غرفة السائق بجنب غرفة الخدامة

[سلفي]

أمس كنت معزوم عن احد الاصدقاء وشفت العجب

غرفة السائق بجنب غرفة الخدامة

وأول ما وصل العشاء خرج السائق مع الخدامة

من خلف البيت والامر جدآ طبيعي كلشششش !!!

من كثرة المعازيم ما قدرت أتكلم معا صاحب البيت

هل أنت وأنتي بعد :eek5:

غرفة السائق بجنب غرفة الخدامة في بيتكم ؟!

[مناحي السادس عشر]

ماعندي خدامه
ولو كان عندي خدامه ودريول
لازم الفصل بينهم
موضوع حلو ويستحق التنبيه

[اهل قطر]

الصراحه هذا كثير في البيوت هالايام ومحد مفتكر

يعدونهم اصلا خدم ومب مهم

لا حول ولا قوة الا بالله

[ANONYMOUS]

الصاحب ساحب

[الوجبه]

ياحبكم للملاحظات :)

[سلفي]

ياحبكم للملاحظات :)


ملاحظات خطيرة جدآ على البيت والاسرة والمجتمع

وسجن والابعاد يعج من كثرتهم

ان لله وانا الية راجعون

[الوجبه]

تدري اخوي سلفي .. هذي امور خاصه ل اهل البيت .. يعني انتي ما اتعرف ظروفهم .. وبعدين الخدامه يمكن كبيره في السن والهندي كذلك .. احسن الظن .. وهذي بيوت .. دام تعشيت عندهم اذكرهم بالخير :)

[سلفي]

تدري اخوي سلفي .. هذي امور خاصه ل اهل البيت .. يعني انتي ما اتعرف ظروفهم .. وبعدين الخدامه يمكن كبيره في السن والهندي كذلك .. احسن الظن .. وهذي بيوت .. دام تعشيت عندهم اذكرهم بالخير :)

قال الرسول صلى الله وعليه وسلم

((ما خلا رجل بامرأة إلا كان الشيطان ثالثهما))

[Bo3oof_80]

تدري اخوي سلفي .. هذي امور خاصه ل اهل البيت .. يعني انتي ما اتعرف ظروفهم .. وبعدين الخدامه يمكن كبيره في السن والهندي كذلك .. احسن الظن .. وهذي بيوت .. دام تعشيت عندهم اذكرهم بالخير :)

بارك الله فيك كفيت وفيت :nice:
وبعدين ماظن ان صاحب البيت اهبل ولا يدري شالسالفه :omen2:

[hemoud123]

تدري اخوي سلفي .. هذي امور خاصه ل اهل البيت .. يعني انتي ما اتعرف ظروفهم .. وبعدين الخدامه يمكن كبيره في السن والهندي كذلك .. احسن الظن .. وهذي بيوت .. دام تعشيت عندهم اذكرهم بالخير :)
لا فض فوك يالوجبه
والله كلامك صحيح المفروض عقب العشاء الطيب والكرامه الزينه يذكرهم بالخير , او على الاقل يمسك راعي البيت اذا هو يمون عليه وينصحه , مب يتعشى عساه بالف عافيه ويحلي ويتقهوى ويدخن وبعدين يجي يحش فيهم في المنتدى
اكره شي عندي الانسان يدخل بيوت الناس ويكون حاط عينه على المساوئ يراقبها ويسجلها
ياليتنا بس نركز على عيوبنا

[سلفي]

بارك الله فيك كفيت وفيت :nice:
وبعدين ماظن ان صاحب البيت اهبل ولا يدري شالسالفه :omen2:


:omg: :eek5: :omg:

[اهـم001]

السلام عليكم بخصوص هالموضوع انا عندي الخدامه مع ولدها وعايشيين في غرفه وحده اذا الضيف راعي طويله شي راجع له وصار معاي الموقف وسئلني قلت له انا عمي ولا ما افهم ولا شايفني انجليزيرديت عليه عادي ليش وش بيسوون ما عطيته جواب واسمحو لي على الاطاله

[سلفي]

لا فض فوك يالوجبه
والله كلامك صحيح المفروض عقب العشاء الطيب والكرامه الزينه يذكرهم بالخير , او على الاقل يمسك راعي البيت اذا هو يمون عليه وينصحه , مب يتعشى عساه بالف عافيه ويحلي ويتقهوى ويدخن وبعدين يجي يحش فيهم في المنتدى

