+++ زيادة رسوم عدم ربط حزام الأمان +++

[jajassim]

مجرد اقتراح ،،




بقلم : مياح غانم العنزي .. الراية


للمرة الحادية عشرة خلال شهر ونصف الشهر وآخرها قبل أيام قمت بعيادة ابن أحد الاصدقاء المقربين والذي تعرض لحادث مروري مع اثنين من رفاقه حيث كان يجلس بجانب قائد المركبة، وصديقهم الثالث يجلس في المقعد الخلفي.

عندما وقع المقدر وانقلبت المركبة قذفت بابن صديقي خارجا فارتطم جسمه بالرصيف ثم الاسفلت عدة مرات مما أدى لعدة كسور في رأسه ومناطق مختلفة من جسمه، وما زاد مضاعفات الحادث الأليم عدم ربطه لحزام الأمان على عكس رفاقه الذين لم يخرجوا من السيارة كحالته مما خفف إصاباتهم ورأيتهم يزورونه ويطمئنون عليه بالمستشفى، والذي ما زال بحالة شبه خطرة بالعناية المركزة شفاه اللَّه وأعاده لذويه سالما غانما بإذنه تعالى.

بجهد بسيط وأثناء جلوسي بصالة انتظار الرجال لعيادته قمت بإجراء استطلاع مصغر على قرابه 50 شخصا أغلبهم ممن لهم مرضى بسبب حوادث الطرق، وكان أكثر من 70% ممن تعرضوا للحوادث ما كانت اصاباتهم بليغة لو انهم ربطوا حزام الأمان والعلم عند اللَّه.

من هنا أيقنت بأن ما تقوم به كوادر وزارة الداخلية مشكورة من إعلانات إرشادية وحملات توعية وندوات عديدة بخصوص أهمية ربط حزام الأمان وعلى مدى عدة سنوات لم تأت بالإيجابيات المرجوة نسبة إلى النتائج الايجابية جدا التي أتى بها قانون المرور الاخير بخصوص عقوبة قطع الاشارة الضوئية، حيث انحسرت وبشكل كبير الحوادث المرورية بسبب قطع الاشارة الضوئية لأن العقوبة قاسية وليس لأن الحملات التوعوية مكثفة.

وأنا على يقين ان من لا يربط حزام الأمان في الدوحة إذا ما سافر الى دولة غربية فإنه يخجل من أن لا يربطه هناك لأنه سيكون محط سخرية وحالة شاذة سيئة بوسط ملتزم ومحافظ على تطبيق القوانين، وقد رأيت بأم عيني ذلك.

لذا أقترح على الإخوان في وزارة الداخلية زيادة رسوم مخالفة عدم ربط حزام الامان إلى المستوى الذي يحد من عدم ربطه وتجعل الالتزام بذلك ثقافة إلزامية وإلا سيستمر الدم المنهمر من احبتنا. فمن أمن العقوبة اساء التصرف أو بالأحرى من استسهل العقوبة.

وأنا متأكد من أنه لا يوجد أسباب تدعو للتذمر من ذلك لأن ربط الحزام مسألة ذاتية بحتة لا تتدخل فيها اخطاء الأجهزة كالإشارات الضوئية والرادار فلا مجال للغلط.

[متفاءل]

آنا معااااااااك :nice:

الله يعطيك الصحه والعافيه

[احساس غريب]

والله لو يرفعونها لين الالف ريال بعد العالم مب رابطين الحزام وحتى المرور بيشددون يوم يومين اسبوع اسبوعين شهر وعقب بيزهقون لين متى وهم بيخالفون العالم والمرور كل مازادو من سعر المخالفه زادت الحوادث والدليل اللي قاعد يسير ف الوقت هذا والله يكفينا شر الحوادث..

[الجمارك]

بصراحه انا اختلف ممعاك يا اخ جاسم 500 وايد على ربط الحزام فما بالك لو زادوها كم بيخلونها يعني ؟؟
وأوقات الواحد ينسى يربط الحزام او يطوف الاشاره وهي حمرا او اي مخالفة من المخالفات الناس مب سوى وكلن له حالته و بصراحه مخالفاتنا امبالغ فيها وااااااااايد
والمشكله الحوادث باستمراروالمخالفات هيا هيا

[وحيد-الشوق]

شسالفه 500 وايد على الحزام :anger1:

بعد بيرفعون السعر لعنبو صارت بضاعه :anger1:

انا شخصيا لما اربط حزام الامان مااعرف اسوق امس كنت بدعم ههههههه <<< خبل

مب شيء الحزام بس وقت السفر ضروري :telephone:

يعطيك العافية اخوي جاسم :vampire:

[بوحارب]

انا ضد

[M O 7 A M M E D]

قبل كم من يوم مخالفين رفيجي وهو سوداني على الحزام 500 ريال فعلا ..

وانا مع هذا الاقتراح ..

:)

[bnb]

ضد الفكره

500 أصلا مبالغ فيها

[جبرالخواطر]

والله انا اشوف ان 500 ريال واجد على الحزام

في الدول الباقيه او المجاوره ماتوصل لما يعادل الــ 500 على حسب اعتقادي

وماشوف ان اقتراحه محل الصواب في انها تزيد على الــ 500

ويكفي ان الحزام عليه نقاط وهذا بحد ذاته رادع اكثر من الزياده

شكرا صاحب الموضوع

ودمتم سالمين

[jajassim]

آنا معااااااااك :nice:

الله يعطيك الصحه والعافيه


والله لو يرفعونها لين الالف ريال بعد العالم مب رابطين الحزام وحتى المرور بيشددون يوم يومين اسبوع اسبوعين شهر وعقب بيزهقون لين متى وهم بيخالفون العالم والمرور كل مازادو من سعر المخالفه زادت الحوادث والدليل اللي قاعد يسير ف الوقت هذا والله يكفينا شر الحوادث..


بصراحه انا اختلف ممعاك يا اخ جاسم 500 وايد على ربط الحزام فما بالك لو زادوها كم بيخلونها يعني ؟؟
وأوقات الواحد ينسى يربط الحزام او يطوف الاشاره وهي حمرا او اي مخالفة من المخالفات الناس مب سوى وكلن له حالته و بصراحه مخالفاتنا امبالغ فيها وااااااااايد
والمشكله الحوادث باستمراروالمخالفات هيا هيا


شسالفه 500 وايد على الحزام :anger1:

بعد بيرفعون السعر لعنبو صارت بضاعه :anger1:

انا شخصيا لما اربط حزام الامان مااعرف اسوق امس كنت بدعم ههههههه <<< خبل

مب شيء الحزام بس وقت السفر ضروري :telephone:

يعطيك العافية اخوي جاسم :vampire:


انا ضد


قبل كم من يوم مخالفين رفيجي وهو سوداني على الحزام 500 ريال فعلا ..

وانا مع هذا الاقتراح ..

:)


ضد الفكره

500 أصلا مبالغ فيها


والله انا اشوف ان 500 ريال واجد على الحزام

في الدول الباقيه او المجاوره ماتوصل لما يعادل الــ 500 على حسب اعتقادي

وماشوف ان اقتراحه محل الصواب في انها تزيد على الــ 500

ويكفي ان الحزام عليه نقاط وهذا بحد ذاته رادع اكثر من الزياده

شكرا صاحب الموضوع

ودمتم سالمين

شكرا لمروركم وتعليقاتكم ،،

وانا عن نفسي ،، لا أويد هذه الزيادة ،،

انما العبرة في توعية الثقافية المرورية لدى السائق وليس في قيمة الغرامة ،،

والحزام ما عليه نقاط ،،،

:nice:

[abdulla999]

اخوي تطلب رفع سعر المخالفة وا غيرك يقول ان ضد هذا مش مهم المهم التطبيق حنا عندنا أدارة المرورتنزل قرار وتطبيق مدة اسبوع وبعدين ينسون ويخالفون عند الدواوير او يقلون اربط الاحزام هذي حدهم مافي تطبيق تطبيق وصرامه في الموضوع بس طايحين في الاجانب المساكين .
والله يحفظنا من كل شر

[رياني رهيب]

احترم رايك اخوى جاسم بس انت اشرايك فى الي يقطع الاشاره و راتبه 500 ولا 600 ريال
يقعد سنه بس عشان يدفع هالمخالفه الى طبعا مش متعمد
مب كل شخص عنده ثقافه مرورية مثل ما تفضلت بس فى نفس الوقت مانحب العقوبه تكون ثقيلة علينا و فى النهاية كل ابن ادم خطاء .....
و دمت سالم

[لاداعي]

انا مع ويعطيكم العاااافيه

[jajassim]

اخوي تطلب رفع سعر المخالفة وا غيرك يقول ان ضد هذا مش مهم المهم التطبيق حنا عندنا أدارة المرورتنزل قرار وتطبيق مدة اسبوع وبعدين ينسون ويخالفون عند الدواوير او يقلون اربط الاحزام هذي حدهم مافي تطبيق تطبيق وصرامه في الموضوع بس طايحين في الاجانب المساكين .
والله يحفظنا من كل شر

:discuss:


شوف ردي فوق ،، لا أويد الزيادة ،، :nice:

[وطن]

لو زادوا المخالفة ما اظن بتفيد

لان اللي ما يبي يسوي الشي مب مسويه
لو سحبوا كل فلوسه
الله يهديهم ان شاء الله ويربطون احزمتهم

بس اتمنى انهم يحترمون عقولنا في مخالفات ثانية
مو الحزام

;)

[jajassim]

احترم رايك اخوى جاسم بس انت اشرايك فى الي يقطع الاشاره و راتبه 500 ولا 600 ريال
يقعد سنه بس عشان يدفع هالمخالفه الى طبعا مش متعمد
مب كل شخص عنده ثقافه مرورية مثل ما تفضلت بس فى نفس الوقت مانحب العقوبه تكون ثقيلة علينا و فى النهاية كل ابن ادم خطاء .....
و دمت سالم

تخيل واحد لا يعمل ،، ويقطع الاشارة ،، ويتسبب بقتل شخص ،، ايش بتسوي ؟

انا معاك ،، كل ابن ادم خطاء ،، بس في أخطاء خطيرة جداً ،، :victory:


وشكرا لمرورك أخوى العزيز ،، :nice:

[jajassim]

انا مع ويعطيكم العاااافيه

الله يعافيك :nice:

[Alpinestars]

لاحول ولا قوه الا بالله

كل ماصار شيء قلتوا زيدوا في المخالفه ماعندكم غير زياده في المخالفات

مب بهذي الطريقه تحببون الناس في الحزام في طرق ثانيه مب كل شيء بالقوه حنا الحين في عام 2009

[fahad487]

والله مافي مساكين الا هل قطر

للعلم المواطنيين متقيدين بقواعد المرور اكثر من المقيمين واذا حد شاك في كلامي يوقف شوي في الزحمه ويشوف جنسيات اللي يضربون الارصفه

[مجنون قطر]

انا ضد الزياده
لان ربط الحزام راجع للشخص نفسه

[Alpinestars]

والله مافي مساكين الا هل قطر

للعلم المواطنيين متقيدين بقواعد المرور اكثر من المقيمين واذا حد شاك في كلامي يوقف شوي في الزحمه ويشوف جنسيات اللي يضربون الارصفه



كلامك 100 في 100 انا معاك في الرأي

[fahad487]

انا ضد الزياده
لان ربط الحزام راجع للشخص نفسه

100%:nice:

[التيما]

اايد الزيادة :nice:

[الدبلومااسي]

اخوي جاسم انا وانت وغيرنا ضد هالزياده
500 من وجهة نظري مبالغ فيها خصوصن في شوارع الدوحه
كل كم متر اشاره او دوار لاكن انا مع القيمه الحاليه
على الطرق الرئيسيه لاكن زياده والله حرام
لان وقتنا الحالي الكل يعي ويعرف مايفعل
وانا متأكد وواثق ان اكثر الي يربطون الحزام
((((( مو الكل)))))
خوفا من المخالفه وليس خوفا على سلامته
دمتم بود والله سبحانه هو الحافظ

