اريد منكم مقترحات لتخفيض تكاليف العرس( ممكن تساعدوني )

[اسعاف]

ولدي يفكر هالأيام بالزواج

وتكاليف الزواج كما تعلمون باهظة

فهل عندكم مقترحات

او بدائل لتخفيض مصروفات العرس

(اي الصالات واي الخيم ارخص0 واي الكوش ارخص0واي الدي في دي احسن0واي المطابخ والبوفهات احسن

واي محل الورود ارخص 0 ووووالكروت والأغطية على الكاولات 0والطبالات ووووو

آراؤكم يا سادة (وخاصة من سبق له العرس )

[La Bella]

واي الدي في دي احسن0

؟؟؟؟؟؟؟

وش دخل هل الناس صارت تستخدم دي في دي بالاعراس

[اسعاف]

واي الدي في دي احسن0

؟؟؟؟؟؟؟

وش دخل هل الناس صارت تستخدم دي في دي بالاعراس

يعني المسجل الكبير اقصد ( أليس احسن من حضور الطبالات المكلف؟؟؟؟؟)

[غدير البورصه]

0والطبالات



بناقص

[La Bella]

يعني المسجل الكبير اقصد ( أليس احسن من حضور الطبالات المطلف؟؟؟؟؟)

قصدك أخوي الدي جي
طبعاَ أرخص بوايد وانا اايدك في الدي جي

[Gold Boy]

من بغى الدح ماقال اح :tooth:

[غدير البورصه]

الف مبروك يا اسعاف خبر سعيد .
والله يوفقهم ويسعدهم ويبارك فيهم ويرزقهم الذريه الصالحه والرزق الحلال

[Gold Boy]

سوري نسيت اقول مبروك

الف الف الف مبروك منه المال ومنها العيال

[hemoud123]

دي جي وبوفيه من احد هالمطاعم الحلوه للحريم وعشاء للرجال من مطبخ يوسف مالله ويخلي باقي الفلوس في حسابه ويشيل العروس ويطير ماليزيا خمسه ايام وتايلاند خمسة ايام وهم راجعين
في ذمتك مب احلى واوفر واكثر وناسه؟
ايش رايك اسعاف

[hemoud123]

في كل الاحوال الف الف مبروك يا عزيزي ,الله يتمم لهم بخير ويرزقهم الذريه الصالحه

[اسعاف]

الف مبروك يا اسعاف خبر سعيد .
والله يوفقهم ويسعدهم ويبارك فيهم ويرزقهم الذريه الصالحه والرزق الحلال

مشكورين

وعقبالي انا ( آخذ الثانية بعد ما ازوج لعيال كلهم )وشكل السالفة بطول وايد
:nice:

[اسعاف]

دي جي وبوفيه من احد هالمطاعم الحلوه للحريم وعشاء للرجال من مطبخ يوسف مالله ويخلي باقي الفلوس في حسابه ويشيل العروس ويطير ماليزيا خمسه ايام وتايلاند خمسة ايام وهم راجعين
في ذمتك مب احلى واوفر واكثر وناسه؟
ايش رايك اسعاف

اول المقترحات الجادة والكاملة

شكرا لك

[اسعاف]

ولدي يقول

آنه مابي آسوي عرس للحريم ؟؟؟؟؟؟؟؟؟؟؟!!!!!!!!!!!!!!!!!!!

ايش رايكم يا جماعة ؟؟؟؟؟

هل توافق اي عروس بدون عرس

( يعني انسوي طقطقة بسيطة في البيت (شريط ) ويسافر بالعروس )

والله ايش رايكم

[اسعاف]

0والطبالات



بناقص

وش ذا

[Bu Rashid]

سوا في الحسينية ارخص لك ...:secret:

[غدير البورصه]

وش ذا

يعني مب لازم طبالات (((لتحل البركه))

[اسعاف]

سوا في الحسينية ارخص لك ...:secret:


والله بوعمر الفردان ما يقصر :nice:

[Mo0o0oM]

شلون ماتسوون حفل للحريم . . ؟؟
:rolleyes2:

[اسعاف]

وش ذا

يعني مب لازم طبالات (((لتحل البركه))

المسجل بنطول عليه وبنستغني عن الطبالات

وعن لنقوط والزبوا الي وراه

[اسعاف]

شلون ماتسوون حفل للحريم . . ؟؟
:rolleyes2:

يعني طقطقة بسيطة في بيت العروس نعزم فيه المقربين وبوفيه بسيط

ويسافرون شهرين عسل ( مب احسن من الخسارة الباهظة )

ويا دار ما دخلك شر

ايش رايك ؟

[ذوق]

اذا تبي بطايق مالك الا توصي من مصر برخص التراب

[ابن قطر]

الف مبروووووووك اخونا اسعاف

عرس الرجال في احد الاندية القربية من منزلكم العامر وبسعر رمزي

وحفل النسوان في صالة اسباير مبنى السيدات القريب من المسجد الي على الشارع

وبسعر رمزي

وعقبال العيال كلهم

[سيزن]

ايش رايك في

قاعة المعارض تناسبك .؟؟؟ :cool:

[بوخليفة3]

شوف اخوي
ماتقدر اتفكر فالتوفير الا لما تقدر الميزانية المرصودة للعرس بعدين اتفكر كيف اتوفر منها
يعني هو كم حاط فباله؟؟؟ اتشوف كم بعدين قرر اشلون او تاخذ من مقترحات الاخوان فالمنتدى

[جرير]

قبل كل شي

اذا كان هناك تنازل عن اشياء غير ضروريه:deal: تستنزف الاموال في غير محلها . . . .

يعني اذا سلمو المعرس الخيط والمخيط :strong وبتفاهم وقناعه في اختيار الاشياء المهمه . . . .

صدقني هذا:ok2: اكبر توفير


وألف ألف مبروووووووك

[غناتي1]

خلوا العرس عائلي 00 وعشا للمعازيم

ويسافرون اي مكان

هاالشكل اغلب العائلات اتسوي 00 والله موفقهم

[بنت مريخ]

احسن شي بوفيه في بيت اهل العروس وتعزم المقربين ودي جي اذا تبون ويسافرون

[miss-qatr]

انا اشوف ان البعض قاعد ينكت ومب ماخذ الموضوع جد !!!


شوف ياخوي سواء كان لك ولا حق ولدك ولا حق اي شخص حاب يتزوج( ممكن يستفيد)


اول شي,,,


المهر :

على حسب قدرتك وطبعاً يعتمد على اختياركم للبنت !!! واكيد فهمت قصدي


الشبكة :

انا افضل ان انتو تجيبونها لان ياما صارت حركة ان الرجال مسكين لين بغى يتجمل يقول حق العروس وامها روحو شوفو شبكة على ذوقكم

والطامة لما تحجز شبكة تقدر قيمتها ب ........ ويتنيل الرجال على عينة ويدفع :rolleyes2:


ويفضل يا انكم تاخذونها من السعودية او الامارات ( يقولون ارخص) أو انتظر بشهر 2 معرض المجوهرات بقطر بتكون الاسعار معقولة :)


القاعة : (اذا حبت اتسوي عرس وكان شر لابد منه :p(

مب لازم تكون بالرتز ولا الفورسيزون ولا حتى الشيراتون

سمعت ان الانتر سعرها معقول( اذا طبعاً بغت فندق :secret:)

ووفيه قاعات افراح( للي حاب )


محلات الطاولات والكوشة :

مثل مانعرف اغلى شي عندنا بالدوحة رفلكشن( ان قالت حق ولدك رفلكشن خذ ولدك واشرد :p ممكن يتكلف العرس مليون ريال بس تجهيز وبطاقات :rolleyes2:

ماسيس ( يعني شغله حلو بس غالي شوية)

مناسبات ( غالي )


فيه محلات كثير واسعارها معقولة بس انا ذكرت الاغلى عندنا :)


شهر العسل :

لو كنت اتعرف للحجز اون لاين احجز له على حسب ميزانيتكم اسبوع او 10 ايام بأي مكان

عندك من دبي لي,,, اوروبا وامريكا :nice:




وترا ياخوي بكل مكان في محلات حلوة والاسعارفيها متفاوتة يعني اهو على الاختيار

اي صح والتصوير :

طبعاً اغلب بناتنا يبون احلام وذكريات ولا غاية الاحلام

بس فيه محل اسمه فوتو لايف وتصويره تقريباً بنفس المستوى وارخص بكثير :)


اتمنى قدرت افيدك ولو بشي بسيط :)


وانا ذكرت لك الاغلى لاني ماعرف الارخص بس على شان اتجنب الاغلى :)

ربي يوفقه ان شاء الله وخله يتوكل على الله وربي بيسر له

[بو راشد 1]

آلف مبروك، يستاهل الطيار كل خير، الله يبارك له و يرزقه الذريه الصالحه. أقترح ان عرس الرجال تسويه مثل عرس ولد بو ناصر. وأعتقد ان لازم تسوي عرس للحريم لان العرس لها تفرح فيه مع ربعها (ليله العمر).

و بعدين أشلون "حامل الجربه عطشان؟؟؟؟" و انت الخبير يا أسعاف في هذه الامور!!! :victory:

[Bu Rashid]

ايش رايك في

قاعة المعارض تناسبك .؟؟؟ :cool:


بدء يظهر الحقد الدفيين على السنة ...:secret:
اللهم لا حسد ..
مع أني لا أعرفه شخصيا ولا عزمني :anger1: .. بس الله يزيده ويبارك

[تاجرة قطرية]

احسن شي و عن تجربه من بعض أهلنا

المهر + الشبكه = حوالي 100.000 الف ريال أو اقل يعتمد عليكم

يسوي خطوبه و يعزم المقربين بس من اهلها و اهلكم و يجيب عشا و مسجل عادي و يجيب اشرطه طق زينه
و العرس تكشخ الاخت في بيتهم و يجي ياخذها و أهلها يزفونها و خلصت القصه


يعني اعلى مبلغ يطلع 200.000 الف اذا ما كان أقل

[بو الجوري]

الصراحه قبل لا أقرا تعليق miss-qatr أقول في قلبي شفيهم بعض اللي ردوا
والله لو تقوله انت سو هالشي بيقولك لالالالالا طبعا ً !!!


المهم أنا أشوف إن موضوع عرس الحريم إذا تسوونه وإلا لا .. ولدك ماله خص الصراحه .. :) لازم العروس هي اللي تقرر .. وبإقتناع ..

ولو قدرتوا تاخذون كتاب رسمي بعدم الممانعه يكون أفضل :nice:..
لان عقب الزواج بتقول ياريتني سويت عرس .. و..و..:weeping:

فأنا أشوف هي اللي تقرر إي أو لا .. :nice:

المهم أنا أشوف تسوون عرس الحريم في قاعة أحد المجمعات السكنية(طيبه ..الخليج ... النسيم ...الخ) إذا العدد قليل ..


واذا كثير سووها في قاعة رمادا . انا حضرت أكثر من عرس فلسطيني هناك .. والرجال يكونون فالقاعه الصغيره اللي هناك مع بوفيه ..


وفي أشياء حبيت أقولها بس إختي miss-qatr ماقصرت ..


صح إني متزوج بس صراحه ماخبر إني إخترت شي :) الوالده ماقصرت .. انا وزوجتي إخترنا وجهة السفر بس :nice:


تحياتي وألف ألف مبروك مقدماً


شنق الليله شنق الليله الله يعينوا على هالليله ههههه مبروووك

[STAR]

يعني المسجل الكبير اقصد ( أليس احسن من حضور الطبالات المكلف؟؟؟؟؟)

يقصد الدي جي.. وطبعا الدي جي ارخص من الطقاقات .. حلوة الطبالات...

الله يوفقك ويوفقك ولدك وان شاء الله يساعدونك الاعضاء

[بو الجوري]

احسن شي و عن تجربه من بعض أهلنا

المهر + الشبكه = حوالي 100.000 الف ريال أو اقل يعتمد عليكم

يسوي خطوبه و يعزم المقربين بس من اهلها و اهلكم و يجيب عشا و مسجل عادي و يجيب اشرطه طق زينه
و العرس تكشخ الاخت في بيتهم و يجي ياخذها و أهلها يزفونها و خلصت القصه


يعني اعلى مبلغ يطلع 200.000 الف اذا ما كان أقل


قال الرسول ( صلى الله عليه وسلم ) : << أقلهن مهراً أكثرهن بركه >>

أنا سويت خطوبه في القاعه الكبيره فنادي الدوحه
وعرس الحريم في قاعة الدوحه فالدفنه
ومهر وشبكة
وعرس رجال في الماريوت
وسافرت أسبوع جزيرة موريشيوس
و3 ليالي في فندق الانتر
وماوصل 200ألف ..
وإنتي تقولين هالاشياء اللي ذكرتيها في ردج ويمكن 200 او اقل .. :eek5:


انا أدري ان في أعراس توصل 400الف و 500 الف ..
بس للي عنده خير وما يهمه .. لكن اللي على قده ليش يفوشر ؟ أو تفوشر ؟


مانبي نطلع من الموضوع .. الله يبارك له وتحياتي لج إختي تاجره

[حسين بن عاقول]

اهم شي رضا العروس والباقي سهالات

وبنسبة لفندق الانتر لا تسوي ترى مب رخيص وعليهم حركات خايسه عادي تلقى مؤتمر في يوم عرس ولدك :) ..

بنسبه لعرس الحريم..

يأما في البيت وعشا وحفله صغيره ومرتبه((وبتوفر وااااااااااااااااااايد))..

ياما تسوي عرس الرجاجيل والحريم فقاعة الريجنسي ومابيطلع عليك العرسين مع البوفيه 90الف او 100 الف وبصراحة المكان حلو والسيرفس حلو.

بنسبه للكوشه وتزيين الطاولات فبصراحة انا سويت عرس الحريم فجاردينيا بس غالي لكن في محالات فلغرافة وبن محمود اسعارهم حلوة واااايد..

بنسبه للطبالات او الدي جي فالدي جي ارخص ولكل يعرف هالشي..

وبنسبه لعرس الرجاجيل اذا مب حاب فقاعة الريجنسي فخيمه شعر ماتكلفك 5000ريال او ممكن تأخذ خيمه ملكيه وهذا الي انا سويته وبصراحة افضل بس غالية حبتين..

وبنسبه للعشا فمطابخ الشعبية لا يعلى عليهم والخرفان سيده على مواشي ومابيكلفك الموضوع 10الاف ريال مع كل شي..




ومبروك يالغالي وعقبال ما تزوج احفادك يالشيبه خخخخخ

[asadfg]

ااااااااااااااااااااااااه بس متى اخذج يلي في بالي


مبروووووووووووووووووووووك الشيخ منك المال ومنها العيال انشالله والفال لنا وحق باقي العوانس

[اسعاف]

اذا تبي بطايق مالك الا توصي من مصر برخص التراب

عند من؟؟؟؟؟؟؟؟؟؟؟؟؟؟؟؟؟؟

[اسعاف]

الف مبروووووووك اخونا اسعاف

عرس الرجال في احد الاندية القربية من منزلكم العامر وبسعر رمزي

وحفل النسوان في صالة اسباير مبنى السيدات القريب من المسجد الي على الشارع

وبسعر رمزي

وعقبال العيال كلهم

معقولة عيايزنة انوديهم اسباير؟؟؟؟؟؟؟؟؟؟؟؟
:nice:

[اسعاف]

ايش رايك في

قاعة المعارض تناسبك .؟؟؟ :cool:

:anger1::anger1::anger1::anger1::anger1:
:anger1::anger1::anger1::anger1:
:anger1::anger1::anger1:
:anger1::anger1:
:anger1:

هاذي اتناسب ( بوكمال ) ما تناسب الفقارة

[اسعاف]

شوف اخوي
ماتقدر اتفكر فالتوفير الا لما تقدر الميزانية المرصودة للعرس بعدين اتفكر كيف اتوفر منها
يعني هو كم حاط فباله؟؟؟ اتشوف كم بعدين قرر اشلون او تاخذ من مقترحات الاخوان فالمنتدى

بالله عليك اعيال هاذي الزمن عندهم افلوس

هو اول ما يشتغل على طول سيارة كشخة

والمصاريف كلها على ظهر الوالد

[اسعاف]

قبل كل شي

اذا كان هناك تنازل عن اشياء غير ضروريه:deal: تستنزف الاموال في غير محلها . . . .

