قصه واقعيه ..الكل يدش [الأرشيف] - منتديات شبكة الأسهم القطرية

مشاهدة النسخة كاملة : قصه واقعيه ..الكل يدش

قطري vip

25-01-2009, 05:04 AM

قصة واقعية ...

حبيت اوصل لكم قصة ... صارت لشخص كان يحب يعرض صوره في النت وطبعا تعرفون الحين مواقع التعارف مثل الفيس بوك

والنتلوغ والتاجييد والفلكر وغيره ...

والرجال اللي كان يصور ويعرض صوره في الموقع ابتلا ابتلاء شديد ... تمكنت واحده ( خليجية )ممن لايخافون الله في شيء ... من سحر

الرجل عن طريق اخذ صورته من الموقع وعملت لها كوبي ... وارسلت الصورة إلى اكبر ساحر في افريقيا بالتعاون مع صديقتها

وهي صومالية الجنسية ... والسبب انها انجبرت فيه يعني ... انعجبت فيه لحد الجنون وكانت تبي تتعرف عليه وهو ماعطاها

فرصة وقال لها انا ماتعرف على بنات وماحب اكلم ولا لي علاقات مع البنات ...!!! وقال لها انا خاطب واسمحيلي !!!!!!!!!

طلعت شياطينها وقالت الا افركش خطبتك بأي طريقة ومو انا اللي انرد هالرد السخيف انا ملكة جمال وتعوفني !!!!!!!!

بعدها قامت ترسل له رسايل على الموقع وهو مطنشها ... واخر مره رد عليها وقال لها انتي اشتبين مني ؟! قالت له ابيك انت لي ..

قال لها انا خاطب وبتزوج ... اشتبين مني ؟! قالت له ماتبيني ترى انا حلوة وملكة جمال والكل يموت بالتراب اللي امشي عليه ؟!

قال لها لا اسمحيلي اختي انتي شكلج غلطانة وتبين تلعبين ... الله يستر عليج ... ردت عليه وقالت معليه براويك ....!!!

قال لها وش راح تسوين يعني ؟! ماتقدرين تسوين شي ؟!!!!

(((((((قالت له بتتذكرني طول عمرك وبتندم على الكلام هذا ....)))))))))))

ومسكين الرجال انسحر من صورة هو عارضها على الموقع ... تخيلوا شو صار فيه فصخ خطوبته من بنت عمه اللي كان يحبها

حب جنوني وصار يشوف وجهه الحلو فالمراية كنه حيوان مشوه ماله ملامح وليومكم هذا وهو يعاني ... واللي فك السحر شيخ

كويتي معروف وطلع السحر ...

يالله يارب تحفظنا وتحفظ شبابابنا وبناتنا ... واللي يقرى هالموضوع ينشره للحيطه والحذر

هدهد سليمان

25-01-2009, 05:07 AM

بارك الله بك وكثر من امثالك .. الدين نصيحه .. فأصبت النصيحه .. كل التقدير اخوي

بوخليفة3

25-01-2009, 05:15 AM

بل لي هني وصل السحر
الحمدلله ان فكوا السحر
وهي جزاها فالاخرة

بوعلي2

25-01-2009, 06:09 AM

لاحول ولاقوة الا بالله

بوحماني

25-01-2009, 10:17 AM

من قدم على مثل هاذي الاشياء فقد كفر والمشكله ان بعض الناس تاخذ الامور باساهل
الله يكفينا شرهم انشالله

فرساتشي

25-01-2009, 10:19 AM

لهدرجه وصلت ...الله يكفينا شر بعض النفوس المريضه ...

بن علان

25-01-2009, 11:03 AM

قصة واقعية ...

حبيت اوصل لكم قصة ... صارت لشخص كان يحب يعرض صوره في النت وطبعا تعرفون الحين مواقع التعارف مثل الفيس بوك

والنتلوغ والتاجييد والفلكر وغيره ...

