وش الحل مع صديقة بنتي مها منقول

[المخفي]

منقول من موقع بناء

وش الحل مع صديقة بنتي مها



السلام عليكم ورحمة الله



بنتي الصغيره اولى ابتدائي



حبيبه وبقوه طالعه علي انا متأكده



مالها صوت حتى لو تبكي



بكائها مالها صوت ابد



بس نشوف دموعها ونسمع شهقات صغيره



ساعتها نعرف انها تصيح





صادقت لها بنت اسمها مها



وكل يوم جايتني تقولي مها ومها ومها سوت ومها حطت ومها قالت



فرحت في البدايه قلت اهم شيء انها لقت صديقه



لانها كانت تقول ليش مادخلت مدرسة بنت عمي





ويوم من الايام جتني وقالت ياماما



مها تقول جيبي لي جكيت زي جكيتك



وتبي لصقات لدفترها زي حقتي



قلت يابنتي ماله داعي



قالت الا ابي هي صديقتي وانا احبها



قلت قولي لبابا وشوفي وش يقول



واروح لابوها واقول لها تراها بتقولك كذا



وانت قول لها لا..... توها صغيره لاتتعود علينا



قال طيب<<<يسمع كلامي لو ابقوله طب من فوق قوطي نيدوا طب



المهم جت له الحلوه وقالت له ابي جكيت ولصقات لمها



قال ابشري اليوم المغرب اوديك لنفس المحل





واشتري لها جكيت واشتري لكم كلكم قبع وشال نفس اللون



وقام يسألها هي اكبر منك ولا اصغر



المهم رحنا وشرينا لها اللي طلبته



وراحت للمدرسه طايره من الفرح وعطته مها وقالت هذا هديه لك



ومها طلعت الجكيت وماعجبها قالت مو حلو



وعطته موظي



وخذت الشال والقبع



قلت الحمد لله اهم شيء بنتي رضت



وراحت مره للمكتبه وشرت لها ملف ولمها ملف زي حقها







واللحين حنا وذا المها اخذ وعطا



من شوي قالت ياماما اليدين حقت الفنيه ماسويتها



قلت الا انا مسويتها انا وياك ولصقناها ليش



قالت شقتها مها ولازم اسوي وحده ثانيه



طيب ليش تشقها



قالت مدري عنها.







ومن يومين زكمت بنتي وبقوه



قلت لها اكيد تفسخين جكيتك في المدرسه



قال لا مها تاخذ قبعي وشالي في الفسحه



وتنحاش



وتخليني اركض وراها وماتعطيني اياها الا اذا دخلنا



ومره وديت معها كاس مسويته لها اختها بعجينة السراميك



بس مها رمته على بنتي من بعيد وطاح على الارض وانكسر



واختها مولعه عليها تقول نتفي شوشتها لااانتف شوشتك انتي وياها



وكل صبح توقف ابوها عند البقاله قبل ماتروح للمدرسه



تقول ابسوي عزيمه انا ومها



واذا جت اقول لها وش جابت مها



قالت ماجابت شيء تقول المره الجايه



وحنا على هالحاله من بداية الترم



اللحين انا ابي حل مع ذا المها



بنتي يجيبها نقل خاص وتنزل قبل ماتنزل مها



افكر اطلع لهم انا بكره واعطي مها هديه صغيره واقول



لها انتي كبيره وشاطره لاتسوين كذا



ماابي اكبر السالفه بقوه لاني اخاف توصل لاهلها



وتصير سالفه وحوسه



وفكرت اكلمها واعطيها هديه لها ووحده لامها



واقول قولي لامك هذي من ام صديقتي



ساعتها بتقول امها وش السالفه وبتعلمها بنتها



وتصير الام هي تكلم بنتها





وبنتي الكبيره تقول لا خليها تنتف شوشتها ولاتعودينها



انك انتي تاخذين حقها



بيتطلع مليون وحده مثل مها



بتظلين تطلعين على كل وحده وتروحين المدرسه وتكلمينهم



مايصلح



تقول خليها هي تاخذ حقها بيدها



وبنتي انا اعرفها مايمكن تاخذ حقها بيدها



انا ابي حل معها



وش اسوي عشان مااخلي احد يعتدي على عفش بنتي



كيف اخليها تاخذ حقها هي



من شوي قلت لها خلي استاذة الفنيه تحط لك صفر



وكلهم ياخذون هدايا وانتي لا



ودخلت غرفتها لقيتها جالسه على سريرها تقص ذا اليدين



وتسويها لحالها

منقول من موقع بناء

ما رأيكم أفضل حل للمشكلة من وجه نظركم

[جرير]

افضل حل ان يتم عقد اجتماع طارئ على شكل حفله . . . جمعه يهال وهني يتم استجواب مهوي
بس بطريقه فنيه . . . ودبلوماسيه . . . ونلاحظ معامله مهوي مع البنت شلون تكون
ومصارحتهم . . . . يمكن تنحرج مها . . طبعا مع اتباع استراتيجيه النصح برفق ولين


او



الاتصال بوالده مها او والد مها وشرح كل هذي من طقطق لين سلام وعليكم



او


تبين للبنت ان مها ما تهتم فيها و انها تحب تعبها . . . وووووو بس بطريقه دبلوماسيه بحته


او


البنت تغير مدرستها . . . . وهذا اخر الحلول عشان البنت الحساسه تتخلص من ضغط مها
بس المشكله تحصل لها وحده نفس نوعيه مها في المدرسه الجديده



او تبلغ الشرطه هههههههههههه:tease:

[DREEMS]

كلمي المشرفة الاجتماعية

[saaam]

ههههههههههههههه اما انها تبلغ الشرطه



لا احسن شي ان الام تفتح عيون البنت وبشويش تخليها تبتعد يعني تقول لها شوفي انتي تجيبين لمها وهي ماتجيب لك شي
هي ما تحبك وشوفي تاخذ وتكسر اغراضك ماتحبك البنت شوي شوي بتبتعد لانها بتصدق كلام امها
الام لازم تكلم بنتها بدبلوماسيه وتفهمها بشويش الاطفال بسرعه يتعلمون ودايم عندهم ثقه بكلام امهم
ولا تبعث هدايا ولا شي
الام الثانيه بتستانس على الهدايا وبتقول لبنتها ززوووودي خخخخخخخخخخ

شكرا

[رهج السنابك]

سؤال يطرح نفسه " معقوله أم مها مالاحظت ان عندها جاكيت جديد وشال وقبعه ولصقات دفاتر والخ وما سألت بنتها من أين لك هاااازاااا ؟؟؟ "

أكيد الام عارفه ومخليه بنتها على راحتها وما علمتها ان عيب تطلبين من الناس

اذكر واحنا صغار كان عندنا جيران نفس هالطينه .. يدقون علينا الباب في أي وقت وطلباتهم تافهه يعني يقدرون ياخذونها من الدكان مثلا يطلبون قوطي حليب ، قوطي صلصل ، شوية ملح ، استشوار شعر ، كواية ملابس .. يعني كل خمس دقايق بابنا يدق وتطلع وحده من بنات الجيران وتطلب شيء ومن غير امهم ماتدري ( اصلا امهم ماتقعد في البيت كله كانت تسير على الجيران ) ونعطيهم بس مرات يزودونها بشكل فظيع وصرنا نقول ماعندنا لأن الحركه مو حلوة صراحة شنو يدقون الباب في نص الليل عشان ملح ولا جايبين لنا بيالة ويقولون حطوا لنا شوية صابون تايد !! والام هادتهم ولا تدري عنهم

فأنا اشوف الحل لمشكله البنت مع مها .. انهم مايدخلون ام مها في السالفه لانها اكيد عارفه وساكته ولا راح تتفشل .. بس الاهم انهم مايعاونون بنتهم ويروحون يشترون لمها اغراض وخاصة لو ماكانت محتاجه مو زين ان مها تتعلم من صغرها انها ترمي نفسها على الناس وتهين كرامتها لازم تتعلم ان كرامتها فوق كل شيء ولو تموت من الجوع ماتمد يدها لاحد ..

[هتـان قطر]

المشكله عويصة والبنتين محتاجين وقفة ومحتاجين حد يوعيهم..

البنت صاحبة المشكله باين عليها انها شخصية ضعيفة ومغلوب على امرها

ولازم امها توعيها اكثر وتخلي حدود بينها وبين صديقاتها ..

وتوعيها اكثر على المحافظة على اغراضها..مهب قاعده سبهلله للي رايح واللي جاي..

افضل انها تزعل على هالمهوي وتتركها كم يوم ليمن تحس على دمها وتفهم

ان اللي تسويه غلط ويؤثر على صديقتها ويسبب لها الضيق..


اما مها..قضيتها ان تربيتها مهب سليمه واهلها ماربوها على القناعة

وعينها على اللي في يد غيرها..وهذا خطأ لازم تدرك ان اللي عندها يكفيها

ومالازم تطلب اي شي من الاخرين حتى من اقرب المقربين لها..

وسلامتكم..

[Arab!an]

الحل

اتخلي بنتها العوده اتروح مع الصغيره المدرسه .. واذا شافت (مها) .. تمسكها وتنتف شوشتها :court: قدام البنات عشان المره لا حد يتحرش في الصغيره


وعشان يعرفون ان عندها ظهر :tease:

[pure]

قضييه صعبه

اول شي نفس ماقال حد من الاخوان تعزم مهاا عل البيت وتلاحظ تصرفات مها ويا بنتها شلوون

عشان تجوف هل فيه خلل فعلا ؟

وعقب تاخذ مها على صووب وتحاجييها باسلوب قريب من القلب

ولا تكلم الام امهات هاليومين متوحشات من تقول لهم شي عن عيالهم قبوو بويهك

وفعلا اكيييد اهي تدري

او يمكن نوع من التربيه انا اذكر نفس سالفة اختي استقراطيه بس المشكله من العيال اللي يطرون الام بكبرها

وتعلموو منها عيالهاا

وخل البنت اهي اللي تعتمد على نفسها وتسوي اشيااائها وتعلمهاا شلون تدافع عن حقهااا


ويعطييك العافيه اخووي

وياريت عقب تنقل لنا شصار ويا هالمهااا

[سداوي&مدريدي]

امممممم


مها

لا لا لا ماعتقد


مايحلها الا



:telephone:

:telephone:

:telephone:

:telephone:






كونان

http://gallery.7oob.net/data/media/12/conan3.jpg

:nice:

[شيزكيك]

وي شالمها الي ترفع الضغط انا بصرف عللا عيالي ولا على عيال الناس بعد

ان شاء الله عنها ما رضت