المشكلة أخي الحبيب انها اصبحت ظاهرة

في مجتمعنا المحافظ

وأكبر دليل الردود

[**قطـــــر**]

الخادمات فى الدور الفوقــى>>البنت هاوس :)

والصبيان عند الباب الخارجـــــــى


فى حاله العزايم فى غرفه تحضيـر للعشاء الخادمات يوصلون العشاء للغرفــه وبعد الإنتهاء يتم وصول الصبيان لأخذ العشاء إلى المعازيـمـ,,<<طرق تعجيزيه ولكن همـ,, أمانه فى أعناقنا وجب علينا الحفاض عليهمـ,, وسترهمـ,,:waiting:

[PRINCESS]

خدامتي عندي في بيتي غرفتها وقدام عيني ليل نهار
والدريول مع الدريوليه ببيت خاص فيهم بعيد عن بيتي
الحذر واجب اكيد...خصوصا اني اعتبر هالخادمه امانه عندي ربي يحاسبني انا اول قبل مايحاسب حد ثاني اذا غلطت او صار فيها شي.
ومثل مايقولون الحذر يقيك الضرر.
:nice:شكرا عالموضوع

[بو الجوري]

شفيكم عالرجال ؟

هو ما سب راعي البيت عشان تقولونله اذكره بالخير !!!!

هو شاف شي وحب يطرحه فالمنتدى لان هالشي غلط ..

وأكيد سلفي يعرف السنع وما بيحش فيه .. والموضوع واضح ولا فيه اي شي يمس راعي البيت ..

[سلفي]

شفيكم عالرجال ؟

هو ما سب راعي البيت عشان تقولونله اذكره بالخير !!!!

هو شاف شي وحب يطرحه فالمنتدى لان هالشي غلط ..

وأكيد سلفي يعرف السنع وما بيحش فيه .. والموضوع واضح ولا فيه اي شي يمس راعي البيت ..


بيض الله وجهك في الدنيا والاخرة

والله يكثر من أمثالك

[بدوي]

بيض وجهك أخوي سلفي

فعلآ هذي ظاهرة خطيرة وللأسف البعض متساهل وفي هالحالة كأنه قرب ( الكبريت من البترول )

انا عن نفسي ولله الحمد .. غرفة الهندي فتحت لها باب على الشارع وعنده طبيلات السيارات

مااااااااااااله شغل في البيت أبدآ .. والخدامة مع ان الغرفة الخارجية فاضية وبحمامها ماسكنتها فيها ، خليتها داخل البيت ويانا .. :)

ولأنها في ذمتي وانا مسؤولها بعد الله ( سبحانه ) في قطر

[سلفي]

بيض وجهك أخوي سلفي

فعلآ هذي ظاهرة خطيرة وللأسف البعض متساهل وفي هالحالة كأنه قرب ( الكبريت من البترول )

انا عن نفسي ولله الحمد .. غرفة الهندي فتحت لها باب على الشارع وعنده طبيلات السيارات

مااااااااااااله شغل في البيت أبدآ .. والخدامة مع ان الغرفة الخارجية فاضية وبحمامها ماسكنتها فيها ، خليتها داخل البيت ويانا .. :)

ولأنها في ذمتي وانا مسؤولها بعد الله ( سبحانه ) في قطر


أحسنت وبارك الله فيك

خير ما فعلت أنك عزلت ( الكبريت من البترول )

ولكن مع الاسف بعض العوائل

عندهم الوضع عادي الله يكفينا الشر

والهندي يدخل البيت ويتمشا بين اهله عادي

الله يرحم ايام الغيرة على الاعراض

والبركة في أعلامنا الهابط

الذي ساهم نزع الغيرة

[خنور]

الوجبه اضحك الله سنك موتني من الضحك وشفيك على الريال اهم شي احسان الظن .

وبعدين بعض الناس ملقوف ينعزم وبعدين يبص يمين ومره شمال , فعلا الوجبه معه حق,

اللي يقوله هو الصح :victory: :tease: .

[سلفي]

الوجبه اضحك الله سنك موتني من الضحك وشفيك على الريال اهم شي احسان الضن .

وبعدين بعض الناس ملقوف ينعزم وبعدين يبص يمين ومره شمال , فعلا الوجبه معه حق,

اللي يقوله هو الصح :victory: :tease: .

مقبولة منك

[سلفي]

أنتشرت أطفال القطاء بسببهم

وبسبب كل من تهاون في

الخلوة بين السائق والخادمة

[swedan_qatar]

رسالتك وصلت فمن قبلها فهي لنفسه ومن لم يقبلها ايضا لنفسه لا يكلف الله نفس الا وسعها بارك الله بك

[بوحارب]

تسلم على توصيل الملاحظة سلفي

جزاك الله خير

[حقيقه]

الله يحفظنا

[الوجبه]

اخوي سلفي عزيز وغالي لا اتحط بخاطرك ..

بس انا ابديت ملاحظه في ان الضيف ما يجوز يكشف امور بيت جاره او المظيف له ... هذي امور خاصه

في بيتهم والرجال ما عزم وعمل عشا الا انه راعي واجب وعارف السنع.. وما اعتقد واحد راعي مجلس ويعزم العرب تفوته هذي الامور :)

احسن الظن وانا اخوك

[فيزيائية]

للأسف الشديد اصبح الانسان مطالب أن يكون
شيطان أخرس :anger1:
شوف وانصدم بس لاتعترض
كيفهم :weeping:
على قولة امي : كلن بينام في قبره :eek5:

[pure]

بغض النظر عن انه جفته ببيت حد او شي جي

الا انه لازم نبعدهم عن بعض حتى لو كانوا موجودين عندك من قرن ماتدري الشيطان ماماات

وابليس يوسوس ويوز الناس عل الشر

لذلك ابعد عن الشر وغنيلوه

عن نفسي الخدامه داخل البيت اما الدريول فهو برا مبطلين له حوش عل الشارع ومافيه مجال يدش البيت

[بنت ذياب]

لا مب احذى بعض

يعني الدريول مسوين له غرفه تطل عالشارع ..يعني باب غرفته برررع !

والخدامه بالملحق ..

بس مرة راحت له وطقت الباب علشان تبيه اييب طماط http://www.pic4ever.com/images/25r30wi.gif خخخخخخخ

جان ابوي يزفها .. ان مالج حق تروحين .. تبين شي تقولين لنا احنا :anger1:

عموما خدامتنا ماينخاف عليها عن 100 ريااال:omen2:

فعلا الخدم مصيييييبة وياما صارت سوواااالف من تحت راسهم

لازم نراقبهم عدل.. @@ لان الشيطان مامااات

ويعطيك العافيه اخوي عالموضوع

[خنور]

اخوي سلفي حفظه الله لاتزعل منا احنا اخوانك واختلاف الراي لايفسد موضوعك , حتى وان

داعبناك بالمزح فهذا دليل على محبتنا وتشوقنا لموضوعك . موضوعك جيد ونتفق معك فيه ,

ولنا ملاحظات عليه بسيطه ذكرها اخى العزيز الوجبه . فلا يعني هذا اننا نختلف تماما معك .


اخي العزيز سلفي وسع صدرك فديت خشمك وتقبل النقد البناء . :victory:

[ام عبدالعزيز]

انا اعرف ناااس مسوين ها الشي لان السايق يكون ولد الخدامه او ريلها او اخووووها...

[بنت المنتدى]

بلاويهم بلاوي الله يغربل ابليسهم وهالقاصر بعد احط غرفته جنب غرفتها بعد بالمره بسوي لهم سويت ابرك :anger1:

الحمدلله مفتكه من بلاوي الدريوليه ساكن برااا البيت وانا اصلاً اسوق ... ولوكنت تعبانه او اي شي و ابيه يوصلني مكان .. ادق له قبلها بفتره ويجيني لان زوجي يسافر واجد ورافض فكرة وجوده في البيت .. يقول سيفتي لج ولهم والله الحافظ من كل شر ..


غلط وغلط كبير يا اخوي سلفي وجودهم بنفس المكان .. وبعدين لا نلومهم لو صار اي شي لان اللوم على اهل البيت مش عليهم بصراحه !!

ولحد يقول عن الظروف .. ماعتقد انها صعبه لو اسكنها ف البيت لو ان شاءالله في غرفة الأوتي عادي الغرفه كبيره والمهم لها سريرها واسد الباب اللي يجي منه الريح واريح بالي ..



عساك ع القوه يااخوي
وشكرا ع التنبيه بيض الله وجهك :)

[سلفي]

اخوي سلفي حفظه الله لاتزعل منا احنا اخوانك واختلاف الراي لايفسد موضوعك , حتى وان

داعبنك بالمزح فهذا دليل على محبتنا وتشوقنا لموضوعك . موضوعك جيد ونتفق معك فيه ,

ولنا ملاحظات عليه بسيطه ذكرها اخى العزيز الوجبه . فلا يعني هذا اننا نختلف تماما معك .


اخي العزيز سلفي وسع صدرك فديت خشمك وتقبل النقد البناء . :victory:

تسلم يالغالي ومحد يزعل من لحمة ودمة

أنت والوجبة على راسي من فوق

انا أتشرف بطلتكم على مواضيعي

[لاداعي]

مب عدله

[الصيـاد]

يمكن العلاقة بين البلدين متميزة وبالتالي انعكس علي الشعبين

[بوسعود180]

تدري اخوي سلفي .. هذي امور خاصه ل اهل البيت .. يعني انتي ما اتعرف ظروفهم .. وبعدين الخدامه يمكن كبيره في السن والهندي كذلك .. احسن الظن .. وهذي بيوت .. دام تعشيت عندهم اذكرهم بالخير :)

حتى لو فرضنا ان الخدامه كبيره فالسن مردها بيجيها يوم وبتسافر وبتجي وحده صغيره

عن نفسي في بيتنا وبيت وجدي وعمامي واكثر اللي اعرفهم تكون غرف الخدم فالسطوح والسواويق يكون لهم غرفه مستقله بابها خارج البيت

[بـن عدوان]

جزاك الله كل خير اخوي ع التنبيه

للأسف الكثير من الناس غافله ..

[الطيبة كلها]

من صجكم اخواني والله لو الخدامه تصلي والدريول يصلي بعد هم مجرمين يا ما مسكنا خداماتنا مع الدريوليه
لو شنو يصير ما حطهم جنب بعض ومع ذلك لو حطينا واحد بالشرق والثاني بالغرب ما نقدر عليهم اللي يبونه بيسونه اخوي نبه صديقك وجزاك الله خير

[barod]

فعلا ملاحظه في محلها ويجب ابعاد البترول عن الكبريت .. جزاك الله خير على التنبيه اخوي سلفي

[سلفي]

حملة ابعد غرفة الخدامة عن غرفة السائق

ابعد ( الكبريت من البترول )

[عالم الخليج]

أكبر غلط

[جهام]

أمس كنت معزوم عن احد الاصدقاء وشفت العجب

غرفة السائق بجنب غرفة الخدامة

وأول ما وصل العشاء خرج السائق مع الخدامة

من خلف البيت والامر جدآ طبيعي كلشششش !!!

من كثرة المعازيم ما قدرت أتكلم معا صاحب البيت

هل أنت وأنتي بعد :eek5:

غرفة السائق بجنب غرفة الخدامة في بيتكم ؟!

الله يستر اخوي لازم تنبه والحديث بما معناه يقول مااختلى رجل بامرأة الا والشيطان ثالثهما ..اعوذبالله من ابليس

[ام خليفة]

الحين اغلب البيوووووت نظامها هاللشكل ملحق خارجي فيه مطبخ وغرفه للخدامه وغرفه للدريول وهالظااااهره منتشره بشكل موطبيعي

[وطن]

أخوي مانبي نظلم الريال

يمكن الخدامة والدريول متزوجين
او يقربون لبعض
بنته
امه
اخته

شي جذي

[سلفي]

أخوي مانبي نظلم الريال

يمكن الخدامة والدريول متزوجين
او يقربون لبعض
بنته
امه
اخته

شي جذي

الخدامة فلبينية والسائق هندي

وجيران الباب مقابل الباب!!!

[منعنش للابد]

ياكثر هالمشاكل هاليام والله يستر علينا

[بوحمد2]

أمس كنت معزوم عن احد الاصدقاء وشفت العجب

غرفة السائق بجنب غرفة الخدامة

وأول ما وصل العشاء خرج السائق مع الخدامة

من خلف البيت والامر جدآ طبيعي كلشششش !!!

من كثرة المعازيم ما قدرت أتكلم معا صاحب البيت

هل أنت وأنتي بعد :eek5:

غرفة السائق بجنب غرفة الخدامة في بيتكم ؟!

ياربها فلبينيه عمرها 20سنه؟؟؟؟؟