود قليلة :waiting:
حيا الله الخجولة :nice:
ومن قال لج اني اطرش حق حد:anger1: , بس انا ذكرت في الموضوع اني طرشت لشخص واحد بس , وماطرشت عقبها لا له ولا لغيره بصراحة ,



صراحة في ناس يعملون لي رسالة

ويقولون شارك في موضوعي



ومرة وحدة عملت لي رسالة وقالت

انا باشارك في مقالاتك بس ارجو ان لا تنسى ان تشارك في مقالاتي علشان نتواصل

والمشكلة اني امطوع مالي في هالسوالف

وبعدين انا مواضيعي ابروحها جيب الضغط واتخلي القراء يردون عليّ بدون اي تردد بل ويعصبون عليّ

حتى وحدة عملت لي رسالة وقالت لي عن موضوع تعدد الزوجات قالت لي انا بديت اكرهك:secret: اكرهك

طبعا كتابتي لما اكتبها احاول ان ابتغي بها وجه الله ما استطعت والي يزل كيفه والي يرضى كيفه وبعدين انا ارد على مقالات الناس على قناعاتي

مرة وحدة ارسلت لي رسالة وقالت شارك في موضوعي

قرأت الموضوع شفته ثقيل دم ويلوع الكبد وبالموت عملت فيه هكذا :( بس مجاملة لها

حيا الله المطوّع

بس ياخوي ماقلت لنا رايك عقب كل هالكلام :rolleyes2:
بابا الضحية
11-05-2009, 07:23 AM
حتى وحدة عملت لي رسالة وقالت لي عن موضوع تعدد الزوجات قالت لي انا بديت اكرهك:secret: اكرهك


شدعوه :omg:

طيب ليش زوجها صار يبي يعدد من وراك ؟؟؟
بابا الضحية
11-05-2009, 07:25 AM
عاد ياحظها العيوز اللي ترسل لها يالشايب :nice:

الف شكر عالمرور يالضحية

:shy:

بس ما يعجبها تأليفي :shy::weeping:

اي عيوزالله يهداك بعيني احلى من كل الشابات :)
حبر سري
11-05-2009, 03:45 PM
لا اللي بشارك حياه الله واللي ما بشارك بعد حياه الله

أنا ككاتب أكون سويت اللي علي بكتابتي للموضوع و الرد على المشاركات .

شكراً .

يامرحبا ذيب النصر

وكلامك منطقي

وحياك الله:nice:
حبر سري
11-05-2009, 10:25 PM
شدعوه ؟؟
والله لو حد يطرش لي ماشوف موضوعه ولا اعبره حتى لو كان شيّق ..

بعد اللي بيشارك يشارك واللي مايشارك عادي يعني مهب على امي وابوي !

يعطيك العافيه على الموضوع .. بس الصراحه انا استغربت ماقد جا على بالي ان في ناس يطرشون ..

:nice:

وجهة نظر يالريم على العين والراس

الله يعافيج
بس ترى تصير يالريم , ودايما تصير , ويمكن اللي يطرش وجهة له وجهة نظر ثانية , وبعد عالعين والراس

وحياج الله
حبر سري
12-05-2009, 05:47 AM
الله يذكرج بالخير :..


بالنسبة لي :.. على حسب يعني اذا :.. موضوع تعبت فيه وما شفت لا ردود ولا مشاهدات أسوي هالحركة :..

وفي بعض المواضيع أحب بعض الأعضاء يكونون فيه لاني أعرف ان لهم بصمة فيه :..
يعني تقدر تقول استخدم هالاسلوب بما يقارب ال 5 في المية من مجمل مواضيعي :..

الف شكر لك ياخوي وشكله الموضوع قديم شوي وتوه طاحت عيني عليه :..

الموضوع قديم شوي لكن ارفعوه

وحياك الله ياقطر فور اول وشكرا عالمرور والتعليق:nice: