لديك زميل وتحبه لكنه يتكلم كثيرا ( فما السبيل لتوصيل المعلومه له)

[عليان قطر]

صباح الخير

لنتفترض ان لدي صديق عزيز عليك
وعلى ما نقول ( بينك وبينه عيش وملح )
ومخلص لك
وراعي واجب 100%

لكن به عيب

أنه يتكلم كثيرا جدا

وربما بعض الاحيان يتملل منه الاخرون لكثرة كلامه


فما السبيل يا اخواني لتوصل المعلومه له مع العلم بأنه حساس للغايه
وافكاره تأخذه بعيد اذا لم توصل له المعلومه بشكلها الصحيح )

واترك لكم المجال
للردود

والسلام عليكم ورحمة الله وبركاته

[حبر سري]

انا اقول لك اخوي عليان
خله يتكلم , اوكيه , واول مايجيك تلفون مثلا , قول له كمل
ورد على التلفون , يمكن هو يسكت , لكنك قول له كمل عادي , وانت تتكلم:nice:

او انك مثلا تكون تبي تطلع وهو يتكلم , قول له كمل كلامك , وانت رايح صوب الباب , واطلع , وعلى طول افتح الباب مرة ثانية وقول له كمل كلامك انا راجع لك:rolleyes2:

او مثلا وهو يتكلم انت ادخل على النت , وقول له اذا كملت كلامك قول لي :)

ياخي دايما حلول حبر سري واقعية وتلامس الجرح , وماتحب تجرح
وعاطفية بعد:shy:

وعندي حل ثاني بعد :
وهو يتكلم ومندمج في سوالفه اللي تملل , قول له ياخي عندي سؤال : تذكر المثل اللي يقول اذا كان الكلام من فضة , شنهي تكملته (كنك ماتدري)

[لوليتا قطر]

اذا عزززيز علي ممكن انصحة بطرريقة حلوووة بحيث اني ماا اجررح مشااعرة

[عليان قطر]

انا اقول لك اخوي عليان
خله يتكلم , اوكيه , واول مايجيك تلفون مثلا , قول له كمل
ورد على التلفون , يمكن هو يسكت , لكنك قول له كمل عادي , وانت تتكلم:nice:

او انك مثلا تكون تبي تطلع وهو يتكلم , قول له كمل كلامك , وانت رايح صوب الباب , واطلع , وعلى طول افتح الباب مرة ثانية وقول له كمل كلامك انا راجع لك:rolleyes2:

او مثلا وهو يتكلم انت ادخل على النت , وقول له اذا كملت كلامك قول لي :)

ياخي دايما حلول حبر سري واقعية وتلامس الجرح , وماتحب تجرح
وعاطفية بعد:shy:

وعندي حل ثاني بعد :
وهو يتكلم ومندمج في سوالفه اللي تملل , قول له ياخي عندي سؤال : تذكر المثل اللي يقول اذا كان الكلام من فضة , شنهي تكملته (كنك ماتدري)






اظن كلامك ممكن يجيب الزعل

[عليان قطر]

اذا عزززيز علي ممكن انصحة بطرريقة حلوووة بحيث اني ماا اجررح مشااعرة

حلو جدا

ممكن في مثال

[حبر سري]

اظن كلامك ممكن يجيب الزعل

المشكلة ياعليان انه هو يزعل الناس لما يمللهم بعد


طيب عندي حل ثاني :
اقعد وياه على انفراد , وقول له ياخي ترى الربع تمللوا من سوالفك

يمكن يزعل , لان الحقيقة دايما مرة , بس بيعرف شسالفة
ودامه حاط في باله انك عزيز عنده بيتقبل

[عليان قطر]

المشكلة ياعليان انه هو يزعل الناس لما يمللهم بعد


طيب عندي حل ثاني :
اقعد وياه على انفراد , وقول له ياخي ترى الربع تمللوا من سوالفك

يمكن يزعل , لان الحقيقة دايما مرة , بس بيعرف شسالفة
ودامه حاط في باله انك عزيز عنده بيتقبل



ترتيب يا ولد

اظن جبتها ع الجرح


يا اخي انت وينك من زمان

[شيزكيك]

ممكن تكتبون له رساله وتحطونها على مكتبه

[ورقــة أمــل]

انا عندي زميله ما تتكلم كلش
ممكن تسكت اللي يتكلم
بس شلون تطلع الكلام من اللي طبعه السكوت!!

اتوقع لو تقعد معاه وتفهمه الموضوع بس من غير ما تزعله بيكون افضل
مثلا تقوله ترى الكل يحبك ويحترمك بس في ناس يتضايقون احيانا من كثرة كلامك بس مب معناته انهم ما يحبونك يعني شي جييي مدح اكثر من ذم بالتالي ممكن يتقبل الموضوع شووي

[عليان قطر]

ممكن تكتبون له رساله وتحطونها على مكتبه

للاسف ليس معي بالعمل
هو بشرق
وانا بغرب

[عليان قطر]

انا عندي زميله ما تتكلم كلش
ممكن تسكت اللي يتكلم
بس شلون تطلع الكلام من اللي طبعه السكوت!!

اتوقع لو تقعد معاه وتفهمه الموضوع بس من غير ما تزعله بيكون افضل
مثلا تقوله ترى الكل يحبك ويحترمك بس في ناس يتضايقون احيانا من كثرة كلامك بس مب معناته انهم ما يحبونك يعني شي جييي مدح اكثر من ذم بالتالي ممكن يتقبل الموضوع شووي

برضو فكره طيبه
الف شكر

[&بوشهد&]

والله ياخوي اشوي صعبة تقوله انك تتكلم وايد دام انه رفيقك ويعز عليك ومن ناحيتي انا مااقدر اقوله هالكلام
لكن في اساليب تقدر توصلها له مثلاً :
بعض الاحيان اذا مالك خاطر تسمع سوالف سو نفسك سرحان او تثاوب او سو نفسك نعسان واذا مافي فائدة لاتسمعه واذا حس انك مش متابع لكلامه قوله اسمحلي بالي مشغول
واذا مافي فايدة كلش عطه كتاب هدية والكتاب يتكلم عن الكلام من غير فائدة وعن كثرة الكلام
والله يعينك عليه

[عليان قطر]

جزاكم الله كل خير

عندك حلول طيبه
والله هو يعز علي

وما ودي له بالمهانا

[shagrh]

لا اخوى انا ماانصحك تقول له ان سوالفك تملل لان بالنهايه انت تجرحه بهالطريقه
تقدر تحشي له السالفه بوسط الكلام عاد اذا هو فطين وذكى راح يفهم بس الله يعيينك لو من النوع ايلى مايلقط السالفه وهى طايره
بس اهم شى لا تجرحه

[فيزيائية]

اذا تكلم ...
انتبه له...
بس اذا زودها..
التفت يمين... يسار... اسرح :rolleyes2:
شوف الساعة ...
استأذن روح مكان ضروري
قوله عندي اتصال مهم<<كلم الوالدة وطول بعد :telephone:

[!الشايمه!]

عاد ياشين الهذار....واللي يعيد السالفة عشر مرات....ولا بالتفصيل الممل
واشين اذا ماعندك وقت كلش كلش .....ويصيدك على الجوال او التلفون .....

كان عندي ثنتين جذيه...يعني بالعربي مصيبتين ......عاد مشكلة البنت....انها ماتحب حد ينتقدها او حت ينصحها
تزعل على طول .....

اللي تمون .....حاولت احسسها.......لين ماجاتني حساسيه وهي ما حست........
اضطريت اقطعها......

والثانيه لزقه ....وماتمون .....اعطيها كاش....مشغوله اتصلي بكره...بعد شهر

والله اسؤا شئ في الحياة الواحد يطيح بهالنوع الممل.

المشكلة انهم مايفهمون ان اللي قدامهم متملل........يعني لو بتسوون حركات
حبر سري كلها........ولاهمهم بيواصلون الكلام.

ام نونيه ...تصوري تقولين بنام...يردون ليش بدري تمي شوي.......!!
عندي اتصال ثاني .......زين بنطرج............!!
بروح الشيسمونه..........بنطرج......!!

اعوذ بالله ..........

تحية

[بنت^البحرين1]

هههههههههههههههههههههههههههههههههههههههههههههههههه هههههههههه
والله ضحكت من قلب ، عيل هاكم ، انا توني في دوامي يديدة ولسوء حظي بعدي باسبوع جابوا موظفة جديدة ، وياليتني ماداومت في هالقسم ، الحرمه من ندخل لين نطلع هي ماتوقف ولاتتعب ولقافه مب طبيعييييييييييييييه، اخرها الخميس انا جيت متأخرة وفتحت الباب وقلت السلام عليكم صباح الخير، طبعا هي مكتبها حذا الباب يعني في الاستقبال والتوديع قالت لي هاااااااااااااااااا ليش جاية متأخرة؟ قلت لها عندي ظرف تأخرت شوي ، الا تقول ايييييييييييه اي اي اي ( بهالطريقة والله ) اي شنو ظرفج ؟؟ قلت لها ظرف مع هلي ، الا تقول اي شفيهم ؟؟ قلت لها ليش مهم تعرفين ؟انا كلمت المدير وخلاص، وين فلانه ؟ الا تقول محد طلعت عند المدير، رحت مكتبي سكرت الباب وقعدت والله ماكذب ثواني والا طبت علي من غير تطق الباب ولا تستأذن، شتسوين ؟ قلت لها سلامتج افتح الكمبيوتر، شوي والا اخوي اتصل ، قلت لها اسمحي لي اخوي متصل،قالت عادييييييي لاتستحين اخذي راحتج بنتظرج ( اووووووووووووووف)وبالموت وطلاع الروح جاها اتصال وقامت ، وطبعا جات الساعه 12 وانا استأذنت عشان عندي دوام جامعة محاضرة مستثناه صباحية ومرتبه اني اطلع مع الوزارة ، والله هي تتكلم في التلفون مشغوله بس لمحتني طايفه واسمعها تقول لحظة ، الا تقولي تعالييييييييييييييي تصرخ التفتت قلت لها نعم ؟( انا يوم الخميس طافشه منها مب طايقه اسمع منها شي ومخيسه النفس عليها) التفت قلت لها نعم تقولي وين رايحه هالحزة ؟ قلت لها شنطتي معاي يعني بطلع ، الا تقولي اي ادري بس وين بتروحين ؟ قلت لها اسمحي لي عاد مب لازم اقولج وين بروح لان مب ضروري تعرفين ، قامت تضحك تقول لا بس كنت ابي اعرف لاني انا وايد فضولية، قلت لها مشكلتج عاد ولاتحاولين تكررينها معاي لاني ماحب هالاسلوب، قالت لي اوووووووووكي شكلج مضايقه اليوم !!!

قسم بالله مرات تكسر خاطري اقول مسكينه هي طيبه وعلى نياتها بس بلوتها بلوى وفوق ذي ماتتملل ابد في كل الاوقات هاي طبعها وساعات تطفشني من كثر ماتقعد في جبدي انا ودي احاجي اخواني احاجي امي شي مني مناك مافي لان كله كاتمه علي والموظفات الباقيات طبيعة شغلتهم وايد يتحركون من المكتب انا اكثر وحده قاعده، بس شكلي من بكرة بحمر عليها العين لان استنفذت كل الطرق معاها صراحه ولا وحده نفعت( حتى وانا اصلي بعد تقولي صبري سمعي هالسالفة وصلي !!!!! )

ساعدوني والله يمكن حد يقدر يحل هالمشكلة

[بدوي]

بسيطة


وقف عند أي دكان أو معصرة وعط الهندي 10 ريال وطرش له مسج

قوله : (( انا واحد من ربعك والكل يقول انك هذار ، ارجوك حاول تدوس بريك شوي ))

وصدقني بيموووووووووووووووووت يبي يعرف من !!


بس تحمل الهندي يعرف رقم سيارتك ويجيب العيد :nice:

[..er..]

اذا على كلامك بينكم عيش وملح

والميانه طايحه < مب شرط

قولها بوجهه

[أمير المحبه]

صباح الخير

لنتفترض ان لدي صديق عزيز عليك
وعلى ما نقول ( بينك وبينه عيش وملح )
ومخلص لك
وراعي واجب 100%

لكن به عيب

أنه يتكلم كثيرا جدا

وربما بعض الاحيان يتملل منه الاخرون لكثرة كلامه


فما السبيل يا اخواني لتوصل المعلومه له مع العلم بأنه حساس للغايه
وافكاره تأخذه بعيد اذا لم توصل له المعلومه بشكلها الصحيح )

واترك لكم المجال
للردود

والسلام عليكم ورحمة الله وبركاته

بككككككككككككككل بساطه لو مثلا امس كنت عنده وسندرني اقوله بروح مشغول:)
واليوم الثاني ادزله مسج على جواله وهالمسج المعلووومه وقوله
اسمحلي ماقتلك المعلومه كنت مشغول دزيتلك مسج ويريت اترد على الحين بمسج
لاني في الدواااااااااااااام مشغول
وحلي اهو ادزله ام اس ام ام اس ام حماده في العز خلاص هيحس:tease:
خلك كوووووووووووووووول لاتكبر المواضيع:victory:

[الكنج]

قوووووله أنك سمعت حكمة واعجبتك.....
بيقولك:شنهي؟؟؟؟
قوله: تعرف ليش الله خلق لنا اذنيين ثنتين ولسان واحد..............؟؟؟؟
بيقولك: لا ماعرف
جان تقولة: لكي نسمع أكثر مما نتكلـــــــــــــم.......
:nice::nice::nice:

تقبل مروري....

[عذاب]

احسن يهذر احسنك ماايكوون سااكت