المساعد الشخصي الرقمي

مشاهدة النسخة كاملة : هذه قصتي مع الخدامة ومكتب الخدم !!


الحريف
23-01-2009, 10:37 PM
في شهر 8 2008 حصلت على موافقة باستقدام خادمة
وبعد معاناة وعدة اختيارات وتاجيل وتأخير والغاء
حصلنا خادمة فلبينية مسلمة تتكلم انجليزي وغير متزوجة
وما عندها عيال وعمرها 28 سنة
جات الخدامة في شهر 10 وطلعت متزوجة وعندها بنتين !
قلنا مو مشكلة نجربها ....وكانت ممتازة من كل النواحي ...

بعد شهرين طلبت اجيبلها شريحة جوال (معها جهاز من بلادها) ...
وبما انها كويسة ومهتمه بالعيال وتشتغل شغلها جبت لها شريحة
وقلت خلها تتواصل مع اهلها وعيالها وخصوصا انها ما تطلع من البيت الا معنا..

قبل اسبوع انتبهت ان جوالها ما يوقف رن رن رن...
واخذت الجوال اشوف شالسالفة ...لقيت عندها اكثرمن 10 ارقام في الدوحة؟؟
مع انها قالت انها ما تعرف احد في قطر ... طيب مين اصحاب الارقام ؟!
هي قالت انهم اقارب لها ولما قلت لها انتي قلتي ما تعرفي احد ما عندها جواب!

المهم اخذت منها الشريحة وقلت لها ما في تلفون ...
زعلت وبطلت تشتغل وصارت وحده ثانية ...

ويوم السبت اللي طاف رجعت زوجتي البيت الساعة 6 ما لقتها في البيت

ولقت الولد (3 سنوات) والبنت (8 شهور) بروحهم في البيت !!

تركتهم وهربت !!!

طبعا انا رحت يوم الاحد لادراة البحث والمتابعة وبلغت عنها ..

بعد يومين كلمني راعي المكتب اللي جابها وقال لي انها عنده
وبدأ يساومني اني اروح الغي البلاغ وينقل كفالتها ويجيبلي واحدة ثانية
ويخصملي مبلغ من تكاليفها ...
رحت البحث والمتابعة ..قالوا لازم هي تحضر عندنا ...
رحت المكتب وقلت له لازم الخدامة تجي معي عشان الغي البلاغ ...
قال ما عليك ..عطني الورق وانا اخلص لك الموضوع ...طبعا رفضت لانه بالحاله
هو اللي بيستلم جوازها خصوصا اني حسيت من كلامه ان الموضوع فيه استغلال ..
رفض يعطيني الخدامة ورفض يسلمها للبحث والمتابعة ولما هددته ابلغ البحث والمتابعة
انه متستر عليها قال روح سوي اللي تبي وما يطلعلك عندي شي وانا اسلمها الوقت
اللي يعجبني ..
كلمتني وحده فلبينية تقول ان الخدامة كلمتها وانها الحين تشتغل في بيت ثاني !!

فوق اللي خسرته عليها ...الحين لو يسلمها المكتب او تسلم نفسها لو بعد 10 سنين
انا ملزوم اني اشتريلها تذكرة واسفرها على حسابي ...

شرايكم؟!
ولد الشقب
23-01-2009, 11:10 PM
>>>لاتشتكي ابكي <<< هااااااااااااااا هذا القانون تبي ولا طق راسك في طوفه
حبر سري
23-01-2009, 11:12 PM
هاذي المشكلة والله يالحريف
القانون وياها

وشبتسوي؟؟
وراعي المكتب عارف هالشي
فمهب هامه شي
عتيج الصوف
23-01-2009, 11:13 PM
الافضل من وجهة نظري المتواضعة اخوي الحريف ان تحل المسالأة مع صاحب المكتب بطريقة ودية ,,,,مادام بيجيب واحدة ثانية افضل من البلاغات ,,حتى تفك روحك من عوار الراس ,,وفي النهاية افضل من تذكرة سفر للرجوع للخادمة بجانب تكاليف كاملة خادمة اخرى’’’هذا وجهة نظري المتواضعة ولك القرار,,وتقبل مني اجمل تحية والله يعوضك كل خير
اسعاف
23-01-2009, 11:20 PM
نبغي محامي شاطر

يعمل جمعية لحقوق القطريين مع الخدم
mirage
23-01-2009, 11:29 PM
في شهر 8 2008 حصلت على موافقة باستقدام خادمة
وبعد معاناة وعدة اختيارات وتاجيل وتأخير والغاء
حصلنا خادمة فلبينية مسلمة تتكلم انجليزي وغير متزوجة
وما عندها عيال وعمرها 28 سنة
جات الخدامة في شهر 10 وطلعت متزوجة وعندها بنتين !
قلنا مو مشكلة نجربها ....وكانت ممتازة من كل النواحي ...

بعد شهرين طلبت اجيبلها شريحة جوال (معها جهاز من بلادها) ...
وبما انها كويسة ومهتمه بالعيال وتشتغل شغلها جبت لها شريحة
وقلت خلها تتواصل مع اهلها وعيالها وخصوصا انها ما تطلع من البيت الا معنا..

قبل اسبوع انتبهت ان جوالها ما يوقف رن رن رن...
واخذت الجوال اشوف شالسالفة ...لقيت عندها اكثرمن 10 ارقام في الدوحة؟؟
مع انها قالت انها ما تعرف احد في قطر ... طيب مين اصحاب الارقام ؟!
هي قالت انهم اقارب لها ولما قلت لها انتي قلتي ما تعرفي احد ما عندها جواب!

المهم اخذت منها الشريحة وقلت لها ما في تلفون ...
زعلت وبطلت تشتغل وصارت وحده ثانية ...

ويوم السبت اللي طاف رجعت زوجتي البيت الساعة 6 ما لقتها في البيت

ولقت الولد (3 سنوات) والبنت (8 شهور) بروحهم في البيت !!

تركتهم وهربت !!!

طبعا انا رحت يوم الاحد لادراة البحث والمتابعة وبلغت عنها ..

بعد يومين كلمني راعي المكتب اللي جابها وقال لي انها عنده
وبدأ يساومني اني اروح الغي البلاغ وينقل كفالتها ويجيبلي واحدة ثانية
ويخصملي مبلغ من تكاليفها ...
رحت البحث والمتابعة ..قالوا لازم هي تحضر عندنا ...
رحت المكتب وقلت له لازم الخدامة تجي معي عشان الغي البلاغ ...
قال ما عليك ..عطني الورق وانا اخلص لك الموضوع ...طبعا رفضت لانه بالحاله
هو اللي بيستلم جوازها خصوصا اني حسيت من كلامه ان الموضوع فيه استغلال ..
رفض يعطيني الخدامة ورفض يسلمها للبحث والمتابعة ولما هددته ابلغ البحث والمتابعة
انه متستر عليها قال روح سوي اللي تبي وما يطلعلك عندي شي وانا اسلمها الوقت
اللي يعجبني ..
كلمتني وحده فلبينية تقول ان الخدامة كلمتها وانها الحين تشتغل في بيت ثاني !!

فوق اللي خسرته عليها ...الحين لو يسلمها المكتب او تسلم نفسها لو بعد 10 سنين
انا ملزوم اني اشتريلها تذكرة واسفرها على حسابي ...

شرايكم؟!

