المساعد الشخصي الرقمي

مشاهدة النسخة كاملة : ღ هل تعرف تتصرف لو كنت مكان هالشخص والا لااا ...!!


بنت المنتدى
30-01-2009, 03:46 PM
http://farm3.static.flickr.com/2145/2111266078_09e44c5878.jpg



تمر علي مواقف في بعض الاحيان وانا مع وحده من صديقاتي ..

يرن تلفونها ..

ترد على الاتصال ..


صديقتي .. ألوو .. هلااا والله .. شخبارج .. طيبه ان شاءالله ......

المتصله : بخير الله يسلمج ...!!

صديقتي .. شفيج ...!!!!!
وشفيه صوتج عسى ماشر حبيبتي ....!!



المتصله : مادريتي وش صار فيني انا متضايقه و قلبي محترق و .. و ... و << تتكلم بحرقة قلب و ودها احد يهون عليها .....

و

صديقتي .. (( يطول الصمت بدون اي شي غير الوجه يتغير واحسها تبي تتكلم بس يخونها التعبير ...! ))




http://i191.photobucket.com/albums/z274/bleach-24/Sfarjal15.gif?t=1184796673



وفي بعض الاحيان اشوف صديقتي على طول تقولها وينج انا الحين لازم اشوفج وتروح لها وتخليها تطلع اللي بقلبها وتمشيها شوي عشان تغير جو وبعدين تنزلها وهي احسن من الحال اللي كانت فيه ...









سؤالي لكم اليوم


هل مر عليكم مثل هالموقف ان احد يتصل ويبكي ويشتكي لك وانت تتوهق ولا تعرف وشلون تهون عليه ويخونك التعبير !!
وكل اللي تسويه انك تسمع وانت ساكت :( ...

والا تشوف نفسك عكس ذلك .. وتهون عليه وتسكته و تتناقش معاه لي توصل لحل يرضي جميع الاطراف .. وماتسكر منه الا وهو يضحك وانت متأكد انك اخذت ما في خاطره ..!!



مثلاً انا ..
في مره من المرات آنا اتصلت لوحده قريبه جداً لقلبي وكنت متضايقه جداً واشتكيت لها .. وظلت ساكته وانا ادري بها انها من النوع ماتعرف تتكلم مسكينه في مثل هالمواقف .. بس لما سكرت جاني مسج ومن جد هالمسج وسع خاطررررري لدرجه ما تتخيلونها وعرفت ان السكوت في بعض الاحيان ما يعني ان هذا الشخص مب حاس لانه مب راعي الموضوع .. المسج يقول ..


دعاء المظلوم
بسم الله الرحمن الرحيم بسم الله خير الأسماء,بسم الله الذي لايضرمع إسمه أذى,بسم الله الكافي,بسم الله المعافي,بسم الله الذي لايضرمع إسمه شيء في الأرض ولافي السماءوهوالسميع العليم.بسم الله على نفسي وديني بسم الله على أهلي ومالي بسم الله على كل شيء أعطانيه ربي الله أكبرالله أكبرالله أكبرأعوذ بالله مما أخاف وأحذر.الله ربي ولاأشرك به شيئا عزجارك وجل ثناؤك وتقدست أسماؤك ولاإله غيرك اللهم إني أعوذ بك من شركل جبارعنيدوشيطان مريدومن شر قضاء السوء ومن شر كل دابة أنت آخذ بناصيتها إن ربي على صراط مستقيم :):):)






اتمنى يكون موضوع اليوم خفيف عليكم

وانتظر مشاركتكم يا حلوين :):victory::)
بوعلي2
30-01-2009, 03:53 PM
بصراحه ان واحد اتصل لي ويبكي ماصارت معاي لكن في ناس متضايقه تتصل لي واهون عليها او ان نتواعد ويفضفض الي بقلبه وينزل وهو مرتاح بس موضوع جدا جميل شكرا لج بنت المنتدى على مثل هذا الموضوع وعسى الله لايحرمنا من جديدج

تقبلي شكري
بدوي
30-01-2009, 03:59 PM
أحييج على الموضوع الشيق :nice:


مادري من وين تحفرون وتنبشون لين إطلعون هالمواضيع :con2:


المهم بتكلم عن نفسي

انا واعوذ بالله من كلمة انا .. وقت الضيق ولما احس الدنيا بكبرها ضاقت علي

واحس بشي جاثم على صدري مالي الا صديق واحد فقط ( بعد الله ) اللي ممكن أفضفض له

وهذا مب أي صديق مع وجود الكثير مع كامل إحترامي لهم ولكن هذا الأقرب

وصديق عمر ( طفولة ودراسة بكل مراحلها ) يعني عشرة عمر ولله الحمد حتى بعد ماتزوجنا :shy:

وهو كذلك نفس الشي :victory:

يعني كل ما اتضايق :telephone: بو فلاااان وينك ؟؟ أروح له ويركب وياي السيارة

وخذ سوالف ( فضفض ) على الأقل أرجع البيت وانا مخفف شوي ومرتاح من الكلام اللي مكبوت داخل الصدر

والله يبعد عنج الهم

:)
مافيا قطر
30-01-2009, 04:01 PM
عن نفسى مره واحد اتصلى وقالى انا مضايق قالى السالفه قلته صلى ركعتين وادعى ربك واقراء سوره البقره ارتاح على طول
بنت المنتدى
30-01-2009, 04:06 PM
بصراحه ان واحد اتصل لي ويبكي ماصارت معاي لكن في ناس متضايقه تتصل لي واهون عليها او ان نتواعد ويفضفض الي بقلبه وينزل وهو مرتاح بس موضوع جدا جميل شكرا لج بنت المنتدى على مثل هذا الموضوع وعسى الله لايحرمنا من جديدج

تقبلي شكري




ما شاءالله عليك ..

احب ان صديقتي تتصل فيني في وقت ضيقها اكثر من فرحها .. لأن هذا معناه انها من جد توثق فيني والثقه هالايام صارت شبه معدومه للاسف ..



كل الشكرلك على مرورك الطيب

لاهنت يالشيخ
ورقــة أمــل
30-01-2009, 04:07 PM
بااااال ماحب هالمواقف

المشكله وايد اتعرض لها حتى من ناس ماعرفهم مادري شكلي يوحي اني اخصائية اجتماعيه ولا مادري شسالفه :rolleyes2:

احيانا احاول قد ماقدر اهوون على الشخص اللي يفضفض لي واحسسه انه معاه حق اذا هو صج له حق واشوف له حل لمشكلته واضحك معاه او اشوف اي شي هو يحبه و ينسيه الموضوع واحيانا لا ماقدر الا اني اسمع وانا ساكتة

بس احيانا تجيني وحده تفضفض لي وتشتكي لي وهي الغلطانة عاد شوووي واطيح ببطنها :rolleyes2: وبدال ما تشتكي لي تروح تشتكي علي عند حد ثاني خخخخخ :tease:
بنت المنتدى
30-01-2009, 04:09 PM
أحييج على الموضوع الشيق :nice:


مادري من وين تحفرون وتنبشون لين إطلعون هالمواضيع :con2:


المهم بتكلم عن نفسي

انا واعوذ بالله من كلمة انا .. وقت الضيق ولما احس الدنيا بكبرها ضاقت علي

واحس بشي جاثم على صدري مالي الا صديق واحد فقط ( بعد الله ) اللي ممكن أفضفض له

وهذا مب أي صديق مع وجود الكثير مع كامل إحترامي لهم ولكن هذا الأقرب

وصديق عمر ( طفولة ودراسة بكل مراحلها ) يعني عشرة عمر ولله الحمد حتى بعد ماتزوجنا :shy:

وهو كذلك نفس الشي :victory:

يعني كل ما اتضايق :telephone: بو فلاااان وينك ؟؟ أروح له ويركب وياي السيارة

وخذ سوالف ( فضفض ) على الأقل أرجع البيت وانا مخفف شوي ومرتاح من الكلام اللي مكبوت داخل الصدر

والله يبعد عنج الهم

:)






هههههههههههههههه

ضحكتني على هالجمله >


مادري من وين تحفرون وتنبشون لين إطلعون هالمواضيع :con2:

طبعاً من الواقع .. لأني احب اطرح المواضيع المميزه :) بالعربي ما احب التكرار :victory:




