خبراء وخبيرات لندن لا تبخلون علي

[مدار قطر]

صباح الخير لجميع اعضاء المنتدى


لندن .... بصراحه اخر مكان افكر اروحه بحياتي
مدري ليش تضربني ضيقه هناك
يمكن عشان انا ما ادلّ فيها وما لاعرف عنها معلومات وايد

وهالمره عندي كورس فيها شهر كامل
شهر ثلاثه

فيا ريت اللي عندهم اي معلومات اوخبره
ما يبخلون علي بها

باسكن في منطقة الــ covent garden
واهم سؤال



كم سعر الاسترليني الحين .؟؟؟


اختكم مدار قطر

[غزلان]

كان 6 وشوي يعني قريب من السبعه بس مع الأزمه سمعت انه نزل ممكن تسألين محلات الصرافه

كل شي بلندن حلو وبتلاحظين انها صارت شبه عربيه من العرب الى فيها

عندج الأسواق مثل هارودز سلفريجز هارفي نيكولز جون لويس لابرتي والحدائق ريجنت بارك وبس

[جرير]

سعر الصرف من 5 الى 5.1 ومن يومين كان يلامس 4.9 لندن عجيبه وفيه مجمع توه يديد ما صار له شهرين وايد حلو
اسمه وستفيلد على اطراف لندن

[مدار قطر]

شكراَ على الردود

انزين شنو فيها لندن بعد
يعني وين الواحد يقضي وقته
شيسوي عشان يستمتع

[بنت المنتدى]

شكراَ على الردود

انزين شنو فيها لندن بعد
يعني وين الواحد يقضي وقته
شيسوي عشان يستمتع



ملل في ملل :secret:

يعينج الله حبوبه

[قطريه ماركه]

^
^
الهاااااااايدبارك كفااااايه تقعدين وتشمين الهواااااء النقي آآآآيه على ذاك المكان *__^

بنت المنتدى شكلج نسيتي الوناااااسه هناك يبي لج نعيد الرحله ...

روحي حبووبه والقلب داعي لج .. والله ييسر دربك ..

[مدار قطر]

ثانكس

والله يجزيك خير قطريه ماركه

شكلي باترس عيووووني من الخضار اللي هناك

قبل ما ارجع الدوحه

بس فديت قطر والله ما فيه مثلها

كفايه الراحه النفسيه



تسلمووووووووون

[الاعــلامية]

اذا انتي مسافرة لشغل

اساسا بتخلصين شغلج يوميا .. الساعه 5 او 6 بتوقيتهم

واذا خلصتي ... بتكون اغلب المحلات مسكرة او على وشك ..

فما عندج الا المطاعم .. او تروحين في الويكند هالأسواق

طبعا في اماكن وايد تقدرين تروحين لها في لندن

بس مثل ماقلت لج سفرت الشغل غير عن سفرت الوناسة

انا توني من فترة راجعه من لندن وكنت فيها حق دورة تدريبية

عشان جذي نقلت لج هالخبرة البسيطة

عموما خذي معاج لسته اهم المطاعم بتنفعج هههه

واهم المحلات هناك ..

والطلعات الحلوووة بعد ..

وان شاء الله الكل مب مقصر وياكم

/

[مدار قطر]

هلا إعلاميه

انا رايحه عشان تدريب
ويخلص الساعه 4 بتوقيتهم


واللي اذكره ان محلاتهم تسكر سبع

يعني مثلاً وين اروح حق الطلعات الحلوه ؟؟؟
وبكم صرفتي الباوند

[جوال 11]

أولا بالتوفيق
نصيحة لوجه الله لا تتعاملين مع العرب والمسلمين هنالك لأنهم يفكرون الشخص من دول الخليج عنده بير بترول ويستغلونه .
اذا سفرج لعمل الدوام ينتهي في الليل الساعة 5 أو 6 مساء
لكن تخططين لأجازة نهاية الأسبوع للخروج من لندن وهنالك مناطق كثيرة ، عليج بالأنترنت واختاري المكان والقطار موجود ، والفنادق رخيصة.