[jajassim]

لاحول ولا قوه الا بالله

كل ماصار شيء قلتوا زيدوا في المخالفه ماعندكم غير زياده في المخالفات

مب بهذي الطريقه تحببون الناس في الحزام في طرق ثانيه مب كل شيء بالقوه حنا الحين في عام 2009


والله مافي مساكين الا هل قطر

للعلم المواطنيين متقيدين بقواعد المرور اكثر من المقيمين واذا حد شاك في كلامي يوقف شوي في الزحمه ويشوف جنسيات اللي يضربون الارصفه


انا ضد الزياده
لان ربط الحزام راجع للشخص نفسه


كلامك 100 في 100 انا معاك في الرأي


100%:nice:


اايد الزيادة :nice:


اخوي جاسم انا وانت وغيرنا ضد هالزياده
500 من وجهة نظري مبالغ فيها خصوصن في شوارع الدوحه
كل كم متر اشاره او دوار لاكن انا مع القيمه الحاليه
على الطرق الرئيسيه لاكن زياده والله حرام
لان وقتنا الحالي الكل يعي ويعرف مايفعل
وانا متأكد وواثق ان اكثر الي يربطون الحزام
((((( مو الكل)))))
خوفا من المخالفه وليس خوفا على سلامته
دمتم بود والله سبحانه هو الحافظ

:nice::nice:

[ورقــة أمــل]

كله اربط الحزام وانا اسووق
سيارتي سندارة تسوي طن طننن طننن لين اركبه
بس بعد سيفتي لو ضربت بريك ما راح اتزحلق مع كتبي وغراش الماي في السيارة

للا اؤيد زيادة الغرامة

[الفـ@ــــد]

صدقني اخوي جاسم

مب شرط انه لما نرفع مبلغ المخالفه يكون هو الحل الصحيح مثلاً :

لو كان مخالفه قطع الاشاره 1000 او 3000ريال مب 6000 تتوقع راح تقطعها الناس لا

طبعا اللي مب هامته 3000 ماراح تهمه 6000 وحتي لو 500 بعد ما قطعها .


** الحل التشديد في تطبيق المخالفه واستمرار نظام النقاط


لأني اشوف هالنظام الصراحه ردع الكثير من التمادي في المخالفات

***********
بالنسبه للحزام اتمني يكون تطبيق المخالفه

خارج الدوحه اقصد الشوارع الخارجيه وليس الداخليه

[jassim_007]

اخبر حياة كل شخص ملك للشخص نفسه مب للدولة !! و الي مايربط الحزام بيضر نفسه فقط و ما راح يضر حد ثاني ....فليش نخالف الشخص على شي ملك له نفسه!!


بالنسبه لي اشوفها حرية شخصيه ! و المفروض اصلاً ما يكون عليها مخالفه : )

[hxamad]

أنا مب مع أنهم يرفعون المخالفة هو شى شخصى وعلى حسب التفكير والعقلية شنهى الفايدة ألى بيجنيها من عدم ربطة لحزام الأمان عشان ربعى والناس أذا صار لى شى محد بينفعنى وزين حطوا القانون جديد من نزل والناس تربط حزام المان وزين ماسوو عشان الناس تخاف من دفع المخافة فتحصلهم يربطوون حزام الأمان ولى يبط الجبد هالشباب الى يلبسون الأحزام من فوق بس والله يهديهم

[عذب الكلام 1]

ضد من قلب

[فلفل حار]

كل واحد يشوف الحوادث ويعرف اضرار عدم ربط الحزام

وكل واحد عقله براسه ويفكر ويعرف انه هالشي ينفعه او يضره

فـ ليش الزياده في مخالفة الحزام ؟

واصلا الغرامه الـ500 ريال مبالغ فيها وايد:omen2:

انا اقترح جدياً بتخفيض الغرامه لي 200 ريال :)

[jajassim]