والله يحفظ لك صديقك من كل شر ويخليه يارب

والف شكرلك على مرورك اللي يسعدني دوم يا اخوي بدوي :):):)
بنت المنتدى
30-01-2009, 04:11 PM
عن نفسى مره واحد اتصلى وقالى انا مضايق قالى السالفه قلته صلى ركعتين وادعى ربك واقراء سوره البقره ارتاح على طول



تدري وش المشكله يا اخوي
ان بعض الناس لما تذكرهم بالصلاه والقران يحسبونك مطوع !! .. وانت ما قلت له اذكر ربك الا من غلاه ولانك انسان نفسه مابيدك حيله ...

وسوره البقره من جد تشرح الصدر وتوسع الخاطررررر

الف شكرلك يا الشيخ ع مرورك

منور
ناصر العمادي
30-01-2009, 04:16 PM
أقول بنت المنتدى من هذول المربوشين اللي في توقيعك ...<< أنا شاك فيهم بس حبيت أتأكد منك قبل لأتهمهم زورا وبهتانا ...:nice::nice:

لي عوده للموضوع لما المزاج يكون اوكي للتركيز ..:weeping::weeping:
بدوي
30-01-2009, 04:25 PM
أقول بنت المنتدى من هذول المربوشين اللي في توقيعك ...<< أنا شاك فيهم بس حبيت أتأكد منك قبل لأتهمهم زورا وبهتانا ...:nice::nice:
:weeping:


النصري


خلك جاهز .. باخذ عنوان الشله اللي يروسون من ( بنت المنتدى )

وبرتب وياهم .. يبيلهم جلسه هالثلاثي :victory:

ماتدري !!

يمكن بعد هالدق أفضفض لك اللي قلبي كله

:weeping:
بنت المنتدى
30-01-2009, 04:27 PM
بااااال ماحب هالمواقف

المشكله وايد اتعرض لها حتى من ناس ماعرفهم مادري شكلي يوحي اني اخصائية اجتماعيه ولا مادري شسالفه :rolleyes2:

احيانا احاول قد ماقدر اهوون على الشخص اللي يفضفض لي واحسسه انه معاه حق اذا هو صج له حق واشوف له حل لمشكلته واضحك معاه او اشوف اي شي هو يحبه و ينسيه الموضوع واحيانا لا ماقدر الا اني اسمع وانا ساكتة

بس احيانا تجيني وحده تفضفض لي وتشتكي لي وهي الغلطانة عاد شوووي واطيح ببطنها :rolleyes2: وبدال ما تشتكي لي تروح تشتكي علي عند حد ثاني خخخخخ :tease:





ههههههههههههههههههههههههههههههههههه
ههههههههههههههههههههههههههههههههههه
ههههههههههههههههههههههههههههههههههه


مت من الضحك الله يغربل عدوج هههههههههههههههههههههههههه


ميرسي خالص خالص ع هالمرور اللذيذ :eek5:
مالي ومال الناس
30-01-2009, 04:28 PM
موضوع ذكرتيني فيه :weeping:

قبل شهرين تقريباً رفيجي في الدوام وبينا معزة قوية اشوف رقمه الساعه 1 من الليل وعادتي ماارد اذا الوقت متأخر لكن استغربت اتصال هالشخص بالذات واول مارديت قال شلونك ان شاءالله بخير ؟ قلت طيب ابشرك انت شخبارك ؟ قال اخباري .. والله يافلان :weeping: :weeping: قعد يبكي على التلفون :weeping: على طول والله وبدون مادري شسالفة قلت له وين مكانك ؟ مارد يافلان وين مكانك ؟ قال صوب الكورنيش واروح له على طول داعس حددي .. واول ماوصلت الا هو على نفس الصيحة في موتره واركب وياه واهديه .. والسبب واحد من اعز ربعه يمكن اغلى من اخوه متوفي :weeping: الله يرحمه ويسكنه الجنه .. لكن هالموقف صج صج خلاني فترة وانا مفهي من الحزن :weeping:


موقف ثاني مادري شفيهم ربعي علي :weeping:

