ممكن مساعده

[$$كلنا قطر$$]

السلام عليكم
الله يبعد عنكم الأمراض عندي واحد من الربع بناته فيهم مرض يسمونه الهربس
اذا حد سمع عن هالمرض او يعرف حد تعالج منه يفيدنا
الريال بيسافر بعد 3 ايام السعوديه يقولون في واحد يعالج هالمرض بالأعشاب
اذا في شي قبل ما يسافر بكون شاكر لكم
وبناته اعمارهم 2ونص وسنه ونص
والله يجيرنا ويجيركم من الأمراض
والله يشفي كل مرييض
ولاتنسونهم بالدعاء

[سداوي&مدريدي]

سلامات مايشوفون شر

الله يشفيهم ويشفي كل مريض

[الوجبه]

مممم اخوي واحد من الشباب صاده من فتره .. وراح عنه

هذا المرض مزعج لدرجه كبيره .. واهم شي يكون ايمانها قوي لانه جد مزعج ..

واسمه العلمي الجدار الناري

http://www.nlm.nih.gov/medlineplus/spanish/ency/images/ency/fullsize/19687.jpg

هذا خليط بين العنقز والحساسيه ..

خلها تصبر .. لانه المرض ياخذ وقت .. لكن يروح لحاله اعتقد

[$$كلنا قطر$$]

الله يسمع منكم ويشفيهم
ومشكورين على الرد

[المزن الرياني]

الله يشفيهم ومايشوفون شر أن شاءالله

[umabdulla77]

الله يشفيهم يارب
بس اخوي في وحدة اعرفها صادها خفيف بس قريب الفم

ولما راحت الصيدلية اوصفولها مرهم وايد اوكي ومن تستخدمه يختفي بس ياخذ وقته من يومين الى اسبوع تقريبا

وبجوفلك اسمه وبرد لك خبر

[$$كلنا قطر$$]

الله يسمع منكم
ومشكورين على الردوداختي ام عبدالله ياريت تجوفين اسمه وصايدهم في اللثه واتمنى انه ينفع للأطفال
الله يجزاج خير

[هبة ريح]

الله يشفيهم ان شاءالله ..........

[WIFE]

أهلين
عانهم الله و شافاهم ( اسأل الله العظيم رب العرش العظيم ان يشفيهم )

الهربس الفموي


التهاب انتقالي فيروسي ( اسم الفيروس هيربس سيمبلكس فايرس)

ويصاب به الإنسان عن طريق العدوى أو في حال ضعف ووهن عام (بعد الإصابة بالكريب ) مثلا وهو إصابة فيروسية وهو يشابه الهربس الذي يصيب الأعضاء التناسلية ويصيب الجسم

يصنف إلى فئتين هربس فئة (1) وهو يصيب الأطفال والكهول ويظهر كتقرحات في الفم أو حوله تلقائياً ولم تشكل أي خطر والهربس فئة (2) وهو الذي يسبب الآفات التناسلية

اعراضه الام في الحلق في الشفاه سقف الحلق اللسان...كذلك قد يصاحبه حمى والم في العضلات


والعلاج واحد ولكن الجرعة مختلفة أفضل علاج هو Aciclovir وعيار 200 مغ 4 مرات يوميا لفترة لا تقل عن أسبوع مع كريم Aciclovir 5 مرات يوميا .


( منقول )

[QAT2020]

اسأل الله العظيم رب العرش العظيم ان يشفيهم ..

اخي الكريم WIFE ياليت لو ذكرت المصدر .. وبارك الله فيك ..

[Bo3oof_80]

الله يشفيهم
ان شاء الله وجزاك الله كل خير لبحثك عن وسيله للعلاج

[$$كلنا قطر$$]

الله بشفيهم ويبعد عن المسلمين هالأمراض
مشكوره اختي Wife بس اتمنى لو في علاج شعبي لان الأدويه علاجها مؤقت على كلام عيادة الدوحه
ويهال الواحد يخاف يجرب معاهم اي شي
على العموم كلها يومين او 3 وبرنوح السعوديه سمع عن واحد عنده علاج بالأعشاب لهالأمراض
والله يجزاكم خير
ويشفي مرضاكم

[سلامي للكل]

وعليكــمـ الســلام ورحمــة الله وبركاته

سلامتهم, ومايشوفون شر ان الله

اسأل الله العظيم رب العرش العظيم ان يشفيهم ..

مرض الهربس مرض مزعج الله يبعده عن الجميع, ويسبب الآم مزعجة

اخوي انا مرضت بهالمرض بين الراس والرقبة من عند الاذن والحمــد لله تشافيت

العلاج كان عبارة عن دواء معين عبارة عن كبسولات, واذا ما خاب ظني مرهم مو متذكر عدل اذا كان هناك مرهم للعلاج

عندك اخوي مستشفى الرميلة (عيادة الجلد) فيهم اطباء على مستوى :nice:

وعندك عيادة الدكتور فهد الباكر

انا تعالجت عند الاثنين :)

وفااااااااااالهم الســلامة

[ام علي1981]

لازم يروح عللى اخصائي جلدية
وبسيطة اسبوعين ويروح
جا للوالدة وبعدين راح
لاتقلق
الله يشفيه

[فارس قطر]

اسأل الله العظيم رب العرش العظيم ان يشفيهم ..

[بنت ذياب]

الله يشفي بناااته يارب ..

:(

[ABDALAZiZ]

الله يشفيهم

[Affable Lady]

بالنسبة لهربس الأطفال
هو عبارة عن فايروس موجود بشكل طبيعي عند أغلب الناس وينشط مع نقص مناعة الجسم
خاصة لما يكونون مصخنين أو بعد دور برد

علاجه: كورس مضاد حيوي مرهم ينوصف بوصفه طبية لازم ياخذونه 5 ايام متواصله
وخله يلحق عليهم بالعلاج بأسرع وقت لأنه مؤلم جداً

الاحتياطات الصحية: خل يبعدونهم عن الاختلاط بالأصحاء
يعني مايكون فيه ملامسه جلديه .. محد يبوسهم أو يبوسون حد
و لاحد يشرب أو ياكل من وراهم

الوصفة ممكن يكتبها طبيب المركز الصحي .. وتنصرف من أي صيدلية
ماينصرف الدواء من صيدلية المركز

الله يشفيهم .. وماعليهم شر إن شاءالله

[$$كلنا قطر$$]

مشكورين على المرور والله يتقبل منكم
سلامي للكل "الريال ودا بناته الرميله قالت له الدكتوره حط لهم فازلين وهاي من تأثير البرد"
خوش علاج
عيادة الدوحه يقولون هربس والرميله يقولون تأثير البرد
محد يدري يصدق من
Affable Lady الله يجزاج خير وبالضبظ هالي سار كانو مصخنين وبعدها صادهم هالمرض
ومره ثاانيه مشكورين والله يجزاكم خير ويشفي مرضاكم

[حقيقه]

مانصحه يعالجهم بالاعشاب
انا اشوف انه الاعشاب مامنها فايده في حالتهم هاذي
وعن تجربه لانسانه قريبه مني لمدة 4 سنوات كانت تعاني من حساسيه شديده
جربت الرميله وجربت عيادة الدوحه وكذا عياده وحتى الاعشاب جربتهم
ومافيه تحليل ماسوته بس مافيه فايده

لكن بفضل من الله ارتاحت من هالمعاناه على يد الدكتور عادل كمال في مستشفى العمادي الصراحه لين الحين وهي تشكره من كل قلبها كل ماتذكر هالمعاناه اللي مرت فيها