والرجال اللي كان يصور ويعرض صوره في الموقع ابتلا ابتلاء شديد ... تمكنت واحده ( خليجية )ممن لايخافون الله في شيء ... من سحر

الرجل عن طريق اخذ صورته من الموقع وعملت لها كوبي ... وارسلت الصورة إلى اكبر ساحر في افريقيا بالتعاون مع صديقتها

ومسكين الرجال انسحر من صورة هو عارضها على الموقع ... تخيلوا شو صار فيه فصخ خطوبته من بنت عمه اللي كان يحبها

حب جنوني وصار يشوف وجهه الحلو فالمراية كنه حيوان مشوه ماله ملامح وليومكم هذا وهو يعاني ... واللي فك السحر شيخ

كويتي معروف وطلع السحر ...

يالله يارب تحفظنا وتحفظ شبابابنا وبناتنا ... واللي يقرى هالموضوع ينشره للحيطه والحذر

ممكن سؤال اخوي قطري vip .. هل انت تعرف الرجل شخصيا والا ايميل وصلك وحبيت تنشره

ليش السحره دايما يطلبون إسم الأم وفي القصة المذكورة ما احتاجوا إسم الأم

ما ادري اكثرت التحذيرات هالأيام من خلال خلق قصص أنا اشوفها خيالية

أنا ما انكر السحر والجن ولكن مب عن طريق النت ومب بالسهولة ذي

يمكن صاحبك ساحرته وحده تعرفه في قطر وتعرف إسم أمه هذا إذا كان صاحبك مب ايميل جايك طياري :discuss:

بوخالد911

25-01-2009, 11:08 AM

الله يكفينا شر السحر

OutLaw

25-01-2009, 12:11 PM

الله يكفينا شر السحره والمشعوذين
وعليكم ب سورة البقرة ان أخذها بركة و تركها حسرة و لا تستطيعها البطلة . البطلة (السحره)

اخت ود انا من خلال قرأتي للعديد من الكتب الخاصه بالسحر في بعض انواع السحره المتمكنيين لا يحتاجون الى اسم الام فقط الاسم والصورة يكفون وحتى من الممكن سكب السحر على الطريق الذي يمر من خلاله الشخص المراد سحره وغير ذالك من اساليب منها المشروب والملبوس والكثير الكثير حفظكم الله منه.

الفيصلي

25-01-2009, 12:26 PM

الواحد يقرا الاذكار يوميا ولا يهمه اكبر راس

بيسان

25-01-2009, 12:58 PM

ممكن سؤال اخوي قطري vip .. هل انت تعرف الرجل شخصيا والا ايميل وصلك وحبيت تنشره

ليش السحره دايما يطلبون إسم الأم وفي القصة المذكورة ما احتاجوا إسم الأم

ما ادري اكثرت التحذيرات هالأيام من خلال خلق قصص أنا اشوفها خيالية

أنا ما انكر السحر والجن ولكن مب عن طريق النت ومب بالسهولة ذي

يمكن صاحبك ساحرته وحده تعرفه في قطر وتعرف إسم أمه هذا إذا كان صاحبك مب ايميل جايك طياري :discuss:
:victory:

بيسان

25-01-2009, 01:04 PM

بداية وقبل كل شيء،، نعوذ بكلمات الله التامات من شر ما خلق
لا بد من التذكير ، بان السحر مخلوق من مخلوقات الله والايمان به والتصديق به خروج عن الملة يستوجب الطهارة واعلان الشهادة مره اخرى

وهذه القصة ارى فيها نوع من المبالغة، والهدف فيها الفيس بوك الذي ينشر صور الناسب بغير حيطة ولا حذر
وبالتالي، يجب علينا جميعاً تجنب وضع صورنا في هذه المواقع (المؤسسة اصلاً لفساد الامم) والتي تدعو الى الفجور ، وذلك حفاظاً على اعراضنا وتجنباً للوقوع في المشاكل

رهج السنابك

25-01-2009, 01:09 PM

طيب ليه ماياخذون صورة أولمرت وشمعون بيريز وليفني من الجرايد ويودونها الى ساحر افريقي ونخلص من شرهم !! احنا مانبي نأذيهم جسدياً بس نبي شيء واحد وهو يصرفونهم عن المسلمين بس هذا اللي نبيه .. اعتقد مو صعبه على ساحر افريقي يسويها .. ولو قلنا احنا مسلمين والسحر حرام وخروج عن الملة خلاص يطلع لنا واحد مسيحي ولا واحد مجوسي من المعارضين للصهاينه ويقوم بالعملية !!

بصراحة اعتقد ان الموضوع فيه الكثير من المبالغات غير المنطقية وما ورد في السنة ولا في أثر ان السحر يتم عن طريق صورة إنما من شيء من عرق الشخص مثل ظفر او شعره او ملابس المهم يكون عرقه موجود فيه وهذا اللي نعرفه اما غيره كله كلام فاضي

ومايجوز استخدام الدين بهذه الطريقه حتى وان كان المقصد تقديم النصيحه بعدم وضع الصور ألم يجد مروج هذه الاشاعه شيء أكثر عقلانية ومنطقيه !!!

مطيع الله

25-01-2009, 01:26 PM

مع احترامنا للناقل
هذا شي ما يصير

واعتقد المقصد من هذا الايميل الدوار
هو توصيل المعلومة لأكثر عدد ممكن من القراء
والهدف مشبوه

ولن يسهم في تحسين أخلاق من يضع صوره للتعارف

جهام

25-01-2009, 01:36 PM

حسبي الله ونعم الوكيل فيهم ..وتسلم اخوي على التحذير ما قصرت ..

بن علان

25-01-2009, 01:53 PM

اخت ود انا من خلال قرأتي للعديد من الكتب الخاصه بالسحر في بعض انواع السحره المتمكنيين لا يحتاجون الى اسم الام فقط الاسم والصورة يكفون وحتى من الممكن سكب السحر على الطريق الذي يمر من خلاله الشخص المراد سحره وغير ذالك من اساليب منها المشروب والملبوس والكثير الكثير حفظكم الله منه.

وما سمعته هو إبطال مفعول السحر حين نقله عبر البحر ولا أدري ما المقصود بالبحر

هل عبور الطائرة فوق البحار حينها يبطل العمل أم المقصود به نقل العمل بواسطة السفينه

كلام كثير يُقال والأهم هو الرقية الشرعية

اخوك ود

boooooon

25-01-2009, 01:54 PM

الواحد يقرا الاذكار يوميا ولا يهمه اكبر راس

تعجبني

قطري vip

25-01-2009, 04:33 PM

انا ناقل للخبر فقط والواحد ياخذ حذره

بن علان

25-01-2009, 04:42 PM

انا ناقل للخبر فقط والواحد ياخذ حذره

كان كتبت منقول علبالنا صاحب القصة صديقك .. الله يهداك بس

مزايين

25-01-2009, 05:53 PM

لاحول ولا قوة الا بالله العلي العظيم

الله يكفينا شرهم ويستر علينا يارب

ياناس وش تبون تحطون صوركم .....حاولوا تستخدمون المواقع للضرورة والفائدة بس بدون الخصوصيات

اروع سهم

25-01-2009, 06:22 PM

اعوذ بكلمات التامات من شر ماخلق

قطري vip

26-01-2009, 02:41 AM

كان كتبت منقول علبالنا صاحب القصة صديقك .. الله يهداك بس

اسمح لي اخوي مانتبهت اني ماكتبت منقول العذر والسموحه

حقيقه

26-01-2009, 02:47 AM

الله ينتقم من كل ساحر وساحره
الله لا يوفقهم في الدنيا
الله يبلاهم في انفسهم واهلهم
حسبي الله ونعم الوكيل

الولهان قطر

18-02-2009, 05:17 PM

الله يعطيك العافية أخوي وماتقصر

الخير كله

18-02-2009, 05:21 PM

هذا شكله سحر تيك اواي..........:tease: