هل هناك من مدراء؟

[هدوء العاصفة]

احتاج الى بعض النصايح من مدراء او حتى رؤساء اقسام على شرط ان يكونوا من ذوي الخبرة في هذا المجال .. فهل هناك اخوة مدراء بيننا؟

ارجوا المساعدة :(

[msaleh]

تفضل اذا فية شي اقدر اساعدك لن ابخل عليك

[هدوء العاصفة]

انت مدير او رئيس قسم وكم عدد الموظفين حولك

والخبرة اشكثر

انزين اخوي حبيت اعرف اسلوب تعاملك مع الموظفين بشكل عام ..

اين انت يا هذا

[msaleh]

طال عمرك نفس المواصفات الي طلبتها

[Affable Lady]

أنت اللي تحدد شلون تتعامل معاهم
بيمر عليك أشكال وأجناس ..
وكل شكل لازم تعرف هو من أي نوع والطريقة المناسبة اللي تتعامل معاه..


فيه اللي تسايره
وفيه اللي ماتعطيه وجه
وفيه اللي يحتاج تعزيز دائم
وفيه الموظف المبدع
وفيه الموظف المنفذ للأعمال فقط ..

يختلف الاسلوب باختلاف الاشخاص

ويبقى نهجك واااااااااااحد في الادارة ...

[بومحمد911]

خل ادارتك لا مركزيه

وابتعد عن المركزيه

[هدوء العاصفة]

أنت اللي تحدد شلون تتعامل معاهم
بيمر عليك أشكال وأجناس ..
وكل شكل لازم تعرف هو من أي نوع والطريقة المناسبة اللي تتعامل معاه..


فيه اللي تسايره
وفيه اللي ماتعطيه وجه
وفيه اللي يحتاج تعزيز دائم
وفيه الموظف المبدع
وفيه الموظف المنفذ للأعمال فقط ..

يختلف الاسلوب باختلاف الاشخاص

ويبقى نهجك واااااااااااحد في الادارة ...

ويبقى التطبيق هو الاصعب ..

بما انك قلت باني من يحدد طريقة التعامل .. اذا هل تتفقين معي ان الادارة فن وليست علم ؟

ام انها علم يحتوى على اسس واضحة ..


خل ادارتك لا مركزيه

وابتعد عن المركزيه

مختصر يا بومحمد .......

وماهي ال لامركزية ؟ فصل جزاك الله خيرا

[Affable Lady]

ويبقى التطبيق هو الاصعب ..

بما انك قلت باني من يحدد طريقة التعامل .. اذا هل تتفقين معي ان الادارة فن وليست علم ؟

ام انها علم يحتوى على اسس واضحة ..



الادارة علم وفن

لابد انك تقرا فيها شوي

وتقرا تجارب المدراء .. وأخطاءهم فيما يخص ادارة الأفراد بشكل خاص اذا كان هذا اللي يهمك

وابتعد عن صداقات الموظفين اللي عندك

[الجزيرة]

.... تختلف .... طبيعة العمل من مدير الى أخر ............ حدد ايش تبي بضبط ... وبتلقي الجواب
مدير المدرسه يختلف عن مدير المطعم ... يختلف عن مدير البنك... يختلف عن مدير شركة ...

اقصد كل عمل له طبيعه خاصه فيه

[هدوء العاصفة]

الادارة علم وفن

لابد انك تقرا فيها شوي

وتقرا تجارب المدراء .. وأخطاءهم فيما يخص ادارة الأفراد بشكل خاص اذا كان هذا اللي يهمك

وابتعد عن صداقات الموظفين اللي عندك

شكرا للنصيحة .. قرأت الكثير ولكن هل هناك امور معينة او كتب معينة تنصحيني بها في هذا الصدد ؟

[Affable Lady]

شكرا للنصيحة .. قرأت الكثير ولكن هل هناك امور معينة او كتب معينة تنصحيني بها في هذا الصدد ؟

مايحضرني كتاب محدد حاليا .. بحاول اعصر ذاكرتي

[حبر سري]

اخوي في النهاية الشخصية هي اللي تحكم
ولا مانع من القراءة لاكتساب هذا الفن

[هدوء العاصفة]

اخوي في النهاية الشخصية هي اللي تحكم
وا مانع من القراءة لاكتساب هذا الفن

معناها ان تعيين المدراء يكون حسب الشخصية او المؤهلات او الخبرات ؟

وهل نحكم على شخص انه مش ممكن يصير مدير لانه شخصيته لاتصلح ؟ ومن يقرر اذا كانت هذه الشخصية تصلح او لا

[بنت ذياب]

بما ان تخصصي بزنس :shy: << خفي علينا خخخ:tease:

بشرح لك شنو مركزيه centralization

لا مركزية decentralization

المركزية .. يعني انت اللي تصدر الاوامر .. تسوي كل شي

تصدر القرارات بدون ماتشاور الموظفين .. كل شي تسويه بروحك !! او مع المسؤولين

يعني صاارم مع الموظفين وجذي ..

لكن الغير مركزيه ( ويفضل تتبع هالنظام )

انك تشاور الموظفين .. تاخذ رايهم .. تشاركهم .. تتعاون معاهم علشان توصل لاهدافك..

وهالشي احسن لك .. لانهم ممكن ينبهونك على اشيا انت تكون غافل عنهاا

وتقدر تشتري كتب .. وايد في كتب بجرير.. عن مثلا : كيف تصبح مديراً ناجحااً

وهالسووالف.. وايد بتستفيد ..

والله ايوفقك اخووي ..

[فتى الجود]

أسمحلى على المداخلة
الموركزية وللا مركزية
طبعاً للا مركزية تنع للأدارة اللى علاقة بالتعامل بالجمهور

المركزية :
عبارة عن أن الشخص اللى يتخذ القرار شخص واحد

للا مركزية كل موظف لدية القدرة على أتخاذ القرار

مثال :
كيوتل قبل 10سنوات تقريباً كان نظام دفع الفواتيير بطريقة مركزية
أى أنك تلاوح للموظف وتاخذ من عنده كم علييك من فاتورة وتروح عند محاسب واحد وهو اللى يدخل لك عملية أتمام دفع الفواتير وهذه تسمى بالمركزية
اما الأن كيوتل اى موظف ممكن تروح له وتدفع فواتييرك
وهذي تسمى بالامركزية .

مثال أخر :-
الجوزات القطرية
لامركزية بالعمل
أنت تروح تقدم على تجديد الجواز وموظف يقدر وعنده الصلاحية بأجراء المعاملة
المرور لامركزية بالعمل



لكن

بالنسبة لنصيحة الأخ
يكون ببعض الأمور مركزية وبعضها لامركزية
بحسب تقديرك لها

ودايماً خل عندك بعد نظر وعلى فكرة بتلقى ناس سبحان الله يصيرون بين يوم وليلة ربعك
تحمل منهم وخل عنك نقاليين السوالف


والسموحة على الأطالة

[حبر سري]

معناها ان تعيين المدراء يكون حسب الشخصية او المؤهلات او الخبرات ؟

وهل نحكم على شخص انه مش ممكن يصير مدير لانه شخصيته لاتصلح ؟ ومن يقرر اذا كانت هذه الشخصية تصلح او لا

شوف اخوي
راح اجاوب سؤالك الثاني وبعده الاول

عن نفسي ممكن احكم على شخص انه مش ممكن يصير مدير , بحكم شخصيته

في ناس الواحد لما يتعامل معاهم , يحس ان شخصياتهم ضعيفة شوي , او لا يملكون انه يامرون وينهون , او انهم يوجهون الموظفين , فتلاقي الموظف اللي تحتهم يعرف هالشي , فلو قالوا له كلام ماراح يسمعه او يطبقه بالشكل المطلوب , والمشكلة ان بعض المدراء مايقدرون (او بعضهم يخافون او يتجنبون ) الدخول في مناقشة مع موظفيهم اذا الموظف غلط!!

مدير يخاف!!!

او تلاقي المدير مثلا من النوع اللي يتأخر دايما حتى لو شوي او مايعرف اسلوب ادارة العمل , او ماعنده سلطة اتخاذ القرار ,

طيب من اللي يحكم على هالشي؟؟

المفروض الادارة العليا في جهة العمل هي اللي تحكم , لكن ( وهاذي اجابة السؤال الاول ) هناك من يعتمد على المؤهلات فقط , وهالشي نظريا ممكن يكون صح , لكن عمليا يعتمد على الشخصية مثل ماقلت لك

وهاذي وجهة نظر شخصية اخوي

[Affable Lady]

معناها ان تعيين المدراء يكون حسب الشخصية او المؤهلات او الخبرات ؟

وهل نحكم على شخص انه مش ممكن يصير مدير لانه شخصيته لاتصلح ؟ ومن يقرر اذا كانت هذه الشخصية تصلح او لا



السؤال مش موجه لي بس ابي اقول

بغض النظر .. من اللي يحدد يكون هذا مدير وذاك رئيس قسم

اذا كنت انت المعني بالموضوع والادارة

لازم تكون قد الثقة اللي عطوها لك ..فالمسألة أكون أو لاأكون

فلابد إنك تكوووووون غصبن عن اللي موب راضي دامك مسكت.

ان كانت عندك مؤهلات وماعندك مهارات .. أو أي جانب أقل من جانب آخر

ممكن بالقراءة والتعلم والتطوير المستمر تسد هذي النواقص .. وهكذا ..

ومعهد التنمية الإدارية يطرحون دورات ممتازة للمدراء والمسؤولين ..

وبتقابل هناك مدراء .. النقاش معاهم مفيد ومثمر

ولو عندك اي مشكلة .. ممكن تاخذ استشارة منهم مجانية وممكن بالتليفون.


وبالتوفيق إن شاءالله :)

[حبر سري]

السؤال مش موجه لي بس ابي اقول

بغض النظر .. من اللي يحدد يكون هذا مدير وذاك رئيس قسم

اذا كنت انت المعني بالموضوع والادارة

لازم تكون قد الثقة اللي عطوها لك ..فالمسألة أكون أو لاأكون

فلابد إنك تكوووووون غصبن عن اللي موب راضي دامك مسكت.

ان كانت عندك مؤهلات وماعندك مهارات .. أو أي جانب أقل من جانب آخر

ممكن بالقراءة والتعلم والتطوير المستمر تسد هذي النواقص .. وهكذا ..

ومعهد التنمية الإدارية يطرحون دورات ممتازة للمدراء والمسؤولين ..

وبتقابل هناك مدراء .. النقاش معاهم مفيد ومثمر

ولو عندك اي مشكلة .. ممكن تاخذ استشارة منهم مجانية وممكن بالتليفون.


وبالتوفيق إن شاءالله :)


وأزيد على كلام الاخت ان في كتب اخوي تنباع في مكتبة جرير وغيرها عن طرق واساليب الادارة

مهب عيب الواحد يقرا ويتعلم , وباذن الله اكيد راح تستفيد

لكن لاتنسى ان الشخصية في النهاية تحكم

[ابوسعود]

السلام عليكم ورحمة الله

عمل المدير له شقين

شق نفسي وشق فني

اما النفسي فهو اسلوب المدير لمن هم اقل منه او تحت ادارته وكذلك المراجعين
لمنهم يحتاجون لخدمات هذه الاداره

اما الشق الثاني وهو الفني والاداري حيث يجب على المدير ان يكون اولاااااا
مطلع على جميع القوانين والصلاحيات التي يملكها هذا المدير والتي سوف
يسير امور الاداره بنجاح وحتى لاتكون ممسك على ادارته
من صفات المدير الناجح الحزم في الامور المخالفه مثل الفساد وغيره
ومن صفات المدير الناجح المرونه في تبسيط الاجراءات
وكذلك من صفات المدير الناجح استخدام التجهيزات الحديثه في الاداره
ومن اهم اهم اهم الصفات
المتـــــــــــــــــــــــــابعه
فاذا اصدر المدير اوامر ولم يتابع تنفيذ هذه الاوامر فماهي الفائده
لذلك عليه متابعه الاوامر التي يصدرها في صدد الاداره
وكذلك متابعة العمل وشوون الاداره

وبالتوفيق لك وللجميع

[Ali Mohammed]

احتاج الى بعض النصايح من مدراء او حتى رؤساء اقسام على شرط ان يكونوا من ذوي الخبرة في هذا المجال .. فهل هناك اخوة مدراء بيننا؟

ارجوا المساعدة :(

اخوي قبل كل شي لازم تكون عندك القيادة ، لانك سوف تتعامل مع أشكال مختلفة ، ولازم تتعامل مع الكل .

فريق العمل الي يعمل معاك هو سلاحك وسندك ، اذا خسرته بتخسر مكانك وكرسيك ، قوته من قوتك وقوتك من قوتهم ، حاول تكون قريب منهم ودافع عنهم وساعدهم .

لازم تكون عندك ثقة في نفسك ولا تنهزم ، وكم مهزوم في معركة انتصر في نهاية الحرب .

بعض المواقف تحتاج الى مرونه وبعض المواقف تحتاج لصلابه ، حاول اتحلل المواقف حتى تستطيع اجتياز المواقف الصعبة .

وانا في الخدمة لاي استفسار .

[Revamp]

أنت اللي تحدد شلون تتعامل معاهم
بيمر عليك أشكال وأجناس ..
وكل شكل لازم تعرف هو من أي نوع والطريقة المناسبة اللي تتعامل معاه..


فيه اللي تسايره
وفيه اللي ماتعطيه وجه
وفيه اللي يحتاج تعزيز دائم
وفيه الموظف المبدع
وفيه الموظف المنفذ للأعمال فقط ..

يختلف الاسلوب باختلاف الاشخاص

ويبقى نهجك واااااااااااحد في الادارة ...

اسمحلي مهما يكون الشخص الي حواليك يجب عدم تطبيق هاذي الاستراتيجيه.....
ويجب عليك انك ما تفضل حد علي حد في الدين....اقصد اذا عندك شخص غير مسلم وانت تشوفه ينتج ومخلص في عمله لازم تكون معاه وتساعده علي تطوير نفسه....وعليك بعدم اتخاذ القرارات السلبيه كتباته....اقصد حاول تحلها شفهيا.....واحسن شي انك تلتزم الصمت ولا تتكلم كثييير وانشاءالله الخبره راح اتجي مع الوقت

[هدوء العاصفة]

اخوي قبل كل شي لازم تكون عندك القيادة ، لانك سوف تتعامل مع أشكال مختلفة ، ولازم تتعامل مع الكل .

فريق العمل الي يعمل معاك هو سلاحك وسندك ، اذا خسرته بتخسر مكانك وكرسيك ، قوته من قوتك وقوتك من قوتهم ، حاول تكون قريب منهم ودافع عنهم وساعدهم .

لازم تكون عندك ثقة في نفسك ولا تنهزم ، وكم مهزوم في معركة انتصر في نهاية الحرب .

بعض المواقف تحتاج الى مرونه وبعض المواقف تحتاج لصلابه ، حاول اتحلل المواقف حتى تستطيع اجتياز المواقف الصعبة .

وانا في الخدمة لاي استفسار .


مشكور اخوي على الرد المبدع :shy: اخوي وين احصل دورات حق المدراء ورؤساء الاقسام الجدد

[هدوء العاصفة]

اسمحلي مهما يكون الشخص الي حواليك يجب عدم تطبيق هاذي الاستراتيجيه.....
ويجب عليك انك ما تفضل حد علي حد في الدين....اقصد اذا عندك شخص غير مسلم وانت تشوفه ينتج ومخلص في عمله لازم تكون معاه وتساعده علي تطوير نفسه....وعليك بعدم اتخاذ القرارات السلبيه كتباته....اقصد حاول تحلها شفهيا.....واحسن شي انك تلتزم الصمت ولا تتكلم كثييير وانشاءالله الخبره راح اتجي مع الوقت

اشلون يعني ماتخذ القرارات السلبية كتابة واحلها شفهيا؟ وهل كلامك عن خبرة ومعلومة اكيدة ولا بس راي ؟؟

وشلون اصمت ولا اتكلم كثير :rolleyes2:

وشلون الخبرة بتجي مع الوقت يعني اصمت اصمت والخبرة بتجيني ؟؟

وانه اقول بهالطريقة بيطير المنصب والخبرة مابتجيييي

[دون سيرفانتس]

مشكور اخوي على الرد المبدع :shy: اخوي وين احصل دورات حق المدراء ورؤساء الاقسام الجدد


معهد التنمية الادارية به دورات للوظائف الاشرافية و دورات للقيادات العليا
والترشيح يكون عن طريق الوزراة التي ينتمي اليها الموظف

[Revamp]

اشلون يعني ماتخذ القرارات السلبية كتابة واحلها شفهيا؟ وهل كلامك عن خبرة ومعلومة اكيدة ولا بس راي ؟؟

وشلون اصمت ولا اتكلم كثير :rolleyes2:

وشلون الخبرة بتجي مع الوقت يعني اصمت اصمت والخبرة بتجيني ؟؟

وانه اقول بهالطريقة بيطير المنصب والخبرة مابتجيييي

الصمت في الامور الي ما تعرفها يكون الصمت احسن....واذا انك تحس شي جديد بالنسبه لك حاول انك تستفيد با الاستماع بدل المشاركه في شي غيرك عندهم باع طوييل....يعني لا تحط في بالك انك مدير جديد او رئيس جديد وتقعد تجادل في امور انت اول مره تسمعها....
والقصد انك تحاول تحل الامور السلبيه شفهيا....لانك كمدير او رئيس يستحسن تحاشي كتابه المذكرات والرسائل السلبيه.....لانها راح تكون محسوبه عليك في المستقبل.......والله يوفقك

[الجني]

أخوي يوجد كتاب صغير دمة خفيف

One Minute Manager

و اعتقد انه ترجم الى العربية وقد تجده في جرير

اذا كنت مدير جديد اسمع الآتي

- تعامل مع الجميع على انهم ابنائك
- من تواضع لله رفعه
- اعط الأولوية للقطريين و لا تميز في المعاملة
- لا تجعل مكتبك مجلس
- اذا لا تعلم اين انت ذاهب فجميع الطرق صحيحة (حدد رؤيتك و مهمتك لتصل الى اهدافك)
- قوي بنية العمل التحتية (اكبر مشاكلنا بسبب ضعف البنية التحتية)
- طبق مبدأ الإدارة بالقدوة (لا تمنع التدخين و انت تدخن في مكتبك)
- ابتعد عن ادارة التفاصيل Micro Management و اجعلها مهمة موظفيك و حاسبهم على النتائج.
- اسمع اكثر مما تتكلم و لا توظف من يتكلم اكثر مما يسمع

الله يوفقك ان شاء الله

[هدوء العاصفة]

عجبتني نصايحك يالجني

صج انك جني مب هين هل من الممكن التواصل؟

[هدوء العاصفة]

أخوي يوجد كتاب صغير دمة خفيف

One Minute Manager

و اعتقد انه ترجم الى العربية وقد تجده في جرير

اذا كنت مدير جديد اسمع الآتي

- تعامل مع الجميع على انهم ابنائك

هذا اطبقه فعلا حاليا

- من تواضع لله رفعه

الحمدلله متواضع سابقا وحاليا

- اعط الأولوية للقطريين و لا تميز في المعاملة

موجود باذن الله تعالى

- لا تجعل مكتبك مجلس

خبرك زملاء العمل يدخلون ويسولفون مانقدر نشد على طول

- اذا لا تعلم اين انت ذاهب فجميع الطرق صحيحة (حدد رؤيتك و مهمتك لتصل الى اهدافك)

جملة بسيطة تحتاج الى تطبيق وخطة صحيحة
- قوي بنية العمل التحتية (اكبر مشاكلنا بسبب ضعف البنية التحتية)

كيف ؟
- طبق مبدأ الإدارة بالقدوة (لا تمنع التدخين و انت تدخن في مكتبك)

انفق معك وبدأت في التطبيق

- ابتعد عن ادارة التفاصيل Micro Management و اجعلها مهمة موظفيك و حاسبهم على النتائج.

كيف هل لنا بشرح اكبر؟
- اسمع اكثر مما تتكلم و لا توظف من يتكلم اكثر مما يسمع

صعبة خبرك نحب الكلام احنا يالشعوب العربية

الله يوفقك ان شاء الله

جزاك الله خير




:nice:

[غير البشر]

السلام عليكم

هلا اخوي داش عرض

انا عندي بكالوريوس اداره

وشهاده احترافيه في الاداراه

ودورات في القياده والاتصال وفرق العمل والاتيكيت واشياء ثانيه

وكنت تقريبا رئيس قسم

وتحتي 21 موظف وموظفه

بلنسبه لاستفساراتك

انا كانت سياستي اعطي حوافز للموظف الي ينتج بلي اقدر عليه

كنت مابخل عليهم با الاجازات ولا الاستأذان

انا كان يهمني الانتاجيه اكثر من الدوام ولكن مو معناه

ان الشخص يخلص شغله ويروح البيت لكن اذا عنده شغله ماوقف في طريقه

فقط يعطيني خبر

ثانيا حدد كل موظف شغلته بالظبط حتى لاتختلط وظايفهم مع بعض

وبعدين اذا في اي مشكله الكل بيخلي مسؤوليته ويقطها على الثاني

وفي اشياء واايد اي تبيه انا حاظر

بالنسبه للكتب عندك كتب قديمه في اداره الوقت

وعندك علماء الاداره مثل التون مايو

وهنري فايول اقراء عنهم

وفي كتاب اسمه اساسيات الاداراه

وعندك بعد واحد اسمه فردريك تايلور

[هدوء العاصفة]

تسلم اخووووووي جزاك الله خير

[الوعد2016]

ممكن اعرف في اي قطاع تعمل
القطاع العسكري له نمط والمدني له نمط والخاص له نمط

[المهلهل]

لازم تكون عندك قناعة داخلية انك انت والموظفين الي معاك في خدمة الجمهور او القطاع الي أنت شغال فيه
يعني الموظفين الي معاك ما يشتغلون عندك يشتغلون معاك بس انت مسؤلهم
______________________________________________

حبب الموظفين فيك يخدمونك بعيونهم ويشيلونك وقت الأزمات
حتى اذا رفضت لهم طلب خليك مبتسم واشرح السبب
لا تاخذ قرار ونت معصب اجله ليوم ثاني
عط الموظفين الثقة لاتكون المراقبة زايدة عن اللزوم
لا تساوي بين الي يشتغل والي ما يشتغل خاصة في الطلبات ( كلكم راعي .....)
لا تحبط معنويات الموظف حاول دايمن تحفزة
الموظف الكسول حاول انك تنصحه أكثر من مره تقرصه تضغط عليه لا تقرب رزقه
الاوامر الصادرة منك او الواردة لك خلها كتابيا ( نصيحة احذر من الاوامر الشفويه )
اتبع سياسة الباب المفتوح لاتخلي السكرتيرة او السكرتير بينك وبين الموظفين
جو العمل يكون فيه مرح شوي ما يكون ممل
بين هذا كلة لازم تحفظ هيبتك واحترامك كامسؤول ولا ماتقدر تسيطر على الموظفين
من الخبرة وبعيد عن الدورات
على قولت هيكل تجربة حياة
انا اتكلم عن علاقتك بالموظفين فقط لا بلجمهور

انا رحت دورة _ المهارات القيادية والسلوكية للقيادة الوسطى _
الابداع الخليجي للتدريب والاستشارات – رئيسها الداعية المعروف طارق سويدان
عندي الدورة على باور بونت في سيدي اذا ودك انسخة لك

[هدوء العاصفة]

لازم تكون عندك قناعة داخلية انك انت والموظفين الي معاك في خدمة الجمهور او القطاع الي أنت شغال فيه
يعني الموظفين الي معاك ما يشتغلون عندك يشتغلون معاك بس انت مسؤلهم
______________________________________________

حبب الموظفين فيك يخدمونك بعيونهم ويشيلونك وقت الأزمات
حتى اذا رفضت لهم طلب خليك مبتسم واشرح السبب
لا تاخذ قرار ونت معصب اجله ليوم ثاني
عط الموظفين الثقة لاتكون المراقبة زايدة عن اللزوم
لا تساوي بين الي يشتغل والي ما يشتغل خاصة في الطلبات ( كلكم راعي .....)
لا تحبط معنويات الموظف حاول دايمن تحفزة
الموظف الكسول حاول انك تنصحه أكثر من مره تقرصه تضغط عليه لا تقرب رزقه
الاوامر الصادرة منك او الواردة لك خلها كتابيا ( نصيحة احذر من الاوامر الشفويه )
اتبع سياسة الباب المفتوح لاتخلي السكرتيرة او السكرتير بينك وبين الموظفين
جو العمل يكون فيه مرح شوي ما يكون ممل
بين هذا كلة لازم تحفظ هيبتك واحترامك كامسؤول ولا ماتقدر تسيطر على الموظفين
من الخبرة وبعيد عن الدورات
على قولت هيكل تجربة حياة
انا اتكلم عن علاقتك بالموظفين فقط لا بلجمهور

انا رحت دورة _ المهارات القيادية والسلوكية للقيادة الوسطى _
الابداع الخليجي للتدريب والاستشارات – رئيسها الداعية المعروف طارق سويدان
عندي الدورة على باور بونت في سيدي اذا ودك انسخة لك


نصائح قيمة تكتب بماء الذهب .. ياريت اخوي تعطيني الدورة مالت سويدان :)

[المهلهل]

.. ياريت اخوي تعطيني الدورة مالت سويدان :)
اسمحلي الشيخ مشفت الا الحين
ياريت ايميلك على الخاص