يعني اذا سلمو المعرس الخيط والمخيط :strong وبتفاهم وقناعه في اختيار الاشياء المهمه . . . .

صدقني هذا:ok2: اكبر توفير


وألف ألف مبروووووووك

المصيبة في ام العروس

:anger1:

[اسعاف]

خلوا العرس عائلي 00 وعشا للمعازيم

ويسافرون اي مكان

هاالشكل اغلب العائلات اتسوي 00 والله موفقهم

المشكلة اذا بيت العروس صغير وما عندهم حوس

[اسعاف]

خلوا العرس عائلي 00 وعشا للمعازيم

ويسافرون اي مكان

هاالشكل اغلب العائلات اتسوي 00 والله موفقهم

آتمنى ان تشيع مفهوم عمل الحفلات البسيطة في العرس

علشان نستر على بنات خلق الله

[اسعاف]

انا اشوف ان البعض قاعد ينكت ومب ماخذ الموضوع جد !!!
(( كلامك عدل))

شوف ياخوي سواء كان لك ولا حق ولدك ولا حق اي شخص حاب يتزوج( ممكن يستفيد)

(( يا ريت لي ))
اول شي,,,


المهر :

على حسب قدرتك وطبعاً يعتمد على اختياركم للبنت !!! واكيد فهمت قصدي

(( متوسط المهر لهل قطر الأن بين 80 و100 ألف ))

الشبكة :

انا افضل ان انتو تجيبونها لان ياما صارت حركة ان الرجال مسكين لين بغى يتجمل يقول حق العروس وامها روحو شوفو شبكة على ذوقكم

والطامة لما تحجز شبكة تقدر قيمتها ب ........ ويتنيل الرجال على عينة ويدفع :rolleyes2:

((في مرة: ام معرس جابت ذهب لزوجة ابنها وبعدين ازعلت البنت واهلهه: قالوا : ليش ما خذوا على ذوقنه
وبعدين ذهب البحرين ارخص وألمع ومضمون اكثر

لكن السؤال لك : كم متوسط سعر الشبكة في قطر ؟؟؟؟؟؟؟؟؟؟؟؟؟أن شاء الله ما اتخرعونه))

ويفضل يا انكم تاخذونها من السعودية او الامارات ( يقولون ارخص) أو انتظر بشهر 2 معرض المجوهرات بقطر بتكون الاسعار معقولة :)


القاعة : (اذا حبت اتسوي عرس وكان شر لابد منه :p(

مب لازم تكون بالرتز ولا الفورسيزون ولا حتى الشيراتون

سمعت ان الانتر سعرها معقول( اذا طبعاً بغت فندق :secret:)

ووفيه قاعات افراح( للي حاب )

(( يقولون صالة افراح الدفنة سعرهه وايد زين : صح ))


محلات الطاولات والكوشة :

مثل مانعرف اغلى شي عندنا بالدوحة رفلكشن( ان قالت حق ولدك رفلكشن خذ ولدك واشرد :p ممكن يتكلف العرس مليون ريال بس تجهيز وبطاقات :rolleyes2:

ماسيس ( يعني شغله حلو بس غالي شوية)

مناسبات ( غالي )


فيه محلات كثير واسعارها معقولة بس انا ذكرت الاغلى عندنا :)

وانتي ما تعرفين الآ الغالي :anger1: (الله يعين بو اعيالك ):nice:


شهر العسل :

لو كنت اتعرف للحجز اون لاين احجز له على حسب ميزانيتكم اسبوع او 10 ايام بأي مكان

عندك من دبي لي,,, اوروبا وامريكا :nice:


(( اسبوع ماليزيا +اسبوع العمرة علشان يبدون حياتهم بالطهر والنقاء والله يبارك لهما ))

وترا ياخوي بكل مكان في محلات حلوة والاسعارفيها متفاوتة يعني اهو على الاختيار

اي صح والتصوير :

طبعاً اغلب بناتنا يبون احلام وذكريات ولا غاية الاحلام

بس فيه محل اسمه فوتو لايف وتصويره تقريباً بنفس المستوى وارخص بكثير :)

(( ليس تصوير من برع عندنا 2 كيمرات دجيتال ولدينا معرفة بالتصوير الفني (ماخذين دورة متخصصة )


اتمنى قدرت افيدك ولو بشي بسيط :)


وانا ذكرت لك الاغلى لاني ماعرف الارخص بس على شان اتجنب الاغلى :)

ربي يوفقه ان شاء الله وخله يتوكل على الله وربي بيسر له






ارحم الله والديك ي مسس قطر

والله انتي احسن وحدة كتبتي الى الأن

وان شاء الله (اندز لك بطاقة العرس لحفلة الحريم )

[اسعاف]

آلف مبروك، يستاهل الطيار كل خير، الله يبارك له و يرزقه الذريه الصالحه. أقترح ان عرس الرجال تسويه مثل عرس ولد بو ناصر. وأعتقد ان لازم تسوي عرس للحريم لان العرس لها تفرح فيه مع ربعها (ليله العمر).

و بعدين أشلون "حامل الجربه عطشان؟؟؟؟" و انت الخبير يا أسعاف في هذه الامور!!! :victory:

ذكرتني عرس احد الأقرباء في البحرين

جايبين صحون( من المخابز ) فيه منوعات من المعجنات والروتي والسنبوسة وعصير0يعني الاكل ما كلفه 60 دينار وخذ مرته وسافر ابهه

[اسعاف]

احسن شي و عن تجربه من بعض أهلنا

المهر + الشبكه = حوالي 100.000 الف ريال أو اقل يعتمد عليكم

يسوي خطوبه و يعزم المقربين بس من اهلها و اهلكم و يجيب عشا و مسجل عادي و يجيب اشرطه طق زينه
و العرس تكشخ الاخت في بيتهم و يجي ياخذها و أهلها يزفونها و خلصت القصه


يعني اعلى مبلغ يطلع 200.000 الف اذا ما كان أقل

كل هالتوفير

وتقولين سيكلف 200 ألف

:rolleyes2:escape


والله فكرة طيبة

لكن اتهقين العروس بترضه ؟؟؟؟؟؟؟؟؟؟؟؟؟؟؟؟؟

[miss-qatr]

ارحم الله والديك ي مسس قطر

والله انتي احسن وحدة كتبتي الى الأن

وان شاء الله (اندز لك بطاقة العرس لحفلة الحريم )



ووالديك ياخوي


عن اسئلتك.. صار متوسط الشبكات في قطر( اتكلم عن الالماس ) 50 ألف يعني مثلاً اهي تكون ب80 او 75 الف لكن ترا لايقصون عليك أغلب محلات المجوهرات يقولك السعر قبل الخصم اقعد فوق راسه ولوع جبده يمكن يعطيك 35% او حتى يوصل لي 40 % :)



عن القاعات .. صح كلامك قاعة الدفنة للاحتفالات سعرها مناااسب واهي كبيره حضرت فيها يمكن بحياتي عرسين وكانت كبيرة وحلوه بس عن البوفيه انا ماشفته لاني ما اقعد الا شوي واطلع بس الناس ماتمدحه :rolleyes2: يعني ممكن اتركز على هالشغله معاهم



عن التصوير وشو كاميرات ديجيتال :eek5:


اخوي هذا عرس مب عيد ميلاد :rolleyes2:

ولا عروس بالدنيا بترضى ان عرسها بتصور بكاميرات البيت . هذي صور عمرها :secret:

انا قلتلك محل فوتو لايف بنفس مستوى غيره من محلات التصوير الراقية لكن ارخص بكثيـــــــر ومكانه بالمرخية




وشهر العسل تخطيطك له ممتااااااااز


عن الطاولات والكوشه والتوزيعات طبعاً هالشي على العروس..
مب شرط تاخذ لها كوشة اول مره تطلع وتصميم خاص فيها !!!

ممكن تاخذ شي حلو ومرتب وبسعر معقول

ونفس الشي الطاولات ممكن اتكون بسيطة ومرتبة وبسعر بعد حلو

ومثل ماقالو لك في محلات بس للامانة مااعرف اسماء الا اللي ذكرتها



واي شي تبغيه باحاول ابحث لك واسأل ياخوي :)

[اسعاف]

الصراحه قبل لا أقرا تعليق miss-qatr أقول في قلبي شفيهم بعض اللي ردوا
والله لو تقوله انت سو هالشي بيقولك لالالالالا طبعا ً !!!


المهم أنا أشوف إن موضوع عرس الحريم إذا تسوونه وإلا لا .. ولدك ماله خص الصراحه .. :) لازم العروس هي اللي تقرر .. وبإقتناع ..

ولو قدرتوا تاخذون كتاب رسمي بعدم الممانعه يكون أفضل :nice:..
لان عقب الزواج بتقول ياريتني سويت عرس .. و..و..:weeping:

فأنا أشوف هي اللي تقرر إي أو لا .. :nice:

المهم أنا أشوف تسوون عرس الحريم في قاعة أحد المجمعات السكنية(طيبه ..الخليج ... النسيم ...الخ) إذا العدد قليل ..

(( وين مكانهم هاذول المجمعات؟؟؟؟؟؟؟؟؟؟؟؟؟))

واذا كثير سووها في قاعة رمادا . انا حضرت أكثر من عرس فلسطيني هناك .. والرجال يكونون فالقاعه الصغيره اللي هناك مع بوفيه ..

(( تراني اقطري مب فلسطيني )) بس الصورة لشيخ المجاهدين لحماس رحمه اله تعالى))

وفي أشياء حبيت أقولها بس إختي miss-qatr ماقصرت ..


صح إني متزوج بس صراحه ماخبر إني إخترت شي :) الوالده ماقصرت .. انا وزوجتي إخترنا وجهة السفر بس :nice:


تحياتي وألف ألف مبروك مقدماً


شنق الليله شنق الليله الله يعينوا على هالليله ههههه مبروووك

احسنت اخي

[قطريه ماركه]

حفله بسيطه للأهل والأقارب في البيت ..

ويسافرون ..

و ألف مبرووووووك ..

لأن الناس ما يعجبهم العجب مهما صاااار ..

[الكنج]

في البداية بالمبارك ان شاء الله والله يتمم لكم على خيررر..