كله اربط الحزام وانا اسووق
سيارتي سندارة تسوي طن طننن طننن لين اركبه
بس بعد سيفتي لو ضربت بريك ما راح اتزحلق مع كتبي وغراش الماي في السيارة

للا اؤيد زيادة الغرامة


صدقني اخوي جاسم

مب شرط انه لما نرفع مبلغ المخالفه يكون هو الحل الصحيح مثلاً :

لو كان مخالفه قطع الاشاره 1000 او 3000ريال مب 6000 تتوقع راح تقطعها الناس لا

طبعا اللي مب هامته 3000 ماراح تهمه 6000 وحتي لو 500 بعد ما قطعها .


** الحل التشديد في تطبيق المخالفه واستمرار نظام النقاط


لأني اشوف هالنظام الصراحه ردع الكثير من التمادي في المخالفات

***********
بالنسبه للحزام اتمني يكون تطبيق المخالفه

خارج الدوحه اقصد الشوارع الخارجيه وليس الداخليه


اخبر حياة كل شخص ملك للشخص نفسه مب للدولة !! و الي مايربط الحزام بيضر نفسه فقط و ما راح يضر حد ثاني ....فليش نخالف الشخص على شي ملك له نفسه!!


بالنسبه لي اشوفها حرية شخصيه ! و المفروض اصلاً ما يكون عليها مخالفه : )


أنا مب مع أنهم يرفعون المخالفة هو شى شخصى وعلى حسب التفكير والعقلية شنهى الفايدة ألى بيجنيها من عدم ربطة لحزام الأمان عشان ربعى والناس أذا صار لى شى محد بينفعنى وزين حطوا القانون جديد من نزل والناس تربط حزام المان وزين ماسوو عشان الناس تخاف من دفع المخافة فتحصلهم يربطوون حزام الأمان ولى يبط الجبد هالشباب الى يلبسون الأحزام من فوق بس والله يهديهم


ضد من قلب


كل واحد يشوف الحوادث ويعرف اضرار عدم ربط الحزام

وكل واحد عقله براسه ويفكر ويعرف انه هالشي ينفعه او يضره

فـ ليش الزياده في مخالفة الحزام ؟

واصلا الغرامه الـ500 ريال مبالغ فيها وايد:omen2:

انا اقترح جدياً بتخفيض الغرامه لي 200 ريال :)

شكرا لكم ،،

من لديه اى اقتراح او فكرة او ملاحظة ،، يدخل المنتدى اللي في التوقيع ،، :nice:

[طبـ الود ـعي]

:rolleyes2: عالم فلوسها زادت
وقالت نقطها حق المخالفات وغيرنا مساكين مب لاقيين خبزة ياكلونها
ياجماعة الخير الحل مب في أنه يزيدون المخالفة ولى :anger1:10.000 ريال مخالفة أشارة:anger1:
الحل في توعية الشباب وباب هالتوعية الاول هو الدين


تحياتي للكل :)

[Only Me]

انا ضد الزيادة برسوم ربط الحزام

يكفي المخالفات الي يعطونا

يسوون تفتيش داخل الدوحه وينسون خارج الدوحه

[Mansour_qa]

ضد ضد ..

وبعدين 500 ريال واجد عليهااا ..

خل يروحون الخطوط السريعة أحسن من المدن في جولاتهم ..

[*¤ بن قطر¤*]

قبل التفكير بزيادة رسوم مخالفة ربط الحزام ...

فلا بد من تطبيق هذا النظام بحذافيره ... لان هذا النظام طبق بشكل جيد ولكن بعد مرور فتره

بدأت ادارة المرور بالتهاون به. فمن فتره طويله لم أشاهد رجال المرور يخالفون لعدم ربط

الحزام, حيث يمر من الشرطي من جانب سيارتك بدون اي اهتمام.

حاله من حال قانون منع التدخين في الاماكن العامه!