أختي هذا أسم ثاني أكبر مجمع تجاري في أوروبا في مدينة مانشستر في الشمال وفيه فندق
The Trafford Centre, Manchester
Trafford Centre Hotels
booking.com/trafford-centre-Hotels

[الدم البنفسجي]

بيكون الجو بارد واااااااااااااااااااااااايد مووووووووووووووت

[المهلهل]

في مجمع كبير افتتح في شهر عشرة يسكر متاخر في منطقة شبر بوش اسمه ويس...
بشوف اسمة والعنوان وبرد

[مغروور قطر]

في مجمع كبير افتتح في شهر عشرة يسكر متاخر في منطقة شبر بوش اسمه ويس...
بشوف اسمة والعنوان وبرد

اسمه ويست فيلد يبعد 100 متر تقريبا من شبربوش

[HORK]

زبدة الكلام اهني


سوق شبربوش الشعبي الشهير في اطراف لندن 90 صوره

http://www.qatarshares.com/vb/showthread.php?t=178962


----------------------------------------

صور اكبر تلسكوب في العالم يربط لندن بنيويورك

http://www.qatarshares.com/vb/showthread.php?t=180784



--------------------------------


London شارع العرب التجاري 22 صوره

http://www.qatarshares.com/vb/showthread.php?t=179029


--------------------------

اليوم عندي صور حصرية لشارع اكس فورد OXFORD


http://www.qatarshares.com/vb/showthread.php?t=188005

---------------------------

متحف التاريخ الطبيعي

NATURAL HISTORY MUSEUM


http://www.qatarshares.com/vb/showthread.php?t=188557

---------------------

جماعة تبشيرية تتمكز في مدخل شارع العرب في لندن


http://www.qatarshares.com/vb/showthread.php?t=187763


-----------------------------

London Hade Park حمد واحلام زيارة الهايد بارك ( صور )

http://www.qatarshares.com/vb/showthread.php?t=187657

------------------------------


London لندن في اربعة ايام فقط بدل دبي 4 ايام


http://www.qatarshares.com/vb/showthread.php?t=178361



مع تحياتي

[غناتي1]

الله يذكر لندن بالخير

لنا فيها ذكريات كثيرة حلوة

الله يرحمج يا نوره رحمة وواسعه ما فيها منة ولا عذاب

[N7eEeS]

لندن حلوه للي يحبونها ويعرفون لها :)
انا امس جاي منها.
المحلات تسكر الساعة ثمان بالليل.
عندج اكسفورد ومحلاته ومجمعاته(سلفرج-جون لويس-دبنهامز-ماركس(مقاطعه))وجنبه نيو بوند ستريت شارع ماركات.
عندج منطقة النايستس بردج فيها هارودز وهارفي نيكولز غير المحلات وشارع سلون ستريت.
عندج البكدلي ولستر سكوير مطاعم وسنيمات والعاب.
لندن اي
لندن زو
مارقريت مدينة العاب بس برع لندن
خذي اسامي مطاعم:
مايا مطعم هندي في النايتس بردج.
الحلبي مطعم يوناني في البيز ووتر.
زوما مطعم ياباني في النايتس بردج.
ايريا مطعم ايطالي في النايتس بردج.
سفره مطعم تركي في واحد في المايفير واحد جنب اكسفور.
اشبيليه مطعم عربي في هارودز.
اسك بيتزا.
اسبقتي هاوس.
مطعم الحمراء عربي في المايفير .
ريشو في المايفير وفي النايتس بردج.
غير المطاعم اللي في المجمعات.
تبين اغراض روحي السنز بري في كرومول روود 24 ساعه يفتح وهو اكبر فرع مثل الجمعيه عندنا :)
والاسترليني حول 5 ريال تقريبا يعني مايزيد عن 5.20ريال في الوقت الحالي
واي سؤال انا حاضر

[بو راشد 1]

أشدعوه، كله محلات..!!!!
أبوي (الله يرحمه) وصاني اروح London Tower مكان تاريخي يسوه تروحين له.