الكلام لك انت ايها الرجل الفاضل .. هذا اذا كان عندك رد واذا ما عندك رد لا اتعب نفسك

[تحداني]

السلام عليكم ورحمه الله

موضوع قد يكون مكرر ..او ملل ..او مجرد التفكير في فكره سواقه المرأه مرفوضه عند الكثير من الشباب ..لكن خلينا نتكلم ان الحياه والظروف اجبرت البعض على السواقه لاي سبب من الاسباب وليس من الضروري انه توقف كل بنت في الشارع وتبرر لكل رجل ( ليه هي تسوق ) .

ليه يا الرجل المتحضر .. المثقف ..الواعي ..الناضج ..الغيور على بنات بلدك ..تحط راسك في راس بنت تمشي في طريقها ..تمشي بدون ما اتأذيك .. أو تزعجك ..ليه دائما تحاول تتخطاها وتستعرض عضلاتك الغبيه امام فتاه ما تقصد ابسواقتها للسياره انها اتضايق ..ليه دائما تنظر لها انها لا تفهم مباديئ وقيم السواقه ..ليه ما تحترمها مثل ما تحترم اي رجل ثاني امامك ؟؟؟؟

سؤال يحيرني وما القى له جواب

اذا قصدك تغازل فأعتقد التكنلوجيا تطورت ..واذا قصدك لفت الانتباه فالمرأه العاقله لا يستوقفها الا رجل بكل معاني الرجوله ..

اذا كنت صريح في ردك تفضل جاوب وعلقك ..اما اذا كنت جاي تستهبل وترد رد غبي فما يلزمنا ردك ...

ان لم استطع تغير الواقع ..يكفيني اني رفضت ان اكون شيطان اخرس

[بو الجوري]

أخوي تحداني الزمن يعطيك العافيه ..

أنا صراحه أشوف اللي تسوق بإحترام .. مافيها شي أبداً أبداً

لكن اللي تسوق وهي فاصخه الحيا وانت اكيد تشوفهم .. فهذي أكيد مرفوضه ..

وطبعا اغلب البنات اللي يسوقون محترمات,,, وساتره نفسها .. ولها ظروفها انها تسوق ..

وطبعاً بعض الشباب اللي يهديهم .. اذا مروا على سياره وطلعت اللي تسوق وحده .. شوي وتنكسر رقبته من كثر ما لف يطالعها !!!

أنا ماشوف سواقة المرأه المحترمه واللي ماتشوف الا الشارع قدامها وقاعده بسنع .. فيها شي ..

تقبل مروري وتعليقي

[هداف]

الموضوع موجه لك ايها الرجال الفاضل !!!!!!!!!!!!!!!

وهذا الفاضل المتحضر الواعي المثقف !! الناضج الغيور !! يضايق النساء في الشارع بسواقته !

واذا يبي يغازل التكنلوجيا تطورت ( بلوتوث ) تقدم نصايح !!!


ومطلوب عدم الاستهبال في الموضوع !!!!!!!!!!!!



لا تعليق

[تحداني]

الله يسعدك بو الجوري ..وانا دائما اقول الكبير والمتربي يشوف الناس بعين طبعه وهذا مو بالشئ الغريب ..والشواذ مالهم مكان في موضوعنا هذا خلهم على جنب لانهم مرضى نفسيين ..الله يشفيهم يارب ...

[hemoud123]

مشكور اخوي على الموضوع
بعدين انا اتمنى اشوف في يوم من الايام اللى انتوا تشوفونه
ولا عمري شفت وحده تسوق وجاء واحد ولف عليها او بدا يستعرض عضلاته جدامها يمكن يبغي لي نظاره
انا اللى دايما اشوفه حريم في سييايرهم متنقبات ومتحجبات ورايحه في طريقها , وبالعكس والله اشوف الاحترام لها من الشباب اكثر من غيرهم في اعطاء الاولويه وغيره
صحيح انهم احيانا يبطون جبدي عند الدواوير من بطئ رده الفعل , وتدخل الدوار هي على اليمين وبقدرة قادر ما توعى الا وهي على اليسار ومسببه ربكه
وفي النهاية دعوا الخلق للخالق

[ضوى]

مشكور اخوي على الموضوع
بعدين انا اتمنى اشوف في يوم من الايام اللى انتوا تشوفونه
ولا عمري شفت وحده تسوق وجاء واحد ولف عليها او بدا يستعرض عضلاته جدامها يمكن يبغي لي نظاره
انا اللى دايما اشوفه حريم في سييايرهم متنقبات ومتحجبات ورايحه في طريقها , وبالعكس والله اشوف الاحترام لها من الشباب اكثر من غيرهم في اعطاء الاولويه وغيره
صحيح انهم احيانا يبطون جبدي عند الدواوير من بطئ رده الفعل , وتدخل الدوار هي على اليمين وبقدرة قادر ما توعى الا وهي على اليسار ومسببه ربكه
وفي النهاية دعوا الخلق للخالق



والله بجد هالكلام اللي انا ابي اقوله ، محترمين بشكل كبيييييييييييير ، ماشوف اللي يقول عنه ابداااااااا لا عند اشارة ولا بالدوار ولا في الشارع ، يمكن الاوقات اللي نكون فيها بالبيت تصير هالسوالف الله العالم

[تحداني]

اشكرك على ردك ..وعلى احترامك لنا والحمد لله سواقتنا ما سببت لك اي ازعاج سوى في الدوار...والدوحه تدريجيا راح تخلى من الدواوير في القريب العاجل ..انت ما تشوف يمكن لانه ما تهمك او ما يعنيك سواقه المراه وماشي في طريقك بس احنه متأذيين منهم ..الله يسعدك ..

[hemoud123]

الله يسعدك بو الجوري ..وانا دائما اقول الكبير والمتربي يشوف الناس بعين طبعه وهذا مو بالشئ الغريب ..والشواذ مالهم مكان في موضوعنا هذا خلهم على جنب لانهم مرضى نفسيين ..الله يشفيهم يارب ...

سشالفه ؟
انا دخلت الموضوع على انه نقاش حول قيادة المرأه , شلي غيره وصار عن التربيه والامراض النفسيه , لايكون فيه احد مو متربي ؟ عطني فلان:secret:

[بو الجوري]

hemoud123 و ضوى

صراحه يمكن إنتوا ما تطلعون وايد أو ما تنتبهون ..

لكن والله العظيم إن البنات اللي اشوفهم يسوقون ( طبعاً أقصد غير المحترمات )

والله إنهم يضحكون مع الشباب اذا حد لاحقهم .. وأمس كنت عند اللاند وشفت أكثر من وحده ..

تلاقينها رايحه وراده .. تتمشى حالها حال الشباب ..

وطبعا فل ميكب وقذله ومصخره ..

والله كأني أتمشى فالبحرين ..

الله يهديهم ..

والله والله والله إني أستحقر هالبنات بشكل مب طبيعي .. :anger1:

خاطري ادعمها وتم وراها ادزها لين ما وصلها داخل حوش بتهم :anger1:

قلة أدب .. طبعاً انا أتكلم عن فئه معينه

تقبلوا تعليقي

[VIPLady]

موضوعك مهم وانا هم ابي اجابه؟؟ ليش المضايقات الي مالها داعي اثناء ما نسوق؟؟
مو الكل طبعا لكن اغلبيه اليهال الي اعمارهم تحت 25 ان وقفت يم اشاره يااااااااويلك ان كان الشباك مفتوح لازم يقط لك كلمه واغلب الكلمات تسابقين ؟؟؟؟؟؟؟؟شدعوووووووه وين قاعدين او اي كلمه كانت
والي يلف عليك يخرعك
وكلهم كوم وراعين الدراجات هذولا ان اجتمعوا شله حاوطوا السياره؟بالله شنسوي فيهم . هل هذا استعراض منهم او قصدهم شنو؟؟؟والي يخرعك بالدراجه والي يطق عليك الشباك ان وقفت يم اشاره؟؟؟ شهالاخلاق والتربيه الخايسه؟
وصارت لي مره دقيت على 999 لموقف قوي ..شوي ويدعمني بكل برود ساعه على ماكل واحد يحولني على الثاني اكون طبعا وصلت البيت وان بغى يدعم دعم والف مره لف وخرعني.. واخرتها خذي رقم السياره اشتكي عليه؟؟ فاضيه انا ادش مخافررعلى شان واحد لحقني ... الله والحل مالت عليهم وعلى خدمتهم . او يجي يقولي الشيخه وقفي لا تسوقين اقولهم يلف علي يقولي وقفي لا تسوقين؟؟ ماشالله عطاني حل

سوري طولت عليكم بس ياليت الي صج راعي هالحركات يذكر لنا السبب ولا تقولون ماكو حد بالمنتدى جذي؟؟؟؟؟؟؟؟؟؟؟؟؟؟؟؟؟ مستحيل يعني الاف المشتركين والاعضاء كلهم مثالين؟؟؟ لازم منهم من هالنوعيه بس خلكم شوي جريئين وعطونا الاسباب لو تكرمتوا

[تحداني]

انا كنت اقصد عن ( المرضى النفسيين ) لانه بو الجوري قال ان ساعات بعض البنات يكونون هم السبب فقلت له هالشواذ خلهم على جنب ..:)

ضوى / شكرا على الرد والتعليق ..صح يمكن لانك اتكونون في البيت وما اتشوفونهم بس احنه نشوفهم ..والشخص منا ما يتذمر من شئ الا لما يشوفه وانا ما اقصد الكل اقصد البعض ..

صحيح شبابنا فيهم الخير والبركه اذا سيارتي اختربت ..واذا سيارتي انقلبت ..واذا ابي طريق في وسط الزحمه ..اما بعض الشباب اذا الوحده ماشيه في حالها تعالوا شوفوا الاستعراض ..

[راعي البيرق]

عالعموم انا ولقناعة ذاتية رافض مبدا ان المراة تسوق ؟ وهذا ليس اصلا بل نتيجة لدعوات تحرير المراة
فالبداية مطالبات بخروج المراة من بيتها وحشرها بالعمل بدعوات انها متعلمات وش فايدة دراستها دام انها
بتقعد بالبيت وغيره م الحجج الواهية !!
والطبيعي بعدين لما تتوظف انها تدور لها على ليسن سواقة لانه لايجوز ان ينفرد فيها السايق بخلوة غير شرعية !!
وبعدين تعال خذ تنازلات ورى تنازلات ياخواني الله جل وعلا لما قال في محكم كتابه (( وقرن في بيوتكن ولا
تبرجن تبرج الجاهلية الاولى )) جعلها سنة في احكام المراة فهو الخالق وهو الادرى بمصالح البلاد والعباد

[بو الجوري]

انا كنت اقصد عن ( المرضى النفسيين ) لانه بو الجوري قال ان ساعات بعض البنات يكونون هم السبب فقلت له هالشواذ خلهم على جنب ..:)

..

طلع يكلمني أنا :)

[بوخالد911]

المحترررمة تفرض احترامها ع الكل

؛؛؛
مسيوو/ بوخالد911

[hemoud123]

hemoud123 و ضوى

صراحه يمكن إنتوا ما تطلعون وايد أو ما تنتبهون ..

لكن والله العظيم إن البنات اللي اشوفهم يسوقون ( طبعاً أقصد غير المحترمات )

والله إنهم يضحكون مع الشباب اذا حد لاحقهم .. وأمس كنت عند اللاند وشفت أكثر من وحده ..

تلاقينها رايحه وراده .. تتمشى حالها حال الشباب ..

وطبعا فل ميكب وقذله ومصخره ..

والله كأني أتمشى فالبحرين ..

الله يهديهم ..

والله والله والله إني أستحقر هالبنات بشكل مب طبيعي .. :anger1:

خاطري ادعمها وتم وراها ادزها لين ما وصلها داخل حوش بتهم :anger1:

قلة أدب .. طبعاً انا أتكلم عن فئه معينه

تقبلوا تعليقي

اسمحلي اخوي انا ما ادري عن الاخت ضوى بس عن نفسي انا ما اتقبل تعليقك لان فيه نوع من التعميم المقيت وخربتها يوم قلت كاني في البحرين
يا اخي ما فيه بلاد ما فيها مقبره وبعدين ايش دخل هالبنات في الموضوع الموضوع على حد فهمي المتواضع كان عن الشباب اللي يضايقون البنات اللى يسوقون
يا اخي اتق الله ومب كل بنت تمشت بسيارتها خلاص صارت غير محترمه هذا قذف وراح تتحاسب عليه امام رب العالمين
واخيرا حاول ما تقارن بدول ثانيه لان عنهم الزين والشين مثلنا بالضبط

[بو الجوري]

أختي VIPLady

الصراحه اللي قلتيه :nice:

وأنا وايد اشوف هالسوالف ..

حلوه هاي تتسابقين ..


وبخصوص اللي عالدراجات .. احسن شي تسوينه عقب ماتفتح الاشاره وتم يمشي حذاج ..

إنج تلفين عليه عشان يكمل طريجه زحــــــــــف :)

[بو الجوري]

المحترررمة تفرض احترامها ع الكل




:nice:

[الوجبه]

عفوا اختي ..

اشلون متاذيه منهم .. وضحي اكثر . وليش انتي بالذات ...

يعيني انا اعرف ان هناك خدمه العضيد والشرطه في كل مكان .. واعرف ان البنت اذا ساقت ممكن تحط

عازل موقت في نافذتها .. واعرف ان البنت ممكن تحط مخفي يستر عليها .. واعرف انها توصل مشوارها

وترجع بالطرق المختصره بدون ما تدخل في الزحمه .. واعرف انها تطلع في اوقات مناسبه للسوق وبعيد

عن اي ازعاج او زحمه شباب .. يعني تختار الوقت المناسب .. واعرف انها ما تطلع كثير من البيت الا

لحاجه .. واعرف انها اذا بتطلع تكون مع اهلها يعني السياره مليانه او عيالها .. واعرف انها اذا طلعت للدوام

تطلع الصباح وما اعتقد احد في هذا الوقت متفرغ يغازل .. واعرف انها اذا رجعت من الدوام الشباب كلهم

زهقانين والكل يبغي الغدا يعني مش وقته .. واعرف ان البنت لها وقت معين للتسوق العائلي في السوق

واعرف ان البنت ممكن تفرض شخصيتها بنفسها في السياره مثل ما تفرضها في الخارج .. وعارف

ان هناك اذكار صباحيه ومسائيه تحفظ الانسان من الجن والانس واعرف ان القران يبعد اي شر واعرف

ان الله سبحانه الحافظ واعرف ان هناك شرطه في كل دوار في قطر واعرف ان حقوق المراه موجوده

وممكن تشتكي واعرف ان عندها اهل واخوان واخيرا اعرف ان السياره لحاجه مؤقته للحريم ومش لاغلب

الوقت .. هذا اللي اعرفه ..

[الخارجية]

البنت تحترم نفسها صدقوني لا مضايقات بعد اليوم

[بو الجوري]

اسمحلي اخوي انا ما ادري عن الاخت ضوى بس عن نفسي انا ما اتقبل تعليقك لان فيه نوع من التعميم المقيت وخربتها يوم قلت كاني في البحرين
يا اخي ما فيه بلاد ما فيها مقبره وبعدين ايش دخل هالبنات في الموضوع الموضوع على حد فهمي المتواضع كان عن الشباب اللي يضايقون البنات اللى يسوقون
يا اخي اتق الله ومب كل بنت تمشت بسيارتها خلاص صارت غير محترمه هذا قذف وراح تتحاسب عليه امام رب العالمين واخيرا حاول ما تقارن بدول ثانيه لان عنهم الزين والشين مثلنا بالضبط

حبيب قلبي ..

انا ما عممت !!! إنت نظرك ضعيف ؟ :)

وانا قلت كاني فالبحرين .. اقصد على المنظر اللي اشوفه عند اللاند ... :anger1:

وانا متقي الله يا بعد جبدي .. انا ماعممت ولا قلت كل بنت ساقت .. مش محترمه .. :omg:

ياريت تقرا ردودي عدل قبل لا تعلق عليّ وتتبلى .. وتقولي هذا قذف وراح اتحاسب عليه :eek5:

تقبل تعليقي أخوي :)

[الفـ@ــــد]

والله اذا الوحده مستتره

وماشيه في حالها ليش يضايقونها الشباب والله ان شباب قطر

يعجونك في هالسوالف اقصد التقدير والأحترم سوى في سياره اومجمع او غيره

اما اذا الكحله طالع مع الدرايش وتسوي حركات وانواع التبرج الصراحه ما ألوم الشباب الله يهديهم جميعا @

[الجزيرة]

.... اختى .... الانسان المحترم ... يفرض عليك احترامه ... اين كانت وضعيته ومكانه

.... والعكس صحيح

... ونحسبهن اخوات ونكن لهن كل الاحترام

[VIPLady]

أختي VIPLady

الصراحه اللي قلتيه :nice:

وأنا وايد اشوف هالسوالف ..

حلوه هاي تتسابقين ..


وبخصوص اللي عالدراجات .. احسن شي تسوينه عقب ماتفتح الاشاره وتم يمشي حذاج ..

إنج تلفين عليه عشان يكمل طريجه زحــــــــــف :)



لا حرام... امه الي قلبها بيتقطع عليه ان صار فيه شي او انجرح... اهوو خبر خيررررر ياهل
الله يهديهم

[تحداني]

vip / اشكر ردك والمعاناه اليومية مستمره وحنه طالعين من البيت وحنه راديين ..الله يحفظهم ويكبر اعقولهم يارب ...

راعي البيرق / احترم وجهه نظرك بس ساعات ظروف الانسان تكون اقوى منه ..والبيوت اسرار صدقني الي ترفضة اليوم يمكن بكره تتغير قناعاتك لما تجبرنا الحياه ..وراح اتقول معقوله راح تجبرنا على السواقه راح اقول لك اي نعم ممكن ...الله يسعدك

[a.a.a.qatar]

بصراحه من سنين نسوق ما شفنا هالشي الا في حالات نادره جداً جداً وكان الغلط منا احنا !!!!!!!!!!!!!!!! اي نعم منا احنا الي معاي كانوا يثيرون الشبهات من ناحية اشكالهم (يعني مب الشباب السبب)والحمدلله الله هداهم وهاي الحين هم يسوقون و لا شباب يلحقونهم ولا خرابيط ثانيه
وبالعكس انا اشوف الشاب لما يشوف وحده محترمه وحتى لو مب محترمه تسوق والله ما يبادر في مضايقتها الا اذا حصل منها اشاره !!!!!!!!!!!!!!!!!! لا تزعلون يالبنات مب الكل فئة بسيطة منا يحب يلفت الانتباه وما تكون تقصد شي غير لفت الانتباه ... الله يهدي الكل وتقبلوا كلامي بصدر رحب (ترى هالشي موجود عندنا لحد يقول لالالالالالالالالالالالالالالالالا احنا البنات كلنا توب التوب)

[الوجبه]

باختصار .. شباب قطر ما عندهم هذي السوالف وشايفيين خير :)

[تحداني]

بو خالد 911 / في كثير من البنات محترمات وماشيين في حالهم هم الأذيه لاحقتهم لاحقتم ..واشكرك على الرد

الوجبه / اشكرك على الرد وتخيلاتك لمنظر السياره والاشخاص الي يكونون موجودين ورده الفعل ناحيه الشاب غريبه عجيبه ..حتى فرضيتك انه هذا زهقان لانه طالع من الدوام ..وذاك عيزان لانه مو شبعان نوم وواعي الصبح ..هم اغرب ..وكأنه احنه نتبلى ...الله يسعدك يارب ..

الجزيره / اشكر ردك وكلامك ..ويبقى اصابع ايدك ماهي سوى ...

الخارجيه / الاحترام تعبنا وحنه نفرضه ..بس الخلل في اصحاب العقول الواطيه ..

الفهد / اشكرك على الرد ووجودك وجديتك يسعدني

بس ممكن سؤال ثاني / ليه ما توجهون اللوم والعتاب على الرجل ؟؟ ليه تحليلكم لموقف المرأه يسبق تحليلكم لموقف الرجل ؟؟ليه الرجل ما يلام ولا يعاتب ولا يوجهه له اصابع الاتهام ..؟؟؟ انا هذا الي استغرب منه ..

[بو الجوري]

بصراحه من سنين نسوق ما شفنا هالشي الا في حالات نادره جداً جداً وكان الغلط منا احنا !!!!!!!!!!!!!!!! اي نعم منا احنا الي معاي كانوا يثيرون الشبهات من ناحية اشكالهم (يعني مب الشباب السبب)والحمدلله الله هداهم وهاي الحين هم يسوقون و لا شباب يلحقونهم ولا خرابيط ثانيه
وبالعكس انا اشوف الشاب لما يشوف وحده محترمه وحتى لو مب محترمه تسوق والله ما يبادر في مضايقتها الا اذا حصل منها اشاره !!!!!!!!!!!!!!!!!! لا تزعلون يالبنات مب الكل فئة بسيطة منا يحب يلفت الانتباه وما تكون تقصد شي غير لفت الانتباه ... الله يهدي الكل وتقبلوا كلامي بصدر رحب (ترى هالشي موجود عندنا لحد يقول لالالالالالالالالالالالالالالالالا احنا البنات كلنا توب التوب)

:nice:

[تحداني]

امينه احمد / انا اقصد عن البنت الي ماشيه في حاااااااااااااالها في ملكوتها في طريقها في دربها ...اشكرردك وانا اقصد بعض الشباااااااااااااااب وبعض البناااااااااااااات .. الله يسعدك

الوجبه / شباب وبنات قطر على راسنه من فوق وهاذي ديرتنا مثل ماهي ديرتك ...بس احنه نتكلم عن واقع تجربه يوميه ..مافي انسان عاقل يتبلى على اعيال الناس ....انا اقصد البعض ...فلا تقول شباب قطر ..قول بعض شباب قطر ......... الله يسعدك

[الوجبه]

انتي اصلا عممتي الله يهديج .. يعني ردي من تعميمج :)

[بو الجوري]

باختصار .. شباب قطر ما عندهم هذي السوالف وشايفيين خير :)

غلطان فديت خشمك ..

يمكن اللي مثلك وشرواك مالهم هالسوالف

لكن في شباب ومب شوي .. ما يعرفون السنع ..
:anger1:
وملعوزين البنات ..

وفي بعظهم والله حتى المحترمه يتحرشون فيها ولو بقط الكلام .. :anger1: :anger1: :anger1:

وقدام عيني .. :eek5:

ولا تقول شباب قطر مالهم هالسوالف ..

قول أغلب شباب قطر مالهم هالسوالف . . بقولك اوكي ..

تقبل تعليقي :)

[تحداني]

الوجبه / أنا آسفه اني عممت وانا لا اقصد التعميم ولا اعتقد اني عممت واذا انا عممت فانت اذا تتكلم بصدق لا تعمم وهذا بو الجوري ( شهد شاهد من أهله ) ..بس للأـسف ما اعرف ليه نجمل المواقف والاشخاص ... الله يسعدك


بو الجوري / يعجبني ردك ومصداقيتك في الكلام مو لانك رجل وانا بنت ..لانك بالفعل تتكلم عن واقع موجود ونلمسه والبنات الي من هالنوعيه احنه ما انتعب نفسنه ونفتح مواضيع لهم لانهم راح يظلون على قناعتهم الين ما اتعبهم الدنيا وقتها راح يذوقون طعم الندم ... الله يسعدك

[بو الجوري]

... الله يسعدك

ويسعد الجميع .. وأولهم الوجبه ..

:)

[OutLaw]

اخوي اذا تقصد تحرش الشباب في البنات مب محصور في السيارات أو لما تسوق حتى وهي مع الدرويل ومعاها أمها أو عيالها و حتى في الاسواق والاماكن العامه الشباب ما يوقفون التحرش فيهم.


أما البنت الي تسوق وتطلع مشوار بالسياره وما عندها هدف او للضرورة فا اعتقد هذا هو الخطأ على سبيل المثال بنت تسوق ومعاها شقلة بنات تشوفها بشارع النصر رايحه وجايه لا تلوم الشباب اذا تحرشوا فيها ، أو بنت داخله وسط مسيرة ورافعه صوت المسجل وتقول أنها جايه تشارك في الفرحه فا لا تلوم الشباب لي تحرشوا فيها . لكن انا ما ابرر للشباب أفعالهم أو مأيدهم لكن اكيد ان هذا خطأ .

ولكن البنت الي في حالها ومضطره تسوق وتلاقيها تمشي على الخط اليمين وكل ساعه يتروالها الرصيف يلف عليها أنا الوم الشباب لي تحرشوا فيها أو ضايقوها .

وانا اشوف بشكل عام أن أكثر الخوات الي يسوقون أهم الي يحترمون قوانين المرور أكثر من الشباب .