لمشكله مش في صاحب المكتب ولا في الخدامه ولا الفلوس اللي راحت عليك

انت وشلون تخلي عندها اطفالك عقب ماخذت من عندها الشريحه
حبر سري
23-01-2009, 11:31 PM
لمشكله مش في صاحب المكتب ولا في الخدامه ولا الفلوس اللي راحت عليك

انت وشلون تخلي عندها اطفالك عقب ماخذت من عندها الشريحه

صح لسانك ياميراج
والله ان هالنقطة جات على بالي
والله يخوي الحريف المفروض تحمد ربك انها ماسوت في العيال شي , الله يحفظهم ان شا الله
حبر سري
23-01-2009, 11:40 PM
صراحة صاحب المكتب قهرني!! اخوي تبي تاخذ حقك اخذه بيدك من صاحب المكتب يعني حط مكتبه فوق راسه عشان ينحل موضوعك وعلى قولة المثل الحقوق تبي حلوق !!

؟؟؟
وقتها اخوي هو راح يتسفر مع الخدامة
طبعا بيتسفر عالمركزي
استغفرالله
23-01-2009, 11:54 PM
بلغ عن صاحب المكتب
jajassim
24-01-2009, 12:01 AM
أخوى ،، مادام بلغت ادارة البحث والمتابعة ،،

لا تعور راسك ،، والله يعوضك على خسارتك ،،

روح بلغ البحث والمتابعة بان الخادمة موجودة لدى المكتب ،، وخلها تسافر ،، أحسن من تسوي أشياء وهى موجودة في البلد وخاصة أعمال الشعودة والسحر وبعد ما حرمتها من الشريحة ،، لان عند الغاء اقامتها ،، ماترجع البلد مرة ثانية الا بعد مرور خمس سنوات،،

وهنالك دراسة بين دول المجلس ،، في حالة تسفير من قبل البحث والمتابعة ،، تمنع من دخولها لاى من دول المجلس ،، :victory:
عضو قديم
24-01-2009, 12:02 AM
حبيبي انا لو منك كان بلغت عليها انها هاربه
وراعي المحل اجاريه وابلغ عليه واسجل كلامه بالجوال واهني صار عندك دليل انه متستر على شخص هارب وهذه عقوبتها الاعدام 3 مرات مع الضرب بالنعال على راسه(اعزكم الله)ههههههههه من القهر اخوي على اللي صارك

يعني بصريح العبارة دبر نفسك (والرزق يحب الخفية والمفهومية)
بدوي
24-01-2009, 12:26 AM
اولآ : الحمد لله ان العيال ماصار لهم شي

ثانيآ : اعتقد ان فيه مكاتب تتعمد أو خلنا نقول يوصون ويقولون للخدم أي مشكلة

ارجعوا لنا ( للمكتب ) لأنك ياطويل العمر انت تدفع تقريبآ 7000 للفلبينة من عمولة مكتب + تذكرة سفر + رسوم الجوازات

ولا صارت اي مشكلة ورجعت للمكتب هو على طوووووووووول :telephone:

يصرفها وتاخذها أي عائلة وطبعآ عمولتة مدفوعة وهكذا مع كم عائلة :victory:

والنتيجة معروفة ، المكتب ربحان وانت خسران .. وهذا حالنا يالقطريين :anger1:

نصيحتي لك

لاتفكر ترجعها لبيتك .. الزم ماعليك عيالك

حلها بطريقة ودية مع المكتب .. والكلمة الطيبة تجيب نتيجة على الأقل يصفطلك وحده غيرها

والله يوفقك يارب
الطيبة كلها
24-01-2009, 12:53 AM
بلغ عن صاحب المكتب والشغالة خل تذلف لانها بتسوي هذا الشئ ببيت ناس ثانين واشتكي عليها عند الشرطة لانها تركت اولادك لوحدهم خل يسجنونها لين متى نسكت عن حقوقنا
كاتم المواجع
24-01-2009, 01:02 AM
اخوي الله لطف على عيالك ---- واتمنى تذكر لنا اسم المكتب علشان مانتعامل معه وننصح الغير بعدم التعامل معه ونكون يد وحده ضد من هو ضدنا
Dohasun
24-01-2009, 01:10 AM
اقول لو تروح تبلغ عن نصب واحتيال واتفاق مسبق من صاحب المكتب والخدامة وتثبت انها تشتغل في بيت ثاني واعتقد هذا عمل لغير الكفيل وبمساعدة المكتب المفروض انها ترجع للسفارة لو كانت مظلومة صراحة مب حالة يعني ماخذ فلوسك وماخذ خدامتك ومشغلها عند غيرك وماخذ من عند غيرك يعني نصب عيني عينك
qatari_xp
24-01-2009, 01:19 AM
في شهر 8 2008 حصلت على موافقة باستقدام خادمة
وبعد معاناة وعدة اختيارات وتاجيل وتأخير والغاء
حصلنا خادمة فلبينية مسلمة تتكلم انجليزي وغير متزوجة
وما عندها عيال وعمرها 28 سنة
جات الخدامة في شهر 10 وطلعت متزوجة وعندها بنتين !
قلنا مو مشكلة نجربها ....وكانت ممتازة من كل النواحي ...

بعد شهرين طلبت اجيبلها شريحة جوال (معها جهاز من بلادها) ...
وبما انها كويسة ومهتمه بالعيال وتشتغل شغلها جبت لها شريحة
وقلت خلها تتواصل مع اهلها وعيالها وخصوصا انها ما تطلع من البيت الا معنا..

قبل اسبوع انتبهت ان جوالها ما يوقف رن رن رن...
واخذت الجوال اشوف شالسالفة ...لقيت عندها اكثرمن 10 ارقام في الدوحة؟؟
مع انها قالت انها ما تعرف احد في قطر ... طيب مين اصحاب الارقام ؟!
هي قالت انهم اقارب لها ولما قلت لها انتي قلتي ما تعرفي احد ما عندها جواب!

المهم اخذت منها الشريحة وقلت لها ما في تلفون ...
زعلت وبطلت تشتغل وصارت وحده ثانية ...

ويوم السبت اللي طاف رجعت زوجتي البيت الساعة 6 ما لقتها في البيت

ولقت الولد (3 سنوات) والبنت (8 شهور) بروحهم في البيت !!

تركتهم وهربت !!!

طبعا انا رحت يوم الاحد لادراة البحث والمتابعة وبلغت عنها ..

بعد يومين كلمني راعي المكتب اللي جابها وقال لي انها عنده
وبدأ يساومني اني اروح الغي البلاغ وينقل كفالتها ويجيبلي واحدة ثانية
ويخصملي مبلغ من تكاليفها ...
رحت البحث والمتابعة ..قالوا لازم هي تحضر عندنا ...
رحت المكتب وقلت له لازم الخدامة تجي معي عشان الغي البلاغ ...
قال ما عليك ..عطني الورق وانا اخلص لك الموضوع ...طبعا رفضت لانه بالحاله
هو اللي بيستلم جوازها خصوصا اني حسيت من كلامه ان الموضوع فيه استغلال ..
رفض يعطيني الخدامة ورفض يسلمها للبحث والمتابعة ولما هددته ابلغ البحث والمتابعة
انه متستر عليها قال روح سوي اللي تبي وما يطلعلك عندي شي وانا اسلمها الوقت
اللي يعجبني ..
كلمتني وحده فلبينية تقول ان الخدامة كلمتها وانها الحين تشتغل في بيت ثاني !!

فوق اللي خسرته عليها ...الحين لو يسلمها المكتب او تسلم نفسها لو بعد 10 سنين
انا ملزوم اني اشتريلها تذكرة واسفرها على حسابي ...

شرايكم؟!

بما انك بلغت البحث والمتابعه

فعليك بتقديم شكوى على المكتب عند ادارة العمل ,,,لانهم هم المختصين

بهذي المواضيع ,,,,,والله ييسر لك امورك ان شاء الله
هدوء العاصفة
24-01-2009, 01:21 AM
اش هالمكتب ؟؟

انه جبت وحدة وسوت مشاكل ويوم اتصلت بالمكتب قال لي جيبها اتفاهم معاها قلت له لا انه مابيها مب زينة وتسوي مشاكل قال لي لا مانرجعها ..

للاسف قبل لا اجيب الخدامة عطاني من الكلام الحلو والزين ويوم وقت الصج تهرب من كلامه ..

وللاسف انه قطري ... وحرمت اطلب من عندهم مرة ثانية ..
التيما
24-01-2009, 01:21 AM
أخوى ،، مادام بلغت ادارة البحث والمتابعة ،،

لا تعور راسك ،، والله يعوضك على خسارتك ،،

روح بلغ البحث والمتابعة بان الخادمة موجودة لدى المكتب ،، وخلها تسافر ،، أحسن من تسوي أشياء وهى موجودة في البلد وخاصة أعمال الشعودة والسحر وبعد ما حرمتها من الشريحة ،، لان عند الغاء اقامتها ،، ماترجع البلد مرة ثانية الا بعد مرور خمس سنوات،،

وهنالك دراسة بين دول المجلس ،، في حالة تسفير من قبل البحث والمتابعة ،، تمنع من دخولها لاى من دول المجلس ،، :victory:

صح السااااانك .. والله لو انا ماخليها ولا اخلي راعي المكتب ..
ورقــة أمــل
24-01-2009, 01:59 AM
الله يعينكم

اهم شي العيال ما صار لهم شي والحمدلله
فـــــواز
24-01-2009, 02:51 AM
وشكثر السوالف على مكاتب الخدم عندنا ويالاهل والله قهر على المكاتب هذي نصابين اغلبيتهم

يقول تعالي خذي لش معاش شهر وروحي بلادش منها تنزيه وسفره ومعاش ولا تحلم فيه في بلاده خلال شهر ان كملته بعد منها خلال الشهر الضمان قد راح بين الكفيل والمكتب يعني كل القوانين ضد الكفيل ماله الا ربه

وبعدين تقول ما ابي اشتغل امي ماتت او ابوي او ولدي مريض من الاعذار البايخه
بوخالد2
24-01-2009, 03:07 AM
الله يعينك يالحريف هذه مشكله اصحاب المكاتب النصابيين
الحريف
24-01-2009, 07:01 PM
>>>لاتشتكي ابكي <<< هااااااااااااااا هذا القانون تبي ولا طق راسك في طوفه


اخوي ولد الشقب القانون على عينا وراسنا بس اذا هالقانون فيه ظلم لأحد الاطراف وشو الحل ؟!


هاذي المشكلة والله يالحريف
القانون وياها

وشبتسوي؟؟
وراعي المكتب عارف هالشي
فمهب هامه شي


هذي المشكلة ! اذا وقعت مع واحد يعرف القوانين والاجراءات عدل ويلعب عليها وما يخاف
يوم توفى كل نفس ما عملت... مشكور اخوي حبر سري على تعاطفك ...


الافضل من وجهة نظري المتواضعة اخوي الحريف ان تحل المسالأة مع صاحب المكتب بطريقة ودية ,,,,مادام بيجيب واحدة ثانية افضل من البلاغات ,,حتى تفك روحك من عوار الراس ,,وفي النهاية افضل من تذكرة سفر للرجوع للخادمة بجانب تكاليف كاملة خادمة اخرى’’’هذا وجهة نظري المتواضعة ولك القرار,,وتقبل مني اجمل تحية والله يعوضك كل خير


البلاغ ضروري اخوي عتيج حتى لو حصل لها مكروه لا سمح الله اخون خالي المسؤولية
الموضوع.. ليش ينسمحله يستغلني ويستغل غيري وغيري ليش يوافق يشغل خدامة مش على كفالته؟


نبغي محامي شاطر

يعمل جمعية لحقوق القطريين مع الخدم


شكرا لتعاطفك اخوي اسعاف


لمشكله مش في صاحب المكتب ولا في الخدامه ولا الفلوس اللي راحت عليك

انت وشلون تخلي عندها اطفالك عقب ماخذت من عندها الشريحه


يا اخوي يوم السبت لا فيه روضة ولا حضانة ... وزوجتي تشتغل وين اودي العيال؟!!


صح لسانك ياميراج
والله ان هالنقطة جات على بالي
والله يخوي الحريف المفروض تحمد ربك انها ماسوت في العيال شي , الله يحفظهم ان شا الله


الحمد لله والشكر ... بالمال ولا بالعيال ...


بلغ عن صاحب المكتب


هذا اللي ناوي اسويه ان شاء الله بكره الصباح ... والله يعين..


أخوى ،، مادام بلغت ادارة البحث والمتابعة ،،

لا تعور راسك ،، والله يعوضك على خسارتك ،،

روح بلغ البحث والمتابعة بان الخادمة موجودة لدى المكتب ،، وخلها تسافر ،، أحسن من تسوي أشياء وهى موجودة في البلد وخاصة أعمال الشعودة والسحر وبعد ما حرمتها من الشريحة ،، لان عند الغاء اقامتها ،، ماترجع البلد مرة ثانية الا بعد مرور خمس سنوات،،

وهنالك دراسة بين دول المجلس ،، في حالة تسفير من قبل البحث والمتابعة ،، تمنع من دخولها لاى من دول المجلس ،، :victory:


عزيز وغالي اخوي jajassim ... ما كنت ادري الشريحة بتسويلي كل هالمشكلة !!
المهم عندي الحين ارجعها والغي البلاغ لان فيه رجال ما عنده اطفال بينقل كفالتها ويدفعلي اللي دفعته .. او بسفرها وخلصنا ... والله يعوض.
Bu Rashid
24-01-2009, 07:12 PM
مثل ما قال بوخالد معظم مكاتب الخدم نصابيين ...
الله يعينك ..

الخدامة مثل الجحة .. حظ ونصيب ...
الحريف
24-01-2009, 07:36 PM
حبيبي انا لو منك كان بلغت عليها انها هاربه
وراعي المحل اجاريه وابلغ عليه واسجل كلامه بالجوال واهني صار عندك دليل انه متستر على شخص هارب وهذه عقوبتها الاعدام 3 مرات مع الضرب بالنعال على راسه(اعزكم الله)ههههههههه من القهر اخوي على اللي صارك

يعني بصريح العبارة دبر نفسك (والرزق يحب الخفية والمفهومية)


انا فعلا بلغت عليها فورا ... وخطرت لي فكرة تسجيل المكالمة لكن المشكلة انه الحين اتصل عليه ما يشيل التلفون ! ناوي ابلغ عنه وبوافيكم بالتطورات ...


اولآ : الحمد لله ان العيال ماصار لهم شي

ثانيآ : اعتقد ان فيه مكاتب تتعمد أو خلنا نقول يوصون ويقولون للخدم أي مشكلة

ارجعوا لنا ( للمكتب ) لأنك ياطويل العمر انت تدفع تقريبآ 7000 للفلبينة من عمولة مكتب + تذكرة سفر + رسوم الجوازات

ولا صارت اي مشكلة ورجعت للمكتب هو على طوووووووووول :telephone:

يصرفها وتاخذها أي عائلة وطبعآ عمولتة مدفوعة وهكذا مع كم عائلة :victory:

والنتيجة معروفة ، المكتب ربحان وانت خسران .. وهذا حالنا يالقطريين :anger1:

نصيحتي لك

لاتفكر ترجعها لبيتك .. الزم ماعليك عيالك

حلها بطريقة ودية مع المكتب .. والكلمة الطيبة تجيب نتيجة على الأقل يصفطلك وحده غيرها

والله يوفقك يارب


مشكور اخوي بدوي هذا اللي صار بالضبط لأني شفت رقم راعي المكتب على جوالها ..ويمكن يكون هو اللي وصاها وقال لها اي شي يضايقك ولا يزعلك على طول اتصلي علي وتعالي المكتب... المشكلة لما المادة تتحكم بالانسان وما فيه في تفكيره غير الفلوس وما يحط اي اعتبار لاي شي ... لا حول ولا قوة الا بالله ...


بلغ عن صاحب المكتب والشغالة خل تذلف لانها بتسوي هذا الشئ ببيت ناس ثانين واشتكي عليها عند الشرطة لانها تركت اولادك لوحدهم خل يسجنونها لين متى نسكت عن حقوقنا


ان شاء الله خير ... ومشكور(ه) على ردك وتعاطفك ..


اخوي الله لطف على عيالك ---- واتمنى تذكر لنا اسم المكتب علشان مانتعامل معه وننصح الغير بعدم التعامل معه ونكون يد وحده ضد من هو ضدنا


الحمد لله ... كتمنا المواجع اخوي كاتم المواجع ...
ما ادري اذا قوانين المنتدى تسمح بذكر اسم المكتب ... يا ليت احد الاخوة المشرفين يفيدنا


اقول لو تروح تبلغ عن نصب واحتيال واتفاق مسبق من صاحب المكتب والخدامة وتثبت انها تشتغل في بيت ثاني واعتقد هذا عمل لغير الكفيل وبمساعدة المكتب المفروض انها ترجع للسفارة لو كانت مظلومة صراحة مب حالة يعني ماخذ فلوسك وماخذ خدامتك ومشغلها عند غيرك وماخذ من عند غيرك يعني نصب عيني عينك


شي يقهر والله يا شمس الدوحة ... لكن "ان الله بصير بالعباد"


بما انك بلغت البحث والمتابعه

فعليك بتقديم شكوى على المكتب عند ادارة العمل ,,,لانهم هم المختصين

بهذي المواضيع ,,,,,والله ييسر لك امورك ان شاء الله


الله يبارك فيك اخوي ويجيب اللي فيه الخير ..


اش هالمكتب ؟؟

انه جبت وحدة وسوت مشاكل ويوم اتصلت بالمكتب قال لي جيبها اتفاهم معاها قلت له لا انه مابيها مب زينة وتسوي مشاكل قال لي لا مانرجعها ..

للاسف قبل لا اجيب الخدامة عطاني من الكلام الحلو والزين ويوم وقت الصج تهرب من كلامه ..

وللاسف انه قطري ... وحرمت اطلب من عندهم مرة ثانية ..


اخاف هو نفس المكتب لأنه قطري بعد !!


صح السااااانك .. والله لو انا ماخليها ولا اخلي راعي المكتب ..


ان شاء الله ما اخليهم وباخذ حقي منهم ثالث ومثلث ...


الله يعينكم

اهم شي العيال ما صار لهم شي والحمدلله


الحمد لله ... ومشكور(ه) على التعليق ...


وشكثر السوالف على مكاتب الخدم عندنا ويالاهل والله قهر على المكاتب هذي نصابين اغلبيتهم

يقول تعالي خذي لش معاش شهر وروحي بلادش منها تنزيه وسفره ومعاش ولا تحلم فيه في بلاده خلال شهر ان كملته بعد منها خلال الشهر الضمان قد راح بين الكفيل والمكتب يعني كل القوانين ضد الكفيل ماله الا ربه

وبعدين تقول ما ابي اشتغل امي ماتت او ابوي او ولدي مريض من الاعذار البايخه


اااخ يا فواز ... الخدم مثل الزواج .... شر لا بد منه :)
استغفرالله
24-01-2009, 09:47 PM
اي بعد بلغ عن الخدامة مثل ما قالك واحد من الاعضاء

1- انها تركت عيالك بروحهم
2- انها هربت
مزيون الدوحه
24-01-2009, 10:23 PM
والله ياخوي اكبر غلط تاخذ لها شريحة
وخاصه فلبينيه الله يستر

وهالقانون مشكله بصراحه في صف الخدم
والقانون يقول البيت لها :nice:


الله يعينك اخوي