[لمعه الماس]

صراحه انا ضد وضد

500 وايد يالربع

والله تعور القلب

[jajassim]

:rolleyes2: عالم فلوسها زادت
وقالت نقطها حق المخالفات وغيرنا مساكين مب لاقيين خبزة ياكلونها
ياجماعة الخير الحل مب في أنه يزيدون المخالفة ولى :anger1:10.000 ريال مخالفة أشارة:anger1:
الحل في توعية الشباب وباب هالتوعية الاول هو الدين


تحياتي للكل :)


انا ضد الزيادة برسوم ربط الحزام

يكفي المخالفات الي يعطونا

يسوون تفتيش داخل الدوحه وينسون خارج الدوحه


ضد ضد ..

وبعدين 500 ريال واجد عليهااا ..

خل يروحون الخطوط السريعة أحسن من المدن في جولاتهم ..



قبل التفكير بزيادة رسوم مخالفة ربط الحزام ...

فلا بد من تطبيق هذا النظام بحذافيره ... لان هذا النظام طبق بشكل جيد ولكن بعد مرور فتره

بدأت ادارة المرور بالتهاون به. فمن فتره طويله لم أشاهد رجال المرور يخالفون لعدم ربط

الحزام, حيث يمر من الشرطي من جانب سيارتك بدون اي اهتمام.

حاله من حال قانون منع التدخين في الاماكن العامه!


صراحه انا ضد وضد

500 وايد يالربع

والله تعور القلب



:nice:

[المشتاقه الى الجنه]

والله أنا مع الزياده لأن الحزام ضروري جدا
لن يوضع الحزام بالسياره بدون هدف
الحزام لمصلحتنا نحن فإذا زاد المبلغ لن ننساه
وعند مخالفتنا لمره واحده فلن ننساه ابدا

[احساس غريب]

تبون الصج المفروض ان الواحد مايتخالف على الحزام ف الاسواق والاماكن المزدحمه لانه الله لايقول لو سوا حادث ماراح يكون حادث خشن لان السرعه ماتعدا العشرين او الاربعين لكن على الخطوط السريعه لو يحطون مخالفة الحزام عشرالاف ماينلامون لانهم يشوفون اشياء حنا مانشوفها..

[jajassim]

والله أنا مع الزياده لأن الحزام ضروري جدا
لن يوضع الحزام بالسياره بدون هدف
الحزام لمصلحتنا نحن فإذا زاد المبلغ لن ننساه
وعند مخالفتنا لمره واحده فلن ننساه ابدا


تبون الصج المفروض ان الواحد مايتخالف على الحزام ف الاسواق والاماكن المزدحمه لانه الله لايقول لو سوا حادث ماراح يكون حادث خشن لان السرعه ماتعدا العشرين او الاربعين لكن على الخطوط السريعه لو يحطون مخالفة الحزام عشرالاف ماينلامون لانهم يشوفون اشياء حنا مانشوفها..

شكرا لكم ،،، :nice:

[الـقـاسـي]

مع أحترامي للقوانين الجديدة للمرور ,, أشوف أنها صارت تهتم بالجانب المادي أكثر ..
لله الحمد الخير واجد في قطر والفلوس ماتشكل لهم مشكلة المخالفة سواء كانت 100 ريال ولا 10.000 ريال اللي ماعندة انضباط داخلي وقناعة بقوانين المرور مراح يلتزم بغض النظر عن قيمة المخالفة..
بتقولون أكثر الناس صار عندها التزام بالحزام بعد مارفعوا الغرامة الى 500 ريال بس ترى الغالبية وانا واحد منهم اذا شفت شرطة عند الدوار او الاشارة احط الحزام واذا عديتهم اشيلة ..
ماننكر أن الحزام له فوائدة بس ليش يكون التشدد عليه في منطقة الأسواق والمناطة الداخلية
مافي داعي له في هالمناطق ..
فلازم يكون في تدبر وتفكير شوي في تطبيق القوانين
وماتكون المخالفات تؤخذ من الشعب لصالح وزارة الداخلية أحنا غير مسؤولين عن أي عجز في ميزانيتهم لاتحملونا هالمشكلة اللي عندنا كافينا ..

[jajassim]

مع أحترامي للقوانين الجديدة للمرور ,, أشوف أنها صارت تهتم بالجانب المادي أكثر ..
لله الحمد الخير واجد في قطر والفلوس ماتشكل لهم مشكلة المخالفة سواء كانت 100 ريال ولا 10.000 ريال اللي ماعندة انضباط داخلي وقناعة بقوانين المرور مراح يلتزم بغض النظر عن قيمة المخالفة..
بتقولون أكثر الناس صار عندها التزام بالحزام بعد مارفعوا الغرامة الى 500 ريال بس ترى الغالبية وانا واحد منهم اذا شفت شرطة عند الدوار او الاشارة احط الحزام واذا عديتهم اشيلة ..
ماننكر أن الحزام له فوائدة بس ليش يكون التشدد عليه في منطقة الأسواق والمناطة الداخلية
مافي داعي له في هالمناطق ..
فلازم يكون في تدبر وتفكير شوي في تطبيق القوانين
وماتكون المخالفات تؤخذ من الشعب لصالح وزارة الداخلية أحنا غير مسؤولين عن أي عجز في ميزانيتهم لاتحملونا هالمشكلة اللي عندنا كافينا ..



:omen2::omen2:

مشكور ،، :nice:

[doha_vip]

بصراحه مبالغين في المخالفه .. والشوارع الداخليه اكثرها في رادارات يعني وين الواحد بيسرع علشان يربط الحزام .. واللي يقهر صج انهم يخالفونك على الحزام في السوق او مواقف المجمعات التجارية .. يعني كم الواحد بيمشي اذا وصل 20 زين .. ونشوف الشوارع الخارجيه ماعليها رقابه
واعتقد انها حريه شخصيه

[صقر عربي]

يعطيك العافيه والصراحه المبلغ مبالغ فيه جداً

[restricted_1]

صراحه ياخوي هدفك طيب لكن اقتراحك مهب طيب
ترى مخالفاتنا وايد مبالغ فيها وقصت ظهور العرب
جل من لا يسهو
من فينا مايسرع ؟ من فينا متعود يربط حزام الامان
تبي تطبق قانون زيد التفتيش لا تقول ارفع المخالفه
لو يزيدون التفتيش ويخلونها 100 ريال الناس كلها بتربط
اما انك تقول يرفعونها
ياخوي اذا انت ظروفك ووضعك المادي يسمح لك او يسمح للغالبيه العظمى من الاخوان الباقي
في ناس محتاجه
ارجو من الجميع اللي بيلمس مشكله اجتماعيه يشوف كل الطبقات
ومشكورين

[jajassim]

بصراحه مبالغين في المخالفه .. والشوارع الداخليه اكثرها في رادارات يعني وين الواحد بيسرع علشان يربط الحزام .. واللي يقهر صج انهم يخالفونك على الحزام في السوق او مواقف المجمعات التجارية .. يعني كم الواحد بيمشي اذا وصل 20 زين .. ونشوف الشوارع الخارجيه ماعليها رقابه
واعتقد انها حريه شخصيه


يعطيك العافيه والصراحه المبلغ مبالغ فيه جداً


صراحه ياخوي هدفك طيب لكن اقتراحك مهب طيب
ترى مخالفاتنا وايد مبالغ فيها وقصت ظهور العرب
جل من لا يسهو
من فينا مايسرع ؟ من فينا متعود يربط حزام الامان
تبي تطبق قانون زيد التفتيش لا تقول ارفع المخالفه
لو يزيدون التفتيش ويخلونها 100 ريال الناس كلها بتربط
اما انك تقول يرفعونها
ياخوي اذا انت ظروفك ووضعك المادي يسمح لك او يسمح للغالبيه العظمى من الاخوان الباقي
في ناس محتاجه
ارجو من الجميع اللي بيلمس مشكله اجتماعيه يشوف كل الطبقات
ومشكورين

انا عن نفسي ،، لا أويد هالزيادة ،،

والكلام منقول ،، باقتراحه ،


والله يحييكم ويحفظكم ان شاء الله ،،:nice: