هل تقبل ان يكون اخوك(او احد اقربائك)فنان(مطرب, ممثل).....!! [الأرشيف]

حبر سري

26-01-2009, 06:10 PM

السلام عليكم ورحمة الله

الصراحة هالسؤال جا على بالي من فترة قصيرة لما كنت عند واحد وكلمني ان (فلان ) بعد ماصار يغني(طبعا ماراح اقول مطرب لان الكلمة اصلا كبيرة عليه:nice:) حتى هله صاروا يبتعدون عنه

فخطر على بالي سؤال : هل يقبل الشخص على نفسه ان يكون اخوه او ابوه او اي حد من هله ممثل/مطرب؟؟

طبعا ونفس الشي بالنسبة اذا كان الشخص القريب انثى , واعتقد وقتها المسألة بتكون جايدة اكثر!!

رأيي الشخصي ان اللي يصير في الفن من سوالف كلنا نعرفها , تخلي النظرة للفن بشكل عام نظرة هابطة

وعن نفسي مااتمنى اني انحط في مثل هالموقف , ان يكون شخص قريب لي مغني او ممثل , بصراحة , لان حتى نظرة الناس للشخص هذا تتغير

ناهيك عن ان مثل هالامور في الغالب تطغى على حب الشخص لدينه , يعني يقل حب الشخص للصلاة , او حتى يصير كسول عنها(هذا اذا ماانقطع عنها بالكامل :rolleyes2: والعياذ بالله) , وطبعا هذا مايعني ان اهل الفن كلهم مايصلون , لكن انا اتكلم بشكل عام

هذا رايي الشخصي

لكن وشرايكم انتوا؟؟

Mo0o0oM

26-01-2009, 06:18 PM

لا

اقبل

ابداً

:nono:

شمعة المنتدى

26-01-2009, 06:20 PM

انا عن نفسي ،،

عندي شخص يقرب لي ،،

في الوسط الفني ،،

بصراااحه عن نفسي ،،

اخواني و أهلي يفتخرون فيه بشكل فظيــــــــع ،،

لكني ما أفتخر ولا أقبل بهالشي ،،

هذا بالنسبه لي ،،

Bu Rashid

26-01-2009, 06:28 PM

سلمت يداك أخي حبر سري على الموضوووووع الشيق ...

في مجتمعنا النظره للممثل او المطرب تختلف عن دول الغرب
وخصوصا عندما تكوووون ممثله او مطربه ...

أنا شخصيا لا أحب أن يكوووون أخي ممثل أو مطرب
ولكن لا أملك حق القبول او الرفض يعني الشخص يملك حرية القرار في أختيار العمل ...

في هذى الزمن ... الشخص الان لا يمثل الا نفسه

jajassim

26-01-2009, 06:32 PM

وعن نفسي مااتمنى اني انحط في مثل هالموقف

لصعوبة الموضوع ،، ME TOO :victory:

حـ ن ـيـ ن

26-01-2009, 06:35 PM

طبعا لا ...

pure

26-01-2009, 06:38 PM

طبعااا لا اقبل

لو كان مغني مو كفايه وزه هم بياخذ اوزار كل من سمعه وكل من تعلق فيه

وبعدين مثل ماقلت بيبتعد عن الدين شووي شوووي لين يقطع

ومايجتمع بقلب مسلم الاغاني والقرآن ومزامير الشيطان

هاي لو كان مغني اما ممثل بيختلط ويا الحريم هاي غير المسلسلات اللي بيمثلها

ولنفرض انه يمثل انه رومنسي ولا ولا ولا يعني مواقف مالها داعي

ويعطيك العااافيه

حبر سري

26-01-2009, 07:51 PM

لا

اقبل

ابداً
والسبب؟؟

:nono:

انا عن نفسي ،،

عندي شخص يقرب لي ،،

في الوسط الفني ،،

بصراااحه عن نفسي ،،

اخواني و أهلي يفتخرون فيه بشكل فظيــــــــع ،،

لكني ما أفتخر ولا أقبل بهالشي ،،

هذا بالنسبه لي ،،

يفتخرون فيه؟؟
يتفخرون بصوته ولا باغانيه ولا بوشو بالضبط؟؟

بصراحة ياشمعة المنتدى مااشوف في مجال للفخر اذا كان المفتخر فيه مغني!!!!

فيزيائية

26-01-2009, 07:54 PM

قبول لا أقبل<<<وهل ينتظر قبول أحد أو قبولي ؟؟
ولكن هل أقاطعه مثلا؟؟
طبعا لا بل ادعوا له بالهداية :weeping:
وفي النهاية انك لا تهدي من احببت ولكن الله يهدي من يشاء

بنت المنتدى

26-01-2009, 08:00 PM

لو كان رجل بنقول الرجل بعد اهون بمليون الف مره من الانثى :rolleyes2: ..!!
< طبعاً لو تكلمنا بعيد عن الحلال والحرام .. لأنه حرام ع الجنسين ..

والله ماتخيل ....... :anger1:

ياحلوي وانا طالعه اغني واخوي مع ربعه في المجلس يشوفون:eek5: !!!

شي مايتقبله العقل والله :omg: .............

بنت ذياب

26-01-2009, 08:23 PM

اكيد لا :waiting:

ذكرتني بوحده كانت معاي..

ابوها ممثل معرووف:(

كل مااقول لها : ها ابوج بينزل شي برمضان ولا !؟

تتضاااااااايق وتسد السالفه

وهي والله محترررررررررررررررمه ودينة الله يثبتها ياارب

والله يهدي الجميع ان شاء الله

شمعة المنتدى

26-01-2009, 08:41 PM

يفتخرون فيه؟؟
يتفخرون بصوته ولا باغانيه ولا بوشو بالضبط؟؟

بصراحة ياشمعة المنتدى مااشوف في مجال للفخر اذا كان المفتخر فيه مغني!!!!

ممثل مو مغني ،،

بس الفخر أقصد فيه ،، ان لما يحبون يخلون واجهة العائلة فيه ،،

مثل >> تدرون ؟؟ ترا هذا الممثل يصير لي ؟؟

انا لما كنت في المدرسه ،، البنات اللي كانوا معااي و يعرفوني عن قرب ،، و يعرفون العائله كلللها ،، كانوا يحبون يقولون للغير ،، ان هذي تصير لفلان الفلاني ،،

و عاااد تعااااالوا يا كل المدرسه و راااااافجوني ،، مو عشاااني ،، عشاااانه ،،

عشان جذي ما اظن ان هالشي يدعو للفخر أو شي حتى يذكر و يشرف !!

بنت ذياب

26-01-2009, 08:45 PM

ممثل مو مغني ،،

بس الفخر أقصد فيه ،، ان لما يحبون يخلون واجهة العائلة فيه ،،

مثل >> تدرون ؟؟ ترا هذا الممثل يصير لي ؟؟

انا لما كنت في المدرسه ،، البنات اللي كانوا معااي و يعرفوني عن قرب ،، و يعرفون العائله كلللها ،، كانوا يحبون يقولون للغير ،، ان هذي تصير لفلان الفلاني ،،

و عاااد تعااااالوا يا كل المدرسه و راااااافجوني ،، مو عشاااني ،، عشاااانه ،،

عشان جذي ما اظن ان هالشي يدعو للفخر أو شي حتى يذكر و يشرف !!

ومن هالممثل .. :tease:

لاداعي

26-01-2009, 09:00 PM

السلام عليكم ورحمة الله

الصراحة هالسؤال جا على بالي من فترة قصيرة لما كنت عند واحد وكلمني ان (فلان ) بعد ماصار يغني(طبعا ماراح اقول مطرب لان الكلمة اصلا كبيرة عليه:nice:) حتى هله صاروا يبتعدون عنه

فخطر على بالي سؤال : هل يقبل الشخص على نفسه ان يكون اخوه او ابوه او اي حد من هله ممثل/مطرب؟؟

طبعا ونفس الشي بالنسبة اذا كان الشخص القريب انثى , واعتقد وقتها المسألة بتكون جايدة اكثر!!

رأيي الشخصي ان اللي يصير في الفن من سوالف كلنا نعرفها , تخلي النظرة للفن بشكل عام نظرة هابطة

وعن نفسي مااتمنى اني انحط في مثل هالموقف , ان يكون شخص قريب لي مغني او ممثل , بصراحة , لان حتى نظرة الناس للشخص هذا تتغير

ناهيك عن ان مثل هالامور في الغالب تطغى على حب الشخص لدينه , يعني يقل حب الشخص للصلاة , او حتى يصير كسول عنها(هذا اذا ماانقطع عنها بالكامل :rolleyes2: والعياذ بالله) , وطبعا هذا مايعني ان اهل الفن كلهم مايصلون , لكن انا اتكلم بشكل عام

هذا رايي الشخصي

لكن وشرايكم انتوا؟؟

ادعو ان الفن رساله ساميه فـ رأيناهم يتلوثون بـِ اسم الفن

ورأيناهم يسرقون بـِ اسم الفن

ورأيناهم يزنون بـِ اسم الفن

ويبالغون في ارتكاب الكبائر بـِ اسم الفن

وأشياء اخرى لا تمت للرسائل الساميه بصله

ألف شكر لك أخوي حبر سري على الطرح الرائع :)

بوعلي2

26-01-2009, 09:29 PM

ياخراااابي

الله لايحطني بموقف جذي :(

بوحارب

26-01-2009, 09:32 PM

حبر سري انا لا اوافق ابداً <<<< سستم مطاوعه ^ ــ ^

ياخراااابي

الله لايحطني بموقف جذي :(

جرب تكون فنان شعبيات وكسرات:secret:

يمكن تتوفق :(:shy:

barod

26-01-2009, 09:47 PM

طبعا لا اوافق ولا اتمنى انحط بمثل هل موقف ويعطيك العافيه

قطريه ماركه

26-01-2009, 09:59 PM

لا أقبل ..

بدون سبب ...

مالي ومال الناس

27-01-2009, 12:30 AM

لا اؤيد ابداً
لكن اللي يحب يعزف على البحر بروحه بدون محد يدري عادي ؟ :shy:

http://farazdk.com/easypics/images/jdv1233003606s.jpg

khalil966

27-01-2009, 12:37 AM

ومن هالممثل .. :tease:

ول ول ول ياجماعة السقف بيطيح علينا ، المدرسه كلها تبي ترافجج علشان هالممثل ، ما اخبر عندنا براد بيت ولا حسين فهمي في قطر !!!

مافي الا الشيفه غانم السيلطي و عبدالعزيز جاسم , الا اذا كان سعد بخيت !!!!

khalil966

27-01-2009, 12:38 AM

ممثل مو مغني ،،

بس الفخر أقصد فيه ،، ان لما يحبون يخلون واجهة العائلة فيه ،،

مثل >> تدرون ؟؟ ترا هذا الممثل يصير لي ؟؟

انا لما كنت في المدرسه ،، البنات اللي كانوا معااي و يعرفوني عن قرب ،، و يعرفون العائله كلللها ،، كانوا يحبون يقولون للغير ،، ان هذي تصير لفلان الفلاني ،،

و عاااد تعااااالوا يا كل المدرسه و راااااافجوني ،، مو عشاااني ،، عشاااانه ،،

عشان جذي ما اظن ان هالشي يدعو للفخر أو شي حتى يذكر و يشرف !!

ول ول ول ياجماعة السقف بيطيح علينا ، المدرسه كلها تبي ترافجج علشان هالممثل ، ما اخبر عندنا براد بيت ولا حسين فهمي في قطر !!!

مافي الا الشيفه غانم السيلطي و عبدالعزيز جاسم , الا اذا كان سعد بخيت !!!!

ام علي1981

27-01-2009, 12:39 AM

:anger1:

بدوي

27-01-2009, 12:58 AM

الله لا يقولها ان شاء الله

وما أتشرف ابدآ ابدآ ابدآ

اذا حد يقربلي في الوسط الفني

لقناعتي التااااااااااااامة بدنائة وحقارة ووصاخة هالمجتمع

واسأل الله لهم الهداية

Affable Lady

27-01-2009, 02:12 AM

الله لايبلانا..

هذا غير نظرة المجتمع الدونية للمطرب أو الممثل
وان كان صالح في نفسه .. أو كانت أهدافه ساميه من التمثيل
وغير ان القضاء لا يقبل بشهادة الممثل لأنه يعتبر "فاسق" والعياذ بالله!!!

يعني ماهو شرف ولا فخر :secret:

لاداعي

27-01-2009, 02:24 AM

ول ول ول ياجماعة السقف بيطيح علينا ، المدرسه كلها تبي ترافجج علشان هالممثل ، ما اخبر عندنا براد بيت ولا حسين فهمي في قطر !!!

مافي الا الشيفه غانم السيلطي و عبدالعزيز جاسم , الا اذا كان سعد بخيت !!!!

:nop:

!الشايمه!

27-01-2009, 02:39 AM

ول ول ول ياجماعة السقف بيطيح علينا ، المدرسه كلها تبي ترافجج علشان هالممثل ، ما اخبر عندنا براد بيت ولا حسين فهمي في قطر !!!

مافي الا الشيفه غانم السيلطي و عبدالعزيز جاسم , الا اذا كان سعد بخيت !!!!

هههههههههههههههههههههههههههه الله يقطع ابليسك

حبر سري

27-01-2009, 05:11 AM

يعطيكم العافية يااخوان وراح تكون لي وقفة مع ردودكم اللي نورت موضوعي

لكن لي رد سريع على رد الاخ خالد996:

ول ول ول ياجماعة السقف بيطيح علينا ، المدرسه كلها تبي ترافجج علشان هالممثل ، ما اخبر عندنا براد بيت ولا حسين فهمي في قطر !!!

مافي الا الشيفه غانم السيلطي و عبدالعزيز جاسم , الا اذا كان سعد بخيت !!!!

اخوي العزيز
الموضوع مهب عن اشخاص معينين ولا اسماء معينة , الموضوع عبارة عن رأي , وعن نظرة الاعضاء لمثل هالحالة , وليس عن حوادث بذاتها

فاتمنى منكم عدم المساس بأي شخص كان , والحديث في صلب الموضوع

بالتوفيق

!قطريـة بنت القمـر!

27-01-2009, 07:03 AM

لا اؤيد ابداً
لكن اللي يحب يعزف على البحر بروحه بدون محد يدري عادي ؟ :shy:

http://farazdk.com/easypics/images/jdv1233003606s.jpg

<<<< نفسـي :whistling:

ضــــــــــــــد من قلـــــــــب !!

STAR

27-01-2009, 07:07 AM

انا اشوفها حرية شخصية...وثانيا مب كل ممثل فاسد... اما الغناء فانا ضد الغناء

وفالنهاية هاذي حرية شخصية مانقدر نتحكم فالشخص وطموحه

الخارجية

27-01-2009, 07:31 AM

أنا عن نفسي لا اقبل

همر

27-01-2009, 07:56 AM

ما شاء الله عليكم... كلكم مثاليين... الله يثبتكم...

انا ماشوف فيها عيب في حقي لما يكون واحد اعرفه ممثل او مغني

ولا تزر وازرة وزر اخرى

حتى بالعكس ... احيانا الموضوع يكون في صالحك... بدون ما تدري

تروح مكان تخلص معامله... الموظف يطالعك بخياس نفس... بعد ما يقرا اسمك

يعطيك نظره بريئه ويقولك شيصير لك فلان ؟!!

شوي الا امورك عسل ومعاملتك خالصه !!!

يعني..

رب ضارة نافعه..

خلوكم ايجابيين...

قطر501

27-01-2009, 08:00 AM

لااااااااااااااااااااااااااااااااااااااااااااااااا اااااااااااااااااااااااااااااااااا

لاداعي

27-01-2009, 08:18 AM

ما شاء الله عليكم... كلكم مثاليين... الله يثبتكم...

انا ماشوف فيها عيب في حقي لما يكون واحد اعرفه ممثل او مغني

ولا تزر وازرة وزر اخرى

حتى بالعكس ... احيانا الموضوع يكون في صالحك... بدون ما تدري

تروح مكان تخلص معامله... الموظف يطالعك بخياس نفس... بعد ما يقرا اسمك

يعطيك نظره بريئه ويقولك شيصير لك فلان ؟!!

شوي الا امورك عسل ومعاملتك خالصه !!!

يعني..

رب ضارة نافعه..

خلوكم ايجابيين...

:nice:

حبر سري

27-01-2009, 03:35 PM

سلمت يداك أخي حبر سري على الموضوووووع الشيق ...

في مجتمعنا النظره للممثل او المطرب تختلف عن دول الغرب
وخصوصا عندما تكوووون ممثله او مطربه ...

أنا شخصيا لا أحب أن يكوووون أخي ممثل أو مطرب
ولكن لا أملك حق القبول او الرفض يعني الشخص يملك حرية القرار في أختيار العمل ...

في هذى الزمن ... الشخص الان لا يمثل الا نفسه

يسلم من قال اخوي بو راشد
ياحياك الله
طبعا مسألة القبول المادي من عدمها مش مطروحة , والخيار اصلا مهب موجود , يعني اللي ولد عمه مطرب مثلا ماراح يروح له ويضربه!!
انا قصدي النظرة للشخص هذا كقبول او رفض
الاحساس بنظرة الناس له
بصراحة ناس وايد وخلونا نكون صريحين مع احترامنا للكل يشوفون ان الغناء والتمثيل مب من سلوم الرجاجيل , وهالشي يعرفه من يعرف اهل قطر الاصليين (وطبعا لما اقول اصليين مااقصد ماقبل 1932:nice: , اقصد هل قطر الاصليين باخلاقهم العالية , باصلهم الطيب الذهب , بسلومهم اللي تشرّف من ينتسب لهم , بحسن معاملتهم اللي يشهد فيه العدو قبل الصديق , هاذول هم اهل قطر الاصليين)

تسلم يابوراشد على الاضافة

لصعوبة الموضوع ،، ME TOO :victory:
حياك الله ياجاسم
بس ماعلمتنا وين تكمن صعوبة الموضوع؟؟
هل في تقبل المجتمع؟ هل في النظرة السائدة عن الوسط الفني انه غير نظيف الا من رحم ربك؟

طبعا لا ...
والسبب ياحنين؟

طبعااا لا اقبل

لو كان مغني مو كفايه وزه هم بياخذ اوزار كل من سمعه وكل من تعلق فيه

وبعدين مثل ماقلت بيبتعد عن الدين شووي شوووي لين يقطع

ومايجتمع بقلب مسلم الاغاني والقرآن ومزامير الشيطان

هاي لو كان مغني اما ممثل بيختلط ويا الحريم هاي غير المسلسلات اللي بيمثلها

ولنفرض انه يمثل انه رومنسي ولا ولا ولا يعني مواقف مالها داعي

ويعطيك العااافيه
الله يعافيك يابيور
وحياك الله

قبول لا أقبل<<<وهل ينتظر قبول أحد أو قبولي ؟؟
ولكن هل أقاطعه مثلا؟؟
طبعا لا بل ادعوا له بالهداية :weeping:
وفي النهاية انك لا تهدي من احببت ولكن الله يهدي من يشاء
ياريت تراجعين ردي على بوراشد ياام نونية
وحياج الله

لو كان رجل بنقول الرجل بعد اهون بمليون الف مره من الانثى :rolleyes2: ..!!
< طبعاً لو تكلمنا بعيد عن الحلال والحرام .. لأنه حرام ع الجنسين ..

والله ماتخيل ....... :anger1:

ياحلوي وانا طالعه اغني واخوي مع ربعه في المجلس يشوفون:eek5: !!!

شي مايتقبله العقل والله :omg: .............
حاشاج يابنت المنتدى تكونين مطربة
وحياج الله وشكرا عالمرور والتعليق

اكيد لا :waiting:

ذكرتني بوحده كانت معاي..

ابوها ممثل معرووف:(

كل مااقول لها : ها ابوج بينزل شي برمضان ولا !؟

تتضاااااااايق وتسد السالفه

وهي والله محترررررررررررررررمه ودينة الله يثبتها ياارب

والله يهدي الجميع ان شاء الله
هممممممم
يمكن عارفة نظرة الناس له , والله يهديه ويهديها ويهدينا اجمعين

ممثل مو مغني ،،

بس الفخر أقصد فيه ،، ان لما يحبون يخلون واجهة العائلة فيه ،،

مثل >> تدرون ؟؟ ترا هذا الممثل يصير لي ؟؟

انا لما كنت في المدرسه ،، البنات اللي كانوا معااي و يعرفوني عن قرب ،، و يعرفون العائله كلللها ،، كانوا يحبون يقولون للغير ،، ان هذي تصير لفلان الفلاني ،،

و عاااد تعااااالوا يا كل المدرسه و راااااافجوني ،، مو عشاااني ،، عشاااانه ،،

عشان جذي ما اظن ان هالشي يدعو للفخر أو شي حتى يذكر و يشرف !!
طبعا كل واحد حر في التأييد من عدمه اختي
لكن
للاسف ياشمعة المنتدى
اللي يبي يتقرب من اي شخص غير ملتزم بتعاليم دينه , لاي سبب اخر (كأنه يكون مشهور , او ذا مال , او وسيم , او صاحب جاه وسلطة) , فهذا انسان فارغ ولاسطحي

طبعا انا اتكلم بشكل عام اختي , ومادري يمكن يكون اللي يقرب لج من القلة القليلة جدا من المحترمين في عالم الفن

الله اعلم

الف شكر عالمرور اختي , وحياج الله

ادعو ان الفن رساله ساميه فـ رأيناهم يتلوثون بـِ اسم الفن

ورأيناهم يسرقون بـِ اسم الفن

ورأيناهم يزنون بـِ اسم الفن

ويبالغون في ارتكاب الكبائر بـِ اسم الفن

وأشياء اخرى لا تمت للرسائل الساميه بصله

ألف شكر لك أخوي حبر سري على الطرح الرائع :)
:nice::nice::nice:

الشكر موصول لك اخوي عالاضافة الاكثر من رائعة
محد شوه سمعة الفن غير اهل الفن انفسهم
والوسط نفسه والله مايشجع الا على هالشي اصلا , خلونا واقعيين

ياخراااابي

الله لايحطني بموقف جذي :(
اللهم امين
بس ماوضحت لنا وجهة نظرك اخوي؟

حبر سري انا لا اوافق ابداً <<<< سستم مطاوعه ^ ــ ^

جرب تكون فنان شعبيات وكسرات:secret:

يمكن تتوفق :(:shy:
وجهة نظرك عالراس يابوحارب
حياك الله

طبعا لا اوافق ولا اتمنى انحط بمثل هل موقف ويعطيك العافيه
الله يعافيك يابارود وحياك الله
بس ماوضحت لنا شنهي نظرتك للموضوع؟؟ انت غير موافق
والاسباب....؟

لا أقبل ..

بدون سبب ...
:rolleyes2:
حكرتي لي
بغيت اسالج عن السبب لاحظت انج كاتبة بدون سبب:omen2:

حياج الله ياقطرية ماركة وشكرا عالمرور

لا اؤيد ابداً
لكن اللي يحب يعزف على البحر بروحه بدون محد يدري عادي ؟ :shy:

http://farazdk.com/easypics/images/jdv1233003606s.jpg

هذا شي ثاني يارمز الوفا
اللي يعزف بنفسه على البحر او حتى في غرفته , فهذا مايجمع الناس حوله , ويسوي حفلات , ويسهر مع ملحنين , ومعجبين ومعجبات , مع العلم ان اهم شي في الحالتين الواحد ماينسى صلاته وعبادته , وماينسى ربه
وهو اعتقد شي صعب يتوفر في جميع الاحوال
حياك الله وشكرا عالمرور

حبر سري

27-01-2009, 03:40 PM

:anger1:
مرحبا ام علي
معصبة :eek5:
عسى ماشر؟

الله لا يقولها ان شاء الله

وما أتشرف ابدآ ابدآ ابدآ

اذا حد يقربلي في الوسط الفني

لقناعتي التااااااااااااامة بدنائة وحقارة ووصاخة هالمجتمع

واسأل الله لهم الهداية
اللهم امين
حياك الله اخوي بدوي وشكرا عالمرور

الله لايبلانا..

هذا غير نظرة المجتمع الدونية للمطرب أو الممثل
وان كان صالح في نفسه .. أو كانت أهدافه ساميه من التمثيل
وغير ان القضاء لا يقبل بشهادة الممثل لأنه يعتبر "فاسق" والعياذ بالله!!!

يعني ماهو شرف ولا فخر :secret:
تسلم يدج ياافابل ليدي عالاضافة الرائعة
تسلمين عالمرور

<<<< نفسـي :whistling:

ضــــــــــــــد من قلـــــــــب !!
ولنفس الاسباب ياقطرية؟

انا اشوفها حرية شخصية...وثانيا مب كل ممثل فاسد... اما الغناء فانا ضد الغناء

وفالنهاية هاذي حرية شخصية مانقدر نتحكم فالشخص وطموحه
حرية شخصية اخوي
ومب كل ممثل فاسد مثل ماقلت
لكن احنا لما نذكر الوسط الفني بشكل عام , هل تعتقد ان الانطباع انه وسط صالح ونظيف؟
بصراحة

أنا عن نفسي لا اقبل

والاسباب يالخارجية؟

حبر سري

27-01-2009, 03:43 PM

ما شاء الله عليكم... كلكم مثاليين... الله يثبتكم...

انا ماشوف فيها عيب في حقي لما يكون واحد اعرفه ممثل او مغني

ولا تزر وازرة وزر اخرى

حتى بالعكس ... احيانا الموضوع يكون في صالحك... بدون ما تدري

تروح مكان تخلص معامله... الموظف يطالعك بخياس نفس... بعد ما يقرا اسمك

يعطيك نظره بريئه ويقولك شيصير لك فلان ؟!!

شوي الا امورك عسل ومعاملتك خالصه !!!

يعني..

رب ضارة نافعه..

خلوكم ايجابيين...

لا والله اخوي مب مثالية
لكن بيجيني واحد باخلصه علشان انه يقرب حق ممثل او مغني؟؟ عسى ماشر بس؟؟
وشدعوة مخلص من؟؟ مع احترامي يعني
:nice:

لااااااااااااااااااااااااااااااااااااااااااااااااا اااااااااااااااااااااااااااااااااا

وليييييييييييييييييييييييييييييييييييييييييييييييي ييييييييييييييييييش؟؟

الملكة الام

27-01-2009, 05:23 PM

اخي حبر سري

لو كان هالشخص من قرايبي يعني امون عليه وعلى هله...

اروح له وامسح فيه البلاطه هو واهله ...وعقب امسح فيه الرسته ( الشارع يعني)...

واخليه يتحسف على أنه فكر في هالفكره من اصلها...

ناقصة الدنيا تخلف !!!!!!!!!!!!!

بلا حريه شخصية بلا بطيخ....

صوته حلو ... يروح يرتل قرأن اخير له...ينفع نفسه وينفعنا ...

اختك العوده

الملكة الام

خــطــافــ

27-01-2009, 08:35 PM

الشر بره وبعيد

حبر سري

27-01-2009, 11:48 PM

اخي حبر سري

لو كان هالشخص من قرايبي يعني امون عليه وعلى هله...

اروح له وامسح فيه البلاطه هو واهله ...وعقب امسح فيه الرسته ( الشارع يعني)...

واخليه يتحسف على أنه فكر في هالفكره من اصلها...

ناقصة الدنيا تخلف !!!!!!!!!!!!!

بلا حريه شخصية بلا بطيخ....

صوته حلو ... يروح يرتل قرأن اخير له...ينفع نفسه وينفعنا ...

اختك العوده

الملكة الام
ياهلا والله الملكة الام

راي معتبر , واشكرج على ابداءه
وياهلا

الشر بره وبعيد

حياك الله ياخطاف

طريق سلوى

28-01-2009, 11:30 AM

:swoon2:هذا الي ناقص

ALRAYYAN

28-01-2009, 12:12 PM

امممممممممممممم ... بصراحه ياحبر سري

عندك انا مثلاً

صوتي حلو :whistling:
تعليقي على المباريات ماله حل :protest:
شاعر ومحاوره بعد :ok2:
لاعب كره سابق http://www.up-00.com/xafiles/OkS33361.gif (http://www.up-00.com/) لكن الاصابه لعبت بي http://www.up-00.com/xafiles/xFm33725.gif (http://www.up-00.com/)
لاعب بليارد وسنوكر محترف http://www.up-00.com/xafiles/ARh33604.gif (http://www.up-00.com/)
فارس وتاريخي مع الفروسية كبير :fight:

بس كل هالمواهب دفنتها في سبيل الابتعاد عن الفن والشهره في آن واحد http://www.up-00.com/xafiles/4JV33146.gif (http://www.up-00.com/)

مو ناقصين معجبين ومعجبات http://www.up-00.com/xafiles/QsT33811.gif (http://www.up-00.com/)
وتعال بصور معاك واللي تصورني بالخش http://www.up-00.com/xafiles/YSG33922.gif (http://www.up-00.com/)

عشان جذي انا ضد طبعاً http://www.up-00.com/xafiles/8h833496.gif (http://www.up-00.com/)

تسلم ع الموضوع الحلو :nice:

حبر سري

28-01-2009, 04:26 PM

:swoon2:هذا الي ناقص
والاسباب ياطريق سلوى,,,,

امممممممممممممم ... بصراحه ياحبر سري

عندك انا مثلاً

صوتي حلو :whistling:
تعليقي على المباريات ماله حل :protest:
شاعر ومحاوره بعد :ok2:
لاعب كره سابق http://www.up-00.com/xafiles/OkS33361.gif (http://www.up-00.com/) لكن الاصابه لعبت بي http://www.up-00.com/xafiles/xFm33725.gif (http://www.up-00.com/)
لاعب بليارد وسنوكر محترف http://www.up-00.com/xafiles/ARh33604.gif (http://www.up-00.com/)
فارس وتاريخي مع الفروسية كبير :fight:

بس كل هالمواهب دفنتها في سبيل الابتعاد عن الفن والشهره في آن واحد http://www.up-00.com/xafiles/4JV33146.gif (http://www.up-00.com/)

مو ناقصين معجبين ومعجبات http://www.up-00.com/xafiles/QsT33811.gif (http://www.up-00.com/)
وتعال بصور معاك واللي تصورني بالخش http://www.up-00.com/xafiles/YSG33922.gif (http://www.up-00.com/)

عشان جذي انا ضد طبعاً http://www.up-00.com/xafiles/8h833496.gif (http://www.up-00.com/)

تسلم ع الموضوع الحلو :nice:

:nice::nice::nice:

يسلم من قال اول شي

وثاني شي وين ستار اكاديمي عنك؟:tease:

يعطيك العافية اخوي الريان وياهلا