بالنسبة للعرس((((اللي بيكلف فقط عرس الحريم؟؟؟؟ وهني انت ماتقدر تقرر خصوصا توه الحب شاب ضواا
واي شي تطلبه العروس اكيد المعرس ماعنده الا يقول سمعا وطاعة.... وعقب ياكل هووى..
فالبنت اذا ماتبي تفوشر راح يقلل وايد من المصاريف..
لكن اذا البنت ماتبي الاالصالة الفلانية والكوشة كلها شلالات مادري شيخربطون(كل يوم تصميم)
وتلبس الكراسي والطاولات بريش النعام... و و تبي تغني في عرسها احلام ..وبعض البنات تبي المعرس يدش عليها الصالة وهو راكب حصان ابيض وهي تكون نازله من براشوت(بلفيت رومانسية))..
.ولابعد كل هاي التكاليف الناس يقولون العرس مب شي...

فاراد واقولك كله يرجع لاهل العروس...
انا عن نفسي خاطري ماسوي الاشي بسيط والباقي انا استانس مع مرتي ابرك لي..
لكن ؟؟؟؟؟؟
ع البركة ان شاءالله:nice::nice:

[بو الجوري]

والنعم فيك سواء قطري أو فلسطيني .. :nice:

أنا ماقلت إنك فلسطيني .. انا اقول اني حضرت فهالقاعات اناس فلسطينيين ..

وادري ان الصوره لاحمد ياسين الله يرحمه ..

المهم ..

المجمعات هذي .. في فالعزيزيه .. وعند رمادا .. وفالدفنه ..

بس اذا العدد قليل تصلح ..

[ورقــة أمــل]

اخوي يعتمد على البنت اللي بتزوجونها ولدكم اذا بتخليكم انتو تختارون وترتبون كلشي ولا هي تبي شي على مزاجها

والحين الكوشة والديجي وباقي الاشياء من ذوق البنت وبعض البنات مايرضون اهل الزوج يرتبون على كيفهم وهي مالها راي بالموضوع

والله يوفقكم ومبرووك مقدما

[الوفـى طبعي]

اخوي انا اقول سووا عرس الرجال في خيمه والحريم خلوه في بيت العرووس يعني اهلكم واهل العروس بس

والله بتوووفر واحسن بوواااجد انا واحد من الشباب سوا كذا وارتاح نفسيا


وبالتوفيق

[halah]

عَنْ عَائِشَةَ قَالَتْ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ( تَخَيَّرُوا لِنُطَفِكُمْ وَانْكِحُوا الْأَكْفَاءَ وَأَنْكِحُوا إِلَيْهِمْ).

هذي أول خطوة فتخفيف المصاريف بل وأهم خطوة

اذا اخترتوا بنت من عائلة طيبة واتفقتوا معاهم من البداية على انكم ما تبون خرابيط ومصاريف ماها داعي ، فأتوقع انهم بيوافقون.

وفي بنات وايد ما يبون عرس كبير يقولون نبي حفلة صغيرة وخلاص

انتوا دوروا وبتلقون

والله يوفقكم

[سيزن]

بدء يظهر الحقد الدفيين على السنة ...:secret:
اللهم لا حسد ..
مع أني لا أعرفه شخصيا ولا عزمني :anger1: .. بس الله يزيده ويبارك


اي حقد دفين وعلى السنة .!!!

انت وش تقول يا بو راشد .!!!

انت على كيفك اتصنف الردود .......سبحان الله .

عموماً ..الله لا يحلك ولا يبيحك يا بو راشد ..على بهتانك هذا لي .

[بوحارب]

الله يوفقه وييسر له التكاليف ويجمع بينه وبين زوجته على خير

لاتنسى تعزمني في العرس عشان استعرض في المسيرة ^ ــ ^

[جوال 11]

مبروك والله يرزقه الذرية الصالحة.
أذا ولدك بيتزوج تعمل عشاء للرجال في بيتك والنساء في بيت العروس وخلصنا هذا ما كان عليه الحال قديما وسعادة ما بعدها وباقي المبلغ أدفعه لأخوانك في غزة، لأن الفنادق ما فيها غير البلاوي والخساير والتبذير.

[غزلان]

الف مبروك

والله يوفقه ان شاء الله ويتيسر في المصاريف

[بنQATARت]

"البذخ" كان العنوان المتربع على عرش الزواج وتقاليده المعروفة، وهو أيضا السبب وراء تأخر سن الزواج بين الشباب والفتيات.

أما الآن وبعد الغلاء الجنوني للأسعار وارتفاع تكاليف الحياة، فلم يعد أمام الشباب مفر من محاربة هذا البذخ والخروج على التقاليد المكلفة والمُعجزة في آن واحد، فالشباب يريد زواجا بسيطا غير مكلف، والفتيات لا يحبذن الوقوف على باب العنوسة ينتظرن "الشبكة الألماس".

ونحن هنا بصدد خطوات عملية، وتجارب واقعية نواجه بها العقبات المادية الواقفة كحجر صوان في وجه زواج أولادنا وبناتنا واستقرارهم.

بيت الزوجية

العقبة الأولى: "عش الزوجية": وهو يحتل المركز الأول الذي يستحوذ على نصيب الأسد من المال في مشروع الزواج، ويمكن التغلب عليها ببعض الأفكار:

التنازل عن الشقة الكبيرة التي يحلم بها ويحاكيها الجميع، ولنبدأ الحياة بمنزل أو غرفة صغيرة تضم الزوجين.

إذا توفر لأهل الزوجة منزل كبير خاص بهم فيمكنهم تخصيص جزء صغير منه وإهداؤه لابنتهم؛ ليساعدوا الزوج في حل مشكلة المسكن.

بالنسبة للعائلات فالأقربون أولى بالمعروف، فهناك من يذهب للحج والعمرة كل عام، في حين أن مساعدة شاب قريب قد يثاب عليها بأكثر من الحج والعمرة، فما المانع أن توظف بعض تلك الأموال لشراء شقة بسيطة أو تأثيثها وتحصين شاب من المقربين في العائلة في تكوين أسرة؟! ويمكن مشاركة أكثر من فرد في العائلة في هذا المشروع.

الشبكة


العقبة الثانية:

"الشبكة": تعد الشبكة بعد ارتفاع سعر الذهب ومغالاة كثير من الآباء في رفع قيمة الشبكة المقدمة لبناتهم من أشد العقبات التي تواجه الشباب.. ولكن لهذه المُعضلة حل:

بعض محال الذهب تقدم أطقم الشبكة للعروسين بالتقسيط؛ وذلك بعد أخذهم الضمانات الكافية من المشترين لحفظ حقوقهم.

يمكن اختصار الشبكة والاكتفاء بدبلة وخاتم ذهب للعروس ودبلة فضة للعريس.

أما إذا كانت أسرة العروسين تهتم لكلام الآخرين ومسألة الشكل الاجتماعي فيمكن للعروس إذا كان بحوزتها ذهب ملكها أن تبيعه وتشتري بثمنه ذهبًا آخر جديدًا؛ أي تجدده وتضمه إلى الدبلتين في حفل الخطوبة.

لجأت بعض الأسر إلى التحايل على غلاء أسعار الذهب بالشبكة الفضة، والبعض يقوم بطلائها بطبقة من الذهب.

الأثاث

العقبة الثالثة: "الأثاث": الأثاث من الضروريات في منزل الزوجية.. ولكي تتوفر تلك الضروريات بإمكاننا أن نقوم ببعض الأفكار مثل:

شراء الأثاث بأبسط التكاليف حيث الثمن المعقول والجودة المناسبة.

نبدأ الحياة ببعض الأثاث الضروري فقط، قد يكون عبارة عن سرير ودولاب بسيط وأنتريه مناسب ومائدة صغيرة تكفي لشخصين فقط.

أن يستثمر كل من الطرفين كل ما لديهم من أثاث قديم ويعيدوا طلاءه وتجديده حتى يظهر أنه جديد ولامع.


حفل الزفاف


العقبة الرابعة: "حفل الزفاف": لا شك أن حفل الزواج من الأمور التي تسبب دائما توترًا وخلافًا بين أهل العريس وأهل العروس، ولتفادي هذا الخلاف يمكن اتباع التالي:

من المهم معرفة أن حفل الزواج هدفه الأساسي هو فرحة الأهل والمقربين بالعروسين ولا تكون الفرحة مثلا بالمكان الذي يقام به الحفل والشكل الذي يظهر به العروسان.

المشاركة في حفلات الزفاف الجماعية التي تهدف إلى الفرحة الجماعية، والاقتصاد في مصاريف كل حفل على حدة.

إقامة حفل بسيط في منزل العروس به مشروب بسيط يضم الأقارب والأحباب.

[اسعاف]

الله يوفقه وييسر له التكاليف ويجمع بينه وبين زوجته على خير

لاتنسى تعزمني في العرس عشان استعرض في المسيرة ^ ــ ^

خيمة العرس عند مبنى أمن العاصمة؟!
:nice:

[اسعاف]

"البذخ" كان العنوان المتربع على عرش الزواج وتقاليده المعروفة، وهو أيضا السبب وراء تأخر سن الزواج بين الشباب والفتيات.

أما الآن وبعد الغلاء الجنوني للأسعار وارتفاع تكاليف الحياة، فلم يعد أمام الشباب مفر من محاربة هذا البذخ والخروج على التقاليد المكلفة والمُعجزة في آن واحد، فالشباب يريد زواجا بسيطا غير مكلف، والفتيات لا يحبذن الوقوف على باب العنوسة ينتظرن "الشبكة الألماس".

ونحن هنا بصدد خطوات عملية، وتجارب واقعية نواجه بها العقبات المادية الواقفة كحجر صوان في وجه زواج أولادنا وبناتنا واستقرارهم.

بيت الزوجية

العقبة الأولى: "عش الزوجية": وهو يحتل المركز الأول الذي يستحوذ على نصيب الأسد من المال في مشروع الزواج، ويمكن التغلب عليها ببعض الأفكار:

التنازل عن الشقة الكبيرة التي يحلم بها ويحاكيها الجميع، ولنبدأ الحياة بمنزل أو غرفة صغيرة تضم الزوجين.

إذا توفر لأهل الزوجة منزل كبير خاص بهم فيمكنهم تخصيص جزء صغير منه وإهداؤه لابنتهم؛ ليساعدوا الزوج في حل مشكلة المسكن.

بالنسبة للعائلات فالأقربون أولى بالمعروف، فهناك من يذهب للحج والعمرة كل عام، في حين أن مساعدة شاب قريب قد يثاب عليها بأكثر من الحج والعمرة، فما المانع أن توظف بعض تلك الأموال لشراء شقة بسيطة أو تأثيثها وتحصين شاب من المقربين في العائلة في تكوين أسرة؟! ويمكن مشاركة أكثر من فرد في العائلة في هذا المشروع.

الشبكة


العقبة الثانية:

"الشبكة": تعد الشبكة بعد ارتفاع سعر الذهب ومغالاة كثير من الآباء في رفع قيمة الشبكة المقدمة لبناتهم من أشد العقبات التي تواجه الشباب.. ولكن لهذه المُعضلة حل:

بعض محال الذهب تقدم أطقم الشبكة للعروسين بالتقسيط؛ وذلك بعد أخذهم الضمانات الكافية من المشترين لحفظ حقوقهم.

يمكن اختصار الشبكة والاكتفاء بدبلة وخاتم ذهب للعروس ودبلة فضة للعريس.

أما إذا كانت أسرة العروسين تهتم لكلام الآخرين ومسألة الشكل الاجتماعي فيمكن للعروس إذا كان بحوزتها ذهب ملكها أن تبيعه وتشتري بثمنه ذهبًا آخر جديدًا؛ أي تجدده وتضمه إلى الدبلتين في حفل الخطوبة.

لجأت بعض الأسر إلى التحايل على غلاء أسعار الذهب بالشبكة الفضة، والبعض يقوم بطلائها بطبقة من الذهب.

الأثاث

العقبة الثالثة: "الأثاث": الأثاث من الضروريات في منزل الزوجية.. ولكي تتوفر تلك الضروريات بإمكاننا أن نقوم ببعض الأفكار مثل:

شراء الأثاث بأبسط التكاليف حيث الثمن المعقول والجودة المناسبة.

نبدأ الحياة ببعض الأثاث الضروري فقط، قد يكون عبارة عن سرير ودولاب بسيط وأنتريه مناسب ومائدة صغيرة تكفي لشخصين فقط.

أن يستثمر كل من الطرفين كل ما لديهم من أثاث قديم ويعيدوا طلاءه وتجديده حتى يظهر أنه جديد ولامع.


حفل الزفاف


العقبة الرابعة: "حفل الزفاف": لا شك أن حفل الزواج من الأمور التي تسبب دائما توترًا وخلافًا بين أهل العريس وأهل العروس، ولتفادي هذا الخلاف يمكن اتباع التالي:

من المهم معرفة أن حفل الزواج هدفه الأساسي هو فرحة الأهل والمقربين بالعروسين ولا تكون الفرحة مثلا بالمكان الذي يقام به الحفل والشكل الذي يظهر به العروسان.

المشاركة في حفلات الزفاف الجماعية التي تهدف إلى الفرحة الجماعية، والاقتصاد في مصاريف كل حفل على حدة.

إقامة حفل بسيط في منزل العروس به مشروب بسيط يضم الأقارب والأحباب.

شكرا على النقل

بس بعض الأفكار ما تناسب قطر

[اسعاف]

اي حقد دفين وعلى السنة .!!!

انت وش تقول يا بو راشد .!!!

انت على كيفك اتصنف الردود .......سبحان الله .

عموماً ..الله لا يحلك ولا يبيحك يا بو راشد ..على بهتانك هذا لي .

سيزن

في العرس ممنوع لهواش

:nice:

[اسعاف]

والنعم فيك سواء قطري أو فلسطيني .. :nice:

أنا ماقلت إنك فلسطيني .. انا اقول اني حضرت فهالقاعات اناس فلسطينيين ..

وادري ان الصوره لاحمد ياسين الله يرحمه ..

المهم ..

المجمعات هذي .. في فالعزيزيه .. وعند رمادا .. وفالدفنه ..

بس اذا العدد قليل تصلح ..

احسن اخي

[الرايــق]

الف مبررروك

واسمحلي ما اقدر افيدك لان الى الان ما مريت بهالتجربة : )

[جهام]

مبرووك يااسعاف والله يعييييينك ...والله لو اعرف كان ماقصرت وياك .

[اسعاف]

مبرووك يااسعاف والله يعييييينك ...والله لو اعرف كان ماقصرت وياك .

يا جهام الكواري

انتم اصحاب المواجيب وتعرفون الأصول

كيف ما اتعرف

[اسعاف]

في سؤال

ممكن تسكن الزوجة في بيت اهل الزوج؟؟؟؟؟؟؟؟؟؟؟؟؟؟؟؟؟

[غناتي1]

بنات الحلال اللي يسكنون مع اهل الزوج

واااااااااااااااااااااااجد

وكل واحدة وتربيتها واهلها00 يدلون على جواب سؤالك

[asadfg]

مبروكين انشالله يا نجاااااااااااااتي انفخي البلالين علشان عيد الميلاد :nice:


واذا عن المصاريف اقولك

كشكشها ماتعرضهاش :nice:

[اسعاف]

بنات الحلال اللي يسكنون مع اهل الزوج

واااااااااااااااااااااااجد

وكل واحدة وتربيتها واهلها00 يدلون على جواب سؤالك

:nice::discuss:

[بيسان]

عندي جدوى اقتصادية لعرس
اذا فعلاً معني ابعث لي على الخاص

[بدوور]

مبووووووووووووك والله المستعان

[بنت ذياب]

في سؤال

ممكن تسكن الزوجة في بيت اهل الزوج؟؟؟؟؟؟؟؟؟؟؟؟؟؟؟؟؟

اكيد

اغلب المتزوجين اول شي الزوجه تسكن عند اهل الزوج

عقب جم سنه .. يسكنون بروحهم ..

والله ايوفقك اخوي..

[بـن عدوان]

شوف فندق جنه الخليج للرجال