المساعد الشخصي الرقمي

مشاهدة النسخة كاملة : X5 - Infiniti fx -cayenne - toureg تقييم الكيان والطوارق و الانفينيتي الاكس 5


Duhail
27-01-2009, 06:08 PM
السلام عليكم

هدي السيارات شائعة في قطر ومطلوبة . وكثير من الناس يودون شرائها.

ياريت من الشباب اللي عندهم خبرة بهدي السيارات يفيدوا اخوانهم في نقاط محددة

مع الامثلة :

1 - اسعار السيرفيس مع الامثلة ( القيمة).

2 - اسعار قطع الغيار الشائعة كالبريكات .....الخ.....وكالصدامات حفظكم الله ( مع

الامثلة) . يعني اي هدي السيارات اغلى و ايهم ارخص في قطع الغيار .

3 - مدى توافر قطع الغيار بالوكالة و خارج الوكالة و هل بتكون ارخص لو انطلبت من

على الانترنت.

4 - السيارة الاكثر اعطال و الاقل اعطال.

5 - قيمة السيارة عند البيع.....


واللي عنده اضافة تفيد الشباب لا يبخل بها.....والله يوفق الجميع
فتك العديد
27-01-2009, 07:20 PM
اخوي الاقل خرابات على مستوى العالم البورش والانفنتي اما الطوارق والاكس فايف ابعد عنهم اذا بغيت تشتري راحتك
اما بالنسبه لقطع الغيار فالارخص طبعا الانفنتي وسفايفها الاماميه ب280 عندنا والخلفيه نفس سفايف الالتيما طبعا هي لموديل 2008 وتحت وانا مجربها والسياره عمليه جدا اما الشكل الجديد الصراحه ماعندي خلفيه عنها لكن اذا السيوله عندك متوفره طبعا بقولك خذ بورش لانها اكشخ ويكفي اسمها لكن فقط الانواع العاديه العمليه لكن التيربو خساير في خساير
HEART_LION
27-01-2009, 09:05 PM
اخوي بالنسبه لنصيحتي انصحك بالانفيتي شكل وماعليه كلام وسعر معقول

وفي القوه والثبات اكيد البورش ماله حل وبنفس الوقت اغلى قطع غيار

السفايف 3600 ريال تقريبا وتبديل ايل 800 ريال والتاير الواحد 2500 ليش كل هالسعر

تحياتي لك اتمنى الشباب يفيدونك اكثر
بوعلي2
27-01-2009, 09:43 PM
يعطيك العافيه
البدر 8
28-01-2009, 09:36 AM
انفنيتي افضل
خريج اعلام
28-01-2009, 09:40 AM
هذا الترتيب
واحب اترك رقم 2 و 3 و 4 للفرق الشاسع بين المواتر
بورش ( 1 )



رنج ( 5 )
اكس فايف (6 )


انفينتي ( 9 )
رجل شجاع
28-01-2009, 09:59 AM
بورش
رنج
بي ام
HEART_LION
28-01-2009, 10:43 AM
اسمحلي اخوي بالنسبه للرنج اخر واحد في الترتيب

وانا مااتكم من فراغ بحكم تجربه روح الشركه وجرب تست درايف

تحياتي لاصحاب الرنج
lwsail
28-01-2009, 11:13 AM
اسمحو لي اشارك معاكم فيه سياره ماذكرتوها وهي الاودي Q7 صراحة سيارة عجيبه .
((بو مبارك))
28-01-2009, 02:23 PM
والله افضل البورش الله على التيربو
Duhail
29-01-2009, 08:42 AM
سفايف الاكس 5 الامامية 750 ريال والخلفية 550 .

سفايف البورش الامامية 1200 ريال والديسك 1400 .

" اسعار الوكالات قبل الخصم "
راعي المواجيب
29-01-2009, 10:30 AM
هذا تقييم الجودة لسنة 2008 لجي دي باور

البورش على القائمة وبعده لانفنيتي .. السعر لصالح الانفنيتي


http://www.autoobserver.com/AO%20chart_Quality%20Awards_536px.JPG
Mansour_qa
29-01-2009, 02:35 PM
البورش قوي بس الصيانة إلي عندنا يبغيلها شوية تدريب خبرتهم قليله تشرح المشكلة من البداية إلين النهاية وتسئلة فهمتني يقولك لا والله ممكن تعيد لو سمحت ..

البي إم الصيانة ممتازة بس سعر الموتر مبالغ فيه ولا تقدر تحط مواصفاتك ..

الباقي ماعندي خبره عنهم صراحة ..
Duhail
29-01-2009, 03:01 PM
اسعار قطع الغيار بامريكا

http://www.autopartswarehouse.com/search/?N=11564+1698+4294965433+9183
skyjacker
31-01-2009, 12:06 PM
الانفينتي الشكل الجديد عجييييييييب

والبورشه الشكل الجديد اعجــــــــــــــــــب

بس اشوف اكثر اللي يستعملون هالمواتر حريم:shy::shy:
Duhail
01-02-2009, 06:54 PM
كام تسوى بورش كايين 2004 ماشية 55 الف.....نظيف ؟ للشراء
HEART_LION
01-02-2009, 09:21 PM
كام تسوى بورش كايين 2004 ماشية 55 الف.....نظيف ؟ للشراء

من 140 الى 155 بالنسبه للتيربو على حسب المواصفات الموجوده والنظافه

ماذكرت نوع الموتر

وبالتوفيق
العقل الحر
01-02-2009, 09:43 PM
الصراحه انا عندي انفنيتي ولد عمي عنده بورش ولد عمي الثاني عنده رنج

انا اول واحد مطلع موتر وبعدي راعي البورش 3 شهور وبعدي 8 شهور راعي الرنج

وكلن استعمل سياره الثاني

بقولك من ناحيه الخراب الاول في الخراب الرنج اعوذ بالله منه كل شوي طالع له شي

وبعده الثاني البورش يخترب ومره سافر فيه طاحت ليتات الزنون من الخط شلون مادري سارت على تحت اليت كله منور عند الصدام بس !!

واحسنهم الانفنيتي ولا مره لاالله الى الله اختربت لحد الحين كل شي اوكي بدل ايل وانت رايح

القطع غيار مادري ولكن الرنج والبورش قطع غيارهم غاليه بالنسبه للانفنيتي


من ناحيه الثبات الانفنيتي والبورش نفس الشي افضل من الرنج بشوي

الشكل كلهم حلوين بس الرنج والبوش من ناحيتي احلى

من ناحيه السعر الانفنيتي احسن منهم بفرق السما والارض

من ناحيه الريافه الرنج احسن منهم كلهم وبعده الانفنيتي وبعده البورش بس البورش ماله حل اتقول حوض !!

هذا الى اتذكره واذا تذكرت شي بكتيه في المره الجايه
وهذا رايي انشوف الاخوان الى عندهم خبره بعد يفيدونك
Duhail
01-02-2009, 11:23 PM
اخوي....مشكور على النصيحة...و بالتوفيق

الكايين اس........................

هل قطع غيار ال fx 45 متوفرة في الوكالة مثل fx 35 وبنفس الاسعار
العقل الحر
02-02-2009, 09:37 AM
اخوي....مشكور على النصيحة...و بالتوفيق

الكايين اس........................

هل قطع غيار ال fx 45 متوفرة في الوكالة مثل fx 35 وبنفس الاسعار

الشيخ الفرق على ماعتقد هو بين الvxr ولgx بس ال fx45 مانزلت قطر الى اول دفعه سنه 2003 وبعدين وقفت ماعرف وش السبب ولكن على ماعتقد انه علشان مافي مواصفات خليجيه

وبتوفيق
Duhail
02-02-2009, 11:56 AM
موجود في قطر 2004 و 2005 fx 45 , لكن مادري هل قطع غيارها موجودة بالوكالة و بنفس اسعار ال 35 والا لا.....................؟
العقل الحر
02-02-2009, 01:52 PM
موجود في قطر 2004 و 2005 fx 45 , لكن مادري هل قطع غيارها موجودة بالوكالة و بنفس اسعار ال 35 والا لا.....................؟

نعم الوكاله اتجيب حسب الطلب ولكن وارد امريكا

والدليل النفيقيشن الخرايط فيه عن امريكا فقط
Duhail
02-02-2009, 03:00 PM
وقطع الغيار متوفرة؟
الاستثمار
02-02-2009, 03:01 PM
يا زين الكروزر
العقل الحر
02-02-2009, 03:13 PM
وقطع الغيار متوفرة؟

مادري والله
العقل الحر
02-02-2009, 03:20 PM
يا زين الكروزر

عندي كروزر 2009 8 سلند

والكروزر في السوق زين ولكن لا سواقه ولا ثبات واصوات وانت على الخط اتقول فاتح دريشه

فرق في السواقه بين السيارات الى ذكرها صاحب الموضوع والكروزر !!
مضاربه
03-02-2009, 08:40 AM
البورش من غير شك بس عيب البورش السيرفز عندهم اسؤ من السئ خاصه اذا في السياره عيب من التصنيع والله مايساعدون الا بالشي الي مايكلفهم شي