قبل كم 9 سنوات تقريبا اخوي يناديني في البيت قلت له هلا ؟ قال رفيجك فلان عند الباب يبيك .. طلعت وحصلته عادته يبتسم اذا شافني .. لكن هالمره لا .. قلت بل اكيد زعلان علي .. قربت اسلم عليه خد .. ويحضني يصيح :weeping: :weeping: .. انصدمت والله :weeping:
خير شسالفة ؟ شسالفة ؟ قولي شفيك ؟ ويصيييح :weeping: ..قال ابوي واهلي مسوين حادث في السعودية ومادري شصار فيهم :weeping: (كنا اول ثانوي) .. مت من الحزن من الموقف :weeping: قلت له مافيهم الا الخير ان شاءالله وماتفارقنا ذاك اليوم لين نمنا :weeping:



مشكورة على الموضوع .. ذكرتيني بهالمواقف :weeping:
بنت المنتدى
30-01-2009, 04:28 PM
أقول بنت المنتدى من هذول المربوشين اللي في توقيعك ...<< أنا شاك فيهم بس حبيت أتأكد منك قبل لأتهمهم زورا وبهتانا ...:nice::nice:

لي عوده للموضوع لما المزاج يكون اوكي للتركيز ..:weeping::weeping:



هههههههههههههههههههه

قلت لك مايبغي لها تفكير هاي >


سدمد & بوحارب & شاهينوه :eek5:
بنت المنتدى
30-01-2009, 04:30 PM
النصري


خلك جاهز .. باخذ عنوان الشله اللي يروسون من ( بنت المنتدى )

وبرتب وياهم .. يبيلهم جلسه هالثلاثي :victory:

ماتدري !!

يمكن بعد هالدق أفضفض لك اللي قلبي كله

:weeping:




هههههههههههههههههههههههههه

اللي في الصوره .. سدمد اللي ع اليسار اللي مشتط حده واللي في الوسط شاهينوه واللي ع اليمين بوحارب :tease::tease::tease:
حبر سري
30-01-2009, 04:46 PM
يعطيج العافية يابنت المنتدى

مادري ليش ارتاح اذا حد اشتكى لي , مادري من شاف مصايب الناس هانت عليه بلواه؟؟!!!

المهم ان صارت لي اكثر من مرة , والحمد لله كل مرة اعرف اتصرف فيها , ومااحب اني اخلي حد اشتكى لي على نفس حاله لما يتصل لي , لاني وقتها احس اني مااستاهل اتصاله

عاد بالنسبة للمواقف خليها في القلب , والله يستر على الجميع

تسلمين يابنت المنتدى عالموضوع
فيزيائية
30-01-2009, 05:00 PM
أأأأأأأأأأأأأأأأأأأأأأأأأأأأأأأه
مرات كثيرة كنت في هالموقف
وانا عارفة ان المتصل يبي حد يسمعه
ويبي حد يشور عليه
واحيانا اصوات ما اسمعها من سنين
بس لين اتصلت اعرف ليش
تحن لأم نونية الي ما ترد اتصال
لحبايب محتاجين لها
تسمعهم
او تشور عليهم
وتريحهم :shy:














جني مدحت عمري ؟؟؟:nice:
حبر سري
30-01-2009, 05:03 PM
جني مدحت عمري ؟؟؟:nice:

ممدحتيش خالص يافندم:nice:
قطريه ماركه
30-01-2009, 09:56 PM
خخخخخخخ وااااااايد مشتطين اللي في توقيعج .. شكلهم يغنون مليان قلبي مليان *__^


بالنسبه للموضوع .. انا عندي وحده ما تتصل الا لالالالالالالالازم تقولي بلاويها ومشاكلها ومصايبها :secret:

يعني أول ما تتصل اتجهز لسمااااع المشاكل والمغثات :rolleyes2:

مب حلوو الواحد ما يتصل الا حق الشكااااااوي ..

حلو الواحد يتصل ويسأل وبس :telephone:

ومابي ارااااقب الناس عشان ما تموت :eek5:
ALRAYYAN
30-01-2009, 10:10 PM
بصراحه انا اتصرف تصرف يمكن يكون غريب في هالحاله
واندم عليه والمشكله اني كل ماطيح في هالموقف اكرره ولين اليوم :(

اذا اتصل فيني حد يصيح .. أسأله شفيك
ولو مارد او قاعد ياخذ نفس مثلا وطول ماتكلم اقعد اصارخ عليه :anger1:

والله دايماً اصارخ في هالحالات .. ليش مادري !!

انا عندي شخص يعز علي لكن اتشائم من اتصاله .. لأن اكثرها مغثات .. وودي اخزن رقمه عندي بأسم (الله يستر)

بس أخاف يدري ويزعل :shy:

موضوع مميز كالعاده .. يعطيج العافيه
صمت القلوب
30-01-2009, 10:20 PM
اولا : موضوعج حلووو مثل كل مره ...
ثانيا: انا مريت بمشكله نوعا ما سببت لي ضيقه شديده ...من صديقات .... وكنت مااعرف لمن اتكلم ...
ونفسي افضفض ... او نفسي احد يساعدني ويطلعني من الدوامه اللي كنت فيها ...المهم اتصلت في واحده من اعز ربعي ... وكلمتها وقلبي محترق (والله مظلوومه من قلب) وكنت اصيح 3 ايام ومااقدر انام ....المهم شكيت لها .... واللللله انها كانت العوووون ... ماتتخيلين اشلون غيرتني في ساعه ونص... اعطتني كلااام ... خلتني اقوى .... وخلتني اعيد التفكييييير .... وخلتني مبسوطه .... والله من كلامها خلتني في موقف المنتصره مو المهزومه .... الله يحفظها ويخليها لاهلها ... والله ماانسى لها هالمعروف ....

وهم بعد نفس موقفج حصل معاي .... شكيت لواحده من رربعي .... من مشكله ... فحسيتها مو متجاوبه معاي ... او موقادره تعبر ...بس لما رحت المحاظره .... وطبعا طوول المحاظره مشتته .... طرشت لي مسج ... رووووعه ... ورفع معنوياتي ....

هذولا صديقات مخلصات ... والله يخلينا لبعض ...
موضوعج روووووعه ...
والسموووحه عالاطاله ...
ناصر العمادي
30-01-2009, 10:32 PM
النصري


خلك جاهز .. باخذ عنوان الشله اللي يروسون من ( بنت المنتدى )

وبرتب وياهم .. يبيلهم جلسه هالثلاثي :victory:

ماتدري !!

يمكن بعد هالدق أفضفض لك اللي قلبي كله

:weeping:

تعال فضفض يابعد جبدي أنت ..كلي أذان صاغيه ...:tease::tease::tease:

أنا ..وأعوذ بالله من كلمة أنا .. عشرين سنه خدمه في الطب النفساني ..:eek5:
شاهيناز
30-01-2009, 10:37 PM
كثير امر بها المواقف ,,, دوم يجوني المكتب ولا يتصلون فيني صديقاتي وقريباتي يشتكون ,, هم مايبون انا نوقف معاهم كثر مايبون حد يسمعهم,,, مره رحت محل في الستي شفت وحده عربيه اول مره اشوفها كانت تبيع في المحل تمت تشتكي لي,, والله استغربت قلت شلون عرفت ان الكثريين يشتكون لي ويقلون مشاكلهم ,,, وبعد هي كانت مثل كل الي يشتكون لي,,, يبون بس حد يسمعهم ,,,, لكن من تجربتي اجد ان الدعم للي يشكون لك انك ماتعطينهم نصايح مباشره الاستماع وثم تقدمين لهم اقتراحات لحل مشاكلهم مثل تسئلينهم وش الي تبونه ,, وبعدين هي بتقولك وش تبي,, وقتها تقدمين الاقتراحات حسب الي هي قالته ,,

والله يبعد الضيقه والمشاكل عن الجميع
تسليمن عسوله دوم مواضيعك غير تخلينا نفكر
ناصر العمادي
30-01-2009, 10:45 PM
طبعا هالمواقف دايما تمر علي من سنين طويله وكنت أعتبر الدكتور النفساني للمقربين مني ..

لما حد يتصل فيني ويكون متضايق حده أتم أسمعه وأخفف عنه وأقوله تعال عندي خلنا نجلس ونسولف وتقول كل اللي في قلبك ويجيني البيت ومايطلع الا وهو مرتاح ومستانس ..
عندي أستعداد أسمع مشاكله لين الصبح المهم يكون مرتاح وراضي ..

وأذا ماقدرت أحل مشكلته أتم صاحي طول الليل أفكر في حل للمشكله ..

الأنسان بطبعه لما يحس أنه عاجز يحب أن أنسان قريب منه يسمعه ويفضفض له ..
وهذا اللي يصير لما المريض النفسي يفضفض للدكتور النفساني ...هنا دور الدكتور الأستماع أكثر منأي شي ثاني .. ويكون الأستماع على جلسات لغاية مالمريض يحس أنه طلع كل اللي في قلبه ورتاح فيحس بتحسن كبير ويبدأ حياته من جديد ..

يعطيك الصحه والعافيه دكتوره على الموضوع النفسي

الله يوفقك ويسعدك ويبعد الهم والحزن عنك أن شاء الله

كل الشكر والتحيه والتقدير والأحترام لك
قطري مغترب
30-01-2009, 10:54 PM
انا لا حد يكلمني ولا اكلم حد وانا صراحه يسموني الغامض لا ن حتى لو اكون متضايق مااقول انشالله لاقرب اصدقائي مع انه موب زيين لكن انا هيك من زمان " هيك الله بدوو" واما حد من ربعي يكلموني يعرضون مشاكلهم اممممممممم يمكن بس صراحه مااتذكر انا مااتذكر شنو اكلت امس اتذكر سوالف قديمه صبري لين يمر علي هالموقف وبقولج خخخخخخخخخخخخخخخ

شكرا على الموضوع الشيق
pure
30-01-2009, 10:56 PM
موضووووع يكدر :(

والله اتضااايق لا جفت حد من ربعي متضاايق ولا اذا وحده صاااحت مادري ليش اصييح وياها

واتضاايق لا جفتهم متضايقين وماقدر اسوي شي

عن نفسي لو تضايقت ماحب اتكلم فيس تو فيس ولا تلفوون

احب اكلم ربعي عل المسنجر

بس مع هاي ازعل من نفسي لو فض فضت ليش مادري



والله يبعد الكدر والضيق عن الكل :weeping:
pure
30-01-2009, 10:57 PM
موقف ثاني مادري شفيهم ربعي علي :weeping:

قبل كم 9 سنوات تقريبا اخوي يناديني في البيت قلت له هلا ؟ قال رفيجك فلان عند الباب يبيك .. طلعت وحصلته عادته يبتسم اذا شافني .. لكن هالمره لا .. قلت بل اكيد زعلان علي .. قربت اسلم عليه خد .. ويحضني يصيح :weeping: :weeping: .. انصدمت والله :weeping:
خير شسالفة ؟ شسالفة ؟ قولي شفيك ؟ ويصيييح :weeping: ..قال ابوي واهلي مسوين حادث في السعودية ومادري شصار فيهم :weeping: (كنا اول ثانوي) .. مت من الحزن من الموقف :weeping: قلت له مافيهم الا الخير ان شاءالله وماتفارقنا ذاك اليوم لين نمنا :weeping:



مشكورة على الموضوع .. ذكرتيني بهالمواقف :weeping:

:(


وشصار في هله ان شاءالله انهم اوكيه ؟
ANONYMOUS
30-01-2009, 11:02 PM
زين لاتضحكون ولا تعصبون



انا لا اتصل لحد ولا احد يتصل لي..

حلوه يفضفض..




احس اني اشوف مسلسل .. ولا فلم..

انتوا من جدكم ولا تستعبطون..


هالكلام في قطر ولا وين


:d
مالي ومال الناس
31-01-2009, 04:05 AM
:(


وشصار في هله ان شاءالله انهم اوكيه ؟

ابشرك طيبين وبخير حالياً :nice:
WARNING
31-01-2009, 04:57 AM
انا عن نفسي
اذا حد اتصلي
:telephone:
وقالي انا متضايق
بقوله

:anger1:والله فاضي جاي تحكي لي همومك
و أنت تحسبني أنا من الهم فاضي

بعدين بسكر في ويها:tease: